ᐆᒃᑑᐱᕆ 2020-ᒥᑦ, ᑎᓕᔭᐅᓚᐅᔪᖓ ᐱᓇᓱᖃᑎᐅᖁᔭᐅᑦᓱᖓ ᐊᑐᓕᕐᑎᑕᐅᓂᑦᓴᖓᓄᑦ ᓯᕗᓪᓕᐹᖑᑦᓱᓂ ᐃᓄᑐᐃᓐᓀᑦ ᓴᕝᕕᒥᐅᑕᕐᑖᑎᑕᐅᒐᔭᕐᓂᖏᓐᓄᑦ ᐃᓕᑕᕆᔭᐅᒍᑎᒥᒃ ᐊᑕᓂᐊᓘᑉ ᑭᒡᒐᑐᕐᑎᖓᓄᑦ ᑯᐯᒻᒥᑦ. ᑖᓐᓇ ᓴᕝᕕᒥᐅᑕᖅ ᐱᑦᔪᑎᓕᒃ, ᐱᓂᐊᕐᓂᖓᓗ, ᐃᓕᑕᕐᓯᓂᕐᒥᒃ ᐃᓄᑐᐃᓐᓇᓂᑦ ᐃᑲᔪᕐᓯᓯᒪᓪᓚᕆᑦᑐᓂᒃ ᐃᓗᐊᒍᑦ ᐃᓕᓐᓂᐊᓂᓕᕆᓂᐅᑉ, ᐃᓗᕐᖁᓯᓕᕆᓂᐅᑉ ᐱᕐᖁᓯᓕᕆᓂᐅᓪᓗ, ᑐᓴᕐᓂᑐᓕᕆᓂᒃᑯᑦ ᑕᑯᒥᓇᕐᑐᓕᐅᕐᓂᑯᓪᓗ, ᓄᓇᓕᒻᒥᓗ ᐱᒍᑦᓯᒪᓂᒃᑯᑦ. ᑖᓐᓇ ᐃᓕᑕᕐᓯᓂᖅ ᓯᕗᓪᓕᐸᐅᔪᖅ ᐃᓄᑐᐃᓐᓇᓄᑦ ᐊᑕᓂᐊᓘᓪᓗ ᑭᒡᒐᑐᕐᑎᖓᓄᑦ ᑯᐯᒻᒥᑦ, ᒥᓯᐊᓪ ᑐᐃᕈᓐ.
ᑎᒃᑯᐊᓯᓂᖃᕈᒪᑉᐸᑦ ᓴᕝᕕᒥᐅᑕᕐᑖᕋᔭᕐᑐᓂᒃ, ᑐᓴᕐᑎᓯᒍᓐᓇᑐᑎᑦ ᐃᓄᓐᓂᑦ ᓄᓇᓕᓯᓐᓂᑦ ᑎᒃᑯᐊᓯᓂᖅ ᐅᒃᑯᐃᖔᓕᕆᐊᖓ ᓇᓪᓕᑳᕐᑕᐅᒐᔭᕐᑐᓂᑦ. ᑎᒃᑯᐊᓯᓂᖅ ᐅᒃᑯᐃᖔᕐᑐᖅ ᑕᕐᕿᓕᒫᒧᑦ ᕕᕗᐊᕆ 15, 2021 ᑎᑭᓪᓗᒍ. ᑎᒃᑯᐊᑕᐅᒐᔭᕐᑐᒥᒃ ᐃᓱᒪᑦᓴᓯᐅᖁᔭᐅᓕᕐᖁᑎᑦ ᓄᓇᓕᓐᓂᑦ ᐱᓯᒪᔪᒥᑦ ᓄᓇᕕᒻᒥᓘᓐᓃᑦ, ᓴᕝᕕᒥᐅᑕᕐᑖᕋᔭᕐᑐᒥᒃ. ᓯᕗᓪᓕᖓᓂᑦ ᑎᒃᑯᐊᓯᓂᕐᒥᒃ ᒥᔅᑐ ᑐᐃᕈᓐ ᐱᖓᓱᓂᑦ (3) ᑎᒃᑯᐊᓯᓂᖃᕈᒪᔪᖅ 2020-ᒧᑦ ᐊᒻᒪᓗ ᐱᖓᓱᒋᐊᓪᓚᓂᑦ 2021-ᒧᑦ. ᖃᐅᔨᒪᒋᑦ ᓂᕈᐊᕐᑕᐅᒪᔪᐃᑦ ᒫᓐᓇᐅᑎᓪᓗᒍ ᑎᒃᑯᐊᑕᐅᕐᖃᔭᖕᖏᒪᑕ; ᕋᓗᐊᕐᑎᓗᒍ, ᓇᐅᑐᐃᓐᓇᖅ ᓂᕈᐊᕐᑕᐅᒪᓯᒪᔪᖅ ᓂᕈᐊᕐᑕᐅᒪᒍᓐᓀᑑᑦᓱᓂᓗ ᑎᒃᑯᐊᑕᐅᒍᓐᓇᑐᖅ. ᓄᓇᕕᒻᒥ ᐱᖓᓱᑦ ᓯᑦᔦᑦ ᑭᒡᒐᑐᕐᑎᖃᖁᓇᕐᑐᑦ, ᑕᓯᐅᔭᕐᔪᐊᖅ, ᓄᕗᒃ ᐊᒻᒪᓗ ᐅᖓᕙ.
ᓇᓪᓕᑳᕆᓂᖅ ᑕᒡᒐᓂ ᐊᕐᕌᒍᒥᑦ ᑎᒃᑯᐊᑕᐅᒐᔭᕐᑐᓂᒃ ᐱᒻᒪᕆᐅᕗᖅ ᐱᑦᔪᑎᒋᑦᓱᒍ ᑌᒃᑯᐊ ᐱᖓᓲᔪᕐᑐᑦ (6) ᓇᓪᓕᑳᕐᑕᐅᒪᔪᑦ ᐊᔪᖀᒋᐊᕐᑏᑦ ᑲᑎᒪᔨᖏᓐᓄᑦ ᖃᑎᒪᔨᖕᖑᓛᕐᒪᑕ ᐃᓄᓱᐃᓐᓀᑦ ᓴᕝᕕᒥᐅᑕᕐᑕᐅᓂᕆᖃᑦᑕᓂᐊᕐᑕᖏᓐᓄᑦ ᐊᕐᕌᒍᓂᑦ ᙯᔪᓂᑦ. ᐊᔪᖀᒋᐊᕐᑏᑦ ᑲᑎᒪᔨᖏᑦ ᕿᒥᕐᕈᔨᐅᖃᑦᑕᓛᕐᑐᑦ ᓯᕗᓂᕐᒥ ᑎᒃᑯᐊᑕᐅᓯᒪᔪᓂᑦ, ᐅᓐᓂᑑᑎᓕᐅᕐᓗᑎᓗ ᐊᑕᓂᐊᓘᑉ ᑭᒡᒐᑐᕐᑎᖓᓄᑦ ᑯᐯᒻᒥᑦ ᑐᑭᑖᕐᓂᐊᓕᕐᐸᑦ ᑭᓇᒃᑯᑦ ᓴᕝᕕᒥᐅᑕᕐᑖᕋᔭᕐᓂᖏᓐᓄᑦ.
ᓄᓇᕕᒻᒥ ᐃᓄᐃᑦ ᐊᒥᓲᒻᒪᑕ ᐱᒍᑦᔨᓂᖃᖃᑦᑕᓯᒪᔪᑦ, ᖏᓐᓇᓱᑎᓪᓗ, ᐃᓄᐃᑦ ᖃᓄᐃᖕᖏᓯᐊᕐᓂᖏᓐᓄᑦ, ᓄᓇᕕᐅᓪᓗ ᐱᕈᕐᐸᓕᐊᓂᖓᓄᑦ. ᕿᓚᓈᕐᑐᒍᑦ ᓴᕐᕿᔮᕐᑎᑕᐅᒐᔭᕐᓂᖏᓐᓄᑦ ᐃᓄᐃᑦ, ᐱᓇᓱᐊᕐᓯᒪᔭᖏᑦ ᑐᖕᖓᕕᒋᓗᒋᑦ.
ᑐᑭᓯᒪᔭᐅᑦᓯᐊᕆᐊᓕᒃ ᓇᐅᑐᐃᓐᓀᑦ ᐱᖁᔭᒥᑦ ᓯᖁᒥᑦᓯᓯᒪᒋᐊᖃᖕᖏᒪᑕ ᐃᓕᑕᕆᔭᐅᓂᐊᕈᑎᒃ.
ᑎᒃᑯᐊᓯᒍᒪᒍᕕᑦ ᓇᐅᐃᓐᓇᒥᑦ ᓄᓇᓕᓐᓂᑦ ᐱᓯᒪᔪᒥᑦ ᓄᓇᕕᒻᒥᓘᓐᓃᑦ, ᑕᑕᕐᓴᒐᖅ ᑕᑕᕐᓴᓗᒍ, ᐊᐅᓪᓚᑎᒋᐊᓕᒃ ᐃᑲᔪᕐᑎᒐᓄᑦ, ᕙᓂᐊᓴᒧᑦ (vdoig@makivik.org), ᕕᕗᐊᕆ 15, 2021 ᐃᓱᓕᕝᕕᐅᑎᓪᓗᒍ.
ᐊᐱᕐᓲᑎᑦᓴᖃᕈᕕᑦ, ᖃᐅᔨᒋᐊᕐᕕᐅᑌᓕᖕᖏᑐᖓ. ᓇᑯᕐᒦᒃ,
ᔮᓐ ᑐᐳᐃ
ᑐᑭᒧᐊᑦᑎᓯᔨ, ᓄᓇᕕᒃ-ᑯᐯᒃ ᐱᓂᐊᕐᓂᓕᕆᓂᖏᓐᓄᑦ ᐊᖓᔪᕐᖄᑉ ᐊᓪᓚᕕᖓ
