ᐊᔪᐃᓐᓇᕈᑎᐅᑦᓱᓂ ᐃᑲᔪᕐᓯᒋᐊᓪᓚᓂᕐᒥᒃ ᓱᕐᕋᑕᐅᔪᓂᕐ ᐃᓪᓗᖏᑦ ᐊᓂᕐᕋᖏᓗ ᐃᑯᐊᓪᓚᑐᓄᑦ, ᐃᓗᖓ ᑭᓯᐊᓂ ᐃᑯᐊᓪᓚᓂᕐᐸᑦ ᐃᓚᐅᑎᓪᓗᒍ ᓴᓂᐊᓃᑦᑐᐃᑦ ᐃᓪᓗᐊᐱᖏᑦ/ᐃᓪᓗᐊᐲᑦ ᐃᓚᐅᑎᑕᐅᕗᑦ ᑖᒃᑯᓄᖓ ᑮᓇᐅᔭᓄᑦ. ᒪᑭᕝᕕᑯᑦ ᐅᓄᕐᓯᒋᐊᕆᓯᒪᓕᕐᖁᑦ ᐃᑲᔪᕐᓯᒍᑎᒥᓂᒃ ᐃᑯᐊᓪᓚᔨᐊᓕᓐᓂᒃ $2,500ᓂᑦ $5,000ᓄᑦ (ᐱᒋᐊᕐᓱᓂ ᑎᓯᒻᐱᕆ 2024), ᑮᓇᐅᔭᓂᒃ ᑐᑦᓯᕋᕈᑏᑦ ᐃᑯᐊᓪᓚᑐᓕᕕᓂᕐᒥᒃ ᑖᑦᓱᒪᐅᑉ ᐅᓪᓘᑉ ᑭᖑᓂᐊᓂ ᑭᓯᐊᓂ ᐱᒍᓐᓇᑎᑕᐅᓂᐊᕐᑐᑦ, ᑭᖑᓪᓕᐹᖓᓂ ᐊᑭᓕᕐᑕᐅᒍᑎᖏᑦ ᑐᖕᖓᕕᖃᕐᓗᑎᑦ ᐊᓯᐅᔨᔭᖏᓐᓂᒃ. ᐅᐃᒪᓇᕐᓯᔪᖃᕐᐸᑦ ᐃᑲᔪᕐᓯᒍᑏᑦ ᐊᑐᐃᓐᓇᐅᕗᑦ ᓄᓇᕕᒻᒥᐅᓄᑦ ᐃᓚᐅᔪᓄᑦ ᑭᓯᐊᓂ ᐃᑯᐊᓪᓚᔨᐊᓕᓐᓄᑦ ᓄᓇᕕᐅᑉ ᓄᓇᖓᓃᑦᑐᓄᑦ.
ᐃᑯᐊᓪᓚᔨᐊᓕᕕᓂᕐᓂᒃ ᐃᑲᔪᕐᓯᒍᑎᖏᑦ ᓄᐃᑕᐅᓐᓂᖁᑦ ᐃᑲᔪᕐᓯᒍ ᑎ-ᐅᓂᐊᕐᓱᑎᑦ ᐃᓚᐅᔪᓂᒃ ᓱᕐᕋᑕᐅᒍᑎᖏᓐᓂᒃ ᐊᓂᒍᕐᐸᓕᐊ ᑎᑦᓯᒐᓱᓐᓂᒧᑦ ᐃᑯᐊᓪᓚᔨᐊᓕᕕᓂᕐᓂᒃ ᑮᓇᐅᔭᓂᒃ ᐃᑲᔪᕐᓯᓂᒃᑯᑦ ᑐᖕᖓᕕᖃᕐᓱᑎᑦ ᒥᑦᓴᐅᓵᕐᑕᐅᔪᓂᒃ ᐊᓯᐅᔨᔭᐅᔪᓂᒃ. ᑖᒃᑯᐊ ᑮᓇᐅᔦᑦ ᐃᑲᔪᕐᓯᒍᑎᐅᕗᑦ ᐃᒻᒪᖃᐅᑎᓂᒃ ᐊᑐᐃᓐᓇᖃᖕᖏᑐᓂᒃ ᐃᓚᐅᔪᓂᒃ. ᐃᑲᔪᕐᓯᔭᐅᒍᑎᓂᒃ ᐱᒍᓐᓇᓯᒐᓱᓪᓗᑎᑦ, ᐃᑯᐊᓪᓚᔨᐊᓕᕕᓃᑦ ᑐᓂᔨᒋ ᐊᖃᕐᖁᑦ ᐅᑎᕐᕕᐅᒍᒪᐅᑎᒥᒃ ᑕᑕᕐᓴᒐᕐᒥᒃ ᐃᓚᖃᕐᑎᓗᒋᑦ ᐅᑯᓂᖓ:
• ᐊᓪᓚᓯᒪᔪᖅ ᐃᑲᔪᕐᓯᔭᐅᒍᒪᐅᑎᒃ
• ᑐᓂᕐᕈᓯᕐᑕᐅᒍᒪᒍᑎᒃ ᑕᑕᕐᓴᒐᖅ
• ᖃᒥᑎᕆᔨᓄᑦ ᐊᓪᓚᑕᕕᓂᖅ ᒥᑦᓴᐅᓵᕐᑐᖅ ᖃᓯᒐᓓᑦ ᐊᓯᐅᔨᔭᐅᔪᓂᒃ (ᖃᒥᑎᕆᔨᒃᑯᓂ ᐱᓯᒪᔪᖅ)
ᑐᑦᓯᕋᐅᑎᓕᒫᑦ ᑐᓂᔭᐅᒪᒋᐊᖃᕐᖁᑦ ᓄᓇᓕᐅᑉ ᑲᑎᖕᖓᔨᖏᑎᒍᑦ. ᑲᑎᖕᖓᔩᑦ ᑐᓴᕐᑎᓯᓂᐊᓕᕐᒪᑕ ᑐᕃᓐᓇᓱᑎᑦ ᒪᑭᕝᕕᑯᑦ ᑮᓇᐅᔭᓕᕆᕕᖓᓂᒃ ᐱᓇᓱᑦᑕᐅᕙᓪᓕᐊᖁᔨᑦᓱᑎᑦ ᑐᑦᓯᕋᐅᑎᒥᒃ.
ᑖᒃᑯᐊ ᑮᓇᐅᔦᑦ ᓄᐃᑕᐅᓐᓂᖁᑦ ᓄᓇᕕᒻᒥᐅᑦ ᐃᓚᐅᔪᐃᑦ ᓄᓇᕕᒻᒦᑐᐃᑦ ᒫᓐᓇᖃᒻᒥᐅᒍᓐᓇᕕᓕᒫᖓᓂ ᐃᑲᔪᕐᓯᔭᐅᑦᓯᐊᓗᑎᑦ ᓈᒻᒪᓈᕐᑐᑎᒍᑦ ᐅᖁᒣᑦᑐᑯᕐᓂᖃᕐᑎᓗᒋᑦ ᐃᓚᒌᖑᔪᐃᑦ. ᐃᕝᕕᑦ ᐃᓄᓪᓗᓃᑦ ᖃᐅᔨᒪᔦᑦ ᓱᕐᕋᑕᐅᒪᑉᐸᑕ ᐃᑯᐊᓪᓚᑐᒧᑦ ᓄᓇᕕᒻᒥ, ᐅᖄᕕᖃᕆᑦ ᓄᓇᓕᑉᐱᑦ ᑲᑎᖕᖓᔨᖏᓐᓂᑦ ᒪᓐᓇᖃᒻᒥᐅᒍᓐᓇᕕᓕᒫᖓᓂ ᑐᑦᓯᕋᐅᑎᒥᒃ ᐱᒋᐊᕐᑎᓯᕙᓪᓕᐊᓗᓯ.
ᖃᐅᔨᒋᐊᕈᒪᒍᕕᑦ, ᖃᐅᔨᒋᐊᕐᕕᖃᕆᑦ ᓄᓇᓕᐅᑉ ᑲᑎᖕᖓᔨᖏᓐᓂ ᐅᕝᕙᓗᓐᓃᑦ ᓇᓪᓕᑐᐃᓐᓇᖏᓐᓂᒃ ᒪᑭᕝᕕᑯᑦ ᐊᓪᓚᕕᖏᓐᓂ.
