ᓄᓇᓕᒻᒥ ᐃᓄᖏᑦ ᑰᒃᔪᐊᒥ ᐃᓕᑕᕐᓯᒍᑎᓂᒃ ᐱᓂᐊᕐᓂᖃᕐᑎᓯᓂᕐᒥᒃ ᓯᑉᑎᒻᐱᕆ 19-ᒥ ᓄᓇᕕᒃ ᐊᒻᒪᓗ ᐊᑕᓂᐊᓘᑉ ᑲᓇᑕᒥ ᐅᓇᑕᕐᑎᖏᑦᑕ ᐅᒥᐊᕐᑐᑎᖏᑦᑕ ᐅᒥᐊᕐᔪᐊᖓᓗ (HMCS) Frédérick Rolette ᐱᓇᓱᖃᑎᒌᓐᓂᕆᓯᔭᖓᓂᒃ ᑲᑎᒍᑎᖃᓚᐅᔪᕗᑦ.
ᑖᑦᓱᒪ ᐱᓂᐊᕐᓂᖃᕈᑎᐅᓂᖓᓄᑦ ᒪᑭᕝᕕᑯᓐᓂᒃ ᑭᒡᒐᑐᕐᑐᑦ, ᑰᒃᔪᐊᒥ ᓯᕗᓕᕐᑎᖓ, ᑲᓇᑕᐅᑉ ᐅᑭᐅᕐᑕᑐᒥ ᐅᓇᑕᕐᑐᓴᖏᑦ, ᐅᒥᐊᕐᔪᐊᒥ ᐱᓇᓱᑦᑎᖏᑦ Halifax-ᒥᐅᔦᑦ ᐊᒻᒪᓗ ᓄᓇᓕᒻᒥ ᐃᓄᐃᑦ ᑲᑎᒍᑎᖃᓚᐅᔪᕗᑦ. ᐅᒃᑯᐃᓯᒍᑎᖃᓚᐅᔪᕗᑦ ᐃᑭᑦᓯᔪᖃᕐᑎᓗᒍ ᖁᓪᓕᒥᒃ ᐃᓗᕐᕈᓯᒥᓗ ᑕᑯᑦᓴᐅᑎᑦᓯᒍᑎᓂᒃ ᐱᓇᓱᐊᕐᑐᖃᕐᒥᓱᓂ, ᑭᖑᓪᓕᖃᕐᓱᑎᒃ ᑐᓂᔨᓂᕐᒥᒃ ᐁᑦᑑᑐᒥᓂᒃ ᑐᓂᔨᑎᓪᓗᒋᑦ ᒪᑭᕝᕕᑯᑦ ᐊᒻᒪᓗ ᐅᓇᑕᕐᑏᑦ ᐊᖓᔪᕐᖄᖓ ᔫᓖᓐ ᓕᓯ ᐱᓯᒪᔪᖅ ᐅᒥᐊᕐᔪᐊᒥᑦ Frédérick Rolette-ᒥᑦ. ᑕᐅᕐᓰᖃᑎᒌᓐᓂᖏᑦ ᓄᐃᑦᑎᓯᓚᐅᔪᕗᖅ ᐱᓇᓱᖃᑎᒌᓐᓂᕆᓂᕐᐊᕐᑕᖏᓐᓂᒃ ᓲᓱᑦᓴᓂᖃᑦᓯᐊᓗᑎᑦ ᑲᑐᑦᔨᖃᑎᒌᑦᓯᐊᓗᑎᓗ.
ᒪᑭᕝᕕᐅᑉ ᐊᖓᔪᕐᖄᖓ ᐱᑕ ᐋᑕᒥ ᐅᖃᕐᑐᕕᓂᖅ ᐱᓇᓱᖃᑎᒌᓐᓂᐅᑉ ᐱᒻᒪᕆᐅᓂᖓᓂᒃ ᐃᓚᒋᔭᐅᓂᖓᓂᓗ ᐊᔪᐃᓐᓇᕈᑎᐅᖏᓐᓇᑐᓄᑦ ᓭᒻᒪᖃᑎᒌᓐᓂᒥᒃ ᑲᑐᑦᔨᖃᑎᒌᓐᓂᒥᓗ: “ᑖᓐᓇ ᐱᓇᓱᖃᒌᓐᓂᖅ ᒪᓕᑦᓯ ᐊᑐᖅ ᐊᔪᐃᓐᓇᕈᑎᑦᑎᓂᒃ ᐱᓇᓱᖃᑎᖃᕋᓱᓐᓂᒥᒃ ᑲᕙᒪᓐᓂᒃ ᐊᒻᒪᓗ ᐊᑦᔨᒌᑦᓯ ᐊᑐᓂᒃ ᐱᓇᓱᖃᑎᒌᓐᓂᖃᕋᓱᓐᓂᒥᒃ ᓭᒻᒪᖃᑎᒌᕙᓪᓕ-ᐊᓂᕐᒥᒃ ᓲᓱᑦᓴᓯ ᐊᕐᓂᒥᓗ ᓯᕗᓪᓕᕕᓂᕗᑦᑕ ᓄᓇᖓᓂᒃ. ᐅᖄᖃᑎᒌᒍᑎᖃᕆ-ᐊᖃᕐᖁᒍᑦ ᐊᒥᓱᓂᒃ, ᕿᓚᓈᕐᓱᖓᓗ ᐊᑕᓂ ᐊᓘᑉ ᑲᓇᑕᒥ ᐅᓇᑕᕐᑎᖏᓐᓂᒃ ᑲᑐᑦᔨᖃᑎᒌᒍᑎᖃᖏᓐᓇᓂ ᐊᕐᓂᑎᓐᓂᒃ”.
ᒪᑭᕝᕕᐅᑉ ᐊᓪᓚᑎᒪᕆᖓ ᐊᓖᓯᐊ ᐊᔭᒍᑕᖅ ᐃᓚᒋᐊᕆᔪᕕᓂᖅ ᑖᓐᓇ ᐱᓇᓱᖃᑎᒌᓐᓂᖅ ᐱᐅᔪᒥᒃ ᐱᕙᓪᓕᑕᐅᓐᓇᑐᖃᕐᓂᐊᓂᖓᓂᒃ ᓄᓇᕕᒻᒥ ᓄᓇᓕᖏᓐᓂᑦ: ᐱᓇᓱᖃᑎᖃᕐᓂᖅ ᐊᑕᓂᐊᓘᑉ ᑲᓇᑕᒥ ᐅᓇᑕᕐᑎᖏᓐᓂᒃ ᐱᐅᔪᒥᒃ ᐊᓪᓗᕆᐊᕐᓂᐅᕗᖅ ᓲᓱᑦᓴᖃᑎᒌᓐᓂᒥᒃ, ᑐᑭᓯᒪᖃᑎᒌᓐᓂᒥᒃ, ᐅᑉᐱᕆᔭᖃᑎᒌᓐᓂᒥᓗ ᐱᑕᖃᕐᒪᑦ. ᐱᓇᓱᐊᖃᑎᒌᒍᑎᑦᓴᑎᓐᓄᑦ ᐊᒥᓲᕗᑦ ᐅᖃᓕᒪᒍᑎᒋᒋᐊᓕᕗᑦ, ᕿᓚᓈᕈᑎᖃᕐᓱᖓᓗ ᐱᓇᓱᐊᖃᑎᖃᓚᖓᓂᕐᒥᒃ ᐊᑕᓂᐊᓘᑉ ᑲᓇᑕᒥ ᐅᓇᑕᕐᑎᖏᑦᑕ ᐅᒥᐊᕐᑐᑎᖏᓐᓂᒃ .”
ᑖᓐᓇ ᐱᓇᓱᐊᖃᑎᖃᕐᓂᖅ Frédérick Rolette-ᒥᒃ ᐃᓚᒋᔭᐅᔪᖅ ᑲᓇᑕᒥ ᐱᓇᓱᑦᑕᐅᔪᒧᑦ ᐱᖓᓲᔪᕐᑐᑦ ᐅᒥᐊᕐᔪᐊᑦ ᐅᑭᐅᕐᑕᑐᒥ ᓄᓇᓕᖏᓐᓂᒃ ᓯᓈᖏᓐᓂᓗ ᑲᒪᒍᑏᑦ ᐅᒥᐊᕐᔪᐊᑦ ᐅᑭᐅᕐᑕᑐᒥ ᓄᓇᓕᓐᓂᒃ ᐱᓇᓱᐊᖃᑎᖃᕐᓂᖏᓐᓄᑦ. ᐅᓇᑕᕐᑏᑦ ᐅᒥᐊᕐᑐᑎᖏᑦ ᑖᒃᑯᓂᖓ ᐱᓇᓱᖃᑎᒌᓐᓂᐅᔪᓂᒃ ᐱᕕᑦᓴᓯᐊᓂᒃ ᓄᐃᑦᓯᖁᔨᕗᑦ ᐃᓕᑦᓯᓂᕐᒧᑦ, ᐱᓇᓱᖃᑎᒌᓐᓂᒧᑦ, ᐊᒻᒪᓗ ᓄᓇᓕᒻᒥ ᓯᕗᓕᕐᑎᖏᑦ ᐃᓅᓱᑦᑐᐃᓗ ᐱᓇᓱᐊᖃᑎᒌᓐᓂᖏᓐᓄᑦ.
ᑲᓇᑕᒥ ᐅᓇᑕᕐᑎᖏᓐᓂ ᑐᕐᖃᑕᕐᕕ David J. McGuinty ᐅᖃᕐᑐᕕᓂᖅ ᑲᓇᑕᐅᑉ ᐅᑭᐅᕐᑕᑐᖓᓂ ᐃᒪᖁᑎᖏᑦ ᐱᒻᒪᕆᐅᕗᑦ ᑲᓇᑕᐅᑉ ᓄᓇᖁᑎᖓᓂ, ᐊᖓᔪᕐᖄᒪᕆᐅᑉ ᑐᖓᓕᖓ Angus Topshee, ᐊᖓᔪᕐᖄᖓ ᐊᑕᓂᐊᓘᑉ ᑲᓇᑕᒥ ᐅᓇᑕᕐᑎᖏᑦᑕ ᐅᒥᐊᕐᑐᑎᖏᓐᓂ, ᐅᖃᕐᑐᕕᓂᖅ ᓄᑖᒥᒃ ᐱᑐᑦᓯᒪᖃᑎᒌᓐᓂᖏᑦ ᓄᓇᕕᓗ “ᓱᓕᓕᕐᑎᓯᒍᑎᐅᒋᐊᓪᓚᖁᖅ ᑐᓂᒪᑦᓯᐊᓂᕗᓐᓂᒃ ᐱᓇᓱᖃᑎᒌᓐᓂᓴᑎᓐᓄᑦ, ᓲᓱᑦᓴᓯᐊᕐᓂᒧᑦ, ᑲᒪᖃᑎᒌᑦᓯᐊᓂᕐᒧᓗ ᑲᓇᑕᐅᑉ ᐅᑭᐅᕐᑕᑐᖓᓂᒃ.”
ᐊᖓᔪᕐᖄᖅ ᓕᓯ ᐅᖃᕐᑐᕕᓂᖅ ᐅᓇᑕᕐᑎᖏᑦᑕ ᐅᒥᐊᕐᑐᑎᖏᑦ ᕿᓚᓈᕈᑎᓖᑦ ᐱᑐᑦᓯᒪᖃᑎᒌᓚᖓᓂᕐᒥᒃ ᐊᑯᓂ.
“ᐱᐅᔫᕗᖅ ᐅᕙᑦᑎᓄᑦ ᐱᑐᑦᓯᒪᖃᑎᖃᕈᓐᓇᕋᑦᑕ ᓄᓇᕕᒻᒥᒃ ᐱᓇᓱᖃᑎᒋᓗᒋᓗ ᐱᑐᑦᓯᒪᖃᑎᒌᒍᑎᐅᓚᖓᔪᓂᒃ ᐊᑯᓂ ᓯᕗᓂᑦᑎᓂ.”
ᒪᑭᕝᕕᒃ ᐅᐱᒍᓱᑦᑐᑦ ᐃᓚᐅᒋᐊᒥᒃ ᑖᑦᓱᒧᖓ ᓄᑖᒧᑦ ᐱᓇᓱᖃᑎᒌᓐᓂᒧᑦ ᐊᒻᒪᓗ ᕿᓚᓇᕐᓱᑎᒃ ᑲᔪᓯᔪᒥᒃ ᓲᓱᑦᓴᖃᑎᒌᑦᓯᐊᓂᖃᕐᓗᑎᑦ ᑐᑭᖃᑦᓯᐊᑐᒥᒃ ᐊᑕᓂᐊᓘᑉ ᑲᓇᑕᒥ ᐅᓇᑕᕐᑎᖏᓐᓂᒃ ᐱᓇᓱᖃᑎᒌᒍᓐᓇᓂᑦᓴᒥᓂᒃ ᐊᕐᕌᒍᕐᓂ ᓯᕗᓂᑦᑎᓂ.
