Makivik Job Opportunity
ᑎᒍᒪᐅᒪᔪᖃᐅᑎᒥ ᐱᓇᓱᑦᑎᒃ – ᑲᕙᒪᑐᖃᒃᑯᓂ
Job Description:
ᐊᖓᔪᕐᖄᖃᕐᓱᓂ: ᑎᒍᔭᐅᒪᕕᓐᓂ ᐱᒍᑦᔨᒍᑎᓂᒃ ᐱᓇᓱᑦᑕᐅᔪᒥᒃ ᑲᒪᔨᒃ ᐃᕐᖃᑐᐃᕕᑎᒍᕐᑐᓕᕆᕕᒻᒥ ᐱᒍᑦᔨᕕᖓᓂ
ᓇᓃᓐᓂᖓ: ᒪᓐᑐᕆᐊᓪ/ᓚᕚᓪ/ᓭᓐᑦ-ᔨᕈᒻ
ᖃᓄᐃᓕᖓᓂᖓ ᐱᓇᓱᒐᐅᑉ: ᐊᑌᓐᓇᑐᖅ, ᐱᓇᓱᒐᖅ ᐅᓪᓗᓕᒫᕐᓯᐅᑎᒃ
ᐃᓱᓕᕝᕕᖓ ᐅᓪᓗᒃ: ᐅᑦᑐᐱᕆ 30, 2026
Responsibilities:
- ᑐᑭᓯᒪᔭᐅᒋᐊᓕᓐᓂᒃ ᑐᑭᓯᑎᑦᓯᕙᓪᓗᓂ ᓴᐳᑦᔨᓗᓂᓗ ᓄᓇᕕᒻᒥᐅᓂᒃ ᑲᕙᒪᑐᖃᒃᑯᑦ ᑎᒍᔭᐅᒪᕕᒻᒦᑐᓂᒃ ᐊᓂᓂᑦᓴᖏᓐᓂ ᐊᑑᑎᔭᐅᒍᓐᓇᑐᓂᒃ, ᐃᓚᐅᑎᓪᓗᒍ ᐊᕕᑦᑐᓯᒪᔪ 84ᒥ ᐊᒻᒪᓗ ᑎᒍᔭᐅᒪᕕᒻᒥ ᐊᓂᒍᓐᓇᒪᖔᑕ ᖃᐅᔨᓴᕐᓂᓂ;
- ᐃᑲᔪᕐᓯᓗᓂ ᐱᒍᑦᔭᐅᔪᓂᒃ ᐊᑐᐃᓐᓇᕈᕐᑎᑎᓪᓗᒋᑦ ᐊᓂᓂᑦᓴᖏᓐᓂᒃ ᐊᒻᒪᓗ ᐅᑎᑦᓯᐊᓂᑦᓴᖏᓐᓄᑦ ᓄᓇᓕᒻᒥᓄᑦ;
- ᐊᓪᓚᓗᑎᑦ ᐊᓂᓂᕐᓴᖏᓐᓄᑦ ᐸᕐᓀᕈᑎᓂᒃ ᑲᑐᑦᔨᖃᑎᖃᕐᓗᓂ ᐱᒍᑦᔭᐅᔪᓂᒃ, ᑎᒍᔭᐅᒪᕕᒻᒥ ᐱᓇᓱᑦᑎᓂᒃ, ᐃᕐᖃᑐᐃᕕᑎᒍᕐᑐᓄᑦ ᑲᑎᖕᖓᔨᖏᓐᓂᒃ ᐊᒻᒪᓗ ᓄᓇᓕᒻᒥ ᐃᑲᔪᕐᓯᒍᑎᓂᒃ;
- ᓇᓗᓀᕐᓯᓗᓂ ᐃᓗᕐᕈᓯᑎᒍᑦ ᓈᒻᒪᓈᕐᑐᓂᒃ ᐱᓇᓱᑦᑕᐅᔪᓂᒃ, ᐱᒍᑦᔨᒍᑎᓂᒃ ᐊᒻᒪᓗ ᓄᓇᓕᒻᒥ ᐃᑲᔪᕐᓯᒍᑎᓂᒃ ᐃᓚᒋᔭᐅᒍᓐᓇᑐᓂᒃ ᑎᒍᔭᐅᒪᕕᒻᒥ ᐊᓂᓂᕐᓂ ᐸᕐᓀᕈᑎᒧᑦ;
- ᐊᕐᖁᑎᒋᔭᐅᓗᓂ ᐱᒍᑦᔭᐅᔪᑦ, ᑎᒍᔭᐅᒪᕕᒻᒥ ᐱᓇᓱᑦᑎᖏᓐᓄᑦ, ᐃᕐᖃᑐᐃᕕᑎᒍᕐᑐᓂᒃ ᑲᑎᖕᖓᔨᖏᓐᓄᑦ ᐊᒻᒪᓗ ᓄᓇᓕᒻᒥ ᐃᑲᔪᕐᓯᒍᑎᓕᕆᔨᓄᑦ ᐊᓂᓂᑦᓴᖓᓂᒃ ᐸᕐᓀᓂᓕᒫᖏᓐᓂ;
- ᑐᓴᐅᒪᑎᑦᓯᔨᐅᓗᓂ ᐃᓗᕐᕈᓯᒧᓕᖓᔪᓂᒃ ᐊᒻᒪᓗ ᓄᓇᓕᒻᒨᓕᖓᔪᓂᒃ ᑐᓴᐅᒪᔭᐅᒋᐊᓕᓐᓂᒃ ᓈᒻᒪᓈᕐᑐᒥᒃ ᐊᓂᒍᓐᓇᓂᐊᕐᒪᑦ ᐊᒻᒪᓗ ᐅᑎᑦᓯᐊᓂᑦᓴᖓᓂᒃ ᐸᕐᓀᕈᖁᑎᖓᓂᒃ;
- ᑲᒪᒋᔭᖃᕐᓗᓂ ᐱᒍᑦᔭᐅᔪᐃᑦ ᐊᓪᓚᑕᐅᒪᒍᑎᖏᓐᓂᒃ ᐃᓚᐅᓗᓂᓗ ᑲᑎᖕᖓᓂᕐᓄᑦ ᐊᓂᑦᑕᐅᓂᑦᓴᒧᓕᖓᔪᒥᒃ ᐊᒻᒪᓗ ᐅᑎᕐᐸᓕᐊᓂᕐᒧᓕᖓᔪᒥᒃ;
- ᐃᑲᔪᕐᓯᓗᓂ ᐱᒍᑦᔭᐅᔪᐃᑦ ᐊᑐᐃᓐᓇᕈᕐᑎᑎᓪᓗᒋᑦ ᐊᒻᒪᓗ ᐃᓚᐅᓗᓂ ᑎᒍᔭᐅᒪᕕᒻᒥ ᐊᓂᔪᑦᓴᐅᒪᖔᑦ ᐃᕐᖃᑐᐃᕕᒻᒦᓂᖏᓐᓂ;
- ᑲᒪᒋᔭᖃᕐᓗᓂ ᓄᓇᓕᒻᒥᒃ ᐃᓚᐅᑎᑦᓯᓂᕐᒧᑦ ᐊᒻᒪᓗ ᑕᑯᓂᐊᕐᐸᓗᓂ ᑲᕙᒪᑐᖃᒃᑯᑦ ᑎᒍᔭᐅᒪᕕᖏᓐᓂᒃ ᕆᐊᖃᓕᕈᓂ;
- ᐊᐅᓪᓚᑲᑦᑕᕈᓐᓇᓗᓂ, ᕆᐊᖃᓕᕈᓂ;
- ᐊᓯᖏᓐᓂᑦ ᐱᓇᓱᖃᑦᑕᓗᓂ ᐱᓇᓱᒐᕐᒥᓄᓕᖓᔪᓂᑦ ᐅᕝᕙᓗᓐᓃᑦ ᐱᓇᓱᖁᔭᐅᓕᕈᓂ ᐊᖓᔪᕐᖄᒥᓄᑦ.
Qualifications:
- ᐳᕐᑐᓂᕐᓴᓂ ᐃᓕᓐᓂᐊᕕᒻᒥᒃ ᐱᔭᕆᕈᑎᑖᕐᓯᒪᓗᓂ ᐊᑦᔨᐸᓱᖓᓂᓗᓐᓃᑦ ᐱᓇᓱᑦᑎᐅᓯᒪᓗᓂ, ᐃᓅᖃᑎᒌᓄᓕᖓᔪᓂᒃ ᐅᕝᕙᓗᓐᓃᑦ ᐃᕐᖃᑐᐃᕕᑎᒍᕐᑐᓕᕆᓂᕐᒥᒃ
- ᑐᑭᓯᒪᖃᑎᒌᓐᓂᖃᑦᓯᐊᕈᓐᓇᓗᓂ ᒪᕐᕈᔪᐊᓐᓂᒃ (2) ᐅᖃᐅᓰᓐᓂᒃ ᐱᖓᓱᐃᖑᑎᓪᓗᒋᑦ (3) ᐅᖃᐅᓰᑦ: ᐃᓄᒃᑎᑐᑦ, ᖃᓪᓗᓈᑎᑐᑦ ᐊᒻᒪᓗ/ᒍᐃᒍᐃᑎᑐᓗᓐᓃᑦ;
- ᖃᐅᔨᒪᓪᓚᕆᓗᓂ ᑐᑭᓯᒪᑦᓯᐊᓗᓂᓗ ᐃᓄᐃᑦ ᐃᓗᕐᕈᓯᓱᖓᓂᒃ, ᐱᐅᓯᑐᖃᖏᓐᓂᒃ ᐊᒻᒪᓗ ᓄᓇᕕᐅᑉ ᓄᓇᓕᖏᓐᓂᒃ;
- ᑐᓂᒪᑦᓯᐊᓗᓂ ᓴᐳᑦᔨᓂᕐᒥᓂᒃ ᐃᓄᓐᓂᒃ ᐃᓗᕐᕈᓯᑎᒍᑦ ᓈᒻᒪᓈᕐᑐᑎᒍᑦ, ᐱᓇᓱᑦᑕᐅᔪᓂᒃ, ᐱᒍᑦᔨᒍᑎᓂᒃ ᐊᒻᒪᓗ ᐃᑲᔪᕐᓯᒍᑎᓂᒃ;
- ᐱᓇᓱᖃᑎᖃᓕᓂᐅᓗᓂ ᐊᒻᒪᓗ ᐃᑲᔪᕐᓯᓂᕐᒥᒃ ᐃᓄᒻᒪᕆᓂᒃ;
- ᐱᓇᓱᓕᓂᐅᓗᓂ ᐱᒍᑦᔭᐅᔪᓂᒃ ᑲᒪᒋᔭᖃᕐᓂᒥᒃ ᐱᐅᔫᒐᔭᕐᑐᖅ;
- ᐊᑐᕈᓐᓇᓯᐊᕐᓗᓂ ᖃᕆᑕᐅᔭᒥᒃ, ᐃᓚᐅᑎᓪᓗᒋᑦ Microsoft Office (Word, Excel, Outlook, ᐊᓯᖏᓪᓗ.);
- ᐃᒻᒥᓂᕿᓗᓂ ᐱᓇᓱᒍᓐᓇᓯᐊᕐᓗᓂ ᐱᓇᓱᖃᑎᖃᑦᓯᐊᕈᓐᓇᓗᓂᓗ ᐃᓚᒋᔭᐅᓗᓂ ᐱᓇᓱᖃᑎᒥᓄᑦ;
- ᐊᐅᓪᓚᑲᑦᑕᕈᒪᓂᖃᕐᓗᓂ ᐊᐅᓪᓚᑲᑦᑕᕈᓐᓇᓗᓂᓗ ᑲᕙᒪᑐᖃᒃᑯᑦ ᑎᒍᔭᐅᒪᕕᖏᓐᓄᑦ ᓄᓇᓕᓐᓄᓗ ᕆᐊᖃᓕᕈᓂ, ᓄᓇᒃᑰᔪᕈᓐᓇᐅᑎᖃᕐᓗᓂ ᐊᑐᕈᓐᓇᓯᐊᕐᑐᒥᒃ ᐱᐅᔫᒐᔭᕐᑐᖅ;
- ᓄᐃᑕᑎᑦᓯᓗᓂ ᓵᕝᕕᐅᒍᓐᓇᓂᕐᒥᓂᒃ, ᐱᓇᓱᑦᑎᒪᕆᐅᒍᓐᓇᓂᕐᒥᓂᒃ, ᐅᖃᔭᑦᑎᐅᖏᓪᓗᓂ, ᐊᒻᒪᓗ ᓈᒻᒪᓈᕐᑐᒥᒃ ᑐᑭᑖᕈᓐᓇᓗᓂᓗ; ᐊᒻᒪᓗ
- ᐱᖁᔭᓂᒃ ᓱᒃᑯᐃᓚᐅᕐᓯᒪᒻᒪᖔᑦ ᑲᒪᒋᔭᐅᒍᑎᒥᒃ ᐊᓂᒍᐃᒋᐊᓕᒃ.
Benefits:
ᐱᕙᓪᓕᖁᑎᓕᒫᓂᒃ ᐊᑐᐃᓐᓇᐅᑎᑕᐅᔪᓂᒃ ᒪᑭᕝᕕᐅᑉ ᐱᓇᓱᑦᑎᖏᓐᓄᑦ ᓇᓗᓀᕐᑕᐅᒪᔪᓂᒃ ᒪᑭᕝᕕᑯᑦ ᐱᓇᓱᑦᑎᓄᑦ ᒪᓕᒐᓕᐊᕆᓯᒪᔭᖏᑦ
ᒪᑭᕝᕕᑯᑦ ᑐᕌᒐᖃᕐᐳᑦ ᑕᑯᓐᓈᓂᕐᓴᐅᕕᖃᕐᓂᐊᕆᐊᒥᒃ ᑫᓪᓗᑐᐃᓂᕐᓴᐅᓗᑎᓪᓗ ᐃᓄᓂᒃ ᐃᓚᐅᔪᓂᒃ ᔦᒥᔅᐯᑉ ᐊᖏᖃᑎᒌᓐᓂᖓᓄᑦ ᐱᓇᓱᒐᑦᓴᓯᐅᕐᑐᖃᓕᕐᐸᑦ.
ᓇᑯᕐᒦᐳᒍᑦ ᑖᑦᓱᒥᖓ ᐱᓇᓱᒐᕐᒥᒃ ᐱᔪᑦᓴᐅᔮᑐᓕᒫᓂᒃ.
ᐊᐱᕆᒐᑦᓴᐅᔪᕆᔭᕗᓐᓂᒃ ᑭᓯᐊᓂ ᐅᖄᓚᕕᖃᕐᓂᐊᐳᒍᑦ.
Are you interested in this position?
You can apply by filling in the form below.
You can apply by visiting our website at www.makivik.org/jobs