ᑐᓴᕋᑦᓴᓂᐅᑎᑎᒍᑦ ᑐᓴᕐᑕᐅᑎᑦᓯᒍᑏᑦ
ᐁᕆᓕ 14, 2020 – ᑰᒃᔪᐊᖅ, ᓄᓇᕕᒃ – ᖃᐅᔨᒪᖁᕙᑦᓯ ᒪᑭᕝᕕᐅᑉ ᑖᒃᓯᓕᕆᐅᑎᓂᒃ ᑲᒪᒍᑦᔨᒍᑎᒋᓲᖏᑦ ᓄᕐᖃᖓᑎᑕᐅᓯᒻᒪᑕ ᐅᑎᕐᓂᕋᕐᑕᐅᓗᑎᒃ ᐅᖃᕐᑕᐅᖏᓐᓂᓕᒫᒥᓐᓂ. ᐱᓇᓱᐊᖏᓐᓇᐳᒍᑦ ᐱᒍᓐᓇᕕᑦᑎᒍᑦ ᐊᐅᓪᓚᑎᑦᓯᑲᑕᑦᓱᑕ ᓄᓇᕕᒻᒥᐅᑦ ᓄᓇᓕᖏᑕ ᐊᑐᕆᐊᓕᖏᓐᓂᒃ, ᐱᒍᓐᓇᕕᓕᒫᑦᑎᒍᑦ ᐱᕙᓪᓕᐊᑎᑦᓯᑲᐱᒐᓱᑦᓱᑕ ᑖᒃᓯᓕᕆᔭᐅᒍᑎᓕᕆᐅᑎᓂᒃ. ᓇᑯᕐᒦᒃ ᕿᓄᐃᓵᖃᑦᑕᕋᑦᓯ ᑐᑭᓯᒪᓂᖃᑦᓯᐊᓂᑦᓯᓄᓪᓗ.
ᒪᑭᕝᕕᒃ ᑐᓴᕐᓴᕉᑎᕕᖃᕐᓯᒪᔪᖅ ᓄᓇᕕᒻᒥ ᐃᓄᓕᒫᑦ ᖃᓄᐃᖕᖏᓯᐊᕐᑐᓴᐅᓂᖏᓐᓂᒃ ᐱᑦᔪᔨᕕᐅᑉ ᑐᑭᒧᐊᑦᑎᓯᔨᖏᖓᓂᒃ ᐱᓇᓱᑦᑐᒥᒃ ᓄᓇᕕᒻᒥ ᐃᓗᓯᓕᕆᓂᕐᓄᓗ ᐃᓄᓕᕆᓂᕐᓄᓗ ᐱᑦᔪᔨᕕᒻᒥ, ᐊᒻᒪᓗ ᑐᑭᒧᐊᑦᑎᓯᔨᖓᓂᒃ ᐃᓄᓕᒫᑦ ᐱᓂᕐᓗᓂᕐᒧᑦ ᑎᑭᐅᑎᑎᑕᐅᑦᑌᓕᕕᖓᓂᒃ ᑲᑎᕕᒃ ᓄᓇᓕᓕᒫᑦ ᐳᓖᓯᖏᓐᓂ, ᑖᒃᑯᓅᖓ ᑐᑭᒧᐊᑦᑎᑕᐅᒍᒪᑦᓱᓂ ᖃᖓ ᖃᓄᐃᓐᓇᑐᖃᕈᓐᓀᐸᑦ ᐃᖏᕐᕋᓯᑎᑦᓯᒋᐊᓪᓚᒐᔭᕐᒪᖔᕐᒥ ᐊᐱᕆᑦᓱᒋᑦ, ᓱᕐᖁᐃᑐᒥᓪᓗ ᐱᓂᕐᓗᒌᒃᑯᑎᖃᑦᓯᐊᑐᓂᒃ ᐱᓇᓱᕝᕕᒋᓛᕐᑕᒥᓐᓂᒃ. ᑕᒃᑲᓂ ᐊᕐᕌᒍᒥ ᑖᒃᓯᓕᕆᓐᓂᐅᑎᓕᕆᓯᒻᒥᒍᑦᑕ ᐃᑉᐱᒋᔭᖃᑦᓯᐊᓛᕈᒪᒐᑦᑕ ᐅᖓᓯᑦᑕᕇᓐᓂᐅᒋᐊᓕᓐᓂᒃ ᐊᒻᒪᓗ ᐊᑕᐅᑦᓯᑯᑦ ᓴᐳᑦᔨᓯᒪᓗᑕ ᐱᕙᓪᓕᖁᑎᑖᕐᑕᑐᓂᒃ, ᐃᓚᐅᑎᓪᓗᒋᑦ ᑕᒪᒃᑯᓂᖓ ᑖᒃᓯᓕᕆᓐᓂᐅᑎᓂᒃ ᐱᓇᓱᑦᑎᖁᑎᕗᑦ.
ᒪᑭᕝᕕᐅᑉ ᐊᑭᓕᕐᑐᑕᐅᓇᑎᒃ ᑮᓇᐅᑦᔭᓵᑦ ᑖᒃᓯᖏᓐᓂᒃ ᐊᕐᕌᒍᑕᒫᑦ ᐱᓇᓱᒍᑎᒋᓲᖏᑦ ᐱᑕᖃᕐᑎᓯᒍᑎᒋᕙᑉᐸᖏᑦ ᓇᒻᒥᓂᕆᔭᐅᔪᓂᒃ ᑮᓇᐅᑦᔭᓵᒥᓄᑦ ᑖᒃᓯᓕᕆᔭᐅᑎᑦᓯᓂᕐᒥᒃ ᐱᑦᔪᔨᒍᑎᒋᓲᖏᑦ ᒥᑦᓯᑎᓐᓃᑐᓄᑦ 6,000-ᓄᑦ ᐃᓄᑐᐃᓐᓇᐅᓱᑎᒃ ᐱᕙᓪᓕᖁᑎᑖᕐᑕᑐᓄᑦ. ᑕᒪᕐᒥᒃ ᑰᐯᒃ ᑲᕙᒪᒃᑯᑦ ᑮᓇᐅᔭᕐᑐᕈᑎᓕᕆᔨᖏᓪᓗ ᐊᒻᒪᓗ ᑲᕙᒪᑐᖃᒃᑯᑦ ᑮᓇᐅᕐᑐᕈᑎᓕᕆᔨᖏᑦ, ᐊᕗᖓᐅᓕᒋᐊᕆᓯᒪᕘᒃ ᑖᒃᓯᓕᕆᐅᑏᑦ ᑲᒪᒋᔭᐅᒋᐊᖃᕐᓂᖓᑕ ᑭᖑᓪᓕᐹᖁᑎᒋᓲᖓᓐᓂᒃ ᐅᓪᓗᒥᒃ ᐃᓱᓕᕕᑦᓴᑖᖓᕐᓱᒋᒃ ᔫᓂ 1, 2020-ᒥᒃ
ᐊᓪᓚᕕᕗᑦ ᓱᓕ ᐅᒃᑯᐊᓯᒪᔪᑦ. ᐅᕙᑦᑎᓂᒃ ᖃᐅᔨᒋᐊᕐᕕᖃᕈᒪᑐᐊᕈᕕᑦ ᖃᕆᑕᐅᔭᑎᒍᑦ ᖃᐅᔨᒋᐊᕈᓐᓇᐳᑎᑦ ᐅᕗᖕᖓᓗᑎᑦ www.Makivvik.org/contact
-30-
ᑐᑭᓯᒋᐊᒃᑲᓂᕐᕕᓴᖅ:
ᑳᓴᓐ ᑕᒍᕐᓈᖅ
ᑐᓴᖃᑦᑕᐅᑎᒍᑎᓕᕆᕕᒻᒥ ᑐᑭᒧᐊᑦᑎᓯᔨ
ᒪᑭᕝᕕᒥ
ctagoona@makivik.org
www.makivik.org
ᒪᑭᕝᕕᒃ ᓄᓇᓂᒃ ᐃᓐᓄᐃᓯᒪᓇᓱᒍᑎᓄᑦ ᐱᓇᓱᕝᕕᖁᑎᐅᕗᖅ ᑎᓕᔭᐅᒪᒍᑎᖃᕐᓱᓂ ᑲᒪᔨᐅᓂᐊᕐᓂᒥᓂᒃ ᕿᒻᒪᖁᓯᐅᑎᐅᑦᓱᑎᒃ ᑮᓇᐅᔭᖁᑎᑖᕆᓯᒪᔭᖏᓐᓂᒃ ᓄᓇᕕᐅᑉ ᐃᓄᑐᐃᓐᓇᖏᑕ ᐱᑕᖃᕐᑎᑕᐅᒍᑎᖃᕐᓱᑎᒃ ᔦᒥᓯ ᐯ ᐊᒻᒪᓗ ᑯᐯᒃ ᑕᕐᕋᖓᑕ ᐊᖏᖃᑎᒌᒍᑎᖏᓐᓂᑦ. ᒪᑭᕝᕕᐅᑉ ᐱᔭᑦᓴᖁᑎᖏᑦ ᐃᓚᖃᕐᐳᑦ ᐊᐅᓚᑦᓯᔨᐅᓂᕐᒥᒃ ᑮᓇᐅᔭᓕᐅᕋᓱᒍᑎᖃᕐᓂᒥᓪᓗ ᑖᒃᑯᓂᖓ ᑮᓇᐅᔭᓂᒃ ᖁᕝᕙᑎᕆᔨᐅᑦᓱᓂᓗ ᑮᓇᐅᔭᑎᒍᑦ ᒪᑭᑕᒐᓱᒍᑎᓂᒃ ᐱᑕᖃᕐᑎᓯᔨᒋᔭᐅᑦᓱᓂ ᐃᑲᔪᕐᓯᒪᔨᐅᓂᕐᒥᒍᑦ ᓴᕐᕿᑎᑕᐅᓇᓱᓕᕐᒪᑕ ᐃᓄᑐᐃᓐᓇᓄᑦ ᐃᖏᕐᕋᑎᑕᐅᓚᖓᑦᓱᑎᒃ ᐱᓇᓱᒐᖁᑕᐅᔪᓂᒃ ᓄᓇᕕᖕᒥ. ᒪᑭᕝᕕᒃ ᖁᕝᕙᑎᕆᔨᐅᕗᖅ ᐊᓯᐅᑎᑦᓯᑌᓕᓂᕐᓄᑦ ᐃᓄᐃᑦ ᐃᓗᕐᖁᓯᖓᓐᓂᒃ ᐅᖃᐅᓯᖓᓐᓂᓗ ᐃᓚᐅᒻᒥᑎᓪᓗᒋᑦ ᐃᓗᓯᓕᕆᔭᐅᓂᑦᓴᖏᓪᓗ, ᐊᑦᓱᐃᓂᑦᓴᖏᓪᓗ, ᐊᔪᕐᓴᕈᓐᓀᓂᑦᓴᖏᓪᓗ, ᐊᒻᒪᓗ ᐃᓕᓐᓂᐊᑎᑕᐅᒋᐊᖃᕐᓂᖏᓐᓂᒃ ᐃᓄᑐᐃᓐᓀᑦ ᓄᓇᓕᒻᒥᓂ.