Winter

ᖁᓕᓪᓗ ᐊᑕᐅᓯᕐᓗᐃᑦ ᐱᓇᓱᑦᑏᑦ ᐱᓇᓱᑦᑎᐅᖃᑦᑕᓯᒪᔪᐃᓪᓗ ᐱᔭᕇᕈᓯᕐᑕᐅᓂᕐᖁᑦ ᒪᑭᐊᓪ ᐃᓕᓐᓂᐊᕕᕐᔪᐊᖓᓂ ᓇᐅᓕᒫᓄᐊᖓᔪᓄᑦ ᐊᐅᓚᑦᓯᓂᓕᕆᓂᕐᒥ ᐊᐅᓚᑦᓯᓂᕐᒥᓗ ᐃᓕᑕᕆᔭᐅᒍᑎᑖᕐᓂᒧᑦ ᐃᓕᓐᓂᐊᓯᒪᓂᕐᒧᑦ

ᐃᓕᓴᕐᑕᕕᓂᖓ, ᐊᕐᕌᒍᕐᓂ ᐱᖓᓱᑐᕐᑐᕕᓂᖅ ᓇᑉᐸᒥᓪᓗ, ᑲᑎᒍᑕᐅᓚᐅᔪᕗᖅ ᖁᕕ ᐊᓲᑎᐅᑦᓱᓂ ᔫᓂ 3-ᒥ ᒪᑭ ᐊᓪ ᐃᓕᓴᕐᕕᖁᑎᖓᑦᑕ ᐃᓚᖓᓐᓂ ᒪᓐᑐᕆ ᐊᓪ ᐃᓪᓗᒐᓴᕐᔪᐊ ᖃᕐᕕᖓᓂ. ᓄᓇᓕᑐᙯᑦ ᐱᔭᕇᕈᓯᕐᑐᑦ ᖁᕕᐊ ᓲᑎᒋᔭᐅᒻᒥᑎᓪᓗᒋᑦ ᐃᓚᒥᓄᑦ, ᐃᓕᓭᔨᒥᓄᑦ, ᓄᓇᕐᖃᑎᒥᓄᑦ, ᐃᓕᓴᖃᑎᕕᓂᕐᒥᓄᓪᓗ ᐃᓄᐃᑦ ᐃᓕᕐᖁᓯᖓ ᐃᓚᐅᑎᑕᐅᑦᓯ ᐊᑎᓪᓗᒍ, ᐅᖄᔪᖃᖃᑦᑕᑎᓪᓗᒍᓗ, ᑲᑕᑦᔭᑎᓪᓗᒋᓪᓗ ᕖᐱ ᐊᑕᒍᑦᑖᓗᒃᑰᒃ ᐸᓂᒌᒃ.

“ᑕᒪᓐᓇ ᐃᓕᓴᕐᓂᒨᓕᖓᑐᐃᓐᓇᖏᑦᑐᖅ – ᐱᒍᓐᓇᓯᕙᓪᓕ ᐊᓂᕐᒨᓕᖓᔪᖅ, ᓯᕗᓕᕈᓐᓇᓂᕐᒨᓕᖓᔪᖅ ᐱᓇᓱᑦᑎᓴᕐᑖᐸᓪᓕ ᐊᓂᕐᒨᓕᖓᑦᓱᓂᓗ,” ᐅᖃᕐᑐᕕᓂᖅ ᔮᔨ ᐴᑎ, ᒪᑭᕝᕕᐅᑉ ᑮᓇᐅᔭᓕᕆᔨᒻᒪᕆᖓ. “ᑖᒃᑯ ᐊ ᐊᕐᓀᑦ ᐃᑦᔭᕋᑦᓴᓯ ᐊᒍᕗᑦ ᐃᓚᒥᓄᑦ, ᐃᓘᓐᓇᑎᓐᓄᓗ ᒪᑭᕝᕕᒥ, ᓄᓇᕕᒻᒧᓗ. ᐊᓯᖏᑦ ᑌᒣᖁᓇᕐᒥᔫᒐᓗ ᐊᑦ.”

ᐃᓕᓴᕐᑕᕕᓂᖓ ᖁᓕᓐᓂᒃ ᐃᓕᓴᕋᑦᓴᑕᓕᕕᓂᖅ ᐱᒋᐅᕐᓴᑎᑕᐅᖃᑦᑕᑎᓪᓗᒋᑦ ᐊᐅᓚᑦᓯᒍᓯᕐᓂᒃ, ᓯᕗᓕᕈᓐᓇᓂᕐᒥᒃ ᐊᐅᓚᑦᓯᓂᓕᕆᓂᕐᒥᓗ. ᓚᓕ ᑭ ᐊᑌᓐᓇᖅ, ᐊᐅᓚᓂᐅᒋ ᐊᓕᓐᓂᒃ ᐊᑕᐅᑦᓯᑰᕐᑎᓯᔨ ᒪᑭᕝᕕᒥ, ᐃᓕᓴᖃᑕᐅᓯᔪᕕᓂᐅᑦᓱᓂ ᑐᑭᓯᒍᑎᖃᕐᓂᕋᕐᓂᖁᖅ ᑕᒪᑐᒥᖓ ᐃᓕᓴᕐᑕᐅᔪᑦᓴᐅᔪᖁᑎᖃᕐᓱᓂ ᐱᓇᓱᑦᑎᓕᒫᓄᑦ.

“ᓱᓇᒥᒃ ᑕᒪᓐᓇ ᐱᕕᒋᓛᕐᒪᖔᒃᑯ ᓇᓗᓇᓚᐅᔪᒐᓗᐊ ᕐᑎᓗᒍ, ᐊ ᓕ ᐊᑦᑐᒪᕆᐅᕗᖓ ᐱᔭᕇᕐᓯᒪᒐᒃᑯ. ᐃᓕᑦᓯᓚᐅᔪᒐᒪ ᐃᑲᔪᕐᓯᓚᕆᑦᑐᓂᒃ ᐱᓇᓱᖃᑎᒌᑦᓯ ᐊᕈᑎᑦᓴᓂᒃ ᐱᓇᓱᑦᓯ ᐊᕈᓐᓇᐅᑎᑦᓴᓂᓪᓗ.”

ᑭ ᐊᑌᓐᓇᖅ ᐃᓕᓴᕆ ᐊᖃᑦᑕᓱᓂᓗ ᐱᕈᕐᓭᓱᓂᓗ ᐱᖓᓱ ᐊᐱᓐᓂᒃ ᕿᑐᕐᖓᒥᓂᒃ ᐊᓇᕐᕋᐅᑎᒐᕐᒥᓂᓪᓗ ᐃᓕᓴᓯᖃᑦᑕᓱᓃᒋ ᐊᖃᓚᐅᔪᕗᖅ ᐅᓐᓄ ᐊᓯᐅᓯᖃᑦᑕᓱᓂ.

“ ᐊᑐ ᐊᕐᓯᒐᓱ ᐊᓯᕙᑦᓱᖓ ᐊᓪᓚᕋᓱ ᐊᓯᕙᑦᓱᖓᓗ ᐱᖓᓱᓂᒃ ᒥᑭᔪᖃᕐᓱᖓ…ᑌᒫᒍᖕᖏᒪᑦ ! ᓯᓂᓯᒻᒪᑕ ᑭᓯ ᐊᓂ ᐃᓕᓴᐅᑎᓕᕆᒍᓐᓇᓯᖃᑦᑕᓚᐅᔪᕗᖓ,” ᐅᖃᕐᑐᕕᓂᖅ ᓚᓕ. “ᑭᓯ ᐊᓂ ᖃᐅᔨᒪᖁᓚᐅᔪᕙᒃᑲ ᐊᔪᕐᓇᑐᖃᖕᖏᒪᑦ.”

ᐱᔭᕇᕈᓯᕐᑕᐅᒋ ᐊᕐᑐᓱᓂ, ᐱᔭᕇᕐᓂᒥᓂᒃ ᐅᐱᒍᓱᓐᓂᔪ ᐊᖃᕐᓂᖁᖅ. “ ᐊᓕ ᐊᓇᕐᑐᔪ ᐊᕌᓗᒃ – ᓲᕐᓗ ᐱᓇᓱᒐᕐᑖᕆ ᐊᓪᓚᑑᔮᕐᓇᑐᖅ.”

ᕕᑦᑑᕆ ᐊ ᐅᒃᐱᒃ, ᒪᑭᕝᕕᐅᑉ ᐃᕐᖃᑐᐃᓂᓕᕆᓂᕐᒧᑦ ᐊᓪᓚᕕᖓᓂ ᐱᓇᓱᑦᑎ, ᐊᑦᔨᐅᖏᓐᓂᓴᒻᒪᕆᓐᓂᒃ ᐱᒐᓱ ᐊᒻᒪᕆᓐᓇᑐᑰᕈᑎᖃᖃᑦᑕᓂᕐᖁᖅ. ᐃᓕᓴᕐᓂᖓᑕ ᕿᑎᖓᓃᓪᓗᐊ ᓕᕐᓱᓂ, ᖃᐅᔨᔭᐅᔪᕕᓂᖅ ᑲᒡᒍᑎᖃᕆᐊ ᖓ ᐃᓕᓴᖕᖏᑑᑫᓐᓇᕆ-ᐊᖃᓯᑦᓱᓂ ᐊᕐᕌᒍᓕᒫᒥ ᒪᒥᓴᕐᑕᐅᖃᑦᑕᕆ ᐊᖃᕐᓂᕋᒥ.

“ᐃᓕᓴᖕᖏᑑᑫᓐᓇᕆ ᐊᖃᕐᓯᒪᔪᖓ, ᐅᑎᕐᒥᓱᖓ ᐃᓕᓴᕆ ᐊᓕᕕᓂᒃᑲ ᐊᖑᒻᒪᑎᒋ ᐊᖃᓯᑦᓱᑎᑦ,” ᐅᖃᕐᑐᕕᓂᖅ ᕕᑭ. “ᐱᔭᕇᕋᒪ ᐅᕿᓪᓕᓯ ᐊᕐᓯᒪᔪᖓ ᓱᓇᓕᒫᑎᒎᖃᑦᑕᑐᕕᓂᐅᑦᓱᖓ.”

ᐅᒃᐱᒃ ᖁᕕ ᐊᓲᑎᓕᓐᓂᒃ ᐱᔭᕇᕈᓯᕐᑐᓂᒃ ᐃᑲᔪᕐᓯᒪᖃᑕᐅᓐᓂᕆᕗᖅ ᐃᓄᓐᓂᒃ ᐃᓕᑕᕐᓇᐅᑎᖃᕐᑎᓯᑦᓱᓂ. ᑕᑯᓯᒪᓐᓂᕋᒥ ᓄᓇᓕᑐᙯᑦ ᒪᑭ ᐊᓪᒥᑦ ᐱᔭᕇᕈᓯᕐᑕᐅᔪᑦ ᓴᕝᕕᒥᐅᑕᖃᕐᑎᑕᐅᑎᓪᓗᒋᑦ ᓇᓗᓀᒃᑯᑕᕐᑕᓕᓐᓂᒃ ᓱᓗᖕᖑ ᐊᓂᒃ ᐆᒪᔪᖕᖑ-ᐊᓂᓪᓗ (turtles) ᑕᒪᒃᑯ ᐊ ᐱᓪᓚᕆᖁᑎᒋᔭᐅᒻᒪᑕ ᐊᓯᖏᓐᓄᑦ ᓄᓇᓕᑐᙯᑦ ᐃᓕᕐᖁᓯᖏᓐᓄᑦ, ᐃᓄᓐᓅᖏᑦᑐᓕ, ᑕᒐ ᐊᓯᑦᔨᑕᐅᖁᔨᓐᓂᖁᖅ.

“ᐃᓅᑦᓱᑕ ᐃᓕᑕᕐᓇᕈᑎᑦᑎᓂᒃ ᐱᒍᒪᒐᑦᑕ,” ᐅᖃᕐᑐᕕᓂᖅ ᕕᑭ. “ᓇᓪᓕᑳᓚᐅᔪᕗᒍᑦ ᐃᓄᒃᓱᖑ ᐊᒥᒃ, ᑖᓐᓇ ᓇᓗᓀᒃᑯᑕᐅᒻᒪᑦ ᑕᓯᐅᕐᑕᐅᓯ ᐊᕐᓂᒥᒃ ᓇᓗᓀᒃᑯᑕᐅᑦᓱᓂᓗ ᐊᖑᑎᓄᑦ ᐊᕐᓇᓄᓪᓗ ᐃᓄᐃᑦ ᐃᓕᕐᖁᓯᖓᑎᒍᑦ. ᑕᓕᖃᖕᖏᑐᒥᒃ ᓇᓗᓀᒃᑯᑕᓕᐅᖁᔨᓚᐅᔪᔪᖓ, ᑕᒪᓐᓇᓗ ᐃᓘᓐᓀᓄᑦ ᓈᒻᒪᒋᔭᐅᓚᐅᔪᑦᓱᓂ. ᑌᓐᓇ ᓱᓗᖕᖑ ᐊᖅ ᐲᑦᔭᓇᒍ, ᐅᐱᒍᓱᒍᒪᑦᓱᑕ ᐊᓪᓓᑦ Anishinabe ᓄᓇᖓᓂᒃ ᒪᑭ ᐊᓪ ᑌᒃᑯ ᐊ ᓄᓇᖓᓐᓃᒪᑦ.

ᐃᓕᑕᕆᔭᐅᒍᑎᑖᕋᓱ ᐊᕈᑎ ᑐᑭᒧ ᐊᑦᑎᑕᐅᓯᒋ ᐊᕐᑐᕕᓂᖅ ᐃᑲᔪᕐᓯᑎᓪᓗᒍ ᒪᑭᕝᕕᐅᑉ ᑐᑭᒧ ᐊᑦᑎᓯᔨᖓ ᐱᓇᓱᑦᑐᓕᕆᕕᒻᒥ, ᒣᒃ ᐃᐅᕆᐅ. ᑌᒪᖕᖓᓂ-ᐊᓗᑦ ᐱᒋᐅᕐᓴᑎᑦᓯᓂᖅ ᒪᑭᕝᕕᒧᑦ ᐃᓱᒪᒋᔭᐅᕙᓪᓗᖃᑦᑕᓯᒪᑎᓪᓗᒍ, ᐃᐅᕆᐅ ᐅᑉᐱᕆᔭᖃᕐᐳᖅ ᐃᓕᓴᕐᕕᒥ ᐃᓕᓴᕐᓂᐅᑉ ᓯᕗᓂᑦᓴᓕᐅᕈᑎᑦᓯ ᐊᒍᓂᖓᓂᒃ.

“ᑲᑎᒪᓂ ᐊᕈᓯᖃᕐᑎᓯᓃᑦ ᐱᐅᔪᓪᓚᕆ ᐊᓘᓲᑦ, ᒪᑭ ᐊᓪᑎᒍ ᐊᓪᓛᑦ ᐃᓕᑕᕆᔭ ᐅᒍᑎᑖᖃᑦᑕᑐᖃᓕᕐᖃ ? ᑕᒪᓐᓇ ᐱᕙᓪᓕᖁᑎᓪᓚᕆᐅᓚᖓᔪᖅ,” ᐅᖃᕐᑐᕕᓂᖅ ᐃᐅᕆᐅ. “ᐃᓄᐃᑦ ᐱᕕᑦᓴᑖᓚᖓᔪᑦ ᖁᕝᕙᐸᓪᓕ ᐊᓂᕐᒧᑦ – ᑲᒪᒋᔭᑦᓴᑖᕐᓂᓴᐅᖃᑦᑕᓗᑎᒃ, ᑮᓇᐅᑦᔭᓴᕐᓂᓴᐅᓗᑎᒃ, ᑕᑯᓐᓇᑕᐅᓂᖃᕐᓗᑎᒃ ᓯᕗᓕᕈᓐᓇᓂᖏᑦ.”

ᐃᐅᕆᐅ ᒪᑭᕝᕕᒧᑦ ᐃᓕᒋ ᐊᖕᖓᑎᓪᓗᒍ 1992-ᒥ, ᐃᓄᓐᓂᒃ ᑕᑯᑦᓴᐅᔪᖃᓪᓗ-ᐊᓯᒪᖕᖏᑐᖅ ᐊᐅᓚᑦᓯᔨᐅᓂᕐᒦᑐᓂᒃ.

“ᑌᑦᓱᒪᓂ, ᐊᐅᓚᑦᓯᔨᐅᓂᕐᒦᑐᑦ ᐱᓇᓱᑦᑏᑦ ᖃᓪᓗᓈᕙᓪᓘᓯᒪᔪᑦ. ᑕᒪᓐᓇ ᐊᓯᑦᔨᒍᒪᔭᕗᑦ. ᑕᒪᓐᓇᓗ ᑌᑯᖓ ᑐᕌᕈᑎᒋᕙᓪᓕ ᐊᓯᑦᓱᒍ. ᓱᕐᕃᓯᒪᓂᖓ ᐃᑉᐱᓇᓕᕇᕐᑐᖅ. 22 ᐃᓄᐃᑦ ᐱᓇᓱᑦᑏᑦ ᐃᓕᓴᕐᓂᐅᓛᕐᑐᒧᑦ ᐊᑎᕐᒥᓂᒃ ᐊᓪᓚᑕᐅᑎᑦᓯᓯᒪᓕᕐᑐᑦ 30%ᖓᓂᓪᓗ ᐃᓕᓴᕇᕐᓯᒪᓕᕐᓱᑎᒃ.

“ᐱᕙᓪᓕᑐᑎᑦ-ᐱᕙᓪᓕᑐᒍᑦ ᐃᒣᓕᖓᔪᒍᑦ. ᓇᓪᓕ ᐊ ᐱᓇᓱᑦᑎᐅᒍᓐᓀᓂᕐᐸᑦ ᒪᑭᕝᕕᒧᑦ, ᐱᒍᓐᓇᓯᕙᓪᓕ ᐊᒍᑎᑦᓴᖏᓐᓂᒃ ᐃᑲᔪᕐᓯᔭᕗᑦ – ᑕᒪᓐᓇᓗ ᐅᐱᓐᓇᑑᑦᓱᓂ,” ᐅᖃᕐᑐᕕᓂᖅ ᐃᐅᕆᐅ.

“ᑕᑯᒍᒥᓇᕐᑐᖅ ᐅᓪᓗᐃᑦ ᓇᓪᓕ ᐊᓂ ᐅᓄᕐᓂᓴᓂᒃ ᐊᐅᓚᑦᓯᔨᐅᓂᕐᒦᑐᓂᒃ ᐱᓇᓱᑦᑎᖃᕐᓗᑕ ᐃᓄᓐᓂᒃ. ᑕᒪᓐᓇᑕᒐ ᑐᕌᒐᕗᑦ. ᐱᒋ ᐊᕐᕕᓕᐅᑎᑐᐃᓐᓇᖅ ᑕᒪᓐᓇ.”

ᐱᔭᕇᕈᓯᕐᑐᕕᓃᑦ ᒪᑭᐊᓪᑎᒍᑦ ᓇᐅᓕᒫᓄᐊᖓᔪᓄᑦ ᐊᐅᓚᑦᓯᓂᓕᕆᓂᕐᒥ ᐊᐅᓚᑦᓯᓂᕐᒥᓗ ᐃᓕᑕᕆᔭᐅᒍᑎᑖᕐᓂᒧᑦ ᐃᓕᓐᓂᐊᒐᑎᒍᑦ:

ᕖᐱ ᐊᑕᒍᑦᑖᓗᒃ
ᓕᓕ ᐊᓐ ᐃᒪᕐᓚᖅ
ᓚᓕ ᑭ ᐊᑌᓐᓇᖅ
ᓇᕙᕋᓇ ᑲᓓᔅᑦ
ᓕᓐ ᒧ ᐊᖃᐅᔅ
ᑖᒥ ᓅᓚᓐ
ᕖᐱ ᐊᑕᒍᑦᑖᓗᒃ
ᓈᓇᓯ ᒍᐃᑦ
ᑖᓂ ᐊᓪᓚ ᐅᒃᐱᒃ
ᔨ ᐊᓂᕗ ᒫᑦᓯᑦ
ᓚᐃᓇ ᑯᔩ