ᐅᑦᑐᐱᕆ 2018ᒥ, ᑲᓇᑕᒥ ᐃᒪᕐᐱᓕᕆᔨᒃᑯᑦ ᑐᓴᕐᑎᓯᓐᓂᖁᑦ ᐱᓇᓱᑦᑕᐅᓯᒪᔪᒥᒃ ᐅᑭᐅᕐᑕᑑᑉ ᓄᓇᖁᑎᖓᓂ ᒪᓕᒋᐊᕐᓱᑎᒃ ᐱᓇᓱᑦᑕᖏᓐᓂᒃ ᐱᒍᑦᔨᒍᑎᖏᓐᓂᓗ ᑲᓇᑕᐅᑉ ᐅᑭᐅᕐᑕᑐᖓᓂ ᓄᐃᑦᓯᓱᑎᓗ ᓯᕗᓪᓕᐅᔭᐅᔪᑦᓴᓂᒃ ᐃᓚᐅᑎᑦᓯᓱᑎᒃ ᐃᓄᓐᓂᒃ ᐅᑭᐅᕐᑕᑐᒥᓗ ᐱᓇᓱᖃᑎᑦᓴᔭᒥᓂᒃ.
ᐃᒪᕐᐱᓕᕆᓂᕐᒥ ᐊᒻᒪᓗ ᓱᒃᑯᓇᕐᑐᖃᕋᔭᕐᐸᑦ ᑲᒪᒋᐊᕐᓂᒧᑦ ᐱᓇᓱᑦᑕᐅᔪᖅ ᑲᓇᑕᐅᑉ ᐃᒪᕐᐱᓕᕆᔨᒃᑯᖏᓐᓄᑦ ᒫᓐᓇ ᐅᓪᓗᓕᒫᕐᓯᐅᑎᒥᒃ ᐱᓇᓱᑦᑎᖃᓕᕐᖁᑦ ᑰᑦᔪᐊᒥ. MEHR-ᑯᑦ ᑎᓕᔭᐅᒪᒍᑎᖏᑦ ᐃᑉᐱᒋᔭᖃᕐᓗᑎᑦ, ᐃᑲᔪᕐᓯᓗᑎᑦ, ᓯᕗᓕᕐᓗᑎᓗᓐᓃᑦ ᐃᑲᔪᕐᓯᓂᕐᒥᒃ ᐃᒪᕐᐱᒥ ᑯᕕᔪᖃᕐᓂᐸᑦ. ᑖᒃᑯᐊ ᐃᑲᔪᕐᓯᓃᑦ ᑲᔪᓯᑦᓯᐊᕈᓐᓇᖁᓗᒋᑦ, MEHR-ᑯᑦ ᐊᑐᐃᓐᓇᐅᒋᐊᖃᕐᓂᒧᑦ ᐱᓇᓱᑦᑎᖏᑦ ᓄᓇᓂᒃ ᑲᒪᒋᔭᐅᒋᐊᖃᕋᔭᕐᑐᓂᒃ ᐸᕐᓀᕈᑎᓕᐅᕐᓯᒪᕗᑦ ᓄᓇᓕᒻᒥᐅᓗ ᐱᓇᓱᖃᑎᖏᑦ ᐊᒻᒪᓗ ᐃᑲᔪᕐᓯᓂᕐᒧᑦ ᐊᖏᖃᑎᒌᒍᑎᓂᒃ ᐊᒻᒪᓗ ᐃᓚᐅᖃᑎᒌᓐᓂᓂᒃ. ᐃᓂᕐᕋ-ᑎᑦᓯᓂᕐᒧᑦ ᐱᓇᓱᑦᑎᖏᑦ ᐊᑐᐃᓐᓇᖃᕐᖁᑦ ᐃᓄᒻᒥᒃ ᐅᖄᓚᕕᐅᒍᓐᓇᑐᒥᒃ 24/7 ᑲᒪᒋᐊᑲᐱᒍᓐᓇᕋᔭᕐᑐᒥᒃ ᐃᒪᕐᐱᒥ ᑯᕕᔪᖃᕐᓂᐸᑦ ᓱᒃᑯᓇᕐᑐᑕᖃᕐᓂᐸᓗ, ᐃᑲᔪᕐᓯᓗᑎᓗ ᐊᐅᓚᑦᓯᓗᑎᓗ ᑲᒪᒋᐊᕐᓗᑎᓗ ᐃᒪᕐᐱᒥ ᑯᕕᔪᓂᑦ ᓱᒃᑯᓇᕐᑐᑖᕐᑐᕕᓂᕐᓂᓗ.
ᑲᓇᑕᒥ ᐃᒪᕐᐱᓕᕆᔨᒃᑯᑦ ᖃᓄᐃᓗᕈᑎᖃᕆᐊᕐᓯᒪᕗᑦ ᐱᐅᒡᒍᑏᑦ ᐃᓂᖃᕐᑎᑕᐅᑦᓱᑎᑦ ᐃᓱᐊᕐᓂᐹᖑᒐᔭᕐᑐᓂ ᐃᓂᓂᒃ ᐱᐅᓯᐅᒥᒋᐊᕐᑎᓯᒐᓱᓐᓂᒧᑦ ᓄᓇᓕᒻᒥ ᐃᒪᕐᐱᖓᓂ ᐅᐃᒪᓇᕐᓯᔪᖃᕋᔭᕐᐸᑦ. ᒫᓐᓇᐅᑎᓪᓗᒍ, ᑕᓪᓕᒪᓂᒃ ᓄᓇᓃᑦᓱᑎᒃ ᐱᐅᓕᐊᕐᑕᐅᕗᑦ ᓄᓇᕕᒻᒥ, ᓄᓇᖓᓂ ᐅᖓᕙᒥ ᐊᒻᒪᓗ ᐅᒥᐊᕐᔪᐊᑯᕐᑐᓴᓂᒃ ᐅᓯᒍᑏᑦ ᑭᑭᐊᑦᓴᔭᐅᑦᓱᑎᒃ ᒪᕐᕉᒃ ᐃᓗᓕᑕᖃᕐᓱᑎᒃ ᐃᒪᕐᐱᒥ ᑯᕕᔪᖃᕐᓂᐸᑦ ᐱᓇᓱᒍᑎᓂᒃ.. ᑖᒃᑯᐊ ᐱᐅᓕᐊᕐᑕᐅᕕᖏᑦ ᓄᓇᓕᓐᓃᖁᑦ ᐊᑐᕐᑕᐅᒍᓐᓇᕋᔭᕐᓱᑎᑦ ᐃᓕᓐᓂᐊᓯᒪᔪᓄᑦ ᓄᓇᓕᒻᒥᐅᓄᑦ ᐅᐃᒪᓇᕐᑐᓕᕆᔨᖏᓐᓄᑦ ᑲᒪᒋᐊᑲᐱᒍᓐᓇᕋᔭᕐᓗᑎᑦ ᓄᓇᓕᐅᑉ ᐃᒪᕐᐱᖓᓂ ᑯᕕᔪᖃᕐᓂᐸᑦ ᐊᓯᒋᐊᓪᓚᖏᓪᓗ ᐱᖁᑏᑦ ᐊᒻᒪᓗ ᑲᓇᑕᒥ ᐃᒪᕐᐱᓕᕆᔨᒃᑯᖏᑦᑕ ᐱᓇᓱᑦᑎᖏᑦ ᐃᑲᔪᕐᓯᒋᐊᕐᑐᒍᓐᓇᓱᑎᑦ.
ᖃᐅᔨᒪᕖᑦ ᑲᓇᑕᒥ ᐃᒪᕐᐱᓕᕆᔨᒃᑯᑦ ᐅᖄᓚᐅᑎᖃᕐᑎᓗᒋᑦ ᐅᐃᒪᓇᕐᓯᔪᖃᕐᐸᑦ ᐅᖄᓚᕕᐅᒍᓐᓇᑐᒥᒃ ᑐᓴᕐᑎᓗᒋᑦ ᐅᕐᓱᐊᓗᓐᓂᒃ ᑯᕕᔪᖃᕐᓂᐸᑦ, ᓱᒃᑯᓇᕐᑐᑕᓖᑦ ᐅᒥᐊᕐᔪᐊᑦ, ᐅᕝᕙᓗᓐᓃᑦ ᐊᓯᖏᓐᓂᒃ ᐃᒪᕐᐱᒥ ᓱᒃᑯᓇᕐᑐᓂᒃ ᐅᑭᐅᕐᑕᑑᑦ ᓄᓇᖁᑎᖓᓂ? ᖃᖓᑐᐃᓐᓇᓕᒫᖅ ᐅᖄᓚᕕᐅᒍᓐᓇᑐᑦ, ᐅᖄᓚᐅᑎᒃᑯᑦ ᐅᕙᓂ 1-867-979-5269, ᖃᕆᑕᐅᔭᑎᒍᑦ ᐊᓪᓚᕕᐅᓗᑎᑦ ᐅᕙᓂ iqanordreg@ innav.gc.ca ᐅᕝᕙᓗᓐᓃᑦ ᒪᙯᓯᐅᑎᒃᑯᑦ ᓈᓚᐅᑎᑎᒍᑦ ᐅᕙᓂ 16 ᐊᒻᒪᓗ MF/HF ᑭᓯᑦᓯᒍᑎᖏᓐᓂ 2182 kHz/4125 kHz.
ᑐᑭᓯᒋᐊᕈᒪᒍᕕᑦ ᑲᓇᑕᐅᑉ ᐃᒪᕐᐱᓕᕆᔨᒃᑯᑦ ᐃᒪᕐᐱᒥ ᓱᒃᑯᓇᕐᑐᓂᓗ ᑲᒪᒋᐊᕐᓂᒧᑦ ᐱᒍᑦᔨᕕᖓᓂ, ᑰᑦᔪᐊᒥ ᐊᓪᓚᕕᖓᓂ ᐱᓇᓱᑦᑎᒧᑦ ᖃᐅᔨᒋᐊᕈᓐᓇᖁᑎᒃ: Alysha.Wilson-Maksagak@dfo-mpo.gc.ca
