ᑐᓴᕐᑎᓯᒍᑎᒃ
ᑖᓐᓇ ᐃᓄᓕᒫᓂᒃ ᑐᓴᕐᑎᓯᒍᑎᒃ ᓄᓇᓕᒫᓂ ᓄᓇᕕᒻᒥ ᑎᒃᑯᐊᓯᓂᖃᑦᑕᓂᖅ ᐅᒃᑯᐃᖔᓕᕐᒥᒪᑦ 2017-ᒥ ᓄᓇᓕᓕᒫᓂ ᓂᕈᐊᕐᓂᓴᒧᑦ ᒪᑭᕝᕕᒥ ᐳᕐᑐᓂᕐᓴᒥ ᑲᑎᒪᔨᖏᓐᓄᑦ ᐅᑯᓅᖓ ᐃᓄᐅᔫᓐᓄᑦ:
-
ᑮᓇᐅᔭᓕᕆᔨ
-
ᐊᖓᔪᖅᑳᑉ ᑐᖓᓕᖓ, ᐱᑦᓴᖑᒋᐊᓪᓚᕈᓐᓇᑐᓕᕆᓂᕐᓄᑦ
ᑐᑦᓯᕋᒍᓐᓇᑐᑎᑦ ᑎᒃᑯᐊᓯᒍᑎᒥᒃ ᑕᑕᕐᓴᒐᕐᒥᒃ ᓄᓇᓕᑦᓯ ᑲᕙᒫᐱᒃᑯᖏᓐᓂ ᐅᕝᕙᓘᓐᓃᑦ ᓄᓇᒥᒃ ᑎᒍᒥᐊᕐᑎᑯᓐᓂᑦ ᐅᖃᓕᒪᓗᑎᓪᓘᓃᑦ ᐅᕗᖓ 1 (819) 964-2925 ᑐᑦᓯᕋᕐᓗᑎᑦ ᐋᓂ ᖁᒫᓗᒻᒥᒃ ᓂᕈᐊᕈᑎᓕᕆᔨᒻᒪᕆ.
ᐃᓱᓕᕝᕕᓴᖓ ᑎᒃᑯᐊᓯᒍᑎᓂᒃ ᐊᐅᓪᓚᑎᑦᓯᓂᐅᑉ ᓯᑕᒻᒥᑐᑦ, ᑎᓯᒻᐱᕆ 1, 2016 ᑕᓪᓕᒪᙳᓚᐅᕐᑎᓇᒍ.
ᓂᕈᐊᕐᓂᖃᓛᕐᑐᑦ ᓄᓇᓕᓕᒫᓂ ᑖᒃᑯᓅᖓ ᐃᓂᐅᔫᓐᓄᑦ ᖁᓛᓂ ᐅᖃᕐᑕᐅᔫᓐᓄᑦ ᓯᑕᒻᒥᑐᓂ, ᔭᓄᐊᕆ 19, 2017-ᒥ ᖁᓕᙳᒥᑦ ᐅᓪᓛᑯᑦ ᐱᖓᓲᔪᕐᑐᖑᒧᑦ ᐅᓐᓄᑯᑦ.
ᐅᑯᐊ ᑎᒃᑯᐊᑕᐅᒍᓐᓇᖏᑦᑐᑦ ᓂᕈᐊᕐᑕᐅᑎᒍᓐᓇᕋᑎᓪᓗ ᐳᕐᑐᓂᕐᓴᓂ ᑲᑎᒪᔨᐅᓂᕐᒧᑦ ᒪᑭᕝᕕᒥ:
– ᓇᐅᑐᐃᓐᓇᖅ ᐃᓄᒃ ᐱᒍᓐᓇᐅᑎᖃᙱᑐᖅ ᐅᕝᕙᓘᓐᓃᑦ ᐱᕙᓪᓕᖁᑎᑖᕈᓐᓇᖏᑦᑐᖅ ᒪᓕᑦᓱᒋᑦ ᒪᓕᒐᐃᑦ ᐊᓪᓚᓅᓕᖓᔪᑦ ᑯᔩᓄᑦ ᐃᓄᓐᓄᓗ ᓄᓇᓕᑐᖃᑦᓴᔭᓄᑦ (1978, L.Q., Chap. 33.1);
– ᓇᐅᑐᐃᓐᓇᖅ ᐊᑭᓕᑦᓴᖃᕐᓂᒥᓂᒃ ᓴᒃᑯᓯᑎᑕᐅᓯᒪᙱᑐᖅ ᐃᕐᖃᑐᐃᕕᒃᑯᑦ;
– ᓇᐅᑐᐃᓐᓇᖅ ᐃᓚᐅᔫᙱᑐᖅ ᔭᐃᒻᔅ ᐸᐃ ᑯᐸᐃᒃ ᑕᕐᕋᖓᓂ ᐊᖏᖃᑎᒌᒍᑎᒧᑦ
– ᓇᐅᑐᐃᓐᓇᖅ ᐃᓄᒃ ᐃᕐᖃᑐᕐᑕᐅᓯᒪᔪᑦ ᐸᓯᔭᑦᓴᐅᓂᕋᕐᑕᐅᓱᓂ ᐱᓂᕐᓗᕈᑎᖃᕐᓂᒧᑦ ᐱᒻᒪᕆᒻᒥᒃ ᑎᒍᔭᐅᒪᒍᑎᐅᒍᓐᓇᑐᒥᒃFᐸᕐᓇᓇᐃᕐᑕᐅᓯᒪᒍᑎᐅᒍᓐᓇᑐᒥᒃ ᐊᕐᕌᒍᓂᒃ ᒪᕐᕉᓂ (2) ᐅᓄᕐᓂᓴᓂᓪᓘᓃᑦ; ᑕᒪᑐᒥᖓᓗ ᐊᑑᑎᒍᓐᓇᖏᑦᑑᑎᑕᐅᓂᖓ ᐊᑑᑎᑎᑕᐅᒐᔭᕐᑐᖅ ᐊᕐᕌᒍᓄᑦ ᑕᓪᓕᒪᒋᐊᓪᓚᓄᑦ (5) ᑎᒍᔭᐅᒪᓂᕕᓂᕐᒥᑕFᐸᕐᓇᓇᐃᕐᑕᐅᓯᒪᓂᕕᓂᕐᒥᑕ ᑭᖑᓂᖓᒍᑦ ᐊᑭᓕᕋᑦᓴᑖᕐᑎᑕᐅᑐᐃᓐᓇᑐᕕᓂᐅᒍᓂᓗ ᐅᕝᕙᓘᓐᓃᑦ ᓱᒋᐊᕐᑕᐅᒍᑎᖓ ᐊᕐᕌᒍᓄᑦ ᑕᓪᓕᒪᓄᑦ (5) ᓄᕐᖃᖓᑎᑕᐅᓯᓐᓂᐸᑦ ᐃᕐᖃᑐᐃᕕᒻᒥ ᓱᒋᐊᕐᑕᐅᒍᑎᑖᕐᓂᒥᓂ, ᐃᓱᒪᒋᔪᓐᓇᐃᑕᐅᒍᑎᑖᕐᓯᒪᙱᑐᐊᕈᓂ ᐃᕐᖃᑐᐃᕕᑎᒍᑦ ᐱᓂᕐᓗᕈᑎᒋᓯᒪᔭᒥᓄᑦ;
– ᓇᐅᑐᐃᓐᓇᖅ ᐃᓄᒃ ᐊᑭᓕᑦᓴᖃᕐᑐᖅ ᖃᓄᐃᑦᑐᑐᐃᓐᓇᓂᒃ ᒪᑭᕝᕕᒧᑦ
ᐊᒻᒪᓗFᐅᕝᕙᓘᓐᓃᑦ ᑎᒥᖁᑎᖏᓐᓄᑦ ᐊᑭᓕᕐᑕᐅᒪᐃᑦᑐᓂᒃ ᐅᓪᓗᐃᑦ 90 ᐃᓗᐊᓂ, ᐅᕝᕙᓘᓐᓃᑦ ᓇᐅᑐᐃᓐᓇᖅ ᐃᓕᑕᕐᓯᓯᒪᙱᑐᖅ ᐊᑭᓕᕋᑦᓴᖃᕐᓂᒥᓂᒃ ᐊᑭᓕᕐᑕᐅᒪᐃᑦᑐᓂᒃ ᒪᑭᕝᕕᒧᑦ ᑎᒥᐊᕈᖁᑎᖏᓐᓄᓘᓐᓃᑦ;
– ᓇᐅᑐᐃᓐᓇᖅ ᑐᑭᓯᒪᙱᑐᖅ, ᐊᓪᓚᒍᓐᓇᖏᑦᑐᖅ, ᐅᖄᕈᓐᓇᖏᑦᑐᖅ ᐃᓄᑦᑎᑐᑦ
– ᓇᐅᑐᐃᓐᓇᖅ, ᒪᑭᕝᕕᐅᑉ ᐳᕐᑐᓂᕐᓴᖏᑦ ᐃᓚᒋᔭᐅᑎᓐᓇᒋᑦ, ᐱᓇᓱᑦᑎ ᒪᑭᕝᕕᒧᑦ ᑎᒥᐊᕈᖁᑎᖏᓐᓄᓘᓐᓃᑦ;
– ᓇᐅᑐᐃᓐᓇᖅ, ᒪᑭᕝᕕᐅᑉ ᐳᕐᑐᓂᕐᓴᖏᑦ ᐃᓚᒋᔭᐅᑎᓐᓇᒋᑦ ᐱᐅᓯᖃᕐᑐᖅ, ᐱᓇᓱᐊᕐᓂᖃᕐᑐᖅ
ᐅᕝᕙᓘᓐᓃᑦ ᐃᓅᖃᑎᒌᓐᓂᑎᒍᑦ ᑐᕋᐃᓐᓇᑐᒃᑯᑦ, ᑐᕋᐃᓐᓇᖏᑦᑐᑯᓪᓘᓃᑦ ᓱᕐᕋᐃᓯᒪᓂᖃᕋᔭᕐᑐᖅ
ᒪᑭᕝᕕᒥᒃ ᐊᒻᒪᓗFᐅᕝᕙᓘᓐᓃᑦ ᐱᓇᓱᐊᖃᑎᖏᓐᓂᒃ ᐱᒐᓱᐊᕐᓂᖏᓐᓂ ᐱᓇᓱᒍᑦᔨᒍᑎᓂᒃ
ᓇᐅᑐᐃᓐᓇᓕᒫᓄᐊᓕᖓᔪᓂᒃ ᑎᒥᐅᔪᓂᒃ.
ᓴᕐᕿᑕᐅᔪᑦ ᑰᑦᔪᐊᒥ, ᓄᓇᕕᒻᒥ, ᑯᐸᐃᒻᒥ, ᐅᓪᓗᖓᓂ ᓅᕕᒻᐱᕆ 2, 2016.
ᑎᒃᑯᐊᓯᓂᕐᒧᑦ ᑕᑕᕐᓴᒐᖅ