ᐊᓯᒥᓄᑦ ᓂᕈᐊᕐᑎᑕᐅᓂᐅᑉ ᖃᓄᐃᓘᕐᑕᐅᒍᑎᖏᑦ
-
- ᓄᓇᓕᑦᓯᓂᑦ ᓂᕈᐊᕐᑎᓯᔨᑦᓴᑖᕆᑦ ᐃᓕᓐᓂᒃ ᐱᑦᓯᐊᓚᖓᔪᒥᒃ ᐅᖃᐅᑎᓗᒍᓗ ᑭᓇᒥᒃ ᓂᕈᐊᕐᑎᑕᐅᒍᒪᒻᒪᖔᕐᐱᑦ.
- ᐊᓪᓚᓯᒪᔪᓕᐅᕐᕖᑦ ᐊᑐᐃᓐᓇᐅᑎᑕᐅᓛᕐᑐᑦ ᓂᕈᐊᕐᑎᓯᕕᓕᒫᓂ, ᒪᑭᕝᕕᑯᑦ ᐊᓪᓚᕕᖏᓐᓂ ᑰᑦᔪᐊᒥ ᒪᓐᑐᔨᐊᒥᓪᓗ ᐅᕝᕙᓘᓐᓃᑦ ᖃᕆᑕᐅᔭᒦᑦᑐᖅ ᐅᕙᓂ (makivik.org) ᓯᑯᓴᔭᒨᕐᓗᒍ ᐊᓪᓚᓯᒪᔪᖕᖑᐃᕕᒋᒍᒃ ᑲᒃᑯᓂᖓ:
- ᐊᑏᑦ (ᓂᕈᐊᕐᑎᐅᑉ ᐊᑎᖓ)
- ᓄᓇᓕᒃ ᐃᓚᐅᔫᖃᑎᐅᕕᒋᔦᑦ (ᓄᓇᓕᐅᑉ ᐊᑦᓯᕋᐅᑎᖓ)
- ᐃᓕᓐᓂᒃ ᓂᕈᐊᕐᑎᓯᓚᖓᔫᑉ ᐊᑎᖓ (ᓂᕈᐊᕐᑎᓯᒍᓐᓇᐅᑎᒥᒃ ᑎᒍᒥᐊᕐᑐᖅ)
- ᓄᓇᓕᒃ ᐃᓚᐅᔫᖃᑎᐅᕕᖓ (ᓄᓇᓕᐅᑉ ᐊᑦᓯᕋᐅᑎᖓ)
- ᓇᓃᑦᓱᑎᑦ ᐊᑎᓕᐅᕐᐱᑦ.
- ᐊᑎᑎᓐᓂᒃ ᐊᑎᓕᐅᕈᓰᑦ (ᐊᑎᓕᐅᕈᓰᑦ)
- ᐊᓪᓚᓯᒪᔪᓂᒃ ᓱᑲᑦᑐᑯᕐᑎᓯᒍᑎᒃᑯᑦ ᓄᓇᓕᓐᓄᑦ ᐃᓚᐅᔫᕕᖃᕐᕕᐱᑦ ᓂᕈᐊᕐᑎᓯᕕᖓᓄᑦ ᐊᐅᓪᓚᑎᓪᓗᒍ, ᑐᕌᕐᑎᓗᒍ ᐃᓕᓐᓂᒃ ᓂᕈᐊᕐᑎᓯᓚᖓᔪᒧᑦ, ᐅᕝᕙᓘᓐᓃᑦ ᖃᕆᑕᐅᔭᑎᒍᑦ ᐊᓪᓚᖃᑦᑕᐅᑎᒍᑎᒃᑯᑦ ᐊᐅᓪᓚᑎᓪᓗᒍ ᖃᕆᑕᐅᔭᒧᑦ ᐊᑦᔨᓕᐅᕐᓯᒪᑎᓪᓗᒍ ᐅᕝᕙᓘᓐᓃᑦ ᐊᑦᔨᖑᐊᖓᑕ ᐊᑦᔨᖓᓂᒃ ᐊᐅᓪᓚᑎᑦᓯᓗᑎᑦ ᐃᕝᕕᑦ ᓂᕈᐊᕐᑎᓯᔨᒋᓂᐊᕐᑕᓄᑦ. ᓱᕐᖁᐃᑐᒥᒃ ᖃᕆᑕᐅᔭᐅᑉ ᐊᓪᓚᐅᑎᐊᓗᖓᓂᒃ ᐱᑕᖃᑦᓯᐊᒪᖔᑕ ᖃᐅᔨᒋᐊᒃᑭᑦ ᐊᐅᓪᓚᑎᑕᑎᓐᓂᒃ ᐊᓪᓚᓯᒪᔪᓕᐅᕈᓐᓇᓯᐊᖁᓪᓗᒋᑦ. ᓂᕈᐊᕐᑐᓕᕆᔨ ᐊᖏᖃᑦᑕᓚᖓᖕᖏᑐᖅ ᐊᓪᓚᖁᑎᓂᒃ ᖃᕆᑕᐅᔭᒦᔨᐊᓂᒃ ᐊᖏᕈᓐᓇᑕᑐᐊᖃᓚᖓᒐᒥ, ᐊᓯᒥᓂᒃ ᓂᕈᐊᕐᑎᓯᒍᑎᐅᓚᖓᔪᖅ ᓯᑯᑦᓴᔭᒦᑦᓯᐊᐸᑦ ᑭᓯᐊᓂ ᑎᒍᔭᐅᒋᐊᖃᕐᒪᑦ ᓂᕈᐊᕐᑐᓕᕆᔨᒧᑦ.
- ᓂᕈᐊᕐᑐᓕᕆᔨ ᓄᓇᓕᓐᓂ ᐃᓚᐅᔫᖃᑕᐅᕕᓐᓂ ᐊᖏᕐᓂᐊᑐᖅ ᐊᓯᓐᓄᑦ ᓂᕈᐊᕐᑎᑕᐅᒍᑎᑦᓴᑎᓐᓂᒃ ᐊᓪᓚᓯᒪᔪᓕᐅᕐᕕᒥ ᐊᓪᓚᓯᒪᑦᓯᐊᑐᐊᕐᐸᑕ ᓯᑯᑦᓴᔭᒦᓪᓗᑎᒃ. ᐃᓕᓐᓂᒃ ᓂᕈᐊᕐᑎᓯᓚᖓᑎᓪᓗᒍ ᓇᓗᓀᕐᓯᒪᔦᑦ ᓂᕈᐊᕈᑎᒥᒃ ᐁᑦᑐᑕᐅᓚᖓᕗᖅ ᐃᓕᓐᓂᒃ ᓂᕈᐊᕐᑎᓯᒍᑎᒋᓚᖓᔭᒥᓂᒃ ᓂᕈᐊᕐᑎᒌᕐᐹᑎᑦ ᐊᑏᑦ ᑕᕐᓯᑕᐅᓚᖓᔪᖅ ᓂᕈᐊᕐᓯᒪᓂᕋᕐᑕᐅᓯᓗᑎᓪᓗ.
ᑐᑭᓯᒋᐊᒃᑲᓂᕈᒪᒍᕕᑦ, ᖃᐅᔨᒋᐊᕐᕕᒋᒍᒃ ᕖᐱ ᐱᐊᓐᓕ, ᓂᕈᐊᕐᑎᓯᔨᒻᒪᕆᒃ ᐅᕙᓂ ᖃᕆᑕᐅᔭᒃᑯᑦ ᖃᐅᔨᒋᐊᕐᕕᒋᓗᒍ elections@makivik.org.
ᑐᓴᕐᑎᓯᒍᑎᒃ ᓄᓇᓕᓐᓂᑦ ᐊᐅᐸᓗᒃ, ᖁᐊᕐᑕᖅ, ᓴᓪᓗᐃᑦ, ᐃᓄᑦᔪᐊᒃ ᐊᒻᒪᓗ ᓯᓵᓯᐱ ᓂᕈᐊᕐᑕᐅᑎᓇᓱᐊᕐᑐᓂᑦ ᓄᓇᓕᒻᒥᓂ ᑭᒡᒐᑐᕐᑎᐅᓗᑎᒃ ᑲᑎᒪᔨᐅᓂᕐᒧᑦ ᒪᑭᕝᕕᑯᓐᓂᑦ.
ᐊᐅᐸᓗᒃ
- ᒫᑭ ᐊᑉᐹᖃᑦᑕᒃ
- ᑖᕕᑎ ᐊᖑᑎᖕᖑᐊᖅ
ᖁᐊᕐᑕᖅ
ᓄᐊ ᓂᖏᐅᕈᕕᒃ – ᐃᓕᒐᓱᐊᕐᑐᑑᓐᓂᕋᒥ ᓂᕈᐊᕐᑕᐅᔪᖅ
ᓴᓪᓗᐃᑦ
- ᐋᑕᒥ ᐊᓚᑯ
- ᒣᑯ ᑳᒧᕋᓐ
ᐃᓄᑦᔪᐊᒃ
ᕉᑕ ᑯᑭᐊᐱᒃ – ᐃᓕᒐᓱᐊᕐᑐᑑᓐᓂᕋᒥ ᓂᕈᐊᕐᑕᐅᔪᖅ
ᓯᓵᓯᐱ
ᕋᐃᒪᓐ ᒪᓂᕋᔭᖅ – ᐃᓕᒐᓱᐊᕐᑐᑑᓐᓂᕋᒥ ᓂᕈᐊᕐᑕᐅᔪᖅ
ᓂᕈᐊᕐᓂᖅ:
ᐊᐅᐸᓗᒻᒥ ᓴᓪᓗᓂᓪᓗ ᓂᕈᐊᕐᓂᖃᓛᕐᑐᑦ.
ᓂᕈᐊᕐᕕᖏᑦ ᐅᒃᑯᐃᖔᓚᕐᑐᑦ ᖁᓕᖕᖑᒥ ᐅᓪᓛᑯᑦ ᐱᖓᓲᔪᕐᑐᖑᒧᑦ ᐅᓐᓄᑯᑦ ᐅᓪᓗᓂ ᐅᑯᓇᓂ:
ᓂᕈᐊᑲᐱᓐᓂᖅ: ᐊᓪᓕᕇᖅ ᒫᑦᔨ 14, 2022
ᓂᕈᐊᕐᓂᖅ: ᓯᑕᒻᒥᑐᑦ, ᒫᑦᔨ 17, 2022
ᓂᕈᐊᕐᓂᖃᕆᐊᓪᓚᕈᑕᐅᒐᔭᕐᑐᑦ: ᐱᖓᑦᓯᑐᑦ, ᒫᑦᔨ 23, 2022
*ᓂᕈᐊᕐᑕᐅᑎᒐᓱᐊᕐᑐᖅ ᐅᓄᕐᓂᕆᒋᐊᓕᖏᓐᓄᑦ (50%+1) ᓂᕈᐊᕈᑏᑦ ᓂᕈᐊᕐᑕᐅᖏᑐᐊᕐᐸᑦ ᑌᑲᓂ ᓄᓇᓕᒻᒥ.