ᑌᒪᓕ ᓄᓇᕕᒃ ᐅᕕᒃᑲᓕᐹᓗᒻᒪᑦ ᓱᑲᑦᑐᒥᓪᓗ ᐊᒥᓱᖕᖑᐸᓪᓕᐊᓱᑎᒃ ᐃᓄᐃᑦ, ᐱᑕᖃᕐᑎᓯᒋᐊᖃᕐᓂᖅ ᓈᒻᒪᓯᐊᕐᑐᓂᒃ ᐃᒡᓗᓂᒃ ᒪᑭᕝᕕᒧᓪᓗ ᑲᑎᕕᒃ ᓄᓇᓕᓕᒫᑦ ᑲᕙᒪᒃᑯᓄᓪᓗ ᐊᒻᒪᓗ ᑲᑎᕕᒃ ᓄᓇᓕᓐᓂ ᐃᒡᓗᓕᕆᔨᕐᔪᐊᑯᓐᓄᑦ ᑕᒪᓐᓇ ᐃᒡᓗᓴᖃᕐᑎᓯᑦᓯᐊᓂᑦᓴᖅ ᓯᕗᓪᓕᐅᔭᐅᒋᐊᖃᖏᓐᓈᐳᖅ ᑕᒪᖏᓐᓄᓗ ᑲᕙᒫᓐᓄᑦ ᑲᕙᒪᑐᖃᒃᑯᓄᓪᓗ ᑯᐯᒃᑯᓗ ᑲᕙᒪᖓᓐᓄᑦ ᑌᒣᑕᐅᒻᒥᓗᑎᒃ.
ᒪᑭᕝᕕᐅᑉ ᓴᓇᓂᕐᓄᑦ ᐱᑦᔪᔨᕕᖓ ᓴᓇᕙᑦᑐᖅ ᐃᓄᐃᑦ ᐃᒡᓗᓴᖏᓐᓂᒃ ᐱᒍᓐᓇᑎᑕᐅᑦᓱᓂ ᐊᕐᕌᒍᐃᑦ-ᐊᒥᓱᐃᑦ ᓈᑎᓪᓗᒋᑦ ᑮᓇᐅᔭᖃᕐᑎᑕᐅᒍᑎᑦᓴᓂᒃ ᐊᖏᖃᑎᒌᒍᑎᒋᓯᒪᔭᒥᓄᑦ ᒪᑭᕝᕕᐅᑉ ᑲᕙᒪᓂᒃ ᐊᖏᖃᑎᒌᖃᑎᖃᕋᓱᑦᓱᓂ ᐱᖃᑦᑕᓯᒪᔭᖏᓐᓄᑦ. ᓲᕐᓗ ᑕᒐᑕᒐᐅᔪᖅ ᐊᑑᑎᓕᕋᑦᑕ ᓯᑕᒻᒥᐅᑎᖓᓂᒃ ᐊᖏᖃᑎᒌᒍᑎᐅᓯᒪᔪᑦ ᐊᖏᖃᑎᒋᑦᓱᒋᑦ ᑲᕙᒪᑐᖃᒃᑯᓗ ᑯᐯᒃᑯᓗ ᑲᕙᒪᖓᑦ ᐊᖏᖃᑎᒌᒍᑎᒋᑦᓱᒋᑦ ᐃᓄᐃᑦ ᐃᒡᓗᓴᖏᓐᓂᒃ ᓴᓇᓂᐅᒐᔭᕐᑐᑦ ᓄᓇᓕᓐᓂ 14-ᓂ ᐱᒐᓱᒍᑎᒋᓗᒋᑦ ᐃᒡᓗᐃᓂᐊᕐᓂᒥᒃ ᐃᑯᓪᓚᐅᒥᑎᑦᓯᒋᐊᕐᓂᓂᒃ ᓄᓇᕕᓕᒫᒥ.
- ᑕᒐᑕᒐ ᐊᕐᕌᒍᓄᑦ-ᑕᓪᓕᒪᓄᑦ ᐃᓕᖓᔪᑦ ᐊᖏᖃᑎᒌᒍᑎᖏᑦ ᑲᕙᒪᑐᖃᒃᑯᓗ, ᑯᐯᒃ ᑲᕙᒪᒃᑯᓗ, ᑲᑎᕕᒃ ᓄᓇᓕᓐᓂ ᐃᒡᓗᓕᕆᔨᕐᔪᐊᑯᓪᓗ, ᑲᑎᕕᒃ ᓄᓇᓕᓕᒫᑦ ᑲᕙᒪᒃᑯᓗ ᐊᒻᒪᓗ ᒪᑭᕝᕕᑯᑦ ᐊᑎᓕᐅᖃᑎᒌᒍᑕᐅᓕᓚᐅᔪᒋᕗᖅ 2017-ᖑᑎᓪᓗᒍ ᐱᑕᖃᕐᑎᓯᒍᑎᐅᓚᖓᑦᓱᑎᒃ ᑮᓇᐅᔭᓂᒃ ᐅᓄᕐᓂᓕᓐᓂᒃ $125-ᒥᓕᐋᓐᓂᒃ ᐊᕐᕌᒍᑦ-ᑕᓪᓕᒪᑦ ᐊᓂᒍᕐᐸᓕᐊᑎᓪᓗᒋᑦ.
ᓴᓇᓂᕐᓄᑦ ᐱᑦᔪᔨᕕᒃ ᐱᔭᑦᓴᖁᑎᖃᕐᑐᖅ ᑲᔪᓯᑎᑦᓯᓂᕐᒥᒃ ᓄᓇᕕᒻᒥ ᐃᒡᓗᖃᕐᑎᓯᓂᕐᓄᑦ ᐱᓇᓱᒍᑎᑦᓴᓕᐊᖑᒪᔪᓂᒃ ᓯᕗᓂᖃᑎᑕᖏᓐᓂᓗ ᓯᕗᓪᓕᐸᐅᕗᖅ ᓱᕐᖁᐃᑐᒥᒃ ᐱᑦᓯᐊᓯᒪᔪᓂᒃ ᐱᐅᔪᔭᓂᒃ ᓴᓇᒍᑦᔨᒍᑎᖃᕐᓂᒥᒃ ᐱᓇᓱᑦᑕᐅᓚᖓᔪᓂᒃ ᐃᓄᑐᐃᓐᓀᑦ ᓄᓇᕕᒻᒥᐅᑦ ᐱᓇᓱᒐᖃᕐᑎᑕᐅᑦᓯᐊᕕᒋᓂᐊᕐᑕᖏᓐᓂᒃ; ᐱᒋᐅᕐᓴᑎᑦᓯᓂᕐᑕᖃᕐᓗᓂ, ᐱᔭᕆᐊᖃᓕᕈᓂ ᐊᒻᒪᓗ ᖁᕝᕙᑎᕆᒍᑎᒋᓗᒋᑦ ᓄᓇᕕᒻᒥᐅᑦ ᑮᓇᐅᔭᑎᒍᑦ ᒪᑭᑕᒐᓱᒍᑎᑦᓴᖏᓐᓂᒃ ᐱᕕᓕᒫᖏᑎᒍᑦ ᐱᒐᓱᑦᑎᓗᒋᑦ.
ᐃᒡᓗᓕᐅᕈᑎᑦᓴᓂᒃ ᑮᓇᐅᔭᖃᕐᑎᑕᐅᒍᑎᐅᓛᕐᑐᓄᑦ ᐊᖏᖃᑎᒌᖃᑎᖃᕋᓱᓐᓃᑦ ᑲᕙᒪᑐᖃᒃᑯᓂᓪᓗ ᑯᐯᒃᓗ ᑲᕙᒪᒃᑯᖏᓐᓂᒃ ᐊᑑᑎᔭᐅᖏᓐᓇᓂᖃᕐᐳᑦ.
ᑐᑭᓯᒋᐊᒃᑲᓂᕈᒪᒍᑦᓯ ᖃᐅᔨᒋᐊᕐᕕᓴᐅᕗᖅ:
ᐅᖄᓚᐅᑎᒃᑯᑦ: 514.745.8880
ᐅᕝᕙᓗ ᐊᓪᓚᒍᒪᑐᐊᒍᕕᑦ ᐅᕙᑦᑎᓄᑦ, ᒪᐅᖓᒍᓐᓇᖁᑎᑦ