ᑐᑭᖓ: ᑲᖏᕐᓱᖅ
ᐃᓄᑦᑕᖏᑦ: 466
ᑲᖏᕐᓱᖅ ᑐᑭᖃᕐᓱᓂ < ᐃᓂᖃᕐᑐᖅ ᑲᖏᕐᓲᑉ ᑰᖓᑕ ᓯᑦᔭᖓᓂ ᑕᕐᕋᖓᓃᓐᓂᓴᕐᒥ 13-ᓃᒃ ᑭᓚᒦᑕᓂᒃ ᐅᖓᓯᓐᓂᖃᕐᑐᒥᒃ ᓄᓇᒦᓐᓂᖃᕐᓱᓂ ᐅᖓᕙᒥᑦ. ᑖᓐᓇ ᓄᓇᓕᐅᔪᖅ ᑐᙵᕕᖃᕐᑐᖅ ᐅᔭᕌᑉ ᖃᖅᑲᐅᑉ ᐊᑯᓐᓂᖏᓐᓃᓱᓂ. ᖁᐊᕐᑕᐅᑉ ᓯᕿᓂᖓᓃᑦᑐᖅ 118-ᓂᒃ ᑭᓚᒦᑕᓂᒃ ᐅᖓᓯᓐᓂᖃᕐᓱᓂ 230-ᓂᒃ ᑭᓚᒦᑕᓂᒃ ᐅᖓᓯᓐᓂᖃᕐᓱᓂ ᑰᑦᔪᐊᑉ ᑕᕐᕋᖓᓂ. ᑕᒫᓂ ᓄᓇᖓᓂ ᐊᒥᓱᓂᒃ ᑕᓯᖃᕋᒥ ᖃᐅᔨᒪᔭᐅᒍᑎᖃᑦᓯᐊᑐᑦ ᐃᖃᓗᑉᐱᑕᖃᕆᐊᖏᓪᓗ ᐃᓯᐅᕋᓕᑦᑖᑕᖃᕆᐊᖏᓪᓗ. ᑲᖏᕐᓲᑉ ᑰᖓᑕ ᐃᖏᕐᕋᓂᖅ ᓲᖑᔪᒻᒪᕆᐅᓲᖑᒐᒥ ᐅᕕᓗᕐᑕᕕᐅᒻᒪᕆᒍᓐᓇᓲᖑᒻᒥᔪᖅ. ᑲᖏᕐᓲᑉ ᐊᕙᓗᖓᓂ ᐆᒪᔪᐃᑦ ᐱᕈᕐᑐᔦᓪᓗ ᐱᑕᖃᑦᓯᐊᒪᕆᓲᖑᒻᒥᔪᑦ. ᖃᓀᑦ ᕿᑭᕐᑕᖏᓐᓂ ᑕᓯᕐᔪᐊᕈᓯᕐᒥᓗ ᑲᖏᕐᓲᑉ ᖃᕙᙵᓂᖓᓃᑦᑐᓂᒃ ᒥᑎᕐᓂᒃ ᐊᕐᕌᒍᑕᒫᑦ ᐅᓪᓗᓕᐅᕐᕕᖃᓲᑦ ᐊᒻᒪᓗ ᐃᓄᐃᑦ ᐊᕐᓀᑦ ᖁᓂᒍᕐᑕᓲᖑᑦᓱᑎᒃ ᐊᑎᒋᓕᐅᕈᑎᑦᓴᒥᓂᒃ ᓴᐳᑦᔨᓯᒪᒍᑎᐅᓲᒥᒃ ᑲᖏᕐᓱᒥᐅᓂᒃ ᐅᑭᐅᒃᑯᑦ ᐃᑦᔨᓕᕐᑐᒪᕆᐅᓕᑐᐊᕐᒪᑦ.
ᑲᖏᕐᓱᖅ, ᑌᒪᑦᓭᓇᖅ ᐊᓯᖏᑎᑐᑦ ᑯᐯᒃ ᑕᕐᕋᖓᓂ ᐃᓄᐃᑦ ᓄᓇᓕᖏᑎᑐᑦ, ᐱᕙᓪᓕᐊᒍᑎᖃᕐᓯᒪᒻᒥᔪᖅ ᓂᐅᕕᕐᓂᐊᕕᓐᓂᒃ. ᐅᐃᒍᐃᒃᑯᑦ Rᖀᑲᓂᓗᓗᓕᓴ Fᑭᕂᑭᕿᐅ-ᑯᑦ ᓂᐅᕕᕐᓂᐊᕕᓕᐅᕐᑐᕕᓃᑦ 1921-ᒥ ᐊᒻᒪᓗ ᓯᑕᒣᑦ ᐅᑭᐅᑦ ᓈᑐᐊᕐᒪᑕ ᖃᑦᓴᓐᐯᒃᑯᑦ ᓄᐃᑦᓯᓕᕐᓂᒥᔪᑦ. ᑖᒃᑯᐊ ᑕᒪᖏᒃ ᓂᐅᕕᕐᓂᐊᕕᐅᔫᒃ ᐊᐅᓚᑕᐅᖃᑦᑕᓂᕐᒥᔪᑦ ᐃᓄᓐᓄᑦ. ᑲᕙᒪᑐᖃᒃᑯᑦ ᐃᓕᓐᓂᐊᕕᓕᐅᓕᕐᓂᒥᔪᑦ 1959-ᒥ.
ᑭᖑᓂᐊᒍᑦ, ᐃᓄᐃᑦ ᑕᒫᓂ ᓄᓇᒦᑦᑐᑦ ᐃᓂᓪᓚᐸᓪᓕᐊᓚᕆᓕᕐᑐᕕᓃᑦ ᓄᓇᓕᓐᓄᑦ. 1961-ᒥ ᑲᕙᒪᑐᖃᒃᑯᑦ ᐱᒋᐊᕐᑎᓯᔪᕕᓃᑦ ᐊᓐᓂᐊᓂᓕᕆᓂᕐᒥᒃ ᐃᓪᓗᓕᕆᓂᕐᒥᓗ ᐃᓄᓕᕆᓂᕐᒥᓗ ᑲᖏᕐᓱᒥ ᐊᒻᒪᓗ 1960-ᓕᒫᑦ ᐊᕐᕌᒍᖏᓐᓂ ᓄᓇᓖᑦ ᐱᕈᕐᐸᓕᐊᔪᒻᒪᕆᐅᓕᓚᐅᔪᑦ. 1981-ᒥ ᑲᖏᕐᓱᖅ ᓄᓇᓕᙳᑎᑕᐅᓚᐅᔪᖅ ᒥᓂᓯᐹᓕᑎᐅᓕᕐᓱᓂ.
ᑕᑯᒥᓇᕐᑐᖁᑎᖏᑦ
- ᑲᖏᕐᓲᑉ ᑰᖓᓂ ᖃᐅᔨᒪᔭᐅᒍᑎᖃᕐᑐᖅ ᐃᓕᓪᓗᐊᑕᓲᖑᒋᐊᖓᓂᒃ ᐅᕕᓗᕐᑕᕕᑦᓯᐊᖑᒋᐊᖓᓂᓪᓗ
- ᖃᓂᑦᑐᐃᑦ ᑕᓰᑦ ᐃᖃᓗᑉᐱᑕᖃᕐᓱᑎᓪᓗ ᐃᓯᐅᕋᓕᑦᑖᖃᕐᓱᑎᓪᓗ.
- ᐆᒪᔪᓂᒃ ᑕᑯᓐᓇᔭᕐᕕᐅᒍᓐᓇᑐᖅ ᕿᓚᓗᒐᕐᓂᒃ, ᐳᐃᔨᓂᒃ, ᑐᑦᑐᓂᒃ ᐊᒥᓱᓂᓪᓗ ᐊᑦᔨᒌᖏᑐᓂᒃ ᑎᒻᒥᐊᓂᒃ.
- ᑐᓂᕐᑕᑕᓕᖏᑦ ᐅᖓᓯᑦᑐᒦᖏᑐᑦ ᓄᓇᓕᓐᓂᑦ ᐸᒥᐅᖅ ᕿᑭᕐᑕᖓᓂ ᐅᔭᕋᕐᓂᒃ ᐊᕙᓗᖃᕐᓱᓂ ᐃᓪᓗᑯᑖᕕᓂᖅ ᑕᕆᐅᑉ ᐊᑭᐊᓂᒥᐅᓄᑦ ᕿᒻᒪᑯᕕᓂᐅᒍᓇᐅᔪᖅ ᑲᑎᕝᕕᐅᖃᑦᑕᓚᐅᕐᑐᕕᓂᐅᑦᓱᓂ 1000-ᒦᑦᑐᐃᑦ ᐊᕐᕌᒍᐃᑦ ᐊᑐᕐᑎᓗᒋᑦ.