ᐃᓐᓇᕕᒃ ᑰᖕᒥᑦᐃᑯᒪᐅᑎᓕᐅᕐᕕᖃᕐᓂᒥᒃ ᐱᓇᓱᑦᑕᐅᔪᑦ
ᑕᕐᕿᓂ ᐊᒥᓲᖕᖏᑐᓂ ᐊᓂᒍᕐᑐᓂ, ᐃᓄᑦᔪᐊᒥᐅᑦ ᐃᑯᒪᓕᐅᕈᑎᖏᑦ ᓄᓇᐅᑉ ᐊᕙᑎᖓᓂᒃ ᓱᒃᑯᑎᕆᖕᖏᓂᕐᓴᒐᓛᐱᐅᖃᑦᑕᓕᕐᖁᑦ. ᐃᓐᓇᕕᒃ ᑰᖕᒧᑦ-ᐃᖏᕐᕋᑎᑕᐅᔪᖅ ᐃᑯᒪᓕᐅᕈᑎᐅᑦᓱᓂ ᑰᖕᒥ ᓯᒥᑦᑐᐃᒍᑎᐅᓯᒪᔪᖅ, ᐊᑐᕐᑕᐅᕙᓕᕐᑐᖅ ᐅᑭᐊᖑᓚᐅᕐᑐᒥᓂ, ᐱᑕᖃᕐᑎᓯᒍᑎᐅᓕᕐᖁᖅ ᐆᒻᒪᖁᑎᑦᓴᓂᒃ ᐊᑑᑎᖃᑦᓯᐊᑐᓂᒃ ᐃᑯᒪᓕᐅᕈᑎᓂᒃ ᐃᓄᑦᔪᐊᑉ ᓄᓇᓕᖓᓄᑦ. ᑌᒪᓕ ᑯᐯᒃᑯᑦ-ᐃᑯᒪᓕᕆᔨᖏᑕ ᑭᐊᑦᓴᐅᑎᓯᐅᑎᒥᒃ ᐅᕐᓱᐊᒃᑐᑐᒥᒃ ᐃᑯᒪᖃᕐᑎᓯᒍᑎᖓᑦ ᐊᑐᐃᓐᓇᐅᒣᓐᓇᓚᖓᒐᓗᐊᕐᑎᓗᒍ, ᐃᑯᒪᓕᐅᕈᑎᓂᒃ ᑭᖕᖒᒪᑦᓯᒍᑎᐅᔪᑦ ᐃᓄᑦᔪᐊᒥ ᐃᑯᒪᓕᐅᕐᑕᐅᖃᑦᑕᓚᖓᓕᕐᖁᑦ ᓴᓗᒪᓂᕐᓴᒥᒃ ᐃᑯᒪᓕᐅᕈᑎᓄᑦ.
ᐃᓐᓇᕕᒻᒥ ᐱᓇᓱᑦᑕᐅᔪᑦ ᑲᑐᑦᔮᖑᓚᐅᔪᕗᑦ ᐱᑐᕝᕕᒃ ᓄᓇᒥᒃ ᑎᒍᒥᐊᕐᑎᑯᓐᓄᓗ ᐊᒻᒪᓗ Innergex-ᑯᓐᓄᑦ, ᓯᕗᓂᖃᕈᑎᐅᑦᓱᑎᒃ ᐃᓇᖐ-ᒐᔭᕐᓂᖏᓐᓂᒃ ᐃᑯᒪᓕᐅᕈᑎᐅᓲᓂᒃ ᐅᕐᓱᐊᓗᑦᑐᑐᓂᒃ ᐃᓄᑦᔪᐊᒥ. ᓄᓇᓕᓐᓂᒃ ᑐᑭᓯᓂᐊᕐᕕᖃᓚᐅᕐᓱᑎᒃ ᐱᒋᐊᕐᑎᓚᐅᔪᔭᒥᓐᓂᒃ 2009-ᒥ, ᐱᓇᓱᑦᑕᐅᔪᑦᓭᑦ ᐃᓂᓪᓚᑕᐅᓂᖃᓯᓚᐅᔪᕗᑦ ᐱᓗᐊᕐᑐᒥ ᑭᖕᖒᒪᑦᓯᒍᑎᖏᓐᓂᒃ ᓄᓇᓕᐅᑉ. ᑭᖑᓂᐊᓂ 2019-ᒥ ᐃᓄᓕᒫᓂᒃ ᑐᑭᓯᓂᐊᕐᕕᖃᓯᓚᐅᔪᑦ ᑲᑎᕕᒃ ᐊᕙᑎᐅᑉ ᐱᐅᔫᓂᑦᓴᖓᓄᑦ ᑲᑎᖕᖓᔨᐅᕕᒻᒥ, ᓄᓇᕐᖃᑎᒌᑦ ᐃᓱᒪᖏᑦ ᑐᑭᑖᕈᑎᐅᓕᓚᐅᔪᔪᑦ ᐊᖏᔪᐊᓘᖕᖏᑐᒥᒃ, ᑰᖕᒥᑦ-ᐃᑯᒪᐅᕈᑎᓕᐅᕈᒪᓕᕐᓱᑎᒃ ᑰᒃ ᓯᒥᑦᑐᓗᒍ ᐃᖃᓗᐃᑦ ᐃᓪᓕᖏᓐᓂᒃ ᓱᒃᑯᐃᓗᐊᕐᓂᐊᖏᑦᑐᒥ. ᐃᓐᓇᕕᐅᑉ ᖃᕆᑕᐅᔭᑎᒍᑦ ᑕᑯᑦᓴᐅᕕᖓ ᐅᖃᕐᓯᒪᔪᖅ ᐃᒫᒃ 700,00-ᓂᒃ ᐅᖁᒣᓐᓂᒪᕆᓕᓐᓂᒃ ᑎᕐᑕᒥᒃ ᓱᒃᑯᑎᕆᒍᓐᓇᑐᓂᒃ ᐅᓂᐅᕐᓯᒍᑎᐅᓂᐊᓕᕐᑎᓗᒍ ᐊᕐᕌᒍᑦ 40 ᐅᖓᑖᓄᑦ ᐊᑕᐅᑦᓯᑯᓪᓗ ᐱᐅᓯᒋ-ᐊᕆᓂᐊᓕᕐᒥᓱᓂ ᑎᕐᑕᒥᒃ ᐊᓐᓂᑭᓕᑎᕆᓗᓂᓗ ᐅᕐᓱᐊᓗᓐᓂᓗ ᐅᕐᓱᓴᔭᓂᓪᓗ ᑯᕕᑲᓪᓚᓂᐅᑐᐃᓐᓇᕆᐊᓕᓐᓂᒃ. ᓄᓇᓖᑦ ᐃᓱᒪᖃᕐᒥᔪᑦ ᐊᑐᕐᓂᐊᕆᐊᒥᒃ ᐆᒻᒪᖁᑎᓂᒃ ᐊᑐᕐᑕᐅᖏᓗᐊᕐᑐᓂᒃ ᐊᑐᕋᔭᕐᓂᒥᒃ ᓂᕿᑦᓴᓂᒃ ᐱᕈᕐᓰᕕᒻᒧᑦ ᐆᒻᒪᖁᑎᐅᓗᓂ ᐃᓄᑦᔪᐊᒥ ᓂᕿᓂᒃ ᐱᕈᕐᓰᖃᑦᑕᓯᒍᑎᐅᓗᓂ.
Thᑲᑎᕕᒃ ᐊᕙᑎᒧᑦ ᐊᔪᖀᒋᐊᕐᑎᑯᑦ ᑲᑎᖕᖓᔨᖏᑦ ᑲᑎᖕᖓᓚᐅᔪᕗᑦ ᑲᑎᖕᖓᓂᕆᕙᑦᑕᒥᑕ 175-ᖑᒍᑎᒋᓕᕐᑕᖓᓐᓂ ᐊᑑᑎᓂᖃᓚᐅᔪᒥᒃ ᐃᓄᑦᔪᐊᒥ ᑲᑎᔭᑐᐊᖃᓚᐅᖕᖏᓚᓪᓗ ᐱᑐᕝᕕᒃ ᓄᓇᒥᒃ ᑎᒍᒥᐊᕐᑎᓂᒃ, ᑕᑯᔭᕐᑐᕈᓐᓇᓯᑦᓱ-ᑎᒃᓘᓚᐅᔪᒐᒥᒃ ᐱᓇᓱᑦᑕᐅᔪᓂᒃ. ᐅᑭᐅᒥ ᕕᕈᐊᕆ 2023-ᖑᑎᓪᓗᒍ ᐃᑦᔨᓕᕐᑐᒥ, ᑲᑎᖕᖓᔩᑦ ᑕᑯᔭᕐᑐᕈᓐᓇᓯᓚᐅᔪᒐᒥᒃ ᐱᔭᕇᕆᐊᕕᓕᕐᑎᓗᒋᑦ ᑰᖕᒥᒃ ᓯᒥᑐᐃᔪᑦ ᐃᓱᐊᖁᑎᑖᖑᔫᓪᓗ ᐃᓗᐊᓂᒃ. ᑲᑎᕕᒃ ᐊᕙᑎᒧᑦ ᐊᔪᖀᒋᐊᕐᑎᑯᑦ ᑲᑎᖕᖓᔨᖏᑦ ᖁᕕᐊᒋᔭᖃᓚᐅᔪᕗᑦ ᑕᑯᓐᓇᕆᐊᒥᒃ ᐃᓄᑐᐃᓐᓇᓄᑦ-ᓯᕗᓕᕐᑕᐅᓱᓂ ᐱᓇᓱᑦᑕᐅᔪᒥᒃ ᓄᐃᑕ ᑎᑦᓯᓂᖃᑦᓯᐊᑐᒥᒃ ᑲᔪᓯᓂᖃᑦᓯᐊᕈᓐᓇᑐᓂᒃ ᐊᒻᒪᓗ ᓄᓇᓕᐅᑉ ᐊᑑᑎᔭᖃᓯᑦᓯᐊᑐᐃᓐᓇᕈᓐᓇᓂᖏᓐᓂᒃ.
