ᐊᓪᓚᑕᖏᑦ ᓯᑏᕙᓐ ᕿᐊᓐᑐᕆ
ᕕᕈᐊᕆ 4, 2021 ᐅᓐᓄᖓᓂ, ᐱᑕ ᐋᑕᒥ ᐃᓚᒥᓂᒃ ᐃᓚᖃᕐᓱᓂ ᐊᓂᕐᕋᓯᒪᑦᓱᑎᒃ ᐅᓐᓄᒍᒥᑕᕐᐳᑦ. ᑕᒃᒐᓂ ᐅᓐᓄᒥ ᐅᑕᕐᕿᔪᑦ ᒪᑭᕝᕕᐅᑉ ᐊᖓᔪᕐᖄᓴᖓᓂ ᓂᕈᐊᕐᓃᑦ ᖃᓄᐃᓕᕙᓪᓕᐊᓂᖏᓐᓂᒃ ᑭᓯᑕᐅᓕᕐᑎᓗᒋᑦ ᓂᕈᐊᕈᑎᕕᓃᑦ, ᖃᓄᐃᓕᕙᓪᓕᐊᓂᖏᑦ ᐊᑑᑎᓪᓗᑐᕐᑎᓗᒋᑦ ᑕᑯᓐᓇᓱᓂᒋᑦ ᒪᑭᕝᕕᐅᑉ ᖃᕆᑕᐅᔭᒃᑯᑦ ᐱᕙᓪᓕᐊᔪᓕᕆᒍᑎᖓᒍᑦ. ᐅᖃᓕᒪᕕᐅᑲᑕᓯᕗᕐᓗ. “ᐃᓄᓐᓄᑦ ᐅᖃᐅᑎᔭᐅᖃᑦᑕᓯᓚᐅᔪᔪᖓ, ‘ᐱᑖ, ᓯᕗᓕᓕᕋᕕᑦ ᐅᕙᓂ ᓄᓇᓕᒻᒥ, ᐃᑲᓂ ᓯᕗᓕᓕᕋᕕᑦ.’ ᐊᓱᐃᓛ ᓄᓇᓕᓕᒫᓂ ᓂᕈᐊᕐᑕᐅᓴᕐᖁᖓ.” ᓂᕈᐊᕐᓂᒥ ᓵᓚᖃᓚᐅᔪᔪᖅ 66%-ᓄᑦ ᓂᕈᐊᕐᑕᐅᒍᑎᖃᕐᓱᓂ.
ᐱᔭᖃᓚᐅᔪᔪᖅ ᑐᑭᑖᕐᑕᐅᒍᑎᖃᑦᓯᐊᑎᓪᓗᒍ ᓵᓚᖃᕐᓂᖓ ᓂᕈᐊᕐᑕᐅ-ᒪᖃᑦᑕᓚᐅᔪᔪᒥᒃ ᓵᓕ ᒍᐊᑦᒥᒃ, ᓂᕈᐊᕐᑕᐅᑎᒋᐅᕋᓱᓚᐅᔪᔪᒥᓪᓗ ᓄᐊ ᑫᓐᒥᑦ. “ᓵᓕᓗ ᖃᐅᔨᒪᐅᑎᔪᑐᖃᒐᓚᐅᓕᕐᑐᒍᑦ ᐊᕐᕌᒍᓂ ᐊᒥᓱᒐᓚᓐᓂ. 1989 ᒥᑦᓯᑎᓐᓂ ᐅᕙᓐᓂᒃ ᑲᖐᓱᒋᐊᓯᓚᐅᕐᓯᒪᒻᒪ. ᐅᕙᓐᓂᒃ ᐱᔪᓐᓇᑐᕆᑦᓯᓂᒃᑯᑦ ᐅᑉᐱᕆᔭᖃᑦᓯᐊᓱᓂ ᑌᒣᒻᒪᑦ ᑕᒪᑐᒧᖓ ᓇᑯᕆᖏᓐᓇᓲᕋ. ᐃᓱᒪᖃᑎᒌᖕᖏᑲᓗᐊᕐᓱᓄᑦ, ᑭᓯᐊᓂ ᐅᓪᓗ ᓈᑎᓪᓗᒍ, ᐃᓚᓐᓈᕆᓐᓂᑎᓐᓂᒃ ᑲᔪᓯᑎᑦᓯᖏᓐᓇᓲᖑᔪᒍᒃ ᐊᒥᓱᕕᑦᓱᓄᒃ ᓂᕈᐊᕐᓇᓂ ᐊᑭᕋᕇᖃᑦᑕᓯᒪᒐᓗᐊᕐᓱᓄᒃ.“
ᐱᑕ ᒪᑭᕝᕕᒧᑦ ᐅᑎᕐᐳᖅ ᐊᖓᔪᕐᖄᖑᖃᑦᑕᓚᐅᕐᓱᓂ ᐃᓄᐃᑦ ᖃᖓᑦᑕᔫᖏᓐᓂ ᐊᖓᔪᕐᖄᐅᕕᒋᓚᐅᔪᔭᒥᓂ ᐊᕐᕌᒍᓂ ᓯᑕᒪᐅᔪᖕᖏᒐᕐᑐᓂ. ᖃᐅᔨᒪᒐᓱᑦᓯ-ᐊᖏᓐᓇᖃᑦᑕᓚᐅᔪᔪᖅ ᒪᑭᕝᕕᒃ ᖃᓄᐃᓕᖓᓕᕐᒪᖔᑦ ᖃᖓᑦᑕᔫᓕᕆᕕᒻᒥ ᐊᖓᔪᕐᖃᐅᒐᓗ ᐊᕐᓱᓂ. ᐊᕐᕌᒍᑕᒫᓪᓗ ᒪᑭᕝᕕᒃ ᐊᕐᕌᒍ ᑕᒫᕐᓯᐅ ᑎᒥᓂᒃ ᑲᑎᖕᖓ-ᑎᑦᓯᓂᖃᓕᑐ ᐊᕐᒪᑦ ᐱᑕ ᐃᓄᐃᑦᑯᑦ ᖃᓄᑎᒋᒃ ᐱᕙᓪᓕ ᐊᓂ ᖃᕐᓯᒪᓕᕐᒪᖔᑕ ᑐᓴᕐᑕᐅᑎᑦᓯᒋ ᐊᕐᑐᖃᑦᑕᓚᐅᔪᕗ. ᐱᓗ ᐊᕐᑐᒥ ᓄᕙᓐᓇᔪ ᐊᖅ ᓯᓚᕐᔪ ᐊᒥ ᐃᕐᐸᓯᒪᓕᑎᓗᒍ, ᐱᓇᓱᖃᑎᐅᒻᒪᕆᖃᑦᑕᓚᐅᔪᕗᖅ ᐊᒥᓱᓄᑦ ᓄᓇᕕᒻᒥᐅᑦ ᐱᓇᓱᖃ ᑎᒌᑦᑐᖁᑎᖏᓐᓄᑦ ᐃᓚᐅᖃᑦᑕᓱᓂ ᐅᖄᓚᐅᑎᑎᒍᑦ ᑲᑎᖕᖓᔪᓄᑦ ᑲᒪᒋᔭᖃᕐᓱᓂ ᐃᓱᒫᓗᓐᓇᑐᕐᓯᐅᕈᑎᐅᓕᕐᑐᓂᒃ ᓄᓇᕕᐅᑉ ᓄᓇᖓᓂ. ᐃᓄᐃᑦᑯᑦ ᐊᖓᔪᕐᖄᑕᕐᖃᒥᖓ ᑭᕆᔅᑎᐋ ᐳᐅᔅᖑᓕᕐᒥᔪᖅ, ᐊᕐᕌᒍᓂ ᐊᒥᓱᓂ ᐃᓄᐃᑦᑯᓂ ᐳᕐᑐᓂᕐᓴᐅᖃᑕᐅᕙᑦᑐᑐᖃᖅ, ᑎᒃᑯ ᐊᑕᐅᓚᐅᔪᕗᕐᓗ ᑕᒐᑕᒐ ᐃᓂᒋᓕᕐᑕᒥᓄᑦ ᐁᕆᓕ 1, 2021-ᖑᑎᓪᓗᒍ.
ᐱᐅᓯᕆᓚᐅᕐᓯᒪᔭᒥᑐᑦ 1990-ᓃᑦᑐᑦ ᐊᕐᕌᒍᐃᑦ ᓈᓂᖏᓐᓂ ᐱᑕ ᒪᑭᕝᕕᒥᒃ ᐅᐃᒻᒪᑎᑦᓯᑲᓪᓚᓕᓚᐅᔪᒋᕗᖅ. ᐊᑯᓓᑦᑐᒥᒃ ᒪᑭᕝᕕᐅᑉ ᐳᕐᑐᓂᕐᓴᖏᓐᓂᒃ ᑲᑎᖕᖓᓯᑲᑕᑦᓱᓂ, ᐅᓪᓗᓂ ᐊᒥᓱᓂ ᐅᓪᓗᒍᒥᑕᕐᓇᐅᒐᓗᐊᒥ ᑲᑎᖕᖓᓂᕐᒥᒃ ᑲᔪᓯᖃᑦᑕᓱᓂ, ᐊᓪᓚᖁᑎᓂᒃ ᐊᑐᓪᓚᕆᑦᑐᓂᒃ ᑲᔪᓯᑎᑦᓯᓱᓂ ᒪᑭᕝᕕᐅᑉ ᐃᓚᐅᕕᖏᓐᓂᒃ, ᐱᑦᔪᔨᕕᓐᓂᒃ ᐊᑐᓂᑦ ᑐᑭᓯᓂᐊᖃᑦᑕᓱᓂ.
“ᑲᑎᖕᖓᖃᑦᑕᓕᕋᑦᑕ ᓄᐃᑦᓯᓕᓚᐅᔪᔪᒍᑦ 55-ᓂᒃ ᓯᕗᓪᓕᐅᔭᑦᓴᐅᓕᕐᑐᓂᒃ ᐱᓇᓱᒋᐊᖃᓕᕐᑕᑎᓐᓂᒃ,” ᐅᖃᕐᑐᖅ ᐱᑕ. “ᐆᑦᑐᑎᒋᓗᒍ, ᐱᓇᓱᒍᒪᔭᖃᕋᑦᑕ ᐅᖃᐅᓯᕐᒥᓗ ᐃᓗᕐᖁᓯᕐᒨᓕᖓᔪᓂᓪᓗ. ᑕᒪᓐᓇ ᒪᑭᕝᕕᐅᑉ ᑎᓕᔭᐅᒍᑎᒋᓯᒪᔭᖏᑕ ᐃᓚᒋᒻᒪᐅᒃ. ᑌᒪᓕ ᖃᖓᑦᑕᔫᑦ ᒥᕝᕕᖏᑦ. ᖃᖓᑦᑕᔫᖁᑎᕗᑦ ᑖᔅ-8-ᓖᑦ ᖃᖓᑦᑕᔫᑐᖃᐅᓗᐊᕆᐊᕕᒻᒥᔪᑦ ᐊᑐᕋᑦᓴᐅᒍᓐᓀᓴᐅᑎᒋᓂᕐᓴᐅᓛᓕᕐᓱᑎᒃ. ᐊᒥᓲᖕᖏᒪᑕ ᖃᖓᑦᑕᔫᑦ ᒥᖃᑦᑕᕈᓐᓇᑐᑦ 3,500-ᓂᒃ ᑐᑭᒧᑦ ᑕᑭᓂᓕᓐᓄᑦ ᒥᕝᕕᓄᑦ. ᑌᒣᒻᒪᑦ ᐊᐱᕐᓱᕈᑎᒋᒋᐊᖃᓕᕐᐸᕗᑦ ᑲᕙᒪᓄᑦ ᑕᑭᓕᒋᐊᕆᓂᕐᒥᒃ ᒥᕝᕕᖁᑎᑦᑎᓂᒃ ᓄᓇᕕᒻᒥ ᐃᓱᒪᑖᖁᓪᓗᒋᑦ.”
ᐱᑕ ᐋᑕᒥ ᐃᓅᓕᕐᓯᒪᔪᖅ ᑰᒃᔪᐊᒥ 1960-ᖑᑎᓪᓗᒍ. ᐃᓕᓐᓂᐊᓯᒪᓂᖏᑦ ᐃᓚᖃᕐᑐᖅ ᐃᓕᓐᓂᐊᑎᑕᐅᓯᒪᓂᖏᓐᓂᒃ ᐅᓪᓗᑯᑦ ᑲᕙᒪᑐᖃᒃᑯᑦ ᐃᓕᓐᓂᐊ-ᑎᑦᓯᕕᕕᓂᖏᓐᓂ ᑰᒃᔪᐊᒥ ᐊᒻᒪᓗ ᐳᕐᑐᓂᕐᓴᒋᐊᓪᓚᒥᒃ ᐃᓕᓐᓂᐊᓯᒪᒻᒥᓱᓂ ᒍᐃᓂᐯᒃ, ᒫᓂᑑᐸᒥ 1978-1979 ᐊᕐᕌᒍᖏᓐᓂ. ᒪᑭᕝᕕᒥ ᐱᕙᓪᓕᐊᓯᒪᓂᖓ ᐱᒋᐊᕐᓯᒪᔪᖅ 1987-ᖑᑎᓪᓗᒍ ᑌᑦᓱᒪᓂ ᓂᕈᐊᕐᑕᐅᓯᒪᒐᒥ ᑰᒃᔪᐊᒥᐅᓄᑦ ᑭᒡᒐᑐᕐᑎᐅᓗᓂ ᒪᑭᕝᕕᒥ ᑲᑎᖕᖓᔨᐅᓚᖓᓕᕐᓱᓂ. 1993-ᖑᓕᕐᑎᓗᒍ ᓂᕈᐊᕐᑕᐅᓕᓚᐅᕐᓯᒪᒻᒥᔪᖅ ᒪᑭᕝᕕᒧᑦ ᑮᓇᐅᔭᓕᕆᔨᒻᒪᕆᑖᖑᑦᓱᓂ, ᐃᓂᒋ-ᓕᓚᐅᔪᔭᒥᓂᒃ 1998-ᒥᓂᑦ ᑎᑭᑦᓱᒍ ᐊᖓᔪᕐᖄᕈᕐᓂᕆᓯᒪᔭᖓ1998-ᒥ 2012-ᒧᑦ ᑎᑭᐅᑎᑦᓱᓂ. ᓇᓗᓀᕐᑕᐅᒍᑎᑖᕐᓯᒪᔪᖅ ᑯᐯᒃ ᓄᓇᓕᕐᓚᖓᓂᑦ 2009-ᖑᑎᓪᓗᒍ ᐊᒻᒪᓗ ᑲᓇᑕᒥ ᓇᓗᓀᕐᑕᐅᒍᑎᑖᕐᒥᓱᓂ 2019-ᖑᓕᕐᑎᓗᒍ.
1995-ᒥ ᒪᑭᕝᕕᒧᑦ ᑮᓇᐅᔭᓕᕆᔨᒻᒪᕆᒋᔭᐅᑦᓱᓂ ᐊᐱᕐᓱᑕᐅᓚᐅᕐᓯᒪᔪᖅ ᒪᑭᕝᕕᒃ ᑐᓴᕋᑦᓴᖏᓐᓄᑦ ᐊᕐᕌᒍᕐᓂ 20-ᓂ ᐊᓂᒍᐃᓂᕐᒥᒃ ᓇᓪᓕᐅᑎᓂᖃᕐᑎᓗᒋᑦ ᔦᒥᓯ ᐯ ᐊᒻᒪᓗ ᑯᐯᒃ ᑕᕐᕋᖓᓄᑦ ᐊᖏᖃᑎᒌᒍᑎᐅᓯᒪᔪᑦ. ᐅᖃᐅᓯᖃᓚ-ᐅᔪᔪᖅ ᐅᓇᒻᒥᓱᐊᒍᑎᖃᓯᑦᓴᐅᑎᒋᓯᒪᒋᐊᒥᒃ ᐱᓂᐊᕐᓂᓕᕆᓂᕐᓂᒃ, ᑲᑎᖕᖓᔪᐊᓗᓐᓄᑦ ᐃᓚᐅᒋᐊᕐᑐᐸᑦᓱᓂ ᑲᑎᖕᖓᒍᑎᐅᑎᓪᓗᒋᑦ ᔦᒥᓯ ᐯ ᐊᒻᒪᓗ ᑯᐯᒃ ᑕᕐᕋᖓᓄᑦ ᐊᖏᖃᑎᒌᒍᑎᐅᒐᓱᑦᑐᑦ. ᐅᑭᐅᖃᓚᐅᕐᓯᒪᔪᖓ 12-ᑐᐃᓐᓇᓂᒃ ᐊᐱᕐᓱᖃᑦᑕᕆᐊᖕᖓᓕᕐᓱᖓ ᓱᓇᓕᑦᑖᒪᖔᑕ? ᐃᓄᑐ-ᐃᓐᓇᐅᖃᑎᒃᑲᓄᑦ ᑐᑭᓯᒪᒍᒪᖃᑕᐅᓯᒪᒐᒪ, ᓱᔪᖃᑦᓴᒪᖔᑦ ᐃᓱᒪᑦᓱᖓ, “ᓄᓇᑦᑎᓂᖑᑯᐊ ᖃᓄᐃᓘᕈᑎᖃᓕᕐᑑᓯᒪᑦᓱᖓ?” ᐱᓂᐊᕐᓂᓕᕆᓂᕐᒥᒃ ᐅᓇᒻᒥᓱᐊᓪᓚᕆᓯᔪᕕᓂᐅᓂᕋᕐᑐᖅ ᐃᓱᒫᓗᒍᑎᖃᒻᒪᕆᑦᓱᓂ ᐃᓄᑐᐃᓐᓀᑦ ᓄᓇᕕᐅᑉ ᐱᕙᓪᓕᐊᑎᑕᐅᒍᑎᒋᓕᕐᑕᖏᓐᓂᒃ ᑲᒪᒋᔭᖃᕐᑐᓴᐅᒋᐊᖏᓐᓂᒃ.
ᒪᑭᕝᕕᒧᑦ ᐅᑎᓕᕐᒥᒐᒥ ᐊ ᖓᔪᕐᖄᖑᓂᕐᒥ ᑐᖓᓕᐊ ᓂ, ᐅᑭ ᐅᖏᑦ 60-ᓅᕐᖃᒥ-ᐅᑎᓪᓗᒋᑦ, ᐱᑕ ᐃᓂᓪᓓᒋ ᐊᓯᕗᖅ ᐱᓇᓱᒐᖃᕐᕕᒥᒃ, ᐱᒋ ᐊᕐᑎᓯᒋ ᐊᓪᓚᒍᑎᖃᓕᕐᓱᓂ ᐱᓇᓱ ᐊᕈᓯᑕᒫᑦ ᐳᕐᑐᓂᕐᓴ ᐅᖃᑎᒥᓂᒃ ᑲᑎᖕᖓᖃᑎᖃᖃᑦᑕᓂᕐᓂᒃ, ᐊᒻᒪᓗ ᓄᑭᖃᕆᐊᒃᑲᓂᕐᑐᒥᒃ ᓄᑕ ᐅᓯᓕᑎᕆᑦᓱᓂ ᐱᓂ ᐊᕐᓂᓕᕆᓂᑎᒍᑦ ᐃᓅᖃᑎᖃᕐᓂᒥᒃ ᑯᐯᒃ ᑲᕙᒪᖓᓂᒃ.
ᐱᑕ ᐅᖃᓚᐅᔪᔪᖅ ᓄᓇᕕᒃ ᓱᓇᒥᓪᓗᓃᑦ ᐱᔭᖃᓛᖕᖏᒋᐊᖓ ᑯᐯᒃ ᑲᕙᒪᖓᓂᒃ ᐱᓇᓱᖃᑎᖃᖕᖏᑐᐊᕈᓂ. ᓂᕈᐊᕐᑕᐅᒪᑦᓴᓕᑐᐊᕋᒥ ᕕᕈᐊᕆ ᐱᒋᐊᕐᖃᒥᐅᑎᓪᓗᒍ, ᐱᑕ ᐱᓇᓱᑦᑎᑖᓚᐅᔪᕗᖅ ᔮᓐ-ᕙᕋᓐᓱᐊ ᐋᕐᑑᒥᒃ, ᓄᓇᕕᒻᒥᐅᓄᑦ ᖃᐅᔨᒪᔭᐅᑦᓯᐊᑐᖅ ᑲᕙᒪᓕᕆᓱᑐᖃᐅᒋᐊᖓ, ᐱᖁᔭᓕᕆᔨᐅᒋᐊᖓᓗ, ᐱᓇᓱᑦᑕᐅᔪᑦᓴᓅᓕᖓᔪᓂᓪᓗ ᐊᔪᖀᒋᐊᕐᑎᐅᓱᓂ, ᐱᓇᓱᑦᑐᖅ ᒪᑭᕝᕕᐅᑉ ᑯᐯᒃ ᓯᑎᒦᑦᑐᒥ ᐊᓪᓚᕕᖓᓂ, ᐊᓪᓚᕕᖓ ᐊᕐᖁᑎᑐᖄᓗᒻᒥ Grande Allée/ᑲᕌᓐ-ᐊᓖᒥᑦᓱᓂ.
ᐋᕐᑑ ᐅᖃᓚᐅᔪᔪᖅ ᐃᓅᖃᑎᒌᖃᑎᖃᕐᓂᖅ ᑯᐯᒃ ᑲᕙᒪᖓᓂᒃ ᒫᓐᓇᐅᑎᓪᓗᒍ ᐱᑕᖃᖕᖏᓚᕆᒋᐊᖓ. ᖃᓄᐃᓘᕈᑎᐅᒋᐊᓕᓕᒫᓪᓗ ᐱᕈᕐᐸᓕᐊᑎᒋᐊᖃᓕᓚᐅᓱᑎᒃ. ᒪᑭᕝᕕᐅᑉ ᐊᕐᕌᒍᑕᒫᕐᓯᐅᑎᒥᓂᒃ ᑲᑎᖕᖓᓂᒻᒪᕆᖃᕐᑎᓯᓂᖓ ᓇᓪᓕᐅᑎᑎᓪᓗᒍ ᐁᕆᓕ 2021-ᒥ, ᑲᑎᖕᖓᓃᑦ ᐊᑐᑎᔭᐅᖃᑦᑕᕇᕐᓯᒪᓕᓚᐅᔪᔪᑦ ᑲᑎᖕᖓᓯᖃᑦᑕᓱᑎᒃ ᑯᐯᒃ ᑲᕙᒪᐅᑉ ᑐᕐᖃᑕᕐᕕᖏᓐᓂᓗ ᐱᓇᓱᑦᑎᖏᓐᓂᓗ. ᑐᕐᖃᑕᕐᕕᒃ ᑲᒪᒋᔭᖃᕐᑐᓴᓕᐊᖑᒪᔪᖅ ᓄᓇᓕᑐᙯᑦ ᐊᐅᓚᑕᐅᓂᖏᓐᓂᒃ, ᐃᐋᓐ ᓛᕝᕕᕆᓂᐋᕐ ᖃᕆᑕᐅᔭᑎᒍᑦ ᑲᑎᖕᖓᓂᕐᔪᐊᑐᓄᑦ ᑐᓴᕐᓴᐅᓂᖃᓚᐅᔪᔪᖅ, ᑲᕙᒪᑐᖃᐅᑉ ᑐᕐᖃᑕᕐᕕᖏᑦ ᐃᓚᖃᓚᐅᔪᔪᑦ ᑲᕈᓕᓐᓂ ᐱᓂᐊᑦᒥᒃ (ᑲᕙᒪᒃᑯᓗ-ᓄᓇᓕᑐᙯᓪᓗ ᐊᐅᓚᑕᖏᓐᓅᓕᖓᔪᖅ), ᑖᓐ ᕚᓐᑖᓪᓗ (ᑕᕐᕋᒥᒃ ᐊᐅᓚᑦᓯᓂᓕᕆᓂᕐᓅᓕᖓᔪᖅ) ᐊᒻᒪᓗ ᒫᒃ ᒥᓗ (ᓄᓇᓕᑐᙯᑦ ᐱᑦᔪᔭᐅᓂᖏᓐᓅᓕᖓᔪᖅ).
ᐊᑯᓕᕕᒻᒥ ᐊᕐᕌᒍᑕᒫᕐᓯᐅᑎᒥᒃ ᒪᑭᕝᕕᐅᑉ ᑲᑎᖕᖓᓂᒻᒪᕆᖓ ᑲᔪᓯᑎᑕᐅᓂᖃᓚᐅᔪᕗᖅ ᒪᓕᑦᑕᐅᓯᐊᕐᑎᓗᒋᑦ ᓄᕙᓐᓇᔪᐊᒧᑦ ᒪᓕᒐᖁ-ᑎᐅᔪᑦ. ᐱᕕᖃᕐᑎᑕᐅᓚᐅᔪᒐᒥᒃ 50-ᓂᒃ ᐃᓄᓐᓂᒃ ᑕᒃᑲᓂᑦᓭᓇᖅ ᐃᒡᓗᔪᐊᒦᖃᑎᖃᕈᓐᓇᓂᕐᒥᒃ, ᐊᒻᒪᓗ 39 ᑲᑎᖕᖓᔨᐅᓚᐅᔪᑦᓱᑎᒃ. ᐱᖓᓱᑦ ᓄᓇᓕᓐᓂ ᑭᒡᒐᑐᕐᑏᑦ ᑲᑎᖕᖓᔪᓄᑦ ᐅᐸᐅᑎᓯᒪᓪᓗᑐᕋᑎᒃ ᖃᕆᑕᐅᔭᑎᒍᑦ ᐃᓚᐅᓚᐅᔪᔪᑦ ᑌᒣᓚᕿᑦᓱᑎᒃ ᐃᓱᕐᕆᓗᑐᖕᖏᓂᕐᒧᑦ ᐊᒻᒪᓗ ᐃᓄᓐᓀᑌᓕᒋᐊᖃᕐᓂᓂᒃ ᐱᑦᔪᑎᖃᕐᓱᑎᒃ. ᐱᓇᓱᑦᑏᑦ ᑲᑎᖕᖓᔪᓂᒃ ᓈᓚᓚᐅᔪᔪᑦ ᐅᖄᓚᐅᑎᑎᒍᓪᓗ ᐊᒻᒪᓗ ᖃᕆᑕᐅᔭᑎᒍᑦ, ᐅᖃᐅᓯᐅᑉ ᐁᑉᐹᓄᑦ ᓄᑦᑎᕆᔩᑦ ᐃᓚᐅᓚᐅᔪᒻᒥᔪᑦ.
ᐱᑕ ᐅᖃᓚᐅᔪᔪᖅ ᖁᕕᐊᓱᒻᒪᕆᓐᓂᖃᓚᐅᔪᒋᐊᖓ ᑲᑎᖕᖓᐅᑎᓪᓗᑐᕐᓱᑎᒃ ᑲᑎᖕᖓᓂᖃᕐᓂᒥᒃ. ᐅᖃᓚᐅᔪᕗᕐᓗ ᒪᑭᕝᕕᒃ ᑲᑎᖕᖓᓂᕐᒥᑦ ᐊᓂᓚᐅᔪᒋᐊᖓ ᑐᖕᖓᕕᓕᕐᓯᒪᑦᓯᐊᓂᕐᓴᓂᒃ ᑎᓕᔭᐅᑦᔪᑎᑖᕐᓯᒪᓕᕐᑎᓗᒋᑦ ᐱᓇᓱᑦᑕᐅᔪᑦ, ᐱᓗᐊᕐᑐᒥᒃ ᓄᓇᕕᐅᑉ ᐃᒻᒥᓂᒃ-ᑐᑭᑖᕆᖃᑦᑕᓂᑦᓴᒥᓂᒃ ᐱᓇᓱᒍᑎᖏᑦ.
ᐊᕐᕌᒍᑕᒫᕐᓯᐅᑎᒥᒃ ᑲᑎᖕᖓᓂᐅᑉ ᓯᕗᓂᑐᖃᖓᓂ ᐅᖃᐅᓯᐅᓚᐅᔪᕗᖅ ᒥᐊᔨ ᓭᒪᓐ ᐅᑎᕆᐊᖓ ᐊᖏᖃᑎᒌᒐᓱᑦᑎᓄᑦ ᓯᕗᓕᕐᑎᐅᓚᖓᓕᕐᓂᖓ, ᓖᓴ ᖁᐱᕐᕈᐊᓗᒻᒥᒃ ᑐᖓᓕᖃᓯᓗᓂ. ᒫᓐᓇ ᐃᓄᑐᐃᓐᓇᓂᒃ ᓄᑖᓂᒃ ᐊᔪᖀᒋᐊᕐᑎᐅᓂᕐᒥᒃ ᑲᑎᖕᖓᔨᑖᕐᖃᒥᓕᕐᒥᔪᖅ ᐃᓚᒋᓕᐅᑦᔭᐅᓚᐅᔪᔪᓂᒃ ᐱᓇᓱᑦᑕᐅᔪᓄᑦ ᒪᕐᕈᐃᖑᑦᓱᑎᒃ ᐊᑐᓂᑦ ᐅᖓᕙᒥᓪᓗ, ᓄᕗᐊᓗᒻᒥᓗ ᐊᒻᒪᓗ ᑕᓯᐅᔭᕐᔪᐊᒥᑦ ᐱᓯᒪᔪᑦ. ᓄᑖᖑᓕᕐᒥᔪᑦ ᓯᕗᓂᖃᕈᑎᐅᓂᖏᑦ ᐃᓚᐅᑎᑦᓯᓛᕐᓱᑎᒃ ᑯᐯᒃ ᑲᕙᒪᖓᓂᒃ ᑖᒃᑯᓄᖓ ᐱᓇᓱᑦᑕᐅᔪᓄᑦ. ᐱᑕ ᑲᑎᖕᖓᓂᑦᓴᒥᓂᒃ ᐅᓪᓗᓴᓕᐅᕆᓯᒪᔪᖅ ᑲᑎᖕᖓᓯᓛᕐᓱᓂ ᑯᐯᒃ ᑲᕙᒪᐅᑉ ᐊᖓᔪᕐᖄᖓᓂᒃ ᕙᕋᓐᓱᐊ ᓗᑰᒥᒃ ᒣ ᑕᕐᕿᖓ ᕿᑎᕐᖃᕉᑎᓯᒪᓕᕐᐸᑦ, ᐱᑦᔪᑎᖃᕐᓛᕐᑎᓗᒍ ᐅᖃᖃᑎᒌᓐᓂᓂᒃ ᐱᒋᐊᕐᑎᓯᓂᕐᒥᒃ ᐃᓕᖓᑎᓪᓗᒋᑦ ᓄᓇᕕᐅᑉ ᐃᒻᒥᒍᑦ-ᑐᑭᑖᕐᑐᐃᒍᓐᓇᓂᑦᓴᖓᓄᑦ.
ᐃᓄᑐᐃᓐᓀᑦ ᐅᕕᒃᑲᖏᑦ ᐱᕙᓪᓕᑕᐅᓚᖓᓕᕐᒥᔪᑦ ᐱᑕᐅᑉ ᒪᑭᕝᕕᒥ ᐊᖓᔪᕐᖄᐅᓂᕐᒧᑦ ᐅᑎᕐᓂᖓᓄᑦ. ᐱᔭᖃᓚᖓᓕᕋᒥᒃ ᓂᕈᐊᕈᓐᓇᓂᕐᒥᒃ ᒪᑭᕝᕕᐅᑉ ᑲᑎᖕᖓᓂᖏᓐᓂ. ᑕᒪᓐᓇ ᑲᔪᓯᑎᑕᐅᓂᖃᓚᖓᔪᖅ ᐃᑦᓯᕙᐅᑕᕐᑕᑎᑕᐅᑎᓪᓗᒍ ᖃᕐᔪᐃᑦ ᐅᕕᒃᑫᑦ ᑲᑐᑦᔨᖃᑎᒌᓐᓂᖓᑕ ᐊᖓᔪᕐᖄᖓ, ᓂᕈᐊᕈᓐᓇᐅᑎᑖᕐᑕᐅᓗᓂᓗ. ᑕᒪᑐᒪ ᓯᕗᓂᖓᓂ ᐅᕕᒃᑫᑦ ᑭᒡᒐᑐᕐᑎᖓᑦ ᓈᓚᒋᐊᕐᓯᒪᑐᐃᓐᓇᖃᑦᑕᓚᐅᔪᔪᖅ.
ᑲᕙᒪᑐᖃᒃᑯᑎᒍᓪᓗ, ᐱᑕ ᐃᓚᒋᔭᐅᕗᖅ ᐃᓄᐃᑦ ᑕᐱᕇᑦ ᑲᓇᑕᒥᒃᑯᓄᑦ, ᐊᒻᒪᓗ ᐃᓄᑐᐃᓐᓀᑦ ᐅᑭᐅᕐᑕᑐᒥᐅᖑᖃᑎᒌᑦ ᑲᑎᖕᖓᔨᕐᔪᐊᖏᑕ ᑲᓇᑕᒦ-ᐅᓅᓕᖓᔪᖁᑎᖏᓐᓄᑦ ᑲᑎᖕᖓᔨᖁᑎᐅᑦᓱᓂ. ᑖᑦᓱᒥᖓ ᐃᓚᐅᕕᖃᕐᑐᖅ ᑲᓇᑕᓕᒫᒥᓗ ᓯᓚᕐᔪᐊᒥᓗ ᐱᓂᐊᕐᓂᓕᕆᓂᕐᓅᓕᖓᔪᓂᒃ ᐃᓕᖓᑦᓱᑎᒃ ᐃᓄᑐᐃᓐᓇᓄᑦ. ᑖᒃᑯᓇᓂ ᑲᑎᖕᖓᔨᐅᕕᒻᒥᓂ ᑐᓴᕐᓴᐅᒍᑎᖃᓲᖅ ᓄᓇᕕᐅᑉ ᐃᓄᑐᐃᓐᓇᖏᑕ ᖃᓄᐃᑦᑐᒥᒃ ᐃᓱᒪᖃᕈᑎᖃᐅᑎᖏᓐᓂᒃ. ᐅᖃᐅᓯᖃᕐᓯᒪᒻᒥᔪᖅ ᐊᑯᓂᐅᓕᕐᑐᖅ ᑖᒃᓰᔭᕐᓂᓅᓕᖓᑦᓱᑎᒃ ᐱᔭᑦᓴᖁᑎᐅᔪᓂᒃ. “ᓄᓇᕕᐅᑉ ᐃᓄᑐᐃᓐᓇᖏᑦ ᑖᒃᓰᔭᓪᓗᐊᓂᕐᐸᖑᖃᑕᐅᒻᒪᑕ ᑕᒫᓂ ᑲᓇᑕᒥ. ᖃᓄᐃᓕᔭᐅᒋᐊᕆᐊᓕᐊᓗᐃᑦ. ᓇᓪᓕᖁᐊᖑᕋᑕᖕᖏᓇᑦᑕ ᑲᓇᑕᒥᐅᖑᖃᑎᑦᑎᓄᑦ ᓯᕿᓂᑦᑎᓂ ᓄᓇᓯᒪᔪᓄᑦ ᐱᕙᓪᓕᖁᑎᑖᕐᐸᑐᓄᑦ ᐅᕙᒍᑦ ᐱᑎᑕᐅᒍᑎᒋᕙᖕᖏᑕᑦᑎᓂᒃ.”
ᑕᒪᒃᑯᓄᖓ ᐱᓂᐊᕐᓂᓕᕆᓂᕐᒥᒃ ᐱᕙᓪᓕᐊᑎᑦᓯᒍᑎᓄᑦ, ᐱᑕ ᓄᓇᕕᒻᒥᐅᓂᒃ ᑭᒡᒐᑐᕐᑎᐅᕗᖅ ᐃᓄᑐᐃᓐᓀᓗ-ᑲᕙᒪᐅᔪᓪᓗ ᐱᓇᓱᖃᑎᒌᒍᑎᖃᕐᓂᓄᑦ ᑲᑎᖕᖓᔨᖏᓐᓄᑦ ᓯᕗᓕᕐᑕᐅᔪᓄᑦ ᐃᓄᐃᑦ ᑕᐱᕇᑦ ᑲᓇᑕᒥᒃᑯᓄᑦ. ᖃᒻᒥᑯᑦ ᑐᕃᓐᓇᕕᖃᕐᓱᓂ ᐅᖄᖃᑎᖃᓚᐅᔪᒻᒥᔪᖅ ᑲᓇᑕᐅᑉ ᑲᕙᒪᖓᑕ ᐊᖓᔪᕐᖄᖓᓂ ᔭᔅᑎᓐ ᑐᕈᑑᒥᒃ ᑕᒃᑲᓂ ᑲᑎᖕᖓᕕᐅᕕᒻᒥ ᑲᑎᖕᖓᓂᖃᕐᓱᑎᒃ ᐁᕆᓕ 2021-ᖑᑎᓪᓗᒍ. ᐅᖃᐅᓯᖃᓚᐅᔪᔪᖅ ᒪᕐᕈᓗᐊᖕᖑᐊᓂᒃ ᐱᔭᑦᓴᖁᑏᓐᓂᒃ: ᐃᓄᑐᐃᓐᓀᑦ ᓄᓇᕕᒻᒥᐅᑦ ᕿᒥᕐᖏᑕ ᑐᖁᕋᕐᑕᐅᓯᒪᓂᖏᓐᓂᒃ, ᐊᒻᒪᓗ 1990-ᓃᑦᑐᑦ ᐊᕐᕌᒍᐃᑦ ᐱᒋᐊᕐᖃᒥᐅᑎᓪᓗᒋᑦ ᐊᖏᖃᑎᒌᒍᑎᐅᓚᐅᕐᓯᒪᔪᒥᒃ Croll-ᒥᒃ ᖃᓪᓗᓈᕐᑎᑐᑦ ᑌᔭᐅᒍᑎᖃᕐᓱᓂ ᓴᕐᕿᓯᒪᔪᖅ ᐊᖏᖃᑎᒌᒍᑎᐅᒪᔪᑦ ᑭᓪᓕᐊᒍᑦ ᑖᒃᑯᐊ ᒪᑭᕝᕕᐅᑉ ᐊᖏᖃᑎᒌᒐᓱᒍᑎᐅᒋᐊᓪᓚᖁᒻᒪᒋᑦ.
ᐊᐱᕆᔭᐅᒍᑎᖃᕐᓱᓂ ᓄᕙᓐᓇᔪᐊᒨᓕᖓᔪᓂᒃ ᓄᓇᕕᒻᒥ, ᐱᑕ ᑭᐅᓚᐅᔪᔪᖅ ᐃᒫᒃ, “ᐱᐅᓂᖃᖃᑦᑕᑐᖅ ᐱᐅᖕᖏᑑᑦᓱᓂᓗ. ᐱᐅᓂᖃᖃᑦᑕᑐᖅ ᐃᓄᓐᓂᒃ ᖃᓂᑕᕇᓕᐅᒥᑎᑦᓯᓂᕐᒥᒍ, ᐃᓚᒥᓃᓐᓂᓴᐅᖃᑦᑕᓕᕐᒪᑕ, ᐃᖃᓪᓕᐊᖃᑦᑕᓱᑎᒃᓗ. ᐱᐅᖕᖏᓂᖃᕐᓱᓂ ᐃᓄᓐᓂᒃ ᑲᑎᒪᒍᒪᔭᑦᑎᓂᒃ ᑕᒃᑯᒧᓪᓗᑐᖅ ᑲᑎᒪᑦᓯ-ᖃᔭᖕᖏᓂᑦᑎᒍᑦ.“ ᖃᓂᒻᒪᕇᒃᑯᑎᒧᑦ ᑲᐱᔭᐅᒍᑎᒋᒋᐊᓕᒻᒥᓂᒃ ᑕᒪᖏᓐᓂᒃ ᑲᐱᔭᐅᒍᑎᖃᕇᕐᓯᒪᓕᕐᑐᖅ ᐅᖃᕐᓱᓂᓗ ᓄᓇᕕᒻᒥᐅᑦ ᐅᐱᓐᓇᖁᑎᓪᓗᑐᕐᓯᒪᒋᐊᖏᑦ ᑲᐱᔭᐅᓂᑦᓴᖏᑦ ᓯᕗᓪᓕᐅᑎᑕᐅᓚᐅᔪᓂᖏᒍᑦ. “ᐊᒥᓱᑦ ᐃᓄᑐᐃᓐᓀᑦ ᐃᒡᓗᐃᓂᐊᕐᒪᑕ, ᑌᒣᒻᒪᑦ ᐃᒡᓗᒥᐅᖃᑕᐅᔪᖅ ᖃᓂᒻᒪᓯᕐᑖᑐᐊᕐᐸᑦ, ᐃᓘᓐᓇᑎᒃ ᖃᓂᒻᒪᓯᕐᑕᕋᔭᕐᒪᑕ. ᑌᒣᒻᒪᑦ ᑕᒪᑐᒥᖓ ᐱᑦᔪᑎᖃᓗᐊᖕᖑᐊᓱᑎᒃ ᑲᕙᒪᒃᑯᑦ ᓇᓗᓀᕆᓚᐅᔪᕗᑦ ᐱᒋᐊᑲᐱᑦᓱᑎᒃᓗ ᐱᓇᓱᑦᑕᖃᓯᑦᓱᑎᒃ.”
ᐊᐱᕐᓱᑎᓪᓗᖓ ᐱᑕ ᐊᑕᐅᓯᕐᒥᒃ ᐅᖄᐅᓯᖃᖏᓐᓇᒍᓱᓚᐅᔪᕗᖅ – ᐱᓇᓱᖃᑎᒌᓐᓂᒥᒃ. “ᐱᓇᓱᖃᑎᒌᓪᓗᑕ ᐱᔭᖃᕈᓐᓇᕋᑦᑕ ᐊᒥᓲᓂᕐᓴᓂᒃ ᐱᑦᔪᔨᕕᑎᒍᑦ ᑖᒃᑯᐃᓇᐅᑦᔨᒐᓱᖕᖏᓗᑕ, ᐅᕝᕙᓘᓐᓃᑦ ᐃᓄᑑᑦᔨᒍᓐᓀᓗᑕ,” ᐅᖃᕐᓱᓂᓗ “ᓇᐅᓕᒫᑦ ᓂᐱᖃᕐᕕᖃᕐᒪᑕ. ᓇᐅᓕᒫᑦ ᐃᓱᒪᖃᕐᒪᑕ. ᐃᓱᒪᒋᔭᖏᑦ ᐃᓱᒪᒋᔭᒃᑲᓂᑦ ᐱᐅᓂᕐᓴᐅᒍᓐᓇᒥᒻᒪᑕ, ᑌᒣᒻᒪᑦ ᐊᓯᒻᒪ ᐃᓱᒪᒋᔭᖏᓐᓂᒃ ᑲᔪᓯᑎᑦᓯᒋᐊᖃᑦᑕᓚᖓᕗᖓ ᐃᑲᔪᕐᓯᓚᖓᑐᐊᕐᐸᑕ ᐃᓄᑐᐃᓐᓇᐅᖃᑎᒃᑲᓂᒃ. ᑕᒪᓐᓇᑕᒐ ᐅᖃᐅᓯᕆᓲᕋ ᐃᓄᑐᐃᓐᓇᐅᖃᑎᒃᑲᓄᑦ.”
