ᑐᓴᕋᑦᓭᑦ
10/14/2026
2026-10-14 ᓄᓇᕕᒻᒥᐅᖓᐃ, ᒪᑭᕝᕕᑯᑦ ᖃᐅᔨᑎᑦᓯᒍᒪᔪᑦ ᐃᓄᓕᒫᓂᒃ ᐋᕐᕿᒋᐊᕐᑕᐅᔪᕐᑕᖃᓛᖕᖏᒋᐊᖓᓂᒃ ᓄᓇᕕᐅᑉ ᒫᓐᓇ ᓯᕿᕐᖑᔭᖓᑕ ᐋᕐᕿᓯᒪᓂᖓᓂᒃ ᐊᑑᑎᔭᐅᓛᕐᑐᓂᒃ ᒫᓐᓇ ᐅᑭᐅᖑᔪᖅ, 2026-ᒥ. ᑕᒪᓐᓇ ᐱᓪᓗᒍ, ᓄᓇᕕᒃ ᑲᔪᓯᓛᕐᓂᐊᑐᖅ ᒪᓕᓐᓂᒥᓂᒃ ᑯᐯᒃᒦᑦᑐᓂᒃ, ᐅᑎᕆᐊᕐᑎᓯᓛᕐᑎᓗᒋᑦ ᐊᑕᐅᓯᕐᒧᑦ-ᑫᕙᓪᓚᒍᓯᕐᒧᑦ 1-ᓇᖓᓂᒃ ᓅᕕᒻᐱᕆᐅᑉ 2026-ᒥ, ᑕᑯᓐᓇᓱᒍ […]
09/29/2026
ᑕᕐᓴᓴᒧᑦ ᐱᓕᐅᑎᓃᑦ — ᐊᓪᓚᖑᐊᕐᑎᓄᑦ ᒪᓕᑦᑕᐅᒋᐊᓖᑦ ᓇᑯᕐᒦᒃ ᐅᓇᒻᒥᓱᐊᒐᕕᑦ ᓄᓇᕕᒻᒥ ᐊᓪᓚᖑᐊᕐᓯᒪᔪᓂᒃ ᓴᓇᖕᖑᐊᑏᑦ ᑕᕐᓴᓴᖓᓂᒃ. ᐅᑯᐊ ᑕᑭᔫᖕᖏᑐᑦ ᐊᓪᓚᖑᐊᓯᓚᐅᖕᖏᓂᕐᓂ ᒪᓕᑦᑕᐅᒋᐊᓖᑦ ᐊᑐᐊᒃᑭᑦ. ᑐᑭᓯᓇᕐᒪᑕ ᖃᓄᐃᑦᑐᒥᒃ ᐱᒍᒪᔭᖃᕐᒪᖔᑦᑕ, ᓱᓇᓂᓪᓗ ᐊᖏᕐᕕᖃᓚᖓᒻᒪᖔᕐᐱᑦ. ᑭᓇᒃᑰᑦ ᐃᓚᐅᒍᓐᓇᐸᑦ ᑭᓇᑐᐃᓐᓇᖅ ᓄᓇᕕᒻᒥᐅᖑᑦᓱᓂ ᐊᓪᓚᖑᐊᕐᓯᒪᔪᓂᒃ […]
09/14/2026
ᑖᓐᓇ ᐅᖃᐅᓯᕆᔭᐅᓯᒪᔪᖅ ᓄᓇᕕᒻᒥᐅᓄᑦ ᖃᐅᔨᑎᑦᓯᒍᑎᒃ ᐱᒐᓱᐊᕈᓐᓇᓂᕐᒧᑦ ᑲᕙᒪᑐᖃᒃᑯᑦ ᐊᓪᓓᑦ ᐋᓐᓂᐊᕕᖏᓐᓂᒃ ᐃᕐᖃᑐᐃᕕᒃᑯᑦ ᑮᓇᐅᔭᕐᑖᕕᑦᓴᖓ ᒫᓐᓇ ᐅᒃᑯᐃᖔᓕᕐᒪᑦ ᐅᒃᑯᐃᖔᖏᓐᓇᓚᖓᑦᓱᓂᓪᓗ ᔪᓓ 2028 ᑎᑭᓪᓗᒍ. ᑖᓐᓇ ᑮᓇᐅᑦᔭᕈᑎᒃ ᐃᕐᖃᑐᐃᕕᒃᑯᑎᒍᑦ ᑮᓇᐅᔭᕐᑕᓰᒍᑎᐅᔪᖅ ᐱᒍᓐᓇᕕᓕᓐᓄᑦ ᐃᓄᓐᓄᑦ ᐊᑦᓱᕉᑎᓕᕕᓂᕐᓄᑦ ᐃᓱᒪᒥᒍᑦ, ᐅᖃᐅᑦᔪᑕᐅᓂᒃᑯᑦ, ᑎᒥᒃᑯᑦ, […]
ᒪᑭᕝᕕᐅᑉ ᑎᓕᔭᐅᓯᒪᒍᑎᖓ
ᑎᒥᐅᔪᖅ ᔭ ᒪᑭᕝᕕᐅᑉ ᑎᓕᔭᐅᓯᒪᒍᑎᖓ ᐱᓂᐊᕐᓂᓕᕆᓂᑎᒍᑦ, ᐃᓗᕐᖁᓯᕐᑎᒍᑦ ᒪᑭᑕᒐᓱᐊᕐᓂᑎᒍᓪᓗ ᒪᑭᕝᕕᒃ ᓯᕗᓕᕐᑎᐅᕙᑦᑐᖅ ᐱᕈᕐᑎᓯᓂᕐᒥᒃ ᓴᕐᕿᑎᑦᓯᓂᕐᒥ ᓗ ᓄᓇᐅᔪᒥᒃ ᑌᔭᐅᓂᖃᕐᑐᒥᒃ ᓄᓇᕕᒻᒥᒃ, ᑲᓇᑕᒥᐅᖑᑦᓱᑎᒃ ᑯᐯᒻᒥᐅᖑᑦᓱᑎᓪᓗ ᐃᓄᐃᑦ ᓄᓇᒋᔭᖓᓂᒃ ᐊᑦᔨᐅᖏᑦᑑᒍᑎᒋᑦᓱᒍ ᑭᓇᐅᓂᖏᓐᓂᓗ ᖃᐅᔨᒪᐅᑎᒋᑦᓱᒍ. ᒪᑭᕝᕕᒃ ᐃᓄᑦᑎᑐᑦ ᑐᑭᖃᕐᑐᖅ “ᒪᑭᓐᓂᒥᒃ” ᐊᑦᓯᑕᐅᓯᒪᒍᑎᖓ ᑕᒡᒍᖓ ᑎᒥᐅᔪᒧᑦ ᓈᒻᒪᓈᑦᓯᐊᓱᓂ ᑎᓕᔭᐅᒍᑎᖃᕐᓯᒪᒻᒪᑦ ᓴᐳᒻᒥᓂᐊᕐᓗᓂ ᐱᒍᓐᓇᐅᑎᒋᔭᐅᔪᓂᒃ, ᐱᓇᓱᐊᕈᒪᔭᐅᔪᓂᒃ ᑮᓇᐅᔭᕐᑖᕆᔭᐅᓯᒪᔪᓂᓪᓗ ᐃᓄᓐᓄᑦ 1975-ᖑᑎᓪᓗᒍ ᔦᒥᓯ ᐯᑉ ᑯᐯᓪᓗ ᑕᕐᕋᖓᑕ ᐊᖏᖃᑎᒌᓐᓂᖓᒍᑦ, ᑖᓐᓇ ᓯᕗᓪᓕᐹᖑᑦᓱᓂ ᓄᓇᑖᕐᓂᒧᑦ ᐊᖏᖃᑎᒌᒍᑎᐅᓯᒪᔪᖅ ᑲᓇᑕᒥ ᖃᒻᒥᐅᓂᕐᓴᑯᓪᓗ ᑕᕆᐅᒦᑦᑐᓄᑦ ᐊᖏᖃᑎᒌᒍᑎᓕᐅᕐᖃᒥᓚᐅᔪᑦᓱᑎᒃ ᓄᓇᕕᒻᒥ ᐃᓄᐃᑦ ᓄᓇᑖᕐᓂᒧᑦ ᐊᖏᖃᑎᒌᒍᑎᖓᒍᑦ ᑖᓐᓇ ᐊᑐᓕᕐᑎᑕᐅᓚᐅᔪᖅ 2008-ᒥ.;
ᑎᒥᐅᔫᑉ ᑎᓕᔭᐅᓯᒪᒍᑎᖓᑕ ᐊᑦᔨᐅᖏᑦᑑᔪᖅ ᓇᒻᒥᓂᖁᑎᖃᕐᓱᓂ ᐃᖏᕐᕋᑎᑦᓯᓱᓂᓗ ᖄᖏᕐᓂᑯᓕᐅᕐᑎᒪᕆᓐᓂᒃ ᐱᓇᓱᒐᖃᕈᑎᐅᒍᓐᓇᑐᓂᒃ; ᐃᓄᑦᑎᒍᑦ ᒪᑭᑉᐸᓕᐊᒐᓱᐊᕐᑐᓕᕆᓂᕐᒥᒃ, ᐃᓪᓗᖃᕐᑎᑕᐅᓂᕐᑎᒍᑦ, ᓴᐳᒻᒥᓂᕐᒥᓗ ᐃᓄᐃᑦ ᐅᖃᐅᓯᖓᓂᒃ ᐃᓗᕐᖁᓯᖓᓂᓪᓗ ᐊᕙᑎᖓᓂᓗ ᓄᓇᖁᑎᖓᓂᒃ. ᒪᑭᕝᕕᐅᑉ ᐱᓇᓱᐊᕐᓂᕆᓲᖓ ᓴᕐᕿᔮᕐᑎᓯᕗᖅ ᐅᓪᓗᒥᐅᓕᕐᑐᖅ ᓄᓇᖃᖅᑳᓯᒪᔪᑦ ᐊᖏᖃᑎᒌᒍᑎᖏᓐᓂᒃ ᐱᖁᔭᕐᔪᐊᑎᒍᑦ ᐃᓕᑕᕆᔭᐅᓂᖃᕐᑐᓂᒃ ᓄᓇᑖᕐᓂᒧᓪᓗ ᐊᖏᖃᑎᒌᒍᑎᐅᓯᒪᔪᓂᒃ ᐱᕙᓪᓕᖁᑎᐅᒍᓐᓇᓂᐊᕐᓱᑎᒃ ᑲᕙᒪᓄᑦ ᐃᓄᓐᓄᓗ. 1975-ᖑᑎᓪᓗᒍ ᓯᕗᓪᓕᐹᖅ ᐊᖏᖃᑎᒌᒍᑎ ᐊᑎᓕᐅᕐᑕᐅᓚᐅᕐᓯᒪᔪᖅ ᓴᕐᕿᑎᑦᓯᒍᑎᐅᓯᒪᕗᖅ ᐃᓄᐃᑦ ᓄᓇᑖᕐᓂᒧᑦ ᐊᖏᖃᑎᒌᒍᑎᖏᑦ ᑕᐅᑐᑦᑕᐅᔪᑦᓴᐅᓂᖏᓐᓂᒃ “ᐱᒋᐊᕐᓂᓕᐅᑎᐅᓗᑎᒃ” ᑐᑭᖃᕐᑎᓗᒍ ᐱᕈᕐᐸᓕᐊᑎᑦᓯᓂᕐᒥᒃ ᐊᑐᓕᕐᑎᓯᓂᕐᒥᓗ ᐱᓇᓱᐊᖃᑎᒌᓐᓂᓂᒃ ᐱᒐᓱᐊᕈᓯᕐᓂᓗ ᑲᕙᒪᖓᓂ ᑯᐯᑉ ᑲᓇᑕᐅᓪᓗ. ᒪᑭᕝᕕᒃ ᑎᒥᖁᑎᖏᓪᓗ ᐱᐅᔪᕋᑕᕐᓂᒃ ᐅᓂᒃᑲᐅᓯᑦᓴᖃᕐᑐᑦ ᕿᒥᕐᕈᒍᓐᓇᑕᓯ ᖃᕆᑕᐅᔭᒃᑯᑦ ᑕᒡᒐᓂ ᓴᕐᕿᔮᕐᑎᓯᕕᐅᔪᒥ ᒪᑭᕝᕕᒃ ᐅᓂᒃᑲᐅᑕᐅᔪᖅ ᐃᓄᐃᓪᓗ ᓄᓇᕕᒻᒥᐅᑦ. ᑎᒥᐅᔫᑉ ᑐᕌᒐᖏᑦ
Corporate Objectives
ᑎᒍᓯᓂᐊᕐᓗᓂ, ᐊᐅᓚᑦᓯᓂᐊᕐᓗᓂ, ᑐᓂᐅᕐᙯᓂᐊᕐᓗᓂ ᑮᓇᐅᔭᓕᐅᕋᓱᐊᕈᑎᖃᕐᓂᐊᓗᓂᓗ ᐃᓄᐃᑦ ᓄᓇᕕᒻᒥᐅᑦ ᑮᓇᐅᔭᖁᑎᖏᓐᓂᒃ ᐱᔭᐅᔪᓂᒃ ᔦᒥᓯ ᐯᑉ ᑯᐯᓪᓗ ᑕᕐᕋᖓᑕ ᐊᖏᖃᑎᒌᓐᓂᖓᓂᑦ;
ᐊᔪᕐᓴᓗᐊᕐᓂᒥᒃ ᓄᖑᑎᑦᓯᒐᓱᐊᕐᓂᐊᓗᓂ, ᐃᓗᓯᕐᓱᓯᐊᕐᓂᒥᒃ ᑫᓪᓚᑐᐃᒍᑎᖃᕐᓂᐊᓗᓂ, ᓯᕗᒧᐊᑉᐸᓕᐊᑎᑦᓯᓂᐊᕐᓗᓂ ᐃᓄᐃᓪᓗ ᐃᓕᓐᓂᐊᑎᑕᐅᓂᖓᓂᒃ ᑲᒪᒋᔭᖃᕐᓂᐊᓗᓂ; ᐃᑉᐱᒋᔭᖃᕐᓂᐊᓗᓂ, ᑫᓪᓚᑐᐃᒍᑎᖃᕐᓂᐊᓗᓂ, ᓴᐳᒻᒥᓂᐊᕐᓗᓂ ᐃᑲᔪᕐᓯᒪᓗᓂᓗ ᐃᓄᐃᑦ ᐃᓅᓯᖏᓐᓂ, ᐱᒻᒪᕆᐅᔪᖁᑎᖏᓐᓂᒃ ᐱᐅᓯᑐᖃᖓᓂᓪᓗ;
ᐱᖁᔭᑎᒍᑦ ᐊᖏᖃᑎᒌᒍᑎᒃᑯᓗᓐᓃᑦ ᐱᓇᓱᐊᕆᐊᓕᒻᒥᓂᒃ ᑲᔪᓯᑎᑦᓯᓂᐊᕐᓗᓂ; ᐱᕈᕐᑎᓯᓂᐊᕐᓗᓂ ᐱᕙᓪᓕᑎᑦᓯᓗᓂᓗ ᐃᓄᐃᑦ ᓄᓇᓕᖏᓐᓂᒃ ᐱᐅᓯᑎᒋᐊᕐᓗᒋᓪᓗ ᐊᐅᓚᑦᔭᕆᐊᕈᑎᒋᔭᖏᑦ.