ᖁᐊᕐᑕᒥ ᐊᕐᕌᒍᑕᒫᕐᓯᐅᑎᒥᓂᒃ ᑲᑎᒪᓂᒻᒪᕆᖃᕐᑎᓗᒋᑦ ᒪᑭᕝᕕᑯᑦ ᓄᓇᕕᒻᒥᐅᑦ ᐊᓐᓇᑐᐃᖃᑦᑕᓯᒪᔪᑦ ᐃᓅᖃᑎᒥᓂᒃ ᐅᐱᒋᔭᐅᓂᖃᓚᐅᔪᕗᑦ. ᐊᕐᕌᒍᑕᒫᑦ, ᐊᑕᐅᓯᐅᑦᑎᑐᑦ ᐃᓕᑕᕆᔭᐅᓂᖃᓲᒍᒻᒪᑕ ᓴᐱᕐᑌᑑᓯᒪᓂᕐᒥᓄᑦ, ᐃᒻᒥᓂᒃ ᐊᑦᑕᓇᕐᑐᒨᕆᒐᓗᐊᕋᒥᒃ. ᑕᕝᕙᓂ ᐊᕐᕌᒍᒥ ᐅᐱᒋᔭᐅᒍᑎᑖᕐᑐᕕᓃᑦ ᓴᐱᕐᑌᑑᓯᒪᒐᒥᒃ, ᐊᓯᒥᓂᖔᖅ ᐊᓐᓇᑐᐃᒐᓱᐊᕐᓱᑎᒃ.
ᐅᓂᒃᑳᓚᖓᔭᑦᑎᓄᑦ ᐃᓚᒋᔭᐅᕘᒃ ᐃᓓᑦᔭ ᓵᓐᑕᓗ ᖁᓪᓕᖅ ᐊᕐᓇᑐᕐᓗ, ᐅᐱᒍᓲᓯᕐᑕᐅᓚᐅᔫᒃ ᓴᐱᕐᑌᑑᓯᒪᓂᕐᒥᓄᑦ ᐊᒪᓖ ᐃᐳ ᓵᓐᑕᒥᒃ ᐊᓐᓇᑐᐃᓐᓂᕋᒥᒃ. ᒣ 2020-ᒥ, ᐊᒪᓖ ᐆᑦᑐᕕᓂᐅᕗᖅ ᓯᓚᒥ ᐃᑯ ᐊᓚᑦᓯᓱᑎᒃ. ᐃᓓᑦᔭᓗ ᖁᓪᓕᓗ ᑲᒪᒋ ᐊᓯᑦᓴᐅᑎᒋᔪᕕᓃᒃ, ᐃᑯ ᐊᓚᒥᒃ ᖃᒥᑎᕆᑦᓱᑎᒃ, ᐊᒪᓖᒥᓪᓗ ᐋᓐᓂ ᐊᕕᓕ ᐊᕈᑦᔨᓱᑎᒃ. ᑲᒪᒋᔭᐅᑦᓴᐅᑎᒋᓐᓂᕋᒥ ᐊᒪᓖ ᐊᓐᓇᑎᑕᐅᓐᓂᖁᖅ, ᐃᓱᒪᒐᓱ ᐊᑦᓴᐅᑎᒋᔪᖃᕐᓂᒪᑦ ᑐᑭᑖᕋᓱ ᐊᑦᓴᐅᑎᒋᔪᖃᕐᓱᓂᓗ ᐅᐃᒪᓇᕐᑐᖃᓕᕐᑎᓗᒍ.
ᓴᐱᕐᑌᑑᓯᒪᒻᒥᔪᑦᑕᐅᖅ ᓯᑕᒪᐅᔪᖕᖏᒐᕐᑐᓂᒃ ᐅᑭᐅᓕᒃ ᑐᑭᕐᕿ ᐅᕿᑦᑐᖅ, ᓄᑳᐱᒻᒥᓂᒃ, ᔫᓕ-ᐋᓐ ᐅᕿᑦᑐᒥᒃ ᐊᓐᓇᑐᐃᓯᒪᔪᖅ ᕿᒻᒥᒧᑦ ᐅᒋ ᐊᕐᑕᐅᓯᑎᓪᓗᒍ. ᐃᒻᒥᓂᒃ ᐊᑦᑕᓇᕐᑐᒨᕆᒐᓗᕋᒥ, ᑐᑭᕐᕿ ᕿᒻᒥ ᐊᓗᒻᒥᒃ ᐃᕐᓯᓇᕐᑐ ᐊᓗᒻᒥᒃ ᕿᑲᕐᑎᓯᒍᓐᓇᑐᕕᓂᖅ ᐃᑲᔪᕐᑎᓴᒥᒃ ᓄᐃᔪᖃᓚᐅᕐᑎᓇᒍ. ᐊᓈᓇᒥᓄᑦ ᐃᑲᔪᕐᑕᐅᓱᓂ, ᕕᑭ ᐅᕿᑦᑐᒧᑦ, ᓄᓇᕐᖃᑎᒥᓄᓪᓗ ᐄᑐ ᐊ ᓴᑭ ᐊᒐᕐᒧᑦ, ᓂᕕ ᐊᕐᓯ ᐊᕌᐲᒃ ᐊᓐᓇᒋ ᐊᕐᑐᕕᓕ ᐊᕈᑦᔭᐅᓂᕐᖂᒃ. ᑐᑭᕐᕿ ᐃᒻᒥᓂᒃ ᐊ ᑦᑕᓇᕐᑐᒨᕋᓗᐊ ᕋᒥ ᓴᐳᑦᔨᔪᕕᓂᖅ ᓄᑲᕐᒥᓂᒃ ᓴᐲᕈᑦᓱᓂ ᓱᓇᑐᐃᓐᓇᑎᒎᖃᑦᑕᕋᓗ ᐊᕋᒥᓪᓗ ᒪᑭᒋ ᐊᑦᓯ-ᐊᖔᓲᒍᒻᒪᑕ ᓄᓇᕕᒻᒥᐅᑦ ᐅᕕᒐᕐᑐᖏᑦ ᑌᒣᑐᐃᓐᓇᓱᓂ.
ᒍᐃᓕᐊ ᓂᖏᐅᖅ ᐅᐱᒍᓲᓯᕐᑕᐅᓂᕐᒥᔪᖅ ᐊᓐᓇᑐ ᐃᓐᓂᒥᒐᒥ ᑕᕐᕿᑕ ᐱᒋ ᐊᕐᓂᖓᓂ ᐃᕐᓂᒥᓂᒃ, ᐁᓴᔭ ᐃᓄᒃᐸᒥᒃ, ᐃᒫᑐᐃᓐᓇᕆ ᐊᖃᓕᕐᑐᒥᒃ. ᐃᖃᓗᑦᓯᐅᕆ ᐊᕐᓯᒪᑦᓱᑎᒃ ᐆᒐᕐᓯᐅᕕᒻᒥ, ᐁᓴ ᐃᒫᓄᑦ ᑲᑕᑦᑐᕕᓂᖅ, ᐊᐳᓯᕐᓯᒪᓂᖓᓃᑦᓱᓂ. ᒍᐃᓕᐊ ᓯᑯᑎᒍᑦ ᐁᒋ ᐊᑦᓴᐅᑎᒋᔪᕕᓂᖅ ᐊᒧᑦᓱᒍ ᐄᒃᑮᓇᕐᑐ-ᐊᓗᒻᒥᑦ ᐃᒪᕐᒥᑦ, ᐊᓐᓇᑐᐃᔪᕕᓂᖅ ᐃᕐᓂᒥᓂᒃ. ᒍᐃᓕ ᐊ ᓴᐱᕐᑌᑑᓂᕐᒥᓄᑦ ᐃᓱᒪᑦᓯ ᐊᕋᓱ ᐊᕐᓂᒥᓄᓪᓗ ᐊᕐᓱᕈᓐᓇᑑᓕᕐᑎᓗᒍ ᓄᐃᑕᑎᑦᓯᓂᕐᖁᖅ ᐱᓪᓚᕆᐅᒋ-ᐊᖓᓂᒃ ᐊᑐᐃᓐᓇᐅᒋ ᐊᖃᕐᓂᐅᑉ ᓴᐱᓕᕐᑌᓕᒋ ᐊᖃᕐᓂᐅᓗ ᐅᐃᒪᓇᕐᓯᔪᖃᕐᑎᓗᒍ.
ᑭᖑᓪᓕᐸᐅᑎᓪᓗᒍᓗ, ᐃᓅᒍᓐᓀᑐᖅ ᓵᓐᑎ ᑯᓘᓇᔅ ᐅᐱᒍᓲᑎᐅᓐᓂᕆᕗᖅ ᐊᓐᓇᑐᐃᓯᒪᓂᕐᒥᓄᑦ ᐃᓅᒍᓐᓀᓚᕿᐅᑎᒋᑦᓱᒍ ᓯᑦᑎᒻᐸ 2023-ᒥ. ᐃᖃᓪᓕ-ᐊᓱᑎᒃ, ᓵᓐᑎ ᐃᓅᒍᓐᓀᓚᕿᑦᓱᓂ ᐊᓐᓇᑐᐃᓐᓂᖁᖅ ᐃᕐᓂᒥᓂᒃ ᓇᔪᕐᑎᒋᑫᓐᓇᖃᑦᑕᑕᒥᓂᒃ ᐅᒥ ᐊᖓᑦ ᐊᔪᑎᓪᓗᒍ ᓯᑦᔭᒥᑦ. ᐅᒥ ᐊᕐᒥᒃ ᓯᑦᔭᒨᕐᓯᒍᓐᓇᓯᒐᓗ-ᐊᕐᓱᓂ, ᓵᓐᑎ ᐃᒪᐅᑉ ᐃᕗᓂᖓᓃᓪᓗ ᐊᓕᕐᓱᓂ ᐃᓅᒍᓐᓀᓚᐅᔪᕗᖅ. ᓴᐱᕐᑌᑑᓂᕐᒥᓄᑦ ᐊᓐᓇᑐᐃᓐᓂᖁᖅ ᐃᕐᓂᒥᓂᒃ ᓇᔪᕐᑎᒋᑫᓐᓇᖃᑦᑕᑕᒥᓂᒃ, ᖃᐅᔨᒪᔨᓕᒫᒥᓄᑦ ᐃᕐᖃᐅᒪᔭᐅᕙᓚᖓᓕᕐᓱᓂ ᓴᐱᕐᑌᑑᓂᕆᓯᒪᔭᖓ ᐃᓚᑦᓱᒍᓱᑦᓯᒪᓂᖓᓗ.
