ᑐᓵᔩᑦ ᐁᑦᑐᓯᐊᕐᑖᓚᐅᔪᑦ $500,000-ᓂᒃ ᐅᑭᐅᕐᑕᑐᒥ ᐃᓄᖁᑎᒥᓂᒃ ᐃᑲᔪᕋᓱ-ᐊᕐᓂᑯᑦ ᐊᔪᐃᓐᓇᓲᓂᒃ ᐁᑦᑑᓯᐊᒍᓲᓂᒃ ᓄᓇᓕᒻᒧᑦ ᐃᓚᐅᔪᐃᑦ ᐃᓕᓭᒍᑎᑦᓴᓂᒃ ᐱᕕᑦᓴᖃᖁᑦᓱᒋᑦ ᑐᓵᒍᓐᓇᖏᕐᓯᒪᓂᕐᒨᓕᖓᔪᓂᒃ ᐊᒻᒪᓗ ᑐᓵᒍᓐᓇᓯᑦᑎᑦᓯᒐᓱᐊᒧᑦ ᐱᓇᓱᐊᕈᑎᑦᓴᓂᒃ. ᑕᒪᑦᓱᒥᖓ ᐱᓇᓱᐊᕐᓂᖅ ᑐᓵᒍᓐᓇᖏᕈᑕᐅᓲᓂᒃ ᖃᐅᔨᒐᓱᕐᓂ-ᐅᒍᒪᒻᒥᔪᖅ, ᐃᓄᐃᑦ ᑐᓵᒍᓐᓇᖏᕐᑌᓕᒐᓱᐊᕈᑎᑦᓴᖏᑦ ᖃᐅᔨᒐᓱᐊᕐᓗᒋᓪᓗ.

ᐁᑦᑑᓯᐊᒍᓲᒥᒃ ᑐᓴᕐᑎᓯᒍᑎᐅᓚᐅᔪᑦ ᓄᓇᖃᕐᖄᓯᒪᔪᐃᑦ ᑕᓚᕖᓴᒃᑯᑦ ᑕᑯᑦᓴᐅᑎᑦᓯᒍᑎᒋᓲᖓᑎᒍ APTN-ᑯᑦ ᐊᒻᒪᓗ ᖃᕆᑕᐅᔭᑎᒍᑦ ᑕᑯᑦᓴᐅᑎᑕ-ᐅᓚᐅᔪᑦᓱᑎᒃ ᕕᐳᐊᕆ 19-ᒥ. ᑕᒪᑦᓱᒥᖓ ᐱᓇᓱᐊᕐᓂᒥᒃ ᓯᕗᓕᕐᑎᒋᔭᐅᔪᖅ, ᑐᓄ ᓇᐹᕐᑐᖅ, ᐃᓕᓭᒍᑎᓄᑦ ᐱᓪᓗᖁᑎᓂᒃ ᐊᒻᒪᓗ ᐱᒍᑦᔨᒋᐊᓪᓚᑖᕈᑎᓂᒃ ᑲᑎᕕᒃ ᐃᓕᓴᕐᓂᓕᕆᔨᒃᑯᓄᑦ. ᑐᓴᕐᑎᑕᐅᒋᐊᒥᒃ ᑮᓇᐅᔭᓂᒃ ᐱᑎᑕᐅᓛᕐᓂᑎᓐᓂᒃ ᐱᓪᓚᕆᐊᓘᓚᐅᕐᑐᖅ ᐱᐅᓯᕐᓲᑎᑐ ᐃᓐᓇᐅᓚᐅᖕᖏᒪᑦ ᐁᑦᑑᓯᐊᕗᑦ.

“ᑖᒃᑯᓂᖓ ᐁᑦᑑᓯᐊᒍᓲᓂᒃ ᐱᖃᑕᐅᒐᓱᐊᕈᑏᑦ ᐱᔭᕆᐊᑭᑦᑑᓚᐅᔪᖕᖏᑐᑦ, ᐱᓇᓱᐊᖃᑎᒌᑦᑐᖁᑎᕗᑦ ᐱᒐᓱᐊᒻᒪᕆᑦᓱᑎᒃ ᐱᓇᓱᐊᕆᐊᖃᓚᐅᔪᑦ ᐱᔭᕇᒐᓱ- ᐊᕐᓱᒋᑦ ᐱᒐᓱᐊᕈᑎᕗᑦ. ᖃᐅᔨᒪᒋᓚᐅᔪᒐᓗᐊᕐᑐᒍᑦ ᐱᐅᔪᐊᓗᓐᓂᒃ ᐱᓇᓱ-ᐊᕈᒪᔭᑦᑎᓂᒃ ᖃᓄᖅ ᐱᓇᓱᐊᕈᒻᒪᖔᑕ, ᐊᒻᒪᓗ ᖃᐅᔨᒪᒌᓚᐅᔪᑦᓱᑕ ᑐᓵᔪᐃᑦ ᐱᒍᓐᓇᕋᔭᕆᐊᖏᑦ ᐱᓇᓱᐊᕈᒪᔭᒥᓂᒃ,” ᑌᒣᓕᑦᓱᓂ ᑐᓄ ᐅᖃᓚᐅᔪᖅ. “ᓱᕐᖁᐃᓇᕐᑎᑕᐅᒻᒪᑦ ᓴᐳᒻᒥᔭᐅᒋᐊᕐᑎᓂᒃ ᑐᓴᕐᑎᓯᓂᖃᕐᑎᓗᒋᑦ ᐅᑭᐅᕐᑕᑐᒥ ᐃᓄᖁᑎᒥᓂᒃ ᐃᑲᔪᕋᓱᐊᕐᓂᑯᑦ ᐊᔪᐃᓐᓇᓲᓂᒃ ᐁᑦᑑᓯᐊᒍᓲᒥᒃ ᐱᑎᑕᐅᒐᑦᑕ ᐊᑦᑐᑕᐅᓐᓇᑐᒻᒪᕆᐅᓚᐅᔪᖅ,” ᑐᓄ ᑐᑭᓯᓇᕐᑎᓯᓚᐅᔪᖅ ᑐᕌᕐᑕᐅᒐᓱᐊᕐᐸᑐᓂᒃ ᑐᓵᔪᐃᑦ ᐱᓇᓱᐊᕐᑐᐃᑦ ᐱᑐᑦᓯᒪᐅᑎᒋᐊᖃᕐᒪᑕ ᐱᒍᑦᔨᔨᐅᓲᓂᒃ, ᐅᑦᑑᑎᒋᓗᒋᑦ ᓄᓇᕕᒻᒥ ᐃᓗᓯᓕᕆᔨᓄᑦ ᐊᒻᒪᓗ ᐃᓕᓴᕐᓂᓕᕆᓂᕐᒧᑦ ᑎᒥᐅᔪᓄᑦ, ᐊᒻᒪᓗ ᓄᓇᕕᒻᒥ ᑲᒃᑲᓛᑦ/ᐱᐊᕃᑦ ᐱᑦᔪᑎᒋᑦᓱᒋᑦ ᐱᓇᓱᐊᖃᑎᒌᑦᑐᓄᑦ.

“ᐱᒻᒪᕆᐅᒻᒥᔪᖅ ᓇᐅᓕᒫᑦ ᖃᐅᔨᑎᑕᐅᓕᐅᒥᒋᐊᖃᕐᓂᖏᑦ ᑐᓵᑦᓯᐊᖃᔭᖕᖏᑐᐃᑦ ᐊᒥᓲᒻᒪᑕ ᐊᒻᒪᓗ ᖃᓄᖅ ᑐᓵᑦᓯᐊᖃᔦᕐᓯᒪᔪᐃᑦ ᖃᓄᖅ ᓱᕐᕋᑕᐅᓯᒪᓂᖃᓲᒍᒻᒪᖔᑕ ᑲᒃᑲᓛᑦ/ᐱᐊᕃᑦ ᐃᓕᓴᕐᕕᒥ. ᑐᓵᔪᐃᑦ, ᖃᐅᔨᒐᓱᐊᕈᓐᓇᓚᖓᓂᖏᑦ ᐱᒻᒪᕆ-ᐅᓚᖓᔪᑦ ᓄᓇᕕᒻᒥᐅᓂᒃ ᐊᒻᒪᓗ ᐱᒍᓐᓇᕕᖃᕐᑎᑕᐅᑦᓯᐊᒐᔭᕐᓱᑎᒃ ᐱᐅᓂᕐᐹᓂᒃ ᓴᐳᒻᒥᔭᐅᒍᑎᑦᓴᖏᓐᓂᒃ.”

ᑐᓄ ᓇᐹᕐᑐᖅ ᑖᒃᑯᓂᖓ ᑮᓇᐅᔭᓂᒃ $500,000-ᓂᒃ ᐊᑐᕐᑕᐅᕙᓪᓗᒐᔭᕐᓂᖏᓐᓂᒃ ᑮᓇᐅᑦᔭᓵᓄᑦ ᐅᖃᓚᐅᔪᖅ ᐊᑕᐅᑦᓯᑰᕐᑎᓯᔨᐅᒐᔭᕐᑐᒧᑦ ᐃᑲᔪᕐᑎᖏᓄᓪᓗ. ᑐᓵᑦᓯᐊᖃᔭᖕᖏᑐᓂᒃ ᐃᓕᖓᔪᓂᒃ ᖃᐅᔨᒪᑎᑦᓯᒐᓱᐊᕐᓃᑦ ᐱᒻᒪᕆᐅᓚᖓᒻᒥᔪᑦ ᑐᓴᐅᒪᖃᑦᑕᐅᑎᒍᑎᑎᒍᑦ, ᖃᕆᑕᐅᔭᑎᒍᓪᓗ ᑕᑯᓐᓇᕋᑦᓴᔭᕐᑎᒍᑦ, ᐊᒻᒪᓗ ᓄᓇᓕᓕᒫᓂ ᓄᓇᓕᓐᓂᓗ ᑐᓴᐅᑎᒃᑯᑦ. ᓄᓇᕕᒻᒥᐅᑦ ᑐᑭᓯᒪᓕᐅᒥᒋᐊᖃᕐᒪᑕ ᖃᓄᖅ ᑐᓵᑦᓯᐊᕈᓐᓀᓲᒍᒻᒪᖔᑕ ᐊᒻᒪᓗ ᑐᓵᑦᓯᐊᕈᓐᓀᑐᐃᑦ ᖃᓄᖅ ᓱᕐᕋᑕᐅᓯᒪᓲᒍᒻᒪᖔᑕ.

“ᑐᓵᑦᓯᐊᕈᓐᓀᑐᐃᑦ ᑐᓵᑦᓯᐊᕈᑎᓄᑦ ᑐᓵᑦᓯᐊᓕᐅᒥᑎᑕᐅᒍᓐᓇᑐᑦ ᐊᒻᒪᓗ ᑕᒪᓐᓇ ᑌᒫᑦᓭᓇᑐᐃᓐᓇᑐᖅ, ᑕᑉᐲᑐᐃᑦ ᐃᔭᐅᑎᖃᑐᐊᕋᒥᒃ ᑕᑯᓐᓈᕈᓐᓇᓯ-ᐅᒥᓲᒍᒻᒪᑕ ᑕᒪᓐᓇ ᐊᑦᔨᐸᓱᑐᐃᓐᓇᐅᖓ.” ᑌᒣᓕᑦᓱᓂ ᑐᓄ ᐅᖃᓚᐅᔪᖅ. “ᐱᓇᓱᐊᖃᑎᒌᒍᑎᖃᒋᐊᖃᓚᖓᕗᒍᑦ ᑐᓵᑦᓯᐊᖃᔭᖕᖏᑐᓂᒃ ᐃᒣᑦᑐᒍᓘᒐᒥᐅᓇ ᐃᓱᒪᒍᓯᐅᓲᓂᒃ ᐃᓄᓐᓄᑦ ᑌᒣᖁᓇᕈᓐᓀᒪᑦ ᑲᒃᑲᓛᑦ/ᐱᐊᕃᑦ ᐱᓗᐊᕐᑐᖅ.”

ᐅᑭᐅᕐᑕᑐᒥ ᐃᓄᖁᑎᒥᓂᒃ ᐃᑲᔪᕋᓱᐊᕐᓂᑯᑦ ᐊᔪᐃᓐᓇᓲᓂᒃ ᐁᑦᑑᑎᐅᓲᖅ ᐊᕐᕌᒍᑕᒫᑦ ᑲᓇᑕᒥ, ᐱᕈᕐᓰᕙᓪᓕᐊᒍᑕᐅᓚᖓᔪᓂᒃ ᑮᓇᐅᔭᕐᑖᑎᑦᓯᓲᒍᕗᑦ ᐅᑭᐅᕐᑕᑐᒥᒃ ᑖᒃᑯᓂᖓ ᑮᓇᐅᔭᓂᒃ ᐱᒐᓱᐊᕈᒪᔪᓂᒃ ᐊᑑᑎᔭᐅᓚᐅᕐᓯᒪᖕᖏᑐᓂᒃ ᐱᓇᓱᐊᕈᑎᖃᕐᐸᓕᐊᒐᓱᐊᕐᓂᒧᑦ ᐃᓱᒪᑖᕆᔭᐅᓯᒪᔪᓂᒃ. ᐱᓇᓱᐊᕐᓂᐅᔪᐃᑦ ᐃᓕᓴᕐᓂᓅᓕᖓᔪᓂᒃ, ᐃᓪᓗᑖᕐᑎᓯᒐᓱᐊᕐᓂᓄᓪᓗ ᐃᓪᓗᖁᑎᒋᔭᐅᑦᓭᓇᕈᓐᓇᑐᓂᒃ ᑖᕗᖓᓕᒫᖅ, ᐃᓗᓯᓕᕆᓂᕐᒨᓕᖓᔪᓂᒃ, ᑕᑯᒥᓇᕐᑐᓕᐅᕐᓂᑎᒍᑦ, ᑐᓴᕐᓂᔮᕐᓂᑎᒍᓪᓗ, ᐃᓄᐃᑦ ᐱᐅᓯᑐᖃᖏᑦᑎᒍᑦ ᖃᐅᔨᒪᔭᑐᖃᖏᓐᓅᓕᖓᔪᓂᒃ, ᐅᖃᐅᓯᕐᓅᓕᖓᔪᓂᓪᓗ ᐊᒻᒪᓗ ᖃᐅᔨᒐᓱᐊᕐᓂᑯᑦ ᓱᑯᐃᔦᓂᕐᓅᓕᖓᔪᓂᒃ.