2026-10-02
ᓄᓇᕕᒻᒥᐅᖓᐃ,
ᒪᑭᕝᕕᑯᑦ ᖃᐅᔨᑎᑦᓯᒍᒪᔪᑦ ᐃᓄᓕᒫᓂᒃ ᐋᕐᕿᒋᐊᕐᑕᐅᔪᕐᑕᖃᓛᖕᖏᒋᐊᖓᓂᒃ ᓄᓇᕕᐅᑉ ᒫᓐᓇ ᓯᕿᕐᖑᔭᖓᑕ ᐋᕐᕿᓯᒪᓂᖓᓂᒃ ᐊᑑᑎᔭᐅᓛᕐᑐᓂᒃ ᒫᓐᓇ ᐅᑭᐅᖑᔪᖅ, 2026-ᒥ.
ᑕᒪᓐᓇ ᐱᓪᓗᒍ, ᓄᓇᕕᒃ ᑲᔪᓯᓛᕐᓂᐊᑐᖅ ᒪᓕᓐᓂᒥᓂᒃ ᑯᐯᒃᒦᑦᑐᓂᒃ, ᐅᑎᕆᐊᕐᑎᓯᓛᕐᑎᓗᒋᑦ ᐊᑕᐅᓯᕐᒧᑦ-ᑫᕙᓪᓚᒍᓯᕐᒧᑦ 1-ᓇᖓᓂᒃ ᓅᕕᒻᐱᕆᐅᑉ 2026-ᒥ, ᑕᑯᓐᓇᓱᒍ Eastern Standard Time (UTC-5) ᑭᖑᓂᐊᒍᑦ ᓯᕗᒧᐊᓛᕐᑎᓗᒍ 14-ᖓᓂᒃ ᒫᑦᔨ 2027 ᐅᓪᓘᑉ ᐃᑯᒪᖓᓂᒃ ᐊᓐᓇᑐᐃᒐᓱᐊᕐᓂᖅ ᐅᑎᓕᕐᒥᐸᑦ.
ᓲᑭᐊᖑᒐᓗᐊᖅ, ᐊᑐᓕᕐᑎᓯᒐᓱᐊᕐᓂᖅ ᐃᓘᓐᓇᖏᓐᓂᒃ ᐱᖁᔭᐅᓯᒪᔪᓕᒫᓃᒃ ᐊᑑᑎᔭᕆᐊᓕᓐᓂᒃ ᐋᕐᕿᑕᐅᓂᓪᓚᕆᑦᓴᖓᓄᑦ ᓄᓇᕕᐅᑉ ᓯᕿᕐᖑᔭᖓᑕ ᐋᕐᕿᓱᕐᓯᒪᓂᖓ ᐊᕐᕌᒍᖓᓂᒃ 2026 ᐱᔭᕇᕐᑕᐅᖃᔭᓚᐅᖕᖏᒪᑕ ᐱᕕᑦᓴᖃᕐᑎᑕᐅᓂᖏᑦᑕ ᓂᕆᐅᒋᔭᐅᒍᑎᖓᒍᑦ. ᐱᓪᓗᑯᑦᑐᓕᕆᓂᖅ ᐊᐅᓚᑦᓯᓂᓕᕆᓂᐅᓪᓗ ᐊᑦᓲᕉᑎᖃᕈᑎᖏᑦ ᐃᓕᖓᔪᑦ ᓈᒻᒪᒋᔭᐅᓂᕐᒧᑦ ᒪᓕᑦᑕᐅᒋᐊᓕᓐᓄᑦ ᓯᓚᕐᔪᐊᒥ ᓯᕿᕐᖑᔭᓕᕆᔨᖏᓐᓄᑦ ᐅᖑᒪᑦᓯᒍᑕᐅᓚᐅᕐᑐᑦ ᐱᓇᓱᑦᑎᑎᓐᓂᒃ ᐊᑐᓕᕐᑎᓯᒐᓱᐊᕐᓂᖏᓐᓂᒃ ᐋᕐᕿᒋᐊᕆᒍᑎᑦᓴᓂᒃ ᓈᒻᒪᓈᑦᓯᐊᑐᒃᑯᑦ ᑐᑭᒧᐊᑦᓯᐊᑐᒃᑯᑦ ᐊᒻᒪᓗ ᑲᔪᓯᑦᓯᐊᓂᖃᕐᑐᒥᒃ. ᑲᔪᓯᐅᑦᔨᓂᖅ ᑖᒃᑯᓂᖓ ᐊᑐᐃᓐᓇᕈᐃᒍᑎᖃᖕᖏᓗᓂ ᐱᑦᔪᑎᖃᕈᑕᐅᓚᖓᓚᐅᕐᑐᖅ ᓄᓇᓕᓐᓂᒃ ᐊᖏᔪᐹᓪᓗᒥᒃ ᐱᓇᓱᒍᑎᑎᒍᑦ ᐊᑦᓱᕉᑎᖃᕋᔭᕆᐊᖓᓂᒃ.
ᐅᓪᓗᒥᒧᑦ, ᐱᓇᓱᑦᑎᕗᑦ ᑐᕌᒐᖃᕉᑕᕆᓯᒻᒥᔪᑦ ᓅᕕᒻᐱᕆ 2027 ᐊᕐᕌᒍᖓᓂᒃ ᐊᑐᓕᕐᑎᓯᓂᕐᒥᒃ ᓄᕐᖃᑎᑦᓯᓂᕐᒥᒃ ᓇᓪᓕᐅᑎᑦᑕᑐᓂᒃ ᓯᕿᕐᖑᔭᑎᒍᑦ ᐊᓯᑦᔨᑐᐃᓂᕐᒥᒃ. ᖃᐅᔨᑎᑦᓯᒍᒪᕗᒍᑦ ᐃᓘᓐᓇᓕᒫᑎᒃ ᓯᕗᓂᕐᒥᒃ ᐊᓯᑦᔩᓂᐅᔪᑦ ᓄᓇᕕᐅᑉ ᓯᕿᕐᖑᔭᕐᑎᒍᑦ ᐋᕐᕿᒋᐊᕈᑎᖏᑦ ᐅᖃᕈᑎᐅᑦᓯᐊᖃᑦᑕᓛᕐᑐᑦ ᐃᓄᓕᒫᓄᑦ ᓯᕗᓂᐊᒍᑦ, ᐊᑐᐃᓐᓇᕈᐃᓯᒪᓗᓂ ᐱᕕᑦᓴᖃᕐᑎᓯᓂᕐᒥᒃ ᓄᓇᓕᒻᒥᐅᑦ ᑎᒥᐅᔪᐃᓪᓗ ᐅᖃᕈᓐᓇᕕᖃᕐᑎᑕᐅᓂᖏᓐᓄᑦ ᐃᓱᒫᓗᑎᒋᔭᕐᒥᓂᒃ, ᐊᒻᒪᓗ ᐊᑐᐃᓐᓇᕈᕐᑎᕈᓐᓇᕋᔭᕐᓂᒥᓂᒃ ᑕᒪᓐᓇ ᐱᓪᓗᒍ.
ᓯᕗᒧᐊᕆᐊᒍᑎᑦᓭᑦ ᑲᔪᓯᔪᒥᒃ ᐱᔭᐅᒐᓱᐊᖏᓐᓈᑐᑦ ᖃᐅᔨᓴᕐᑕᐅᖃᑦᑕᓱᑎᓪᓗ ᓲᓱᒋᓗᒋᑦ ᓯᕗᓂᖓᑕ ᓄᓇᕕᐅᑉ ᓯᕿᕐᖑᔭᖓᑕ ᐋᕐᕿᓱᕐᓯᒪᓂᖓ, ᐃᓚᐅᑎᓪᓗᒋᑦ ᐱᖁᔭᓕᕆᓂᖅ, ᐊᐅᓚᑦᓯᒍᑏᑦ, ᐊᒻᒪᓗ ᐋᕐᕿᒋᐊᕐᑕᐅᓂᕐᒧᑦ ᐃᓱᒪᒋᔭᐅᒋᐊᓖᑦ ᐱᕕᑦᓴᖃᑦᓯᐊᖁᒧᑦ ᑲᔪᓯᑦᓯᐊᑐᒥᒃ ᓅᑦᑎᐸᓪᓕᐊᕆᐊᖃᕋᔭᕐᓂᖅ ᒪᕐᕈᕕᑦᓗᓂ-ᐊᕐᕌᒍᑕᒫᑦ ᓯᕿᕐᖑᔭᒥᒃ ᐊᓯᑦᔩᒋᐊᖃᖃᑦᑕᓂᖅ. ᑭᓯᐊᓂ, ᓱᕐᖁᐃᓯᔪᒍᑦ ᐊᓯᑦᔨᔪᕐᑕᖃᓛᖕᖏᒋᐊᖓᓂᒃ ᐊᕐᕌᒍᖓᓂᒃ 2026.
ᓇᑯᕐᒦᒃ ᑐᑭᓯᓂᐊᕈᓐᓇᑫᓐᓇᕋᕕᑦ ᑖᒃᑯᓂᖓ,
ᐅᕙᖕᖔᑐᖅ,
ᒪᑭᕝᕕᒃ