1999-ᖑᑎᓪᓗᒍ, ᑐᑭᒧᐊᑎᑦᑕᐅᑦᓱᑎᒃ ᒪᑭᕝᕕᐅᑉ ᐊᖓᔪᕐᖄᒪᕆᖓᓄᑦ ᐱᑕ ᐋᑕᒥᒧ, ᐳᕐᑐᓂᕐᓭᑦ ᐊᕐᕕᑕᕐᓂᕆᕙᓐᓂᐊᓕᕐᑕᖓᓄ ᓄᐃᑕᐅᓚᐅᕐᓯᒪᕗᖅ,
ᓄᓇᕕᒻᒥᐅᑦ ᓂᐱᖃᕈᑎᑦᓴᖏᑦ ᑐᕃᓐᓇᑐᒥᒃ ᑐᓴᕐᑕᐅᖃᑦᑕᖁᑦᓱᒋᑦ, ᑕᒪᓐᓇᓗ ᐊᑯᓓᓐᓂᓴᐅᓗᓂ. 1999 ᓯᕗᓂᖓᓂ, ᐳᕐᑐᓂᕐᓭᑦ ᐊᕐᕕᑕᖃᑦᑕᓚᐅᕐᓯᒪᔪᑦ ᐊᖏᔪᓂᒃ ᐱᔭᑦᓴᖁᑎᖃᓕᕋᒥᒃ ᑭᓯᐊᓂ ᐳᕐᑐᓂᕐᓴᓄᑦ ᓄᓇᓕᓐᓅᕈᑎᐅᒋᐊᖃᕐᑐᖃᓕᑐᐊᕐᒪᑦ. 1999 ᑭᖑᓂᖓᓂ, ᐊᕐᕕᑕᕐᓃᑦ ᐊᕐᕌᒍᑕᒫᑦ ᐊᑑᑎᔭᐅᖃᑦᑕᓯᓚᐅᕐᓯᒪᕗᑦ, ᑭᖑᓂᐊᒍᓗᓪᓗ ᐊᕐᕌᒍᑕᒫᑦ ᒪᕐᕈᕕᑦᑐᒥᒃ ᐊᑑᑎᔭᐅᖃᑦᑕᓯᓚᐅᕐᓯᒪᒻᒥᓱᓂ ᑕᒪᓐᓇᓗ ᐅᒃᓗᒥᒧᑦ ᐱᐅᓯᕆᔭᐅᓕᕐᐳᖅ.
ᐊᕐᕌᒍᑦ ᐊᓂᒍᐊᑎᓪᓗᒋᑦ, ᑖᒃᑯᐊ ᐊᕐᕕᑕᕐᓃᑦ ᐱᑕᖃᓪᓚᕆᒋᐊᖃᓲᕈᕐᓯᒪᓕᕐᑐᑦ ᑲᔪᓯᑎᑦᓯᓂᐅᑦᓱᑎᒃ ᐱᑐᑦᓯᒪᐅᑎᓂᖏᓐᓂᒃ ᒪᑭᕝᕕᐅᑉᓗ ᐳᕐᑐᓂᕐᓴᖏᑕ ᓂᕈᐊᕐᑎᒋᓲᖏᑕᓗ. ᑖᒃᑯᐊ ᐊᕐᕕᑕᕐᓃᑦ ᓄᓇᕕᒻᒥᐅᓄᑦ ᐱᒐᓱᕝᕕᓴᑦᓯᐊᖑᓲᑦ ᓂᑦᔮᒍᑎᖃᕈᓐᓇᓂᕐᒥᒃ ᐃᓱᒪᒋᔭᒥᓐᓂᒃ, ᐃᒣᖁᔨᒍᑎᒥᓐᓂᒃ, ᑭᖕᖒᒪᑦᓯᒍᑎᒥᓐᓂᒃ ᓱᕐᖁᑐᐃᒥᒃ ᑐᓴᕐᑕᐅᕕᑦᓴᕆᑦᓱᒋᑦ. ᐳᕐᑐᓂᕐᓴᓄᒃᓗ ᐱᕕᑦᓴᓯᐊᖑᓲᖑᒻᒥᓱᑎᒃ ᐱᑕᖃᕐᑎᓯᓂᑦᓴᒥᓐᓂᒃ ᑐᕃᓐᓇᑐᓂᒃ ᑐᓴᕋᑦᓴᑖᕐᖃᒥᖁᑎᒥᓂᒃ ᑐᓴᕐᑕᐅᑎᑦᓯᓂᕐᒥᒃ ᒪᑭᕝᕕᐅᑉ ᐱᓇᓱᑦᑕᖏᓐᓅᓕᖓᔪᓂᒃ ᐱᕕᑦᓴᕆᑦᓱᓂᒋᓪᓗ ᑐᓴᕐᑎᑕᐅᓂᕐᒥᒃ ᓄᑖᓂᒃ ᐱᓇᓱᒍᑎᐅᓂᐊᕐᑎᓗᒋᑦ ᒪᓂᔨᒍᑎᒋᓯᒪᔭᒥᓐᓂᒃ.
2025 ᐊᕐᕌᒍᖓᓂ ᒫᑦᔨ ᐅᓚ ᐅᔪᔪᒥᓗ ᐁᕆᓕ ᐅᓚ ᐅᔪᔪᒥᓗ, ᒪᑭᕝᕕ ᐅᑉ ᐳᕐᑐᓂᕐᓴᖏᑦ ᐊᑑᑎᒋ ᐊᓯᓚ ᐅᔪᕗᑦ ᖃᒻᒥᓂᑕ ᐅᓂᕐᐹᖁᑎᒥᓐᓂᒃ ᓄᓇᕕ ᐅᑉ ᓄᓇᓕᖏᓐᓄᑦ ᐊᕐᕕᑕᕐᓂᒥᒃ. ᐊᕐᕕᑕᕐᓂᖃᕐᓂᓕᒫᒥᓐᓂ, ᓈᓚ ᐅᑎᒃᑯᑦ ᑐᓴᕐᓴ- ᐅᖃᑦᑕᓚ ᐅᔪᑦ, ᐳᕐᑐᓂᕐᓴᒥᓪᓗ ᐃᓕᓐᓂ ᐊᑐᓂᒃ ᐳᓛᕆ ᐊᖃᑦᑕᓱᑎᒃ, ᐅᒃᑯᐃ-ᐃᓯᓂᖃᖃᑦᑕᓱᑎᒃᓗ ᓄᑖᓂᒃ ᒪᑭᕝᕕ ᐅᑉ ᓄᓇᓕᓐᓂ ᐊᒃᓚᕕᑦᑖᖃᒻᒥᖏᓐᓂᒃ.
ᑕᒃᑲᓂ ᐊᕐᕌᒍᒥ ᐊᕐᕕᑕᕐᓂᖃᕐᓱᑎᒃ ᐅᖃᖃᑎᒌᒍᑎᖃᕈᓱᓗ ᐊᖕᖑ ᐊᓚᐅᔪᕗᑦ ᓂᕈ ᐊᕐᑎᓯᓂᕐᓅᓕᖓᔪᓂᒃ. ᐋᓐᑎ ᒧ ᐊᖃᐅᔅ, ᐊᖓᔪᕐᖄᒪᕆᐅᑉ ᑐᖓᓕᖓ (ᒪᑭᑕᒐᓱᒍᑎᑦᓴᓂᒃ ᐱᕙᓪᓕ ᐊᑎᑦᓯᕕᒻᒥ), ᐅᖃᐅᓯᖃᓚᐅᔪᖅ ᓂᕈ ᐊᕐᑏᑦ ᓂᕈ ᐊᕆ ᐊᕐᑐᖏᓗ ᐊᕐᐸᓂᖏᓐᓂᒃ ᑕᒪᓐᓇᓗ ᐱᒻᒪᕆᐅᓂᖃᕐᓱᓂ ᐊᖏᔪᓂᒃ ᐱᒐᓱᑦᑕᖃᕈᑎᐅᓲᓄᓕᖓᓂᒃᑯᑦ, ᐃᓚᐅᑎᑦᓯᓂᕐᑕᖃᑐᐃᓐᓇᕆ ᐊᖃᕐᓱᓂ ᐃᓚᓕᓐᓂᒃ ᓂᕈ ᐊᕈᓐᓇᑐᑦ ᓄᓇᖁᑕᐅᔪᒥ ᑭᖕᖒᒪᒋᔭᐅᓂᖏᑎᒍᑦ. ᑕᒪᓐᓇ ᐊᑐᓕᕐᑎᑕ- ᐅᓂᑦᓴᐅᑉ ᐊᐱᕆᐅᑎᐅᓂᖓ ᑕᒃᑲᓂ ᐊᕐᕕᑕᕐᓂᒥ ᖃᓄᐃᓘᕐᓗᒋᑦ ᐃᓄᐃᑦ ᓂᕈᐊ ᕆᐊ ᕐᑐᓂᕐᓴᐅᓂᖃᕋᔭᕐᒪᖔᑕ ᐅᖄᔭᐅᓚᐅᔪᕗᖅ ᐃᓱᒪᑦᓴᓯᐅᕈᑎ ᐅᖁᔭᐅᑦᓱᓂ; ᐊᓖᓯᐊ ᐊᔭᒍᑕᖅ, ᒪᑭᕝᕕᐅᑉ ᐊᒃᓚᑎᒻᒪᕆᖓ, ᖁᕕ ᐊᒋᔭᖃᓚᐅᔪᖅ ᑐᓵᑎ ᐅᒋ ᐊᒥᒃ ᐊᖏᖃᑎᒌᓐᓂᒧᑦ ᐃᓚᐅᔫᖃᑎᒌᑦᑐᓄᑦ ᐃᓘᓐᓇᑎᒃ ᑕᒪᑐᒥᖓ ᓈᒻᒪᓴᕐᑐᐃᓇᐅᖕᖏᒋ-ᐊᖏᑦ, ᑐᑭᓯᒪᒐᒥᒃ ᓂᕈ ᐊᕐᓃᑦ ᐃᓕᒃᑯᑦ ᐃᒃᓕᓇᕐᑐᓂᖃᕆ ᐊᖏᑦ.
ᐊᓖᓯᐊ ᓂᕈᐊᕐᑕᐅᑎᒐᓱᐊᕈᑎᒥ ᑐᖓᓕᖓᓂ ᑕᒃᒐᓂ ᐊᕐᕌᒍᑦᑎᓂ, ᐅᖃᐅᓯ ᖃᓚᐅᔪᖅ ᐃᓚᐅᔫᖃᑎᒌᓂᒃ ᑐᑭᓯᓂᐊᕐᕕᖃᓛᕆᐊᒥᒃ ᐱᑦᔪᑎᖃᕐᓗᓂ ᐊᑯᓂᐅᓂᕐᓴᖅ ᐳᕐᑐᓂᕐᓴᓄᑦ ᓂᕈᐊᕐᑕᐅᒪᓂᐅᖃᑦᑕᕋᔭᕐᑐᒥᒃ ᐊᕐᕌᒍᓂ ᐱᖓᓱᓂ ᓂᕈᐊᕐᑕᐅᒪᓂᖃᓱᖑᒻᒪᑕ ᓯᑕᒪᓅᖔᕋᔭᕈᒪᑦᓱᓂᒋᑦ. ᓯᑕᒪᓂᒃ ᓂᕈᐊᕐᑕᐅᒪᓂᖃᖃᑦᑕᕈᑎᒃ ᓂᕈᐊᕐᓂᒥᒃ ᐊᑑᑎᑲᐱᖕᖏᓂᕐᓴᐅᖃᑦᑕᕋᔭᕐᒪᑕ ᐳᕐᑐᓂᕐᓴᓄᓪᓗ ᑎᓕᔭᐅᒪᒍᑎᒥᓐᓂᒃ ᐱᔭᕇᑦᓯᐊᓂᕐᓴᐅᕕᐅᖃᑦᑕᕋᔭᕐᓱᑎᒃ. ᑕᒪᑐᒥᖓ ᐃᓱᒪᑖᒥᓂᒃ ᐊᕐᕕᑕᕐᓂᖃᕐᓱᑎᒃ ᑐᓴᕐᑕᐅᑎᑦᓯᓕᕋᒥ, ᓴᐳᑦᔭᐅᒪᒋᐊᖓ ᐃᑉᐱᓇᑦᓯᐊᓚᐅᔪᖅ.
ᐳᕐᑐᓂᕐᓴᒥ ᐃᓕᓐᓂᐊᑎᓂᒃ ᐳᓛᕆᐊᕐᓂᕕᓂᕐᒥᓂᒃ ᐅᖄᓕᕋᒥ, ᐋᓐᑎ ᐅᖃᓚᐅᔪᖅ ᐊᑐᓂᑦ ᐳᕐᑐᓂᕐᓭᑦ ᐅᖃᐅᓯᖃᓚᐅᔪᒋᐊᖏᑦ ᑕᒃᑯᐊ ᐃᓕᓐᓂᐊᑏᑦ ᐊᑑᑎᔭᖏᓐᓂᒃ ᐊᑑᑎᓯᒪᔪᐃᓐᓇᐅᒋᐊᖏᑦ, ᑌᒣᑦᓱᑎᒃᓗ ᐃᓕᓐᓂᐊᑕᒥᓂᒃ ᐱᔭᖃᑦᓯᐊᖁᕙᖏᑦ. ᐅᖃᕆᐊᓪᓚᒥᑦᓱᓂᓗ ᐃᓕᓐᓂᐊᓂᖅ ᐱᒻᒪᕆᐅᖃᑕᐅᒋᐊᖓ ᐱᓇᓱᒍᑎᑦᓴᓄᑦ ᓱᕐᖁᐃᑐᒥᒃ ᐊᑦᑕᓀᑦᑐᒥᒃ ᓯᕗᓂᑦᓴᖃᑦᓯᐊᖁᓪᓗᒋᑦ, ᐃᓕᓐᓂᐊᓂᕐᓗ ᐃᓕᓐᓂᐊᑎᓄᑦ ᐱᒐᓱᒍᒪᔭᒥᓐᓂᒃ ᐱᒐᓱᒍᑎᑦᓯᐊᖑᓲᖑᑦᓱᓂ ᐃᓄᒻᒪᕆᐅᓕᕈᑎᒃᓗ ᑎᑭᐅᑎᓚᕿᓗᑎᒃ ᑎᑭᐅᑎᒍᒪᔭᒥᓐᓄᑦ ᐱᔭᖃᖁᑦᓱᒋᑦ.
ᑕᒪᓐᓇ ᐊᓖᓯᐊᒧᑦ, ᐱᒻᒪᕆᐅᔪᖅ ᐃᓕᓐᓂᐊᑎᓂᒃ ᑲᑎᓯᖃᑦᑕᓂ ᐃᓱᒪᑦᓱᓂ ᓇᒻᒥᓂᖅ ᐊᑑᑎᓚᐅᕐᓯᒪᔭᒥᓂᒃ. ᐊᕙᑎᓂᒃ ᐅᑭᐅᕐᑖᓚᐅᕋᓂ 2006-ᒥ, ᒪᑭᕝᕕᐅᑉ ᐳᕐᑐᓂᕐᓴᖏᑦ ᐃᓕᓐᓂᐊᕕᖓᓄᑦ ᐅᒥᐅᔭᒥ ᐳᓛᕆᐋᓚᐅᕐᓯᒪᒻᒪᑕ. ᐃᕐᖃᐅᒪᔪᖅ ᑕᒃᑲᓂ ᐳᓛᕆᐊᕐᑕᐅᓱᑎᒃ ᓯᕗᓪᓕᐹᒥ ᑐᑭᓯᕙᓪᓕᐊᓯᓚᐅᕐᓯᒪᒐᒥ ᒪᑭᕝᕕᒃ ᓱᓇᒨᓕᖓᒻᒪᖔᑦ. ᐅᖃᐅᓯᖃᓚᐅᔪᖅ ᐃᓕᓐᓂᐊᑏᑦ ᐊᐱᕐᓱᖏᒃᑲᓗᐊᕋᒥ ᓂᑦᔮᒍᑎᖃᖕᖏᑲᓗᐊᕋᒥᒃ, ᑭᓯᐊᓂ ᐳᕐᑐᓂᕐᓭ ᐃᓕᓐᓂᐊᕕᓕᐊᖃᑦᑕᓱᖑᓂᖏᑦ ᐱᒻᒪᕆᐅᔪᑦ. ᐃᓕᓐᓂᐊᕖᑦ ᐅᐸᑦᑕᐅᖃᑦᑕᓂᖏᑦ ᐃᓕᓐᓂᐊᑎᓂᒃ ᐃᓱᒪᑕᕆᓱᖑᒻᒪᑕ ᓯᕗᓂᑦᓴᒥ ᐳᕐᑐᓂᕐᓴᕈᑦᓴᕋᔭᕐᓂᒥᒃ ᓲᕐᓗ ᐅᒃᓗᒥ ᐊᓖᓯᐊ ᐊᕐᕕᑕᕐᐸᓕᕐᒪᑎᑐᑦ.
ᐃᕗᔨᕕᒻᒥ ᓄᕝᕕᑎ ᐃᓕᖕᓂᐊᕕᒻᒧᑦ ᐳᓛᕆᐊᕐᓯᒪᑦᓱᑎᒃ, ᐳᕐᑐᓂᕐᓭᑦ ᐱᕕᖃᑦᓯᐊᓚᐅᔪᕗᑦ ᑲᑎᓯᒋᐊᒥᒃ ᒪᕐᕉᓂᒃ ᐃᓕᖕᓂᐊᑏᓐᓂᒃ, ᐅᓪᓗᕆᐊᖅ ᒪᖏᐅᕐᒥᓗ ᐃᓕᓴᐱ ᐁᓇᓕᖕᒥᓗ, ᐃᓕᓐᓂᐊᑐᕕᓃᓐᓂᒃ ᓂᕈᐊᕐᑕᐅ-ᑎᒐᓱᐊᕈᑎᐅᓲᓂᒃ ᑐᑭᓯᓂᐊᕆᐊᒥᒃ ᑌᑦᓱᒪᓂ ᑲᕙᒪᑐᖃᒃᑯᑦ ᓂᕈᐊᕐᑎᓯᓂᖃᕐᓂ-ᐅᔭᓚᐅᔪᒻᒪᑕ. ᐅᖃᖃᑎᒌᓐᓃᑦ ᓄᓇᕕᖕᒥ ᓂᕈᐊᕐᓂᐅᓲᓂᒃ ᐱᑦᔪᑎᖃᕐᓱᑎᒃ ᑭᖑᓂᖏᑎᒍᑦ, ᑖᒃᑯᐊ ᐃᓕᖕᓂᐊᑏᑦ ᑕᑯᑦᓴᐅᓯᐊᓕᓚᐅᔫᒃ, ᐆᑦᑐᑎᑦᓯᐊᖑᓕᕐᓱᑎᒃ ᑭᖑᓪᓕᐅᔪᑦ ᓂᕈᐊᕐᑎᐅᓛᕐᑐᑦ ᑐᑭᓯᒪᑦᓯᐊᓗᑎᒃ ᓂᕈᐊᕐᓃᑦ ᐱᓪᓚᕆᐅᓂᖏᓐᓂᒃ ᓂᕈᐊᖃᑦᑕᓕᕋᔭᕐᑎᓗᒋᑦ.
ᐃᓘᓐᓈᒍᑦ ᐊᕐᕕᑕᕐᓂᖅ ᐃᓱᒪᒋᑦᓱᒍ, ᑕᒪᕐᒥᒃ ᐊᓖᓯᐊᒃᑯᒃ ᐋᓐᑎᒃᑯᒃ ᐅᖃᐅᓯᖃᕐᑐᐃᓇᐅᓚᐅᔪᕘᒃ ᓈᓚᑦᑕᖃᕆᐊᒥᒃ ᐅᖃᐅᓯᑦᓴᖏᓐᓂᒃ ᐃᓄᑐᐃᓐᓀᑦ ᑐᓴᕐᑕᐅᑎᑦᓯᑎᓪᓗᒋᓪᓗ ᓄᓇᓕᒻᒥ ᑭᖕᖒᒪᒋᔭᖏᓐᓂᒃ ᓱᕐᕋᑕᐅᓇᕐᓂᐹᖑᓲᖑᒋᐊᖓ. ᐊᓖᓯᐊᓗ ᐋᓐᑎᓗ. ᑕᒪᕐᒥᒃ ᐃᑉᐱᒍᓱᓚᐅᔪᒻᒥᔫᒃ ᒪᑭᕝᕕᐅᑉ ᐊᓯᖏᑦ ᐱᓇᓱᒐᖃᕐᕕᐅᖃᑎᖏᑦ ᐃᓄᓐᓄᑦ ᓱᓇᒥᒃ ᐱᓇᓱᑦᑎᐅᒐᓗᐊᕐᒪᖔᑕ ᑐᑭᓯ-ᒪᔭᐅᓂᖃᑦᓯᐊᓱᖑᖕᖏᒋᐊᖏᑦ, ᑌᒣᒃᑲᒥᓪᓗ ᓇᓗᓕᕐᓯᒪᓇᓱᖑᑦᓱᑎᒃ. ᐊᓖᓯᐊᖅ ᐅᖃᐅᓯᖃᓚᐅᔪᖅ ᓯᕗᓂᑦᓴᒥ ᐱᓇᓱᒍᑎᖃᕐᑐᓴᐅᒋᐊᖓ ᐃᓄᓕᒫᓂᒃ ᑐᑭᓯᒪᑦᓯᐊᑎᑦᓯᒍᑎᑦᓴᓂᒃ ᓇᓪᓕᖏᑦ ᓱᓇᓂᒃ ᑎᓕᔭᐅᒪᒍᑎᖃᕐᒪᖔᑕ ᐃᑲᔪᕐᓯᔭ-ᐅᓐᓇᑐᓂᒃ ᓲᕐᓗ ᔦᒥᓯ ᐯ ᑯᐯᒃᓗ ᑕᕐᕋᖓᑕ ᐊᖏᖃᑎᒌᒍᑎᖏᓐᓂ.
ᐃᓘᓐᓈᖑᑦ, 2025-ᒥ ᐳᕐᑐᓂᕐᓭᑦ ᐊᕐᕕᑕᕐᓂᕆᓚᐅᕐᑕᖓ ᐃᓚᖃᓚᐅᔪᕗᖅ ᐊᒥᓱᓂᒃ ᐊᐅᓚᓂᖃᕐᓱᑎᒃ ᐅᐊᕈᑎᒌᓂᒃ ᓵᖕᖓᔭᑦᓴᓂᒃᓗ ᑭᓯᐊᓂ ᑌᒣᒐᓗᐊᕐᓱᓂ, ᐱᐅᓯᖃᕋᒥ, ᐃᑲᔪᕐᓯᔭᐅᓐᓇᓚᐅᕐᑐᖅ ᑲᔪᓯᑎᑦᓯᓂᐅᑦᓱᓂ ᐱᑐᑦᓯᒪᐅᑎᓂᖏᓐᓂᒃ ᒪᑭᕝᕕᐅᓗ ᓄᓇᓕᐅᔪᓪᓗ.
ᓇᑯᕐᒦᐸᕗᑦ ᓄᓇᓕᓐᓂ ᐊᒃᓚᕕᓐᓂᒃ ᐊᐅᓚᑦᓯᕕᐅᔪᑦ ᐱᓇᓱᑦᑐᒪᕆᐅᓱᖑᒻᒪᑕ ᐊᒃᓚᕖᑦ ᐅᒃᑯᐃᑕᐅᕐᖃᓂᖏᓐᓂ; ᐃᓕᓐᓂᐊᕖᓪᓗ ᐊᐅᓚᑦᓯᓂᓕᕆᔨᖏᑦ ᐃᓕᖕᓂᐊᑏᓪᓗ ᑐᖕᖓᓱᑦᑎᓯᔨᒋᓱᕆᒐᑦᑎᒋᑦ; ᐃᓄᐃᑦᑯᓗ, ᖃᖓᑦᑕᔫᕐᑏᓗ, ᐱᓇᓱᑦᑎᒐᓭᓪᓗ, ᓄᓇᓕᓖᓪᓗ ᓄᓇᒃᑯᔫᒥᓐᓂᒃ ᐅᕙᑦᑎᓄᑦ ᐊᑦᑕᑐᐊᖑᑎᑦᓯᓲᑦ ᓂᕐᓯᐅᐸᑦᑐᓗ ᓂᕆᓚᖓᔭᑦᑎᓂᒃ; ᑲᑎᖕᖓᔨᓄᓪᓗ ᐃᓚᐅᔪᑦ; ᑭᖑᓪᓕᐹᖓᓂᓗ, ᓇᐅᑐᐃᓐᓀᑦ ᐱᓇᓱᖃᑕᐅᓲᑦ ᐳᕐᑐᓂᕐᓴᑎᒍᑦ ᐊᕐᕕᑕᕐᓂᖃᓕᕐᑎᓗᑕ.
