ᐃᓄᐃᑦ ᖃᖓᑦᑕᔫᓕᕆᔨᖏᑦ ᓱᓇᒐᓚᖃᐅᑎᐅᑦᓱᓂ ᐅᓯᒐᑦᓴᓂᐊᕐᕕᒥᒃ ᐊᖏᓂᓕᒻᒥᒃ 21,000-ᓂᒃ ᓯᒃᑭᑕᐅᑦᓱᑎᒃ ᐃᑎᒐᓐᓂᒃ ᐅᒃᑯᐃᓯᓂᖃᓚᐅᔪᕗᑦ ᓇᑦᓯᓕᐅᑦ ᑕᕐᕿᖓᓂ (ᒫᑦᓯ) 15-ᒥ ᒪᓐᑐᔨᐊᓪ ᐱᐊ ᑐᕉᑑᑉ ᒥᕝᕕᖓᓂ ᑐᐊᕚᓪᒥ, ᑭᖕᖒᒪᓇᕐᑐᐃᑦ ᑲᔪᓯᐅᒐᑦᓯᐊᓗᑎᒃ ᐊᐅᓪᓚᑎᑕᐅᖃᑦᑕᖁᑦᓱᒋᑦ ᐊᒻᒪᓗᐃᓱᕐᕆᓂᕐᓴᐅᖃᑦᑕᖁᑦᓱᒋᑦ ᐅᑭᐅᕐᑕᑐᒥᑦᑐᑦ ᖃᓪᓗᓈᓪᓗ ᓄᓇᖓᓂᑦᑐᑦ.
ᐅᐱᒍᓱᒻᒪᕆᑦᓱᓂ ᐃᓄᐃᑦ ᖃᖓᑦᑕᔫᓕᕆᔨᖏᑦᑕ ᐊᖓᔪᕐᖄᖓ ᐱᑕ ᐋᑕᒥᓄᐃᑕᓪᓚᕆᑦᑎᓯᓚᐅᔪᕗᖅ ᐱᓇᓱᐊᕐᑕᐅᓱᓂ ᐱᒐᓱᐊᕐᑕᐅᒐᒥ ᐱᔭᕇᓚᐅᔪᒻᒪᑦ ᐃᓄᐃᑦ ᖃᖓᑦᑕᔫᓕᕆᔨᖏᑦᑕ ᐅᓯᒐᑦᓴᓂᐊᕐᕕᑖᖓ ᓄᑖᖅᐅᒃᑯᐃᑕᐅᓂᖃᕐᑎᓗᒍ ᓄᓇᕕᒻᒥᐅᓄᓪᓗ ᐊᒻᒪᓗ ᐊᓯᖏᓐᓄᑦ ᐃᓄᐃᑦ ᖃᖓᑦᑕᔫᖏᑦᑕ ᐊᓯᖏᓐᓄᑦ ᐱᑐᑦᓯᒪᖃᑎᒋᑦᓱᒋᑦ ᐱᓇᓱᐊᖃᑎᒋᓲᖏᓐᓄᑦ ᐃᓱᐊᕐᓂᓴᐅᒻᒪᕆᓚᖓᓕᕐᑐᖅ ᐱᑦᓯ- ᐊᓂᕐᓴᐅᓗᑎᒃ ᐅᓯᒐᑦᓴᓂᐊᕐᓂᑯᑦ ᐱᒍᑦᔨᓯᐊᕐᓂᓴᐅᖃᑦᑕᓚᖓᓕᕐᒪᑕᒪᓐᑐᔨᐊᓪᒥ.
“ᐱᓇᓱᖃᑎᒌᑦᓱᑎᒃ ᐅᓯᒐᑦᓴᓂᐊᕐᑎᕗᑦ ᒪᓐᑐᔨᐊᓪᒥ, ᐱᓇᓱᑦᑎᖃᕐᑐᑦ ᓯᑕᒪᓂᒃ ᓄᓇᕕᒻᒥ ᐊᖏᖃᑎᒌᓐᓂᐅᓯᒪᔪᒥᒃ ᐱᕙᓪᓕᖁᑎᑖᕐᓯᒪᔪᓂᒃ ᐱᐅᔫᒍᓐᓇᕕᓕᒫᖓᑎᒍᑦ ᐱᒍᑦᔨᓯᐊᕈᓐᓇᑎᑦᓯᖃᑕᐅᓚᖓᔪᓂᒃ ᑭᖕᖒᒪᒋᔭᑦᑎᒍᑦ,” ᑌᒣᓕᑦᓱᓂ ᐱᑕ ᐋᑕᒥ ᐅᖃᓚᐅᔪᖅ.
ᐊᑯᓂᑲᓪᓚᒃ ᖃᖓᑦᑕᔫᒃᑯᑦ/ᑎᒻᒥᔪᒃᑯᑦ ᐅᓯᒐᑦᓴᓂᐊᕐᑎᐅᓂᕐᒥᒃ ᐱᓇᓱ- ᐊᕐᓯᒪᓕᕐᓱᓂ ᐊᕐᕌᒍᓂ ᐊᕙᑎᓪᓗ ᑕᓪᓕᒪᓪᓘᓃᑦ (25-ᓂ), ᐃᓄᐃᑦ ᖃᖓᑦᑕᔫᓕᕆᔨᖏᓐᓂ ᑮᓇᐅᔭᓕᐅᕋᓱᐊᕐᓂᑯᑦ ᐱᕙᓪᓕᐊᑎᑦᓯᒐᓱᐊᕐᑎᐅᓯᒪᓕᕐᑐᖅ, ᐳᔦᔭᓐ ᑭᑉᓴᓐ, ᐱᓇᓱᖃᑎᒥᓂᒃ ᐃᓚᖃᕐᓱᓂ, ᑖᑦᓱᒥᖓ ᐅᓯᒐᑦᓴᓂᐊᕐᕕᓴᒥᒃ ᖃᓄᐃᓕᖓᔪᑦᓴᐅᒪᖔᑦ ᓴᓇᒻᒪᓕᐅᕐᑕᐅᑎᓪᓗᒍ ᐃᓄᐃᑦ ᖃᖓᑦᑕᔫᓕᕆᔨᖏᓐᓄᑦ ᐅᓯᒐᑦᓴᓂᐊᕐᕕᓴᖓ ᓄᑖᖅ ᐱᓇᓱᐊᕐᑕᐅᑎᓪᓗᒍ ᐱᓇᓱᖃᑎᒋᔭᐅᓚᐅᔪᖅ. ᐊᕐᕌᒍᓂ ᐊᓂᒍᕐᓯᒪᓕᕐᑐᓂ ᐳᔦᔭᓐ ᑕᑯᖃᑦᑕᓯᒪᔪᖅ ᓱᓇᒐᓚᖃᐅᑎᑦᓱᑎᒃ ᐅᓯᒐᑦᓴᓂᐊᕐᕖᑦ ᐊᐅᓚᑕᐅᓂᖏᓐᓂᒃ ᐊᒻᒪᓗ ᖃᓄᐃᓘᕐᓱᑎᒃ ᐊᐅᓪᓚᑎᑦᓯᖃᑦᑕᓲᒍᒻᒪᖔᑕ, ᑕᑯᖃᑦᑕᓯᒪᓂᑯᒥᓄᑦ ᑐᑭᓯᒪᓂᖃᑦᓯᐊᑐᖅ ᖃᓄᖅ ᐅᓯᒐᑦᓴᓂᐊᕐᓂᑯᑦ ᐊᐅᓚᑦᓯᓃᑦ ᐱᑦᓯᐊᕈᓐᓇᒪᖔᑕ.
ᐃᓄᐃᑦ ᖃᖓᑦᑕᔫᓕᕆᔨᖏᑦ ᖃᖓᑦᑕᔫᖁᑎᒋᔭᐅᔪᓄᑦ/ᑎᒻᒥᔫᖁᑎᒋᔭᐅᔪᓄᑦ ᐊᑦᔨᒋᔭᐅᖕᖏᓯᐊᕐᓂᖓᓂᒃ, ᑐᑭᓯᓇᕐᑎᓯᓚᐅᔪᖅ ᐳᔦᔭᓐ. ᓱᓕᔪᖅ, ᑌᒫᑦᓭᓇᖅ ᐃᓄᓐᓂᒃ ᐅᓯᓲᒍᒻᒥᔪᑦ ᐊᒻᒪᓗ ᐅᓯᒐᑦᓴᓂᒃ ᐅᓯᓲᒍᒻᒥᓱᑎᒃ ᑭᓯᐊᓂ, ᓄᓇᕕᒻᒥ- ᐅᓄᑦ ᐃᓅᒡᒍᑎᐅᒐᓱᐊᓪᓚᕆᑦᑐᑦ ᐃᓄᐃᑦ ᖃᖓᑦᑕᔫᖏᑦ. ᖃᖓᑦᑕᔫᑎᒍᑦ/ ᑎᒻᒥᔫᑎᒍᑦ ᐊᐅᓚᒍᑎᖃᖕᖏᐸᑦ ᐅᑭᐅᕐᑕᑐᒥ ᓄᓇᓖᑦ ᑭᖕᖒᒪᓇᕐᑐᓂᒃ ᐱᖃᑦᑕᕈᓐᓇᕋᔭᖕᖏᑐᐃᑦ, ᐱᓇᓱᐊᕈᑎᐅᒋᐊᓕᓐᓂᒃ ᐋᓐᓂᐊᕕᓐᓄᑦ ᐃᓕᖓᔪᓂᒃ ᐅᓪᓗᑕᒫᑦ. ᐃᓄᐃᑦ ᖃᖓᑦᑕᔫᖏᑦ ᐊᐅᓪᓚᑎᑦᓯᖃᑦᑕᓲᒍᕗᑦ ᐅᓯᒐᑦᓴᓂᒃ 13.5 ᒥᓕᐊᓐᓂᒃ ᑭᓕᑯᔮᒻᓂᒃ ᐅᖁᒣᓐᓂᓕᓐᓂᒃ ᐊᕐᕌᒍᑕᒫᑦ ᓄᓇᕕᓕᒫᒧᑦ, ᐊᒻᒪᓗᒪᓐᑐᔨᐊᓪᒥ ᐊᒥᓱᑲᓪᓛᓗᓂᒃ ᒥᓕᐊᓐᓂᒃ ᑭᓕᑯᔮᓐᓂᒃ ᐅᖁᒣᓐᓂᓕᓐᓂᒃ ᐅᓯᒐᑦᓴᓂᐊᓲᒍᑦᓱᑎᒃ. 65% ᐳᓭᑦ ᐅᖓᑖᓂᑦᑐᑦ ᐃᓄᐃᑦ ᖃᖓᑦᑕᔫᖏᓐᓄᑦ ᐊᐅᓪᓚᑎᑕᐅᓲᑦ ᓱᔪᒍᐊᕐᑐᓴᔦᑦ ᓂᖀᑦ ᐊᒻᒪᓗ ᐋᓐᓂᐊᕕᓐᓄᑦ ᐃᓕᖓᔪᑦ.
ᖃᐅᔨᒪᓇᑦᓯᐊᓱᓂ ᑐᑭᓯᒪᓇᑦᓯᐊᑐᖅ ᐅᓯᒐᑦᓭᑦ ᓄᓇᓕᓐᓅᑕᐅᒋᐊᓖᑦ ᐱᒻᒪᕆᐅᓂᖏᓐᓂᒃ ᐊᒻᒪᓗ ᐃᓄᐃᑦ ᖃᖓᑦᑕᔫᓕᕆᔨᖏᑦᑕ ᐱᓇᓱᑦᑎᖏᑦ ᐊᐅᓪᓚᑎᑕᐅᒋᐊᓕᓕᒫᓂᒃ ᑐᕌᕐᑕᖏᓐᓅᑕᐅᑎᑦᓯᓯᐊᕋᓱᐊᒋᐊᖃᕐᓂᖏᑦ ᖃᒻᒥ- ᐅᒍᓐᓇᕕᓕᒫᖏᑦᑎᒍᑦ.
“ᐊᐅᓪᓚᑎᑕᐅᒋᐊᓕᓕᒫᑦ ᐊᑐᓂ ᐱᒻᒪᕆᐅᕗᑦ ᓂᕆᐅᑦᑐᓄᑦ ᓱᓇᑐᐃᓐᓇ- ᐅᒐᓗᐊᕐᐸᑕ,” ᑌᒣᓕᑦᓱᓂ ᐳᔦᔭᑦ ᑭᑉᓴᓐ ᐅᖃᓚᐅᔪᖅ.
ᖃᖓᑦᑕᔫᖁᑎᕗᑦ/ᑎᒻᒥᔫᖁᑎᕗᑦ ᐊᔭᐱᕐᕕᖃᑦᓭᓇᖃᑦᑕᓯᒪᒻᒪᑕ ᐃᑲᔪᕐᑎ- ᒋᓚᖓᔭᒥᓄᑦ ᐅᓴᒐᑦᓭᑦ ᐱᓪᓗᒋᑦ ᐃᓱᐊᕐᓂᓴᒻᒪᕆᐅᓕᕐᑐᖅ ᐊᐅᓪᓚᑎᒋᐊᓕᑦᑎᓂᒃᐅᓯᒐᑦᓴᓂᐊᕐᕕᒋᓚᐅᔪᔭᑦᑎᓂ ᐱᒻᒥᔪᓂᒃ, ᑭᓯᐊᓂ ᐱᒍᑦᔭᐅᓯᐊᖃᑦᑕᓚᐅᔪᖕᖏᑐᒍᑦ ᓂᕆᐅᒋᔭᑦᑎᒍᑦ ᐊᓯᑦᑎᓂᒃ ᐱᒍᑦᔨᑐᐃᓐᓇᒥᔪᓄᑦ.
ᐊᕐᓱᕈᓐᓇᓂᕐᐸᐅᓯᒪᔪᖅ ᐊᕐᕌᒍᖃᑦᑕᓯᒪᔪᓂ ᐱᑦᔪᔨᑦᓯᐊᕈᒪᑦᓱᑕ ᐅᕙᑦᑎᓂᒃ ᐊᕐᖁᑎᖃᕐᑐᐃᑦ ᐱᑦᔪᑎᒋᑦᓱᒋᑦ, ᐳᔦᔭᑦ ᑭᑉᓯᓐ ᑌᒣᓕᑦᓱᓂ ᑐᑭᓯᓇᕐᑎᓯᓚᐅᔪᖅ. ᐱᓇᓱᑦᑎᕗᑦ ᓄᕐᖃᑲᑦᑕᓂᖏᓐᓄᑦ ᐃᓇᖏᕐᑎᓴᖏᓐᓂᒃ ᕿᓂᖃᑦᑕᕆᐊᖃᕐᓂᑎᓐᓄᑦ ᐊᕐᓱᕈᓐᓇᓂᕐᐸᐅᓯᒪᔪᖅ, ᐱᖓᔪᐃᒋᑦᓱᒋᓪᓗ ᐱᓇᓱᖃᑎᒋᒋᐊᓕᕗᑦ ᑐᑭᓯᒪᑦᓯᐊᖏᓐᓂᖏᑦ ᐅᓪᓗᑕᒫᑦ ᐊᕐᓱᕉᑎᒋᒋᐊᖃᕐᑕᑎᓐᓂᒃ ᐱᒍᑦᔨᓯᐊᕈᑎᒋᓗᒋᑦ ᐊᒻᒪᓗ ᓄᓇᕕᒻᒥᐅᓂᒃ ᑐᑭᓯᒪᖕᖏᑐᓂᒃ ᐱᓇᓱᖃᑎᖃᒋᐊᒥᒃ ᐱᔭᕆᐊᑭᑦᑑᖃᑦᑕᓚᐅᔪᑦᔭᖏᒻᒥᔪᖅ ᐅᓪᓗᑕᒫᑦ. ᐃᓄᐃᑦ ᖃᖓᑦᑕᔫᓕᕆᔨᖏᑦ ᐅᓯᒐᑦᓴᓂᐊᓂᑯᑦ ᐱᒍᑦᔨᒍᑎᒋᔭᒥᓂᒃ ᑲᔪᓯᑎᑦᓯᓯᐊᕈᓐᓇᓂᕐᒥᓂᒃ ᖃᐅᔨᒪᑦᓯᐊᕋᒥᒃ ᐱᐅᓯᐅᒥᒋᐊᕐᑎᓯᒍᓐᓇᓂᕐᒥᓂᒃ ᖃᐅᔨᒪᑦᓯᐊᓚᐅᔪᕗᑦ.
ᐱᔭᕐᓃᑐᓗᐊᖕᖑᐊᒍᖃᑦᑕᓚᐅᔪᒻᒥᔪᖅ ᓱᔪᒍᐊᕐᑐᐃᑦ ᓂᖀᑦ ᐃᓂᑦᓴᖃᑦᓯ- ᐊᖏᓐᓂᖏᓐᓄᑦ. ᑌᑲᓂ ᐅᓯᒐᑦᓴᓂᐊᕐᕕᒋᖃᑦᑕᓚᐅᔪᔭᑦᑎᓂ ᓂᓪᓕᒪᔪᖃᐅᑎᒃ ᑕᑕᓕᑐᐊᕐᒪᑦ, ᐃᓄᐃᑦ ᖃᖓᑦᑕᔫᓕᕆᔨᖏᑦ ᐊᑦᑕᑐᕆᐊᖃᖃᑦᑕᓚᐅᔪᑦ ᓂᓪᓕᒪᔪᖃ- ᐅᑎᒥᒃ ᓯᓚᑖᓂᑦᑐᒥᒃ ᐊᒻᒪᓗ ᑖᑦᓱᒥᖓ ᓂᓪᓕᒪᔪᖃᐅᑎᒥᒃ ᓄᓇᒃᑯᔫᒻᒪᕇᑦ ᐅᓯᔭᒥᓂᒃ ᐃᑎᕐᑎᓯᒋᐊᖃᕐᑐᕕᓂᐅᓕᕋᓗᐊᕋᒥᒃ ᐅᑕᕐᕿᒋᐊᖃᖃᑦᑕᓚᐅᔪᑦ ᐃᓂᑖᖕᖏᓂᖏᓐᓂ ᓂᓪᓕᒪᔪᖃᐅᑎᒥ. ᑕᒪᓐᓇ ᐃᓱᐃᓪᓗᑕᓄᑦ ᐃᓚᒋᓕᐅᑎᒋ- ᐊᓪᓚᖃᑦᑕᓚᐅᔪᖅ, ᓄᓇᒃᑯᔫᑦ ᒥᓇᕋᕐᑐᐃᑦ ᐊᐅᓪᓚᑎᑕᐅᒋᐊᓕᓐᓂᒃ ᒥᓇᕆᔭᖏᑦ ᐃᓂᑦᓴᖃᕈᓐᓀᑐᐊᕐᒪᑕ, ᐅᑕᕐᕿᓚᕿᖃᑦᑕᓱᑎᓪᓗ, ᐊᑯᓂᓗ ᐅᑕᕐᕿᖃᑦᑕᓚᕿᑦᓱᑎᒃ ᑌᒣᓐᓂᑯᖏᓐᓄᑦ ᐅᑕᕐᕿᖑᖃᑦᑕᓚᕿᓚᐅᔪᑦ. ᐅᐱᓐᓇᕋᓂ, ᐃᓚᖏᑦ ᐱᑦᔪᔨᑦᓯ- ᐊᕈᒪᔭᕋᓗᐊᕗᑦ ᑌᒣᑦᑑᓕᑐᐊᕐᒪᑦ ᐱᒍᑦᔨᓲᑐᖃᕗᑦ ᐊᓪᓛᑦᐊᓯᑦᑎᓂᒃ ᕿᓂᕆ- ᐊᖃᖃᑦᑕᓚᕿᓚᐅᔪᑦ, ᐱᑦᔪᔨᑦᓯᐊᕈᓐᓀᓕᕐᓂᑎᓐᓄᑦ. ᐃᓄᐃᑦ ᖃᖓᑦᑕᔫᓕᕆᔨᖏᑦ, ᐱᑦᔪᔨᑦᓯᐊᕈᒪᒐᓗᐊᕐᓱᑎᒃ ᐱᒍᓐᓇᕕᓕᒫᒥᑎᒍᑦᑌᒣᒍᓐᓇᖃᑦᑕᓚᐅᔪᖕᖏᑐᑦ.
ᐳᔦᔭᓐ ᑭᑉᓴᓐ ᐅᖃᓚᐅᔪᖅ ᒪᓐᑐᔨᐊᓪᒥ ᓇᒻᒥᓂᖅ ᐱᖁᑎᒋᔭᒥᓂᒃ ᐊᐅᓚᑦᓯᒍᓐᓇᖏᓐᓂᕋᐃᑦᓱᓂ, ᐊᒥᓲᑎᓪᓗᒋᑦ ᓱᓇᒐᓚᖃᐅᑏᑦ ᐊᐅᓚᑕᐅᔪᐃᑦ. ᐊᑭᓕᕐᑐᕆᐊᓖᑦ ᐃᓱᒪᒋᑦᓱᒋᑦ ᐊᐅᓚᑦᓯᓂᕐᒧᑦ ᐊᑭᑭᓐᓂᓴᐅᒪᓲᒍᑦᔭᖏᑦᑐᐃᑦ ᓇᒻᒥᓂᖁᑎᖃᕐᑐᖃᓕᕋᓗᐊᕐᒪᑦ ᐅᓯᒐᑦᓴᓂᐊᕐᕕᓂᒃ ᓇᒻᒥᓂᖅ ᐊᐅᓚᑕᐅᔪᓂᒃ, ᐊᐅᓚᑦᓯᓂᖏᑦ ᐊᑭᖃᕐᒪᑕ, ᐊᑦᑕᑐᐊᖃᕐᓂᒧᓪᓗ, ᐱᓇᓱᑦᑎᖃᕐᓂᒧᓪᓗ, ᐱᐅᒃᑯᑎᐅᒋᐊᓕᓐᓂᓗ ᐱᓇᓱᒍᑎᖃᕆᐊᖃᕐᓂᒧᑦ, ᐊᑑᑎᔭᐅᖁᔭᐅᔪᓂᓪᓗ. ᑖᕗᖓᓕᒫᖅ ᐱᒍᑦᔨᒍᑕᐅᒋᐊᖃᕐᓂᓕᒫᖏᓐᓂ, ᑭᓯᐊᓂ, ᑕᒪᓐᓇ ᐱᓇᓱᐊᕐᑕᐅᔪᖅ ᓯᕗᓪᓕᐸᐅᑦᔭᐅᒋᐊᖃᓯᓚᐅᔪᖅ ᐱᑦᔪᔨᑦᓯᐊᕈᒪᓂᑦᑎᓄᑦ.
ᒪᕐᕉᒃ ᐊᕐᕌᒎᒃ ᐊᓂᒍᓕᕐᑎᓗᒋᒃ, ᑕᒪᑦᓱᒥᖓ ᐱᓇᓱᐊᕐᓂᑕ ᐊᓯᐊᒍᑦ, ᐃᓄᐃᑦ ᖃᖓᑦᑕᔫᓕᕆᔨᖏᑦ ᓇᒻᒥᓂᖅ ᐊᐅᓚᓗᒍ ᐅᓯᒐᑦᓴᓂᐊᕈᑎᑦᓴᒥᓂᒃ ᕿᒥᕐᕈᐸᓪᓕ- ᐊᓯᓚᐅᔪᑦ ᓱᓇᒐᓚᖃᐅᑎᐅᓗᓂ ᐅᓯᒐᑦᓴᓂᐊᕐᕕᐅᒐᔭᕐᑐᒥᒃ. ᐊᑕᐅᓯᑐᐊᒍᓕᕐᑐᒥᒃ ᓱᓇᒐᓚᖃᐅᑎᑦᓱᑎᓂ ᐊᑐᐃᓐᓇᔪᖃᓕᕐᑎᓗᒍ ᒥᕝᕕᒥ, ᐱᕕᑦᓴᖃᑦᓯᐊᓚᐅᔪᖕᖏᑐᖅ ᐊᓯᐊᓂᒃ ᑌᑦᓱᒪᓂᐅᑎᓪᓗᒍ ᐃᓄᐃᑦ ᖃᖓᑦᑕᔫᓕᕆᔨᖏᑦ ᐊᓯᑦᔨᒋᐊᕈᒪᓕᕐᑎᓗᒋᑦ ᐅᓯᒐᑦᓴᓂᐊᕐᕕᒋᔭᒥᓂᒃ.
ᖃᓄᐃᓕᖓᓂᑦᓴᖓ ᓯᕗᓪᓕᐹᖅ ᒪᓂᔭᐅᒋᐊᖕᖓᓚᐅᔪᖅ ᓯᑯᑦᓴᔭᒥ ᓱᓀᑦ ᑭᖕᖒᒪᓇᓚᖓᒻᒪᖔᑕ, ᐳᔦᔭᓐ ᑭᑉᓴᓐ ᐅᖃᓚᐅᔪᖅ, ᐅᖃᐅᑎᔭᐅᔪᕕᓂᐅᓂᕋᕐᓱᓂᐃᓄᐃᑦ ᖃᖓᑦᑕᔫᓕᕆᔨᖏᑦ ᐅᓯᒐᑦᓴᓂᐊᕕᓴᒥᒃ ᐱᕕᑦᓴᖃᕐᑎᑕᐅᒍᒪᓂᕐᒥᓂᒃ ᐱᒍᓇᐅᒻᒪᖔᑕ. ᐃᓄᐃᑦ ᖃᖓᑦᑕᔫᓕᕆᔩᑦ ᑲᒪᔨᒻᒪᕆᖏᑦᑕ ᐳᕐᑐᓂᕐᓴᖏᓐᓄᑦ ᑕᒪᓐᓇ ᕿᒥᕐᕈᔭᐅᓂᖃᒋᑐᐊᕐᒪᑦ ᐊᖏᕐᑕᐅᓂᖃᒋᑐᐊᕐᒪᓗ 2019 ᐊᕐᕌᒍᖓᑕᐅᑭᐊᑦᓴᖓᓂ. ᓴᓇᔭᐅᒋᐊᖕᖓᓯᓚᐅᔪᖅ ᓱᓇᒐᓚᖃᐅᑎᒃ ᐋᒡᔪᐃᓕᐅᑦ ᑕᕐᕿᖓᓂ (ᑎᓯᒻᐱᕆᒥ) 2019-ᒥ.
ᐅᓪᓗᒥ ᓱᓇᒐᓚᖃᐅᑎᒃ ᐊᖏᓂᖃᓕᕐᑐᖅ 2,400-ᓂᒃ ᓯᒃᑭᑕᓂᒃ ᐃᑎᒐᓐᓂᒃ ᓂᓪᓕᒪᔪᖃᐅᑎᑕᖃᕐᓱᓂ/ᖁᐊᖃ- ᐅᑎᑕᖃᕐᓱᓂᓗ ᒪᕐᕉᓂ ᖁᓕᕆᓐᓂᒃ ᐊᒻᒪᓗ ᓯᑕᒪᓂᒃ, ᐅᖁᒣᑦᑐᓂᐅᑎᓂᒃ ᓄᓇᒃᑯᔫᓂᒃ, ᒪᔪᕈᑎᐅᑦᓱᓂᓗ ᐊᒻᒧᐊᕈᑎᒥᒃ. ᓂᓪᓕᒪᔪᖃᐅᑎᒃ 48-ᓂᒃ ᑭᕝᕓᒍᑎᓂᑦᑐᓄᑦ ᐃᓗᓕᖃᕈᓐᓇᑐᖅ ᑕᐅᓇᓂᐅᓂᕐᓴᖅ/ᐅᓇᓂᐅᓂᕐᓴᖅ, ᐊᒻᒪᓗ ᓇᕿᑕᕐᓯᓯᒪᑦᓱᑎᒃ ᓯᑕᒪᐅᔪᕐᑐᐃᑦ ᖃᖓᑦᑕᔫᒥ/ᑎᒻᒥᔫᒥ ᐅᓯᒐᑦᓭᑦ ᖁᓛᓂᓐᓂᓴᒥ ᐃᓂᖃᕈᓐᓇᒥᔪᑦ, ᐅᕝᕙᓘᓐᓃᑦ ᓇᕿᑕᕐᓯᓯᒪᑦᓱᑎᒃ ᖃᖓᑦᑕᔫᒥ/ᑎᒻᒥᔫᒥ ᖁᓕᓪᓗ/ ᑕᓪᓕᒪᔪᕐᑐᓗ ᐱᖓᓲᔪᕐᑐᓘᓄᑦ (16-ᓄᑦ) ᐅᓯᒐᑦᓴᓂᒃ ᑲᑎᓕᑐᐊᕐᒪᑕ ᐱᑕᖃᕈᓐᓇᓱᓂ ᓂᓪᓕᒪᔪᖃᐅᑎᒃ.
ᖁᐊᖃᐅᑎᖓ ᐃᓗᓕᖃᕈᓐᓇᑐᖅ 36-ᓂᒃ ᑭᕝᕓᒍ- ᑎᓂᑦᑐᓂᒃ ᑕᐅᓴᓂᐅᓂᕐᓴᖅ/ᐅᓇᓂᐅᓂᕐᓴᖅ ᐃᓗᓕᖃᕈᓐᓇᑐᖅ ᐊᒻᒪᓗ ᐱᖓᓱᔪᕐᑐᐃᑦ (6) ᓇᕿᑕᕐᓯᓯᒪᑦᓱᑎᒃ ᖃᖓᑦᑕᔫᒥ/ ᑎᒻᒥᔫᒥ ᐅᓯᒐᑦᓭᑦ ᖁᓛᓂᓐᓂᓴᒥ ᐃᓂᖃᕈᓐᓇᒥᔪᑦ ᐅᕝᕙᓘᓐᓃᑦ ᖁᓕᓪᓗ/ᑕᓪᓕᒪᐅᔪᕐᑐᓗ ᒪᕐᕈᓘᓂᒃ (12- ᓂᒃ) ᑲᑎᒪᓕᕋᒥᒃ ᐃᓗᓕᖃᕈᓐᓇᓱᓂ. ᖁᐊᖃᐅᑎᐅᑉ ᐅᒃᑯᐊᖏᑦ ᐊᒻᒪᓗ ᐅᒃᑯᐃᑕᕐᑐᖏᑦ ᖁᐊᓲᒍᑦᔭᖏᑦᑐᑦ ᐊᒻᒪᓗ ᐅᒃᑯᐊᖏᑦ ᐅᒃᑯᐃᑕᐅᒋᐊᖃᓕᑐᐊᕋᒥᒃ ᓂᕈᒥᑦᑐᒧᑦ ᓱᐴᕐᑐᑕ- ᐅᖏᓐᓇᓲᖑᒐᒥᒃ ᓂᓪᓕᒪᔪᒧᑦ ᖁᐊᕐᕕᐅᖃᔭᓲᒍᑦᔭᖏᑦᑐᑦ ᖁᐊᖃᐅᑎᖏᑦᑕ ᐅᒃᑯᐃᑕᕐᑐᖏᑦ.
ᓂᓪᓕᒪᔪᖃᐅᑎᒃ ᖁᐊᖃᐅᑎᓗ ᐅᒃᑯᐊᖏᑦ ᐊᕙᑎᓂᒃ (20-ᓂᒃ) ᐃᑎᒐᓐᓂᒃ ᑭᖏᓐᓂᓖᑦ ᖁᒻᒧᑦ ᐅᒃᑯᐃᑕᕐᑐᖏᑦ ᓱᑲᑦᑑᓱᑎᓪᓗ, ᐅᒃᑯᐊᓴᐅᑎᒋᓲᑦᓴᔭᐅᑦᓱᑎᒃ ᓂᓪᓕᒪᔫᑎᖏᓐᓇᕋᓱᐊᒧᑦ ᐅᒃᑯᐃᑕᐅᑐᐊᕋᒥᒃ. ᑖᒃᑯᓂᐊ ᓴᓇᔭᐅᓚᐅᔪᑦ ᓴᓇᔭ- ᐅᓯᒪᖁᔭᓂᖏᑦᑎᒍᑦ ᐊᒻᒪᓗ ᐃᓄᐃᑦ ᖃᖓᑦᑕᔫᓕᕆᔨᓄᑦ ᑮᓇᐅᔭᕐᑑᑎᐅᓚ- ᐅᔪᑦᓱᑎᒃ ᓂᓪᓕᒪᔪᖃᐅᑏᑦ ᐊᑐᕆᐊᖃᓪᓚᕆᒻᒪᑕ ᐊᒻᒪᓗ ᐅᓯᒐᑦᓴᓕᕆᓂᕐᓄᑦ ᐊᐅᓚᑦᓯᓯᐊᕋᓱᐊᕈᑎᐅᑦᓱᑎᒃ.
ᐅᓯᓕᕐᑑᑎᒧᑦ ᖃᓄᖅ ᐅᓯᖏᐊᕐᑕᐅᖃᑦᑕᓂᐊᕐᒪᖔᑕ ᖁᓛᓂᓐᓂᓭᑦ ᓇᕿᑕᕐᓯᓯᒪᑦᓱᑎᒃ ᖃᖓᑦᑕᔪᒥ/ᑎᒻᒥᔫᒥ ᐅᓯᒐᑦᓭᑦ ᐅᓯᓕᕐᑐᑕᐅᓕᕐᐸᑕ ᐅᖓᓕᕇᓗᑎᒃ. ᐱᖑᑦᓯᒍᑎᖃᕐᑎᓇᒍ ᐅᓯᓕᕐᑐᑕᐅᕐᖄᑐᓂᒃ ᐅᕝᕙᓘᓐᓃᑦ ᓯᕗᒧᑦ ᐱᖑᔭᕐᑕᐅᒋᐊᖃᓕᑐᐊᕐᐸᑕ, ᐅᓂᐊᕈᑎᒃ ᐊᑐᕐᑕᐅᒍᓐᓇᒪᑦ ᑕᒪᓐᓇᐱᔭᕐᓃᑐᒍᑎᒃ ᐋᕐᕿᑕᐅᑐᐃᓐᓇᓚᐅᔪᒻᒥᔪᖅ.
ᐅᓯᖏᐊᕈᑎᒃ/ᐅᓯᓕᕐᑑᑎᒃ ᐊᑐᕐᓱᒍ ᐅᓯᒐᑦᓭᑦ ᓇᓪᓕᒪᔪᖃᐅᑎᐅᑉ ᖁᐊᖃ- ᐅᑎᐅᓪᓘᓃᑦ ᐃᓗᐊᓂ ᖁᓕᕈᐊᖓᓂᑦᑐᐃᑦ ᐅᓯᖏᐊᕐᑕᐅᒍᓐᓇᑐᑦ. ᑐᖓᓕᖏᑦ ᖃᖓᑦᑕᔫᒥ/ᑎᒻᒥᔫᒥ ᓇᕿᑕᕐᓯᓯᒪᑦᓱᑎᒃ ᐅᓯᒐᕐᓭᑦ ᐱᖑᔭᑐᐃᓐᓇᓱᒋᑦ ᐅᓯᓕᕐᑐᑕᐅᕙᑦᑐᑦ ᐊᒻᒪᓗ ᑕᒪᕐᒥᒃ ᐅᓯᒐᑦᓭᑦ ᓇᕿᑕᕐᓯᓯᒪᔪᐃᑦ ᐸᓚᙰᑦᑐᓯ- ᐊᒍᑎᓪᓗᒋᑦ ᓇᕿᑕᕐᓯᓯᒪᑦᓯᐊᓱᑎᒃ ᐊᑦᑕᓀᑦᑐᓯᐊᒍᑎᓪᓗᒋᑦ. ᓯᕗᐊᓂᑦᑐᐃᑦ ᐅᓯᔭᐅᔪᑦ ᓇᕿᑕᕐᓯᓯᒪᑦᓱᑎᒃ ᐲᕐᑕᐅᓲᑦ ᐅᓯᖏᐊᕈᑎᒃ/ᐅᓯᓕᕐᑑᑎᒃ ᑭᖑᑉᐱ- ᐊᑎᑦᓱᒍ, ᐊᓱᐃᓛᒃ ᐊᓴᓗᐊᓄᑦ/ᐊᑦᓴᓗᐊᓄᑦ ᓯᕗᒧᐊᕐᑎᑕᐅᓂᐊᓕᕐᒪᑕ ᐊᐳᖕᖏᓂᓕᒫᖏᓐᓂ ᑐᖔᓄᑦ.
“ᐅᓯᖏᐊᕈᑎᒃ/ᐅᓯᓕᕐᑐᐃᒍᑎᒃ ᐊᑐᕐᓂᖃᓪᓚᕆᑦᑐᖅ ᖁᓛᓂᓐᓂᓴᓂᒃ ᐊᐅᓚᑦᒍᑎᒋᑦᓱᒍ ᓇᑎᕐᒧᑦ ᑐᖕᖓᖏᑦᑑᒐᓗᐊᓂᒃ,ᑌᒣᓕᖓᓲᒍᒻᒪᑕ ᐃᓂᖃᑦᓯ- ᐊᕈᓐᓇᓲᑦ ᓇᕿᑕᕐᓯᓯᒪᑦᓱᑎᒃ ᖃᖓᑦᑕᔫᒥ/ᑎᒻᒥᔫᒥ ᐅᓯᒐᑦᓭᑦ ᓂᓪᓕᒪᔪᖃ- ᐅᑎᒥᑦᑐᑦ. ᖁᓕᐊᕆᒍᓐᓇᓲᒍᒻᒪᑕ, ᐊᒥᓲᓂᕐᓴᓂᒃ ᐃᓗᓕᖃᕈᓐᓇᓲᖅ ᓄᓇᒃᑯᔫᑯᑖᓄᑦ ᐅᓯᔭᐅᒍᓐᓇᑐᐃᑦ ᐊᒥᓱᓂᕐᓴᐅᒍᓐᓇᓲᒍᓕᕐᑐᑦ ᓱᔪᒍᐊᕐᑐᐃᑦ ᓂᖀᑦ ᐊᒻᒪᓗ ᑕᐅᓇᓂ/ᐅᓇᓂ ᐃᓂᖃᕈᓐᓇᓯᐊᕐᓱᑎᒃ,” ᑌᒣᓕᑦᓱᓂ ᐳᔦᔭᓐ ᑭᑉᓴᓐ ᐅᖃᓚᐅᔪᖅ.
ᐊᐅᓚᑕᐅᒍᑎᑦᓴᖏᑦ ᓱᓇᒐᓚᖃᐅᑎᓂᑦ ᐱᑦᓱᑎᒃ ᐊᓯᐊᓅᕐᑕᐅᔪᐃᑦ ᐱᔭᕆᐊᑭᑦᑐᑐᐃᓐᓇᐅᓱᒍᑦᔭᖏᑦᑐᑦ ᖃᐅᑕᒫᑦ ᖃᖓᑦᑕᔫᓄᑦ/ᑎᒻᒥᔫᓄᑦ ᐅᓯᓕᕐᑐᑕᐅᒋᐊᖃᕐᑎᓗᒋᑦ. ᑖᓐᓇ ᓱᓇᒐᓚᖃᐅᑎᒃ ᓄᑖᖅ ᐱᔭᕆᕐᑕᐅᒪᑦ ᐱᒻᒪᕆ- ᐊᓗᕋᑕᐅᓚᐅᔪᖅ ᐊᒻᒪᓗ ᐊᐅᓚᑦᓯᒍᑎᑦᓭᑦᖃᐅᔨᓴᕐᑕᐅᖄᒋᐊᖃᓚᐅᔪᒻᒥᔪᑦ ᐃᓄᐃᑦ ᖃᖓᑦᑕᔫᓕᕆᔨᖏᑦ ᓄᑦᑎᑎᕋᓱᐊᓚᐅᖕᖏᓂᖏᓐᓂ. ᖃᕆᑕᐅᔦᑦ, ᐅᖄᓚᐅᑏᑦ/ᐅᖄᒍᑏᑦ, ᐊᓪᓚᕕᒻᒥ ᐱᐅᒃᑯᑏᑦ ᐊᒻᒪᓗ ᐱᐅᓕᓂᐊᒉᑦ, ᐃᓚᒋᔭ- ᐅᒻᒥᑎᓪᓗᒋᑦ ᓱᓇᒐᓚᖃᐅᑎᐅᑉ ᓂᓪᓕᒪᔪᖃᐅᑎᖏᑦ ᖁᐊᖃᐅᑎᖏᑦᑕᓗ ᓴᓇᔭ- ᐅᓂᖏᑦ ᐊᑐᐃᓐᓇᕈᕐᑎᑕᐅᕐᖄᒋᐊᖃᓚᐅᔪᑦ ᐊᒻᒪᓗ ᐊᑐᐃᓐᓇᕈᕐᑕᐅᓯᐊᕐᓱᑎᒃ ᓄᑦᑎᑎᕐᓂᖃᓚᐅᕐᑎᓇᒍ. ᐅᓯᒐᑦᓴᓂᒃ ᐊᐅᓚᑦᓯᓂᕗᑦ ᓱᕐᕋᑕᐅᑦᑌᓕᑦᓯᐊᒪᕆᓚᐅᔪᖅᐊᓯᐊᓄᑦ ᓄᑦᑎᑎᕋᓱᐊᕐᓂᑎᓐᓂ, ᑌᒣᒋᐊᖃᕐᓂᑯᑦᑎᓄᑦ ᐅᓐᓄᑐᒃᑯᑦ ᓄᑦᑎᑎᕆ- ᐊᖃᓚᐅᔪᒍᑦ ᖃᐅᓚᐅᖕᖏᓂᖓᓂ, ᖃᖓᑦᑕᔫᑦ/ᑎᒻᒥᔫᑦᐊᐅᓪᓚᓚᐅᖕᖏᓂᖏᓐᓂ.
ᓄᑖᓂᒃ ᐊᐅᓚᑦᓯᒍᑎᑖᕋᓱᐊᓕᕐᓱᓂ ᐱᓇᓱᑦᑎᑖᕋᓱᒋᐊᒥᒃ ᐱᔭᕆᐊᑭᑦᑐᑐᐃᓐᓇ- ᐅᓲᒍᖕᖏᒥᔪᖅ. ᑭᓯᐊᓂ ᐃᓄᐃᑦ ᖃᖓᑦᑕᔫᓕᕆᔨᖏᑦ ᐱᓇᓱᑦᑎᒥᓂᒃ ᐱᕙᓪᓕᖁᑎᑦᓴᓕᐅᕐᓯᒪᓲᒍᒻᒪᑕ ᐱᓇᓱᑦᑎᓴᕐᓯᐅᕈᓐᓇᓯᐊᓲᑦ. ᐳᔦᔭᓐ ᑭᑉᓴᓐ ᑌᒣᓕᑦᓱᓂ ᐅᖃᓚᐅᔪᖅ. ᒫᓐᓇ/ᑕᒐᑕᒐ ᐊᕙᑎᓂᒃ ᐅᓪᓗᓕᒫᕐᓯᐅᑎᓂᒃ ᐱᓇᓱᑦᑎᖃᓕᕐᑐᒍᑦ ᐅᓯᒐᑦᓴᓕᕆᕕᒻᒥ, ᐅᓪᓗᑕᒫᑦ ᐱᓇᓱᐊᕈᓯᓕᒫᒥ ᐅᓪᓗᓂ ᓯᑕᒪᐅᔪᕐᑐᓂ (7-ᓂ) ᐱᓇᓱᐊᓲᓂᒃ.
ᐃᓄᐃᑦ ᖃᖓᑦᑕᔫᖏᑦ ᐃᓘᓐᓈᒍᑦ ᓇᒻᒥᓂᕆᔭᐅᕗᑦ ᐃᓄᓐᓄᑦ ᓄᓇᕕᒻᒥ- ᐅᓄᑦ ᒪᑭᕝᕕᐅᑉ ᑯᐊᐳᕇᓴᖓᓄᑦ ᑲᒪᒋᔭᐅᑦᓱᑎᒃ, ᑌᒣᒻᒪᑦ ᐃᓄᓐᓂᒃ ᐱᓇᓱᑦᑎᑖᕆᐊᖃᕐᓂᕗᑦ ᐱᒻᒪᕆᐅᓚᐅᔪᖅ. ᑖᓐᓇ ᑎᒥᐊᕈᖁᑎᒃ ᐅᐱᒍᓱᒻᒪᕆᑦᓱᓂ ᐅᖃᕈᓐᓇᖁᖅ ᐱᓇᓱᑦᑎᖃᓕᕐᓂᒥᓂᒃ ᐱᖓᓱᓂᒃ ᐃᓄᓐᓂᒃ ᓱᓇᒐᓚᖃᐅᑎᒥ ᐱᓇᓱᑦᑐᓂᒃ ᐊᒻᒪᓗ ᐊᑕᐅᓯᕐᒥᒃ ᐱᑦᔪᔨᒍᑎᒋᔭᑦᑎᓂᒃ ᑭᒡᒐᓕᕋᕐᑎᒥᒃ.
ᐃᓄᐃᑦ ᖃᖓᑦᑕᔫᖁᑎᖏᓐᓄᑦ ᓱᓇᒐᓚᖃᐅᑎᒋᑦᓱᓂᐅᒃ ᐅᓯᒐᑦᓴᓂᐊᕐᕕᖓᑕ ᑐᕌᒍᑎᓕᒃ ᐆᒥᒪ 800 Stuart Graham, Suite 110, ᑐᐊᕚᓪᒥ. ᐅᒃᑯᐃᖔᓲᖅ ᐊᓪᓕᕆᕐᑐᓂᑦ ᓂᕿᑦᓯᑐᓄᑦ: 8-ᖑᒥᑦ ᐅᓪᓛᑯᑦ 8-ᖑᒧᑦ ᐅᓐᓄᑐᒃᑯᑦ, ᐊᒻᒪᓗ ᐊᓪᓕᖏᓱᖓᕐᑐᓂ ᐊᓪᓕᑐᓂᓗ: 8-ᖑᒥᑦ ᐅᓪᓛᑯᑦ 4-ᖑᒧᑦ ᐅᓐᓄᓴᒃᑯᑦ.
