ᕿᒥᕐᕈᔭᖃᕐᓂᒃ ᐱᓇᓱᒐᖃᕐᕕᒥᒃ
ᒪᑭᕝᕕᒃ ᐃᓂᓪᓚᓯᒪᑦᓯᐊᓱᓂ ᑲᔪᓯᓂᖃᑦᓯᐊᑐᒥᓪᓗ ᖃᐅᔨᒪᔭᐅᓂᖃᕐᐳᖅ ᐅᑭᐅᕐᑕᑐᒥ ᐃᖃᓗᓐᓂᐊᓂᕐᒥᒃ ᐱᓇᓱᒐᖁᑎᓖᑦ ᐊᑯᕐᖓᓂ ᐊᒻᒪᓗ ᐊᕐᕌᒎᓚᐅᕐᓯᒪᔪᒥᑦ 1978-ᒥᑦ ᑌᒪᖕᖓᓂᑦ, ᑲᔪᓯᓂᖃᑦᓯᐊᑐᒥᒃ ᖃᐅᔨᓴᖃᑦᑕᓯᒪᕗᖅ ᓄᐃᑦᓯᒍᑎᖃᖃᑦᑕᓱᓂᓗ ᑲᔪᓯᐅᒐᕈᓐᓇᓂᓕᓐᓂᒃ ᑭᖑᕐᓚᓂᐊᕐᓂᒥᒃ ᐃᖃᓗᓐᓂᐊᕈᑎᖃᕐᓂᓂᒃ ᓄᕗᐊᓘᓪᓗ ᑕᓪᓗᕈᑎᐅᓪᓗ ᐃᒪᕐᐱᖏᓐᓂ.
ᐊᕐᕌᒍᑦ ᐊᓂᒍᐊᑎᓪᓗᒋᒃ, ᐱᓇᓱᖃᑎᖃᕐᓱᑕ ᐱᓇᓱᒐᕐᒥᒃ ᐱᒐᓱᖃᑎᑦᑎᓂᒃ, ᒪᑭᕝᕕᒃ ᐃᓄᑐᐃᓐᓇᓂᒃ ᑭᖑᕐᓚᓂᐊᕐᑎᒐᔭᕐᑐᓂᒃ ᐱᒋᐅᕐᓴᑎᑕᖃᖃᑦᑕᓯᒪᕗᖅ ᐊᒪᓗ ᑲᑐᑦᔨᖃᑎᒌᒍᑎᒋᓚᖓᔭᒥᓐᓂᒃ ᐱᓇᓱᒐᑦᓴᑖᖃᑎᖃᖃᑦᑕᓯᒪᑦᓱᑎᒃ ᐊᖏᔪᖑᐊᓂᒃ ᓯᓚᕐᔪᐊᓕᒫᒧᓪᓗ ᑲᓇᑕᓕᒫᒧᓪᓗ ᐃᓕᖓᔪᓂᒃ ᐃᖃᓗᓐᓂᐊᓂᕐᒥᒃ ᐱᓇᓱᒐᖁᑎᖃᕐᑐᓂᒃ.
ᐱᒍᓐᓇᕈᑎᖃᕐᓱᑎᒃ ᐅᓈᖅ ᐃᖃᓗᓐᓂᐊᑎᒃᑯᓂᒃ, ᒪᑭᕝᕕᐅᑉ ᑐᖕᖓᕕᖃᖃᑕᐅᓂᖓ ᑭᖑᕐᓚᓂᐊᕈᓐᓇᐅᑎᓄᑦ ᐃᓚᖃᕐᓱᓂ ᕿᑭᕐᑖᓗᒃ ᐱᓇᓱᒐᖃᕐᕕᒥᒃ ᓄᓇᕗᑦᒥ. ᒪᑭᕝᕕᒃ ᓇᒻᒥᓂᖃᖃᑕᐅᓪᓚᕆᒻᒥᔪᖅ ᐊᓯᐊᓄᑦ ᐃᖃᓗᓐᓂᐊᕈᓐᓇᐅᑎᑕᕆᒍᑕᐅᓯᒪᔪᒥᒃ ᐃᓄᑐᑦᔨᓱᓂ ᓇᒻᒥᓂᖃᕐᓂᕋᐅᑎᒥᓂᒃ. ᐊᕐᖁᑕᐅᑎᓪᓗᒋᑦ ᓂᖏᕐᑕᖃᑕᐅᓂᑦᓴᓄᑦ ᐊᖏᖃᑎᒌᒍᑎᐅᓯᒪᔪᓪᓗ, ᑕᒪᕐᒥᓗ ᐱᒐᓱᒍᓐᓇᐅᑎᖃᕐᑎᑕᐅᒍᑏᓐᓄᑦ ᐃᖃᓗᓐᓂᐊᕈᑎᒋᕙᑦᑕᖏᑦ ᓂᐅᕙᐅᓐ ᕆᓲᓴᔅ ᓕᒥᑎᑦᑯᓪᓗ, ᐃᖃᓗᓐᓂᐊᑎᐅᔪᑦ ᓄᐅᕙᐅᓐᓛᓐᒥ-ᑐᖕᖓᕕᖃᕐᓱᑎᒃ ᐱᓇᓱᒐᖃᕐᕕᐅᔪᓄᑦ ᐃᖃᓗᓐᓂᐊᓂᕐᒥᒃ ᐱᒐᓱᖃᑎᒌᓲᖑᕘᒃ.
ᐱᓇᓱᖃᑎᒋᑦᓱᒋᒃ ᓂᐅᕙᐅᓐ ᐯᐊᓂᐊᓗ, ᓂᐅᕙᐅᓐᓛᓐ ᕕᒃᑐᓗ ᓴᓇᔭᐅᓚᐅᕐᓯᒪᔫᒃ 2016-ᒥ ᐃᖃᓗᓐᓂᐊᕈᑎᐅᖃᑦᑕᓯᓚᐅᔪᒃᓱᓂᓗ ᔭᓄᐊᕆ 2017-ᒥᓂᑦ, ᑖᒃᑯᐊᒃ ᑕᒪᕐᒥᒃ ᓇᒻᒥᓂᕆᔭᐅᓚᐅᕐᐴᒃ ᐃᖏᕐᕋᑎᑕᐅᑦᓱᑎᒃᓗ ᓂᐅᕙᐅᓐ ᕆᓲᓴᔅ/Newfound Resources-ᑯᓐᓄᑦ. 7,000-ᓂᒃ ᐅᖁᒣᓐᓂᒪᕆᓐᓂᒃ ᑕᐅᓴᓐᑎᓃᑦᑐᓂᒃ ᐅᖁᒣᓐᓂᓂᒃ ᖄᖏᐅᑎᔪᑦ ᖁᐳᑖᓖᓪᓗ ᐊᒻᒪᓗ ᑕᕐᕋᐅᑉ ᑭᖑᕐᓚᖏᑦ ᑭᖑᕐᓚᑕᐅᓲᖑᕗᑦ ᐊᕐᕌᒍᒥ ᐱᑕᖃᑦᓯᐊᑐᒥ.
ᑖᒃᑯᐊ ᑭᖑᕐᓚᑕᐅᒐᒥᒃ ᖁᐊᕐᑎᑕᐅᓂᖃᑦᓴᐅᑎᒋᐊᐱᓲᑦ, ᐴᕐᑐᑕᐅᒌᕐᓱᑎᒃᓗ ᐄᒐᕐᕕᒥᑦ ᓂᕆᒍᒪᔪᑦ ᓲᕐᓗ ᖃᖏᓇᑎᓪᓗᒋᑦ…..