ᑐᓴᕋᑦᓴᓂᐅᑎᑎᒍᑦ ᑐᓴᕐᑎᓯᒍᑏᑦ
ᒪᓐᑐᔨᐊ, ᕕᕈᐊᕆ 24, 2022 – ᒪᑭᕝᕕᒃ ᑐᑭᑖᕈᑎᖃᓚᐅᕐᖁᑦ. ᑲᔪᓯᖕᖏᑑᑎᑦᓯᓚᖓᓕᕐᓱᓂ 2022-ᒥ ᐃᕙᒃᑲᓂᐅᒐᔭᕐᑐᒥᒃ. ᐃᕙᒃᑲᓂᐅᓚᖓᔪᓂᒃ ᐸᕐᓇᖃᑎᒌᑉᐸᑐᑦ ᐃᓚᖃᕐᓱᑎᒃ ᒪᑭᕝᕕᐅᑉ ᓯᕗᓕᕐᑎᖏᓐᓂᒃ ᑕᒪᑐᒥᖓ ᑐᑭᑖᕈᑎᖃᓚᐅᕐᖁᑦ ᐃᓱᒪᑦᓴᓯᐅᕈᑎᒋᑦᓯᐊᓚᐅᕐᓱᒋᑦ ᐊᒥᓱᑦ ᐱᑦᔪᑎᐅᒍᓐᓇᑐᑦ ᐃᓚᐅᑎᓪᓗᒍ ᖃᓂᒪᓐᓇᔪᐊᑉ ᐃᕐᐸᓯᒪᓂᖓ ᓄᓇᓖᑦ ᐃᓚᖏᓐᓂ ᐃᒪᐅᒻᒥᑎᓪᓗᒋᑦ ᒫᓐᓇᐅᔪᖅ ᓄᓇᕕᒻᒥ ᑎᕆᒐᓐᓂᐊᑦ ᐊᒥᓱᑦ ᖃᐅᔨᒣᓕᖓᓐᓇᑐᖃᖃᑦᑕᓂᖏᑦ. ᐊᒻᒪᓗᒋᐊᓪᓚᒃ, ᓄᓇᓕᑦᑎᒍᑦ ᐊᕐᖁᓵᑲᑕᓐᓃᑦ ᓄᐃᑦᓯᓂᖃᑐᐃᓐᓇᕆᐊᖃᕐᓂᖏᑦ ᓄᕙᓐᓇᔪᐊᖅ-19-ᒥᒃ ᐃᕐᐸᑎᑦᓯᓂᕐᒥᒃ, ᑕᒪᓐᓇᐅᓴᕐᒪᑦ ᓱᕐᖁᐃᑐᒥᒃ ᖃᓄᐃᖕᖏᓯᐊᕐᑐᓂᒃ ᑐᔪᕐᒥᐅᕕᖃᕆᐊᖃᕐᓃᑦ ᑕᒪᖕᓐᓄᑦ ᐃᕙᒃᑲᑐᓄᓪᓗ ᐃᕙᒃᑲᑐᓪᓗ ᓴᐳᒻᒥᔨᖏᓐᓄᑦ ᐃᓱᒫᓗᖑᑎᒋᓚᐅᕐᒪᒋᑦ ᒪᑭᕝᕕᐅᑉ.
21-ᖑᒍᑎᒋᓕᕐᑕᖓ ᐃᕙᒃᑲᓂᐅᕙᑦᑐᑦ ᐊᑐᐃᓐᓇᕈᕐᑎᑕᐅᓚᐅᔪᕗᖅ ᑲᖏᕐᓱᔪᐊᒥᑦ ᐊᐅᓪᓚᑎᕐᓂᐅᒐᔭᕐᓱᓂ ᒫᑦᔨ 21-ᖑᓕᕐᐸᑦ ᒪᕐᕉᓂ ᐱᓇᓱᐊᕈᓰᓐᓂ ᐃᖏᕐᕋᓂᑦᓴᒫᖑᑎᑕᐅᒐᓱᑦᓱᓂ ᐊᐅᐸᓗᒻᒧᑦ ᓱᑲᓕᐅᑎᓗᑎᒃ ᓄᕐᖃᑫᓐᓇᕋᓗᐊᕐᓗᑎᒃ ᖁᐊᕐᑕᒥᓗ ᑲᖏᕐᓱᒥᓗ. ᑲᔪᓯᓂᖃᑦᓯᐊᑐᐊᕋᒥ, ᐃᕙᒃᑲᒃ ᐊᑑᑎᔭᐅᓱᖑᕗᖅ 40 ᒥᑦᓯᑎᓐᓃᑐᓄᑦ ᐃᓄᓐᓄᑦ ᐃᓚᐅᔪᓄᑦ ᐃᕙᒃᑲᑐᓄᑦ, ᐃᓚᐅᑎᓪᓗᒋᑦ ᕿᒧᑦᓯᑏᓪᓗ ᓴᐳᒻᒥᓂᕐᒥᓗ ᐱᓇᓱᑦᑐᑦ, ᐊᐅᓚᓂᖃᕐᓱᑎᒃ ᐊᕐᖁᓯᓂᓕᐊᖑᒪᔪᒃᑯᑦ. ᓱᑲᓕᐅᑎᓂᖅ ᐃᖏᕐᕋᓂᖓᓂ, ᓄᓇᓕᓐᓄᑦ ᐊᕐᖁᓵᕐᓂᖃᕐᓃᑦ ᐊ©ᑎᔭᐅᒋᖃᓲᑦ ᑕᖁᐊᑦᓴᑕᕆᐊᓪᓚᓂᐅᑦᓱᑎᒃ, ᑕᙯᕐᓯᑫᓐᓇᓂᐅᑦᓱᑎᒃ ᐊᒻᒪᓗ ᓄᓇᓕᓐᓂ ᓱᔪᖃᕐᑎᓯᓂᐅᑦᓱᑎᒃ.
ᓄᓇᓕᓐᓂ ᐊᕐᖁᓵᕐᕕᐅᔪᓂ ᕿᒧᑦᓯᑏᓪᓗ ᐱᓇᓱᑦᑎᖏᓪᓗ ᑐᔪᕐᒥᐅᕕᖃᕆᐊᖃᓲᑦ, ᐃᓄᓐᓂ ᑐᔪᕐᒥᐅᓚᐅᕐᑐᖃᑦᑕᓲᑦ. ᐱᑦᔪᑎᐅᑎᓪᓗᒋᑦ ᑕᒐᑕᒐ ᖃᓂᒪᓐᓇᔪᐊᒧᑦ ᖃᓄᐃᓕᖓᑎᑕᐅᓃᑦ, ᐱᑕᖃᑐᐃᓐᓇᕆᐊᖃᑦᓯᐊᓱᓂᓗ ᖃᓂᒪᓐᓇᐅᑉ ᐃᕐᐸᓯᒪᓂᖓ ᓄᓇᓕᒻᒥ, ᑌᒣᑦᑎᓗᒍ ᐃᓱᒪᓇᕐᐳᖅ ᑐᔪᕐᒥᐅᕕᑦᓴᖃᑦᓯᐊᕋᔭᖕᖏᒋᐊᖓ. ᐃᓱᒪᒋᑦᓱᒋᑦ ᐃᕙᒃᑲᑐᓄᑦ ᐃᓚᐅᔪᑦ ᐊᒥᓲᓂᕆᓲᖏᑦ, ᒪᑭᕝᕕᒃ ᑐᑭᑖᕈᑎᖃᓚᐅᔪᒋᕗᖅ ᐱᑦᔪᑎᖃᕐᓱᓂ ᖃᓂᒪᓐᓇᐅᑉ ᐃᕐᐸᑎᑕᐅᒋᐊᓪᓚᑐᐃᓐᓇᕆᐊᖃᕐᓂᖓᑕ ᐱᑐᐃᓐᓇᕆᐊᖃᓗᐊᕐᓂᖓᓂᒃ. ᐃᓚᐅᒻᒥᑎᓪᓗᒋᑦ ᖃᓄᐃᖕᖏᓯᐊᕐᑐᓴᐅᓂᐅᑉ ᓇᖏᐊᕐᓇᑐᒦᓐᓂᖓᓂᒃ, ᑕᒪᒃᑯᐊ ᐱᑦᔪᑎᐅᔪᑦ ᓄᐃᑦᓯᑲᓪᓚᑐᐃᓐᓇᕆᐊᖃᕐᒪᑕ ᐊᖏᓗᐊᕐᑐᒥᒃ ᑮᓇᐅᔭᕐᑐᓂᐅᒐᔭᕐᑐᓗ ᐅᓄᕐᓯᓗᐊᕋᔭᕐᑎᓗᒋᑦ ᐃᓗᓐᓈᒍᑦ ᑮᓇᐅᔭᕐᑐᓂᕆᒐᔭᕐᑕᖏᑦ ᑕᒪᑐᒪ ᓱᔪᖃᕐᓂᐅᔫᑉ, ᑕᒪᓐᓇᑐᓇᓂᓗ ᐅᖁᒣᓪᓕᐅᕈᑎᐅᒐᔭᕐᓱᓂ ᕿᒧᑦᓯᑎᓄᑦ, ᐱᓇᓱᑦᑎᖏᓐᓄᑦ ᐊᒻᒪᓗ ᓄᓇᓕᓐᓄᑦ. ᐱᑦᔪᑎᐅᑎᓪᓗᒋᑦ ᖃᓂᒪᓐᓇᔪᐊᑉ ᖃᐅᔨᒪᔭᐅᑦᓯᐊᖏᓐᓂᖏᑦ ᐊᒻᒪᓗ ᐊᕐᖁᑌᓪᓕᑕᕈᑎᐅᒐᔭᕐᓂᖏᑦ, ᑖᓐᓇ ᐃᕙᒃᑲᓂᐅᓚᖓᓚᐅᕐᑐᖅ ᐊᕐᖁᑎᒋᓚᖓᓚᐅᕐᑕᖓᓗ ᑭᖑᕙᕆᐊᕐᑕᐅᓂᖃᕐᐳᑦ ᐊᕐᕌᒎᓚᕐᑐᑉ 2023 ᐅᑭᐅᖓᓄᕐᑕᐅᖔᕐᓱᓂ.
“ᐃᕙᒃᑲᒥᒃ ᓴᐳᑦᔨᓯᒪᑦᓯᐊᖏᓐᓇ§ᑐᖃᐅᔪᖓ, ᐃᓄᑐᐃᓐᓀᑦ ᕿᒻᒥᑐᐃᓐᓇᓄᑦ ᕿᒧᑦᓯᐸᓐᓂᖏᑕ ᐅᑎᕐᓯᒪᓂᖓᑦ ᐊᒻᒪᓗ ᐊᓯᐅᑎᑕᐅᑦᑌᓕᓂᖏᑦ ᕿᒧᑦᓰᑦ ᐱᒻᒪᕆᐅᓂᖃᕐᐳᑦ ᐊᓪᓚᖁᑎᒥᒍ ᒫᓐᓇᓗ, ᓯᕗᓪᓕᒥᓗ ᓂᒍᐊᕐᑕᐅᓯᒪᑦᓱᖓ ᒪᑭᕝᕕᒧᑦ ᐱᐅᓯᕆᒐᒃᑯ. ᓯᕗᓂᖃᕐᐳᖓ ᓴᐳᒻᒥᓯᐊᓛᕐᓱᖓ ᐱᓇᓱᒍᑎᐅᒋᐊᓕᓐᓂᒃ ᐃᕙᒃᑲᑐᑦ ᑲᔪᓯᓂᖃᑦᓯᐊᕈᑎᑦᓴᖏᓐᓂᒃ ᐃᓘᓐᓇᖏᓐᓄᑦ ᓄᓇᕕᒻᒥᐅᓄᑦ ᖁᕕᐊᒋᔭᐅᓗᓂ. 2022-ᒥ ᐃᕙᒃᑲᒥᒃ ᕿᑲᕐᑎᓯᓂᐅᓯᔪᖅ ᐱᔭᕐᓂᑑᓚᐅᖕᖏᓚᖅ ᑐᑭᑖᕈᑎᒋᒋᐊᖓ, ᑭᓯᐊᓂ ᓇᓗᓇᕐᑎᓗᒍ ᖃᓄᐃᓕᖓᔪᒦᓐᓂᖃᓯᓛᕐᓂᖅ, ᐊᒻᒪᓗ ᖃᐅᔨᒪᓇᖕᖏᓂᖓ ᓄᕙᓐᓇᔪᐊᖅ-19 ᖃᓂᒻᒪᓯᐅᑉ, ᐳᕐᑐᓂᕐᓴᑎᒍᑦ ᐃᓘᓐᓇᑕ ᐊᖏᖃᑎᒌᑦᓯᐊᓱᑕ ᑭᖑᕙᕆᐊᕐᑎᓯᓂᕐᒥᒃ ᑕᒃᑲᓂ ᐊᕐᕌᒍᒥ ᐊᑑᑎᑎᖕᖏᑫᓐᓇᓗᒍ ᐃᕙᒃᑲᒃ ᑐᑭᑖᓚᐅᕐᖁᒍᑦ ᓴᐳᑎᒋᐊᕐᓱᒋᑦ ᕿᒻᒦᑦ, ᕿᒧᑦᓯᑏᑦ, ᐃᕙᒃᑲᒧᑦ ᐱᓇᓱᑦᑏᑦ ᐊᒻᒪᓗ ᓄᓇᓖᑦ,” ᐅᖃᕐᑐᖅ ᐋᓐᑎ ᒨᖃᐅᔅ, ᐊᖓᔪᕐᖄᑉ ᑐᖓᓕᖓ ᑮᓇᐅᔭᑎᒍᑦ ᒪᑭᑉᐸᓕᐊᒐᓱᐊᕐᑐᓕᕆᓂᕐᒥ. ᒪᕿᕝᕕᒃ ᓄᓇᓕᓐᓂᒃ ᐱᓇᓱᖃᑎᖃᓚᖓᕗᖅ ᓱᕐᖁᐃᑐᒥᒃ ᕿᒧᑦᓯᑏᑦ ᓄᓇᓕᒻᒥᓂ ᓱᔪᖃᕐᓂᓴᖏᑎᒍᑦ, ᑖᒃᑯᐊ ᐅᖃᐅᓯᕆᔭᐅᓛᕐᑐᑦ ᐱᓇᓱᐊᕈᓯᐅᓚᖓᔪᓂ ᓯᕗᓂᑦᑎᓂ.
ᒪᑭᕝᕕᐅᓗ ᐃᕙᒃᑲᐅᓗ ᐊᑕᐅᑦᓯƒᕐᑎᑕᐅᓂᖓᓄᑦ ᐱᓇᓱᑦᑏᑦ ᑕᒪᑐᒥᖓ ᓄᕐᖃᖓᑫᓐᓇᑎᑦᓯᓂᕐᒥᑕ ᐅᓪᓗᖏᓐᓂᒃ ᐊᑐᓚᖓᕗᑦ ᑲᔪᓯᑎᑦᓯᓂᕐᒥᒃ ᐊᕐᕌᒍᖃᕈᑎᒋᓗᒍ ᑐᑭᓯᓂᐊᕐᓂᖃᕐᓗᑎᓪᓗ ᐃᖏᕐᕋᑎᑦᓯᒍᑎᑕᕆᓱᖏᓐᓂᒃ ᐊᓯᑦᔨᒋᐊᕆᐊᖃᕐᒪᖔᓪᓗ ᕿᒥᕐᕈᓗᑎᒃ ᐱᐅᓯᒋᐊᕆᒍᑎᒋᓛᕐᓗᒋᑦ ᓯᕗᓂᑦᑎᓂ ᐃᕙᒃᑲᑎᒍᑦ ᓱᔪᖃᕐᓂᐅᓛᕐᑐᓂᒃ. ᒪᑭᕝᕕᒃ ᕿᓚᓈᕐᐳᖅ ᐅᑎᕐᑎᓯᓂᕆᓛᕐᑕᒥᓂᒃ ᐃᕙᒃᑲᒥᒃ 2023 ᐊᕐᕌᒍᓂ!
-30-
ᖃᐅᔨᒋᐊᕐᕕᓴᖅ:
ᑳᓴᓐ ᑕᒍᕐᓈᖅ
ᑐᑭᒧᐊᑦᑎᓯᔨ ᑐᓴᖃᑦᑕᐅᑎᒍᑎᓕᕆᕕᒻᒥ
ᒪᑭᕝᕕᒃ ᐱᓇᓱᒐᖃᕐᕕᒃ
ctagoona@makivik.org
www.makivik.org
ᒪᑭᕝᕕᒃ ᓄᓇᓂᒃ ᐃᓐᓄᐃᓯᒪᓇᓱᓐᓂᒨᓕᖓᑦᓱᓂ ᐱᓇᓱᒐᖃᕐᕕᐅᕗᖅ ᑎᓕᔭᐅᒪᒍᑎᖃᕐᓱᓂ ᑲᒪᔨᐅᓚᖓᑎᓪᓗᒍ ᕿᒻᒪᖁᓯᐊᑎᒍᑦ ᑮᓇᐅᔭᖃᕐᑎᑕᐅᒍᑎᖏᓐᓂᒃ ᓄᓇᕕᐅᑉ ᐃᓄᑐᐃᓐᓇᖏᑕ ᐱᑕᖃᕐᑎᑕᐅᑦᓱᑎᒃ ᑐᖕᖓᕕᒋᑦᓱᒋᑦ ᔦᒥᓯ ᐯ ᐊᒻᒪᓗ ᑯᐯᒃ ᑕᕐᕋᖓᑕ ᐊᖏᖃᑎᒌᒍᑎᖏᑦ. ᒪᑭᕝᕕᐅᑉ ᐱᔭᑦᓴᖁᑎᑖᕐᑕᐅᒪᒍᑎᖏᑦ ᐃᓚᖃᕐᐳᑦ ᐊᐅᓚᑦᓯᓂᓕᕆᐊᖃᕐᓂᒥᒃ ᐊᒻᒪᓗ ᑮᓇᐅᔭᓕᐅᕈᑎᖃᕋᓱᓐᓂᒥᒃ ᑖᒃᑯᓂᖓ ᑮᓇᐅᔭᓂᒃ ᐊᒻᒪᓗ ᖁᕝᕙᑎᕆᓗᓂ ᒪᑭᑕᒐᓱᒍᑎᑎᒍᑦ ᐱᕈᕐᐸᓕᐊᒍᓐᓇᑐᓂᒃ ᐱᑕᖃᕐᑎᓯᕕᒋᓗᒋᑦ ᐃᑲᔪᕐᓯᒪᓂᕐᒥᒃ ᓴᕐᕿᑎᑦᓯᓇᓱᓕᕐᐸᑕ ᐃᓄᑐᐃᓐᓇᓄᑦ-ᐃᖏᕐᕋᑎᑕᐅᓚᖓᔪᓂᒃ ᐱᓇᓱᒐᖁᑕᐅᔪᒃ ᓄᓇᕕᒻᒥ. ᒪᑭᕝᕕᒃ ᖁᕝᕙᑎᕐᑕᖃᓱᖑᕗᖅ ᐊᓯᐅᑎᑕᐅᑦᑌᓕᒍᑎᖏᓐᓂᒃ ᐃᓄᑐᐃᓐᓀᑦ ᐃᓗᕐᖁᓯᖏᑕᓗ ᐅᖃᐅᓯᖓᑕᓗ ᐃᓚᖃᕐᒥᑎᓪᓗᒋᑦ ᐃᓗᓯᖃᑦᓯᐊᑐᑦᓴᐅᓂᕐᒥᒃ, ᖃᓄᐃᖕᖏᓯᐊᕐᑐᓴᐅᓂᕐᒥᒃ, ᐊᔪᕐᓴᓂᕐᒥᒃ ᓄᖑᑎᕆᓂᕐᒥᒃ, ᐊᒻᒪᓗ ᐃᓕᓐᓂᐊᓂᑦᓴᖏᓐᓂᒃ ᐃᓄᑐᐃᓐᓇᐅᔪᑦ ᓄᓇᓕᓐᓃᑐᑦ.