ᑐᓴᕋᑦᓴᖅ
ᑰᑦᔪᐊᖅ, ᓄᕐᕋᓕᐅᑦ 6, 2026 ᑖᓐᓇ ᖃᐅᔨᑎᑦᓯᒍᑎ ᐃᓕᖓᔪᖅ ᖃᕆᑕᐅᔦᑦ ᐃᑖᕐᑕᐅᒋᐊᕐᓂᖏᓐᓂᒃ ᐱᓂᐊᕐᓂᖃᕐᑐᕕᓂᐅᓚᐅᕐᑎᓗᒍ ᒪᑭᕝᕕᒃ ᑯᐊᐳᕇᓴᒃᑯᑦ (ᒪᑭᕝᕕᒃ) ᖃᐅᔨᔭᕕᓂᕆᓚᐅᕐᑕᖓᓂ ᐊᕗᓐᓂᑎ 8, 2026ᖑᑎᓪᓗᒍ.
ᒪᑭᕝᕕᒃ ᑐᕃᓐᓇᕕᖃᕐᓗᓂ ᐃᓚᖏᓐᓂᒃ ᓱᕐᕋᑕᐅᒍᑎᓕᓐᓂᒃ ᐃᓄᑑᓈᕐᑎᑐᓂᒃ ᖃᐅᔨᑎᑦᓯᕕᖃᑦᓴᐅᑎᒋᒍᓐᓇᖏᒻᒪᑦ ᑖᒃᑯᐊ ᑐᕌᒍᑎᖏᓐᓂᒃ ᐊᑐᓪᓚᕆᑦᑐᓂᒃ ᐱᓯᒪᖕᖏᓇᒥ. ᑖᓐᓇ ᐊᑑᑎᓕᒃ ᑭᓇᓕᒫᒃᑯᓂᒃ ᐊᑕᐅᑦᓯᑯᑦ ᖃᐅᔨᑎᑦᓯᒍᑎᐅᑦᓱᓂ ᑌᒃᑯᓂᖓ ᑐᕃᓐᓇᕕᐅᑦᓱᑎᒃ ᖃᐅᔨᑎᑕᐅᒍᑎᖃᕐᓯᒪᕋᑕᖕᖏᑐᓂᒃ, ᐊᒻᒪᓗ ᑭᓇᓕᒫᒃᑯᓂᒃ ᐊᑦᑐᐊᔭᐅᔪᓂᒃ ᖃᐅᔨᒪᓕᐅᒥᑎᑦᓯᒍᑎᐅᒻᒥᓱᓂ.
ᓱᔪᖃᕐᓂᒪᖔᑦ
ᐊᕗᓐᓂᑎ 8, 2026-ᖑᑎᓪᓗᒍ, ᖃᐅᔨᓚᐅᔪᒐᑦᑕ ᖃᕆᑕᐅᔭᓕᕆᒍᑎᕗᑦᑕ ᐋᕐᕿᓱᕐᓯᒪᒍᑎᖏᑦ ᐃᓚᖏᑦ ᐃᑖᕐᑕᐅᒐᓱᑦᑐᕕᓂᐅᒋᐊᖏᑦ ᖃᕆᑕᐅᔭᒃᑯᑦ ᐃᑖᕐᑎᓄᑦ. ᖃᐅᔨᒐᑦᑕ ᐱᓂᐊᕐᓂᒥᒃ ᑕᒪᑦᓱᒥᖓ, ᖃᓄᐃᓕᒋᐊᑦᓴᐅᑎᒋᓚᐅᔪᕗᒍᑦ ᖃᕆᑕᐅᔦᑦ ᐱᑐᑦᓯᒪᒍᑎᖏᓐᓂᒃ ᐊᑦᑕᓀᓕᑎᑦᓯᒍᑎᓄᑦ ᐊᒻᒪᓗ ᓇᖕᒥᓂᖏᓐᓄᐊᖓᔪᑦ ᑐᑭᓯᒪᔭᐅᒍᑎᖏᑦ ᓴᐳᑦᔨᔭᐅᒍᑎᑦᓴᖏᓐᓄᑦ. ᐱᓇᓱᑦᑎᓯᓯᓚᐅᔪᕗᒍᑦ ᖃᕆᑕᐅᔭᓕᕆᒍᑎᓂ ᐊᑦᑕᓇᕐᑑᒌᒃᑯᑎᓂᒃ ᖃᐅᔨᒪᔨᒻᒪᕆᓂᒃ ᒪᑭᕝᕕᒥᒃ ᐃᑲᔪᕐᓂᐊᑎᓪᓗᒋᑦ ᖃᐅᔨᓴᕈᑎᖏᑎᒍᑦ ᐅᑎᕐᑎᓯᒋᐊᕈᑎᖏᑎᒍᓪᓗ. ᖃᐅᔨᓴᕈᑎᖏᑦ ᓱᕐᖁᐃᓯᒍᑎᐅᓯᒪᓕᕐᑐᑦ ᐃᒫᒃ ᐊᖏᕐᑕᐅᓯᒪᒍᑎᖃᖕᖏᑐᒥᒃ ᐱᓂᐊᕐᑐᓕᕕᓂᐅᒋᐊᖓᑦ ᐃᑎᕈᓐᓇᓯᔪᕕᓂᕐᒥᒃ ᒪᑭᕝᕕᑯᑦ ᖃᕆᑕᐅᔭᕈᑎᖏᑦᑕ ᐊᕐᖁᑎᖃᕈᑎᖏᓐᓄᑦ ᐊᕗᓐᓂᑎ 5 ᐊᒻᒪᓗ ᐊᕗᓐᓂᑎ 8, 2026 ᐊᑯᓐᓂᖏᓐᓂᑦ. ᑌᑲᓂᐅᑎᓪᓗᒍ, ᑌᓐᓇ ᐊᖏᕐᑕᐅᓯᒪᒍᑎᖃᖕᖏᑐᖅ ᐃᑎᕐᑐᕕᓂᐅᒻᒪᑦ ᐊᑦᔨᓕᐅᕆᔪᕕᓂᐅᑦᓱᓂᓗ ᐃᓄᑑᓈᕐᑎᑐᑦ ᓇᖕᒥᓂᖏᓄᐊᖓᔪᑦ ᑐᑭᓯᒪᔭᐅᒍᑎᖏᓐᓂᒃ ᒪᑭᕝᕕᑯᑦ ᓇᖕᒥᓂᖁᑎᖏᓐᓃᑐᓂᒃ.
ᓱᓇᓂᒃ ᑐᑭᓯᒪᒍᑎᑦᓭᑦ ᐃᓚᒋᔭᐅᓐᓂᖃᑦ
ᖃᐅᔨᓴᕈᑎᕗᑦ ᓱᕐᖁᐃᓯᓚᐅᕐᑐᑦ ᐃᒫᒃ ᐃᓚᐅᔪᑦ ᐊᒻᒪᓗ ᐱᓇᓱᑦᑏᑦ ᓇᖕᒥᓂᖏᓐᓄᐊᖓᔪᑦ ᑐᑭᓯᒪᐅᑎᑦᓭᑦ ᓱᕐᕋᑕᐅᒍᓇᕕᓂᐅᒋᐊᖏᑦ. ᓇᖕᒥᓂᖓᓄᐊᖓᔪᓂᒃ ᑐᑭᓯᒪᐅᑎᑦᓴᖏᑦ ᐊᑦᔨᒌᖕᖏᑐᓚᑳᖑᑦᓱᑎᒃ ᐊᑐᓂᑦ ᐃᓄᒻᒧᑦ, ᑭᓯᐊᓂ ᐃᓚᖃᕈᓇᐅᑦᓱᑎᒃ ᐊᑎᓕᒫᖓᓂᒃ, ᑐᕌᒍᑎᖓᓂᒃ, ᖃᕆᑕᐅᔭᒃᑯᑦ ᐊᓪᓚᑖᕈᑎᖓᑕ ᑐᕌᒍᑎᖓᓂᒃ, ᐅᖄᓚᐅᑎᖓᑕ ᑭᓯᑦᓯᒍᑎᖓᓂᒃ, ᐃᓅᓕᕐᕕᖓᑕ ᐅᓪᓗᖓᓂᒃ, ᑲᓇᑕᒥ ᑭᓯᑦᓯᒍᑎᒻᒪᕆᖓᓂᒃ ᐊᒻᒪᓗ ᑮᓇᐅᔭᒃᑯᕕᖓᓅᓕᖓᔪᓂᒃ ᑐᑭᓯᒪᐅᑎᓂᒃ. ᖃᐅᔨᓚᕿᓚᐅᖕᖏᓚᒍᑦ ᐅᑉᐱᕆᔭᖃᕈᑎᑦᓴᖃᕋᑕᓗ ᐃᓕᓐᓅᓕᖓᔪᑦ ᑐᕌᕐᑕᐅᓗᑐᕐᑐᕕᓂᐅᒋᐊᖏᑦ, ᐊᒻᒪᓘᓐᓃᑦ ᑕᒪᒃᑯᐊ ᑐᑭᓯᒪᐅᑎᑦᓭᑦ ᐊᑐᓂᕐᓗᑕᐅᓪᓗᑐᕆᐊᖏᑦ ᖃᐅᔨᓚᐅᖕᖏᒥᑦᓱᑕ.
ᖃᓄᐃᓘᕈᑎᒋᓚᕿᔭᕗᑦ
ᖃᓄᐃᓘᕈᑎᒋᓯᒪᓕᕐᑕᕗᑦ ᐱᓂᐊᕐᓂᒥᒃ ᐱᓇᓱᐊᕐᑕᐅᒋᐊᓖᑦ ᖃᓄᐃᓕᒋᐊᕈᑎᖃᕐᓂᒧᑦ ᐊᖏᕐᓯᒪᒍᑎᒋᑦᓱᒋᓪᓗ ᑐᑭᓯᒪᒍᑏᑦ ᑕᑎᒋᔭᐅᒍᑎᒋᑦᓱᒋᑦ ᐅᕙᑦᑎᓅᕐᑕᐅᓯᒪᔪᑦ ᓴᐳᒻᒥᔭᐅᑦᓯᐊᕈᑎᒋᒋᐊᓕᖏᑦ. ᖃᐅᔨᑐᐊᕋᑦᑎᒍ ᑕᒪᓐᓇ ᐱᓂᐊᕐᓂᐅᔪᕕᓂᖅ, ᖃᓄᐃᓕᒋᐊᕈᑎᒋᑦᓴᐅᑎᒋᓚᐅᔪᔭᕗᑦ ᐊᑦᑕᓀᓕᑎᑦᓯᒍᑎᒋᑦᓱᒋᑦ ᐱᓇᓱᐊᕐᕕᕗᓐᓂᒃ ᐱᓇᓱᑦᑎᓯᒍᑎᒋᑦᓱᒋᓗ ᓯᓚᑖᓂᑦ ᐱᓯᒪᔪᓂᒃ ᖃᐅᔨᒪᔨᒻᒪᕆᓂᒃ ᖃᐅᔨᓴᕐᓂᐊᑎᓪᓗᒋᑦ. ᑐᓴᕐᑕᐅᑎᓯᒪᓕᕐᑕᕗᑦ ᑕᒪᓐᓇ ᐱᓂᕐᓗᓂᐅᓚᐅᕐᑐᖅ ᑲᓇᑕᒥ ᑲᒪᔨᓄᑦ ᖃᕆᑕᐅᔦᑦ ᐊᑐᕐᑕᐅᓂᖏᓐᓂ ᐊᑦᑕᓇᕐᑌᓕᒍᑎᓄᑦ ᐊᒻᒪᓗ ᖃᐅᔨᓴᕐᑎᓄᑦ ᑐᑭᓯᒪᒍᑎᑦᓭᑦ ᐊᑐᕐᑕᐅᒍᓐᓇᓂᖏᓐᓄᑦ.
ᐃᓕᑦᓯᓂᒃ ᑲᒪᑦᓯᐊᖏᓐᓇᖃᑦᑕᖁᔨᕗᒍᑦ ᑭᓇᐅᓂᕐᒨᓕᖓᔪᑦ ᑎᓪᓕᒑᖑᔨᐊᕆᑦᑌᓕᓗᒋᑦ ᐅᐃᕖᕐᕆᔭᐅᔨᐊᕆᑦᑌᓕᓪᓗᒋᓗ ᑕᑯᒋᐊᒋᐊᖃᑦᑕᓗᑎᑦ ᐃᓪᓓᒍᑎᐊᐱᒻᒥᒃ ᐊᑭᓕᑦᓴᑖᕈᑎᑉᐱᑦ ᐊᓪᓚᑕᐅᒪᒍᑎᖏᓐᓂᒃ ᐊᒻᒪᓗ ᑮᓇᐅᔭᒃᑯᕕᑉᐱᑦ ᐊᓪᓚᑕᐅᒪᒍᑎᖏᓐᓂᒃ ᖃᐅᔨᒍᓐᓇᓂᕋᕕᑦ ᐅᐃᕕᕐᕆᔭᐅᒍᕕᑦ. ᖃᐅᔨᒍᕕᑦ ᓱᓇᑐᐃᓐᓇᒥᒃ ᒪᓗᓐᓇᑐᒥᒃ ᐅᕝᕙᓗᓐᓃᑦ ᐊᔪᒉᑦᑐᒥᒃ ᓱᔪᖃᕐᐸᑦ ᑮᓇᐅᔭᒃᑯᕕᑎᓐᓂ, ᖃᐅᔨᑎᑦᓯᓴᐅᑎᒋᔪᑦᓴᐅᕗᑎᑦ ᑮᓇᐅᔭᒃᑯᕕᓐᓂᒃ ᐅᕝᕙᓗᓐᓃᑦ ᑲᒻᐸᓂᒥᒃ.
ᖃᓄᐃᓘᕈᓐᓇᒪᖔᕐᐱᑦ
ᐃᓕᑦᓯᓂᒃ ᑲᒪᑦᓯᐊᖏᓐᓇᖃᑦᑕᖁᔨᕗᒍᑦ ᑭᓇᐅᓂᕐᒨᓕᖓᔪᑦ ᑎᓪᓕᒑᖑᔨᐊᕆᑦᑌᓕᓗᒋᑦ ᐅᐃᕖᕐᕆᔭᐅᔨᐊᕆᑦᑌᓕᓪᓗᒋᓗ ᑕᑯᒋᐊᒋᐊᖃᑦᑕᓗᑎᑦ ᐃᓪᓓᒍᑎᐊᐱᒻᒥᒃ ᐊᑭᓕᑦᓴᑖᕈᑎᑉᐱᑦ ᐊᓪᓚᑕᐅᒪᒍᑎᖏᓐᓂᒃ ᐊᒻᒪᓗ ᑮᓇᐅᔭᒃᑯᕕᑉᐱᑦ ᐊᓪᓚᑕᐅᒪᒍᑎᖏᓐᓂᒃ ᖃᐅᔨᒍᓐᓇᓂᕋᕕᑦ ᐅᐃᕕᕐᕆᔭᐅᒍᕕᑦ. ᖃᐅᔨᒍᕕᑦ ᓱᓇᑐᐃᓐᓇᒥᒃ ᒪᓗᓐᓇᑐᒥᒃ ᐅᕝᕙᓗᓐᓃᑦ ᐊᔪᒉᑦᑐᒥᒃ ᓱᔪᖃᕐᐸᑦ ᑮᓇᐅᔭᒃᑯᕕᑎᓐᓂ, ᖃᐅᔨᑎᑦᓯᓴᐅᑎᒋᔪᑦᓴᐅᕗᑎᑦ ᑮᓇᐅᔭᒃᑯᕕᓐᓂᒃ ᐅᕝᕙᓗᓐᓃᑦ ᑲᒻᐸᓂᒥᒃ.
ᑐᑭᓯᒪᔭᐅᒍᑎᑎᑦ ᐊᑦᑕᓇᕐᑐᒦᒋᐊᖃᖕᖏᓂᖏᓐᓂᒃ ᐱᐅᓕᐊᕐᑕᐅᓯᐊᕆᐊᖃᕐᓂᖏᓐᓂᓗ ᐱᒻᒪᕆᐅᑎᑦᓯᒪᕆᑉᐳᒍᑦ. ᒪᒥᐊᒍᑎᖃᕐᐳᒍᑦ ᑕᒪᑦᓱᒧᖓ ᐃᓱᐃᓪᓕᖓᔪᒨᓚᕿᑎᑕᐅᓐᓂᕈᕕᑦ. ᐃᑲᔪᕈᓐᓇᐳᒍᑦ ᐊᐱᕐᓲᑎᖃᕈᕕᑦ ᐃᓱᒫᓘᑎᖃᕈᕕᓪᓘᓃᑦ. ᐅᑯᐊ ᐅᖄᓚᐅᑏᒃ ᑐᕃᓐᓇᑐᒥᒃ ᓯᕙᓂᕈᑏᒃ ᒪᑭᕝᕕᑯᑦ ᐱᓇᓱᑦᑎᖏᓐᓄᑦ ᐃᑲᔪᕐᓯᔭᐅᒍᓐᓇᓂᐊᕋᕕᑦ ᐱᓇᓱᓐᓇᓂ ᑫᕙᓪᓚᒍᓯᕐᓂ.
ᒪᓐᑐᕆᐊᓪ: 1 888 536 6882
ᑰᑦᔪᐊᖅ: 1 844 760 3252
ᐃᑲᔪᕐᓯᔭᐅᒋᐊᓪᓚᕆᐊᖃᕈᕕᑦ, ᐅᖄᕕᖃᕆᑦ ᑕᑯᓂᐊᕐᓗᑎᓗᓐᓃᑦ ᓄᓇᓕᒻᒥ ᒪᑭᕝᕕᑯᑦ ᐊᓪᓚᕕᖓᓄᑦ ᐱᓇᓱᓐᓀᑦ ᑫᕙᓪᓚᒍᓯᖏᓐᓂ, ᐱᓇᓱᑦᑎᒧᑦ ᐃᑲᔪᕐᓯᔭᐅᓂᐊᕋᕕᑦ. ᐊᓪᓚᒍᑎᖃᖁᔨᖕᖏᓚᒍᑦ ᑕᒪᑦᓱᒥᖓ ᓱᔪᖃᕐᓂᕕᓂᕐᒥᒃ ᖃᕆᑕᐅᔭᑎᒍᑦ ᓇᐅᓕᒫᑦ ᑐᑭᓯᒪᖃᑎᒌᒍᑎᖓᑎᒍᑦ ᐱᑦᔪᑎᒋᑦᓱᒍ ᑭᓇᓕᒫᒃᑯᑦ ᓴᐳᒻᒥᔭᐅᖁᑦᓱᒋᑦ ᑲᑉᐱᐊᓵᕐᑕᐅᖁᓇᒋᑦ ᐊᒻᒪᓗ ᐃᑉᐱᒋᔭᐅᓪᓗᕆᖁᓇᒋᑦ ᑌᑦᓱᒧᖓ ᐃᓕᒪᓇᕐᓵᑐᒧᑦ ᐃᓄᒻᒧᑦ.
–30 –
ᐅᖄᕕᐅᒍᓐᓇᑐᖅ:
Katharine Morrill
ᑐᓴᐅᒪᖃᑎᒌᑦᑎᓯᓂᕐᓂᒃ ᑐᑭᒧᐊᑦᑎᓯᔨ, ᒪᑭᕝᕕᑯᓐᓂ
ᖃᕆᑕᐅᔭᑎᒍᑦ ᑐᕌᒍᑎᖓ ᐊᓪᓚᕕᐅᒍᒪᑐᐊᕈᓂ: kmorrill@makivvik.ca
ᖃᕆᑕᐅᔭᑎᒍᑦ ᑕᑯᒐᓱᐊᕐᑕᐅᒍᓐᓇᒥᔪᑦ ᐅᕘᓇ: www.makivvik.ca
ᒪᑭᕝᕕᒃ ᓄᓇᕕᒻᒥᐅᑦ ᐃᓄᐃᑦ ᓄᓇᑖᕐᓯᒪᓂᖓᓄᑦ ᑎᒥᖁᑎᒋᔭᐅᕗᖅ ᑎᓕᔭᐅᒪᐅᑎᖃᕐᓱᓂ ᑮᓇᐅᔭᕐᑖᕆᔭᐅᓯᒪᔪᓂᒃ ᑲᒪᔨᐅᑦᓱᓂ ᐃᓄᐃᑦ ᓄᓇᕕᒻᒥᐅᑦ ᑮᓇᐅᔭᕐᑖᕕᓂᖏᓐᓂᒃ ᐊᖏᖃᑎᒌᓐᓂᐅᓯᒪᔪᖅ ᔦᒥᔅ ᐯᒥ ᑯᐯᒃᓗ ᑕᕐᕋᐊᓂ ᑮᓇᐅᔭᕐᑖᕈᑕᐅᓚᐅᕐᓯᒪᒻᒪᑦ. ᒪᑭᕝᕕᒃᑯᑦ ᑮᓇᐅᔦᑦ ᐊᐅᓚᑕᐅᓂᖏᓐᓂᒃ ᑮᓇᐅᔭᓕᐅᕋᓱᐊᕈᑎᓂᓪᓗ ᑲᒪᒋᔭᖃᓲᑦ ᐊᒻᒪᓗ ᐱᕈᕐᓭᒐᓱᐊᕐᓱᑎᒃ ᐃᓄᓐᓄᑦ ᐊᐅᓚᑕᐅᓗᑎᒃ ᑮᓇᐅᔭᓕᐅᕋᓱᐊᕈᑎᖏᓐᓂᒃ, ᐊᔪᕐᓴᑐᓂᓪᓗ ᐃᑲᔪᕐᓯᒪᐅᑎᖃᕋᓱᐊᓱᒍᑦᓱᑎᒃ , ᐊᒻᒪᓗ ᐃᓕᓐᓂᐊᑎᑦᓯᒐᓱᐊᕐᐸᓱᑎᒃ ᐃᓄᓐᓂᒃ ᓄᓇᓕᓐᓂ.