ᓱᓕᓂᕐᓴᐅᒐᓱᒋᐊᒥᒃ ᐱᔭᕐᓃᑑᕗᖅ ᓄᓇᕕᐅᑉ ᐱᔪᓐᓇᓂᖃᑦᓯᐊᓱᑎᒃ ᒥᕐᓱᑎᖏᓐᓂᒃ ᐊᓐᓄᕌᓕᐅᓱᑐᖃᕐᓂᒃ ᓱᓕᓂᕐᓴᐅᖃᑦᑕᐅᑎᒍᑎᖃᕐᓗᓂ ᒥᕐᓱᓲᑦ ᐅᕐᖂᔪᑦᓯᐊᓂᒃ ᐊᓐᓄᕌᓕᐅᓱᖑᒌᕐᒪᑕ, ᓈᒻᒪᓯᐊᕐᑐᓂ ᓄᓇᒧᑦ ᐅᑭᐅᒃᑯᑦ ᕿᐅᔭᓇᕐᑐᒪᕆᐅᓲᒧᑦ, ᐊᓐᓄᕌᓕᐅᕐᐸᒐᒥ ᐊᑐᕐᓱᑎᒃ ᓯᕿᓂᕐᒥᑦ ᓂᐅᕕᐊᕕᓂᕐᒥᓂᒃ ᐊᑎᒋᑦᓴᓂᒃ ᓄᐃᓚᑦᓴᖏᓐᓂᓗ ᓄᓇᒥᓂᑦ ᐱᓯᒪᔭᒥᓂᒃ. ᓇᓂᓗᓐᓃᑦ ᑕᒪᒃᑯᐊ ᐊᓃᕈᑏᑦ ᓄᓇᕕᒻᒥᐅᑦ ᓴᓇᔭᕕᓂᖏᑎᑐᑦ ᐅᕐᖂᔪᑦᓯᐊᑦ ᓇᓂᔭᑦᓴᐅᕙᖕᖏᒪᑕ.
ᐃᓄᐃᑦ ᐃᓚᖏᑦ ᐱᓀᓗᑕᖃᓱᖑᕗᑦ ᐊᓐᓄᕌᓕ ᐊᑦᓴᒥ ᐊᑭᖏᓐᓂᒃ. ᑕᒪᒃᑯ ᐊ ᖃᓪᓗᓈᕐᑕᔦᑦ ᐊᓐᓄᕌᓕ ᐊᑦᓴᔭᐅᑦᓱᑎᒃ ᐊᑭᑭᑦᑑᖏᒻᒪᑕ ᓇᓕᑭᑦᑑᓂᖃᖕᖏᒪᑕ ᓄᓇᕕᒻᒥᐅᓕᒫᓪᓗ ᒥᕐᓱᓱᖏᓐᓇᐅᔭᒐᑎᒃ, ᐅᕝᕙᓘᓐᓃᑦ ᐊᓯᒥᓂᒃ ᓯᓚᒦᑦᓯᐅᑎᑦᓴᒥᓂᒃ ᒥᕐᓱᑎᑦᓴᖃᕋᑎᒃ. ᑌᒣᓕᖓᑎᓪᓗᒋᑦ ᐅᖓᓇᕐᑐᑦ ᑐᓂᕐᕈᑏᑦ ᐱᔭᐅᔪᑦ ᐱᓇᓱᒐᖃᕐᕖᑦ ᐃᓚᖏᓐᓂᑦ ᐃᑲᔪᕐᓯᓱᖑᕗᑦ. ᐅᑭᐊᑐᖃᐅᓕᕐᑎᓗᒍ Canada Goose/ᑲᓇᑕ ᑰᔅᑯᓪᓗ Moose Knuckles/ᒨᔅ ᓇᑯᓪᓴᑯᓪᓗ ᐊᒻᒪᓗ Zone Alpine Pro/ᔫᓐ ᐋᓪᐯᓐ ᐳᕉᒃᑯᑦ ᒪᑭᕝᕕᑯᑎᒍᑦ ᓄᓇᕕᒻᒧᑦ ᐊᐅᓪᓚᑎᑦᓯᓚᐅᔪᕗᑦ ᐅᑭ ᐊᑦᓴᓯᐅᑎᓂᓪᓗ ᐅᑭᐅᕐᓯᐅᑎᓂᓪᓗ ᐊᓐᓄᕌᓂᒃ.
ᐊᓐᓄᕌᓂᒃ ᑕᕐᕋᒧᑦ ᐊᐅᓪᓚᑐᑦᓴᓕᐅᕐᓂᖅ ᑲᑐᑦᔮᖑᑦᓱᓂ ᐱᓇᓱᑦᑕᐅᓚᐅᔪᕗᖅ. ᐃᑲᔪᕐᑎᓗᒍ ᑲᑎᕕᒃ ᐃᓕᓴᕐᓂᓕᕆᓂᖅ, ᒪᑭᕝᕕᒃ ᐱᐅᓕ ᐊᕐᓯᒍᓐᓇᓚᐅᔪᕗᖅ ᑐᓂᕐᕈᓯ ᐊᓕᒫᒥᓂᒃ ᐊᓐᓄᕌᓂᒃ ᒪᓐᑐᔨ ᐊᒥ ᑲᑎᕕᒃ ᐃᓕᓴᕐᓂᓕᕆᓂᐅᑉ ᓱᓇᒐᓚᖃᐅᑎᖓᓃᔨ ᐊᖃᕐᓱᓂ. ᐱᓇᓱᑦᑕᐅᒋ ᐊᖃᕐᓂᖏᓐᓄᑦ ᓴᐳᑦᔭᐅᓱᑎᒃ ᑲᑎᕕᒃ ᐃᓕᓴᕐᓂᓕᕆᓂᐅᑉ ᓱᓇᒐᓚᖃᐅᑎᒥ ᐱᓇᓱᑦᑎᖏᓐᓄᑦ, ᒪᑭᕝᕕᐅᑉ ᐱᓇᓱᑦᑎᖏᑦ ᐃᑦᓯᕕᓐᓂᒃ ᐃᓗᓕᔦᓚᐅᔪᕗᑦ, ᐋᕐᕿᓱᐃᒋ ᐊᑦᓯ ᐊᓱᑎᒃ, ᐴᕐᑐᕆ ᐊᑦᓯ ᐊᓯᒻᒥᓱᒋᓪᓗ ᓄᓇᕕᐅᑉ ᓄᓇᓕᖏᓐᓄᑦ ᐊᕕᖃᑎᒌᑎᑦᓯᒍᑎᑦᓴᓕ ᐊᕆᑦᓱᒋᑦ.
ᑌᒪᖕᖓᒥᑦ, ᓴᐳᑦᔭᐅᒪᑦᓯ ᐊᓱᑎᒃ ᐃᓄᐃᑦᑯᓄᓪᓗ ᑲᓀᑎᐋᓐ ᓄᐋᑦᑯᓐᓄᓗ, ᐊᓃᕈᑎᑦᓴᔦᑦ ᐊᓐᓄᕌᑦ ᓄᓇᕕᓕ ᐊᓕᓚᐅᔪᕗᑦ ᐊᕐᖁᑎᖃᕐᓱᑎᒃ ᒪᑭᕝᕕᐅᑉ ᓄᓇᓕᓐᓂ ᑭᒡᒐᑐᕐᑎᐅᓂᕐᒧᑦ ᑲᑎᖕᖓᔨᖏᓐᓂᒃ. ᐃᓄᓐᓅᔭᕐᑕᐅᓂᖏᑦ ᐊᑐᓂᑦ ᓄᓇᓕᓐᓂ ᐊᑦᔨᒌᓚᐅᔪᖕᖏᑐᑦ. ᓲᕐᓗ ᑲᖏᕐᓱ ᐊᓗᒃᔪ ᐊᒥ ᑐᓂᕐᕈᑏᑦ ᐁᑦᑐᑐᑕᐅᓚᐅᔪᕗᑦ ᖃᕐᒫᐱᒃᑯᑎᒍᑦ, ᓄᓇᕐᖃᑎᒌᑦ ᐃᖏᕐᕋᑎᑕᖓᓄᑦ ᐃᑲᔪᕐᓯᒪᒍᑎᒋᑦᓱᒍ ᐃᓚᒌᓂᒃ ᑭᖕᖒᒪᑦᓯᒍᑎᓕᓐᓂᒃ. ᖃᕐᒫᐱᒃ ᐊᕐᖁᑎᒋᑦᓱᒍ ᐊᓐᓄᕌᑦ ᐁᑦᑐᑑᑕᐅᓚᐅᔪᕗᑦ ᐃᓄᓐᓄᑦ ᐊᔪᕐᓴᓗ ᐊᖕᖑ ᐊᑐᓄᑦ. ᖁ ᐊᕐᑕᒥᓕ ᐊᓐᓄᕌᑦ ᐁᑦᑐᑑᑕᐅᓚᐅᔪᔪᑦ ᐊᕐᖁᑎᒋᑦᓱᒍ ᓄᓇᓕᐅᑉ ᐃᓄᓕᕆᓂᕐᓄᑦ ᐊᓪᓚᕕᖓ. ᑲᖏᕐᓱᔪ ᐊᒥ ᐊᓐᓄᕌᑦ ᐁᑦᑐᑑᑕᐅᓚᐅᔪᒻᒥᔪᑦ ᓄᓇᓕᐅᑉ ᑲᕙᒫᐱᖓᑕ ᐊᓪᓚᕕᖓᑎᒍᑦ ᐃᓄᐃᑦ ᐃᓱᒪᒥᑦᑎᑕᐅᑦᓱᑎᒃ ᓈᒻᒪᒋᔭᒥᓂᒃ ᑭᖕᖒᒪᒋᓪᓚᕆᑦᑕᒥᓂᓪᓗ ᐱᕕᖃᕐᑎᑕᐅᑎᓪᓗᒋᑦ.
ᑕᒪᒃᑯ ᐊ ᐊᓐᓄᕌᕐᑕᑎᑕᐅᓃᑦ ᐊᑕᐅᓯᕕᑐᐃᓐᓇᓯᒪᖕᖏᑐᑦ. Canada Goose/ᑲᓇᑕ ᑰᔅᑯᑦ, ᐆᑦᑐᑎᒋᓗᒋᑦ, ᓯᑕᒪᕕᑦᓱᑎᒃ ᐊᓐᓄᕌᓂᒃ ᐊᐅᓪᓚᑎᑦᓯᖃᑦᑕᓯᒪᓕᕐᑐᑦ ᓄᓇᕕᓕᒫᒧᑦ ᐃᕐᐸᑎᕐᓯᒪᓕᕐᑐᓂᒃ. Zone Alpine Pro/ᔫᓐ ᐋᓪᐯᓐ ᐳᕉᒃᑯᑦ ᐊᐅᓪᓚᑎᑕᖏᑦ ( ᐊᕐᖁᑎᖃᕐᓱᑎᒃ ᐅᓕᑲᑦᑕᑕᕐᑎᓯᓂᕐᒥᒃ ᐱᓇᓱᒍᑎᖏᓐᓂᒃ) ᓄᓇᕕᒻᒧᑦ ᑎᑭᓚᐅᔪᑎᓪᓗᒋᑦ ᐅᑭᐅᓪᓚᕆᓚᐅᕐᑎᓇᒍ ᐊᒻᒪᓗ ᖃᒻᒥᐅᓂᕐᐹᖅ ᐅᖓᓇᒻᒪᕆᑦᑐᓂᑦ Moose Knuckles/ᒨᔅ ᓇᑯᓪᓴᑯᓐᓂᑦ ᐱᔪᑦ ᒫᓐᓇ ᓄᓇᕕᓕ-ᐊᓕᕐᒥᔪᑦ.
ᓄᓇᒥ ᐊᑭᓕᕐᑐᕆ ᐊᓕᓕᒻᒥ ᐊᑭᑐᔪᒻᒪᕆ ᐊᓗᓐᓂᒃ ᐆᑦᑐᕋᐅᑎᒌᑦᑎᑕᐅᓕᕋᒥᒃ ᖃᓪᓗᓈᑦ ᓄᓇᖓᓐᓃᑐᓄᑦ, ᑕᒪᒃᑯ ᐊ ᑐᓂᕐᕈᓯ ᐊᑦ ᐊᖏᔪᒻᒪᕆᒻᒥᒃ ᐃᑲᔪᕐᓯᓱᖑᕗᑦ ᐃᓚᒌᓂᒃ ᓄᓇᓕᓐᓂ ᒥᕐᓱᕋᑦᓴᑖᕈᑎᑦᓴᖃᖕᖏᑐᓂᒃ ᐅᕝᕙᓗᓐᓃᑦ ᒥᕐᓱᖃᔭᖕᖏᑐᓂᒃ ᓂᐅᕕᕈᓐᓇᕋᑎᓪᓗ ᓄᓇᕕᒻᒥ ᐆᓀᑦᑐᒥ ᐅᑭᐅᕐᓯᐅᑎᑦᓴᒥᓂᒃ.
