04/12/2024
ᐊᒃᓚᑕᖏᑦ ᒪᑭᐊᓐᔨ ᒪᐅᑎᓐᓂᐅᒃ, ᐃᖃᓗᓐᓂᒃ ᐆᒪᔪᓕᕆᓂᕐᒥᒃ ᐱᓇᓱᑦᑎ ᓄᓇᕕᒻᒥ ᖃᐅᔨᓴᕐᓂᓄᑦ ᐱᒃᔪᔨᕕᒻᒥ ᓯᑉᑎᒻᐱᕆᐅᑉ ᑕᕐᕿᖓᓂ, ᓄᓇᕕᒻᒥ ᖃᐅᔨᓴᕐᓂᓄᑦ ᐱᒃᔪᔨᕕᐅᑉ ᐱᓇᓱᑦᑎᖏᑦ ᐱᓇᓱᖃᑎᖃᕐᓱᑎᒃ ᓇᔪᒻᒥᕕᒃ ᓄᓇᒥᒃ ᑎᒍᒥᐊᕐᑎᑯᓐᓂᒃ ᐊᒻᒪᓗ ᓄᓇᕕᒻᒥ ᖁᓕᒥᒎᓕᕆᔨᓂᒃ ᓄᓂᕙᓕᓚᐅᔪᒋᕗᑦ ᐃᖃᓗᑉᐲᑦ ᓱᕙᖏᓐᓂ ᓇᐳᒃᑲᓕᐅᕐᕕᒃ […]
ᐊᒃᓚᑕᖏᑦ ᒪᑭᐊᓐᔨ ᒪᐅᑎᓐᓂᐅᒃ, ᐃᖃᓗᓐᓂᒃ ᐆᒪᔪᓕᕆᓂᕐᒥᒃ ᐱᓇᓱᑦᑎ ᓄᓇᕕᒻᒥ ᖃᐅᔨᓴᕐᓂᓄᑦ ᐱᒃᔪᔨᕕᒻᒥ
ᓯᑉᑎᒻᐱᕆᐅᑉ ᑕᕐᕿᖓᓂ, ᓄᓇᕕᒻᒥ ᖃᐅᔨᓴᕐᓂᓄᑦ ᐱᒃᔪᔨᕕᐅᑉ ᐱᓇᓱᑦᑎᖏᑦ ᐱᓇᓱᖃᑎᖃᕐᓱᑎᒃ ᓇᔪᒻᒥᕕᒃ ᓄᓇᒥᒃ ᑎᒍᒥᐊᕐᑎᑯᓐᓂᒃ ᐊᒻᒪᓗ ᓄᓇᕕᒻᒥ ᖁᓕᒥᒎᓕᕆᔨᓂᒃ ᓄᓂᕙᓕᓚᐅᔪᒋᕗᑦ ᐃᖃᓗᑉᐲᑦ ᓱᕙᖏᓐᓂ ᓇᐳᒃᑲᓕᐅᕐᕕᒃ ᑰᒃᔪᐊᒥ ᓱᕙᓐᓂᒃ ᐃᖃᓗᓐᓂᒃ ᐱᕈᕐᓯᔨᐅᑉ ᐱᕈᕐᓯᐊᓴᖏᓐᓂᒃ, ᑕᒪᓐᓇ ᐱᕙᓪᓕᐊᓯᓚᐅᕐᓯᒪᔪᖅ 1999-ᖑᑎᓪᓗᒍ ᓯᕗᓂᖃᕈᑎᐅᑦᓱᓂ ᐃᖃᓗᓐᓂᒃ ᐊᒥᓱᕈᐃᒐᓱᓐᓂᓴᒥᒃ ᑰᒃᔪᐊᕈᓯᐅᑉ ᑰᖓᑕ ᐹᖓᓂ ᐅᖓᓯᑦᑑᖏᑦᑐᒥ , ᐃᖃᓗᑉᐱᐊᕈᕐᓂᒃ ᓱᕙᕕᓂᐅᑦᓱᑎᒃ ᐃᖃᓗᒐᐅᓕᕐᑎᓗᒋᑦ ᑰᒃᒨᑕᐅᓲᓂᒃ.
1999 ᓯᕗᓂᖓᓂ, ᑰᒃᔪᐊᕈᓯᐅᑉ ᑰᖓᑕ ᐹᖓ ᑎᑭᐅᑎᔭᐅᔪᓐᓇᓚᐅᔪᖕᖏᓚᖅ ᒪᔪᕐᑕᐅᖃᔭᕋᓂ ᐃᖃᓗᑉᐱᓄᑦ ᑮᑕ ᒪᔪᕐᕕᓴᖃᖕᖏᒪᑦ ᑰᖓᑕ ᕿᖕᖑᐊ. ᑌᒪᓕ ᐱᒻᒪᕆᐅᒻᒪᑕ ᑕᒪᒃᑯᐊ ᐃᖃᓗᒃᐲᑦ ᓱᑲᑦᑐᒥᓪᓗ ᐊᒥᓱᖕᖑᕙᓪᓕᐊᓱᑎᒃ, ᖃᕋᕐᑎᕆᐅᑎᓂᒃ ᐊᑐᓚᐅᔪᕗᑦ ᐅᔭᕋᓱᒃᔪᓂᒃ ᖃᕋᕐᑎᕆᑦᓱᑎᒃ ᒪᕐᕈᐃᓕᖓᔫᓐᓂᒃ ᒪᔪᕐᕕᓴᓕᐅᕆᑦᓱᑎᒃ ᐃᖃᓗᓐᓂᒃ. ᑕᒐᓗ ᐃᒃᑲᓂᖓ ᑎᑭᐅᑎᔭᐅᒍᓐᓇᓕᕐᒪᑦ ᐃᖃᓗᑉᐱᓄᑦ ᓱᕙᓐᓂᓗ ᐃᖃᓗᒐᓕᐅᕐᕕᒃ ᐊᒥᓱᕈᐃᕙᓪᓕᐊᖏᓐᓇᐸᑦᓱᓂ, ᑰᒃᔪᐊᒥᐅᑦ ᐃᖃᓗᑦᑑᒪᓂᕐᓴᐅᓛᓕᕐᖁᑦ ᐃᖃᓗᑉᐱᐊᐱᓐᓂᒃ!
Hᑌᒣᒃᑲᓗᐊᕐᑎᓗᒋᑦ, ᑕᒪᒃᑯᐊ ᐃᓘᓐᓇᑎᒃ ᐱᑕᖃᓚᕿᒍᓐᓇᕋᔭᓚᐅᔪᖕᖏᑐᑦ ᐱᒐᓱᐊᒻᒪᕆᓚᐅᕐᓯᒪᖕᖏᑐᐊᕐᐸᑦ ᓄᓇᒥᒃ ᑎᒍᒥᐊᕐᑎᑯᑦ ᐊᖓᔪᕐᖃᕆᓯᒪᔭᖓᑦ, ᐋᓚᓐ ᑯᐊᑕ, ᓇᓗᓀᕐᑕᐅᒍᑎᑖᓚᐅᔪᔪᖅ ᐃᖃᓗᓕᕆᓂᕐᒥᒃ ᐱᔭᖃᕋᓱᓐᓂᒥᓄᑦ 2002-ᖑᑎᓪᓗᒍ. ᑫᑖᓐ ᓲᐅᓯ ᐱᓇᓱᐊᒻᒪᕆᖃᑎᐅᓯᒪᔪᖅ, ᖃᐅᔨᒪᔭᒥᓂᒃ ᐊᑐᕐᓱᓂ ᓱᕙᓕᕆᓂᕐᒥᒃ ᐱᒋᐊᕐᐸᓕᐊᓕᕐᑎᓗᒋᑦ. ᑖᒃᑯᐊᒃ ᐱᓇᓱᖃᑦᑕᑕᖏᓐᓄᑦ, ᐊᒥᓱᓄᓪᓗ ᐃᑲᔪᕐᓯᔭᐅᖃᑦᑕᓱᑎᒃ, ᐅᒃᓗᒥᐅᓕᕐᑐᖅ ᓱᕙᓕᕆᕕᒃ ᐊᕐᕌᒍᑕᒫᑦ ᐃᖃᓗᒐᖕᖑᐃᖃᑦᑕᓕᕐᐳᖅ ᒥᑦᓯᑎᓐᓂ 40,000 ᐊᒻᒪᓗ70,000-ᓂᒃ ᐃᖃᓗᑉᐲᑦ ᓱᕙᖏᓐᓂ, 50,000 ᐅᖓᑕᓃᑦᑐᑦ ᐃᖃᓗᒐᒍᓗᐃᑦ ᑕᓯᕐᓅᔭᕐᑕ ᐅᕙᑦᑎᓗᒋᑦ ᑰᖕᓅᔭᕐᑕ ᐅᓱᑎᒃᓗ ᑰᒃᔪᐊᑉ ᖃᓂᒋᔭᖓᓂ ᑕᒪᓐᓇᓗ ᐱᐅᓯᐅᖃᑦᑕᓯᒪᓕᕐᓱᓂᐊᕐᕌᒍᐃᑦ 2000-ᒥᑦ ᑎᑭᐅᑎᔪᑦ 2007-ᒧᑦ ᐊᓂᒍᐊᑎᒃᓗᒋᑦ!
ᐊᕐᕌᒍᖃᑦᑕᓯᒪᔪᓂ ᐃᖃᓗᐃᑦ ᓱᕙᖏᑦ ᐱᔭᐅᖃᑦᑕᓯᒪᔪᑦ ᓂᐅᓪᑐᔫᑉ ᑕᓯᖏᓐᓂ ᑕᓯᐅᔭᕐᒧᑦ ᖃᓂᑦᑐᓂᑦ ᑭᓯᐊᓂᓕ ᒫᓐᓇᐅᓕᕐᑐᖅ ᓱᕓᔦᖓ ᓱᖑᓕᕆᕗᑦ ᑰᖕᓂᑦ ᖃᓂᑦᑐᓂ ᑲᖏᕐᓱ ᐊᓗᒃᔪᐊᒧᑦ. ᓄᓇᓕᐅᑉ ᑭᒡᒐᑐᕐᑎᖓ ᐃᓚᐅᕙᒻᒥᔪᖅ ᓄᓇᕕᖕᒥ ᖃᐅᔨᓴᕐᓂᓄᑦ ᐱᒃᔪᔨᕕᐅᑉ ᐱᓇᓱᒃᑎᖏᓐᓄᑦ ᐃᑲᔪᕐᐸᓱᓂ ᓱᕙᓐᓂᒃ ᐱᔭᖃᕋᓱᓕᕐᑐᓂᒃ. ᑕᒐᑕᒐᓕ, ᐃᓱᒫᓗᓐᓇᖏᑦᓯ ᐊᓕᕐᓱᑎᒃ ᐃᖃᓗᑉᐲᑦ ᐅᓄᕐᓯᕙᓪᓕᐊᓕᕐᖁᑦ ᑰᒃᔪᐊᕈᓯᐅᑉ ᑰᖓᓂ. ᑌᓐᓇ ᓇᐳᒃᑲᓕᐅᕐᕕᒃ ᐃᖃᓗᓐᓂᒃ ᐱᕈᕐᓭᕕᒃ ᐆᑦᑐᕋᐅᑎᑦᓯᐊᖑᕗᖅ ᐃᓄᑐᐃᓐᓇᓄᑦ ᓯᕗᓕᕐᑕᐅᓱᑎᒃ ᑲᒪᒋᔭᖃᓕᕐᑐᓄᑦ ᓂᕐᔪᑎᓂᒃ ᐱᑦᓴᑖᕐᕕᓴᐅᔪᑦ ᑲᒪᒋᔭᖃᕐᓂᓄᑦ ᐃᓚᐅᑎᒃᓗᒋᑦ ᑰᒃᔪᐊᒥᐅᑦ ᐃᓚᒌᖑᓈᕐᑎᔪᑦ ᐃᖃᓗᓐᓂᐊᖃᑦᑕᓕᕐᓂᖏᑦ ᑖᒃᑯᓂᖓ ᓂᕿᑦᓯᐊᒪᕆᐊᓗᓐᓂᒃ ᐱᒍᓐᓇᐸᓕᕐᑕᒥᓂᒃ ᐊᕐᕌᒍᓕᒫᒥ ᑌᑦᓱᒪᓂ ᐱᑕᖃᕐᐸᓚᐅᖕᖏᑐᓂᒃ. ᐅᖃᐅᓯᑦᓴᖃᕈᕕᑦ ᐅᕝᕙᓘᓐᓃᑦ ᖃᓄᑐᐃᓐᓇᖅ ᐃᓱᒫᓗᒍᑎᖃᕈᕕᑦ ᐃᖃᓗᐃᑦ ᐊᓯᖏᓪᓗᓃᑦ ᓂᕐᔪᑏᑦ ᐱᑦᔪᑎᒋᓗᒋᑦ, ᐅᖃᐅᓯᕆᒍᓐᓇᓯᐊᕐᐸᑎᑦ ᒪᑭᐊᓐᔨ ᒪᐅᑎᓐᓂᐅᒃᒧᑦ ᓄᓇᕕᖕᒥ ᖃᐅᔨᓴᕐᓂᓂᒃ ᐱᒃᔪᔨᕕᖕᒥ ᐱᓇᓱᒃᑐᒧᑦ ᐊᒃᓚᕕᒋᓗᒍ ᐅᕙᓂ (mmartyniuk@makivik.org ᐅᖄᓚᓗᑎᒃᓗᓃᑦ 819-964-2925 ext. 302).
ᐊᒥᕋᕐᒥᒍᑦ ᐅᖁᕐᐸᓕᐊᓇᕐᑐᒥᒃ ᖃᓂᒻᒪᓯᓖᑦ ᑰᒃᓱᐊᑉ ᐃᖃᓗᖏᑦ: ᖃᐅᔨᔭᐅᔪᕕᓃᑦ 2022 ᐅᐱᕐᖔᖓᓂ
ᐊᓪᓚᓯᒪᔭᖏᑦ ᔨᕋᓪᑏᓐ ᑯᐁᓐ, ᓂᕐᔪᑏᑦ ᖃᓂᒻᒪᓯᖏᓐᓂᒃ ᐱᓪᓗᑯᒋᐊᓕᓕᕆᔨᖓᑕ ᓄᓇᕕᒻᒥ ᖃᐅᔨᓴᕐᓂᓄᑦ ᐱᒃᔪᔨᕕᐅᑉ
2022 ᐊᕐᕌᒍᖓᓂᓂᑦ, ᖃᐅᔨᓴᕐᓂᓂᒃ ᐱᓇᓱᒍᑎᐅᔪᑦ ᖃᐅᔨᓴᕐᓂᐅᖃᑦᑕᐳᑦ ᐅᖁᕐᓇᑐᒥᒃ ᖃᓂᒻᒪᓯᕐᒥᒃ ᐃᖃᓗᓐᓃᑐᒥᒃ ᑰᒃᔪᐊᑉ ᑰᖓᓂ. ᑕᒪᓐᓇ ᐅᖁᕐᐸᓕᐊᓇᕐᑐᖅ ᐊᒥᒐᖕᖏᓚᖅ ᓄᓇᐅᑉ ᐊᕙᑎᖓᓂ, ᐃᓘᓐᓈᒍᑦ ᐃᖃᓗᐃᑦ ᖃᓄᐃᖕᖏᓯᐊᕐᑐᓴᐅᓂᖏᓐᓂᒃ ᓱᕐᕃᒫᓗᓪᓗᐊᖏᒃᑲᓗᐊᕐᓱᓂ, ᑭᓯᐊᓂ ᐃᖃᓗᒃ ᐃᑭᖃᑐᐊᕐᒪᑦ ᐊᒥᕋᕐᒥᒍᑦ ᑖᒃᑯᐊ ᐅᖁᕐᑎᓯᕙᓪᓕᐊᓲᖅ ᖁᐱᕐᕈᐃᑦ ᑌᔭᐅᒍᓯᖃᕐᐳᑦ phaeohyphomycosis-ᓂᒃ.
ᖃᐅᔨᓴᕐᓂᒥᒃ ᐱᓇᓱᒍᑏᑦ ᐃᓚᐅᕕᐅᓚᐅᔪᕗᖅ ᐊᒥᓲᖕᖏᑐᓄᑦ ᑰᒃᔪᐊᒥᐅᓄᑦ ᐃᖃᓗᓐᓂᐊᑎᓄᑦ ᑭᓯᑦᓯᖃᑦᑕᓚᐅᔪᔪᓄᑦ ᐃᖃᓗᑉᑕᒥᓂᒃ ᐅᐱᕐᖔᖓᓂ 2022 ᓄᓇᕕᒻᒥ ᖃᐅᔨᓴᕐᕕᒧᑦ ᐁᑦᑐᑎᖃᖃᑦᑕᓱᑎᒃ ᐃᖃᓗᒃᑕᒥᓂᒃ ᖃᓂᒻᒪᓯᓕ-ᐅᔮᑐᐊᕐᒪᑕ ᐅᖁᕐᓇᑐᒥᒃ. ᕿᒥᕐᕈᔭᐅᒌᑦᓯᐊᑐᐊᕋᒥᒃ, ᖃᐅᔨᓴᕋᑦᓴᑖᕕᓃᑦ ᐊᐅᓪᓚᑎᑕᐅᖃᑦᑕᓚᐅᔪᑦ ᑯᐯᒃᒥᐅᑦ ᖃᐅᔨᓴᕐᑎᖏᓐᓄᑦ ᓂᕐᔪᑏᑦ ᖃᓂᒻᒪᓯᖏᓐᓂᒃ ᑕᒃᑲᓂ ᖃᐅᔨᓴᕐᑕᐅᒋᐊᓪᓚᖃᑦᑕᓱᑎᒃ. ᐃᖃᓗᑦᑕᐅᓯᒪᔪᑦ 339 ᓂᕿᑦᓴᑕᖑᑦᓱᑎᒃ, ᑖᒃᑯᓇᖕᖓᑦ ᐃᖃᓗᐃᑦ ᑕᓪᓕᒪᑦ ᖃᐅᔨᓴᕐᕕᒨᕐᑕᐅᓚᐅᔪᔪᑦ ᑖᒃᑯᓇᖕᖓᓗ ᓯᑕᒪ ᓱᕐᖁᐃᑐᒥᒃ ᖃᓂᒻᒪᓯᖃᓚᐅᔪᕗᑦ. ᑲᑎᑦᓱᑎᒃ ᐃᓘᓐᓇᑎᒃ ᑐᕿᖃᓕᕐᑐᑦ ᐊᑕᐅᓯᖅ ᐃᖃᓗᒃ ᐅᖁᕐᓇᑐᒥᕐ ᖃᓂᒻᒪᓯᓕᒃ 100-ᓂᑦ ᐃᖃᓗᓐᓂᑦ ᖃᐅᔨᓴᕐᕕᒨᕐᑕᐅᖃᑦᑕᑐᓂᑦ ᖃᓂᒻᒪᓯᖃᓱᖑᒋᐊᖓ. ᐃᖃᓗᓐᓂᐊᑏᑦ ᐃᓚᖓᑦ ᐃᒪᐅᑉ ᓂᕈᒥᓐᓂᖓᓂᒃ ᓇᐅᑦᓯᑐᕈᑎᒥᒃ ᑲᒪᓇᓱᒍᑎᒥᒃ ᐊᑐᖃᑦᑕᓚᐅᔪᒻᒥᔪᖅ ᐃᖃᓗᓐᓂᐊᕕᒋᓲᒥᓂ.
ᐊᐱᕐᓱᓂᖃᕐᓃᑦ ᐃᓚᖏᑦ ᐊᑑᑎᔭᐅᖃᑦᑕᓚᐅᔪᕗᑦ ᑐᑭᓯᓂᐊᕈᑎᐅᑦᓱᑎᒃ ᖃᖓᐅᑎᓪᓗᒍ ᑕᒪᓐᓇ ᖃᓂᒻᒪᓯᖅ ᓴᕐᕿᓚᐅᕐᓂᒪᖔᑦ ᑰᒃᔪᐊᑉ ᑯᒑᓗᐊᓂ, ᐊᕗᖓᐅᓕᒋᐊᓪᓚᕈᑎᒋᑦᓱᒋᓪᓗ ᐊᐱᕐᓱᓃᑦ ᐊᑑᑎᔭᐅᓂᖃᓛᕆᕗᑦ ᐅᐱᕐᖔᒥ/ᐅᐱᕐᖓᓴᒥ. ᐊᐱᕐᓱᓂᐅᖃᑦᑕᑐᑦ ᐊᓯᐊᒍᑦ ᐊᑑᑎᖃᕆᕗᑦ ᖃᐅᔨᒍᑎᐅᓂᑦᓴᒥᓂᒃ ᓱᒐᒥᒃ ᖃᓂᒻᒪᓰᑦ ᐃᖃᓗᓐᓂᒃ ᖃᓂᒻᒣᓚᕿᖃᑦᑕᒪᖔᑕ ᑕᒪᒃᑯᐊ ᖁᐱᕐᕈᐃᑦ ᑰᒃᔪᐊᑉ ᑰᖓᓂ.
ᑖᒃᑯᐊ ᐱᓇᓱᑦᑕᐅᔪᑦ ᐅᐱᕐᖔᖏᑕ ᓯᕗᓪᓕᐹᖓᓐᓂ ᐱᑦᓯᐊᒪᕆᓚᐅᔪᔪᑦ. ᑌᒪᓕ ᐃᖃᓗᐃᑦ ᖃᓂᒻᒪᓯᓖᑦ ᐊᒥᓱ-ᐊᓘᖕᖏᖃᓗᐊᕐᑎᓗᒋᑦ, ᐊᐱᕐᓱᓂᓐᓂᐅᖃᑦᑕᑐᑦ ᒫᓐᓇᒧᑦ ᑎᑭᑦᓱᑎᒃ ᑐᑭᓯᒍᑎᐅᓯᒪᓪᓚᕆᓕᕐᐳᑦ ᐊᒥᓱᖕᖑᐸᓪᓕᐊᑐ-ᐃᓐᓇᕆᐊᖏᑦ ᖃᓂᒻᒪᓯᓖᑦ ᑕᑯᔭᐅᖃᑦᑕᓱᑎᒃ ᐃᖃᓗᓐᓂᐊᑎᓄᑦ ᐊᕐᕋᒎᒃ ᒪᕐᕉᒃ ᓈᑎᓪᓗᒋᒃ.
ᑌᒣᒻᒪᑦ ᐊᒥᓱᓂᕐᓴᓂᒃ ᐃᖃᓗᓐᓂᐊᑎᓂᒃ ᐱᓇᓱᑦᑎᓯᓯᓚ-ᐅᔪᕗᒍᑦ 2023 ᐅᐱᕐᖔᖓᓂ, ᑐᓴᕐᑕᐅ ᑎᑦᓯᓛᕆᕗᒍᓪᓗ ᓄᑖᓂᒃ ᑐᓴᕐᑕᐅᑎᑦᓯᒍᑎᑦᓴᑖᓴᑐ ᐊᕐᒥᒍᑦᑕ! ᐃᖃᓗᑦᑕᓯ ᑌᒣᑦᑐᓂᒃ ᖃᓂᒻᒪᓯᖃᑐᐊᕐᐸᑕ, ᐃᖃᓗᑦᑕᕕᓂᑦᓯᓂᒃ ᓄᓇᕕᒻᒥ ᖃᐅᔨᓴᕐᕕᒨᕆᒍᓐᓇᖁᓯ.
ᖃᓄᑐᐃᓐᓇᖅ ᑕᒪᑐᒧᖕᖓᓕᖓᔪᓂᒃ ᐃᓱᒫᓗᒍᑎᖃᑐᐊᕈᑦᓯ, ᐅᖃᐅᓯᑦᓴᖃᕈᑦᓯᓘᓐᓃᑦ ᐅᕝᕙᓘᓐᓃᑦ ᐃᓚᐅᖃᑕᐅᒍᒪᓐᓂᕈᑦᓯ ᑕᒪᒃᑯᓂᖓ ᖃᐅᔨᓴᕐᑐᓄᑦ, ᖃᐅᔨᒋᐊᕈᓐᓇᐳᓯ ᔨᕋᓪᑏᓐ-ᔨ ᑯᐁᓐᒧᑦ ᐅᕙᓂ ᐊᒃᓚᕕᒋᓗᒍ (ggouin@makivik.org). ᓂᕐᔪᑏᑦ ᖃᓄᐃᖕᖏᓯᐊᕐᑐᓴᐅᓂᖏᓐᓂᒃ ᐃᓱᒫᓗᒍᑎᖃᕈᕕᑦ? ᐅᖃᐅᓯ-ᖃᕐᑌᓕᖕᖏᓚᑎᑦ ᓄᓇᕕᒻᒥ ᖃᐅᔨᓴᕐᓂᓂᒃ ᐱᒃᔪᔨᕕᖕᒧᑦ!
819-964-2925
P.O. Box 179, Kuujjuaq, Québec J0M 1C0
04/12/2024
ᒪᑭᕝᕕᐅᑉ ᐊᖓᔪᕐᖄᖓ ᐱᑕ ᐋᑕᒥ ᑯᐯᒃᒥᐅᓗ ᐊᖓᔪᕐᖄᖓ François Legault ᑲᑎᓚᐅᔪᕘᒃ ᒪᓐᑐᕆᐊᓪᒥ ᑎᓯᒻᐸ 20-ᒥ ᐊᑎᓕᐅᕐᕕᖃᕆᐊᕐᑐᓱᑎᒃ ᓄᓇᕕᒻᒥᐅᑦ ᓇᒻᒥᓂᖅ-ᑲᕙᒪᒍᒪᕐᓂᒧᑦ ᐊᖏᖃᑎᒌᒐᓱᐊᕈᑎᑦᓴᖓᓂᒃ, ᐱᓪᓚᕆᐅᑦᓱᓂ ᐅᖄᒍᑕᐅᕙᓪᓕᐊᓚᖓᓕᕐᑎᓗᒍ ᓄᓇᕕᒻᒥᐅᑦ ᐃᒻᒥᓂᒃ-ᐊᐅᓚᑦᓯᒍᒪᓂᖓ. ᒪᑭᕝᕕᐅᑉ ᐳᕐᑐᓂᕐᓴᖁᑎᓕᒫᖏᑦ ᐊᑎᓕᐅᕐᑐᓃᓚᐅᔪᕗᑦ, ᓄᓇᕕᒻᒥᐅᓗ ᐃᒻᒥᓂᒃ-ᐊᐅᓚᑦᓯᒍᒪᓂᕐᒧᑦ ᐊᖏᖃᑎᒌᒐᓱᐊᕐᑏᒃ, […]
06/20/2023
ᒍᐃᓕᐋᒻ ᑕᒍᕐᓈᖅ ᐊᒥᓱᐊᓗᓐᓂᒃ ᐱᓇᓱᐊᕐᓯᒪᕗᖅ. ᓄᑖᒥᒃ ᑐᓴᕐᓂᔮᕐᑎᓯᒍᑎᒥᒃ ᓄᐃᑦᓯᓚᐅᕐᐳᖅ ᐱᒋᐊᕐᕕᓕᐅᑎᓯᒪᔪᓂᒃ ᓂᐱᓕᐅᖃᑦᑕᕆᐊᖕᖓᓯᓂᕕᓂᖓᓂᑦ, ᐅᖄᒍᑎᖃᕐᐳᖅ ᐱᔭᖃᕆᐊᑦᓯᐊᕈᓐᓇᐅᑎᒋᓚᐅᕐᑕᒥᓂᒃ ᐋᕐᕿᒋᐊᕆᓂᖃᕐᓂᒥᒍᑦ. ᐊᓪᓚᑕᖏᑦ Miriam Dewar/ᒥᐊᔨᐋᒻ ᑑᐅ ᒍᐃᓕᐋᒻ ᑕᒍᕐᓈᖅ ᖃᓄᐃᑦᑐᑐᐃᓐᓇᐅᓯᒪᕗᖅ, ᐃᓚᐅᔪᑦ ᐅᑯᐊ: ᑐᓴᕋᑦᓴᓂᐊᕐᑎ, ᐱᓂᐊᕐᓂᓕᕆᔪᓄᑦ ᐃᓚᐅᕙᓐᓂᖅ, ᐊᒻᒪᓗ ᑐᓴᕐᓂᔮᕐᑎᓯᔨᐅᑦᓱᓂ. […]
02/19/2023
ᒣ 2019-ᖑᑎᓪᓗᒍ, ᐊᓪᓚᓯᒪᔪᑎᒍᑦ ᑐᑭᓯᒪᖃᑎᒌᒍᑎᐅᑦᓱᑎᒃ ᐱᔭᖃᕋᓱᒍ-ᒪᒍᑎᓂᒃ ᐊᑑᑎᓚᐅᔪᑎᓪᓗᒋᓂᑦ ᓇᔪᒻᒥᕕᒃ ᓄᓇᒥᒃ ᑎᒍᒥᐊᕐᑎᑯᓪᓗ ᑰᒃᔪᐊᒥᐅᑦ ᓄᓇᒥᒃ ᑎᒍᒥᐊᕐᑎᖏᑦ, ᒪᑭᕝᕕᓗ, ᐊᒻᒪᓗ ᐅᔭᕋᓐᓂᐊᑏᑦ ᐱᓇᓱᒐᖃᕐᕕᖁᑎᖓᑦ Commerce Resources-ᒥᒃ ᐊᑦᓯᕋᐅᑎᓕᒃ ᖃᓪᓗᓈᕐᑎᑐᑦ, ᐃᓄᑐᐃᓐᓀᑦ ᐃᓂᓪᓓᒍᑎᖃᓕᓚᐅᔪᕗᑦ ᐱᓇᓱᖃᑎᒌᑦᑐᓴᓂᒃ ᐸᕐᓇᓛᕐᑐᓂᒃ ᐱᓇᓱᒍᑎᑦᓴᓂᒃ ᓯᕗᓂᖃᕈᑎᒋᑦᓱᒋᑦ […]