ᓯᑉᑎᒻᐱᕆ 2002-ᖑᑎᓪᓗᒍ, ᑲᑎᕕᒃ ᓄᓇᓕᓕᒫᑦ ᑲᕙᒪᖓᑦ ᐱᕙᓪᓕᐊ-ᑎᑦᓯᒍᑎᖃᓯᓚᐅᔪᕗᖅ ᓄᓇᕕᒻᒥ ᓱᕐᕋᑕᐅᑦᑌᓕᒋᐊᓕᓐᓂᒃ ᓄᓇᓂᒃ ᐃᓄᓕᒫᓂᒃ ᑐᑭᓯᑎᑦᓯᒍᑎᖃᕐᓂᓂᓪᓗ ᐊᒻᒪᓗ ᑐᑭᓯᓂᐊᕈᑎᖃᕐᓂᓂᒃ ᑐᓴᕐᓴᐅᒍᑎᖃᓯᑦᓱᑎᒃ–ᐊᖏᔪᓂᒃ ᐱᕙᓪᓕᐊᑎᑦᓯᒍᑎᖃᓯᑦᓱᑎᒃ ᓄᖑᐃᓐᓇᑎᑦᓯ ᑌᓕᒐᓱᐊᓯᓂᒃᑯᑦ ᓄᓇᖁᑕᐅᔫᖕ ᐱᕈᕐᑐᖏᓐᓂᒃ ᓂᕐᔪᑎᖏᓐᓂᓗ ᐊᒻᒪᓗ ᐃᓗᕐᖁᓯᕐᒥᒍᑦ ᕿᒻᒪᖁᓯᐊᕆᓯᒪᔭᒥᓐᓂᒃ—ᐱᓇᓱᖃᑎᖃᕐᓗᑎᒃ ᒪᑭᕝᕕᒥᒃ, ᐊᓪᓓᑦ ᑯᔩᑦ ᑲᕙᒪᖓᓂᒃ (ᒍᐊᑉᒫᑯᔅᑐ ᓄᓇᓕᖓᓅᓕᖓᑎᓪᓗᒍ) ᐊᓪᓚᓂᒃ ᓈᔅᑳᐱᓂᒃ ᑳᒍᐊᒍᐊᑦᓯᑲᒫᒻᒥᐅᓂᒃ, ᐊᒻᒪᓗ ᑯᐯᒃ ᑲᕙᒪᒃᑯᑦ ᑐᕐᖃᑕᕐᕕᖓᓂᒃ ᓄᓇᐅᑉ ᐊᕙᑎᖓᓄᑦ ᐊᒻᒪᓗ ᓯᓚᐅᑉ ᐊᓯᑦᔨᕙᓪᓕᐊᓂᖓᓂᒃ ᐅᓇᑕᕐᑕᖃᕐᓂᒧᑦ. ᑖᒃᑯᐊ ᐱᓇᓱᑦᑕᐅᔪᑦ ᑲᔪᓯᑎᑕᐅᓂᖃᕐᐳᑦ ᑮᓇᐅᔭᑎᒍᑦ ᓴᐳᑦᔭᐅᓯᒪᑦᓱᑎᒃ ᑲᓇᑕᒥ ᐊᕙᑎᓕᕆᔨᒃᑯᓄᑦ ᓯᓚᐅᓪᓗ ᐊᓯᑦᔨᓂᖓᓂ ᑲᒪᒋᔭᖃᕐᑎᓄᑦ.
ᑐᑭᓯᓂᐊᕐᓂᒥᒃ ᐱᓇᓱᒋᐊᖕᖓᕈᑏᑦ ᐃᓕᖓᔪᑦ ᓄᓇᕕᐅᑉ ᓴᐳᑦᔭᐅᒪᔭᕆ-ᐊᖃᕐᓱᑎᒃ ᓄᓇᖏᓐᓄ ᐊᑑᑎᔭᐅᒋᐊᖕᖓᓯᒪᕗᑦ 2011-2012 ᐊᕐᕌᒍᖓᓂ. ᑖᓐᓇ ᐱᒻᒪᕆᐅᑦᓱᓂ ᓴᕐᕿᓯᒪᔪᖅ ᑖᒃᑯᓇᖕᖓᑦ ᑐᑭᓯᓂᐊᕐᓂᓂ ᐊᑦᔨᒌᒥᒃ ᑕᐅᑐᑦᑕᖃᕐᓂᐅᓯᒪᕗᖅ ᑲᑎᖕᖓᐅᑎᓂᖏᓐᓂᒃ ᐃᓄᐃᓪᓗ ᓄᓀᓪᓗ—ᑲᑎᖕᖓᐅᑎᓂᐅᑦᓱᓂ ᐃᑲᔪᕐᑎᒌᓐᓂᑯᑦ, ᐊᓯᑦᔨᑐᒥᒃ ᐊᑑᑎᔭᖃᕈᓐᓇᓂᒃᑯᑦ ᐊᒻᒪᓗ ᑲᔪᓯᓂᖃᕈᓐᓇᓂᒃᑯᑦ. ᑕᒐᓕ ᑲᒪᔨᐅᓯᒪᓂᒃᑯᑦ ᐊᕐᕌᒍᓂ ᐊᓂᒍᕐᑐᓂᒃ, ᐅᓪᓗᒥᓗ ᐊᒻᒪᓗ ᓯᕗᓂᑦᓴᒥ ᐊᑐᕋᔭᕐᓂᑯᑦ ᓄᓇᖁᑕᐅᔪᒥᒃ, ᓄᓇᓖᓪᓗ ᐃᓅᖃᑎᒌᓪᓗ ᓄᓇᕕᒻᒥ ᐊᑦᑕᓇᖕᖏᑐᒥᒃ ᐱᔭᑦᓴᖁᑎᖃᕐᐳᑦ ᑲᔪᓯᑎᑦᓯᓂᐊᕐᓗᑎᒃ ᐃᓗᐃᑦᑐᓯᐊᖑᖏᓐᓇᖁᓪᓗᒍ ᓄᓇᖁᑕᐅᔪᖅ ᑕᒪᒃᑯᐊᓗ ᖃᐅᔨᒪᐅᓰᑦ ᐱᔪᓐᓇᑕᐅᔪᓪᓗ ᑭᖑᕚᓄᑦ ᕿᒻᒪᖁᑎᒋᓗᒋᑦ. ᐅᓪᓗᒥᒧᑦ ᑎᑭᑦᓱᑎᒃ, ᑕᒪᒃᑯᐊ ᐱᓇᓱᑦᑕᐅᒋᐊᖕᖓᓯᒪᓂᖏᑦ ᐱᑦᔪᑎᒋᑦᓱᒋᑦ, ᒥᑦᓯᑎᓐᓃᑐᑦ 29,800-ᒥᒃ ᓯᒃᑭᑕᐅᓕᖓᔪᓂᒃ ᑭᓚᒦᑕᓂᒃ ᐊᖏᓂᖃᕐᓱᓂ ᓄᓇᕕᐅᑉ ᓄᓇᖓᑕ ᐃᓚᖓ ᖃᒻᒥᑯᑦ ᐊᓪᓚᓯᒪᔪᖕᖑᐃᒍᑎᐅᓯᒪᓕᕐᖁᖅ ᑯᐯᒃᒥ ᓱᕐᕋᑕᐅᒋᒃᑯᑎᖃᕐᓂᐊᓗᑎᒃ ᓄᓇᓄᑦ.
2020 ᐊᕐᕌᒍᖓᓂ, ᓯᑕᒪᐅᔪᕐᑐᑦ ᓄᓀᑦ ᓱᕐᕋᑕᐅᒋᒃᑯᑎᑕᕐᑕᐅᓚᐅᕐᓯᒪᕗᑦ (ᓄᓇᐅᑦᓱᑎᒃ ᓴᓂᕐᕙᑕᐅᒪᔪᑦ ᐃᓕᖓᓚᖓᑎᓪᓗᒋᑦ ᓱᕐᕋᑕᐅᑌᓕᒋᐊᖃᕐᓂᒧᑦ) ᐊᒻᒪᓗ ᒪᕐᕉᒃ ᓄᓇᐅᑦᓱᑎᒃ ᓱᕐᕋᑕᐅᒌᒃᑯᑎᖃᓕᕇᕐᑑᒃ ᐃᓚᒋᓕᐅᑦᔭᐅᓯᒪᕘᒃ (ᑯᐯᒃᒥ ᐊᓪᓚᓯᒪᔪᖕᖑᐃᕕᒻᒧᑦ ᓄᓇᓂᒃ ᓱᕐᕋᑕᐅᑦᑌᓕᒋᐊᓕᓐᓂᒃ) ᐱᔭᖃᕈᑎᐅᑦᓱᑎᒃ 20%-ᒥᒃ ᓯᕗᓂᖃᕈᑎᖏᓐᓄᑦ ᓄᓇᕕᒻᒨᓕᖓᔪᓂᒃ. ᑖᒃᑯᐊ ᓄᓀᑦ ᑐᑭᑕᕈᑎᐅᖕᖏᓂᖏᓐᓂᒃ ᓴᖑᓂᐊᕈᓐᓀᑐᓂᒃ ᐊᒻᒪᓗ ᓴᐳᑦᔭᐅᒪᒍᑎᑖᕐᓱᑎᒃ ᑲᕙᒪᑎᒍᑦ ᑲᔪᓯᑎᑕᐅᔪᓂᒃ, ᑲᑎᕕᒃ ᓄᓇᓕᓕᒫᑦ ᑲᕙᒪᖓᑦ, ᐱᓇᓱᖃᑎᖃᕐᓱ ᐊᔪᖀᒋᐊᕐᓂᓄᑦ ᑲᑎᖕᖓᔨᓂᒃ ᑲᑎᖕᖓᔨᐅᒍᑎᓕᓐᓂᒃ ᓄᓇᕕᐅᑉ ᓄᓇᖏᓐᓂᒃ ᓴᐳᑦᔭᐅᒪᒍᑎᖃᕆᐊᓕᓐᓂᒃ ᐱᓇᓱᖃᑎᒌᒍᑎᖃᕐᓱᑎᒃ, ᑲᔪᓯᑎᑦᓯᕗᖅ ᐃᓄᓕᒫᓂᒃ ᑐᑭᓯᓂᐊᕐᓂᖃᕐᓂᒥᒃ ᑐᑭᓯᓂᐊᕈᑎᖃᕐᓱᑎᒃ ᐱᓇᓱᑦᑕᐅᒍᑎᖏᓐᓂᒃ ᓯᕗᓕᕐᓯᒪᔪᓂᒃ ᐅᓪᓗᒥ ᐅᖃᐅᓯᕆᓕᕐᑕᖏᓐᓂᒃ ᓴᐳᑦᔭᐅᒪᒍᑎᓖᑦ ᓄᓇᕕᒻᒥ ᐱᑐᑦᓯᒪᐅᑎᓂᖏᑕ, ᐊᑑᑎᖏᓐᓂᓗ ᑭᒡᒐᑐᕐᑕᐅᒍᑎᖏᓐᓂᓗ.
ᑭᖑᓪᓕᐅᓗᑎᒃ ᑐᑭᓯᓂᐊᕐᕕᐅᓛᕐᑐᑦ ᐅᓪᓗᓴᖏᑦ:
ᑐᑭᓯᓂᐊᕆᑦ ᖃᓄᐃᓘᕆᒍᑎᐅᔪᓂᒃ ᐅᕙᓂ www.nunavikprotectedareas. com ᑕᑯᒋᐊᖃᑦᑕᓗᑎᓪᓗ Facebook page, @Nunavik.Protected. Areas-ᒦᑦᑐᓂᒃ ᑐᑭᓯᒋᐊᒃᑲᓂᕈᒪᒍᕕᑦ.
