Job Description:

ᒥᓇᕋᕐᕕᖓ :                         ᑐᑭᒧᐊᑦᑎᓯᖃᑕᐅᔪᖅ ᒪᑭᑕᐅᑎᓂᒃ ᐱᕙᓪᓕᐊᓂᕐᒥᒃ ᐱᓇᓱᕝᕕᒥᒃ

Responsibilities:

• ᐃᑲᔪᕐᓯᒪᓂᖅ ᐊᒻᒪᓗ ᕿᓂᕐᓂᖅ ᓄᑖᓂᒃ ᐱᕙᓪᓕᕈᑎᑦᓴᓂᒃ ᒪᑭᑕᐅᑎᖃᕐᓂᑯᑦ ᖃᓄᐃᖕᖏᓂᖓᓐᓄᑦ ᓴᓇᖕᖑᐊᑏᑦ ᓄᓇᕕᒻᒥ;
• ᓯᕗᓕᕐᓂᖅ ᐱᕙᓪᓕᐊᒍᑎᖃᕐᓂᒥᒃ ᑐᑭᖃᑦᓯᐊᑐᒥᒃ, ᐃᓚᐅᕐᑑᑎᒌᒥᒃ ᐱᕐᕈᓯᕐᒥᒃ ᒪᑭᕝᕕᐅᑉ ᑐᖕᖓᕖᔭᕐᓂᖓᓄᑦ ᐊᒻᒪᓗ ᖃᐅᔨᓴᕐᓂᖅ ᑐᖕᖓᕖᕈᑎᑦᓴᐅᒍᓇᕐᓂᒃ ᒪᓕᓪᓗᓂ ᐳᕐᑐᓂᕐᓭᑦ ᑲᑎᒪᔩᑦ ᐊᒻᒪᓗ ᑐᖕᖓᕖᕈᑎᓂᒃ ᕿᒥᕐᕈᓂᕐᒧᑦ ᑲᑎᒪᔨᐊᐲᑦ ᑫᒥᑕᖏᓐᓂᒃ;
• ᐃᑲᔪᕐᓂᖅ ᐳᕐᑐᓂᕐᓴᓂᒃ ᑲᒪᔨᒻᒪᕆᓐᓂᒃ ᓄᑕᐅᓯᓕᑎᕆᓂᒃᑯᑦ ᐊᒻᒪᓗ ᐋᕐᕿᓱᐃᑦᓯᐊᓂᒃᑯᑦ ᑎᒥᐅᑉ ᑎᒥᖁᑎᓂᒃ ᐊᐅᓚᑦᓯᓂᕐᒧᑦ ᒪᓕᒑᐱᖓᓂᒃ;
• ᑐᑭᒧᐊᑦᑎᓯᓂᖅ ᓴᓇᓂᕐᒥᒃ ᐊᒻᒪᓗ ᑲᔪᓯᑎᑦᓯᒍᑎᒥᒃ ᓴᓇᕐᕈᑎᓂᒃ ᐃᓂᓪᓚᑎᕐᕕᓴᓂᓪᓗ ᓴᖑᐊᑦᓯᓯᐊᕐᓂᓴᐅᓚᖓᓗᓂ ᐊᑯᓂᐅᔪᒧᑦ ᓯᕗᓂᑦᓴᓂᒃ ᑕᐅᑐᒍᑎᖏᓐᓂᒃ ᒪᑭᑕᐅᑎᓂᒃ ᐱᕙᓪᓕᐊᓂᕐᒥᒃ ᐱᓇᓱᕝᕕᒥ;
• ᕿᓂᕐᓂᖅ, ᕿᒥᕐᕈᓂᖅ ᐊᒻᒪᓗ ᐱᕙᓪᓕᐊᓂᖅ ᖃᑭᓴᐅᑎᓂᒃ ᐱᒍᑎᑦᓴᓂᒃ ᒪᑭᕝᕕᒧᑦ;

• ᐱᐅᓂᕐᓯᐅᓂᖅ ᖃᑭᓴᐅᑎᖕᖑᕈᓇᕐᓂᒃ ᑐᑭᓯᓂᐊᕈᑎᒋᓗᒋᑦ ᓂᐅᕐᕈᓯᕐᓂᑯᑦ ᓯᕗᓂᑦᓴᖃᕐᓂᖓᓂᒃ, ᐊᖏᖃᑎᒌᒍᑎᒍᑦ ᐱᒋᐊᓕᓐᓂᒃ, ᒪᑭᑕᐅᑎᓂᒃ ᐱᓇᓱᒐᕐᓂᓗ ᓄᐃᑦᓯᒍᓐᓇᓂᖓᓂᒃ, ᑮᓇᐅᔭᓕᕆᐅᑎᖏᓐᓂᒃ, ᕿᒥᕐᕈᓗᓂᓗ ᓇᓪᓕᑳᕋᑦᓴᓂᒃ, ᐋᕐᕿᓱᐃᓂᓗᓂᓗ ᑎᒥᐅᑉ ᐃᓗᐊᓂ ᓯᕗᓪᓕᐅᔨᒍᑎᑦᓴᓂᒃ ᐊᒻᒪᓗ ᑫᒥᑎᕆᓗᓂ ᑐᖕᖓᕖᕐᕕᓴᑦᓯᐊᓂᒃ;
• ᖃᐅᔨᓴᕐᓂᖅ ᐃᓚᒋᓕᐅᑦᔨᒐᔭᕐᓂᒥᒃ ᓄᑖᓂᒃ ᑎᒥᓂᒃ ᐅᓪᓗᒥ ᑎᒥᖁᑎᐅᓕᕐᑐᓄᑦ, ᓯᕗᓂᑦᓴᖃᕈᑎᓂᓪᓗ ᐊᒻᒪᓗ ᐃᖏᕐᕋᑎᑦᓯᒍᑎᓂᒃ, ᕿᒥᕐᕈᓂᖅ ᐃᓕᒪᓇᕐᑐᓂᒃ ᐊᒻᒪᓗ ᐱᒍᑎᑦᓴᐅᒍᓇᕐᓂᒃ ᐃᑉᐱᒍᓱᑦᓯᐊᕋᓱᓐᓂᐅᑉ ᐱᕐᕈᓯᖓᑕ ᐃᓗᐊᒍᑦ (ᓄᐊᑦᓯᓂᖅ ᐊᒻᒪᓗ ᑐᑭᓯᓂᐊᕐᓂᖅ ᑮᓇᐅᔭᑎᒍᑦ ᖃᐅᔨᒪᒍᑎᓕᒫᓂᒃ, ᑲᔪᓯᑎᑦᓯᓂᖅ ᑎᒥᒥᒃ ᑲᖕᖑᓇᕿᐅᑎᓂᒃ ᐃᓚᖃᕐᑎᓗᒍ ᒪᑯᓂᖓ ROI, NPV, IRR ᐊᒻᒪᓗ ᑫᒥᑎᕆᓂᖅ ᐱᐅᔫᒍᓇᕐᓂᒃ ᖃᑭᓴᐅᑎᒥᒃ ᐱᒋᐊᕐᑎᓯᒍᑎᒋᓗᒋᑦ);
• ᖃᐅᔨᓴᕐᓂᖅ ᐊᒻᒪᓗ ᐋᕐᕿᓱᐃᓂᖅ ᑎᒥᒥᒃ ᐸᕐᓇᓯᒪᐅᑎᓂᒃ ᐊᑦᔨᒌᖕᖏᑐᓂ ᐱᓇᓱᐊᒐᕐᓂ ᖃᓗᓗᒋᑦ (ᐃᓱᒋᔪᓐᓀᓗᒋᑦ): ᐅᔭᕋᓐᓂᐊᓂᖅ, ᐃᑯᒪᓕᐅᕐᓂᖅ, ᓂᐅᕐᕈᑐᓕᕆᓂᖅ, ᐃᖃᓗᓐᓂᐊᕕᓕᕆᓂᖅ, ᐊᒻᒪᓗ ᓄᓇᓯᒍᑎᓕᕆᓂᖅ;
• ᐱᓇᓱᖃᑕᐅᓂᖅ ᐊᑦᑐᐊᔪᓄᑦ ᐱᓇᓱᑦᑎᓄᑦ ᐃᓂᓪᓚᑎᕆᓗᓂ ᐊᑕᐅᓯᖕᖑᐃᓂᕐᒥᒃ/ᐱᑖᕐᓂᒥᒃ ᑎᒥᓂᒃ, ᐃᓚᖃᕐᑎᓗᒍ ᐋᕐᕿᓱᐃᓂᕐᒥᒃ ᓈᒻᒪᑐᒥᒃ ᐊᖏᖃᑎᒌᒍᑎᒥᒃ, ᐱᓇᓱᑦᑏᑦ ᐱᓇᓱᒐᕐᑖᕈᑎᖏᓐᓂᒃ, ᑮᓇᐅᔭᕐᑖᕈᑎᓂᒃ ᐊᒻᒪᓗ ᓯᕗᓂᕐᒥ ᐊᑭᓕᕆᐊᖃᓯᒍᓐᓇᑐᓂᒃ;

• ᐊᑐᐃᓐᓇᐅᓂᖅ ᐊᐅᓪᓚᖃᑦᑕᓚᖓᓗᓂ, ᒪᓕᓪᓗᓂ ᑎᓕᔭᐅᓂᕐᒥᓂᒃ;

• ᐱᓇᓱᖃᑦᑕᓂᖅ ᐊᓯᖏᓐᓂᒃ ᐱᔭᑦᓴᓂᒃ ᐱᓇᓱᐊᒐᐅᑉ ᐃᓗᐊᓂ ᐅᕝᕙᓘᓐᓃᑦ ᒪᓕᓪᓗᓂ ᑎᓕᔭᐅᒍᑎᒥᓂᒃ ᐊᖓᔪᕐᖄᒥᓄᑦ.

Qualifications:

• ᓯᓚᑦᑐᓴᕐᕕᒥ ᐃᓕᓐᓂᐊᓯᒪᐅᑎ, MBA ᐱᔪᓇᕈᑕᐅᔪᖅ ᐊᑦᔨᐸᓱᖓᓘᓐᓃᑦ ᐱᓇᓱᐊᒐᕐᒥ ᐱᓇᓱᓕᓂᐅᓂᖅ ᐃᓱᒪᒋᔭᐅᒍᓐᓇᒥᑦᓱᓂ;
• ᐃᑭᓐᓂᐹᖓᓄᑦ ᑕᓪᓕᒪᓂᒃ (5) ᐊᕐᕌᒍᓂᒃ ᑐᕃᓐᓇᑐᒥᒃ ᐱᓇᓱᑦᑎᐅᓯᒪᓂᖅ ᑎᒥᐅᔪᓕᕆᓂᕐᒥᒃ, ᓯᕗᓂᑦᓴᓕᐅᕐᓱᓂ ᖃᑭᓴᐅᑎᓂᒃ ᐸᕐᓇᓂᕐᒥᒃ ᐊᒻᒪᓗ/ᐅᕝᕙᓘᓐᓃᑦ ᑎᒥᐅᔪᓂᒃ ᐊᑕᐅᓯᖕᖑᐃᒍᑎᓂᒃ/ᐱᑖᕈᑎᓂᒃ;
• ᐅᖃᖃᑎᖃᕐᓯᑎᒻᒪᕆᐅᒋᐊᓕᒃ ᐃᑭᓐᓂᐹᖓᓄᑦ ᒪᕐᕈᐃᓄᑦ (2) ᐅᖃᐅᓯᕐᓄᑦ ᐃᓚᐅᔪᓄᑦ ᐱᖓᓱᐃᓂ (3) ᐅᖃᐅᓯᕐᓂ: ᐃᓄᒃᑎᑐᑦ, ᖃᓪᓗᓈᑎᑐᑦ ᐊᒻᒪᓗ/ᐅᕝᕙᓘᓐᓃᑦ ᐅᐃᒍᐃᑎᑐᑦ;
• ᖃᕆᑕᐅᔭᓕᕆᓯᑎᐅᓂᖅ: Microsoft Suite (Excel, Word, PowerPoint, ᐊᓯᖏᓪᓗ);
• ᓯᕗᓕᕐᓯᑎᐅᓂᖅ, ᐅᖃᖃᑎᖃᕈᓐᓇᓯᐊᕐᓂᖅ, ᐊᒻᒪᓗ ᑐᑭᓯᓂᐊᕐᓯᑎᐅᓂᖅ;
• ᓱᕐᖁᐃᓯᒪᔪᖅ ᐱᒃᑲᑐᖕᖏᓂᖅ ᖃᓄᐃᓘᖃᑎᖃᕐᓂᒥᒃ ᖃᑭᓴᕐᑎᓂᒃ ᐊᒻᒪᓗ ᑲᕙᒪᓂᒃ;
• ᓱᖏᐅᓐᓂᐅᓂᖅ ᐃᓄᑦᑎᒍᑦ, ᐊᕙᑎᑎᒍᓪᓗ, ᐊᒻᒪᓗ ᒪᑭᑕᐅᑎᑎᒍᑦ ᐅᐊᕈᑎᒌᓂᒃ ᓱᕐᕃᔪᓂᒃ ᖃᑭᓴᕐᓂᒥᒃ ᐅᑭᐅᕐᑕᑐᒥ;
• ᖃᐅᔨᒪᓂᖅ ᑎᒥᐅᔪᑦ ᐃᓄᓐᓂᒃ ᑲᒪᑦᓯᐊᕆᐊᑲᕐᓂᖏᓐᓂᒃ ᐊᒻᒪᓗ ᐃᓄᓐᓄᑦ ᐱᑦᔪᑕᐅᔪᑦ ᑐᑭᖏᓐᓂᒃ;
• ᖃᐅᔨᒪᓂᖅ ᔦᒻᔅ ᐯᒥ ᐊᒻᒪᓗ ᑯᐯᒃ ᑕᕐᕋᖓᓂ ᐊᖏᖃᑎᒌᓐᓂᒥᒃ (JBNQA) ᐊᒻᒪᓗ ᓄᓇᕕᒻᒥ ᐃᓄᐃᑦ ᓄᓇᑖᕐᓂᖓᓄᑦ ᐊᖏᖃᑎᒌᓐᓂᒥᒃ (NILCA) ᐱᐅᒋᔭᐅᔪᖅ.

 

 

ᐃᓕᓐᓂᐊᑎᑕᐅᓂᐊᕐᑐᑦ ᐃᓚᐅᔪᐃᑦ ᐱᒍᓐᓇᓯᑎᒐᓱᓪᓗᒋᑦ ᐱᒍᓐᓇᑕᐅᒋᐊᓕᓐᓂᑦ ᐱᓇᓱᑦᑎᑖᕆᔭᐅᓯᒪᓕᕈᑎᑦ

Benefits:

ᐱᕙᓪᓕᖁᑎᓕᒫᖏᑦ ᐊᑐᐃᓐᓇᐅᑎᑕᐅᔪᑦ ᐱᓇᓱᑦᑎᖏᓐᓄᑦ ᒪᑭᕝᕕᑯᑦ ᐊᓪᓚᑕᐅᒪᔪᑦ ᒪᑭᕝᕕᑯᓂ ᐱᓇᓱᑦᑎᓕᕆᕕᒻᒥ ᒪᓕᒐᖏᓐᓂᑦ.