04/26/2021
ᑐᓴᕐᑎᓯᒍᑎᕕᓃᑦ ᑕᓯᐅᔭᒥᐅᑉ ᓯᕗᓕᕐᑎᖓᓄᑦ ᐱᓕ ᑫᓐᒧᑦ, ᐊᒻᒪᓗ Géraldine-G Gouin-ᒧᑦ, ᐆᒪᔪᓄᑦ ᖃᓂᒻᒪᓯᕆᔭᐅᓲᓂᒃ ᖃᐅᔨᒪᓂᖃᓪᓚᕆᑦᑐᒧᑦ, ᓄᓇᕕᒻᒥ ᖃᐅᔨᓴᕐᕕᒥ ᖃᐅᔨᓴᕐᑎᐅᓱᓂ, ᐊᒻᒪᓗ Adrián Hernández Ortiz, ᐆᒪᔪᓄᑦ ᖁᐱᕐᕆᓯᒪᒍᑕᐅᒍᓐᓇᑐᓂᒃ ᐆᒪᔪᓕᕆᓂᕐᒥ ᐱᓯᒪᔪᒧᑦ, ᓴᔅᑳᑦᑐᐊᓐ ᐃᓕᓐᓂᐊᕕᕐᔪᐊᖓᓂ (University of […]
ᑐᓴᕐᑎᓯᒍᑎᕕᓃᑦ ᑕᓯᐅᔭᒥᐅᑉ ᓯᕗᓕᕐᑎᖓᓄᑦ ᐱᓕ ᑫᓐᒧᑦ, ᐊᒻᒪᓗ Géraldine-G Gouin-ᒧᑦ, ᐆᒪᔪᓄᑦ ᖃᓂᒻᒪᓯᕆᔭᐅᓲᓂᒃ ᖃᐅᔨᒪᓂᖃᓪᓚᕆᑦᑐᒧᑦ, ᓄᓇᕕᒻᒥ ᖃᐅᔨᓴᕐᕕᒥ ᖃᐅᔨᓴᕐᑎᐅᓱᓂ, ᐊᒻᒪᓗ Adrián Hernández Ortiz, ᐆᒪᔪᓄᑦ ᖁᐱᕐᕆᓯᒪᒍᑕᐅᒍᓐᓇᑐᓂᒃ ᐆᒪᔪᓕᕆᓂᕐᒥ ᐱᓯᒪᔪᒧᑦ, ᓴᔅᑳᑦᑐᐊᓐ ᐃᓕᓐᓂᐊᕕᕐᔪᐊᖓᓂ (University of Saskatchewan-ᒥ)
ᐅᑭᐊᑦᓴᐅᑎᓪᓗᒍ 2019-ᒥ, ᑕᓯᐅᔭᒥ ᓯᕗᓕᕐᑎ ᐱᓕ ᑫᓐ ᑕᑯᓯᒪᔪᖅ ᐃᑉᐱᒍᓱᓕᕐᓱᓂᓗ ᑐᑦᑐᕕᓂᐅᑉ ᓂᕿᖓᓂᑦᑐᓂᒃ ᖃᑯᕐᑕᑲᓪᓛᓂᒃ, ᑕᑯᓚᐅᕐᓯᒪᑦᔭᖏᑦᑕᒥᓂᒃ. ᑌᒃᑯᐊ ᖃᑯᕐᑕᑲᓪᓛᑦ (ᖁᐱᕐᕆᓯᒪᓂᕐᒧᑦ ᐃᒻᒪᓃᑦ) ᐃᕐᕿᐅᔭᕐᕿᑐᐃᓐᓇᐅᓱᑎᒃ/ᖁᐱᕐᕉᔭᕐᕿᑐᐃᓐᓇᐅᓱᑎᒃ (ᑕᑯᓗᒍ ᐊᑦᔨᖑᐊᖅ 1). ᑐᑦᑐᑕᕕᓂᐅᑦᓱᓂ ᖁᓕᓪᓗ/ᑕᓪᓕᒪᐅᔪᕐᑐᓗ ᒪᕐᕈᓘᓂᒃ (12-ᓂᒃ) ᐊᓐᓂᑐᕐᑐᕕᓂᐅᑦᓱᓂ ᐊᑕᐅᓯᖅ ᐃᒻᒪᓯᓴᓂᖃᓚᐅᔪᖅ ᖃᓄᐃᑦᑑᔮᖕᖏᑲᓗᐊᕐᓱᓂ. ᐅᑭᐅᒥ ᐊᒻᒪᓗ ᐅᐱᕐᖓᓴᑐᖃᐅᓂᕐᓴᐅᓕᕐᒥᑎᓪᓗᒍ, ᐱᓕ ᑌᒫᑦᓭᓇᖅ ᑐᑦᑐᐃᑦ ᐃᒻᒪᓯᒪᓂᖃᕐᓂᖏᓐᓂᒃ ᐃᑉᐱᒋᔭᖃᓯᓚᐅᔪᒻᒥᔪᖅ; ᓯᑕᒪᐅᔪᖏᒐᕐᑐᐃᑦ ᑐᑦᑐᑕᕕᓂᖏᑦ ᐃᒻᒪᓯᒪᓂᖃᓚᐅᔪᑦ. ᐊᑕᐅᓯᑐᐃᓐᓇᐅᔭᖏᑦᑐᒥᒃ ᖃᐅᔨᖃᑦᑕᓕᕋᒥ (ᒪᓗᒍᓱᓯᓚᐅᔪᖅ ᐃᔩᓐᓄᑦ ᑕᑯᑦᓴᐅᖏᑦᑐᓂᒃ ᖁᐱᕐᕈᖃᕐᓂᐊᖕᖒᕆᑦᓱᒋᑦ), ᐅᑭᐅᖑᑎᓪᓗᒍ ᐊᓐᓂᑐᕐᑕᕕᓂᕐᒥᑕ ᑐᑦᑐᕕᓂᐅᑉ ᓂᕿᖓᓂᒃ ᓄᓇᕕᒻᒥ ᑰᑦᔪᐊᒥ ᖃᐅᔨᓴᕐᕕᒧᑦ ᐊᐅᓪᓚᑎᑦᓯᓚᐅᔪᖅ.
ᓄᓇᕕᒻᒥ ᖃᐅᔨᓴᕐᕕᒥ ᐱᓇᓱᑦᑏᑦ ᐊᓱᐃᓛᒃ ᖃᐅᔨᓴᕐᑐᕕᓂᐅᓕᓚᐅᔪᑦ ᐊᒻᒪᓗ ᑕᑯᔪᕕᓂᐅᑦᓱᑎᒃ ᐃᔩᓐᓄᑦ ᑕᑯᑦᓴᐅᖏᑦᑐᓂᒃ ᖁᐱᕐᕆᓯᒪᒋᐊᖏᑦ ᐊᑦᓯᕋᕐᑕᐅᒍᑎᓕᓐᓂᒃ ᖃᓪᓗᓈᑎᑐᑦ Sarcocystis spp. ᑕᒪᒃᑯᐊ protozoan-ᖑᓂᕋᕐᑕᐅᔪᐃᑦ (ᒥᑭᔪᒻᒪᕆᓐᓂᒃ ᖁᐱᕐᕈᓂᒃ), “ᐃᕐᕿᐅᔭᕐᕿᑐᐃᓐᓇᐅᓱᑎᒃ/ᖁᐱᕐᕈᔭᕐᕿᑐᐃᓐᓇᐅᓱᑎᒃ”. ᑖᒃᑯᐊ Sarcocystis spp.-ᖑᓂᕋᕐᑕᐅᔪᐃᑦ ᐊᒥᓱᒻᒪᕆᓐᓂ ᐆᒪᔪᓂ ᑕᑯᔭᐅᓗᑭᓲᑦ, ᐅᑯᐊᓗᐊᖕᖑᐊᑦ ᓂᕈᒥᑦᑐᒥᒃ ᐊᐅᖃᓲᑦ ᐊᓈᓇᒥᓂᓪᓗ ᐊᒫᒪᑦᓱᑎᒃ ᐃᒻᒧᑐᓲᒍᑦᓱᑎᒃ ᐊᒻᒪᓗ ᑎᒻᒥᐊᑦ. ᐊᒥᓲᓂᕐᓭᑦ ᐃᓐᓄᓄᑦ ᓱᒃᑯᓲᕈᑕᐅᓲᒍᖕᖏᑐᑦ.
ᐱᓕᐅᑉ ᑐᑦᑐᑕᕕᓂᖏᑦᑕ ᓂᕿᖏᑦᑕ ᓱᑯᑦᓯᖏᑦ ᖃᑯᕐᑕᓛᓂᒃ ᑕᑯᕕᐅᓯᒪᔪᑦ ᓱᕐᖁᐃᓴᕐᑕᐅᓚᐅᔪᒻᒪᑕ ᐊᓱᐃᓛᒃ Sarcocystis spp.-ᖑᓂᕋᕐᑕᐅᔪᓂᒃ ᖁᐱᕐᕈᑕᓕᕕᓃᑦ, ᓄᓇᕕᒻᒥ ᖃᐅᔨᓴᕐᕕᒥ ᐱᓇᓱᑦᑎᓄᑦ ᐊᑕᐅᓰᓂᒃ ᖁᐱᕐᕆᓯᒪᒋᐊᖏᑦ ᓂᕿᖏᑦ ᖃᐅᔨᔭᐅᔪᕕᓃᑦ ᕿᕐᖑᑎᐅᑦᓱᓂ ᐊᖏᓕᒪᐅᑎᒥᒃ ᐊᑐᕐᓱᑎᒃ ᑕᑯᒍᓐᓇᑕᕕᓂᖏᑦ ᖁᐱᕐᕈᐃᑦ. Sarcocyst-ᒍᓂᕋᕐᑕᐅᓱᑎᒃ ᐃᒻᒪᓯᒪᔪᐃᑦ (ᑕᑯᓗᒍ ᐊᑦᔨᖑᐊᖅ 2), ᐊᒥᓱᑲᓪᓓᑦ ᒥᑭᔫᑦᓱᑎᒃ ᐊᒥᑦᑐᑳᑦ ᖁᐱᕐᕈᐃᑦ ᐃᔨᓐᓄᑦ ᑕᑯᑦᓴᐅᔭᒐᑎᒃ. ᑕᒪᒃᑯᐊ ᖁᐱᕐᕈᐊᕈᐃᑦ ᐃᒻᒪᕈᑕᐅᓲᑦ ᓂᕿᖏᑦ ᓂᕆᔭᐅᑐᐊᕋᒥᒃ ᐊᓯᖏᓐᓄᑦ ᐆᒪᔪᒧᑦ. ᓄᓇᕕᒻᒥ ᖃᐅᔨᓴᕐᕕᒥ ᐱᓇᓱᑦᑏᑦ ᐃᒻᒪᓯᒪᓂᖏᓐᓂᒃ ᐊᖏᓕᒪᐅᑎᒧᑦ ᑕᑯᓐᓇᓱᒋᑦ ᒪᕿᑎᑕᐅᖃᑦᑕᑐᕕᓃᑦ ᐊᒥᓱᑲᓪᓛᓗᐃᑦ ᒥᑭᔫᑦᓱᑎᒃ ᐊᒥᑦᑐᑳᑦ ᖁᐱᕐᕈᐃᑦ.
ᐊᖏᓕᒪᐅᑎᒃᑯᑦ ᐊᖏᓕᒪᑎᑕᐅᔪᖅ microscope (magnification 100X-ᒧᑦ). ©Géraldine-G Gouin
ᑕᒪᒃᑯᐊ ᐃᔩᓐᓄᑦ ᑕᑯᑦᓴᐅᒐᑎᒃ ᖁᐱᕐᕈᐃᑦ Sarcocystis spp.-ᒍᓂᕋᕐᑕᐅᔪᐃᑦ ᒪᕐᕈᐃᓗᐊᖕᖑᐊᓄᑦ ᐆᒪᔪᓄᑦ ᖁᐱᕐᕆᓯᒪᒍᑎᐅᓲᑦ: ᐊᒪᕈᕐᓄᑦ ᐅᕝᕙᓘᓐᓃᑦ ᐱᕐᑐᓯᒐᕐᓄᑦ. ᐆᒪᔪᓂᒃ ᖁᐱᕐᕈᑕᓕᓐᓂᒃ ᐱᕈᕐᓴᖏᓐᓈᑐᓂᒃ ᓲᕐᓗ ᒪᓐᓂᑐᐃᓐᓇᐅᖏᓐᓈᑎᓪᓗᒋᑦ ᖁᐱᕐᕈᐃᑦ ᓂᕿᖏᓐᓃᑐᓂᒃ ᓂᕆᔪᐃᑦ ᖁᐱᕐᕆᓲᑦ. ᑌᒪ, ᖁᐱᕐᕈᐊᕈᐃᑦ ᓂᕆᔪᕕᓂᐅᑉ ᓄᑭᖏᓐᓅᓂᐊᓕᕐᒪᑕ, ᓄᑭᖏᓐᓃᓕᕋᒥᓪᓗ ᐃᒻᒪᑎᑦᓯᕙᓪᓕᐊᓯᓲᒍᑦᓱᑎᒃ. ᓂᕆᔭᕕᓂᐅᑐᐊᕋᒥᒃ ᓂᕆᔪᕕᓂᐅᑉ ᓄᑭᖏᓐᓃᓯᑐᐃᓐᓇᓲᑦ. ᐅᑦᑑᑎᒋᓗᒍ, ᐊᒪᕈᖅ ᖁᐱᕐᕆᓯᒪᔪᖅ ᐊᓇᑐᐊᕐᒪᑦ ᓄᓇᒧᑦ, ᑕᒪᒃᑯᐊ ᐃᔩᓐᓄᑦ ᖁᐱᕐᕈᐃᑦ ᑕᑯᑦᓴᐅᔭᖏᑦᑐᐃᑦ ᒪᓐᓂᖏᑦ ᑎᖓᐅᔭᕐᓅᓲᑦ, ᐅᔭᕋᕐᓄᑦ ᐅᕐᐱᓄᓪᓗ, ᐊᓯᖏᓐᓂᓗ. ᑕᒪᒃᑯᐊ ᒪᓐᓂᖏᑦ ᓂᕆᔭᐅᓯᓲᑦ ᑐᑦᑐᓄᑦ, ᖁᐱᕐᕆᒍᑕᐅᓚᖓᑦᓱᑎᒃ Sarcocystis spp-ᒍᓂᕋᕐᑕᐅᔪᓂᒃ (ᑕᑯᓗᒍ ᐊᑦᔨᖑᐊᖅ 3).
ᑐᑦᑐᐃᑦ ᒥᑭᓂᕐᓭᑦ Reindeer-ᒍᓂᕋᕐᑕᐅᔪᐃᑦ ᑐᑦᑐᐊᐲᑦ ᖁᐱᕐᕆᓯᒪᓲᒍᒻᒥᔪᑦ Sarcocystis-ᒍᓂᕋᕐᑕᐅᔪᓄᑦ ᓇᓗᓀᕐᑕᐅᓯᒪᒻᒥᔪᑦ ᖁᐱᕐᕆᓯᒪᓲᒍᒋᐊᖏᑦ. Sarcocystis spp-ᒧᑦ ᐃᒻᒪᓯᒪᔪᐃᑦ ᑖᕙᓂ ᑕᕆᐅᕐᔪᐊᑉ ᐊᑭᐊᓂᒥᐅᑦ ᑐᑦᑐᓴᔭᖏᑦᑕ ᓄᑭᖏᓐᓂᒃ ᖁᐱᕐᕈᐃᑦ ᑕᑯᔭᐅᖃᑦᑕᓯᒪᔪᐃᑦ ᐆᒻᒪᑎᖏᑦᑕ ᓄᑭᖏᓐᓂᐊᓛᑦ, ᐃᒡᒋᐊᖏᑦᑕ ᑐᕐᓱᐊᖏᓐᓂ, ᑲᓂᕙᐅᑎᖏᓐᓂ, ᐊᒻᒪᓗ ᐃᓅᑉ ᑕᓕᖏᑦᑕ ᓂᕿᖏᓐᓂᒃ. ᐃᒻᒪᓯᒪᓂᖏᑦᑕ ᐊᖏᓂᖏᑦ ᐊᑦᔨᒌᓱᒍᑦᔭᖏᑦᑐᑦ 1 mm-ᒥᑦ 16 mm-ᒧᑦ ᐊᖏᓂᖃᓲᑦ, ᐆᒪᔫᑉ ᓇᓪᓕᐊᒍᓂᖓ ᐃᑉᐱᒋᑦᓱᒍ. Sarcocystis-ᒍᓂᕋᕐᑕᐅᔪᐃᑦ ᑐᑦᑐᓃᓲᑦ ᐊᒥᐊᔨᑲᒻᒪᕆᓕᒫᒥ ᖃᐅᔨᓴᕐᑕᐅᒐᓱᐊᖏᓐᓈᑐᑦ. ᐊᒥᓱᓪᓗᐊᖏᑦᑐᐃᑦ ᑐᓴᕐᑎᓯᒍᑎᓕᐊᒍᓯᒪᓕᕐᑑᒐᓗᐊᑦ Sarcocystis spp ᖁᐱᕐᕆᓇᕐᑐᐃᑦ ᒥᑦᓵᓄᑦ ᑲᓇᑕᒥ ᑕᑯᑦᓴᐅᑎᑦᓯᒍᓗᑐᐃᓐᓇᑐᐃᓪᓕ ᖃᓄᐃᑦᑑᒪᖔᑕ Sarcocystis spp-ᒍᓂᕋᕐᑕᐅᔪᐃᑦ ᖁᐱᕐᕆᓇᕐᑐᐃᑦ ᖃᓄᐃᑦᑐᓚᕆᐅᒻᒪᖔᑕ ᑐᑭᓯᓇᕈᑎᖏᓐᓂᒃ ᑐᑭᓯᓇᕐᑎᓯᑦᔭᒐᑎᒃ ᓄᐃᑕᐅᖃᑦᑕᓯᒪᔪᐃᑦ. ᑌᒣᓐᓂᑯᖏᓐᓄᑦ, ᐅᓪᓗᒥᓂᑕᐅᓂᕐᓴᓂᒃ ᖃᐅᔨᓴᐅᑎᓂᒃ ᐊᑐᕐᓱᑕ ᖃᐅᔨᒍᓐᓇᓯᓯᒪᔪᒍᑦ ᖃᓄᐃᑦᑐᐃᑦ ᖁᐱᕐᕈᐃᑦ Sarcocystis-ᒍᓂᕋᕐᑕᐅᔪᐃᑦ ᖁᐱᕐᕆᓯᒪᒍᑕᐅᓐᓂᒪᖔᑕ ᐱᓕᐅᑉ ᑕᑯᔭᕕᓂᖏᑦ ᑐᑦᑐᑕᕕᓂᖏᑦᑕ ᓂᕿᖏᓐᓃᑐᐃᑦ.
ᖃᐅᔨᓴᕐᑕᐅᑎᑦᓯᒍᓐᓇᓯᓯᒪᔪᒍᑦ, ᖃᐅᔨᓴᕋᑦᓴᓂᒃ ᓴᔅᑳᑦᑐᐊᓐᒥ ᐃᓕᓐᓂᐊᕕᕐᔪᐊᖓᓄᑦ (Saskatoon University-ᒧᑦ) ᑐᑦᑐᐃᑦ ᓂᕿᖏᑦᑕ ᓄᑭᖏᑦ ᐊᐅᖏᑦᑎᒍᑦ ᓇᓪᓕᐊᒍᓂᖏᓐᓂᒃ ᓇᓗᓀᕐᓯᒍᑏᑦ ᖃᐅᔨᓴᕐᑕᐅᓚᐅᔪᑦ. ᖃᐅᔨᓴᕋᑦᓴᑖᕕᓂᓪᓗ ᖃᐅᔨᓴᕐᑕᐅᓚᐅᔪᑦᓱᑎᒃ ᐱᓪᓗᑯᑦᓱᒋᑦ ᑭᓯᐊᓂ ᖃᐅᔨᓴᕈᑎᓄᑦ ᐃᔩᓐᓄᑦ ᖁᐱᕐᕈᓂᒃ ᑕᑯᑦᓴᐅᖏᑦᑐᓂᒃ ᑕᑯᒍᓐᓇᐅᑎᓄᑦ ᑕᑯᔭᐅᓚᐅᔪᑦ, ᖁᐱᕐᕈᐊᕈᓰᑦ ᖃᓪᓗᓈᕐᑎᑐᑦ coccidians-ᒍᓂᕋᕐᑕᐅᔪᐃᑦ (Sarcocystis spp-ᔫᔭᕐᑐᐃᑦ.). ᖃᐅᔨᓴᐅᑎᕕᓃᑦ ᖃᐅᔨᔭᐅᒻᒪᑕ, ᖃᐅᔨᒍᑎᑦᓴᓕ-ᐊᒍᓚᐅᔪᑦ, ᐱᓪᓗᑯᒋᐊᓕᑦᑎᒍᑦ ᖃᐅᔨᓴᕐᓂᒥᒍᑦ ᖃᐅᔨᒍᓐᓇᑐᓄᑦ ᖁᐱᕐᕈᖏᑦ ᖃᓄᐃᑦᑐᓚᕆᒻᒪᖔᑕ. ᖃᐅᔨᔭᐅᓂᖏᑦ ᓇᓗᓀᕐᓯᒍᑎᐅᓚᐅᔪᑦ ᐃᔩᓐᓄᑦ ᑕᑯᑦᓴᐅᒐᑎᒃ ᖁᐱᕐᕈᐃᑦ ᖃᓪᓗᓈᑎᑐᑦ Sarcocystis rangiferi-ᒍᓂᕋᕐᑕᐅᓱᑎᒃ ᐊᑦᓯᕋᕐᑕᐅᒍᑎᖃᕆᐊᖏᑦ.
ᖁᐱᕐᕆᓇᑦᑐᓂᒃ ᓂᕆᔪᕕᓃᑦ ᖃᓂᒻᒪᓯᕐᑖᕙᓪᓕᐊᓲᒍᓂᖏᑦ Sarcocystis rangiferi-ᒍᓂᕋᕐᑕᐅᔪᓂᒃ ᑐᑦᑐᐊᐲᑦ ᖁᐱᕐᕆᓯᒪᒻᒪᖔᑕ ᖃᐅᔨᓴᕐᑕᐅᓯᒪᖕᖏᑐᑦ. ᐊᑕᐅᓰᑐᐃᓐᓇᐅᖏᑦᑐᓄᑦ ᐆᒪᔪᓄᑦ ᖁᐱᕐᕆᑎᑕᐅᓯᒪᔪᑦᓴᐅᒥᔪᑦ, ᐊᓯᖏᓐᓄᑦ ᐃᔩᓐᓄᑦ ᑕᑯᑦᓴᐅᒐᑎᒃ ᖁᐱᕐᕈᓄᑦ, ᐃᓗᓯᕐᓱᓯᐊᕈᓐᓀᓯᒪᒍᓇᐅᒧᑦ ᐅᓄᕐᓯᕙᓪᓕᐊᖏᓚᕿᕐᖂᑐᑦ.
ᐃᓄᐃᑦ ᑐᑦᑑᑉ ᓂᕿᖓᓂᒃ ᓂᕆᔪᕕᓂᐅᓗᑎᒃ ᖁᐱᕐᕈᓄᑦ Sarcocystis rangiferi-ᒍᓂᕋᕐᑕᐅᔪᓄᑦ ᖃᓄᐃᒍᑎᖃᓯᒍᓇᐅᔮᖕᖏᑐᑦ. ᐃᔩᓐᓄᑦ ᑕᑯᑦᓴᐅᒐᑎᒃ ᖁᐱᕐᕈᐃᑦ Sarcocystis rangiferi-ᒍᓂᕋᕐᑕᐅᔪᑦ ᐃᑭᑦᑐᒪᕆᐅᒻᒪᑕ ᒫᓐᓇ/ᑕᒐᑕᒐ ᓄᓇᕐᔪᐊᓕᒫᒥ ᓂᕿᖏᑦ ᖃᓚᒪᒍᓐᓀᑎᓪᓗᒋᑦ ᐃᓄᓐᓄᑦ ᓂᕆᔭᐅᒐᓗᐊᕈᑎᒃ ᓱᕐᕃᓗᐊᕈᓇᐅᖕᖏᑐᑦ ᐃᓄᓐᓂᒃ, ᐊᒻᒪᓗ ᖁᐱᕐᕈᐃᑦ Sarcocystis rangiferi-ᒍᓂᕋᕐᑕᐅᔪᐃᑦ ᐃᓚᒋᔭᐅᑦᔭᖏᑦᑐᐃᑦ. ᑭᓯᐊᓂ, ᖃᐅᔨᓴᕐᑕᐅᓗᐊᓚᐅᕐᓯᒪᖕᖏᑐᑦ ᖃᓄᖅ ᑐᑦᑐᕕᓃᑦ ᓂᕆᔭᕕᓂᐅᑐᐊᕋᒥᒃ ᐃᓄᓐᓄᑦ ᖁᐱᕐᕈᐃᑦ sarcocyst ᖃᓄᑎᒋᒃ ᐃᓄᓐᓄᑦ ᐁᑦᑐᑑᑎᐅᓲᒍᒻᒪᖔᑕ ᖃᓂᕐᒪᓯᕐᓂᒃ. ᐃᓄᐃᑦ ᖁᐱᕐᕆᓯᒪᒐᓗᐊᕋᒥᒃ, ᑕᑯᑦᓴᐅᓲᒍᑦᔭᖏᒻᒪᑕ ᖃᓄᐃᓕᕋᓗᐊᕐᒪᖔᑕ. ᑭᓯᐊᓂ ᐃᓛᓐᓂᓴᕋᑖᓗᒃ ᐆᓇᒐᓛᐱᓲᑦ, ᐃᑎᑦᑕᓲᑦ/ᐊᓇᑭᑕᓲᑦ, ᒥᕆᐊᑎᒋᖃᑦᑕᓱᑎᒃ ᐊᒻᒪᓗ ᐃᐱᓂᐊᒐᓛᐱᖃᑦᑕᓱᑎᒃ. ᖃᐅᔨᒪᑦᓯᐊᖏᑐᐊᕈᑦᓯ ᖃᓄᐃᓘᕈᑎᖃᒋᐊᖃᕐᒪᖔᑦᓯ ᑐᑦᑐᕕᓃᑦ ᓂᕿᖏᓐᓂᒃ ᖁᐱᕐᕆᓯᒪᔪᓂᒃ, ᐃᒐᔭᐅᒍᓐᓇᑐᑦ ᖃᓚᑦᑎᓗᒋᑦ 71° C ᐆᓇᕐᓂᓕᒻᒧᑦ ᐅᕝᕙᓘᓐᓃᑦ ᓂᕿᖏᑦ ᖁᐊᕐᓯᔨᓗᒋᑦ 4° C ᓂᓪᓕᓇᕐᓂᓕᒻᒧᑦ ᐅᓪᓘᓂ ᒪᕐᕉᓂ ᐃᔩᓐᓄᑦ ᑕᑯᑦᓴᐅᖏᑦᑐᐃᑦ ᖁᐱᕐᕈᖏᑦ ᑐᖁᒐᔭᕐᒪᑕ. ᕿᒻᒦᑦ ᑐᑦᑐᕕᓂᕐᓂᒃ ᖃᓚᒻᒣᑐᓂᒃ ᓂᕆᒃᑲᑕᐅᒋᐊᖃᖕᖏᑐᑦ ᖁᐱᕐᕆᑐᐃᓐᓇᕆᐊᖃᕐᒪᑕ!
ᐊᒥᐊᔨᑲᒻᒪᕆᓕᒫᑦᓯᐊᒥ ᑖᒃᑯᐊ ᖁᐱᕐᕈᐃᑦ Sarcocystis rangiferi-ᒍᓂᕋᕐᑕᐅᔪᑦ ᓇᓗᓀᕐᑕᐅᒋᐅᓚᐅᔪᑦ. ᖃᓄᓪᓗᐊᑎᒋᒃ ᑐᑦᑐᐃᑦ ᖃᓄᐃᒐᓗᐊᕐᒪᖔᑕ, ᖃᑦᓰᓗ ᑐᑦᑐᐃᑦ ᖁᐱᕐᕆᓯᒪᒻᒪᖔᑕ ᐊᒻᒪᓗ ᖃᓄᓪᓗᐊᑎᒋᒃ ᖁᐱᕐᕆᓯᒪᓂᖏᑦ ᐱᒻᒪᕆᒻᒪᖔᑕ ᖃᐅᔨᒪᔭᐅᑦᔭᖏᒻᒪᑕ ᖃᐅᔨᓴᕐᑕᐅᒋᐊᓪᓚᕆᐊᓖᑦ.
ᖁᐱᕐᕈᐃᑦ ᐃᒻᒪᑎᑦᓯᓯᒪᔪᓂᒃ ᓂᕿᓂᑦᑐᓂᒃ ᑕᑯᓯᒪᑐᐊᕈᑦᓯ ᑖᒃᑯᐊ ᐊᑦᔨᓕᐅᕐᑕᐅᓯᒪᔪᐃᑦ ᐊᑦᔨᖏᓐᓂᒃ, ᖃᐅᔨᓴᕋᑦᓴᒥᒃ (ᓇᑲᑦᓯᕕᒋᓗᒋᑦ) ᐊᖏᔫᖕᖏᑐᒥᐅᓃᑦ ᖁᐱᕐᕆᓯᒪᓂᖓ ᓂᕿᖓ ᐊᒻᒪᓘᓐᓃᑦ ᐅᖄᓚᐅᑎᐊᐱᒻᒧᑦ ᐊᑦᔨᓕᐅᕐᓗᒋᑦ. ᖃᐅᔨᓴᕋᑦᓴᖅ ᐊᒻᒪᓗᓐᓃᑦ ᐊᑦᔨᖑᐊᖅ ᐊᐅᓪᓚᑎᑕᐅᖁᔭᐅᔪᑦ ᓄᓇᕕᒻᒥ ᖃᐅᔨᓴᕐᕕᒧᑦ ᐅᖄᓚᕕᒋᓗᒍ ᐅᓇ: 819-964-2925.
04/22/2021
ᑐᓴᕋᑦᓴᓕᐊᕕᓃᑦ ᓯᑏᕙᓐ ᕿᐊᓐᑐᕆᒧᑦ ᓄᐊᒪᓐ ᑭᕆᔅ ᓱᕈᓯᐅᑦᓱᓂ ᐅᐱᕐᖔᖑᓂᖓᓂ/ᐊᐅᔭᐅᓂᖓᓂ ᐊᖁᐃᒪᔪᕕᓂᐅᑦᓱᑎᒃ ᐅᑎᕐᑎᑕᐅᓚᐅᕐᓯᒪᔪᑦ ᔮᓂ ᒣ ᖃᖓᑦᑕᔫᖓᑎᒍᑦ, ᔮᓂ ᐊᖁᑦᑎᓗᒍ ᓴᓂᕌᓂ ᐃᑦᓯᕙᑎᑕᐅᓪᓗᑯᓚᐅᕐᓯᒪᔪᖅ ᓂᕐᓛᕋᖁᑎᑖᕕᓂᕐᒥᒃ ᓴᕐᓕᐊᓱᓂ. ᖃᖓᑕᓂᕐᒥᓂ ᔮᓂᒧᑦ ᐊᐱᕐᓱᑕᐅᓪᓗᑯᓚᐅᕐᓯᒪᒐᒥ ᖃᖓᑦᑕᔫᒥᒃ ᐊᖁᒍᒪᒻᒪᖔᑦ. ᓄᐊᒪᓐ, ᔮᓂᒧᑦ ᐅᖃᐅᑎᔭᐅᓚᐅᕐᓯᒪᔪᖅ, […]