ᑐᓴᕋᑦᓭᑦ
ᑰᑦᔪᐊᒥᑦ – ᓯᑦᑎᒻᐸ 2022 – ᒪᑭᕝᕕᒥ ᕿᓂᕐᐳᒍᑦ ᓄᓇᕕᒻᒥᐅᓂᒃ ᐃᓚᐅᒍᑎᓕᓐᓂᒃ ᐃᓕᒐᓱᐊᕈᒪᒐᔭᕐᑐᓂᒃ ᐊᖏᖃᑎᒌᒐᓱᐊᕐᑐᓂᒃ ᓯᕗᓕᕐᑐᓴᒥᒃ ᑐᖓᓕᑦᓴᖓᓂᓪᓗ ᓄᓇᕕᒻᒥ ᐃᒻᒥᓂᒃ-ᐊᐅᓚᑦᓯᒍᓐᓇᓯᒍᒪᓂᕐᒧᑦ.
ᐃᒻᒥᓂᒃ-ᐊᐅᓚᑦᓯᒍᓐᓇᓯᒍᒪᓂᓕᕆᓂᖅ ᐱᓇᓱᐊᕐᑕᐅᓯᒪᓕᕐᑐᖅ ᒣ 2018-ᒥᓂᑦ ᓄᓇᕕᒻᒥ ᐱᓇᓱᕝᕖᑦ ᑭᒡᒐᑐᕐᑎᓕᒫᖏᑦᑕ ᑲᑎᒪᓂᖓᓂ ᐃᓄᐃᑦ ᐅᖃᒻᒪᕆᐅᑎᓕᐅᓚᐅᕐᓯᒪᑎᓪᓗᒋᑦ ᑎᓕᔨᒍᑕᐅᔪᒥᒃ ᒪᑭᕝᕕᒥᒃ ᐊᖏᖃᑎᒌᒐᓱᐊᖃᑎᖁᒐᔭᕐᓱᒋᑦ ᑲᓇᑕᒥᐅᑦ ᑲᕙᒪᖓᓂᒃ ᑯᐯᒃᒥᐅᓗ ᑲᕙᒪᖓᓂᒃ ᓄᐃᓯᒍᒪᓂᕐᒧᑦ ᐃᓄᐃᑦ ᑲᕙᒪᑦᓴᖓᓂᒃ ᑐᖕᖓᕕᖃᕋᔭᕐᑐᒥᒃ ᐃᓄᐃᑦ ᐃᓪᓕᕆᔭᖏᓐᓂᒃ, ᐃᓕᑕᕐᓇᐅᑎᖏᓐᓂᒃ, ᐃᓕᕐᖁᓯᖏᓐᓂᒃ ᐅᖃᐅᓯᖓᓂᓪᓗ.
ᓂᕈᐊᕐᑕᐅᓚᐅᔪᑎᓪᓗᒍ ᒪᑭᕝᕕᐅᑉ ᐊᖓᔪᕐᖄᖓ ᐱᑕ ᐋᑕᒥ 2021-ᒥ ᓄᑖᒥᒃ ᐱᒋᐊᑦᓯᐊᓂᖃᓚᐅᔪᒻᒪᑕ ᐃᔨᕐᑐᐊᖃᕐᓂᑕᖃᕐᓂᐊᖏᑦᑐᒥᒃ ᐃᓚᐅᑎᑕᐅᓂᖃᑦᓯᐊᓂᐊᕐᑎᓗᒋᓪᓗ ᐱᓇᓱᕝᕕᓕᒫᑦ ᓄᓇᕕᒻᒥ ᐃᓚᐅᒍᑎᓕᒫᓪᓗ.
ᐅᓇᒻᒥᓱᑦᑐᑦ ᐱᓇᓱᒐᕐᑖᕈᒪᐅᑎᒥᓂᒃ ᒪᓂᔨᒍᓐᓇᑐᑦ ᐅᖃᐅᓯᕐᑕᖃᕐᑎᓗᒋᑦ ᓱᒧᑦ ᐱᓇᓱᑦᑎᓯᐊᒍᒐᔭᕐᒪᖔᕐᒥᒃ, ᓱᓇᒥᓪᓗ ᐱᓇᓱᒐᖃᕐᒪᖔᕐᒥᒃ, ᑐᕌᕐᑎᓗᒋᑦ ᒪᑭᕝᕕᐅᑉ ᐱᖁᔭᓕᕆᕕᖓᑕ ᑐᑭᒧᐊᑦᑎᓯᔨᖓᓄᑦ Stephane Palardy-ᒧᑦ ᐅᕗᖓ <SPalardy@makivik.org>.
ᐱᓇᓱᒐᕐᑖᕈᒪᐅᑏᑦ ᑎᑭᑎᑕᐅᓯᒪᒋᐊᓖᑦ ᓂᕿᑦᓯᑐᓂ ᓯᑦᑎᒻᐸ 23, 2022-ᒥ. ᐅᓇᒻᒥᓱᑦᑐᑦ ᐊᑎᖏᑦ ᕿᒥᕐᕈᔭᐅᒐᔭᕐᑐᑦ ᒪᑭᕝᕕᐅᑉ ᑲᑎᒪᔨᖏᑦᑕ ᑲᑎᒪᓂᕆᓛᕐᑕᖓᓂ ᐅᒃᑑᐸᒥ.
-30-
ᖃᐅᔨᒋᐊᕐᑐᕕᑦᓴᖅ:
ᑳᓴᓐ ᑕᒍᓐᓈᖅ
ᑐᑭᒧᐊᑦᑎᓯᔨ ᑐᓴᐅᒪᖃᑎᒌᒍᑎᓕᕆᓂᕐᒥᒃ
ᒪᑭᕝᕕᒃ
ᐅᖄᓚᐅᑎᖓ 1.800.361.7052
ctagoona@makivik.org