ᒪᑭᕝᕕᐅᑉ ᐱᓇᓱᑦᑐᓕᕆᕕᖓᑕ ᐊᕐᕌᒍᑕᒫᕐᓯᐅᑎᐅᑉ ᑐᖕᖓᓪᓕᐅᑎᖓᓂᒃ ᑲᑎᒪᓂᕐᔪᐊᖃᕐᑎᓯᓂᖓ ᐊᑦᔨᐅᖏᑦᑐᓚᕆᐅᓕᓚᐅᔪᕗᖅ ᓯᕗᓪᓕᐅᓚᐅᔪᔫᑉ ᓴᓂᐊᓂᑦ. ᑕᕐᕋᓕᐊᕐᓂᐅᓚᐅᔪᒐᒥ, ᓴᐱᕐᑌᑐᓯᑦᓱᓂ ᓅᕕᒻᐱᕆᐅᑉ ᐊᐳᑎᐊᓗᐊᓂᓐ (ᓱᕈᔪᒻᒥᓗ) ᑰᒃᔪᐊᒥ, ᐃᓚᐅᔭᕐᑐᓯᒪᔪᓂᒃ ᐊᑦᔨᖃᖕᖏᑐᒥᒃ ᐅᑭᐅᕐᑕᑐᒥ ᐊᑑᑎᒋᐅᕐᕕᐅᓕᕐᓱᓂ. ᐁᒡ ᓯᓚᐅᑉ ᐅᕐᖂᓯᒋᐋᓐᓂᖔᒧᑦ ᐊᑦᔨᓂᖓ! ᑰᒃᔪᐊᖅ ᒪᓐᑐᔨᐊᒥᑦ ᐅᕐᖂᓂᕐᓴᐅᓚᐅᔪᕗᖅ ᐱᓇᓱᐊᕈᓯᖓᓂ ᓅᕕᒻᐱᕆ 18-21, 2025.
“ᓄᑖᖅ ᑕᕐᓴᖁᑎᒃ, ᓄᑖᑦ ᖃᓄᐃᓘᕈᓰᑦ, ᓄᑕᕐᓗ ᑲᑎᖕᖓᕕᐅᔪᖅ,” ᐅᖃᕐᑐᖅ ᒪᑭᕝᕕᐅᑉ ᑮᓇᐅᔭᓕᕆᔨᒻᒪᕆᖓ ᔮᔨ ᐴᑎ. “ᑕᕐᓴᖁᑎᕗᑦ ᓄᐃᑕᑎᑦᓯᒪᑦ ᐱᖓᓱᐃᓕᖓᔪᓂᒃ ᐃᓄᓐᓂᒃ ᐃᓄᒃᓲᓱᓂ. ᖃᓄᐃᓘᕈᓯᕗᑦ ‘ᓄᒃᑮᓂᐅᑎᓪᓗᒍ ᐃᓄᑐᐃᓐᓀᑦ ᐃᓗᕐᖁᓯᖓᓂᒃ ᐊᑐᓕᕐᑎᓯᓂᐅᑦᓱᓂᓗ ᐱᓇᓱᕝᕕᒥᒃ,’ ᐅᐱᒍᓱᒻᒪᕆᑉᐳᒍᓪᓗ ᑕᒫᓂ ᑰᒃᔪ ᐊᑉ ᑲᑎᑦᑕᕕᖓᑕ ᑕᑯᓐᓇᐅᔮᕐᑎᓯᕕᖓᓃᒋ ᐊᒥᒃ.”
ᑕᒪᓐᓇ ᑕᕐᕋᒦᖓᓯᓂᖅ ᓯᕗᓪᓕᐹᖑᑦᓱᓂ ᑐᑭᑖᕈᑎᐅᓂᖃᕆ ᐊᖃᓚᐅᔪᕗᖅ ᒪᑭᕝᕕᐅᑉ ᐱᓇᓱᑦᑐᓕᕆᕕᖓᑕ ᑲᑎᖕᖓᓂᕐᔪ ᐊᖓᑕ ᑐᖓᓕᖓᓂᒃ ᐊᑑᑎᓂᐅᓚᖓᑦᓱᓂ. ᓯᕗᓕᕐᑎᓗᒍ ᐱᓇᓱᑦᑐᓕᕆᕕᐅᓪᓗ ᑮᓇᐅᑦᔭᓵᓕᕆᕕᐅᓪᓗ ᑐᑭᒧ ᐊᑦᑎᓯᔨᖓ ᒣᑯᓪ ᐁᐆᕆᐅ, ᑕᒪᑐᒥᖓ ᐸᕐᓇᓂᕐᒥᒃ ᑲᑎᖕᖓᔩᑦ ᐅᑯ ᐊᖑᓚᐅᔪᑦ ᒪᑭᕝᕕᐅᑉ ᑕᕐᕋᒥᓗ ᓯᕿᓂᕐᒥᓗ ᐱᓇᓱᑦᑎᖏᑦ ᐃᒻᒥᓂᕿᓗᓯᐋᕐᕿᓱᓕᕐᓯᐅᕈᑎᒥᒃ ᐱᐅᓯᖃᕐᓱᑎᒃ ᓴᕐᕿᑎᑦᓯᓚᐅᔪᑦ ᑲᑎᖕᖓᓂᕐᔪ ᐊᑉ ᑭᖑᓪᓕᖓᓂᒃ ᑐᑭᑖᕆᓂᐅᓚᐅᔪᔪᒥᒃ ᐊᔭᐅᕆᓂᐅᑦᓱᓂ ᐱᒻᒪᕆᐅᑦᓱᑎᒃ ᓄᓇᕕᐅᑉ ᓯᕗᓂᑦᓴᖓᓅᓕᖓᔪᓂᒃ – ᓇᒻᒥᓂᖅ ᑐᑭᑕᕆᓂᐅᖃᑦᑕᓛᕐᑐᓂᒃ ᓯᕗᓂᑦᓴᒥ ᐃᓗᓕᓕᓐᓂᒃ.
ᐃᓄᐃᑦ 100ᓂᑦ ᐊ ᒥᓲᓂᕐᓭᑦ ᑕᒃᑯᖓ ᐅᒃᓗᓂ ᐱᖓᓱᓂ ᐊ ᑑᑎᔭᐅᓚᖓᑦᓱᓂ ᑲᑎᖕᖓᓂᕐᔪ ᐊᒧᑦ ᐁᒍᒫᕐᓂ ᐊᓱᑎᒃ ᐊᓪᓚᓯᒪᔪᖕᖑᐃᒍᑎᖃᕐᓯᒪᑎᓪᓗᒋᑦ, ᓯᓚ ᐊᖓᔪᕐᖄᑐᒐᒥ ᐊᐅᓚᒃᑲᕆᓯᒪᓚᐅᔪᕗᖅ ᐊᐅᓚᓂᑦᓴᒥᓂᒃ ᐸᕐᓇᕈᑎᐅᓯᒪᔪᓂᒃ ᐃᓄᐃᑦ ᖁᓕᓪᓗ ᒪᕐᕈᓗᐃᑦ ᐅᖓᑖᓃᑦᑐᑦ ᑎᑭᒍᓐᓇᓚᐅᔪᖕᖏᑐᑦ, ᑌᒣᒻᒪᑦ 80 ᒥᑦᓯᑎᓐᓃᑐᑦ ᑲᑎᖕᖓᔭᕐᑐᕈᓐᓇᓯᓚᐅᔪᕗᑦ ᑲᑎᖕᖓᓂᕐᔪ ᐊᖅ ᐱᒋ ᐊᕐᑎᓗᒍ ᐅᓪᓛᑯᑦ 9:30ᖑᒥ ᐁᑉᐸᖓᓐᓂᐅᑎᓪᓗᒍ ᓅᕕᒻᐱᕆ 18ᒥ.
ᑲᑎᖕᖓᔪᑦ ᐅᖄᔨᖏᒃ ᑌᑲᓂ ᐅᒃᓗᒥ ᓕᑎᐊ ᐃᑦᑐᖅ – ᒪᑭᕝᕕᐅᑉ ᓴᓇᓂᕐᓄᑦ ᐱᑦᔪᔨᕕᖓᓂᒃ ᐁᑉᐸᖃᕐᓱᓂ ᑕᕐᕋᓕᒃ ᐹᑐᔩᒥᒃ ᑐᖕᖓᓱᑦᑎᓯᑲᑕᓚᐅᔪᕗᒃ ᑲᑎᖕᖓᔭᕐᑐᑐᓂᒃ, ᓇᓗᓀᕐᑕᐅᓂᖃᕐᓱᑎᒃ, ᑰᒃᔪ ᐊᒧᑦ ᑎᑭᒃᑐᓂᒃ ᐅᖃᐅᓯᖃᓚᐅᔪᒻᒥᔫᒃ ᓯᓚᒧᑦ ᑭᖑᕙᕐᑎᑕᐅᑦᓱᑎᒃ ᑎᑭᒍᓐᓇᓯᖕᖏᒋ ᐊᖓ ᓯᕗᓪᓕᐹᖑᓗᓂ ᐅᖄᔨᐅᓚᖓᓚᐅᔪᖅ ᐋᓐᑕᓂ ᐃᑦᑐᓵᑦ, ᐊᖏᖃᑎᒌᒐᓱᑦᑏᑦ ᓯᕗᓕᕐᑎᑦ ᒪᑭᕝᕕᐅᑉ ᓇᒻᒥᓂᖅ ᑐᑭᑖᕐᑐᐃᓂᕐᒥᒃ ᐱᔭᖃᕋᓱᓐᓂᒥᒃ ᓯᕗᓕᕐᑐᖅ ᐃᓚᐅᔭᕐᑐᕈᓐᓇᖏᓚᐅᔪᖅ ᓯᓚᒧᑦ ᐱᔭᐅᑦᓱᓂ.
ᐃᓄᑐᖃᖅ ᒫᑕ ᑯᔩᒃ ᐱᑕᖃᕐᑎᓯᔨᐅᓚᐅᔪᖅ ᐊᑦᑕᓇᖕᖏᑐᒥᒃ, ᓴᐳᑦᔨᓯᒪᒍᑎᓂᒃ, ᑕᕐᓂᒨᓕᖓᔪᓂᒃᓗ, ᐃᔪᕐᓇᓯᖃᑦᑕᑐᓂᒃᓗ ᑕᑯᑦᓴᐅᑎᑦᓯᓱᓂ ᑲᑎᖕᖓᓂᕐᔪᐊᖃᕐᓂᓕᒫᖓᓂ. ᑐᒃᓯᐅᑎᓄᑦ ᑲᑎᖕᖓᓂᕐᒥᒃ ᐅᒃᑯᐃᓯᓚᐅᔪᑦ. ᑭᖑᓪᓕᖃᓚᐅᔪᖅ ᐅᐱᓐᓇᑐᒻᒪᕆᒻᒥᒃ ᖁᓪᓕᒥᒃ ᐃᑭᑦᓯᓂᕐᒥᒃ ᓇᓪᓕᐅᓂᕐᓯᐅᕈᑎᖃᕐᓂᖅ ᐊᕆᐋᓇ ᐁᑦᓯᓴᓐ ᖁᓪᓕᒥᒃ ᐃᑭᑦᓯᑎᓪᓗᒍ, ᐃᑲᔪᕐᑕᐅᓱᓂ ᐊᓈᒥᓄᑦ ᒥ ᐊᔨ ᐁᑦᓯᓴᓐᒧᑦ. ”ᖁᓪᓕᐅᑉ ᐃᑭᑕᐅᓂᖓ ᐊᑑᑎᔭᐅᓲᖑᕗᖅ ᓇᓗᓀᕆᒍᑎᐅᑦᓱᓂ ᑲᔪᓯᑎᑦᓯᓂᕐᒨᓕᖓᑦᓱᓂᓗ ᐃᓄᑐᐃᓐᓀᑦ ᐃᓅᓯᖏᓐᓂᒃ,” ᐅᖃᕐᑐᖅ ᒥ ᐊᔨ.
ᓯᕗᓪᓕᒥᒃ ᑲᑎᖕᖓᓂᕐᔪ ᐊᖃᕐᓱᑎᒃ ᐱᓇᓱᑦᑐᓕᕆᕕᐅᑉ ᑲᑎᖕᖓᓂᕐᔪᐊᖃᕐᑎᓯᓂᖓᓂ, ᒪᑭᕝᕕᐅᑉ ᐊᖓᔪᕐᖄᒪᕆᖓ ᐱᑕ ᐋᑕᒥ ᖃᕆᑕᐅᔭᑎᒍᑦ ᐃᓚᐅᑦᓱᓂ ᐅᖄᓂᖃᓚᐅᔪᖅ. ᑕᒃᑲᓂ ᓄᐃᑕᓚᐅᔪᖅ ᒪᓐᑐᔨ ᐊᒥ ᐳᕐᑐᓂᕐᓴᐅᖃᑎᒌᑦ ᑲᑎᖕᖓᓂᖃᕐᓱᑎᒃ, ᐳᕐᑐᓂᕐᓴᐅᖃᑎᒥᓂᒃ ᐃᑦᓯᕙᖃᑎᖃᕐᓱᓂ. ”ᓄᓇᕕᒻᒥᐅᑦ ᐃᓄᑐᐃᓐᓀᑦ ᐊᑯᓂᐅᓗ ᐊᕐᑐᖅ ᐊᐅᓚᑕᐅᓂᖃᕐᓯᒪᓕᕐᖁᑦ ᓯᓚᑎᒥᓂᑦ ᐱᓯᒪᔪᓄᑦ. ᑕᒪᓐᓇ ᐃᓕᑕᕆᔭᐅᓂᕐᑕᖁᔭᕋ,” ᐅᖃᕐᑐᖅ ᐱᑕ. “ᐃᓄᑐᐃᓐᓇᐅᓃᕈᑦᔭᐅᒐᓱᓐᓂᖅ ᐊᑑᑎᓯᒪᕗᖅ. ᒪᕐᕈᐃᓂᒃ ᐃᓅᓯᖃᕐᐳᒍᑦ ᓄᓇᕕᖕᒥ – ᐱᓇᓱᑦᑏᑦ ᐃᓄᑐᐃᓐᓀᓗ ᖃᓪᓗᓈᓪᓗ. ᑌᒪᖕᖓᒐᓚᑦᓯ ᐊᖅ ᑖᒃᑯᐊ ᐱᕙᓪᓕᖁᑎᑖᕐᑕᐅᑎᖏᑦ ᐊᑦᔨᒌᓱᖑᖕᖏᑐᑦ. ᓂᕆᐅᑉᐳᖓ ᑖᓐᓇ ᑲᑎᖕᖓᓂᖅ ᑕᒪᑐᒥᖓ ᐊᓯᑦᔩᓂᖃᕐᓂᐊᑎᓪᓗᒍ.”
ᑭᖑᓪᓕᐅᓱᓂ ᔮᔨ ᐴᑎ ᑐᖕᖓᓱᑦᑎᓯᒍᑎᒥᓂᒃ ᓂᑦᔮᒍᑎᖃᓕᓚᐅᔪᒻᒥᔪᖅ. ᓇᑯᕐᒦᕕᖃᕐᓱᓂ ᐃᓚᐅᔭᕐᑐᓯᒪᔪᓕᒫᖑᑦᓱᑎᒃ ᑲᑎᖕᖓᕕᒻᒦᑐᓂᒃ ᐅᖃᕐᓱᓂᓗ ᐃᓚᖓᓂᒃ ᐅᖁᒣᑦᑐᓂᒃ ᐅᖃᖃᑎᒌᒍᑎᖃᖃᑦᑕᓚᖓᒋ ᐊᖏᑦ. ”ᐱᔪᓐᓇᑐᒻᒪᕆᖁᑎᒋᕙᑦᓯ ᑕᒪᐅᖕᖓᖃᑕᐅᒍᓐᓇᓂᑦᓯᓄᑦ,” ᑌᒫᒃ ᐅᖃᐅᓯᓕᒃ ᔮᔨ.
ᔮᔨ ᓂᑦᔮᒍᑎᖃᕐᒥᔪᖅ ᖃᕆᑕᐅᔭᑎᒍᓪᓗ ᐅᖄᓚᐅᑎᑎᒍᓪᓗ ᐱᔭᑦᓴᖑᕐᓯᒪᔪᓂᒃ, ᓄᓇᕕᐅᑉ ᐱᓇᓱᑦᑎᖏᑦ ᐱᓇᓱ ᐊᖃᑕᐅᓕᕐᒪᑕ ᓇᑭᓕᒫᑦᓯ ᐊᖅ ᓇᓂᓕᒫᕐᓱᑎᒃ. ᐅᖃᕐᓱᓂᓗ ᐱᓇᓱᑦᑎᖃᕐᑐᓴᐅᖕᖏᒋ ᐊᑦᑕ ᐅᖓᓯᑦᑐᒪᕆᓐᓃᑐᓂᒃ ᓲᕐᓗ 10,000ᓂ ᑭᓚᒦᑕᓂᒃ ᐅᖓᓯᓐᓂᖃᕐᓗᑎᒃ. ᐃᓚᐅᑎᑦᓯᒥᔪᖅ ᑭᓯᑦᓯᓯᒪᒍᑎᓂᒃ, ᐅᖃᕐᓱᓂ ᐱᓇᓱᒐᑦᓴᖃᖕᖏᓂᖅ ᐃᓄᑐᐃᓐᓀᑦ ᐊᑯᕐᖓᓂ 3%ᑐᐃᓐᓇᐅᒋ ᐊᖓ ᐊᑯᑭᑦᑐᒥ, ᓄᓇᕕᒻᒥ ᐅᓄᕐᓂᓴᒻᒪᕆ ᐊᓗᑦᓱᓂ.
ᐅᖃᖃᑎᒌᒍᑎᖃᕆ ᐊᖕᖓᓚᐅᔪᔪᑦ, ᐊᐱᕐᓱᓱᑎᒃ ᐃᒫᒃ, ”ᐱᓇᓱᒐᖃᕐᕕᐅᔪᑦ ᖃᓄᐃᓘᕐᓱᑎᒃ ᐃᓗᕐᖁᓯᕐᒥᓂᒃ ᐃᓚᐅᑎᑦᓯᓲᖑᕙᑦ ᐱᓇᓱᒐᖃᕐᕕᒥᓐᓂ?” ᑖᒃᑯᐊ ᐊᐱᕆᐅᑏᑦ ᐱᓇᓱ ᐊᕈᓯᖅ ᐊᓂᒍᕐᐸᓕ ᐊᓂᖓᓂ ᑐᖕᖓᕕᐅᒍᓱᓐᓂᖃᑦᓯ ᐊᓚᐅᔪᑦ. ””ᓂᕐᓖᓗ ᑐᑦᑐᐃᓗ ᐱᓇᓱᓐᓂᒨᓕᖓᔪᓂᒃ ᐅᒃᓗᑕᒫᑦ ᒪᓕᒐᖃᓱᖑᑦᔭᖏᓪᓚᑦ. ᑎᑭᑐ ᐊᕐᒪᑕ ᐱᓇᓱᑎᓄᑦ ᐱᓇᓱᒐᕐᒥᓂᒃ ᐅᒃᓗᓕᒫᖅ ᐅᒃᓘᓄᑦ ᒪᕐᕈᓄᑦ ᑎᑭᐅᑎᑦᓱᑎᒃ ᐱᓇᓱᒐᕐᒥᓂᒃ ᕿᒣᒪᓯᓲᑦ,” ᐅᖃᕐᑐᖅ ᓯ ᐊᔭ ᐳᐆᓐ, ᐃᓅᓕᑦᓯᕕᒃ ᐃᓗᓯᓕᕆᓂᕐᓄᑦ ᐱᑦᔪᔨᕕᐅᑉ ᑐᑭᒧ ᐊᑎᑦᓯᔨᖓ.
ᖃᕐᔪᐃᑦ ᐅᕕᒃᑫᑦ ᑲᑎᖕᖓᔨᖏᑦ, ᐊᖓᔪᕐᖄᒪᕆᖓᑕᑐᖓᓕᖓ ᓲᓯ ᐋᓐ ᑲᓪᓚᒃ ᐃᒫᒃ ᐅᖃᓚᐅᔪᔪᖅ ”ᐃᓄᑐᖃᕐᓂᒃ ᑲᑎᖕᖓᓂᑦᑎᓂ ᐃᓚᐅᑎᑦᓯᓱᖑᔪᒍᑦ. ᓯᓚᐹᓂᒃ ᐱᐅᔪᖑ ᐊᓂᒃ ᓴᓇᒍᑦᔭᐅᓚᐅᔪᒻᒥᔪᒍᑦ. ᐃᓄᑐᐃᓐᓀᑦ ᐱᓇᓱᑦᑏᑦ ᐱᕙᓪᓕᖁᑎᒋ ᐊᓪᓚᖃᓲᑦ ᒪᙯᒍᑎᑦᓴᒥᓂᒃ”
ᑳ ᐊᓂ ᑯ ᐊᓚ ᐃᓄᐃᑦᑯᓐᓂᑦ ᐱᓯᒪᔪᖅ ᐅᖄᓚᐅᔪᒻᒥᔪᖅ ᐱᓇᓱᑦᑏᑦ ᒪᙯᑎᑕᐅᓂᕕᓂᖓᓂᒃ ᐱᖑ ᐊᓗᓐᓄᑦ. ᑖᓐᓇ ᐅᒃᑯᐃᖔᕐᑎᑕᐅᓲᖅ ᐊᑑᑎᔭᐅᔪᓐᓇᑎᓪᓗᒍ ᐃᓄᑐᐃᓐᓇᓄᓪᓗ ᐃᓄᑐᐃᓐᓇᐅᖏᑦᑐᓄᓪᓗ ᐃᓄᐃᑦᑯᓂ, ᐃᖃᓪᓕ ᐊᓱᑎᒃᓗ, ᐃᓄᑐᐃᓐᓀᓗ ᐱᖕᖑ ᐊᕈᓯᖏᓐᓂᒃ ᐱᖕᖑ ᐊᓂᖃᓱᖑᑦᓱᑎᒃ, ᐸᓂᕐᑎᓯᑦᓱᑎᒃᓗ. ᖁᕕ ᐊᓇᕐᓱᓂ ᐃᓕᓐᓂ ᐊᓂᑦᓯ ᐊᖑᓚᐅᔪᖅ ᐃᓄᑐᐃᓐᓀᑦ ᐃᓗᕐᖁᓯᖓᓐᓂᒃ.
ᒪᕐᕉᓂᒃ ᐃᓚᐅᔭᕐᑐᓯᒪᔪᖃᓚᐅᔪᒻᒥᔪᖅ ᑕᕐᕋᒥ ᓄᓇᓕᖓᓐᓂᑦ ᐳᕕᕐᓂᑑᑉ ᐱᑕᖃᕐᑎᓯᒍᑎᖃᓚᐅᔪᔪᒃ ᐃᒃᓕᓇᕐᑐᓂᒃ ᑕᐅᑐᒍᓯᕐᓂᒃ ᑕᐅᑐᒍᓯᐅᕙᑦᑐᑦ ᐊᑦᔨᒋᖕᖏᑕᖏᓐᓂᒃ. ᓄᓇᓕᐅᑉ ᑲᒪᔨᒻᒪᕆᖓ ᐲᑕ ᓇᐹᕐᑐᖅ ᓂᑦᔮᓂᖃᕆᐊᖕᖓᓯᓚᐅᔪᖅ ᐃᒫᒃ ᐅᖃᕐᓱᓂ ”ᐅᕙᒍᓪᓕ ᐃᓘᓐᓇᓯ ᐊᑕ 100%ᖑᔪᒍᑦ ᓄᓇᓕᐅᑉ ᑲᕙᒫᐱᒃᑯᖏᓐᓂ. ᓴᐳᑦᔨᓯᒪᓱᖑᑦᓱᑕ ᐃᓄᑐᐃᓐᓇᐅᖏᑦᑐᓂᒃ. ᐳᕕᕐᓂᑐᕐᒥᐅᑎᒍᑦ ᐃᓗᕐᖁᓯᕐᒥᓗ ᐱᐅᓯᑐᖃᕐᓂᓗ ᐱᒻᒪᕆᓪᓚᕆᐅᑎᑦᓯᒐᑦᑕ. ᑲᔪᓯᑎᑦᓯ ᐊᖏᓐᓇᓲᕗᒃ.” ᖃᑕᖕᖑᑎᖓ ᐸᐅᓗᓯ ᓇᐹᕐᑐᖅ, ᓄᓇᓖᑦ ᑲᒪᔨᒻᒪᕆᖓᑕ ᐃᑲᔪᕐᑎᖓ ᐃᒫᒃ ᐅᖃᐅᓯᖃᓚᐅᔪᒻᒥᔪᖅ, ” ᐊᕐᕌᒍᑕᒫᑦ ᐊᑑᑎᑦᓯᐊᖏᓐᓇᕋᓱᓱᖑᔪᒍᑦ ᐃᓗᕐᖁᓯᕐᒨᓕᖓᔪᓂᒃ ᐅᒃᓗᖃᕐᑎᓱᒋᑦ ᐱᓇᓱᑦᑎᖁᑎᕗᑦ. ᑖᒃᑯᑎᒎᓇ ᐱᑐᑦᓯᒪᐅᑎᑦᓯ ᐊᖏᓐᓇᓲᖑᔪᒍᑦ. ᑲᔪᓯᑎᑦᓯᓯ ᐊᖏᓐᓇᓱᖑᑦᓱᑕᓗ ᐅᕕᒐᕐᑐᖁᑎᑦᑎᓂᒃ ᓴᐳᒻᒥᓂᑦᑎᓂᒃ.”
ᔮᔨ ᖃᕐᖄᔪᒃ, ᓴᓪᓗᒥᐅᑦ ᓯᕗᓕᕐᑎᖓᑕ ᑐᖓᓕᖓ ᐊᖓᔪᕐᖄᒪᕆᒋᔭᐅᑦᓱᓂᓗ ᑕᕐᕋᒥᐅᑦ ᓂᐱᖓᓐᓄᑦ ᐅᖃᐅᓯᖃᓚᐅᔪᒻᒥᔪᖅ ᓄᓇᓖᑦ ᑲᕙᒫᐱᒃᑯᖏᓐᓄᑦ ᐱᓇᓱᑦᑎᐅᓂᖅ ᖃᓄᐃᑦᑑᒪᖔᑦ ᐱᓇᓱᑦᑐᓴᕐᓯᐅᖃᑦᑕᓂᕐᒥᓗ, ᐱᓇᓱᑦᑎᓂᒃᓗ ᓄᕐᙯᓇᔨ ᐊᖃᕐᑌᓕᒍᓯᕐᓂᒃ, ᐱᓇᓱᑦᑎᓂᒃᓗ ᓄᕐᖃᔨ ᐊᖃᕐᐸᓂᕐᓂᒃ. ᐅᖃᐅᓯᖃᓚᐅᔪᑦ ᐃᓄᑐᐃᓐᓀᑦ ᐱᔪᓐᓇᓂᖃᑦᓯ ᐊᕆ ᐊᖏᑦ ᐃᓕᑦᓯᒍ ᐊᕐᑐᒪᕆᐅᒋ ᐊᖏᓪᓗ. ” ᐊᑖᑕᒐ ᑕᑯᓐᓇᓚᐅᕐᓯᒪᓚᐅᔪᖕᖏᑐᖅ ᓯᑮᑐᖅ ᐋᕐᕿᓱᕐᑕᐅᑎᓪᓗᒍ, ᑭᓯ ᐊᓂ ᓯᑮᑐᑉ ᐊᓗᖓᓂᒃ ᐊᒃᓱᓈᒧᑦ ᕿᓚᑦᓱᓱᓂ ᐋᕐᕿᒍᓐᓇᓯᒪᔪᖅ”
ᐅᒃᓗᑐᖃᒋ ᐊᖑᓕᕐᑎᓗᒍ, ᐱᑕ ᐋᑕᒥᐅᑉ ᐅᒃᑯᐃᓯᓂᕐᒥ ᐅᖃᐅᓯᕆᕐᖃᐅᔭᖏᓐᓂᒃ ᐃᒥ ᐊᑎᑦᓯᒍᑎᒋᑦᓱᒋᑦ. ᐃᓄᑐᐃᓐᓇᓂᒃ ᓯᕐᓈᑎ, ᐱᖁᔭᓕᕆᔨᐅᑦᓱᓂᓗ, ᑐᓴᕐᓈᑎᑦᓯᔨᐅᑦᓱᓂᓗ ᒥᕐᓱᑎᐅᑦᓱᓂᓗ ᐊᔫ ᐲᑕ ᑐᓴᕐᑕᐅᑎᑦᓯᒍᑎᖃᓕᓚᐅᔪᒻᒥᔪᖅ ᑕᑯᓐᓇᕋᑦᓴᔭᑎᒍᑦ ᐅᓂᒃᑲᐅᓯᕐᓂᒃ ᑐᓴᕐᑎᓯᒍᑎᓕ ᐊᕆᓯᒪᔭᒥᓂᒃ ”ᒪᕐᕈᕕᑦᓱᓂ ᐃᓄᑐᐃᓐᓇᐅᒍᓐᓀᑎᑕᐅᒐᓱᑦᓯᒪᓂᖅ” ᐊᑦᔨᖑ ᐊᑎᒍᑦ ᑕᑯᑦᓴᐅᑎᑦᓯᒍᑏᑦ ᐊᔫᑉ ᐃᓅᓯᕆᓯᒪᔭᖓᓂᒃ ᐊᑯᑭᑦᑐᒥᓗ/ᑎ ᐊᓐᒫᒃᒥᓗ, ᐃᖃᓗᓐᓂᓗ/ᑲᓇᑕᒥ ᐃᓄᑐᐃᓐᓇᐅᒍᓐᓀᑎᑕᐅᒪᓂᕐᓂᒃ. ᑖᒃᑯᑎᒎᓇ ᖁ ᐊᕐᓵᓯᒪᓇᕐᑐᑎᒎᕐᓯᒪᓂᖅ ᐱᔭᐅᑦᓱᓂ ᑕᒪᒃᑯᓄᖓ ᓴᕐᕿᖃᑦᑕᓯᒪᕗᖅ ᐅᑯᑎᒎᓇ — ᐃᒻᒥᓂ ᐊᕐᓂᑎᒍᑦ ᐁᑉᐸᒥᓂᒃᓗ ᓱᒃᑯᑖᖃᖃᑦᑕᓂᒃᑯᑦ.
ᑖᒃᑯᐊ ᑕᕐᕋᓕᔮᒐᓕ ᐊᖑᓯᒪᔪᑦ ᓄᐃᑕᑎᑦᓯᓚᐅᔪᕗᑦ ᐃᓄᑐᐃᓐᓀᑦ ᐱᓇᓱᑦᑏᑦ ᐃᓅᓯᕐᒥᓂ ᐊᑑᑎᔭᖃᓲᖑᓂᖏᓐᓂᒃ ᐅᒃᓗᑕᒫᑦ ᖁ ᐊᕐᓴᓯᒪᓇᕐᑐᒥᒃ ᑐᖕᖓᕕᓕᓐᓂᒃ. ᑌᒣᒃᑲᓗ ᐊᕐᑎᓗᒋᑦ, ᐊᔫ ᐅᖃᐅᓯᖃᓚᐅᔪᒋᕗᖅ ᑕᑯᓐᓇᑕᐅᑎᑦᓯᓂᕐᒥᓂᒃ ᐱᔭᕇᓕᕐᓱᓂ ᐃᒫᒃ ᐅᖃᐅᓯᖃᕐᓱᓂ, ”ᐅᖁᒣᑦᑐᑰᕋᓗ ᐊᕈᕕᑦ ᓱᓕ ᐃᔪᕐᑌᓕᖕᖏᓚᑎᑦ.” ᑖᒃᑯᐊ ᐅᖃᕐᑕᖏᑦ ᒥᑭᓪᓕᑎᕆᓂᐅᓚᐅᔪᖕᖏᑐᑦ, ᐃᓕᖓᓂᕐᓴᐅᓚᐅᔪᒐᒥᒃ ᐊᑑᑎᔭᖃᕈᓐᓇᓂᕐᒧᑦ.
ᐊᒥᓱᓂᒃ ᐱᒐᓱᒍᑎᑦᓴᓯ ᐊᓂᒃ ᐱᑕᖃᓚᐅᔪᖅ ᑲᑎᖕᖓᓂᐅᑉ ᐊᓯᓕᒫᖓᓂ. ᒪᑭ ᐊᓪ ᐃᓕᓐᓂ ᐊᕕᕐᔪ ᐊᖅ ᓄᐃᑦᓯᒍᑎᖃᕐᓯᒪᓕᕐᒥᒪᑦ ᓄᓇᓕᑐᙯᑦ ᐱᔭᖃᕋᓱᒍᑎᒋᒍᓐᓇᑕᖏᓐᓂᒃ ᐊᑦᓯᕋᐅᑎᓕᓐᓂᒃ ”ᐃᓄᓕᒫᓂᒃ ᐊᐅᓚᑦᓯᓂᓕᕆᒍᓰᓪᓗ ᑲᕙᒪᒍᓯᐅᔪᓪᓗ” ᑖᒃᑯᓂᖓ ᐃᓕᓐᓂ ᐊᑎᑕᐅᓯᒪᔪᑦ ᐃᓕᓐᓂ ᐊᕇᕈᑎᑖᕐᓯᒪᓕᕐᑐᑦ 11 ᒪᑭᕝᕕᐅᑉ ᐱᓇᓱᑦᑎᖏᑦ ᐱᔭᕇᕈᑎᑖᕐᓂᖃᓚᐅᔪᑦᓱᑎᒃ 2025 ᐅᐱᕐᖓᓴᖓᓂ, ᓱᓕ 22 ᐱᔭᕇᕈᑎᑖᕋᓱᖏᓐᓇᒥᔪᑦ. ᐋᓐᑐᐋᓐ ᑳᖕᓅᓗ ᕖᓪᑕᓐ ᑯᐅᐴᓐᓗ ᐃᓚᐅᑎᑦᓯᓚᐅᔪᕘᒃ 11 ᐱᔭᕇᕈᓯᕐᑕᐅᔪᕕᓃᑦ ᐊᑦᔨᖑ ᐊᖓᓐᓂᒃ — ᐃᓘᓐᓇᑎᒃ ᐊᕐᓀᑦ — ᑐᓴᕐᑕᐅᑎᑦᓯᓂᖃᕐᓱᑎᒃ, ᐅᐱᒋᔭᐅᒻᒪᕆᓚᐅᔪᔪᓂᒃ ᑲᑎᖕᖓᒋ ᐊᕐᓯᒪᔪᓄᑦ.
ᐅᔭᕋᓐᓂ ᐊᑐᓕᕆᔩᑦ ᑭᓕ ᐊᓐᑯ ᐊᒃᑯᑦ ᑕᐸᓇᖕᖑ ᐊᖏᓪᓚᑦ ᐃᓄᑐᐃᓐᓇᓂᒃ ᐱᓇᓱᑦᑎ ᐅᓚᖓᔪᓂᒃ ᐊᒥᓱᖕᖑᐃᓂᖃᕋᓱᓕᕋᒥ ᐱᓇᓱᑦᑎ ᐅᓚᖓᔪᓂᒃ ᑭᑭ ᐊᑦᓴᔭᒥᒃ ᓂᑯᓪᒥᒃ ᐅ ᔭᕋᓐᓂ ᐊᑐᓂ. ᓴᕐᕿᑎᑦᓯᒍᑎᖃᕐᓯᒪᓕᕐᑐᑦ ᐃᓄᑐᐃᓐᓇᓂᒃ ᐱᓇᓱᑦᑐᓕᕆᓂᕐᒥᒃ ᐱᑦᔪᔨᕕᒻᒥᒃ ᐊᑦᓯᕋ ᐅᑎᖃᕐᑎᓱᒍ ᑕᒪᑐᒪᓂᒥᒃ. ᓇᒻᒥᓂᖁᑎᖃᕐᒥᔪᓪᓕ ᐊᕐᓀᓇᓕᒫᓂᒃ ᐊᑦᔨᖑ ᐊᖁᑎᒥᓐᓂᒃ ᑭ ᐅᑦᔪ ᑎᒋᓯᒪᔭᒥᓂᒃ ᒪᑭᐋᓪᒥᒃ. ᑐᓴᕐᑕ ᐅᑎᑦᓯᓂᖅ ᕿᑎᕐᖃᕈᑎᑎᓪᓗᒍ, ᓵᒧᐃᓕ ᑯᔩᓯᑳᑦ ᐅᖃ ᐅᓯᖃᓚ ᐅᔪᒻᒥᔪᑦ ᐃᓄᑐᐃᓐᓇ ᐅᓱᓂ ᓯᕗᓪᓕᐸ ᐅᒋ ᐊᒥᒃ ᑭᓕ ᐊᓐᑯ ᐊᒃᑯᑦ ᑲᒪᔨᒻᒪᕆ ᐅᓂᕐᒥᒃ ᐱᓇᓱᖃᑎᒌᑦᑐᖁᑎᖏᓐᓂ ᑐᑭᒧ ᐊᑦᑎᓯᔨᑕᖑᓯᒪᓂᕐᒥᓂᒃ ᓄᓇᓕᓐᓂᒃ ᐱᓇᓱᑦᑎᓯᓂᕐᓅᓕᖓᔪᒥᒃ. ᑲᑎᖕᖓᔪᑦ ᑕᒪᑐᒥᖓ ᑐᓴᕐᑕᒥᓂᒃ ᖁᕕ ᐊᓱᒍᑎᖃᒻᒪᕆᑦᓱᑎᒃ ᐸᑎᒐᓚ ᐅᔪᕗᑦ.
ᕿᑦᑌᖓᔮᓐᓂᖃᑦᓯ ᐊᑐᒻᒪᕆᐅᑦᓱᑎᒃ ᐅᕕᒃᑲᐅᓱᑎᒃᓗ ᒪᕐᕉᒃ – ᐄᓖᓇ ᒥ ᐊᓱᓗ ᐊᓐᑕᓂ ᖃᐅᒃᑫᓗ – ᑐᓴᕐᑕᐅᑎᑦᓯᓚᐅᔪᒻᒥᔫᒃ ᓄᓇᒥ ᐱᕙᓪᓕ ᐊᑎᑦᓯᒍᑎᓂᒃ ᑖᒃᑯᐊ ᐊᑐᕐᑕᐅᒍᓐᓇᒪᑕ ᑲᒪᒋᔭᖃᕈᑎᐅᓗᑎᒃ ᐃᓱᒪᐅᑉ ᖃᓄᐃᖕᖏᓯᐊᕈᓐᓇᐅᑎᑦᓴᖏᓐᓂᒃ. ᐃᓕᖓᓂᖃᕐᑎᓗᒋᑦ ᐱᓇᓱᑦᑐᓕᕆᓂᕐᒥᒃ ᑲᑎᒪᓂᕐᔪᐊᖃᕐᑎᓯᓂᕐᒧᑦ, ᐱᕙᓪᓕᖁᑎᑕᖏᑦ ᐃᓕᖓᔪᑦ ᐱᓇᓱᑦᑎᓄᑦ ᓄᓇᒥᒃᑐᖕᖓᕕᓕᓐᓂᒃ ᓯᓚᒦᓐᓂᐅᔪᑦ ᐊᑐᑎᑎᑕᐅᒍᑎᖃᕈᓐᓇᑐᑦ ᐱᓇᓱᒍᑎᑎᒍᑦ ᑐᖕᖓᓱᑦᑎᑕᐅᑦᓯ ᐊᓱᑎᒃ ᐱᔭᐅᓂᖃᓚᐅᔪᕗᑦ.
ᐊᓯᖏᓐᓂᓕ, ᑐᓴᕋᑦᓴᓯ ᐊᓂᒃ ᐱᑕᖃᓚᐅᔪᒻᒥᔪᑦ ᐱᖁᔭᑎᒎᕐᑐᓂᒃ ᐱᓇᓱᒍᑎᐅᔪᓂᒃ ᒪᑭᕝᕕᒥ ᑌᔭᐅᒍᑎᖃᕐᓱᑎᒃ ᐱᓱᖃᑎᒌᑦᑐᑦ, ᑖᒃᑯᐊ ᑐᑭᖃᕐᓱᑎᒃ ”ᐱᓱᖃᑎᒌᓐᓂᑯᑦ.” ᐱᕈᕐᐸᓕᐊ ᓂᕐᒥᒃ ᐃᓄᑦᔪᐊ ᒥ. ᐱᖁᔭᓕᕆᔨ ᐄᕙ ᓛᖕᓗᐊ ᑐᑭᓯᓇᕐᑎᓯᒍᑎᖃᓚᐅᔪᖅ ᖃᓄᖅ ᒥᑭᔪ ᐊᐱᐅᓚᐅᔪᖅ ᐊᖏᓕᕙᓪᓕ ᐊᓂᖃᕐᓯᒪᓕᕐᒪᖔᑦ ᐊᒃᓚᕕᖓᑦ ᐱᓇᓱᐊᕐᓱᓂ ᐱᔭᑦᓴᓂᒃ ᒪᑯᓄᖕᖓᓕᖓᔪᓂᒃ ᐃᓄᒍᓐᓀᓯᒪᓕᕐᑑᑉ ᐱᐅᓕᓂᐊ ᒐᕕᓂᖏᓐᓂᒃ ᑐᑭᑕᕆᖃᑦᑕᓂᕐᓂᒃ, ᐃᓅᑉ ᕿᒻᒪᖁᑎᑦᓴᒥᓂᒃ ᐊᒃᓚᓯᒪᔪᖕᖑᐃᒍᑎᒋᓯᒪᔭᖏᓐᓂᒃ ᐊᑎᕐᒥᓂᒃᓗ ᐊᓯᑦᔨᑐᐃᓂᕐᒥᒃ, ᑌᒪᖕᖓᑦ 2018 ᐊᕐᕌᒍᖓᓂᓂᑦ ᐱᓇᓱᑦᓯᒪᓕᕐᓱᑎᒃ 2050ᓂᑦ ᐅᓄᕐᓂᓴᓂᒃ.
“Inuk & Me”ᑯᑦ ᐱᓇᓱᒍᑎᐅᕗᑦ ᓴᕐᕿᑎᑦᓯᒍᑎᑦᓴᐅᓱᑎᒃ ᐃᓗᕐᖁᓯᕐᒨᓕᖓᔪᓂᒃ ᐱᒋᐅᕐᓴᑎᑕᐅᒍᑎᑦᓴᖏᓂᒃ ᓄᓇᕕᒻᒥ ᐱᓇᓱᑦᑎᐅᔪᑦ. ᑐᓴᕐᑎᓯᒍᑎᒋᓚᐅᔪᔭᖓᑦ ᑲᕆᓇ ᑭ ᐊᓱᒍ ᐊᓐᓗ ᓘᕋ ᐱ ᐊᑦ ᐲᔅᑕᓐᓗ. ᐁᑦᑐᑎᒋᒍᓐᓇᓯᓛᕈᒪᔭᖏᑦ 2027ᖑᓕᕐᐸᑦ. ᐅᖃᐅᓯᑦᓴᒥᓂᒃ ᓂᑦᔮᒍᑎᖃᕐᓇᓯᐅᕐᑎᓗᒋᑦ, ᓯ ᐊᔭ ᐳᐆᓐ ᐅᖃᓚᐅᔪᖅ , “’Qallunaat & Me’ᓂᒃ ᓴᕐᕿᑎᑕᑦᓴᓯ ᐊᖁᑎᖃᕆ ᐊᒥᒃ. ᐱᑕᖃᕆ ᐊᖃᕋᑦᑕ ᐃᓕᓐᓂ ᐊᑎᑕᐅᒍᑎᑦᓴᑎᓐᓂᒃ ᖃᓄᐃᓘᖃᑦᑕᑐᑦᓴᐅᒪᖔᑦᑕ ᖃᓪᓗᓈᓂᒃ ᐱᓇᓱᖃᑎᖃᕐᓂᑎᒍᑦ.”
ᐊᒥᓱᓂᒃ ᐊᑕᐅᑦᓯᑯᑦ ᐱᓇᓱ ᐊᕈᓐᓇᑐᖅ ᑕᕐᕋᓕᒃ ᐹᑦᑐᔩᑦ ᐱᔪᒪᓂᕐᑖᓇᕐᑐᓂᒃ ᐅᖄᓚᐅᔪᒻᒥᔪᖅ ᐃᓕᖓᔪᓂᒃ ᐱᓪᓚᕆᐅᓂᖏᓐᓄᑦ ᑕᑯᒥᓇᕐᑐᓕ ᐊᖑᕙᑦᑐᓗ ᑕᑯᓐᓇᐅᔮᕐᑕᐅᓂᐅᕙᑦᑐᓗ ᐱᓇᓱᕝᕕᒥᓐᓂᖏᑦ. ᑲᑕᑦᔭᑎᐅᒐᒥ, ᐅᓂᒃᑲᑐᐊᕐᑎᐅᓱᓂᓗ ᑕᑯᕚᒃᑯᕕᒻᒥᓗ ᑲᒪᔨᒻᒪᕆᐅᑦᓱᓂ, ᑕᕐᕋᓕᒃ ᐊᑐᓲᖑᕗᖅ ᖃᕆᑕᐅᔭᒃᑯᑦ ᐅᓂᒃᑲᐅᔨᒍᑎᒥᒃ ᓲᕐᓗ ᐊᒃᓚᕕᑦᓴᕆᑦᓱᓂᐅᒃ ᑕᑯᓐᓇᑕᐅᑎᑦᓯᒍᑎᒋᕙᑦᓱᒍ ᐱᕙᓪᓕ ᐊᓯᒪᔪᓂᒃᓗ ᐅᒃᓗᒥᓂᑕᐅᓂᕐᓴᓂᒃᓗ ᓴᓇᔭᐅᖃᑦᑕᓯᒪᔪᓂᒃ ᐃᓄᑐᐃᓐᓇᓄᑦ ᑕᑯᒥᓇᕐᑐᓕᐅᕐᑎᓄᑦ — ᐃᒃᓕᓇᕐᓂᖏᓐᓂᓗ — ᑭᐅᒍᑎᑦᓯ ᐊᖁᑎᒋᑦᓱᖏᑦ ᐊᐱᕆᒍᑎᓂᒃ ᖃᓄᐃᓘᕐᓗᒋᑦ ᐃᓗᕐᖁᓯᕐᒨᓕᖓᔪᑦ ᐱᓇᓱᕝᕕᒥ ᐃᓚᐅᓕᕋᔭᕐᒪᖔᑕ.
ᑕᒐᓕ ᐅᖄᒐᑦᑕ ᒥᖑ ᐊᕐᓯᒪᔪᓕᐅᕐᕕᓴᔭᓂᒃ, ᑕᑯᒥᓇᕐᑐᓕᐅᕐᑎᐅᓱᓂᓗ ᑲᑕᑦᔭᑎᐅᑦᓱᓂᓘᕐᑐᖅ ᖃᓇ ᑐᒃᑐ ᐅᑎᕐᕕᖃᓚᐅᔪᒋᕗᖅ ᑲᔪᖏᕐᓭᓂᖃᕆ ᐊᕐᑐᓱᓂ ᐊᔭᐅᕆᓂᖃᕐᓱᓂᓗ ᑲᑎᖕᖓᔭᕐᑐᓯᒪᔪᓂᒃ ᑎᒍᓯᓚᕿᑎᒐᓱᑦᓱᒋᑦ ᒥᖑ ᐊᕆᒍᑎᓂᒃ ᒥᖑ ᐊᕈᑎᒧᑦ ᐃᓚᐅᓂᕐᒥᓂᒃ ᓄᐃᑦᓯᖁᑦᓱᒋᑦ ᑕᒃᑲᓂ ᑲᑐᑦᔮᖑᑦᓱᓂ ᑲᑎᖕᖓᓂᕐᔪ ᐊᒥ ᑕᑯᒥᓇᕐᑐᓂᒃ ᐊᑦᔨᖃᖕᖏᑐᓂᒃᓗ ᐊᒻᒪᓗᑭᑕᐅᓕᖓᔪᒥ ᒥᖑ ᐊᕆᕕᒻᒥ ᑕᕐᓰᓂᖃᖁᑦᓱᒋᑦ. ᐃᓘᓐᓇᑎᓐᓂᒃ ᐅᖃᐅᑦᔨᓚᐅᔪᖅ ᐃᒣᓕᑦᓱᓂ, ”ᑲᖕᖑᓱᒍᓐᓀᓗᑎᑦ, ᐊᒃᒐᑎᓐᓂᒃ ᓇᔪᒻᒥᓚᖓᕗᖓ ᐃᑲᔪᕐᑕᐅᒍᒪᑐ ᐊᕈᕕᑦ!” ᑲᑎᖕᖓᔪᓂ ᐅᖄᔨ ᓕᑎᐊ ᐃᑦᑐᖅ ᐅᖃᐅᑦᔨᖏᓐᓂᐅᔭᓚᐅᔪᖕᖏᓚᖅ ᐳᐃᒍᕐᑎᓯᑦᑌᓕᑦᓱᓂ ” ᐊᑏ ᒥᖑ ᐊᕆᒋ ᐊᕐᑐᕆᑦᓯ!”
ᒍᐃᓕᐋᒻ ᑕᒍᕐᓈᖅ, ᐊᖓᔪᕐᖄᒪᕆᒋᔭᐅᔪᖅ ᐊᕙᑕᖅ ᐱᐅᓯᑐᖃᓕᕆᕕᒻᒧᑦ, ᐱᑕᖃᕐᑎᓯᒍᑎᖃᓚᐅᔪᒋᕗᖅ ᑕᑭᔪᒍᓗᓐᓂᒃ ᐅᓂᒃᑲᐅᓯᕐᓂᒃ ᐃᓕᖓᔪᓂᒃ ᐅᓪᓗᒥᐅᓕᕐᑐᖅ ᓄᓇᕕᐅᑉ ᖃᓄᐃᑦᑐᓂᕆᓕᕐᑕᖓᓂᒃ. ᓯᐱᓯᒃᑯᑦ ᓈᓚᐅᑎᖓᓂ ᐅᖄᔨᐅᖃᑦᑕᓯᒪᓂᑯᑦᓱᓂ, ᐅᓂᒃᑲᐅᓯᕐᓂᓗ ᑕᕐᕋᓕᔮᒐᓕᐅᕐᓯᒪᑦᓱᓂ, ᓀᓪᓕᑎᕐᓯᒪᔭᖏᑦ ᐊᕐᕌᒍᓂᑦ 50ᓂᑦ ᓄᓇᕕᐅᑉ ᐱᓂ ᐊᕐᓂᓕᕆᓂᑎᒍᑦ, ᐃᓅᑦᔪᓯᑎᒍᓪᓗ ᒪᑭᑕᒐᓱᒍᑎᓂᒃᓗ ᐱᕙᓪᓕ ᐊᑎᑦᓯᓂᒃᑯᑦ ᐱᒐᓱᒍᑎᑕᖑᓚᐅᔪᕗᑦ ᒪᑭ ᐊᓪᒥ ᐱᓇᓱᒐᓕᒻᒧᑦ ᐋᓐᑐ ᐊᓐᒧᑦ ᐃᒫᒃ ᓂᒃᓕᕈᑎᐅᑦᓱᑎᒃ, ”30 ᒥᓇᑦᓯᓂ ᐃᓕᑦᓯᑎᑕᐅᕗᖓ ᒍᐃᓕᐋᒻᒧᑦ ᐊᒥᓱᑲᓪᓚᓂᒃ ᑫᕙᓪᓚᒍᓯᕐᓂ ᖃᕆᑕᐅᔭᑎᒍᑦ ᐃᓕᓐᓂ ᐊᕋᓱᒐᔭᕐᒥᔭᒃᑲᓂᒃ.”
ᒍᐃᓕᐋᒻ ᓂᑦᔮᒍᑎᖃᓚᐅᔪᒻᒥᔪᖅ ᐊᕙᑕᕐᒥᒃ, ᐅᖃᐅᓯᖃᕐᓱᓂ ᖃᓄᖅ ᓄᓇᕕᐅᑉ ᐃᓗᕐᖁᓯᓕᕆᓂᕐᒥᒃ ᐱᓇᓱᒐᖃᕐᕕᖁᑎᖓ ᓴᖑᕙᓪᓕ ᐊᓂᖃᕆ ᐊᖓ ᐱᒐᓱᒻᒪᕆᒍᑎᖃᕐᐸᓕ ᐊᓕᕐᓱᓂ ᐅᖃᐅᓯᕐᒥᒃ ᐱᐅᓕᑦᓯᒋ ᐊᕐᓂᒧᑦ, ᐱᐅᓕ ᐊᑦᓴᔭᓂᒃᓗ ᓱᒃᑯᑐᐃᓐᓇᕆ ᐊᖃᖕᖏᑐᓕᐅᕐᓂᓄᑦ, ᐃᑦᓴᓂᑕᓂᒃᓗ ᓴᒃᒐᓂᕐᓄᑦ ᐅᖃᐅᓯᖃᕐᒥᓱᓂᓗ ᑕᒪᒃᑯᐊ ”ᓲᕐᓗ ᑕᕐᓂᕆᒐᑦᑎᒋᑦ”.
ᑲᑎᖕᖓᓂᐅᑉ ᐅᒃᓗᖏᑕ ᑭᖑᓪᓕᐹᕆᓕᕐᑕᖓᓂ, ᒥᑕᒐᓚᑦᓱᓂ ᓕᑎ ᐊᑉ ᐅᖃᐅᑎᓕᓚᐅᔪᒻᒥᔮᑎᒍᑦ, ᐋᓐᑕᓂᒃ ᑰᒃᔪ ᐊᒧᑦ ᑎᑭᒍᓐᓇᓚᐅᖕᖏᒋ ᐊᖓ ᑰᒃᔪᐊᕌᐱᖕᒧᓗ ᐅᑎᓚᐅᕆ ᐊᖓ, ᐊᐅᓚᖃᑎᖃᕐᓱᓂ ᐃᓄᑐᖃᕐᒥᒃ ᓗᐃᓴ ᑯᑭᐳᔭᐅᓐᒥᒃ. ᑕᒪᓐᓇ ᑐᑭᖃᓚᐅᕐᑐᖅ ᑐᓄ ᓇᐹᕐᑐᖅ ᑐᓴᕐᑕᐅᑎᑦᓯᓂᖃᓚᖓᓕᕐᑎᓗᒍ ᓇᒻᒥᓂ ᐊᐅᓚᒍᓐᓇᓯᒐᓱᓐᓂᐅᑉ ᐊᒃᓚᖁᑎᖏᓐᓂᒃ, ᒫᑕ ᑯᔩᒃ ᐃᓄᑐᑦᔨᓗᓂ ᑐᓴᕐᑎᓯᓚᖓᒻᒥᒋ ᐊᖓ ᐅᖃᕐᒥᓱᓂᐅᒃ.
ᑐᓄ ᑐᖓᓕᕆᔭᐅᕗᖅ ᓄᓇᕕᒻᒥ ᓇᒻᒥᓂᖅ ᐊᐅᓚᑦᓯᒍᓐᓇᓯᒐᓱᓐᓂᒥᒃ ᐊᖏᖃᑎᒌᒐᓱᑦᑎᐅᖃᑕᐅᑦᓱᓂ. ᐃᓄᑐᐃᓐᓇᑎᑐᑐᐃᓐᓇᖅ ᐅᖄᓚᐅᔪᖅ, ᐱᑕᖃᕐᑎᓯᒍᑎᖃᕐᓱᓂ ᖃᒻᒥᓂᑕᐅᓂᕐᐹᓂᒃ ᑐᓴᕋᑦᓴᖁᑎᒥᓐᓂᒃ ᐃᓕᖓᔪᓂᒃ ᐊᓐᑕᓂᓗ ᐱᓇᓱᑉᐸᑕᒥᓄᑦ, ᓴᐳᑦᔭᐅᒪᑦᓱᑎᒃ ᒪᑭᕝᕕᒧᑦ. ᐅᖃᓚᐅᔪᖅ ᐃᒫᒃ ”ᑌᒪᓕ ᐱᓇᓱᑦᑕᖃᕐᓂᖅ ᓇᒻᒥᓂᖅᐃᓄᑐᐃᓐᓀᑦ ᑲᕙᒪᑦᓴᖓᓐᓂᒃ, ᓱᕐᖁᐃᑐᒥᓪᓗ ᐃᓗᕐᖁᓯᑦᑎᒍᑦ ᑭᓇᐅᓂᖃᕐᓂᑎᓐᓂᒃ ᑕᒪᒃᑯᓂᖓ ᐊᖏᔪᒥᒃ ᐱᒻᒪᕆᐅᑎᑦᓯᕗᒍᑦ. ᐱᓇᓱᑦᑐᓕᕆᓂᕐᒥ ᐱᔪᓐᓇᐅᑎᖃᕐᓱᑎᒃ ᑕᒃᑲᓂ ᑲᑎᖕᖓᕕᒻᒦᑐᑦ — ᐃᓚᒋᔭᐅᕗᓯ ᓇᒻᒥᓂᖅᑲᕙᒪᖁᑎᑦᓴᑎᓐᓂᒃ ᐱᓇᓱᑦᑕᑎᓐᓄᑦ.”
ᐃᓄᑐᖃᖅ ᒫᑕ ᑯᔩᒃ ᐊᑕᐅᓯᕐᒥᒃ ᐊᑦᔨᖑ ᐊᖁᑎᖃᓚᐅᔪᖅ. ᖁᕐᓱᓯᓂᐅᓕᕐᑐᒥᒃ ᑐᓴᕋᑦᓴᓂᐅᑎᑎᒍᑦ ᐊᒃᓚᑕᐅᓚᐅᕐᑐᕕᓂᕐᒥᒃ ᓄᑕᐅᖕᖏᑑᓕᕐᓱᓂ ᐃᒫᒃ ᐊᒃᓚᓯᒪᔪᖅ “’Lucky’ Eskimo Gets Canada’s Crumbs.” ᐅᑎᕆᐊᑲᓪᓚᓂᐅᓚᐅᔪᖅ ᑌᒃᑯᓄᖓ ᐅᒃᓗᓯᒪᔪᓄᑦ ᓄᓇᓕᓕ ᐊᖑᓯᒪᓕᕐᑐᓂ ᐊᕐᕌᒍᐃᑦ 1950ᓗ 1960ᓗ ᐊᕐᕌᒍᖏᓐᓂ, ᑖᒃᑯᓇᓂ ᐊᕐᕌᒍᕐᓂ ᐃᓄᑐᐃᓐᓇᓄᑦ ᐱᓇᓱᒐᐅᒍᓐᓇᑐᑦ ᐊᒥᒐᕐᑐᒪᕆᐅᓯᒪᒻᒪᑕ, ᐊᑭᓕᕐᑐᑕᐅᒍᑎᖏᓪᓗ ᐃᑭᓐᓂᐹᖑᑦᓱᑎᒃ, ᐊᐴᒪᐅᑎᖃᑎᖃᕐᓂᐅᓱᑎᒃᓗ ᖃᓪᓗᓈᑦ ᐱᐅᓯᖏᓐᓂᒃ ᐃᓄᑐᐃᓐᓀᓗ ᐱᐅᓯᑐᖃᕐᒥᒍᑦ ᓴᕐᕿᔮᕐᓂᖏᓐᓄᑦ ᐱᐅᓯᕐᒥᓂᒃ ᐊᓚᕐᓯᖃᔭᕋᑎᒃ.
ᒫᑕ ᐊᑐ ᐊᕐᓯᓚᐅᔪᖅ ᐃᓘᓐᓈᓂᒃ ᐊᒃᓚᑕᐅᓯᒪᔪᒥᒃ, ᐅᖃᐅᓯᖃᓗ ᐊᖕᖑ ᐊᓱᓂ ᐱᓇᓱᒉᑦ ᐃᓚᖏᓐᓂᒃ ᓈᒻᒪᓈᕐᓱᑎᒃ ᒥᑕᐅᑎᖃᕐᐸᓱᑎᒃ, ᓲᕐᓗ ” ᐊᒃᓚᑎᒥᒃ” ᐃᓄᑐᐃᓐᓀᑦ ᐱᒐᓱᒍᓐᓇᕋᔭᕐᑕᖓᓂᒃ. ᒫᑕᐅᑉ ᐅᖄᔭᖏᑦ ᐃᓚᖏᑎᒍᑦ ᐅᒋ ᐊᖕᖑᓕᕐᓇᖃᑦᑕᓚᐅᔪᑦ ᐅᖄᒋ ᐊᖏᑦ ᐱᔭᕐᓃᑐᓂᒃ ᐅᖄᑦᓱᓂ. ᐱᑦᔪᑎᖃᕐᒥᓱᓂ ᐊᓯᖏᓐᓂ ᐅᖄᔭᒥᓂᒃ, ᐅᖃᕐᑌᓕᓂᖃᓚᐅᔪᖕᖏᓇᒥ ᐱᓗᑲᑦᑕᐅᒍᑎᒋᖃᑦᑕᓯᒪᔭᒥᓂᒃ ᐃᓄᑐᐃᓐᓇᐅᒍᓐᓀᑎᑕᐅᓂᖃᕋᓱᓐᓂᒥᓂᒃ ᐊᑑᑎᑦᓱᓂ — ᐆᑦᑐᑎᒋᓗᒋᑦ ᐃᑦᓯᒎᕐᓂᓗᑦᑕᐅᓱᓂ ᓱᒃᑯᔨ ᐊᖑᓯᒪᓂᕐᒥᓂᒃ ᐊᖏᕐᕋᖃᕐᑎᑕᐅᕕᒋᑦᓱᒍ ᐃᓕᓐᓂᐊᑎᑕᐅᕕᕕᓂᕐᒥᓂᒃ ᓇᑦᔨ ᐊᕆᒍᒪᖕᖏᑕᒥᓂᒃ ᓇᑦᔨᑎᑕᐅᓚᕿᑦᓱᓂ.
ᔮᔨ ᐴᑎ ᑭᖑᓪᓕᐸᐅᑦᓱᓂ ᓂᑦᔮᓂᖃᓚᐅᔪᖅ. ”ᓇᑯᕐᒦᕕᖃᕐᓱᓂ ᐃᓘᓐᓇᖏᓐᓂᒃ ᐱᓇᓱ ᐊᕈᓯᓕᒫᒥ ᑲᑎᖕᖓᔭᕐᑐᓯᒪᓚᐅᕐᑐᓂᒃ. ᐃᓂᓪᓓᒍᑎᖃᓛᓕᕐᓂᒥᓂᒃᓗ ᐱᓇᓱᖃᑎᒌᑦᑐᓴᓂᒃ, ᐊᒥᕐᖃᖃᑎᒌᒍᑎᖃᕐᓱᓂᓗ ᖃᓄᐃᓘᕐᓂᐅᓛᓕᕐᑐᑦ ᐊᒃᓚᑕᐅᒍᑎᖏᓐᓂᒃ. ᓯᕗᓂᑦᓴᑎᓐᓂ ᐊᕐᕌᒍᓛᕐᑐᒥ ᑕᒪᒃᑯᐊ ᐱᓇᓱᑦᑐᓕᕆᓂᕐᒥᒃ ᑲᑎᖕᖓᓂᕐᔪᐊᖃᕈᑎᖃᕐᓂᐅᔪᑦ ᐱᖓᑦᓯᐅᑎᖓᓂᒃ ᐊᑑᑎᔭᖃᓛᕐᓂᑎᓐᓂᒃ ᓯᕗᓂᖃᕐᐳᒍᑦ ,” ᐅᖃᕐᑐᖅ ᔮᔨ. ”ᑲᒪᔨᒋᔭᐅᕗᓯ ᐱᓇᓱᒐᕐᓂᒃ ᐱᕈᐃᕙᓪᓕᐊᑎᑦᓯᒍᑎᓄᑦ, ᐅᒃᑯᐃᖔᕐᓂᖃᑦᓯᐊᕆᑦᓯ, ᐃᒃᓕᓇᕐᑐᒪᕆᐅᒐᑦᓯ. ᐆᒻᒪᑎᒐᓂᑦ ᐱᔪᒥᒃ ᓇᑯᕐᒦᐸᑦᓯ ᒪᑭᕝᕕᒥᑦ ᐱᔪᓂᒃ. ᓇᑯᕐᒦᒃ ᐊᐅᓚᓂᖃᑦᓯᐊᖁᕙᑦᓯᓗ!”
