ᒣ 22, 2018 – ᑰᒃᔪᐊᖅ, ᑯᐯᒃ – ᐅᓪᓘᓂ ᒪᕐᕉᓂ ᑲᑎᖕᖓᓂᖃᓚᐅᕐᓱᑎᒃ ᒪᑭᕝᕕᐅᑉ ᓄᓇᓕᓐᓂ ᑭᒡᒐᑐᕐᑎᐅᓂᕐᓄᑦ ᑲᑎᒪᔨᖏᑦ ᐊᖏᓚᐅᔪᕗᑦ ᐃᓂᓪᓚᒋᐊᕆᒍᑕᐅᒍᒪᑦᓱᑎᒃ ᐸᕐᓇᑕᐅᒪᔪᓂᒃ ᒪᑭᕝᕕᐅᑉ ᐱᓇᓱᒐᖃᕐᕕᖁᑎᑖᕆᓯᒪᔭᖓᓂᒃ ᓄᕝᕕᑎ ᐱᕙᓪᓕᐊᑎᑦᓯᓂᕐᓄᑦ ᐱᓇᓱᒐᖃᕐᕕᒥᒃ.
ᓄᕝᕕᑎ ᓴᕐᕿᑎᑕᐅᓂᖃᓚᐅᔪᑎᓪᓗᒍ ᑕᕐᖀᑦ ᖁᓕᐅᖕᖏᒐᕐᑐᑦ ᑕᓪᓕᒪᐅᔪᖕᖏᒐᕐᑐᑦ ᐊᓂᒍᕐᓯᒪᓕᕐᐳᑦ ᑌᒪᖕᖓᑦ ᒪᑭᕝᕕᒃ ᑖᑦᓱᒥᖓ ᐱᓇᓱᒐᖃᕐᕕᒥᒃ ᓄᐃᑦᓯᓚᐅᔪᑎᓪᓗᒍᓂ ᑲᒪᒋᔭᖃᕐᑎᐅᓚᖓᔪᒥᒃ ᑮᓇᐅᔭᑎᒍᑦ ᒪᑭᑕᒐᓱᒍᑎᓂᒃ ᐅᓇᒻᒥᓱᐊᒍᑎᓂᒃ ᐊᒻᒪᓗ ᐱᓇᓱᒐᖃᕐᕕᖁᑎᒋᐊᓪᓚᖏᑕ ᐊᐅᓚᑕᖏᓐᓂᒃ ᓲᕐᓗ ᕗᔅ ᐃᐊᓪᓗ ᐊᒻᒪᓗ ᐃᐊ ᐃᓄᐃᑦᑯᑦ. ᐃᓂᓪᓚᒋᐊᕆᓂᒃᑯᑦ ᑕᒪᑐᒥᖓ ᒪᑭᕝᕕᒃ ᐱᔭᖃᕋᓱᑉᐳᖅ ᐱᐊᓚᓂᕐᓴᐅᒐᔭᕐᓂᖏᓐᓂᒃ ᐃᖏᕐᕋᑎᑕᐅᔪᑦ, ᑮᓇᐅᔭᕐᑐᖏᓐᓂᓴᐅᓗᑎᒃᓗ ᐊᒻᒪᓗ ᐃᓂᓪᓓᒍᑎᒋᓗᒋᑦ ᑭᓪᓕᖃᑦᓯᐊᓂᕐᓴᓂᒃ ᑐᓴᐅᒪᖃᑎᒌᒍᑎᑦᓴᓂᒃ ᓄᕝᕕᑎᒥ.
ᐊᐅᓚᑎᖃᓕᕐᓗᓂ ᐃᓂᓪᓚᒋᐊᕐᓯᒪᔪᓂᒃ ᐊᖏᕐᓯᒪᔭᖏᓐᓂᒃ ᒪᑭᕝᕕᐅᑉ, ᑲᑎᒪᔨᖁᑎᖏᑕ ᑕᒃᒐᓂ ᓄᕝᕕᑎᒥ ᐱᕙᓪᓕᐊᑎᑦᓯᓂᕐᓄᑦ ᐱᓇᓱᒐᖃᕐᕕᒥ ᑲᑎᒪᔩᑦ ᐊᒥᓱᖕᖑᕆᐊᓚᖓᓕᕐᑐᑦ ᐱᖓᓲᔪᕐᑑᓚᐅᔪᑦᓱᑎᒃ ᓯᑕᒪᐅᔪᕐᑑᓚᖓᓕᕐᑐᑦ. ᓯᑕᒪᑦ ᖃᐅᔨᒪᔭᐅᑦᓯᐊᑐᑦ ᐱᓇᓱᒐᕐᓂᒃ ᐊᐅᓚᑦᓯᓕᓂᐅᓂᕐᒥᒍᑦ ᑎᒃᑯᐊᑕᐅᒪᓕᕐᐳᑦ. ᑖᒃᑯᐊ ᑎᒃᑯᐊᑕᒪᔪᑦ ᑲᑎᒪᔨᑖᖑᕐᖃᒦᑦ ᐅᑯᐊᖑᓚᖓᓕᕐᑐᑦ ᔮᓂ ᐋᑕᒥ, ᓄᐊ ᑕᔭᕋ, ᔮᓂ ᒣ ᐊᒻᒪᓗ ᑖᒥ ᐹᓕᓴ. ᐃᓚᐅᖃᑕᐅᓚᖓᓕᕐᒥᔪᑦ ᐊᓯᖏᑦ ᓯᕗᓂᑦᓴᑎᓐᓂ ᑭᓇᐅᓂᖏᒃ ᓇᓗᓀᕐᑕᐅᓛᕐᑐᑦ. ᑖᒃᑯᐊᑕᒃᒐ ᑲᑎᒪᔨᑖᖑᕐᖃᒥᐅᓚᖓᓕᕐᑐᑦ ᓄᕝᕕᑎᒥ ᑲᒪᒋᔭᖃᕐᑎᐅᓚᖓᓕᕐᓱᑎᒃ ᐊᐅᓚᑕᐅᒋᐊᖃᕐᓂᖏᓐᓂᒃ ᒪᑭᕝᕕᐅᑉ ᐱᓇᓱᒐᖃᕐᕕᖁᑎᒋᐊᓪᓚᖏᓐᓂᒃ.
ᒪᑭᕝᕕᐅᑉ ᐊᖓᔪᕐᖄᒪᕆᖓ, ᓵᓕ ᒍᐊᑦ ᐅᖃᓚᐅᕐᑐᖅ ᓴᕐᕿᑎᑦᓯᓇᓱᓐᓂᖅ ᐱᓇᓱᒐᖁᑎᐅᔪᓂᒃ ᐊᐅᓚᑦᓯᓯᐊᕈᓐᓇᑐᒥᒃ ᓵᖕᖓᔭᑦᓴᐅᒋᐊᖓ ᒪᑭᕝᕕᐅᑉ ᑭᖕᖒᒪᑦᓯᒍᑎᖏᓐᓂᒃ ᐱᓂᐊᕐᓂᓕᕆᓂᑎᒍᓪᓗ ᒪᑭᑕᒐᓱᒍᑎᓕᕆᓂᒃᑯᓗ ᐊᖏᔫᒻᒪᕆᒻᒥᒃ ᓵᖕᖓᔭᑦᓴᐅᓂᖃᕆᐊᖓ.
“ᒪᑭᕝᕕᒃ ᐱᓇᓱᒐᖃᕐᕕᒃ ᐊᑦᔨᖃᖕᖏᓚᖅ ᑲᓇᑕᒥ ᑎᓕᔭᐅᒪᒍᑎᖃᕋᒥᒃ ᓄᓇᓕᑐᖃᐅᑦᓱᑎᒃ ᐱᓂᐊᕐᓂᓕᕆᓂᕐᓄᑦ ᐱᓇᓱᒐᖃᕐᕕᖁᑕᐅᓂᐊᕐᑎᓗᒍ ᐊᐅᓚᑕᖃᕐᒥᓗᓂᓗ ᑮᓇᐅᔭᓕᐅᕋᓱᓐᓂᓄᑦ ᐱᓇᓱᒐᖃᕐᕕᖁᑎᓂᒃ, ᑕᒪᓐᓇᓗ ᐃᖏᕐᕋᑎᑕᐅᔪᑐᖃᐅᓕᕐᐳᖅ ᐱᔪᓐᓇᑕᐅᓂᖃᑦᓯᐊᓱᓂ ᐊᕐᕌᒍᓂ 40-ᓂ. ᐱᔭᖃᕐᓃᑦ ᐱᓇᓱᒐᖃᕐᕕᒥᒃ ᐊᐅᓚᑦᓯᓂᐊᕐᑐᒥᒃ ᐱᓇᓱᒐᖁᑕᐅᔪᑎᒍᑦ ᐅᓇᒻᒥᓇᕐᑐᓂᒃ ᐱᓇᓱᑦᑕᐅᒋᐊᖃᓚᖓᕗᖅ ᐃᑉᐱᒋᔭᐅᓂᖃᑦᓯᐊᒪᕆᓪᓗᓂ, ᐊᓯᑦᔨᓃᓪᓗ ᐊᑑᑎᔭᐅᖃᑦᑕᓚᖓᕗᑦ ᑌᒣᒋᐊᖃᓕᕈᑎᒃ ᐱᕕᓕᒫᒃᑯᑦ ᐊᑐᕐᑕᐅᓂᖃᑦᓯᐊᖁᓪᓗᒋᑦ ᐱᕙᓪᓕᖁᑎᑖᕐᑕᑐᑦ ᑮᓇᐅᔭᒻᒪᕆᖁᑎᖏᑦ,” ᐅᖃᕐᐳᖅ ᓵᓕ ᒍᐊᑦ.
ᐱᓂᐊᕐᓂᓕᕆᓂᕐᓂᓗ ᑮᓇᐅᔭᓕᐅᕈᑎᓂᓪᓗ ᐱᔭᑦᓴᖁᑎᖃᕐᓱᓂ ᐱᓇᓱᒐᖃᕐᕕᐅᓂᒃᑯᑦ, ᒪᑭᕝᕕᒃ ᐱᔭᖃᑦᓯᐊᓂᒃᑰᑐᓂᒃ ᐅᓂᒃᑲᐅᓯᑦᓴᓯᐊᖑᕗᖅ ᑲᓇᑕᐅᑉ ᐅᑭᐅᕐᑕᑐᖓᓂ. 1975-ᖑᑎᓪᓗᒍ ᐊᖏᖃᑎᒌᒍᑕᐅᔪᓂᒃ ᐊᕐᖁᑎᖃᕐᓱᓂ ᐊᖏᖃᑎᒌᒍᑎᖏᓐᓂᒃ ᑯᐯᒃ ᑲᕙᒪᒃᑯᓗ ᐊᒻᒪᓗ ᑲᓇᑕᐅᑉ ᑲᕙᒪᒃᑯᖏᓐᓂᓗ – ᔦᒥᓯ ᐯ ᐊᒻᒪᓗ ᑯᐯᒃ ᑕᕐᕋᖓᑕ ᐊᖏᖃᑎᒌᒍᑎᖏᑎᒍᑦ – ᑯᐯᒃ ᐃᓄᑐᐃᓐᓇᖏᑦ ᑮᓇᐅᔭᒻᒪᕆᑦᑖᓚᐅᕐᓯᒪᕗᑦ $91-ᒥᓕᐋᓐᓂᒃ ᐊᑭᓕᕐᑕᐅᒍᑎᓂᒃ ᑯᐯᒃ ᑲᕙᒪᒃᑯᑦ ᐃᑯᒪᓕᕆᔨᖏᓐᓂᑦ ᑰᓐᓂ ᓯᒥᑦᑐᐃᓂᖏᑎᒍᑦ. ᑖᒃᑯᐊ ᑮᓇᐅᔭᒻᒪᕇᑦ ᐊᑐᕐᑕᐅᒪᔪᑦ ᑮᓇᐅᔭᓕᐅᕈᑎᐅᒋᐊᓪᓚᓱᑎᒃ ᐅᓪᓗᒥᓗ ᐅᓄᕐᓂᖃᓕᕐᐳᑦ $450-ᒥᓕᐋᓐ ᐅᖓᑖᓂ.
ᖃᐅᔨᒋᐊᕐᕕᓴᖅ:
| ᒍᐃᓕᐋᒻ ᑕᒍᕐᓈᖅ |
| ᑐᓴᖃᑦᑕᐅᑎᒍᑎᓕᕆᓂᕐᓄᑦ ᐊᑕᐅᑦᓯᑯᕐᑎᓯᔨ ᐊᒻᒪᓗ ᑐᓴᕋᑦᓴᓂᐊᕐᑎᓂᒃ ᐊᐅᓚᑦᓯᔨᐅᑦᓱᓂ |
| ᒪᑭᕝᕕᒃ |
ᐅᖄᓚᐅᑎᖓ 819-964-2925
wtagoona@makivik.org
www.makivik.org
ᒪᑭᕝᕕᒃ ᐱᕙᓪᓕᐊᑎᑦᓯᓂᕐᒧᑦ ᐱᓇᓱᒐᖃᕐᕕᐅᕗᖅ ᑎᓕᔭᐅᓯᒪᒍᑎᖃᕐᓱᓂ ᑲᒪᔨᐅᓂᐊᕐᑎᓗᒍ ᑮᓇᐅᔭᒻᒪᕆᓐᓂᒃ ᕿᒻᒪᖁᑕᐅᒪᔪᓂᒃ ᑮᓇᐅᔭᕐᑕᖑᓯᒪᑦᓱᑎᒃ ᔦᒥᓯ ᐯ ᐊᒻᒪᓗ ᑯᐯᒃ ᑕᕐᕋᖓᑕ ᐊᖏᖃᑎᒌᒍᑕᐅᒍᑎᕕᓂᖏᓐᓂᑦ. ᒪᑭᕝᕕᐅᑉ ᐱᔭᑦᓴᖁᑎᖏᑦ ᐃᓚᖃᕐᐳᑦ ᐊᐅᓇᑦᓯᓂᕐᒥᓗ ᑮᓇᐅᔭᓕᐅᕈᑎᖃᕐᓂᒥᓪᓗ ᑖᒃᑯᓂᖓ ᑮᓇᐅᔭᒻᒪᕆᓐᓂᒃ ᖁᕝᕙᑎᕆᒍᑎᑦᓴᕆᑦᓱᒋᓪᓗ ᒪᑭᑕᒐᓱᒍᑎᑎᒍᑦ ᐱᕈᕐᐸᓕᐊᑎᒋᐊᓕᓐᓂᒃ ᐱᑕᖃᕐᑎᓯᒍᑎᐅᓗᑎᒃ ᐃᑲᔪᕐᓯᒪᓂᕐᒥᒃ ᓴᕐᕿᑎᑕᐅᒋᐊᖃᓕᕐᐸᑕ ᐃᓄᐃᑦ-ᐃᖏᕐᕋᑎᓐᓂᐊᑕᖏᑦ ᐱᓇᓱᒉᑦ ᓄᓇᕕᒻᒦᑐᑦ, ᒪᑭᕝᕕᒃ ᖁᕝᕙᑎᕆᔨᐅᕗᖅ ᐃᓄᐃᑦ ᐃᓗᕐᖁᓯᖏᓐᓂᓗ ᐅᖃᐅᓯᖓᓐᓂᓗ ᐊᓯᐅᑎᑦᓯᑌᓕᓂᕐᓂᒃ ᐃᓚᖃᕐᒥᑎᓪᓗᒋᑦ ᐃᓗᓯᓕᕆᓃᑦ, ᖃᓄᐃᖕᖏᓯᐊᕐᓃᑦ, ᐊᔪᕐᓴᓂᕐᒥᓗ ᐱᑕᖃᓗᐊᕐᑎᓯᑦᑌᓕᓃᑦ, ᐃᓕᓐᓂᐊᕕᖃᕐᑎᓯᓃᓪᓗ ᐃᓄᑐᐃᓐᓇᓂᒃ ᓄᓇᓕᓐᓂ.