ᑐᑭᖓ: ᑲᑭᕙᐅᑉ ᑭᑭᐊᖓ ᕿᑎᖓᓃᑦᑐᖅ
ᐃᓄᑦᑕᖏᑦ: 507
ᐊᑯᓕᕕᐅᑉ ᓄᓇᖓ ᐊᑦᓯᑕᐅᓯᒪᔪᖅ ᓄᓇᖓ ᑕᑯᑦᓴᐅᓂᖓᑎᒍᑦ. ᑕᓯᐅᔭᕐᔪᐊᑉ ᑲᖏᕐᓱᐊᖓᓃᑦᓱᓂ ᐊᑯᓐᓂᖓᓃᑦᓱᓂ ᐃᒪᐅᔪᕐᓂᒃ ᓄᓇᖓ ᑲᑭᕙᐅᑉ ᑭᑭᐊᒋᔭᐅᔮᕐᑕᖓ, ᑌᑦᓱᒪᓂᑕᐅᑦᓱᓂ ᓇᐅᒃᑭᐅᑎᒋᔭᐅᓲᒥᒃ ᐃᑲᓗᒻᒥᒃ. ᑖᑦᓱᒪᐅᑉ ᓯᕿᓂᒋᐊᖓᓂ ᐃᓪᓗᑯᑖᑉ ᑰᖓᑕ ᐹᖓ ᑌᑲᓃᑦᑐᖅ ᐊᒻᒪᓗ ᑕᕐᕋᖓᓂ ᑲᖏᕐᓱᐊᓗᖃᕐᓱᓂ ᐄᒐᕐᕕᐅᓯᒪᓲᒥᒃ ᐊᒻᒪᓗ ᐅᖅᑯᐊᓕᓂᕆᔭᐅᑦᓱᓂ ᓄᓇᓕᓐᓄᑦ ᐊᓄᕆᓕᑐᐊᕐᒪᑦ. ᑖᓐᓇ ᑲᖏᕐᓱᐊᓗᒃ ᑐᕓᕈᑦᓴᐅᑎᒋᓲᖑᒻᒥᔪᖅ ᐅᐱᕐᖓᓴᖅᑲᒥᐅᑎᓪᓗᒍ, ᐆᒪᔪᕐᓯᐅᕕᐅᒍᓐᓇᓯᐊᓕᕐᓱᓂ. ᐊᑯᓕᕕᐅᑉ ᓄᓇᓪᓚᕆᖓ ᓯᑯᕐᔪᐊᖑᓱᖓᕐᑎᓗᒍ ᕿᒻᒪᑯᕕᓂᕐᓄᑦ ᖁᓕᐅᒥᐅᑕᑦᓯᓯᒪᔪᖅ ᑕᒪᒃᑯᐊ ᖃᑯᕐᑕᐅᓱᑎᒃ ᓯᐅᕋᐅᔮᕐᑐᑦ ᓭᓂᑯᕕᓂᐅᒻᒪᑕ ᑕᕆᐅᒥᐅᑕᐅᑦᓱᑎᒃ ᓯᖃᓪᓕᓯᒪᓕᕐᓱᑎᒃ.
ᐊᑯᓕᕕᐅᑉ ᓄᓇᖓᑕ ᐊᕙᑎᖓᓂ ᐆᒪᔪᕐᑕᖃᑦᓯᐊᑐᖅ. ᑕᒫᓂ ᓄᓇᖓᓂ ᐊᒥᓱᒻᒪᕇᑦ ᑕᓯᖏᑦ ᐃᖃᓗᖃᑦᓯᐊᓲᑦ ᐊᒻᒪᓗ ᕿᒦᑦ ᖃᖅᑲᖏᑦ ᐱᕈᕐᓴᕕᒋᔭᐅᓲᖑᑦᓱᑎᒃ ᐊᕿᒡᒋᓄᑦ, ᐅᑲᓕᕐᓄᓗ ᑎᒋᒐᓐᓂᐊᓄᓪᓗ. ᐊᒥᓱᒐᓓᑦ ᕿᑭᕐᑌᑦ ᓄᓇᓖᑦ ᖃᓂᑕᖏᓐᓃᑐᑦ ᐅᐱᕐᖔᖑᓕᕐᒪᑦ ᐊᑦᔨᒌᖏᑐᓄᑦ ᑎᒻᒥᐊᓄᑦ ᓇᔪᕐᑕᐅᓲᖑᒻᒥᔪᑦ. ᐊᑯᓕᕕᒻᒥᑦ ᐅᖓᓯᑦᑑᖏᒻᒪᕆᑦᑐᒥᒃ ᕿᑭᕐᑕᖃᕐᒥᔪᖅ ᕿᑭᕐᑕᔪᐊᖑᓂᕋᕐᑕᒥᒃ ᐃᓄᓐᓄᑦ ᑌᒪᙵᓂᐊᓗᒃ ᒪᙯᕝᕕᑐᖃᐅᓲᒥᒃ. ᑕᓯᐅᔭᕐᔪᐊᑉ ᐃᒪᖓᑕ ᐃᖏᕐᕋᓂᖓᓄᑦ ᑕᒪᓐᓇ ᐱᕈᕐᓴᕕᐅᒋᐊᖓ ᐱᐅᒋᔭᐅᓲᖑᒻᒥᔪᖅ ᑕᕆᐅᒥ ᐆᒪᔪᕆᔭᐅᓲᓄᑦ ᐱᕈᕐᓯᐊᕆᔭᐅᓲᓄᓪᓗ. ᐅᑭᐅᖑᓕᑐᐊᕐᒪᑦ, ᐊᑯᓕᕕᒻᒥᐅᑦ ᐱᓇᓱᐊᓯᓲᖑᒻᒥᔪᑦ ᐊᑦᔨᒋᔭᐅᖏᒪᕆᑦᑐᒥᒃ ᐅᕕᓗᕐᓂᐊᕈᓯᖃᕐᓱᑎᒃ ᖃᓂᑦᑐᒥᒃ ᐃᒃᑲᑐᒦᑦᑐᓂᒃ ᐃᒪᕐᒥ. ᓯᑯᒥᒃ ᑭᓓᒌᑐᐊᕋᒥᒃ ᐊᑐᓲᖑᕗᑦ ᓇᐸᔪᑯᑖᒥᒃ ᐃᓱᐊᒍᑦ ᓄᐊᕐᑕᖃᕐᓱᓂ ᖃᓗᓯᒍᑎᒋᓲᒥᓂᒃ ᐅᕕᓗᕐᓂᒃ ᑕᕆᐅᑉ ᐃᖅᑲᖓᓂᑦ.
ᐊᑯᓕᕕᒃ ᓄᓇᓕᙳᑎᑕᐅᓯᒪᕗᖅ 1976-ᒥ. ᑭᓯᐊᓂ ᑖᑦᓱᒪᐅᑉ ᐱᐅᓯᕆᓯᒪᔭᖓ ᐅᑎᕈᓐᓇᓯᐊᕐᑐᖅ ᐊᒥᓱᓄᑦ ᑕᐅᓴᓐᑎᓄᑦ ᐅᑭᐅᓄᑦ. ᖃᒻᒥᐅᓂᕐᓴᑯᑦ 1610-ᖑᑎᓪᓗᒍ, ᐅᒥᐊᕐᑐᑎᐊᓗᒻᒥᒃ ᕿᐊᓐᓇᕆ ᖃᑦᓴᓐᒥᒃ ᐊᖅᑯᓵᕐᑐᓕᕕᓂᐅᕗᖅ ᕿᑭᕐᑕᔪᐊᒃᑯᑦ. ᓯᐊᕆᒋᐊᖑᓕᕐᒪᑦ 1750-ᒥ, ᑖᓐᓇ ᕿᑭᕐᑕᖅ ᐊᑦᓯᑕᐅᓕᕐᑐᕕᓂᖅ ᐳᒪᓂᑎᓱ-ᒥᒃ ᐅᐱᒍᓲᑎᐅᑦᓱᓂ ᐳᓂᑭ Tᓱᓕᒪᖑᐅ ᐳᒪᓂᑎᓱ-ᒥᒃ, ᓂᐅᕕᐊᑦᓴᖃᓲᕕᓂᖅ, ᓯᕗᓪᓕᐸᐅᑦᓱᓂ ᐊᐅᓚᑦᓯᔨᒻᒪᕆᐅᑦᓱᓂ ᑖᒃᑯᓄᖓ Tᓱᕿ ᕋᓕᒪᔨᖑᓴᓯ ᓕᑯ ᒍᖁᑲᕿᓴᑎᒥᑭᕿᑭᐅ-ᑯᓄᑦ ᐊᒻᒪᓗ ᖃᐅᔨᒋᐊᙵᑐᕕᓂᐅᑦᓱᓂ ᖁᑦᓯᑐᒃᑯᑦ ᐊᖅᑯᑎᒋᔭᐅᒍᓐᓇᑐᒥᒃ 9Tᓱᕿ ᓇᓕᑭᑎᓱᐃᕿᐅᑎ ᖑᐅᐅᖑᑐᕿ0.1922-ᒥ ᑲᒻᐸᓂᒃᑯᑦ ᓂᐅᕕᕐᓂᐊᕕᖏᑦ ᓄᐃᑦᓯᔪᕕᓂᐅᓕᕐᒥᔪᑦ ᓂᐅᕕᕐᕕᒥᒃ ᑕᒫᓂ ᓄᓇᓕᒋᔭᐅᓕᕐᑐᒧᑦ ᓇᔪᕐᑕᐅᓕᕐᑐᒦᑦᓱᓂ. ᑖᓐᓇ ᓂᐅᕕᕐᕕᖓᑦ ᓅᑕᐅᓕᕐᓂᒥᔪᑦ ᐅᐸᒋᐊᖓ ᐃᓱᐊᕐᓂᓴᒧᑦ ᕿᑭᕐᑕᔪᐊᒧᑦ 19<<2″”6-ᖑᑎᓪᓗᒍ. ᐃᓄᐃᑦ ᑌᑦᓱᒪᓂᐅᑎᓪᓗᒍ ᓯᑦᔭᒥᐅᖑᖏᓐᓇᓚᐅᔪᑦ. ᑭᓯᐊᓂ ᐃᓄᐃᑦ ᑲᑎᒪᐅᑎᔪᑦ ᑲᑎᕐᓱᐸᓪᓕᐊᓯᓚᐅᔪᐃᑦ ᓂᐅᕕᕐᕕᒧᑦ ᖃᓂᑦᑑᒐᒪᓂᕐᒥᓄᑦ. 1922 ᐊᒻᒪᓗ 1955 ᐅᑭᐅᖏᑦᑕ ᐊᑯᓐᓂᖏᓐᓂ ᑕᒪᓐᓇ ᐊᑯᓕᕕᒻᒧᑦ ᓄᓇᓕᒋᔭᐅᓕᕐᑐᖅ ᐊᐅᓪᓛᓯᒪᕕᐅᖃᑦᑕᓯᒪᔪᖅ ᑕᒪᒃᑯᓄᖓ ᐃᓄᓐᓄᑦ. 1933-ᖑᓕᕐᒪᑦ ᑲᒻᐸᓂᒃᑯᑦ ᓂᐅᕕᕐᓂᐊᕕᖏᑦᑕ ᐊᓪᓚᖁᑎᖏᑦ ᑕᑯᑦᓱᒋᑦ, 140-ᒐᓚᕕᓂᐅᔪᐃᑦ ᐃᓄᐃᑦ ᕿᑭᕐᑕᔪᐊᕐᒥᐅᖑᔪᑦ. 1952-ᒥ, ᓂᐅᕕᕐᓂᐊᕕᖓᑦ ᐅᒃᑯᐊᑕᕕᓂᐅᓕᕐᒥᔪᖅ, ᑌᒃᑯᐊ ᐃᓄᖁᑎᖏᑦ ᓄᑦᑎᕆᐊᖃᓚᕿᑎᓪᓗᒋᑦ ᐳᕕᕐᓂᑐᒧᑦ ᖃᓂᓐᓂᐸᐅᔪᒥᒃ ᓂᐅᕕᕐᓂᐊᕕᖃᕐᓂᑯᖓᓄᑦ.
ᑕᒪᒃᑯᐊ ᐃᓄᐃᑦ ᐊᖏᕐᕂᕈᕐᑐᕕᓃᑦ, ᑭᓯᐊᓂ, ᐳᐃᒍᓚᐅᕐᓯᒪᓚᐅᙱᑐᑦ ᓄᓇᒥᒃ ᐱᕈᕐᕕᒋᓚᐅᕐᑕᕕᓂᕐᒥᓂᒃ. 1973-ᒥ, ᐃᓚᒌᖑᔪᕐᓂᒃ ᐊᑕᐅᓰᖑᔪᓂᒃ ᐊᑯᓕᕕᒻᒧᑦ ᐅᑎᕐᑐᖃᓯᓚᐅᔪᖅ. ᑭᖑᓂᐊᒍᑦ ᐊᕐᕌᒍᖓᓂ, ᐊᒥᓱᒻᒪᕇᑦ ᒪᓕᓯᓚᐅᔪᒻᒥᔪᑦ ᐊᒻᒪᓗ ᑲᑐᑦᔨᓱᑎᒃ ᓴᖅᑭᑎᑦᓯᓱᑎᒃ ᐊᑯᓕᕕᐅᑉ ᓄᓇᓕᖓᓂᒃ.
ᑕᑯᒥᓇᕐᑐᐃᑦ
- ᕿᑭᕐᑕᔪᐊᖅ ᓄᓇᑦᓯᐊᖑᓂᖓᓄᑦ ᐊᒻᒪᓗ ᐅᐱᕐᖓᓴᐅᓕᕐᒪᑦ ᐊᒥᓱᓂᒃ ᑕᐅᓴᓐᑎᒦᑦᑐᓂᒃ ᓂᕐᓕᑕᖃᓲᖑᑦᓱᓂ ᑲᖑᕐᓂᓗ ᐃᖏᕐᕋᔪᐊᓗᓐᓂᒃ.
- ᐆᒪᔪᓂᒃ ᑕᑯᓐᓈᕕᐅᒍᓐᓇᑐᖅ.