ᑐᑭᖓ: ᑕᓯᕐᔫᔮᕐᑐᖅ
ᐃᓄᑦᑕᖏᑦ: 248
ᑕᓯᐅᔭᖅ ᑕᓯᐅᔮᕐᑑᑉ ᓯᑦᔭᖓᓂ ᓄᐃᑕᐅᓯᒪᔪᖅ ᑕᒫᓂ ᕈᕿᕿᔨ )ᖑᑭᑕᓕᒥᑭ ᐃᓱᐊᓂ ᑰᑉ ᓴᓂᐊᓃᑦᓱᓂ. ᑖᓐᓇ ᓄᓇᓕᒃ ᖃᓂᖏᑑᑦᔭᖏᑦᑐᖅ ᓇᐸᕐᑐᓕᐅᑉ ᑭᓪᓕᖓᓄᑦ. ᑕᒫᓂ ᑎᖓᐅᔭᕐᑕᖃᕐᑐᖅ ᐅᑭᐅᕐᑕᑐᒦᓱᑦᓴᔭᒥᒃ. ᑕᓯᐅᔭᖅ, ᑐᑭᖃᕐᓱᓂ ᑕᓯᕐᔫᔮᕐᑐᒥᒃ ᐊᑦᓯᑕᐅᒪᒍᑎᖃᕐᑐᖅ ᑕᓯᐅᔭᓕᒫᑉ ᐃᒪᖓᓄᑦ. ᑕᒫᓂ ᑕᓯᐅᔭᐅᑉ ᓯᑦᔭᖓᓂ ᑎᓂᓐᓂᖃᕈᓐᓇᓲᖑᒻᒥᔪᖅ 15 ᒦᑕᓂᒃ ᐃᑎᓂᖃᕐᑐᒥᒃ.
ᑕᒫᓂ ᓄᓇᒥ ᐆᒪᔪᕐᑕᖃᑦᓯᐊᑐᖅ ᑕᕆᐅᒥᐅᑕᕐᓂᒃ (ᐳᐃᔨᓂᒃ ᕿᓚᓗᒐᕐᓂᓗ), ᐃᖃᓗᓐᓂᓗ (ᐃᖃᓗᑉᐱᓂᒃ, ᓵᒪᓂᒃ, ᐃᓯᐅᕋᓕᑦᑖᓂᒃ), ᒥᑎᕐᓂᓗ ᐊᒻᒪᓗ ᑕᕆᐅᕐᒥᐅᑕᓂᒃ ᑎᒻᒥᐊᖑᒻᒥᔪᓂᒃ. ᐊᒻᒪᓗᑦᑕᐅᖅ 1000 ᓴᓂᐊᓃᑦᑐᐃᑦ ᐅᒥᒻᒣᑦ ᑕᒪᓂ ᓄᓇᒦᕋᔭᓲᖑᒻᒥᓱᑎᒃ. ᑕᑯᔭᐅᔪᖃᓲᖑᒻᒥᔪᖅ ᑭᒡᒐᕕᓐᓂᒃ ᕿᓐᓄᐊᔪᐊᓂᓪᓗ ᕿᑭᕐᑕᖏᓐᓃᑐᓂᒃ ᐃᓐᓈᕈᖏᓐᓃᑐᓂᓪᓗ ᑕᒫᓂ ᖃᓂᑕᖓᓂ.
ᐅᐃᒍᐃᒃᑯᑦ Rᖀᑲᓂᓗᓗᓕᓴ Fᑭᕂᑭᕿᐅ-ᑯᑦ ᖃᑦᓴᓐᐯᒃᑯᓗ ᑲᒻᐸᓂᖏᑦ ᐅᒃᑯᐃᓯᔪᕕᓃᑦ ᓂᐅᕕᕐᓂᐊᕕᓐᓂᒃ 1905-ᒥᓗ 1907-ᒥᓗ ᑭᖑᓪᓕᕇᑦᓱᑎᒃ. ᑖᓐᓇ ᓄᓇᓕᐅᔪᖅ ᑌᑦᓱᒪᓂᓂᐊᓗᒃ ᐊᖅᑯᓵᕐᕕᒋᔭᐅᖃᑦᑕᓯᒪᔪᖅ ᕿᒧᑦᓯᓄᑦ ᑰᑦᔪᐊᓗ ᑲᖏᕐᓲᓗ ᐊᑯᓐᓂᖓᑎᒍᑦ. ᑭᓯᐊᓂ ᑕᒪᖏᒃ ᓂᐅᕕᕐᓂᐊᕕᐅᔫᒃ ᐅᒃᑯᐊᑕᐅᔪᕕᓃᑦ 1935-ᒧᑦ ᑎᑭᑦᓱᒍ ᓄᓇᓕᒻᒥᒃ ᐱᕙᓪᓕᐊᕕᐅᓚᐅᕐᓯᒪᔪᖃᕐᑎᓇᒍ ᑖᒃᑯᐊ ᓴᓂᐊᓂ.
1950 ᐊᕐᕌᒍᖏᓐᓃᓕᕐᑎᓗᒋᑦ, ᑲᕙᒪᑐᖃᒃᑯᑦ ᐅᒃᑯᐃᓯᔪᕕᓃᑦ ᐃᓕᓐᓂᐊᕕᒻᒥᒃ ᑰᑦᔪᐊᒥ ᐃᓄᓐᓂᓗ ᐱᒍᑦᔨᓂᖃᓕᕐᓱᑎᒃ ᐊᒥᓱᒻᒪᕆᓐᓄᑦ ᐃᓄᓐᓄᑦ ᓄᐊᕕᐅᓂᐊᓕᕋᒥ. ᑰᑦᔪᐊᒥ ᐆᒪᔪᐃᑦ ᑭᓯᐊᓂ ᐱᑕᖃᑦᓯᐊᓯᒪᙱᑐᑦ ᑌᒣᒻᒪᑦ ᐊᒥᓱᒻᒪᕇᑦ ᐃᓄᐃᑦ ᑕᑎᖃᕆᐊᖃᖃᑦᑕᓕᕐᑐᕕᓃᑦ ᑲᕙᒪᒃᑯᑦ ᐃᑲᔪᕐᓯᒪᐅᑎᖏᓐᓂᒃ. 1963-ᒥ ᑯᐯᒃ ᑕᕐᕋᖓᓂ ᑯᐯᒃᑯᑦ ᑲᕙᒪᖓᑕ ᑐᑭᒧᐊᑦᑎᓯᔨᒻᒪᕆᖓᑦ ᐱᓀᓗᑕᐅᑉ ᐃᓚᖓᓂᒃ ᐊᖅᑭᑕᐅᑎᑦᓯᒐᓱᐊᕐᓱᓂ ᓄᐃᑦᓯᒋᐊᓯᔪᕕᓂᖅ ᑖᑦᓱᒥᖓ ᓄᑖᒥ ᓄᓇᓕᒻᒥᒃ ᑕᓯᐅᔭᐅᑉ ᓯᑦᔭᖓᑕ ᓯᕿᓂᒋᐊᖓᓂ ᐆᒪᔪᖃᑦᓯᐊᓂᕐᓴᐅᓂᑯᖓᓄᑦ.
1966-ᒥ ᐱᓇᓱᐊᕐᑕᐅᒋᐊᓕᒃ ᐱᒋᐊᕐᑕᐅᑲᓵᓕᕐᑎᓗᒍ, ᐃᓄᐃᑦ ᐃᓚᒌᖑᔪᑦ ᓄᑦᑎᕆᐊᓖᑦ ᓇᓗᓕᑐᐃᓐᓇᑐᕕᓃᑦ ᓇᓪᓕᐊᓂ ᓯᕗᓂᑦᓴᒥ ᓄᓇᓕᑦᓴᖓ ᓄᐃᑕᐅᔪᑦᓴᐅᒪᖔᑦ. ᓇᓪᓕᑳᕆᐊᖃᕐᑐᕕᓃᑦ ᓄᓇᓕᖓ ᖃᒪᓂᐊᑉ ᐹᖓᓃᑦᑐᓴᐅᒻᒪᖔᑦ ᐅᕝᕙᓐᓃᑦ ᓂᐅᕕᕐᓂᐊᕕᑕᓕᕕᓂᕐᒦᑐᑦᓴᐅᒪᖔᑦ. ᖃᒪᓂᐊᑉ ᐹᖓᓂᒃ ᓇᓪᓕᑳᕆᔪᕕᓂᐅᓕᕐᑐᑦ ᐅᐸᑦᑕᐅᒍᓐᓇᓯᐊᕐᓂᖓᓄᑦ ᐅᒥᐊᓄᑦ ᐅᐱᕐᖔᑯᑦ ᒪᙯᕝᕕᓯᐊᖑᑦᓱᓂᓗ ᐃᖃᓗᓐᓂᐊᕕᑦᓯᐊᖑᑦᓱᓂᓗ, ᑰᖃᕐᓱᓂᓗ ᐃᒥᕐᑕᕕᐅᒍᓐᓇᑐᒥᒃ ᐊᒻᒪᓗ ᒥᕝᕕᓕᐅᕐᑕᐅᒍᓐᓇᓱᓂ ᓄᓇᖓ. ᑭᖑᓂᐊᒍᑦ ᓄᑖᒥᒃ ᓄᓇᓕᒻᒥᒃ ᐊᑦᓯᑕᐅᔪᖃᓕᕐᑐᕕᓂᖅ ᑕᓯᐅᔭᕐᒥᒃ. ᓂᐅᕕᕐᓂᐊᕕᑦᑕᓕᕕᓂᖅ ᓇᓪᓕᑳᕐᑕᐅᓂᙱᑑᓚᕿᔪᖅ ᑕᑦᓱᒪᐅᑉ ᓄᓇᖓᓂ ᓯᑦᔭᖓ ᐅᔭᕋᓱᑦᔪᖃᓗᐊᕐᒪᑦ ᐊᒻᒪᓗ ᐅᒥᐊᒃᑯᑦ ᐃᖏᕐᕋᕕᐅᒍᓐᓇᕋᔭᕋᓂ ᐅᐱᕐᖔᑯᑦ. 1971-ᒥ ᓄᓇᓖᑦ ᐊᖅᑭᓱᕐᑕᐅᓯᒪᓕᑐᐊᕐᒪᑕ ᑯᐊᐸᒃᑯᓂᒃ ᓄᐃᑕᐅᔪᖃᓯᓐᓂᒥᔪᖅ ᓄᓇᓖᑦ ᐃᓄᖏᓐᓄᑦ. ᑖᓐᓇ ᓂᐅᕕᒃᓂᐊᕕᐅᑦᓱᓂ ᓄᓇᕕᐅᑉ ᑯᐊᐸᖁᑎᖏᓐᓄᑦ ᐃᓚᐅᙱᑐᑐᐊᖑᔪᖅ ᑖᒃᑯᓄᖓ ᐃᓚᒌᓴᒃᑯᓄᑦ.
ᑕᑯᒥᓇᕐᑐᖁᑎᖏᑦ
- ᑕᓯᐅᔭᐅᑉ ᓯᑦᔭᖓ ᓯᓚᕐᔪᐊᓕᒫᒥ ᑎᓂᓐᓂᕆᓐᓂᐸᐅᔪᖅ
- ᒪᙯᕝᕕᓯᐊᖑᑦᓱᓂᓗ ᐊᒻᒪᓗ ᐃᖃᓗᑉᐱᓂᒃ ᐃᖃᓗᓐᓂᐊᕕᖃᕐᓱᓂ.