ᑐᓴᕐᑎᓯᒍᑎᒃ
ᑖᓐᓇ ᐃᓄᓕᒫᓂᒃ ᑐᓴᕐᑎᓯᒍᑎᒃ ᓄᓇᓕᒫᓂ ᓄᓇᕕᒻᒥ ᑎᒃᑯᐊᓯᓂᖃᑦᑕᓂᖅ ᐅᒃᑯᐃᖔᓕᕐᒥᒪᑦ 2020-ᒥ ᓄᓇᓕᓕᒫᓂ ᓂᕈᐊᕐᓂᓴᒧᑦ ᒪᑭᕝᕕᒥ ᐳᕐᑐᓂᕐᓴᒥ ᑲᑎᒪᔨᖏᓐᓄᑦ ᐅᑯᓅᖓ ᐃᓂᐅᔫᓐᓄᑦ:
- ᐊᖓᔪᖅᑳᑉ ᑐᖓᓕᖓ × ᐊᕙᑎᓕᕆᓂᕐᒥᒃ, ᐆᒪᔪᓕᕆᓂᕐᒥᒃ, ᖃᐅᔨᓴᕐᓂᒥᓪᓗ
- ᑮᓇᐅᔭᓕᕆᔨᒻᒪᕆᒃ
ᑐᑦᓯᕋᒍᓐᓇᑐᑎᑦ ᑎᒃᑯᐊᓯᒍᑎᒥᒃ ᑕᑕᕐᓴᒐᕐᒥᒃ ᒪᑭᕝᕕᑯᑦ ᐊᓪᓚᕕᖏᓐᓂ, ᓄᓇᓕᐅᑉ ᑲᕙᒫᐱᖓᓂᑦ ᐅᕝᕙᓘᓐᓃᑦ ᓄᓇᒥᒃ ᑎᒍᒥᐊᕐᑎᑯᓐᓂᑦ ᐅᕝᕙᓘᓐᓃᑦ ᖃᕆᑕᐅᔭᒃᑯᑦ ᖃᐅᔨᒋᐊᕐᕕᒋᓗᒍ ᓘᓯ ᑯᔨ, ᓂᕈᐊᕐᑎᓯᔨᒻᒪᕆ, ᐅᕗᖓ elections@makivik.org
ᑎᒃᑯᐊᓯᒍᑏᑦ ᑐᕌᕆᐊᓖᑦ ᓂᕈᐊᕐᑎᓯᒻᒪᕆᒻᒧᑦ, ᐅᕗᖓ ᓱᑲᒃᑐᑯᑦ ᐊᐅᓪᓚᑎᑦᓯᒍᑎᒧᑦ 514-745-0364 ᐅᕝᕙᓗᓘᓐᓃᑦ ᖃᕆᑕᐅᔭᒃᑯᑦ ᐅᕗᖓ elections@makivik.org
ᐃᓱᓕᕝᕕᖓ ᑎᒃᑯᐊᓯᒍᑎᓂᒃ ᐊᐅᓪᓚᑎᑦᓯᓂᐅᑉ ᐊᓪᓕᕇᒃ,
ᑎᓯᒻᐱᕆ 2, 2019 ᑕᓪᓕᒪᙳᓚᐅᕐᑎᓇᒍ.
ᓂᕈᐊᕐᓂᖃᓛᕐᑐᑦ ᓄᓇᓕᓕᒫᓂ ᖁᓛᓂ ᑌᔭᐅᔪᓂ ᓯᑕᒪᖓᓐᓂᒥ, ᔭᓄᐊᕆ 16, 2020-ᒥ ᖁᓕᙳᒥᑦ ᐅᓪᓛᑯᑦ ᐱᖓᓲᔪᕐᑐᖑᒧᑦ ᐅᓐᓄᑯᑦ. ᓂᕈᐊᑲᐱᓐᓂᖅ ᐊᑑᑎᓛᕐᑐᖅ ᓂᕿᑦᓯᑐᓂ, ᔭᓄᐊᕆ 10, 2019 ᖁᓕᖕᖑᒥ ᐅᓪᓛᑯᑦ ᐱᖓᓲᔪᕐᑐᖑᒧᑦ ᐅᓐᓄᑯᑦ.
ᐅᑯᐊ ᑎᒃᑯᐊᑕᐅᒍᓐᓇᖏᑦᑐᑦ ᓂᕈᐊᕐᑕᐅᑎᒍᓐᓇᕋᑎᓪᓗ ᐳᕐᑐᓂᕐᓴᓂ ᑲᑎᒪᔨᐅᓂᕐᒧᑦ ᒪᑭᕝᕕᒥ:
- ᓇᐅᑐᐃᓐᓇᖅ ᐃᓄᒃ ᐱᒍᓐᓇᐅᑎᖃᙱᑐᖅ ᐅᕝᕙᓘᓐᓃᑦ ᐱᕙᓪᓕᖁᑎᑖᕈᓐᓇᖏᑦᑐᖅ ᒪᓕᑦᓱᒋᑦ ᒪᓕᒉᑦ ᐊᓪᓚᓅᓕᖓᔪᑦ ᑯᔩᓄᑦ ᐃᓄᓐᓄᓗ ᓄᓇᓕᑐᖃᑦᓴᔭᓄᑦ (1978, L.Q., Chap. 33.1);
- ᓇᐅᑐᐃᓐᓇᖅ ᐊᑭᓕᑦᓴᖃᕐᓂᒥᓂᒃ ᓴᒃᑯᓯᑎᑕᐅᓯᒪᙱᑐᖅ ᐃᕐᖃᑐᐃᕕᒃᑯᑦ;
- ᓇᐅᑐᐃᓐᓇᖅ ᐃᓚᐅᔫᙱᑐᖅ ᔦᒻᔅ ᐯ ᑯᐯᒃ ᑕᕐᕋᖓᓂ ᐊᖏᖃᑎᒌᒍᑎᒧᑦ
- ᓇᐅᑐᐃᓐᓇᖅ ᐃᓄᒃ ᐃᕐᖃᑐᕐᑕᐅᓯᒪᔪᑦ ᐸᓯᔭᑦᓴᐅᓂᕋᕐᑕᐅᓱᓂ ᐱᓂᕐᓗᕈᑎᖃᕐᓂᒧᑦ ᐱᒻᒪᕆᒻᒥᒃ ᑎᒍᔭᐅᒪᒍᑎᐅᒍᓐᓇᑐᒥᒃFᐸᕐᓇᓇᐃᕐᑕᐅᓯᒪᒍᑎᐅᒍᓐᓇᑐᒥᒃ ᐊᕐᕌᒍᓂᒃ ᒪᕐᕉᓂ (2) ᐅᓄᕐᓂᓴᓂᓪᓘᓃᑦ; ᑕᒪᑐᒥᖓᓗ ᐊᑑᑎᒍᓐᓇᖏᑦᑑᑎᑕᐅᓂᖓ ᐊᑑᑎᑎᑕᐅᒐᔭᕐᑐᖅ ᐊᕐᕌᒍᓄᑦ ᑕᓪᓕᒪᒋᐊᓪᓚᓄᑦ (5) ᑎᒍᔭᐅᒪᓂᕕᓂᕐᒥᑕFᐸᕐᓇᓇᐃᕐᑕᐅᓯᒪᓂᕕᓂᕐᒥᑕ ᑭᖑᓂᖓᒍᑦ ᐊᑭᓕᕋᑦᓴᑖᕐᑎᑕᐅᑐᐃᓐᓇᑐᕕᓂᐅᒍᓂᓗ ᐅᕝᕙᓘᓐᓃᑦ ᓱᒋᐊᕐᑕᐅᒍᑎᖓ ᐊᕐᕌᒍᓄᑦ ᑕᓪᓕᒪᓄᑦ (5) ᓄᕐᖃᖓᑎᑕᐅᓯᓐᓂᐸᑦ ᐃᕐᖃᑐᐃᕕᒻᒥ ᓱᒋᐊᕐᑕᐅᒍᑎᑖᕐᓂᒥᓂ, ᐃᓱᒪᒋᔪᓐᓇᐃᑕᐅᒍᑎᑖᕐᓯᒪᙱᑐᐊᕈᓂ ᐃᕐᖃᑐᐃᕕᑎᒍᑦ ᐱᓂᕐᓗᕈᑎᒋᓯᒪᔭᒥᓄᑦ;
- ᓇᐅᑐᐃᓐᓇᖅ ᐃᓄᒃ ᐊᑭᓕᑦᓴᖃᕐᑐᖅ ᖃᓄᐃᑦᑐᑐᐃᓐᓇᓂᒃ ᒪᑭᕝᕕᒧᑦ ᐊᒻᒪᓗFᐅᕝᕙᓘᓐᓃᑦ ᑎᒥᖁᑎᖏᓐᓄᑦ ᐊᑭᓕᕐᑕᐅᒣᑦᑐᓂᒃ ᐅᓪᓗᐃᑦ 90 ᐃᓗᐊᓂ, ᐅᕝᕙᓘᓐᓃᑦ ᓇᐅᑐᐃᓐᓇᖅ ᐃᓕᑕᕐᓯᓯᒪᙱᑐᖅ ᐊᑭᓕᕋᑦᓴᖃᕐᓂᒥᓂᒃ ᐊᑭᓕᕐᑕᐅᒣᑦᑐᓂᒃ ᒪᑭᕝᕕᒧᑦ ᑎᒥᐊᕈᖁᑎᖏᓐᓄᓘᓐᓃᑦ;
- ᓇᐅᑐᐃᓐᓇᖅ ᑐᑭᓯᒪᙱᑐᖅ, ᐊᓪᓚᒍᓐᓇᖏᑦᑐᖅ, ᐅᖄᕈᓐᓇᖏᑦᑐᖅ ᐃᓄᑦᑎᑐᑦ
- ᓇᐅᑐᐃᓐᓇᖅ, ᒪᑭᕝᕕᐅᑉ ᐳᕐᑐᓂᕐᓴᖏᑦ ᐃᓚᒋᔭᐅᑎᓐᓇᒋᑦ, ᐱᓇᓱᑦᑎ ᒪᑭᕝᕕᒧᑦ ᑎᒥᐊᕈᖁᑎᖏᓐᓄᓘᓐᓃᑦ;
- ᓇᐅᑐᐃᓐᓇᖅ, ᒪᑭᕝᕕᐅᑉ ᐳᕐᑐᓂᕐᓴᖏᑦ ᐃᓚᒋᔭᐅᑎᓐᓇᒋᑦ ᐱᐅᓯᖃᕐᑐᖅ, ᐱᓇᓱᐊᕐᓂᖃᕐᑐᖅ ᐅᕝᕙᓘᓐᓃᑦ ᐃᓅᖃᑎᒌᓐᓂᑎᒍᑦ ᑐᕂᓐᓇᑐᒃᑯᑦ, ᑐᕂᓐᓇᖏᑦᑐᑯᓪᓘᓃᑦ ᓱᕐᕂᓯᒪᓂᖃᕋᔭᕐᑐᖅ ᒪᑭᕝᕕᒥᒃ ᐊᒻᒪᓗFᐅᕝᕙᓘᓐᓃᑦ ᐱᓇᓱᐊᖃᑎᖏᓐᓂᒃ ᐱᒐᓱᐊᕐᓂᖏᓐᓂ ᐱᓇᓱᒍᑦᔨᒍᑎᓂᒃ ᓇᐅᑐᐃᓐᓇᓕᒫᓄᐊᓕᖓᔪᓂᒃ ᑎᒥᐅᔪᓂᒃ.
ᐱᒻᒪᕆᐅᑦᓱᓂ ᖃᐅᔨᒪᔭᐅᒋᐊᓕᒃ ᐊᑐᕈᓂᒧᑦ ᑯᐊᐳᕇᓴᐅᑉ ᑎᒥᐊᕈᖁᑎᖓᑕᓘᓐᓃᑦ ᐊᑐᕋᑦᓴᖁᑎᖓᓂ, ᐱᖁᑎᖏᓐᓂ, ᐱᕙᓪᓕᖁᑎᖏᓐᓂᓘᓐᓃᑦ:
ᐅᓪᓗᖓᓂ ᖃᐅᔨᑎᑦᓯᕕᒻᒥᓂ ᓂᕆᐊᕐᑕᐅᑎᒐᓱᓐᓂᐊᓗᓂ ᑎᑭᓪᓗᒍ ᓂᕈᐊᕈᑏᑦ ᓄᐃᑎᑕᐅᓂᖏᑦ, ᓂᕈᐊᕐᑕᐅᑎᒐᓱᐊᕐᑐᖅ ᐊᑐᕆᐊᓪᓚᕕᖃᙱᑐᖅ ᓇᓪᓕᖏᓐᓂᓘᓐᓃᑦ ᑯᐊᐳᕇᓴᐅᑉ ᑎᒥᐊᕈᖁᑎᖓᑕᓘᓐᓃᑦ ᐊᑐᕋᑦᓴᖁᑎᖏᓐᓂ, ᐱᖁᑎᖏᓐᓂ, ᐱᕙᓪᓕᖁᑎᖏᓐᓂᓘᓐᓃᑦ, ᐃᓅᒐᓗᐊᕐᐸᑦ, ᐱᖁᑎᐅᒐᓗᐊᕐᐸᑦ, ᑮᓇᐅᔭᐅᒐᓗᐊᕐᐸᓘᓐᓃᑦ (ᐃᓚᐅᑎᓪᓗᒋᑦ ᑖᒃᑯᑑᒐᑎᒃ ᐱᓇᓱᑦᑎᐅᑉ ᐊᑭᖃᙱᑐᑦ ᐅᕝᕙᓘᓐᓃᑦ ᐊᑭᑭᓪᓕᒋᐊᕐᓯᒪᔪᑦ ᖃᖓᑦᑕᐅᑎᖏᑦ, ᐃᖏᕐᕋᐅᑎᖏᑦ, ᐱᒍᑦᔨᒍᑎᖏᑦ, ᐊᓯᖏᓪᓗ) ᐱᑦᔪᑎᒋᓗᒍ ᓂᕈᐊᕐᑕᐅᑎᒐᓱᐊᕐᓂᖅ, ᐱᕕᖃᕐᕕᒋᓲᕆᒐᓗᐊᕈᓂᒋᒃ ᐅᕝᕙᓘᓐᓃᑦ ᑕᒪᒃᑯᐊ ᐊᑐᕋᕐᓭᑦ, ᐱᖁᑏᑦ, ᐱᕙᓪᓕᖁᑏᓪᓘᓃᑦ ᖃᖓᑐᐃᓐᓇᑯᑦ ᐊᑐᐃᓐᓇᐅᑎᑕᐅᓲᖑᙱᑐᐊᕐᐸᑕ ᐃᓄᓐᓄᑦ ᐃᓘᓐᓀᓄᑦ. ᑕᒪᓐᓇ ᐃᓚᖃᓚᖓᔪᖅ ᓇᓪᓕᑐᐃᓐᓇᖏᓐᓂ ᐃᓘᓐᓀᓂᓘᓐᓃᑦ ᐱᕙᓪᓕᖁᑎᓂ ᐊᑐᐃᓐᓇᐅᔪᕕᓂᕐᓂ ᑖᑦᓱᒧᖓ ᐃᓄᒻᒧᑦ ᐃᓂᖃᕐᓱᓂ ᑯᐊᐳᕇᓴᐅᑉ ᑎᒥᐊᕈᖁᑎᖓᑕᓘᓐᓃᑦ ᐃᓗᐊᓂ. ᓂᕈᐊᕐᑕᐅᑎᒐᓱᐊᕐᑐᖅ ᓯᖁᒥᑦᓯᒍᓂ ᑖᑦᓱᒥᖓ ᐊᕕᑦᑐᓯᒪᓂᕐᒥᒃ ᐃᓚᐅᒍᓐᓀᑎᑕᐅᑐᐃᓐᓇᕆᐊᓕᒃ ᓂᕈᐊᕐᑎᓯᔨᒧᑦ.