ᓂᕈᐊᕐᑕᐅᒋᐊᓪᓚᓯᒪᓕᕐᑎᓗᒍ ᒪᑭᕝᕕᑯᑦ ᐊᖓᔪᕐᖄᖓᑕ ᐃᓂᖓᓄᑦ ᐊᓪᓕᕇᕐᒪᑕ ᐅᓪᓛᑯᑦ, ᐱᑕ
ᐋᑕᒥᒧᑦ ᐅᖄᕕᐅᓚᐅᔪᕗᖓ ᐊᓪᓚᕕᒻᒪᕆᒻᒥᑦ ᑰᑦᔪᐊᒦᑦᑐᒥᑦ. ᐱᓇᓱᓐᓂᕗᑦ ᐊᑦᔨᑐᐃᓐᓇᐅᓚᐅᔪᕗᖅ, ᑖᑦᓱᒥᖓᑦᓭᓇᖅ ᐳᕐᑐᓂᕐᓴᐅᖃᑎᒥᓂᒃ ᐃᑲᔪᕐᑎᖃᕐᓱᓂ, ᑖᒃᑯᓂᖓᑦᓭᓇᕐᓗ ᐱᓇᓱᖃᑎᖃᕐᓱᓂ, ᖃᕆᑕᐅᔭᒃᑯᓗ ᓱᓕ ᐊᓪᓚᑖᖃᑦᑕᓱᓂ, ᓂᐱᓕᐅᕐᓯᒪᔪᓂᓪᓗ ᑐᓵᖃᑦᑕᓱᓂ, ᑲᑎᒪᕕᑦᓴᖏᓪᓗ ᐅᓪᓗᖁᑎᓕᐅᕐᓯᒪᑦᓱᑎᒃ, ᐱᔭᑦᓴᖃᕙᕐᔪᐊᓱᓂᓗ. ᓯᕗᓪᓕᐹᒍᑎᓪᓗᒍ ᐱᔭᑦᓴᒥᑕ ᐊᓪᓚᑕᐅᓯᒪᕕᖏᓐᓂ ᐃᒻᒥᓂᒃ-ᐊᐅᓚᒍᓐᓇᓯᒍᒪᓂᖅ.
“ᑕᒪᓐᓇ ᐱᒻᒪᕆ ᐊᓘᑎᓯᒪᔭᕋ ᐊᕐᕌᒍᓂ ᐊᒥᓲᓕᕐᑐᓂ, ᑲᕙᒣᑦ ᐃᓱᒪ-ᒍᓯᒥᓂᒃ ᐊᓯᑦᔩᕋᑕᖁᑦᓱᒋᑦ ᒪᓕᒐᕐᒥᓂᓪᓗ ᓄᓇᓕᑐᖃᕐᓅᓕᖓᔪᓂᒃ.” 30-ᒥᓂᑦᓂ ᐊᐱᕐᓱᑕᐅᑦᓱᓂ ᐅᖃᐅᓯᖃᓚᐅᔪᕗᖅ ᓯᓚᑎᑦᑎᓂᑦ ᐱᓯᒪᔪᓄᑦ – ᐊᑕᓂ ᐊᓘᖃᑦᑕᓯᒪᔪᓄᑦ England-ᒥ, ᐅᓪᓗᒥᓗ ᑲᓇᑕᒥ ᑲᕙᒪᐅᓕᕐᑐᓄᑦ – ᐃᓄᓐᓂᒃ ᑎᓕᐅᕐᑕ ᐅᖔᖃᑦᑕᓲᒍᓚᖓᒍᓐᓀᓂᕃᑦᓱᓂ ᖃᓄᖅ ᓄᓇᕕᒻᒥᐅᑦ ᐃᓅᓯᖃᕐᑐᓴᐅᒻᒫᖔᑕ. “ᑌᒪᐅᓕᕐᖁᖅ, ᐱᑕ ᓚᒋ ᐊᓪᓛᖃᑦᑕᑐᕕᓂᖅ ᐊᐱᕐᓱᑕᐅᓂᕐᒥᓂ.
“ ᐊᑎᓕᐅᕐᕕᖃᕐᓱᖓ ᐱᓂ ᐊᕐᓂᓕᕆᓂᕐᒧᑦ ᐊᖏᖃᑎᒌᒍᑎᒥᒃ ᑎᓯᒻᐸ 20, 2023-ᒥ, ᒪᓐᑐᕆ ᐊᓪᒥ ᑯᐯᒃᑯᑦ ᐊᖓᔪᕐᖄᖓᓂᒃ ᐊᑎᓕᐅᖃᑎᖃᕐᓱᖓ, ᑐᑭᓯᑎᑦᓯᓯ-ᐊᓚᐅᕐᓯᒪᕗᖓ ᑐᓴᕋᑦᓴᓂ ᐊᕐᑐᓂᒃ ᐊᐅᓚᑦᓯᒍᒪᓕᕐᓂᒥᒃ ᐊᓇᕐᕋᓯ ᒪᕕᑦᑎᓂᒃ, ᓇᒧᖕᖓᓕ ᐊᕈᒪᓂᑦᑎᓂᓪᓗ, ᑲᕙᒣᑦ ᐱᓇᓱᖃᑎᒋᑦᓯ ᐊᓗᒋᑦ.”
ᐱᑕ ᑕᒪᑐᒥᖓᑦᓭᓇᓕᒫᖅ ᑐᓴᕐᑕᐅᑎᑦᓯᓲᒍᓯᒪᔪᖅ ᐱᓂ ᐊᕐᓂᓕᕆᔨᐅᓂᓕᒫᒥᓂ. ᐅᑎᕆ ᐊᕐᓗᑕ 1995-ᒧᑦ ᐊᕙᑎᓂᒃ ᐊᕐᕌᒍᓂ ᖁᕕ ᐊᓲᑎᒋᔭᐅᑎᓪᓗᒍ ᔦᒥᓯ ᐯᒥ ᑯᐯᒃᓗ ᑕᕐᕋᖓᓂ ᐊᖏᖃᑎᒌᒍᑎᒃ, ᐱᑕ ᒪᑭᕝᕕᒧᑦ ᑮᓇᐅᔭᓕᕆᔨᒻᒪᕆᐅᓯᒪᔪᖅ. ᐊᐱᕆᓚᐅᕐᓯᒪᔭᕋ ᓱᒧᑦ ᐱᓂ ᐊᕐᓂᓕᕆᓂᕐᓂᒃ ᓯᕗᓕᕈᒪᓚᕿᓯᒪᒻᒪᖔᑦ. “ᓈᒻᒪᓴᓚ-ᐅᕐᓯᒪᖕᖏᓇᒪ ᓄᓇᓕᑦᑎᓄᑦ ᑎᑭᑦᑐᑦ ᐃᓱᒣᓐᓇᕿᐅᑎᖃᑐᐃᓐᓇᓲᒍᒋ ᐊᖏᓐᓂᒃ ᓱᓇᓱ ᐊᕈᒪᔭᒥᓂᒃ,” ᐅᖃᕐᑐᕕᓂᖅ ᐱᑕ. “ᐱᓂ ᐊᕐᓂᓕᕆᖃᑕᐅᒍᒪᓚᕿᑦᓱᖓ, ᐃᓅᖃᑎᒃᑲ ᐊᐅᓚᑕᐅᑐᐃᓐᓇᖁᓇᒋᑦ ᓄᓇᓕᑦᑕ ᓯᓚᑖᓃᑦᑐᓄᑦ.”
ᐊᐅᓚᔨᔪᖅ ᓇᐅᓕᒫᑦ ᑲᑎᒪᑎᑕᐅᑎᓪᓗᒋᑦ ᑲᑎᒪᔪᓃᑦᓱᓂ ᑰᑦᔪ-ᐊᒥ ᑲᑎᒪᒍᑕᐅᑎᓪᓗᒍ ᔦᒥᓯ ᐯᒥ ᐃᑯᒪᐅᑎᑦᓴᓕᐅᕐᓂᒧᑦ ᐱᓇᓱᑦᑕᐅᔪᖅ. ᐅᕕᒐᕐᑐᒪᕆᐅᑦᓱᓂ ᓱᓕ, ᐅᑭᐅᖃᕐᓱᓂ 14-ᓂᒃ 15-ᓂᓪᓘᓃᑦ 1970 ᐱᒋ ᐊᕐᓂᖏᓐᓃᓱᑕ. “ᐃᓄᓐᓄᑦ ᑕᑯᓐᓇᑕᐅᖃᑦᑕᓯᒪᔪᖓ. ᓱᒐᓱ ᐊᕐᑐᕈᓈ ᑐᕈᓯᖅ ᑲᑎᒪᔪᓂ ?” ᑭᓯ ᐊᓂᓕ ᐱᓂ ᐊᕐᓂᓕᕆᕙᓐᓂ ᐊᓂᕐᒧᑦ ᐊᑐᐃᓐᓇᕈᕐᑎᕙᓪᓕ ᐊᑐᕕᓂᖅ ᒪᑭᕝᕕᒧᑦ ᐊᖓᔪᕐᖄᖑᑐᐃᓐᓇᕋᑕᕐᓱᓂ.
ᐱᖕᖑᐊ ᑎᓯᔨᓄᑦ ᑲᑎᒪᔨᐅᓯᒪᒻᒥᔪᖅ, ᐱᖕᖑᐊ ᑎᑦᓯᔨᓄᓪᓗ ᐊ ᖓᔪᕐᖄ ᒍᓯᒪ ᑦᓱᓂ, ᑲᕙᒫᐱᒃᑯᓄᑦ ᑲᑎᒪᔨᐅᓯᒪᑦᓱᓂ, ᓄᓇᒥᒃ ᑎᒍᒥ ᐊᕐᑎᑯᓐᓄᑦ ᑲᑎᒪᔨᐅᓯᒪᑦᓱᓂ ᐊᖓᔪᕐᖄᖑᕐᒥᓱᓂ, ᓂᕈ ᐊᕐᑕᐅᒥᑦᓱᓂ ᒪᑭᕝᕕᒧᑦ ᑲᑎᒪᔨᖕᖑᖃᑕᐅ ᑦᓱᓂ ᑰᑦᔪ ᐊᒥᐅᓂᒃ ᑭᒡᒐᑐᕐᓗᓂ 1987-ᒥ. ᓂᕈ ᐊᕐᑕᐅᓂᕐᒥᓱᓂ ᒪᑭᕝᕕᒧᑦ ᑮᓇᐅᔭᓕᕆᔨᒻᒪᕆᐅᓂᕐᒧᑦ 1993-ᒥ, ᒪᑭᕝᕕᒧᓪᓗ ᐊᖓᔪᕐᖄᖑᕆᐅᕐᓱᓂ ᓯᕗᓪᓕᐹᒥ 1998-ᒥ, ᑌᒪ ᔫᐱ ᑕᕐᕿ ᐊᐱᒃ ᐊᖓᔪᕐᖄᖑᕐᓂ ᐊᓕᕐᒥᒪᑦ 2012-ᒥᑦ 2018-ᒧᑦ. ᓵᓕ ᒍ ᐊᑦ ᐊᕐᕌᒍᓂ ᐱᖓᓱᓂ ᐊᖓᔪᕐᖄᖑᕐᓂ ᐊᓕᕐᒥᒪᑦ 2018-2021-ᒧᑦ, ᐱᑕ ᐅᑎᕆ ᐊᓪᓚᒥᑦᓱᓂ ᐊᖓᔪᕐᖄᒍᓂᕐᒧᑦ ᒪᑭᕝᕕᒧᑦ.
ᐱᑕ ᒪᑭᕝᕕᒦᒍᓐᓀᕋᒥ ᐃᓄᐃᑦ ᖃᖓᑦᑕᔫᓕᕆᓂᖓᓄᑦ ᐊᖓᔪᕐᖄᒍᓯᒪᔪᖅ, ᓄᓇᕕᒻᒥ ᐱᓂ ᐊᕐᓂᓕᕆᔪᓂᒃ ᐊᖑᒪᑦᓯᒐᓱ ᐊᖏᓐᓇᓕᒫᕋᓗ ᐊᕐᓱᓂ. “ᐃᑲᔪᕐᓯ-ᒪᖃᑦᑕᓯᒪᔪᖓ ᓄᐃᑕᓪᓗ ᐊᖏᑦᑐᑯᑦ. ᐆᑦᑐᕋᐅᑎᒐ, ᓂᐸᖃᕈᑎᙯᓐᓇᐸᑦᓱᖓ ᕿᒻᒦᔭᕐᑕᐅᓂᕕᓂᐅᑉ ᐱᓇᓱ ᐊᕐᑕᐅᓂᖓᓂᒃ. ᐊᓪᓚᕕᖃᕐᐸᓱᖓ ᔫᐱ ᑕᕐᕿ ᐊᐱᒻᒥᒃ ᓵᓕ ᒍ ᐊᑦᒥᓪᓗ, ‘ᑕᒪᑐᒥᖔ ᐱᒡᒐᑕᕋᓱ ᐊᕈᓐᓇᐱᓯ’ ᓚᓐᓂᖃᑦᑕᓱᓂ.”
ᐱᑕ ᓂᕈ ᐊᕐᓇᐅᑎᓪᓗᒍ ᕕᐳ ᐊᕆ 1, 2024-ᒥ, ᐃᓚᒥᓂᒃ ᐊᓇᕐᕋᓯ ᒪᖃ ᑎᖃᕐᓂᕋᕐᑐᕕᓂᖅ ᑰᑦᔪ ᐊᒥ. ᐅᓐᓄᓴᐅᓕᕐᒪᑦ ᓂᕈ ᐊᕈᑎᕕᓃᑦ ᐊᓪᓚᑕᕕᓃᑦ ᒪᑭᕝᕕᐅᑉ ᖃᕆᑕᐅᔭᒃᑯᑦ ᑐᓴᕋᑦᓴᖃᕐᕕᖓᓄᑦ. ᓵᓚᓕᕕᓂᖅ 70%-ᐅᖓ ᑖᓅᕐᑐᓄᑦ ᓂᕈ ᐊᕐᑕᐅᓱᓂ ᓂᕈ ᐊᕐᑕᐅᒐᓱ ᐊᖃᑎᕕᓂᒋᓪᓗ – ᖄᔨ ᑐᓗᒐᖅ 15%-ᓄᑦ ᓂᕈ ᐊᕐᑕᐅᑎᓪᓗᒍ, ᓲᓯ ᖃᐅᒃᑫᓗ 13%-ᓄᑦ ᓂᕈ ᐊᕐᑕᐅᑎᓪᓗᒍ.
ᐊᓯᖏᑦ ᐱᔭᑦᓴᕆᒻᒥᔭᖏᑦ ᓂᕈ ᐊᕐᑕᐅᓯᒪᓕᕐᓱᓂ ᐃᓚᖃᕐᐳᑦ ᐅᕕᒐᕐᑐᐃᑦ ᓴᐳᒻᒥᔨᖏᓐᓅᓕᖓᔪᓂᒃ ᖃᓄᐃᓕᒋ ᐊᕈᑎᖃᕆ ᐊᖃᕐᓂᒥᒃ ᐃᓄᐃᑦ ᕿᑐᕐᖓᖏᑦ ᓄᓇᕕᐅᑉ ᓯᓚᑖᓅᕐᑕᐅᖃᑦᑕᖁᓇᒋᑦ. ᐊᖏᖃᑎᒌᒐᓱ ᐊᕆ ᐊᓪᓚᕈᑕᐅᓂᖏᓐᓂᒃ ᓴᓇᕐᕈᑎᓕᕆᓂᕐᒧᑦ ᐊᖏᖃᑎᒌᒍᑎᐅᑉ, ᐃᓱᓕᓛᕐᓂ ᐊᓕᕐᑑᑉ 2027 ᓄᖕᖑ ᐊᓂ, ᑕᒪᓐᓇ ᐱᔭᑦᓴᕆᒻᒥᔭᖓ. ᐱᓇᓱᖃᑎᖃᑦᓯ ᐊᕆ ᐊᓪᓚᖃᑦᑕᓛᕐᓂᒥᓂᒃ ᓄᓇᕕᒻᒥ ᓄᓇᒥᒃ ᑎᒍᒥ ᐊᕐᑎᓂᒃ ᓂᕈ ᐊᕐᑕᐅᒐᓱ ᐊᕈᑎᒥᓄᑦ ᐃᓚᐅᑎᑦᓯᓂᕐᒥᔪᖅ. ᒪᑭᕝᕕᓗ ᐃᑲᔪᕐᓯᒋ ᐊᕐᓯᒪᓪᓚᕆᒻᒥᔪᖅ ᐊᕙᑕᒃᑯᓂᒃ ᑎᓕᔭᐅᒪᐅᑎᒥᓄᑦ ᑎᑭᐅᑎᒐᓱ-ᐊᕐᑎᓗᒋᑦ – ᓴᐳᒻᒥᒋ ᐊᑦᓯ ᐊᓂᕐᒥᒃ ᐃᓄᒃᑎᑑᖃᑦᑕᕆ ᐊᖃᕐᓂᒥᒃ ᐃᓄᐃᓪᓗ ᐃᓕᕐᖁᓯᖓᓂᒃ – $36-ᒥᓕ ᐊᓐᓂᒃ ᐊᖏᖃᑎᒌᒍᑎᖃᕐᓂᒥᒃ ᑲᔪᓯᑎᑕᐅᓂᑦᓴᖓᓄᑦ ᐃᓄᒃᑎᑑᖃᑦᑕᕆ ᐊᖃᕐᓂᐅᑉ ᐱᐅᓕ ᐊᕐᑕᐅᒋᖃᕐᓂᖓᑕ ᐱᓇᓱ ᐊᕐᑕᐅᒍᑎᑦᓴᖏᓐᓂᒃ. ᒪᑭᕝᕕᒃ ᐊᑎᓕᐅᖃᑎᖃᕐᓂᒥᔪᖅ ᐊᖏᖃᑎᒌᒍᑎᒥᓂᒃ ᐊᕙᑕᒃᑯᓂᒃ ᓄᓇᕕᒻᒥ ᑏᓕᕆᓂᕐᒥᒃ ᐊᐅᓚᑦᓯᖔᕐᓂ ᐊᓕᕐᓗᑎᒃ, ᑕᒪᓐᓇᓗ ᑕᒪᒋᓐᓄᑦ ᐱᓇᓱᕝᕖᓄᑦ ᓈᒻᒪᓈᑦᓯ ᐊᓱᓂ ᐅᖃᕐᑐᖅ ᐱᑕ. “ᑮᓇᐅᔭᓕᐅᕈᑎᒋᓂ ᐊᕈᑦᑎᒍ ᑕᒪᓐᓇ, 100%-ᖏᑦ ᑮᓇᐅᔦᑦ ᐅᑎᖃᑦᑕᓛᕐᑐᑦ ᐊᕙᑕᒃᑯᓄᑦ.”
1995-ᒥ ᐱᑕ ᑮᓇᐅᔭᓕᕆᔨᒻᒪᕆᐅᑎᓪᓗᒍ, ᒪᑭᕝᕕᐅᑉ ᐃᓚᐅᔪᖁᑎᖏᑦᑕ ᑮᓇᐅᔭᖏᑦ $134-ᒥᓕ ᐊᓐᒍᓐᓂᖁᑦ ᑐᓂᕐᕈᑎᕕᓂᖏᓪᓗ $40-ᒥᓕ ᐊᓐᓃᑲᓵᑦᓱᑎᒃ. ᐅᓪᓗᒥ ᐃᓚᐅᔪᖁᑎᖏᑦᑕ ᑮᓇᐅᔭᖏᑦ $636-ᒥᓕᓃᑐᐃᓐᓇᕆ ᐊᖃᓕᕐᑐᑦ, ᑐᓂᕐᕈᑎᕕᓂᖏᓪᓗ $147 ᒥᓕ ᐊᓐᓃᓕᕐᓱᑎᒃ.
“ᐅᐱᒍᓱᑦᑐᒪᕆᐅᕗᖓ ᐱᔭᕆᒍᓐᓇᓯᓯᒪᔭᑦᑎᓂᒃ ᑮᓇᐅᔭᖃᕐᑎᑕᐅᓯᒪᒍᑎᑦᑎᓄᑦ, ᐃᑭᓐᓂᓴᒻᒪᕆᐅᒐᓗ ᐊᕐᑎᓗᒋᑦ ᑲᕙᒪᒃᑯᑦ ᑮᓇᐅᑦᔭᕈᑎᒋᓲᖏᓐᓂᑦ ᐱᓇᓱᑦᑕ-ᐅᔪᑦᓴᓂᑦ,” ᐱᑕ ᐅᖃᕐᑐᕕᓂᖅ, ᐅᖃᐅᓯᖃᕐᓱᓂᓗ ᐱᔭᕆᒍᓐᓇᓯᓯᒪᔭᖏᓐᓂᒃ ᒪᑭᕝᕕᐅᑉ ᐊᕐᕌᒍᓂ ᐊᓂᒍᕐᑐᓂ ᓄᓇᓕᓐᓂ. “ᓴᓇᔭᐅᓯᒪᓂᖏᓐᓂᒃ ᖁ ᐊᓴᕐᕖᑦ (ᓯ ᐊᕐᕆᔭᕐᕖᑦ) ᐱᖕᖑ ᐊᕖᑦ, ᒥᕐᓱᕖᓪᓗ.”
ᐊᕐᕌᒍᓂ ᖃᒻᒥᐅᓂᕐᐹᓂ ᓇᐅᓕᒫᓄᑦ ᐅᖃᕈᓐᓇᐸᓕᕐᑐᖅ ᓂᕆᐅᓐᓂᖃᕐᓂᓴᒻᒪᕆ-ᐅᓕᕐᓱᓂ, ᓭᒻᒪᐅᑎᓂᖃᕆ ᐊᖃᕐᐸᑎᓪᓗᒍ. ᐆᑦᑐᕋᐅᑎᒐ, ᐊᕐᕌᓂ ᐊᐅᔭᖅ ᐃᓄᐃᑦ ᐅᑭᐅᕐᑕᑐᕐᒥᐅᒍᖃᑎᒌᑦ ᑲᑎᒪᔨᖏᑦ ᑲᑎᒪᓂᖃᕐᑎᓗᒋᑦ ᐃᓗᓕᓵᑦᒥ, ᑲᓛᓰᑦ ᓄᓇᖓᓂ, ᐅᖃᐅᓯᖃᕐᓂᖁᖅ ᐅᒥ ᐊᕐᕈ ᐊᓕᕆᓂᐅᑉ ᐊᐅᓚᑕᐅᒍᓯᖓᓂᒃ, ᐊᑦᓯᔭᐅᒍᓯᖓᓂᒃ Northwest Passage ᐃᓄᒃᑎᑐᑦ ᐊᑦᓯᔭᐅᒍᓯᕕᓂᖓᓄᑦ ᐅᑎᕐᑎᑕᐅᖁᔨᑦᓱᓂ ᑕᓪᓗᕈᑎᐅᑉ ᐃᒪᖓ-ᓚᔪᒧᑦ. “ᓱᓇᓕᒫᓂᒃ ᐊᑦᓰᖃᑦᑕ ᓯᒪᓕᕇᕋᑦᑕ,” ᐅᖃᕐᑐᑦ ᐱᑕ. “ᑌᒃᑯ ᐊᓗ ᑎᑭᓕᑌᓐᓇᖃᑦᑕᓯᒪᔪᑦ ᐊᑦᓰᖃᑦᑕᓯᒪᒻᒪᑕ, ᐊᑦᓯᔭᐅᓯᒪᓕᕇᕐᑐᓂᒃ.”
ᑕᒪᓐᓇ ᓇᓗᓀᑦᓯ ᐊᑕᕕᓂᖓ ᓄᓇᖕᖑ ᐊᒥᒃ ᐁᑦᑐᐃᓱᓂ, ᐊᕙᑕᒃᑯᑦ ᓄᓇᖕᖑ-ᐊᓕ ᐊᕆᓯᒪᔭᖓᓂᒃ, ᑯᐯᒃᑯᑦ ᐊᖓᔪᕐᖄᖓᓂᒃ ᑎᓯᒻᐸᒥ ᒪᓐᑐᕆ ᐊᓪᒦᑦᓱᑎᒃ. “ᐃᓄᒃᑎᑑᕐᑐᓕᒫᒍᑎᓪᓗᒋᑦ ᓄᓇᖕᖑ ᐊᖓᓃᑦᑐᑦ ᓄᓇᕕᐅᑉ, ᑕᓯᖏᓪᓗ ᑰᖏᓪᓗ.”
ᐊᐱᕐᓱᕇᓕᕐᓱᒍ 1995-ᒥ ᐊᐱᕐᓲᑎᒋᓯᒪᒻᒥᔭᕐᓃᕙᖓ ᐊᐱᕐᓱᓚᐅᔪᔭᕋ, ᓱᓇᒥᒃ ᓯᕗᓂᑦᓴᓕᐅᕈᒪᕕᑦ ᐊᕐᕌᒎᓚᖓᔪᓂ ᑕᓪᓕᒪᓂ ᖁᓕᓐᓂᓘᓐᓃᑦ ᐱᑖ ? ᑌᑦᓱᒪᓂ ᐄᒐᕐᕕᓕᕆᓂᕐᒥᒃ ᐱᔭᕇᕐᑕᐅᓯᒪᖁᔨᓂᕋᕐᓯᒪᔪᖅ ᐊᕐᕌᒍᐃᑦ ᖁᓖᑦ ᓈᓚᐅᕐᑎᓇᒋᑦ, ᑕᕐᕋᒥᐅᓂᓪᓗ ᐊᒥᓲᓂᕐᓴᓂᒃ ᐃᓅᓯᒃᑯᑦ ᒪᑭᒋ ᐊᑦᓯ-ᐊᓯᒪᖁᔨᔪᕕᓂᐅᑦᓱᓂ. 2024-ᒥ ᐅᖃᕐᑐᕕᓂᖅ, “ᓯᕗᓂᑦᓴᕆᒍᒪᓯᒪᔭᑦᑎᓄᑦ ᑎᑭᐅᑎᒍᒪᕗᒍᑦ, ᑎᒍᓯᒋ ᐊᕐᓗᑕ ᓇᒧᖕᖓᓕ ᐊᕈᒪᓂᑦᑎᓂᒃ. ᓴᐱᓕᑐᐃᓐᓇᓲᒍᖕᖏᑑᖃᑕᐅᕗᖓ, ‘ᕿᐱᓗᑦᑕᐅᑐᐃᓐᓇᕈᒪᓲᒍᓇᖓᓗ’. ᑐᑭᑖᑦᓯ-ᐊᕋᓱ ᐊᖔᖃᑦᑕᑕ.”
