ᑐᓴᕋᑦᓴᖑᕐᑐᖅ
ᓅᕕᒻᐱᕆ 21, 2019-ᑰᒃᔪᐊᖅ ᓄᓇᕕᒃ- ᒪᑭᕝᕕᐅᑉ ᐊᖓᔪᕐᖄᖓ ᓵᓕ ᕗᐊᑦ ᓇᑯᕐᓴᓚᕆᑦᑐᖅ ᐅᑎᕆᐊᖓᓂᒃ ᐱᑦᔪᔨᕕᐅᑉ ᐱᓂᐊᕐᓂᓕᕆᔭᐅᒍᑎᖏᓐᓄᑦ ᐅᑭᐅᕐᑕᑐᕐᒥᐅᑦ, ᑕᒪᑐᒪᓂ ᑕᒃᒐᓂ ᑖᑦᓱᒥᖓᑐᐋᑦᓯᐊᖅ ᑐᓂᒪᕕᖃᓚᖓᑦᓱᓂ. ᐅᖃᕐᑕᐅᓂᖓ ᑖᓐ ᕕᑖᓪ ᐃᓕᕐᖃᒥᐅᓯᒋᐊᖓ ᑐᕐᖃᑕᕐᕕᐅᓚᖓᓕᕐᓗᓂ ᐱᓂᐊᕐᓂᓕᕆᔭᐅᒍᑎᖏᓐᓄᑦ ᐅᑭᐅᕐᑕᑐᕐᒥᐅᑦ ᐃᓚᒋᔭᐅᓚᐅᕐᑐᖅ 36ᖑᒍᑕᐅᑦᓱᓂ ᑲᕙᒪᑐᖃᐅᑉ ᑐᑭᑖᕐᑐᐃᕕᖓᓂ ᐊᖏᕐᑎᑕᐅᑦᓱᑎᒃ ᐱᖓᔪᐊᓐᓂ ᐃᒃᓗᔪᐊᖓᓂ ᑲᕙᒪᖃᕐᕕᐅᑉ (Rideau Hall) ᐋᑐᕗᐊᒥ ᑲᓇᑕᐅᑉ ᑲᕙᒪᖓᑕ 43ᖑᒍᑎᒋᓕᕐᕐᑕᖓ ᐱᖁᔭᓕᐅᕈᓐᓇᑐᓂᒃᒃ ᓂᕈᐊᕐᓂᖃᕐᓱᑎᒃ.
“ᕿᓚᓈᑦᓯᐊᑐᖓ ᑲᑎᓯᓛᕆᐊᒥᒃ ᑖᓐ ᕕᑖᓪᒥᒃ, ᓂᕈᐊᕐᑕᐅᖃᒻᒥᒥᒃ ᑐᕐᖃᑕᕐᕕᖑᕐᓱᓂ ᐱᓂᐊᕐᓂᓕᕆᔭᐅᒍᑎᖏᓐᓄᑦ ᐅᑭᐅᕐᑕᑐᕐᒥᐅᑦ ᑲᓇᑕᐅᑉ ᑲᕙᒪᖓᓂ , ‘’ ᐅᖃᕐᑐᖅ ᓵᓕ ᕗᐊᑦ.“ ᐊᓪᓚ ᒦᑎ ᒫᓂᑑᐸᒥᐅᖅ ᓇᓗᓇᖕᖏᑐᖅ ᐅᖃᓕᒪᒍᑎᖃᖃᑦᑕᓛᕆᐊᒥᒃ ᑯᒃᔪᐊᕌᓗᒻᒥᒃ, ᐊᒥᓱᑦ ᐃᓄᑐᐃᓐᓀᑦ ᐃᓕᓐᓂᐊᕆᐊᕐᕕᒋᓯᒪᔭᖓᓂᒃ,ᐊᒻᒪᓗ ᐅᖄᒻᒥᓗᒋᑦ ᐱᓇᓱᑦᑕᐅᔪᑦ ᒫᓐᓇ ᐃᓄᑐᐃᓐᓀᑦ ᓄᓇᕕᒻᒥᐅᑦ ᑭᓯᐊᒐᕆᒻᒪᕆᑦᑕᖏᑦ, ᒪᑯᐊ ᓇᒻᒥᓂᖅ ᑐᑭᑖᖃᑦᑕᕈᓐᓇᓯᒍᒪᓂᖅ, ᓄᐃᒋᐊᓪᓚᓗᒍ ᐅᑭᐅᕐᑕᑐᒥ ᐱᒍᓐᓇᐅᑎᑖᖑᓯᒪᔪᖅ, ᐃᓚᐅᑦᓴᖏᔦᑦᑎᓗᒋᑦ ᑭᖕᖒᒪᒋᕐᔪᐊᑕᖏᑦ ᐃᓘᓐᓇᖏᑦᑕ ᓄᓇᓖᑦ, ᒪᑯᐊ ᐃᒃᓗᖃᕆᐊᖃᕐᓂᖅ ᐊᖏᕐᕋᓂᒃ ᓴᓇᓂᒻᒪᕆᐅᒋᐊᓖᑦ, ᐊᒻᒪᓗ ᐊᑑᑎᓪᓗᐊᕇᒃᑯᑎᑦᓭᑦ ᓯᓚᐅᑉ ᐊᓯᑦᔨᐸᓪᓕᐊᓂᖓᑕ ᓱᕐᕃᒍᑎᖏᓐᓂᒃ.”
ᕗᐊᑦ ᑌᓯᒻᒥᔪᖅ ᐊᓯᖏᓐᓂᒃ ᑐᕐᖃᑕᕐᕕᖑᕐᑐᓂᒃ ᑲᒪᒋᔭᖃᓚᖓᓗᑎᒃ ᐃᓕᖓᔪᓂᒃ ᑲᑐᑦᔨᖃᑎᒌᓐᓂᒧᑦ ᐊᑐᓕᕐᑎᓯᓂᕐᒧᓗ ᒪᓕᒐᕐᓂᒃ ᓱᕐᖁᐃᑐᒥᒃ ᓯᕗᒧᑉᐸᓕᐊᑦᓯᐊᖁᓪᓗᒋᑦ ᓄᓇᖃᕐᖄᓯᒪᔪᑦ ᓄᓇᓕᖏᓐᓂ ᑲᓇᑕᓕᒫᒥ. “ᐊᓕᐊᓱᑦᑐᖓ ᐅᑎᕆᐊᖓ ᑲᕈᓖᓐ ᐱᓂᐊᑦ ᑐᕐᖃᑕᕐᕕᐅᓂᐅᕐᒥᓄᑦ ᐊᑕᓂᐊᓘᑉ ᓄᓇᖃᕐᖄᓯᒪᔪᓪᓗ ᐱᓇᓱᖃᑎᒌᒍᑎᖏᓐᓄᑦ ᐊᒻᒪᓗ ᑕᕐᕋᒥ ᐱᓂᐊᕐᓂᓕᕆᔭᐅᒍᑎᓄᑦ, ᑎᓕᔭᐅᓂᖓᓗ ᒫᒃ ᒥᐊᓘᑉ, ᐅᖃᒍᓐᓇᓱᓂ ᒧᖄᒃ ᐊᓪᓚᑎᑐᑦ, ᐱᑦᔪᔭᐅᒍᑎᖏᓐᓄᑦ ᓄᓇᖃᕐᖄᓯᒪᔪᑦ ᑲᓇᑕᒥ.ᐊᑐᓂ ᑖᒃᑯᐊ ᑲᒪᒋᔭᑦᓴᖃᕐᓱᑎᒃ ᓯᕗᒧᑦᑎᓯᓂᕐᒥᒃ ᐃᓅᓯᑦᑎᓂᒃ, ᐱᓂᐊᕐᓂᓕᕆᓂᑦᑎᓂᒃ ᐊᒻᒪᓗ ᐱᓇᓱᒉᑦ ᐱᕙᓪᓕᐊᒋᐊᖃᕐᓂᖏᓐᓂᒃ ᓄᓇᕕᒻᒥ. ᑐᕐᖃᑕᕐᕕᒃ ᐱᓂᐊᑦ ᐃᓚᐅᓂᖓ ᐱᒍᓐᓇᑎᑦᓯᒪᑦ ᑲᔪᓯᒍᓐᓇᑎᑦᓯᓱᓂ ᓯᕗᒧᒐᓱᐊᕈᑎᑦᑎᓂᒃ ᓯᕗᒧᒐᓱᐊᕈᑎᒋᑦᓱᒍ ᓄᓇᕕᒻᒥ ᐃᒻᒥᓂᕐᓱᕈᓐᓇᓯᒍᒪᓂᖅ.”
ᐅᑭᐅᕐᑕᑐᒥ ᐱᒍᓐᓇᐅᑎᖕᖑᓯᒪᔪᖅ ᐱᑦᔪᑎᐅᒻᒪᑦ ᐱᓪᓚᕆᐅᑦᓱᓂ ᐃᓄᑐᐃᓐᓇᓄᑦ ᐊᓯᖏᓐᓄᓗ ᑕᕐᕋᒥᐅᓄᑦ. ᓵᓕ ᕗᐊᑦ ᑕᐅᑐᑦᑕᖓᒍᑦ ᐱᐅᔪᑦ ᐅᖃᕐᑕᐅᔪᑦ ᑐᕐᖃᑕᕐᕕᖑᕐᓱᑎᒃ ᐃᓂᑖᕐᓱᑎᒃ ᐱᕕᑦᓴᖑᕈᓐᓇᑐᓂᒃ ᐊᑐᕐᓂᖃᑦᓯᐊᕈᓐᓇᓱᑎᒃ ᐱᓇᓱᖃᑎᖃᕐᓗᑎᒃ ᐃᓄᑐᐃᓐᓇᓂᒃ ᐅᑭᐅᕐᑕᑐᒥ ᐱᒍᓐᓇᐅᑎᖃᕐᕕᖃᕐᓂᖅ ᑐᑭᓯᔭᐅᑦᓯᐊᓕᐅᒥᖁᓪᓗᒍ. ᑕᒪᒃᑯᐊ ᐃᓚᖃᕐᒥᔪᑦ ᑐᕐᖃᑕᕐᕕᑖᕐᖃᒥᖕᖑᑐᒥᒃ ᓄᓇᕐᔪᐊᒥ ᑲᓇᑕᒥᐅᑦ ᐱᓂᐊᕐᓂᓕᕆᓂᖓᓄᑦ, ᕙᕌᓐᓱᐊ ᕕᓕᑉ ᓴᒻᐯᖕ, ᓯᕗᓂᖓᒍᓪᓗ ᑐᕐᖃᑕᕐᕕᐅᓯᒪᒻᒥᔪᖅ ᑯᕆᔅᑎᐊ ᕗᕇᓚᓐ, ᒫᓐᓇ ᑲᓇᑕᐅᑉ ᐊᖓᔪᕐᖄᖓᓄᑦ ᑐᖓᓕᐅᓕᕐᑐᖅ ᐊᒻᒪᓗ ᑐᕐᖃᑕᕐᕕᖑᕐᓱᓂ ᑲᕙᒣᑦ ᐱᓂᐊᕐᓂᓕᕆᓂᖏᓐᓄᑦ.
-30-
ᖃᐅᔨᒋᐊᕐᕕᐅᒍᓐᓇᑐᖅ
ᑲᓴᓐ ᑕᒍᕐᓈᖅ
ᑐᑭᒧᐊᑦᑎᓯᔨ ᑐᓴᐅᒪᖃᑦᑕᐅᑎᒍᑎᓕᕆᓂᕐᒥ
ᒪᑭᕝᕕᒥ
ᐅᖄᓚᐅᑎᖓ. (514) 745-8880
ctagoona@makivik.org
ᒪᑭᕝᕕᒃ ᐊᖏᖃᑎᒌᒍᑎ ᐊᑐᕐᓱᒍ ᓄᓇᑖᕐᓯᒪᕗᖅ ᑎᓕᔭᐅᒪᐅᑎᖃᕐᓱᓂ ᐊᐅᓚᑦᓯᓂᐊᕐᑎᓗᒍ ᑮᓇᐅᔭᓂᒃ ᐃᓄᑐᐃᓐᓀᑦ ᑮᓇᐅᔭᖏᓐᓂᒃ ᑮᓇᐅᔭᕐᑖᕆᓯᒪᔭᖏᓐᓂᒃ ᐊᕐᖁᑎᒋᑦᓱᒍ ᔦᒥᓯ ᐯ ᑯᐯᒃ ᑕᕐᕋᖓᑕᓗ ᐊᖏᖃᑎᒌᒍᑎᐅᓯᒪᓂᖓ ᒪᑭᕝᕕᒃ ᐱᔭᑦᓴᑖᕆᐊᓪᓚᓯᒪᒻᒥᔪᖅ ᑖᒃᑯᓂᖓ ᑮᓇᐅᔭᓂᒃ ᐱᕈᕐᑎᓯᓂᐊᕐᓗᓂ ᐊᒻᒪᓗ ᐱᕙᓪᓕᐊᑎᑦᓯᓂᐊᕐᓗᓂ ᐱᓇᓱᕝᕕᓴᕐᓂᒃ ᐃᑲᔪᕐᓯᒪᕵᒋᑦ ᐃᓄᑐᐃᓐᑦ ᑮᓇᐅᔭᑎᒍᑦ ᒪᑭᑕᒍᑎᒋᒐᓱᐊᕐᑕᖏᑦ ᓄᓇᕕᒻᒥ. ᒪᑭᕝᕕᒃ ᑌᒪᖕᖓᑦ ᐊᑐᕐᑕᐅᑎᑦᓯᒐᓱᐊᕐᑐᖅ ᐱᑕᙯᓐᓇᑎᑦᓯᒐᓱᐊᕐᓱᓂᓗ ᐃᓄᑐᐃᓀᑦ ᐱᕐᖁᓯᖏᓐᓂᒃ ᐅᖃᐅᓯᖓᓐᓂᓗ ᐃᓚᖃᕐᒥᑎᓪᓗᒍ ᖃᓄᐃᖕᖏᓯᐊᕆᐊᖃᕐᓂᒥᒃ, ᐃᓅᓯᖃᑦᓯᐊᕆᐊᖃᕐᓂᒥᒃ ᐊᔪᕐᓴᖏᑦᑑᑎᑦᓯᓂᕐᒥᓗ, ᐊᒻᒪᓗ ᐃᓕᓐᓂᐊᓯᒪᒋᐊᖃᕐᓂᖏᓐᓂᒃ ᐃᓄᑐᐃᓐᓀᑦ ᓄᓇᓕᒻᒥᓃᑦᑐᑦ.