ᖃᐅᔨᒪᔭᐅᒋᐊᓕᒃ
ᐁᕆᓕ 5, 2020 – ᑰᒃᔪᐊᖅ ᓄᓇᕕᒃ – ᓄᕐᖃᖓᑎᑕᐅᓚᐅᕐᑐᓂᖏᑦ ᓄᓇᕕᒻᒥᐅᓂᒃ ᐊᑭᓕᕐᑐᐃᑎᓐᓇᒋᑦ ᑮᓇᐅᑦᔭᓵᖏᓐᓄ ᑖᒃᓯᓕᕆᔭᐅᒍᑎᓲᖏᓐᓂᒃ ᑎᑭᓪᓗᒍ ᐁᕆᓕ 6. ᑕᒪᓐᓇ ᑕᒪᒃᑯᓂᖓ ᐱᓇᓱᑦᑕᖃᖕᖏᑫᓐᓇᓂᖅ ᐱᔪᓐᓇᕕᒋᓚᖓᕙᕗᑦ ᐱᓇᓱᑦᑎᑎᓐᓂᒃ ᐁᑦᑐᑕᐅᒌᒃᑯᑎᑦᓴᓕᐅᕆᓂᕐᒥᒃ ᐊᑐᓂ ᓄᓇᓕᓐᓂ. ᐃᓱᒪᒋᓗᒋᑦ ᑕᒐᑕᒐ ᓯᓚᕐᔪᐊᒥ ᑭᖕᖒᒪᑦᓯᓂᐅᔪᑦ ᑮᓇᑉᐸᓂᓪᓗ ᐊᒻᒪᓗ ᐊᒃᒐᔮᓂᒃ, ᐊᒃᒐᓂᓪᓗ ᐃᕐᕈᑐᕈᑎᓂᒃ, ᐱᒍᓐᓇᕕᓕᒫᑦᑎᒍᑦ ᑕᒪᒃᑯᓂᖓ ᐱᒐᓱᑦᓱᑕ ᓄᓇᓕᓐᓅᔭᓛᕐᑕᑎᓐᓂᒃ, ᓱᕐᖁᐃᑐᒥᒃ ᑖᒃᓯᓕᕆᐅᑎᓂᒃ ᐱᓇᓱᑦᑏᓗ ᐊᒻᒪᓗ ᐃᓄᐃᑦ ᑖᒃᓯᓂᐅᑎᓕᕆᔭᐅᔭᕐᑐᑐᑦ ᖃᓂᒻᒪᓯᕐᑖᑲᓪᓚᖁᓇᒋᑦ. ᒫᓐᓇᐅᔪᖅ ᓄᓇᓕᓐᓄᑦ ᐊᐅᓪᓚᑎᑦᓯᑲᑦᑕᓕᕐᑐᒍ ᐊᐅᓪᓚᑎᑦᓯᑲᑕᓚᖓᑦᓱᑕᓗ ᑎᑭᓪᓗᒍ ᐁᕆᓕ 13, ᐊᒻᒪᓗ ᑖᒃᓯᓂᐅᑎᓕᕆᓐᓇᓂᓕᒫᖓᓂ. ᓄᓇᕕᒃ ᒫᓐᓇ/ᑕᒐᑕᒐ “ᐅᒃᑯᐊᑕᐅᓯᒪᒻᒪᑦ”, ᑌᒣᒃᑲᓗᐊᕐᑎᓗᒍ ᓱᓕ ᑲᔪᓯᓚᖓᒻᒪᑕ ᐅᓯᑦᓴᓂᒃ ᐅᓯᑲᑦᑕᐅᔨᓃᑦ.
ᒪᑭᕝᕕᐅᑉ ᐊᑭᓕᕐᑐᑕᐅᓇᑎᒃ ᑮᓇᐅᑦᔭᓵᑦ ᑖᒃᓯᖏᓐᓂᒃ ᐊᕐᕌᒍᑕᒫᑦ ᐱᓇᓱᒍᑎᒋᓲᖏᑦ ᐱᑕᖃᕐᑎᓯᒍᑎᒋᕙᑉᐸᖏᑦ ᓇᒻᒥᓂᕆᔭᐅᔪᓂᒃ ᑮᓇᐅᑦᔭᓵᒥᓄᑦ ᑖᒃᓯᓕᕆᔭᐅᑎᑦᓯᓂᕐᒥᒃ ᐱᑦᔪᔨᒍᑎᒋᓲᖏᑦ ᒥᑦᓯᑎᓐᓃᑐᓄᑦ 6,000-ᓄᑦ ᐃᓄᑐᐃᓐᓇᐅᓱᑎᒃ ᐱᕙᓪᓕᖁᑎᑖᕐᑕᑐᓄᑦ. ᑕᒪᕐᒥᒃ ᑰᐯᒃ ᑲᕙᒪᒃᑯᑦ ᑮᓇᐅᔭᕐᑐᕈᑎᓕᕆᔨᖏᓪᓗ ᐊᒻᒪᓗ ᑲᕙᒪᑐᖃᒃᑯᑦ ᑮᓇᐅᕐᑐᕈᑎᓕᕆᔨᖏᑦ, ᐊᕗᖓᐅᓕᒋᐊᕆᓯᒪᕘᒃ ᑖᒃᓯᓕᕆᐅᑏᑦ ᑲᒪᒋᔭᐅᒋᐊᖃᕐᓂᖓᑕ ᑭᖑᓪᓕᐹᖁᑎᒋᓲᖓᓐᓂᒃ ᐅᓪᓗᒥᒃ ᐃᓱᓕᕕᑦᓴᑖᖓᕐᓱᒋᒃ ᔫᓂ 1, 2020-ᒥᒃ.
ᐊᓪᓚᕕᕗᑦ ᓱᓕ ᐅᒃᑯᐊᓯᒪᔪᑦ. ᐅᕙᑦᑎᓂᒃ ᖃᐅᔨᒋᐊᕐᕕᖃᕈᒪᑐᐊᕈᕕᑦ ᖃᕆᑕᐅᔭᑎᒍᑦ ᖃᐅᔨᒋᐊᕈᓐᓇᐳᑎᑦ ᐅᕗᖕᖓᓗᑎᑦ www.Makivvik.org/contact