ᐊᑑᑎᓚᐅᕐᓯᒪᓕᕐᑕᕗᑦ ᐅᓪᓗᒥᓂᑕᐅᓂᖃᕐᐳᑦ ᑌᑦᓱᒪᓂᑕᐅᓂᖃᕐᓱᑎᓪᓗ, ᐊᓪᓚᓯᒪᔫᑦᓱᑎᒃ ᐅᓂᒃᑲᐅᓯᑐᐃᓐᓇᐅᓱᑎᓪᓗ. ᓯᕗᓂᖃᕐᑐᒍᑦ ᓂᐱᓕᐅᕆᓂᐊᕆᐊᒥᒃ ᐊᓯᐅᑎᑦᓯᑌᓕᓂᕐᒥᓗ ᐅᓪᓗᒥ ᐱᕙᓪᓕᐊᑎᓯᒪᓕᕐᑕᑎᓐᓂᒃ ᑕᒪᒃᑯᑎᒎᓇ ᑐᓴᕋᑦᓴᓕᐅᕐᓂᑎᒍᑦ ᓴᓂᕐᕙᑕᐅᒪᔪᓂᓪᓗ ᐊᓪᓚᓯᒪᔪᑎᒍᑦ. ᐅᑯᓄᖓ ᔦᒥᔅᐯᒥᓗ ᑯᐯᒃ ᑕᕐᕋᖓᓂᓗ ᐊᖏᖃᑎᒌᓐᓂᖓᑦ ᓯᕗᓪᓕᐸᐅᑦᓱᓂ ᐅᓪᓗᒥᓂᑕᐅᓂᕐᐸᐅᓱᓂ ᓄᓇᑖᕈᑎᐅᓯᒪᔪᑦ ᐅᕝᕙᓘᓐᓃᑦ ᐊᖏᒻᒪᕆᐅᑎᐅᑦᓱᑎᒃ ᐊᑎᓕᐅᕐᑕᐅᓯᒪᑦᓱᑎᒃ ᑲᓇᑕᒥ, ᐊᒻᒪᓗ ᐅᓪᓗᐃᑦ ᐃᖏᕐᕋᑎᓪᓗᒋᑦ ᐊᖏᔫᓂᖓ ᐱᒻᒪᕆᕈᕐᐸᓕᐊᓚᖓᔪᑦ ᐊᑑᑎᓯᒪᓕᕐᑕᑎᓐᓂ ᐊᒻᒪᓗ ᐃᓗᓐᓈᒍᑦ ᖃᓄᐃᓕᐅᖃᑎᖃᕐᓂᑎᓐᓂᒃ ᑲᓇᑕᒥᒃ.
ᑖᒃᑯᓇᓂ ᐊᓪᓚᑕᐅᒪᔪᕐᓂ ᑕᑯᓚᖓᕗᑎᑦ ᓴᓂᕐᕙᑕᐅᒪᓕᕐᑐᓂᒃ ᖃᓄᐃᓕᒍᑕᐅᓯᒪᔪᓂᒃ ᖃᒻᒥᑯᑦ ᒪᑭᕝᕕᑯᑦ ᓂᕈᐊᕐᑎᓯᓂᕆᓚᐅᕐᑕᖏᓐᓄᑦ, ᑐᓴᕐᑎᓯᒍᑎᒋᓚᐅᕐᑕᖏᓐᓄᓗ, ᒪᑭᕝᕕᐅᑉ ᕿᒥᕐᕈᐊᖏᓐᓄᓗ (ᒪᑭᕝᕕᐅᑉ ᑐᓴᕋᑦᓴᖏᑦ, ᐊᕐᕌᒍᑕᒫᕐᓯᐅᑏᑦ ᑐᓴᕐᑎᓯᒍᑎᖏᑦ, ᕿᒥᕐᕈᐊᒍᓗᐃᑦ ᑐᓴᕋᑦᓭᑦ), ᓄᓇᕕᒻᒥ ᓄᓇᖕᖑᐊᓂᒃ, ᐃᓄᓕᒫᓄᐊᖓᔪᑦ ᐊᓪᓚᑕᐅᒪᔪᖁᑎᖏᓐᓂᒃ, ᐊᒻᒪᓗ ᓂᐱᓕᐅᕐᑕᐅᒪᔪᓂᒃ ᑕᑯᓐᓇᕋᑦᓴᓕᐅᕐᑕᐅᒪᔪᓂᓪᓗ.