ᖃᓂᒪᓇᕐᑐᖅ COVIC-19 ᓄᓇᕐᔪᐊᓕᒫᒥ ᐃᕐᐸᐸᓪᓕᐊᓯᔪᕕᓂᐅᓚᐅᔪᕗᖅ ᐋᒡᔪᓕᐅᑦ ᑕᕐᕿᖓᑕ (ᑎᓯᒻᐱᕆᐅᑉ) ᓄᖕᖑᐊᓂ, ᑭᓯᐊᓂ ᓄᓇᕕᒻᒨᓯᒪᓕᕆᐊᖓ ᖃᐅᔨᔭᐅᑦᓴᕋᑕᓚᐅᔪᖅ ᓇᑦᓯᓕᐅᑦ ᑕᕐᕿᖓᓂ (ᒫᑦᓯ) 28-ᒥ. ᓯᕗᓪᓕᐹᑦᓯᐊᖅ
ᖃᓂᒪᓇᕐᑐᒧᑦ ᖃᓂᒻᒪᑐᕕᓂᐅᓚᐅᔪᖅ ᓴᓪᓗᒥᐅᖅ ᑭᓯᐊᓂ ᐋᕐᕿᓯᒪᓕᕐᑐᖅ. ᓄᓇᕕᒻᒥ ᓯᕗᓕᕐᑏᑦ ᑲᒪᔨᐅᔪᐃᓪᓗ ᑕᖃᔪᐃᑦᑐᑎᑐᑦ ᑌᒪᖕᖓᑦ ᐱᓇᓱ- ᐊᕐᐸᑐᑦ ᖃᓂᒪᓇᕐᑐᒥᒃ ᐃᑉᐸᑎᑦᓯᑌᓕᒐᓱᐊᕐᓱᑎᒃ ᐊᒻᒪᓗ ᐃᓄᓕᒫᑦ ᐊᑦᑕᓇᖕᖏᑐᒥᑦᑎᒐᓱᐊᕐᓱᒋᑦ. ᑕᒪᓐᓇ ᖃᓄᐃᓕᕐᓂᖓ ᖃᓄᐃᓕᖓᒍᑕ- ᐅᓕᕐᓂᖓᓗ ᐊᓯᑦᔨᑕᖏᓐᓇᓕᒫᖃᑦᑕᑐᖅ, ᑭᓯᐊᓂ ᐊᔪᖀᒍᑕᐅᕙᓪᓗᓯᒪᐅᑎᖓ (ᐃᒣᖁᔨᒍᑕᐅᓂᖓ) ᐃᕐᐸᑎᑕᐅᑦᑌᓕᒐᓱᐊᕐᓱᓂ ᑌᒣᑦᑐᓭᓐᓇᐅᖏᓐᓈᑐᖅ: ᐊᒡᒐᓂᐊᑦᓯᐊᖃᑦᑕᓗᓯ ᐅᕝᕙᐅᑎᒧᑦ ᓯᕿᓂᖁᑎᐅᑉ/ᓯᕿᖕᖑᔭᐅᑉ ᑲᑦᔪᑕᕐᓂᖓ 20-ᕕᓪᓗᓂ ᑲᑦᔪᑕᕐᓂᖓᓂ, ᐊᓃᓕᑐᐊᕈᑦᓯ ᕿᔪᒻᒪᕇᒃ ᒪᕐᕉᒃ (2 metres) ᒥᑦᓯᑎᓄᖕᖏᑐᖅ ᐅᖓᓯᑦᑕᕇᖃᑦᑕᓗᓯ, ᐊᒻᒪᓗ ᐊᓂᕐᕋᓯᒪᖏᓐᓇᖃᑦᑕᓗᓯ ᐱᒍᓐᓇᕕᓕᒫᑎᒍᑦ.
ᐃᓗᓯᓕᕆᔩᑦ ᓄᓇᕕᒻᒥᐅᓂᒃ ᓴᐳᒻᒥᒐᓱᐊᕈᑎᒋᔭᒥᓂᒃ ᖃᓄᐃᓕᒋ- ᐊᕈᑎᖃᕐᓯᒪᔪᑦ ᐅᑯᓂᖓ:
ᓄᓇᕕᒻᒥ ᓄᓇᓕᓕᒫᓂ ᐅᐃᒪᓇᕐᑐᓕᕆᓂᕐᒧᑦ ᐊᔪᕿᒋᐊᕐᑎᐅᓚᖓᔪᓂᒃ ᑲᑎᒪᔨᖃᓕᕐᑐᖅ
ᐅᐃᒪᓇᕐᑐᓕᕆᓂᕐᒧᑦ ᑐᖕᖓᕕᖃᖃᑕᐅᔪᐃᑦ ᓄᓇᕕᒻᒥ ᑲᑎᓚᐅᔪᑦ ᐋᒡᔪᓕᐅᑦ ᑕᕐᕿᖓᓂ (ᒫᑦᓯ) 17-ᒥ ᑲᑎᕕᒃ ᓄᓇᓕᓕᒫᑦ ᑲᕙᒪᒃᑯᑦ ᑖᒃᑯᓂᖓ ᓄᓇᕕᓕᒫᒥ ᐅᐃᒪᓇᕐᑐᓕᕆᓂᕐᒧᑦ ᐊᔪᕿᒋᐊᕐᑎᐅᓗᑎᒃ ᑲᑎᒪᔨᐅᓚᖓᔪᓂᒃ ᓄᐃᑦᓯᓚᐅᔪᑦ ᖃᓂᒪᓇᕐᑐᖅ COVID-19 ᓄᓇᕐᔪᐊᓕᒫᒥ ᐃᑉᐸᓕᕐᓂᖓ ᐱᑦᔪᑎᒋᑦᓱᒍ. ᐱᖁᔭᖕᖑᑕᐅᓯᒪᔪᖅ Civil Protection Act (ᓄᓇᓯᒪᔪᐃᑦ ᓴᐳᒻᒥᔭᐅᒋ- ᐊᖃᕐᓂᖏᓐᓄᑦ ᐱᖁᔭᖅ) ᑐᖕᖓᕕᒋᔭᐅᑎᓪᓗᒍ ᑲᑎᒪᔩᑦ ᓄᐃᑕᐅᓚᕿᓚᐅᔪᑦ ᐊᒻᒪᓗ ᑲᑎᕐᓱᑕᐅᖃᑦᑕᓯᒪᑦᓱᑎᒃ ᒪᓕᒐᑦᓴᓕᐊᒍᓯᒪᔪᐃᑦ ᒪᓕᑦᓱᒋᑦ ᓄᓇᓯᒪᔪᓕᒫᑦ ᐊᑦᑕᓇᖕᖏᑐᒦᒍᑎᑦᓴᖏᑦ ᐊᒻᒪᓗ ᐃᓄᓕᒫᑦᓯᐊᑦ ᐅᐃᒪᓇᕐᑐᒦᓕᕐᐸᑕ ᑲᒪᒋᔭᐅᒍᑎᑦᓴᖏᓐᓂᒃ ᐊᑐᐃᓐᓇᕈᕐᑎᓯᒪᐅᑎᐅᔪᐃᑦ ᑯᐯᒻᒥ ᒪᓕᑦᓱᒋᑦ. ᓯᕗᓪᓕᐹᑦᓯᐊᒥ ᑲᑎᒋᐊᖕᖓᑎᓪᓗᒋᑦ ᑲᑎᕕᒃ ᓄᓇᓕᓕᒫᑦ ᑲᕙᒪᒃᑯᖏᑦᑕ ᐳᓖᓯᖏᑦ ᐃᓄᓕᒫᓂᒃ ᐊᑦᑕᓀᑦᑐᒥᑦᑎᓯᒐᓱᐊᕐᓂᒧᑦ ᑐᑭᒧᐊᕐᑎᓯᔨᖓᓄᑦ ᑐᑭᒧ- ᐊᑦᑎᑕᐅᑦᓱᑎᒃ, ᔮᓐ-ᐱᐊ ᓚᕉᔅᒧᑦ. ᓄᓇᕕᓕᒫᒥ ᐃᓗᓯᓕᕆᔩᑦ ᑲᑎᒪᔨᖏᑦ ᑕᒪᓐᓇ ᐅᐃᒪᓇᕐᑐᑯᕈᑕᐅᓕᕐᑎᓗᒍᑦ ᖃᓄᕐᑐᕈᑕᒋᐊᖃᓕᕐᒪᖔᑦᑐᑭᑖᕋᓱᐊᕐᓱᑎᒃ ᑲᑎᒪᓂᖃᓚᐅᔪᑦ. ᖃᖓᑦᑕᔫᖁᑎᕗᑦ/ᑎᒻᒥᔫᖁᑎᕗᑦ ᑲᓀᑎᐊᓐ ᓄᐊᑦᑯᑦ ᐊᒻᒪᓗ ᐃᐊ ᐃᓄᐃᒃᑯᑦ ᐱᐅᓯᕐᓲᑎᑐᐃᓐᓇᐅᖏᑦᑐᑎᒍᑦ ᑎᓕᔭᐅᒪᐅᑎᑖᓚᐅᕐᔪᑦ ᑕᒪᓐᓇ ᖃᓂᒪᓐᓇᑐᖅ ᐊᑑᑎᔭᐅᕈᑕᕆᓂᖓᓂᒃ ᐃᓚᒋᔭᐅᒋᐊᖃᕐᒪᑕ.
ᓇᐅᓕᒫᑦ ᓄᓇᕕᒻᒨᖁᔭᐅᖕᖏᓚᐅᑲᑦᑐᑦ
ᒪᑭᕝᕕᑯᑦ ᐊᖓᔪᕐᖄᖓ ᓵᓕ ᒍᐊᑦ ᑐᓴᕐᑎᓯᓂᖃᓚᐅᔪᖅ ᐋᒡᔪᓕᐅᑦ ᑕᕐᕿᖓᓂ (ᒫᑦᓯ) 17-ᒥ ᓄᓇᕕᒻᒥᐅᑦ ᓯᕗᓕᕐᑎᖏᑦ ᓄᓇᕕᒻᒨᖃᑦᑕᖁᔨᒍᓐᓀᓂᕋᕐᓱᒋᑦ ᒋᐊᖃᖕᖏᓗᑐᑐᐊᕈᑎᒃ. ᒪᕐᕈᐃᒃ ᖃᖓᑦᑕᔫᖁᑎᒋᔭᐅᔫᒃ ᒪᑭᕝᕕᑯᓐᓄᑦ, ᐃᐊ ᐃᓄᐃᒃᑯᑦ ᐊᒻᒪᓗ ᑲᓀᑎᐊᓐ ᓄᐊᑦᑯᑦ, ᓄᓇᕕᒻᒨᖃᑕᐸᓐᓂᖏᒃ ᐃᑭᓪᓕᒋᐊᕐᑕ- ᐅᓯᒪᓕᕐᑐᑦ, ᓄᓇᕕᒻᒥᓗ ᖃᖓᑕᕙᑦᑐᐃᑦ ᐃᑭᓪᓕᐅᒥᔭᐅᓯᒪᒻᒥᓱᑎᒃ ᖃᓂᒪᓇᕐᑐᖅ ᐃᑯᓪᓚᑎᒐᓱᐊᕐᓱᒍ. ᓇᐅᓕᒫᑦ ᑲᓇᑕᐅᑉ ᓯᓚᑖᓂ ᐱᑦᓱᑎᒃ ᑲᓇᑕᒧᑦ ᐅᑎᕐᑐᐃᑦ ᐃᓄᑑᑫᓐᓇᖃᑦᑕᖁᔭᐅᔪᑦ ᖃᓪᓗᓈᑦ ᓄᓇᖓᓂ ᐅᓪᓗᓂ ᖁᓕᓪᓗ/ᑕᓪᓕᒪᐅᔪᕐᑐᓗ ᓯᑕᒪᓪᓘᓂᑦ (14-ᓂ) ᓄᓇᕕᒻᒧᑦ ᐅᑎᓚᐅᖕᖏᓂᕐᒥᓂ.
ᖃᓂᒪᓇᕐᑐᖃᕐᒪᖔᑕ ᐃᓄᐃᑦ ᖃᐅᔨᒐᓱᐊᕐᑕᐅᓂᖏᑦᑕ ᑲᔪᓯᑎᑕᐅᓂᖏᑦ
ᓇᑦᓯᓕᐅᑦ ᑕᕐᕿᖓᓂ (ᒫᑦᓯ) 21 ᐅᓪᓗᖓ ᐱᒋᐊᕐᕕᒋᑦᓱᒍ, ᒪᑭᕝᕕᑯᑦ ᑐᐊᕚᓪᒥ ᑐᕉᑑᑉ ᒥᕝᕕᖓᓂ ᐱᑦᓱᑎᒃ ᐊᐅᓪᓚᕋᓱᐊᕐᑐᐃᑦ ᐊᐱᕐᓱᑕᐅᖃᑦᑕᓯᓚᐅᔪᑦ ᐱᖓᓱᓂᒃ ᐊᐱᕐᓲᑎᓂᒃ ᓄᓇᕕᓕᐊᕋᓱᐊᕐᑐᐃᑦ ᒪᑭᕝᕕᐅᑉ ᖃᖓᑦᑕᔫᖏᑦᑎᒍᑦ/ ᑎᒻᒥᔫᖏᑦᑎᒍᑦ ᐃᐊ ᐃᓄᐃᒃᑯᑎᒍᑦ ᐅᕝᕙᓘᓐᓃᑦ ᑲᓀᑎᐊᓐ ᓄᐊᑦᑯᑎᒍᑦ.
ᓄᓇᕕᒻᒥ ᐃᓗᓯᓕᕆᔩᑦ ᑲᑎᒪᔨᖏᑦ ᐱᓇᓱᐊᖃᑎᖃᖃᑦᑕᑐᑦ, ᒪᑭᕝᕕᑯᑦ ᑭᒡᒐᑐᕐᑎᖏᓐᓂᒃ, ᓄᓇᕕᒻᒥ ᐃᓗᓯᓕᕆᔩᑦ ᐋᓐᓂᐊᓯᐅᕐᑎᐊᐱᖏᓐᓂᒃ, ᐃᓄᓐᓂᓗ ᑐᓵᔨᓂᒃ ᓄᓇᕕᒻᒧᑦ ᖃᖓᑦᑕᔫᒃᑯᑦ/ᑎᒻᒥᔪᒃᑯᑦ ᑎᑭᑦᑐᓂᒃ ᓂᐅᕝᕕᐅᖃᑦᑕᑐᓂᒃ ᑎᒻᒥᔪᕐᓂᐊᕕᒻᒨᑐᐊᕐᒪᑕ ᑎᑭᑦᑐᐃᑦ.
ᓇᐅᑐᐃᓐᓇᖅ ᑲᓇᑕᐅᑉ ᓯᓚᑖᓃᑦᑐᕕᓂᖅ ᐱᓇᓱᐊᕈᓯᕐᓂ ᒪᕐᕉᓂ ᐅᓪᓗᓂ 14-ᓂ, ᖃᓂᒪᓇᕐᑐᖃᕆᐊᖓ COVID-19-ᒥᒃ ᖃᐅᔨᒪᔭᐅᔪᒥᒃ ᑲᑎᒪᑦᓯᔪᕕᓃᑦ, ᐅᕝᕙᓘᓐᓃᑦ COVID-19-ᒍᓂᕋᕐᑕᐅᔪᒥᒃ ᖃᓂᒪᒍᓇᐅᓕᕆᐊᖏᑦ ᒪᓗᓐᓇᑐᓂᒃ ᐅᓪᓘᓂ ᒪᕐᕉᓂ (ᐃᑲᐅᕐᓃᑦ/ᑫᕙᓪᓚᒍᓰᑦ 24) ᐊᓂᒍᓛᐅᕐᑎᓇᒋᑦ, ᑎᒻᒥᔫᒧᑦ/ᖃᖓᑦᑕᔫᒧᑦ ᐃᑭᑎᑕᐅᖃᑦᑕᔭᖏᑦᑐᑦ ᐊᒻᒪᓗ ᐃᑭᑎᑕᐅᖕᖏᑐᐊᕋᒥᒃ ᐃᑲᔪᕐᓯᒪᔭ- ᐅᖃᑦᑕᓱᑎᒃ ᓄᓇᕕᒻᒥ ᐃᓗᓯᓕᕆᔩᑦ ᑲᑎᒪᔨᖏᓐᓄᑦ ᒪᑭᕝᕕᑯᓐᓄᓗ. ᒪᑭᕝᕕᑯᓐᓂᒃ ᑭᒡᒐᑐᕐᑎ ᑐᐊᕚᓪ ᒥᕝᕕᖓᓂ ᐃᑲᔪᕐᑎᒋᔭᐅᑎᓪᓗᒍ ᐅᓪᓗᓂ ᖁᓕᓪᓗ/ᑕᓪᓕᒪᐅᔪᕐᑐᓗ ᓯᑕᒪᓪᓘᓃᑦ (14-ᓂ) ᐃᓄᑑᑎᑦᓯᕕᒻᒥ ᓯᓂᑦᑕᕕᒻᒥ ᓯᓂᑦᑕᕕᒻᒦᑎᑦᓯᖃᑦᑕᓱᑎᒃ ᒥᕝᕕᐅᑉ ᐅᖓᓯᑦᑕᕆᑦᔭᖏᑦᑕᖓᓂ ᑐᐊᕚᓪᒥ, ᓂᕆᔭᑦᓴᖃᕐᑎᑕᐅᖃᑦᑕᑐᑦ ᐃᓄᐃᑦ ᐃᓚᐅᔪᐃᑦ ᒪᑭᕝᕕᒧᑦ. ᑮᓇᐅᔭᕐᑐᕈᑎᕕᓃᑦ ᒪᑭᕝᕕᑯᓐᓄᑦ ᐅᑎᕐᑎᑕᐅᒍᒫᕐᓂᐊᑐᑦ ᑲᕙᒪᑐᖃᒃᑯᓂᑦ ᐊᒻᒪᓗ ᑯᐯᒃᑯᓗ ᑲᕙᒪᒃᑯᖏᓐᓂᑦ ᐱᔭᐅᕙᓪᓗᒐᔭᕐᑐᐃᑦ ᓯᐊᕈᒋᐊᖅ.
ᓄᓇᓕᓐᓂ ᐊᓂᕋᓯᒪᒋᐊᖃᖃᑦᑕᓃᑦ
ᓇᑦᓯᓕᐅᑦ ᑕᕐᕿᖓᓂ (ᒫᑦᓯ) 29-ᒥ, ᓄᓇᕕᒻᒥᐅᓂᒃ ᐊᑦᑕᓇᖕᖏᑐᒥᑦᑎᓯᒐᓱ- ᐊᕐᓂᒧᑦ ᑐᑭᒧᐊᕐᑎᓯᔨᒻᒪᕆᒃ, ᔮᓐ-ᐱᐊ ᓚᕉᔅ, ᑐᓴᕐᑎᓯᓚᐅᔪᖅ ᓄᓇᕕᒻᒥᐅᓕᒫᑦ ᐊᓂᕐᕋᓯᒪᑐᐃᓐᓇᖃᑦᑕᖁᑦᓱᒋᑦ 9-ᒥᑦ ᐅᓐᓄᑯᑦ 6-ᒧᑦ ᐅᓪᓛᑯᑦ. ᑎᕆᓪᓗᓕᐅᑦ ᑕᕐᕿᖓᓂ (ᐁᕆᓕ) 15-ᒥ, ᐊᓂᕐᕋᓯᒪᒋᐊᖃᖃᑦᑕᕕᐅᓚᖓᔪᑦ ᓴᖑᑎᑕᐅᓚᐅᔪᑦ 10-ᒧᑦ ᐅᓐᓄᑯᑦ. ᐃᓘᓐᓇᑎᒃ ᖁᓕᓪᓗ/ᑕᓪᓕᒪᐅᔪᕐᑐᓗ ᓯᑕᒪᓪᓘᑦ (14) ᓄᓇᓖᑦ ᐊᓂᕐᕋᓯᒪᑐᐃᓐᓇᖃᑦᑕᖁᔭᐅᔪᑦ ᖁᔭᐅᓂᓕᒫᒥᓂ, ᖃᖓ ᑕᒪᓐᓇ ᐃᓱᓕᓛᕐᒪᖔᑦ ᖃᐅᔨᒪᓇᖕᖏᑐᖅ.
ᐊᐅᓪᓚᖃᔦᕐᑎᑕᐅᒪᓃᑦ
ᐃᓄᓕᒫᓂᒃ ᐃᓗᓯᓕᕆᓂᕐᒨᓕᖓᔪᓂᒃ ᑐᑭᔪᐊᑦᑎᓯᔨ, ᐋᓐᓂᐊᓯᐅᕐᑎᒪᕆᒃ ᒪᕇ ᕈᓯᐊᑦ, ᐊᒻᒪᓗ ᐃᓄᓕᒫᓂᒃ ᐊᑦᑕᓇᖕᖏᑐᒥᑦᑎᓯᒐᓱᐊᕐᓂᒧᑦ ᑐᑭᒧᐊᕐᑎᓯᔨ, ᔮᓐ-ᐱᐊ ᓚᕉᔅ, ᓄᓇᕕᓕᒫᒥ ᐅᐃᒪᓇᕐᑐᓕᕆᓂᕐᒧᑦ ᐊᔪᕿᒋᐊᕐᑎᐅᓱᑎᒃ ᑲᑎᒪᔨᓂᒃ ᐱᒍᑦᔨᓱᑎᒃ, ᑐᓴᕐᑎᓯᓚᐅᔫᒃ ᓄᓇᓕᓕᒫᓂ ᑎᑭᑦᑕᑕᐅᖃᑦᑕᓂᐊᕈᓐᓀᓂᖏᓐᓂᒃ ᐊᐅᓪᓚᖃᔦᕐᑎᑕᐅᓯᒪᓚᖓᓂᖏᓐᓂᓗ ᑎᕆᓪᓗᓕᐅᑦ ᑕᕐᕿᖓᓂ (ᐁᕆᓕ) 3-ᒥ ᑐᓴᕐᑎᓯᓚᐅᔪᔫᒃ, ᖃᖓᑦᑕᔫᑦ/ᑎᒻᒥᔫᑦ ᓄᓇᕕᒻᒧᑦ ᐊᒻᒪᓗ ᓄᓇᕕᒻᒥ ᐱᔪᐃᑦ ᐊᐅᓚᓂᖏᑦ ᓄᕐᖃᑎᑕ- ᐅᑎᓪᓗᒋᑦ, ᓄᓇᕕᒻᒥ ᓄᓇᓕᓐᓅᖃᑦᑕᓲᑦ ᓄᕐᖃᑎᑕᐅᓚᐅᔪᒻᒥᔪᑦ ᐃᖏᕐᕋᒍᓐᓇᓯᑎᑕᐅᖕᖏᓂᓕᒫᖏᓐᓂ ᓄᕐᖃᖓᑎᑕᐅᓚᖓᑦᓱᑎᒃ. ᐊᑦᑕᑐᕐᑕᐅᔪᐃᑦ (ᓵᑕᕐᑕᐅᔪᐃᑦ) ᐅᓯᒐᑦᓴᓂᒃ ᐅᓯᔪᐃᑦ ᑭᓯᐊᓂ ᐊᐅᓚᒍᓐᓇᑎᑕᐅᓚᐅᕐᑐᑐᑦ (ᐃᓗᓯᓕᕆᓂᕐᓄᑦ ᐱᐅᒃᑯᑎᒋᔭᐅᒋᐊᓕᒃ ᐊᒻᒪᓗ ᑲᓇᑕᐅᑉ ᐊᓪᓚᓯᒪᔪᕐᓂᐊᑎᖏᑦ), ᐊᐅᓚᒍᓐᓇᑎᑕᐅᒻᒥᔪᓄᑦ ᐃᓚᒋᔭᐅᔪᑦ, ᐋᓐᓂᐊᓯᐅᕐᑎᓄᑦ ᑕᑯᔭᐅᒋᐊᕐᑐᒋᐊᓖᑦ ᐊᐅᓪᓚᕈᓐᓇᒥᔫᒐᓗᐊᑦ, ᐃᓗᓯᓕᕆᓂᕐᒥ ᐱᓇᓱᑦᑏᑦ ᐊᒻᒪᓗ ᐊᑐᕆᐊᖃᓪᓚᕆᑦᓱᑎᒃ ᐱᓇᓱᑦᑏᑦ ᐅᑦᑑᑎᒋᓗᒋᑦ ᐳᓕᓰᑦ. ᓄᓇᕕᒻᒧᑦ ᐅᑎᕐᑐᓕᒫᑦ, ᐃᓅᖃᑎᒥᓂᒃ ᑲᑎᒪᑦᓯᑌᓕᒋᐊᓖᑦ ᐱᓇᓱᐊᕈᓯᓐᓂ ᒪᕐᕉᓂ, ᐅᓪᓗᓂ ᖁᓕᓪᓗ/ᑕᓪᓕᒪᐅᔪᕐᑐᓗ ᓯᑕᒪᓪᓘᓂ (14-ᓂ).
ᓄᓇᕕᒻᒥ ᐃᑲᔪᕐᑎᒋᑦᓱᑎᒃ ᓯᕗᓕᕐᑏᑦ
ᓄᓇᕕᒻᒥ ᐃᑲᔪᕐᑎᒋᑦᓱᑎᒃ ᓯᕗᓕᕐᑎᐅᓚᖓᔪᑦ ᓯᕗᓪᓕᐹᑦᓯᐊᒥ ᓄᐃᑕᐅᒐᓱᐊᒋᐊᖕᖓᓚᐅᔪᑦ ᓂᕿᑦᓯᑎᓪᓗᒍ ᑎᕆᓪᓗᓕᐅᑦ ᑕᕐᕿᖓᓂ (ᐁᕆᓕ) 3-ᒥ, ᐅᖄᓚᐅᑎᒃᑯᑦ ᑲᑎᒪᓂᖃᕐᓱᑎᒃ. ᑎᒥᐅᔪᐃᑦ ᐊᖓᔪᕐᖄᖏᑦ ᐳᕐᑐᓂᕐᓴᖏᓪᓗ ᑲᑎᒪᔨᖕᖑᑎᑕ- ᐅᓚᐅᔪᑦ, (ᒪᑭᕝᕕᒃ, ᑲᑎᕕᒃ ᓄᓇᓕᓕᒫᑦ ᑲᕙᒪᖓ, ᐊᒻᒪᓗ ᑲᑎᕕᒃ ᐃᓕᓴᕐᓂᓕᕆᔩᑦ), ᑖᒃᑯᐊ ᑲᑎᒪᖃᑦᑕᓚᖓᔪᑦ ᐱᓇᓱ- ᐊᕈᓯᕐᒥ ᐊᑕᐅᓯᕐᒥ ᒪᕐᕈᕕᓪᓗᑎᒃ ᐊᒻᒪᓗ ᐊᑕᖏᓐᓇᓚᖓᓗᑎᒃ ᑌᒣᒋᐊᖃᕐᓂᓕᒫᒥᓂ. ᑖᒃᑯᐊ ᓄᑖᑦ ᐃᑲᔪᕐᑎᒌᓚᖓᑎᓪᓗᒋᑦ ᓄᐃᑕᐅᓚᐅᔪᑦ ᑲᒪᒋᔭᖃᖃᑦᑕᓚᖓᑎᓪᓗᒋᑦ ᑐᑭᑖᕈᑕᐅᒋᐊᓕᓐᓂᒃ ᓄᓇᕕᒻᒥᐅᓄᑦ ᐃᓄᓐᓄᑦ ᓵᖕᖓᔭᐅᓕᕐᑐᓂᒃ, ᐊᒻᒪᓗ ᒪᓕᒐᑦᓴᓂᒃ ᑐᑭᑖᕆᔨᐅᖃᑦᑕᓗᑎᒃ, ᐱᓇᓱᐊᖃᑎᖃᕐᓗᑎᒃ ᓄᓇᕕᓕᒫᒥ ᐅᐃᒪᓇᕐᑐᓕᕆᓂᕐᒧᑦ ᐊᔪᕿᒋᐊᕐᑎᐅᓱᑎᒃ ᑲᑎᒪᔨᓂᒃ. ᑖᒃᑯᐊ ᓄᓇᕕᒻᒥ ᐃᑲᔪᕐᑎᒋᑦᓱᑎᒃ ᓯᕗᓕᕐᑏᑦ ᑎᓕᔭᐅᒪᐅᑎᖏᑦ ᐃᓚᓖᑦ ᐅᑯᓂᖓ; ᑮᓇᐅᔭᓂᒃ ᐊᑐᕐᑕᐅᓚᖓᔪᓂᒃ ᑐᑭᑖᕆᔨᐅᖃᑦᑕᓗᑎᒃ ᓄᓇᓕᓕᒫᒥ ᐊᑐᕐᑕᐅᖃᑦᑕᓚᖓᔪᓂᒃ ᑕᒪᓐᓇ ᖃᓂᒪᓇᕐᑐᖅ ᐃᕐᐸᑎᑦᑌᓕᒐᓱᐊᕐᓗᒍ.
ᐅᓇᑕᕐᑎᓭᑦ ᐊᑐᐃᓐᓇᐅᒪᑎᑕᐅᓂᖏᑦ
ᑎᓕᔨᒍᑎᖃᓚᐅᕐᓂᖓᓄᑦ ᐃᓄᓕᒫᓂᒃ ᐊᑦᑕᓇᖕᖏᑐᒥᑦᑎᓯᒐᓱᐊᕐᓂᒧᑦ ᑐᑭᒧ- ᐊᕐᑎᓯᔨ, ᔮᓐ-ᐱᐊ ᓚᕉᔅ, ᑐᓴᕐᑎᓯᒍᑎᐅᓚᐅᔪᖅ ᑎᕆᓪᓗᓕᐅᑦ ᑕᕐᕿᖓᓂ (ᐁᕆᓕ) 3-ᒥ ᓄᓇᕕᒻᒥᐅᑦ ᑲᓇᑕᒥ ᐅᓇᑕᕐᑎᓭᑦ ᐊᑐᐃᓐᓇᐅᒪᖁᓕᕐᓱᒋᑦ ᓄᓇᓕᓕᒫᓂ ᖁᓕᓪᓗ/ᑕᓪᓕᒪᐅᔪᕐᑐᓗ ᓯᑕᒪᓪᓘᓂ (14-ᓂ) ᓄᓇᓕᓐᓂ ᓯᐊᒻᒪᑎᑕ- ᐅᑦᑌᓕᒐᓱᐊᕐᓂᖓᓄᑦ ᖃᓂᒪᓇᕐᑐᖅ COVID-19-ᒍᓂᕋᕐᑕᐅᔪᖅ. ᓄᓇᕕᓕᒫᒥ ᐅᐃᒪᓇᕐᑐᓕᕆᓂᕐᒧᑦ ᐊᔪᕿᒋᐊᕐᑎᐅᓱᑎᒃ ᑲᑎᒪᔩᑦ, ᑐᑭᒧᐊᕐᑎᑕᐅᑦᓱᑎᒃ ᑲᑎᕕᒃ ᓄᓇᓕᓕᒫᑦ ᑲᕙᒪᒃᑯᑦ ᓄᓇᓯᒪᔪᓕᒫᓂᒃ ᐊᑦᑕᓇᖕᖏᑐᒥᑦᑎᓯᑦᑌᓕᓂᕐᒧᑦ ᑲᒪᔨᖏᓐᓄᑦ, ᐅᓇᑕᕐᑎᓭᑦ ᐊᑐᐃᓐᓇᐅᒪᑎᑕᐅᓯᓚᐅᔪᑦ ᓄᓇᓕᓐᓂ ᐅᐃᒪᓇᕐᑐᖃᓕᕐᐸᑦ ᐃᑲᔪᕐᑎᒌᒍᑎᖃᓚᖓᔪᓂᒃ ᑐᑭᒧᐊᕐᑎᓯᔨᑦᑖᑎᑦᓱᒋᑦ ᑕᒪᓐᓇ ᖃᓂᒪᓇᕐᑐᖅ ᓄᕐᖃᑎᒐᓱᐊᕐᓱᒍ ᐱᓇᓱᐊᕈᑎᐅᓕᕐᑐᓄᑦ ᐃᓚᒋᔭᐅᑎᑕᐅᓯᓚᐅᔪᑦ ᐅᓇᑕᕐᑎᓭᑦ.
ᑲᑎᕕᒃ ᓄᓇᓕᓕᒫᑦ ᑲᕙᒪᒃᑯᑦ ᓂᕿᓄᑦ ᐃᑲᔪᕐᓯᒪᐅᑎᖏᑦ
ᑎᕆᓪᓗᓕᐅᑦ ᑕᕐᕿᖓᓂ (ᐁᕆᓕ) 7-ᒥ, ᑲᑎᕕᒃ ᓄᓇᓕᓕᒫᑦ ᑲᕙᒪᒃᑯᑦ ᑐᓴᕐᑎᓯᒍᑎᖃᓚᐅᔪᑦ ᓂᕿᑖᕈᓐᓇᐅᑎᑦᓴᓂᒃ ᐱᒍᓐᓇᕕᖃᕐᑎᑕᐅᔪᐃᑦ ᐃᑲᔪᕐᓯᔭᐅᒍ- ᑎᑖᖃᑦᑕᓂᐊᕐᓂᕋᕐᓱᒋᑦ ᐱᓇᓱᐊᕈᓰᒃ ᒪᕐᕉᒃ ᓈᒋᐊᑕᒫᑦ, ᓇᑦᓯᓕᐅᑦ ᑕᕐᕿᖓᓂ ᐅᓇ ᐅᓪᓗᖅ ᐱᒋᐊᕐᕕᒋᓗᒍ (ᒫᑦᓯ) 13, 2020. ᓂᕿᑖᕈᓐᓇᐅᑏᑦ ᑲᑎᕕᒃ ᓄᓇᓕᓕᒫᑦ ᑲᕙᒪᒃᑯᓄᑦ ᐊᑐᐃᓐᓇᕈᕐᑕᐅᖃᑦᑕᓚᖓᔪᑦ ᐊᒻᒪᓗ ᐁᑦᑐᑑᑎᐅᖃᑦᑕᓚᖓᑦᓱᑎᒃ ᖃᓂᒪᓇᕐᑐᒧᑦ COVID-19-ᒧᑦ ᖃᓂᒻᒪᑐᕕᓂᐅᓂᕐᒥᓄᑦ ᐱᓇᓱᒍᓐᓀᓚᕿᔪᕕᓂᕐᓄᑦ, ᑮᓇᐅᑦᔭᔭᒍᓐᓀᑐᓄᓪᓗ, ᐅᕝᕙᓘᓐᓃᑦ ᐃᓗᐃᑦᑑᔭᒍᓐᓀᑐᓂᒃ ᑮᓇᐅᔭᑐᓄᑦ, ᐅᕝᕙᓘᓐᓃᑦ ᑮᓇᐅᔭᖃᖕᖏᒪᕆᑦᑐᓄᑦ. ᐃᑲᔪᕐᓯᔭᐅᒍᓐᓇᒥᔪᐃᑦ ᑮᓇᐅᔭᕐᑐᓕ- ᐅᒥᓯᒪᑐᐊᕈᑎᒃ, ᐃᓄᑐᖃᕐᓂᒃ ᐃᓚᒥᓂᓘᓐᓃᑦ ᐃᑲᔪᕐᓯᒪᓂᕐᒥᓄᑦ. ᑖᒃᑯᐊ ᐃᑲᔪᕐᓯᒪᒍᑏᑦ ᐃᓱᓕᒍᒫᕐᓂᐊᑐᑦ ᒪᓐᓂᓕᐅᑦ ᑕᕐᕿᖓᓂ (ᔫᓂ) 30-ᒥ, ᐅᕝᕙᓘᓐᓃᑦ ᑕᒪᓐᓇ ᐅᐃᒪᓇᕐᓯᓯᒪᔪᖅ ᐊᓂᒍᑐᕕᓂᐅᑐᐊᕐᐸᑦ ᓯᕗᓂᐊᒍᑦ. ᑲᑎᕕᒃ ᓄᓇᓕᓕᒫᑦ ᑲᕙᒪᒃᑯᑦ ᐃᓄᑐᙯᑦ ᓂᕿᑖᕆᒍᓐᓇᑕᖏᓐᓂᒃ ᐊᓪᓚᓯᒪᖃᑦᑕᒥᔪᑦ ᓄᓇᓕᐅᑉ ᓂᐅᕕᕐᕕᖏᓐᓂ. ᑖᒃᑯᐊ ᑕᕐᕿᑕᒫᑦ ᐊᑑᑎᔭᐅᑎᑕᐅᖃᑦᑕᑐᑦ ᐊᒻᒪᓗ ᐃᓄᑐᖃᕐᓄᑦ ᑭᓯᐊᓂ ᐊᑐᕐᑕᐅᒍᓐᓇᓱᑎᒃ ᑮᓇᐅᑦᔭᓭᓐᓇᔭᖏᑦᑐᓄᑦ. ᐃᓄᑐᙯᑦ ᐅᖄᓚᕕᖃᕈᓐᓇᑐᑦ ᓂᐅᕕᕐᕕᐅᑉ ᑲᒪᔨᒻᒪᕆᖓᓄᑦ ᓂᕿᑖᕆᒍᒪᔭᒥᓂᒃ ᑎᑭᓭᓗᑎᒃ, ᓂᐅᕕᕐᕕᐅᑉ ᓄᓇᒃᑯᔫᖓᓄᑦ ᐁᔭᐅᒍᓐᓇᑐᑦ ᐅᕝᕙᓘᓐᓃᑦ ᐅᓇᑕᕐᑎᓴᕐᓄᑦ ᐃᓄᑐᖃᕐᒨᑕᐅᓚᖓᓗᑎᒃ ᑎᑭᓭᔪᕕᓂᕐᒧᑦ, ᐅᕝᕙᓘᓐᓃᑦ ᐁᔭᐅᑎᑦᓯᒍᓐᓇᓱᑎᒃ ᐃᓚᒥᑕ ᐃᓚᖓᓄᑦ ᓇᓪᓕᐊᓄᑐᐃᓐᓇᖅ. ᑖᒃᑯᐊ ᐃᓄᑐᖃᕐᓂᒃ ᐃᑲᔪᕐᓯᒍᑏᑦ ᐊᑐᕐᑕᐅᒍᓐᓇᖃᑦᑕᓚᖓᔪᑦ ᒪᓐᓂᓕᐅᑦ ᑕᕐᕿᖓ (ᔫᓂ) 17ᐊᓂᒍᓚᐅᖕᖏᓂᖓᓂ ᐅᕝᕙᓘᓐᓃᑦ ᑕᒪᓐᓇ ᐅᐃᒪᓇᕐᓯᓯᒪᔪᖅ ᐊᓂᒍᕐᑐᕕᓂᐅᑐᐊᕐᐸᑦ.
