ᖃᓄᐃᑦᑑᓂᖓ
ᑲᐅᑕᖅ ᓴᓇᔩᑦ 100%-ᒥᒃ ᓇᒻᒥᓂᕆᔭᐅᔪᖅ ᒪᑭᕝᕕᒧᑦ. ᐱᖕᖑᑎᑕᐅᓯᒪᔪᖅ 2011-ᖑᑎᓪᓗᒍ ᓄᓇᕕᒻᒥ ᐃᓪᓗᓕᐅᕐᓂᒥᒃ, ᐱᓇᓱᕝᕕᐅᓂᐊᕐᑐᓂᒃ ᐃᓄᓕᒫᓅᓕᖓᔪᓂᓪᓗ ᓴᓇᔨᐅᓲᖅ.
ᑲᐅᑕᖅ ᐱᓇᓱᐊᓲᖅ ᐃᓪᓗᐃᑦ ᓴᓇᒻᒪᓴᖏᓐᓂᒃ ᓴᓇᔭᐅᓂᖏᓐᓂᓗ ᓄᓇᕕᒻᒥ. ᓄᓇᓕᓐᓂ ᐱᓇᓱᐊᕐᑕᐅᔪᑦ ᑖᑦᓱᒪ ᑐᖕᖓᕕᒋᓪᓚᕆᑦᑕᖏᑦ ᐱᓇᓱᐊᕐᑎᓚᕆᐅᓲᖑᒐᒥ ᓱᓇᒐᓚᖃᐅᑎᓂᒃ ᒥᕐᓱᕕᓐᓂᓗ ᓴᓇᔨᐅᑦᓱᓂ.
ᐃᓄᓕᒫᓅᓕᖓᔪᓂᒃ ᐱᒍᑦᔨᒍᑎᖏᑦ
-
ᓴᓇᓂᖅ ᐃᓄᐃᑦ ᐃᓪᓗᓴᖏᓐᓂᒃ, ᐃᓚᐅᑎᓪᓗᒍ ᓄᓇᑕᖓᑕ ᐱᓇᓱᐊᕐᑕᐅᓂᖓ, ᐃᓂᑦᓴᓕᐅᕐᑕᐅᓂᖓ, ᑯᕕᕕᓕᐅᕐᑕᐅᓂᖓ ᓄᓇᓕᓕᒫᓂ ᓄᓇᕕᒻᒥ ᐱᓇᓱᐊᓲᖏᑦ.
-
ᐱᓇᓱᐊᕐᕕᐅᓂᐊᕐᑐᓂᒃ ᓄᓇᕕᒻᒥ ᓴᓇᖃᑦᑕᓲᖑᒻᒥᔪᖅ ᖃᖓᑦᑕᔫᓕᕆᓂᕐᒥ, ᐊᒥᓱᓄᑦ ᐊᑐᕐᑕᐅᒍᓐᓇᑐᓂᒃ ᐃᓪᓗᖁᑎᓂᒃ, ᑐᑦᓯᐊᕕᓕᐅᖃᑎᐅᖃᑦᑕᓲᖑᒻᒥᓱᑎᓪᓗ.
-
ᐅᔭᕋᓐᓂᓗ ᓯᖃᓪᓕᑎᕆᓂᕐᒥᒃ ᑲᒪᒋᔭᖃᕐᓱᓂ (ᐊᕐᖁᓯᐅᕐᓂᖅ, ᐅᕐᓱᐊᓗᖃᐅᑏᑦ, ᐊᓂᕐᕋᓭᑦ ᐱᓇᓱᐊᕐᕕᓭᓪᓗ).
-
ᐄᒐᕐᕕᓕᐅᕐᓂᖅ, ᓂᐅᕃᕕᓕᐅᕐᓂᖅ ᐆᒥᕆᕖᓪᓗ.
ᐊᓂᕐᕋᐅᓂᐊᕐᑐᓂᒃ ᐃᓪᓗᓕᐅᕈᑎᖏᑦ
-
ᐊᓂᕐᕋᐅᓂᐊᕐᑐᓂᒃ ᐃᓪᓗᓕᐅᕐᓂᖅ
-
ᓯᑕᒪᓂᒃ ᐃᓪᓗᓕᐅᕈᓯᖃᓲᑦ ᒪᕐᕉᓂᒃ ᖃᕆᐊᓕᓐᓂᒃ ᑕᓪᓕᒪᓂᒃ ᖃᕆᐊᓕᓐᓄᑦ
-
ᓄᓇᕕᒻᒥ ᓇᒻᒥᓂᖅ ᐃᓪᓗᓕᑖᕋᓱᐊᕐᑐᓂᒃ ᐊᓪᓚᖁᑎᓕᕆᒋᐊᖃᑐᐊᕐᒪᑕ ᐃᑲᔪᕐᑎᐅᓲᖏᒻᒥᔪᒻ
-
ᐃᓪᓗᓕᐅᕐᑎᐅᔪᖅ ᐊᓂᕐᕋᐅᓂᐊᕐᑐᓂᒃ
ᑲᐅᑕᖅ ᓴᓇᔩᑦ ᐱᒍᓐᓇᓂᕐᑖᓯᐊᕐᓯᒪᔪᑦ ᒪᑭᕝᕕᒧᑦ ᓴᓇᔨᒋᔭᐅᑦᓱᑎᒃ 700 ᐅᖓᑖᓄᑦ ᐃᓄᐃᑦ ᐃᓪᓗᓴᖏᓐᓂᒃ ᓴᓇᓯᒪᓕᕐᑐᖅ ᓄᓇᕕᒻᒥ. ᓴᓇᔭᒥᓂᒃ ᐱᑦᓯᐊᕋᓱᐊᕐᓱᑎᒃ, ᓴᓇᓐᓇᐅᓗ ᐅᓪᓗᖁᑎᖏᓐᓂᒃ ᒪᓕᑦᓯᐊᕋᓱᐊᕐᓱᑎᒃ ᐱᑦᔪᔨᔭᒥᓂᓪᓗ ᖃᐅᔨᒪᖃᑎᖃᑦᓯᐊᖏᓐᓇᓂᖅ ᓴᓇᓂᕐᒥ ᐱᑦᓯᐊᕈᑎᐅᓲᖑᕗᖅ ᐱᓇᓱᐊᕐᓂᑎᓐᓂ.
ᐊᒥᓱᑦ ᐱᓇᓱᐊᕐᐸᑕᕗᑦ ᑐᑭᓯᒪᓂᕐᑕᕈᑎᒋᓯᒪᔭᕗᑦ ᐃᓪᓗᐃᑦ ᖃᓄᐃᑦᑑᓂᖏᓐᓂᒃ ᓄᓇᕕᕕᒻᒥ ᐱᕙᓪᓕᑎᑦᓯᒋᐊᕋᓱᐊᖏᓐᓇᓕᒫᕐᓱᑕᓗ ᓯᓚ, ᐃᓄᐃᑦ ᒪᑭᑉᐸᓕᐊᒐᓱᐊᕐᓂᓗ ᓄᓇᕕᒻᒥ ᖃᐅᔨᒪᒐᓱᐊᕐᓱᒋᑦ ᑌᒪᖕᖓᑦ.
ᑲᐅᑕᖅ ᓴᓇᔩᑦ ᑫᓪᓚᑐᐃᒍᑎᖃᓲᑦ ᓄᓇᓕᓐᓂ ᓄᓇᓕᓕᒫᑎᒍᓪᓗ ᒪᑭᑉᐸᓕᒐᓱᐊᕈᑎᖃᕐᓂᒥᒃ ᐱᓇᓱᐊᕐᑕᐅᔪᓕᒫᓂ ᐃᓚᐅᕕᐅᖁᔨᑦᓱᑎᒃ.