ᑐᓴᕐᑎᓯᒍᑎᒃ
ᑖᓐᓇ ᐃᓄᓕᒫᓂᒃ ᑐᓴᕐᑎᓯᒍᑎᒃ ᐃᓚᐅᔫᕕᖃᕐᑐᓂᒃ ᐅᑯᓇᓂ ᓄᓇᓕᓐᓂ ᑎᒃᑯᐊᓯᓂᖅ ᒪᑭᕝᕕᐅᑉ ᑭᒡᒐᑐᕐᑎᓴᖓᓄᑦ ᐅᒃᑯᐃᖔᓕᕐᒥᒪᑦ.
Please click on the Community Name to download the associated PDF file.
ᒪᑭᕝᕕᑯᑦ ᖃᕆᑕᐅᔭᒃᑯᑦ ᓄᐃᑕᑎᑦᓯᕕᖓᓂ ᑎᒃᑯᐊᓯᓂᕐᒧᑦ ᑕᑕᕐᓴᒐᕐᒥᒃ ᐱᒍᓐᓇᑐᑎᑦ ᐅᕝᕙᓘᓐᓃᑦ ᑲᕙᒫᐱᒃᑯᑦ ᐊᓪᓚᕕᖓᓂ ᐅᕝᕙᓘᓐᓃᑦ ᓄᓇᒥ ᑎᒍᒥᐊᕐᑎᑯᑦ ᐊᓪᓚᕕᖓᓂ.
For the Nomination Form:
more information.For the Proxy Form:
more information.ᐃᓱᓕᕝᕕᓴᖓ ᑎᒃᑯᐊᓯᒍᑎᓂᒃ ᐊᐅᓪᓚᑎᑦᓯᓂᐅᑉ ᐊᓪᕇᕐᑐᑦ, ᕕᕗᐊᕆ 6, 2017 ᑕᓪᓕᒪᙳᓚᐅᕐᑎᓇᒍ. ᑎᒃᑯᐊᓯᒍᑏᑦ ᑕᑕᕐᓴᑕᐅᓯᒪᔪᑦ ᒪᑭᕝᕕᑯᑦ ᐊᓪᓚᑎᒻᒪᕆᖓᓅᖓᓗᑎᒃ ᓱᑲᒃᑐᑰᕈᑎᑎᒎᕐᑕᐅᒋᐊᓖᑦ ᐅᕗᖓ 514-745-0364 ᐅᕝᕙᓘᓐᓃᑦ 819-964-2613-ᒧᑦ ᐅᕝᕙᓘᓐᓃᑦ ᖃᕆᑕᐅᔭᓕᕆᐅᑎᖓᑕ ᐱᑐᕝᕕᖓᓄᑦ ᐅᕗᖓ apadlayat@makivik.org.
ᓂᕈᐊᑲᐱᒍᓐᓇᕕᖃᓛᕐᑐᑦ ᓯᑕᒻᒥᑐᓂ, ᕕᕗᐊᕆ 16, 2017 ᖁᓕᐅᙱᒐᑐᒥ ᐅᓪᓛᑯᑦ ᑕᓪᓕᒪᙳᒧᑦ ᐅᓐᓄᑯᑦ. ᓂᕈᐊᕐᓂᖃᓛᕐᑐᑦ ᓯᑕᒻᒥᑐᓂ ᕕᕗᐊᕆ 23-ᒥ, 2017 ᖁᓕᙳᒥᑦ ᐅᓪᓛᑯᑦ ᐱᖓᓲᔪᕐᑐᖑᒧᑦ ᐅᓐᓄᑯᑦ. ᓇᓪᓕᖏᑦ ᓂᕈᐊᕐᑕᐅᑎᒐᓱᐊᕐᑐᑦ ᐅᓄᕐᓂᓴᓄᑦ ᓂᕈᐊᕐᑕᐅᖏᑉᐸᑕ ᒪᕐᕉᓂᒃ ᐅᓄᕐᓂᐹᓄᑦ ᓂᕈᐊᕐᑕᐅᔫᓐᓂᒃ ᓂᕈᐊᕐᓂᖃᕆᐊᓪᓚᓛᕐᑐᖅ ᓯᑕᒻᒥᑐᓂ, ᒫᑦᔨ 9, 2017-ᒥ 10:00-ᙳᒥ ᐅᓪᓛᑯᑦ 6:00-ᖑᒥ ᐅᓐᓄᑯᑦ.
ᐅᑯᐊ ᓂᕈᐊᕐᑕᐅᑎᒐᓱᐊᕈᓐᓇᖏᑦᑐᑦ ᓂᕈᐊᕐᑕᐅᑎᕐᖃᔭᒐᑎᓪᓘᓃᑦ ᑭᒡᒐᑐᕐᑎᐅᑉ ᐃᓂᖓᓄᑦ ᒪᑭᕝᕕᒥ:
– ᓇᐅᑐᐃᓐᓇᖅ ᓄᓇᓕᒻᒧᑦ ᐱᑐᑦᓯᒪᓂᖃᙱᑐᖅ ᓄᓇᓕᖃᙱᑐᕐᓘᓃᑦ ᓇᓗᓇᐃᕐᑕᐅᓯᒪᔪᒧᑦ;
– ᓇᐅᑐᐃᓐᓇᖅ ᐃᕐᖃᑐᐃᕕᑎᒍᑦ ᑮᓇᐅᔭᑎᒍᑦ ᑲᑕᑦᓯᒪᓂᕋᕐᓂᒦᑦᑐᖅ;
– ᓇᐅᑐᐃᓐᓇᖅ ᔭᐃᒻᔅ ᐸᐃ ᑯᐸᐃᒃ ᑕᕐᕋᖓᑕ ᐊᖏᖃᑎᒌᒍᑎᖓᓄᑦ ᐃᓚᐅᔫᙱᑐᖅ;
– ᓇᐅᑐᐃᓐᓇᖅ ᐃᕐᖃᑐᕐᑕᐅᒍᑎᖃᕐᓯᒪᔪᖅ ᐸᓯᔭᑦᓴᐅᓂᕋᕐᑕᐅᓱᓂᓗ ᐱᓂᕐᓗᓂᕐᒧᑦ ᐸᕐᓇᓇᐃᕐᑕᐅᓯᒪᒍᑎᐅᒍᓐᓇᑐᒧᑦFᑎᒍᔭᐅᒪᒍᑎᐅᒍᓐᓇᑐᒧᑦ ᐊᕐᕌᒍᓂᒃ ᒪᕐᕉᓂᒃ ᐅᓪᓗᒥ ᓱᒋᐊᕐᑕᐅᒍᑎᑖᕐᓂᕕᒥᓂᑦ, ᓂᕈᐊᕐᑕᐅᑎᒐᓱᐊᕐᖃᔭᕐᓂᐊᕋᑎᓗ ᐊᕐᕌᒍᒋᐊᓪᓚᓂ ᑕᓪᓕᒪᓂ ᓱᒋᐊᕐᑕᐅᒍᑎᑖᕐᕕᐅᔪᖅ ᐱᒋᐊᕐᕕᒋᓗᒍ, ᐊᑭᓕᕋᑦᓴᑖᕐᑎᑕᓂᕕᐅᑉᐸᑦ ᐅᕝᕙᓘᓐᓃᑦ ᓱᒋᐊᕐᑕᐅᕕᖓᑕ ᐅᓪᓗᖓ ᑭᖑᕙᕆᐊᕐᑕᐅᐸᑦ ᐃᓱᒪᒋᔪᓐᓇᐃᑕᐅᓂᕐᒥᒃ ᐃᕐᖃᑐᐃᕕᑎᒍᑦ ᐱᓯᒪᙱᑐᐊᕈᓂ;
– ᓇᐅᑐᐃᓐᓇᖅ ᐊᑭᓕᑦᓴᓕᒃ ᒪᑭᕝᕕᒧᑦ ᐊᒻᒪᓗFᐅᕝᕙᓘᓐᓃᑦ ᒪᑭᕝᕕᐅᑉ ᑎᒥᐊᕈᖁᑎᖏᓐᓄᑦ ᐊᑭᓕᕐᑕᐅᒪᐃᑦᑐᓂᒃ ᐅᓪᓗᐃᑦ 90 ᐅᖓᑖᓄᑦ, ᓇᐅᑐᐃᓐᓇᓘᓐᓃᑦ ᐊᑭᓕᑦᓴᒥᓂᒃ ᐊᑭᓕᕐᑐᐃᓯᐊᖃᑦᑕᓯᒪᖕᖏᑐᖅ ᒪᑭᕝᕕᑯᓄᑦ ᐊᒻᒪᓘᓐᓃᑦ ᑎᒥᐊᕈᖁᑎᖏᓐᓄᑦ.
– ᐊᖏᕈᑕᐅᓯᒪᒐᓗᐊᕐᑎᓗᒋᑦ ᑎᒃᑯᐊᑕᐅᓯᒪᔪᑦ ᓂᕈᐊᕐᑕᐅᓯᒪᓪᓗᑎᓪᓘᓃᑦ ᑭᒡᒐᑐᕐᑎᐅᓂᕐᒧᑦ ᓯᓵᓯᐱᒥ 2010-2015 ᐊᕐᕌᒍᖏᓐᓂ ᐃᓄᒃ ᐅᖄᒍᓐᓇᖏᑦᑐᖅ ᐃᓄᑦᑎᑐᑦ ᓂᕈᐊᕐᑕᐅᖃᔭᙱᑐᑦ ᑎᒃᑯᐊᑕᐅᕐᖃᔭᕋᓂᓗ.
– ᓇᐅᑐᐃᓐᓇᖅ ᒪᑭᕝᕕᐅᑉ ᐳᕐᑐᓂᕐᓴᒥ ᑲᑎᒪᔨᖏᑦ ᐃᓚᒋᔭᐅᑎᓐᓇᒋᑦ ᒪᑭᕝᕕᒧᑦ ᑎᒥᐊᕈᖁᑎᖏᓐᓄᓘᓐᓃᑦ ᐱᓇᓱᑦᑎᐅᔪᖅ
– ᓇᐅᑐᐃᓐᓇᐅᑉ ᐃᓅᑉ ᐱᓇᓱᐊᕐᓂᖏᑦ, ᓱᖃᑦᓯᓂᖏᑦ ᐃᓅᖃᑎᖃᕐᓂᖏᓪᓘᓃᑦ ᑐᕋᐃᓐᓇᑐᒃᑯᑦ, ᑐᕋᐃᓐᓇᖏᑦᑐᑯᓪᓘᓃᒃ ᓱᕐᕋᐃᓂᖃᓚᖓᑉᐸᑕ ᒪᑭᕝᕕᑯᑦ ᐱᓇᓱᐊᖃᑎᖏᓐᓂᓘᓐᓃᑦ ᐱᕕᑦᓴᖃᕐᑎᓯᓚᖓᙱᐸᑕ ᐱᓇᓱᐊᒍᑦᔨᓂᕐᒥᒃ ᐃᓄᓕᒫᓄᑦ ᑎᒥᖁᑎᐅᔪᓂᒃ.