Makivik Job Opportunity
ᖃᐅᔨᓴᕐᓂᒥ ᐃᑲᔪᕐᑎ
Job Description:
ᐊᖓᔪᕐᖄᖃᕐᓱᓂ: ᓄᓇᕕᒻᒥ ᖃᐅᔨᓴᕐᕕᒥ ᐱᓇᓱᑦᑎᓂᒃ
Responsibilities:
ᐱᓇᓱᓐᓂᖓ ᑲᒪᒋᔭᐅᓗᓂ ᐊᖓᔪᕐᖄᖃᕐᓗᓂ ᓄᓇᕕᒻᒥ ᖃᐅᔨᓴᕐᕕᒥ ᐱᓇᓱᑦᑎᓂᒃ, ᐱᓇᓱᒐᕐᑖᑎᑕᐅᔪᖅ ᐃᒣᓘᕐᓂᐊᑐᖅ:
▪
ᐱᓇᓱᐊᕐᓗᓂ ᖃᐅᔨᓴᕐᔨᒥ ᐱᓇᓱᐊᕆᐊᓕᓐᓂᒃ (ᐆᒪᔪᕕᓂᕐᓂᒃ ᖃᐅᔨᓴᕈᑏᑦ, ᐆᒪᔪᕕᓂᕐᓂᒃ ᖃᐅᔨᓴᕋᑦᓭᑦ, ᐆᒪᔪᐊᕈᕐᓂᒃ ᕿᕐᖑᓯᔭᕆᐊᓕᓕᕆᓂᖅ, ᓱᒃᑯᓇᕐᑐᓂᒃ ᑐᑭᓯᓇᕐᑎᓯᓂᖅ, ᐊᓯᖏᓪᓗ.);
▪
ᐱᓇᓱᐊᕐᓗᓂ ᑎᒥᒃᑯᑦ ᐱᓇᓱᐊᕆᐊᖃᕐᓇᑐᓂᒃ ᓄᓇᒥ (ᓇᑦᓴᑲᑦᑕᓗᓂ ᐅᖁᒣᑦᑐᖑᐊᓂᒃ ᐱᐅᒃᑯᑎᓂᒃ, ᑲᑎᕐᓱᐃᓗᓂ ᐆᒪᔪᕕᓂᕐᓂᒃ ᖃᐅᔨᓴᕋᑦᓴᓕᐊᓂᒃ, ᒪᙯᕝᕕᒦᒋᐊᖃᓕᕈᓂ ᒪᙯᕝᕕᒦᓪᓗᓂ ᑰᒃᔪᐊᑉ ᓯᓚᑖᓃᑦᑐᒥᒃ);
▪
ᐃᓕᑦᓯᓗᓂ ᓱᑯᐃᔦᓂᑎᒍᑦ ᖃᐅᔨᓴᕈᓯᐅᓲᓂᒃ ᐊᒻᒪᓗ ᐃᖃᓗᓐᓂᐊᕈᓯᐅᓲᓂᒃ (ᐆᒃᑐᕋᐅᑎᒋᓗᒋᑦ, ᓄᓗᑦᔨᒍᓯᓂᒃ, ᐃᖃᓗᓕᕆᒍᓯᓂᒃ, ᐆᒪᔪᕕᓂᕐᓂᒃ ᖃᐅᔨᓴᕋᑦᓴᑖᕐᕕᖃᕈᓰᑦ/ᓇᑲᑎᕆᒍᓰᑦ);
▪
ᐊᓪᓚᓯᒪᔪᓕᐅᕐᓗᓂ ᖃᕆᑕᐅᔭᒨᔦᓗᓂᓗ ᓄᓇᒦᒍᑎᕕᓂᕐᓂᒃ ᐊᒻᒪᓗ ᖃᐅᔨᓴᕐᕕᒦᒍᑎᕕᓂᕐᓂᒃ ᑐᑭᓯᒪᒍᑎᓂᒃ ᑕᒻᒪᓯᒪᔪᕐᑕᖃᕈᓐᓀᑎᓪᓗᒋᑦ, ᐋᕐᕿᓱᑦᓯᐊᓯᒣᓐᓇᑐᓂᒃ ᓇᓗᓀᕆᒍᑎᓂᒃ ᐊᓪᓚᓯᒪᔪᖁᑎᖃᕐᓗᓂ;
ᐃᑲᔪᕐᓗᓂ ᐊᓪᓚᕕᒻᒥ ᐱᓇᓱᐊᕆᐊᓕᓐᓂᒃ ᓄᓇᕕᒻᒥ ᖃᐅᔨᓴᕐᕕᒥ ᐱᓇᓱᑦᑎᓄᑦ ᐃᑲᔪᖁᔭᐅᓕᑐᐊᕈᓂ (ᐊᓪᓚᓯᒪᔪᓂᒃ ᐊᒥᓲᓕᕐᑎᕆᓂᖅ, ᖃᕆᑕᐅᔭᒧᑦ ᐊᑦᔨᓕᐅᕆᓂᖅ, ᖃᐅᔨᓴᐅᑎᑦᓴᓂᒃ ᐊᑐᐃᓐᓇᕈᕐᑎᕿᓂᖅ, ᐊᓯᖏᓪᓗ);
▪
ᐱᕕᖃᑐᐃᓐᓇᕆᐊᓕᒃ ᐃᓕᓐᓂᐊᑎᒧᑦ ᒪᓕᒍᓐᓇᑎᓪᓗᒍ ᓄᓇᕕᒻᒥ ᖃᐅᔨᓴᕐᕕᒥ ᐱᓇᓱᑦᑎᓂᒃ ᓄᓇᕐᔪᐊᓕᒫᒥ ArcticNet ᑲᑎᖕᖓᓂᒻᒪᕆᖓᓄᑦ ᖃᓕᕚᒃᔅᒥ ᐋᒡᔪᓕᐅᑦ 7ᒥᑦ-10ᒧᑦ.
▪
ᐊᐅᓪᓚᑲᑦᑕᕈᓐᓇᓗᓂ ᐊᐅᓪᓚᖁᔭᐅᓕᕈᓂ;
▪
ᐊᓯᖏᓐᓂᑦ ᐱᓇᓱᖃᑦᑕᓗᓂ ᐱᓇᓱᒐᕐᒥᓄᓕᖓᔪᓂᑦ ᐅᕝᕙᓗᓐᓃᑦ ᐱᓇᓱᖁᔭᐅᓕᕈᓂ ᐊᖓᔪᕐᖄᒥᓄᑦ.
Qualifications:
▪
ᔦᒻᔅ ᐯ ᐊᒻᒪᓗ ᑯᐯᒃ ᑕᕐᕋᖓᑕ ᐊᖏᖃᑎᒌᓐᓂᖓᓄᑦ ᐃᓚᐅᔫᓗᓂ;
▪
ᐳᕐᑐᓂᕐᓴᒥ III-ᒥᑦ V-ᒧᑦ ᐱᔭᕇᕐᓯᒪᓗᓂ, ᐳᕐᑐᓂᕐᓴᒥ ᐃᓕᓐᓂᐊᕕᒻᒪᕆᒻᒥ ᓯᓚᑦᑐᓴᕐᕕᒥᓪᓘᓃᑦ ᐃᓕᓵᖑᒍᓂ ᐱᐅᔪᖁᑎᒋᔭᖅ;
▪
ᑐᑭᓯᒪᖃᑎᖃᕈᓐᓇᓯᐊᕐᓗᓂ ᒪᕐᕈᔪᐊᓐᓂᒃ (2) ᐅᖃᐅᓰᓐᓂᒃ ᐅᖃᐅᓰᑦ ᐱᖓᓱᐃᖑᑎᓪᓗᒋᑦ (3): ᐃᓄᒃᑎᑐᑦ, ᖃᓪᓗᓈᑎᑐᑦ ᐊᒻᒪᓗ/ᐅᕝᕙᓗᓐᓃᑦ ᒍᐃᒍᐃᑎᑐᑦ;
▪
ᖃᕆᑕᐅᔭᒥᒃ ᐊᑐᕈᓐᓇᓯᐊᕐᓗᓂ: Microsoft Suite (Excel, Word, PowerPoint, ᐊᓯᖏᓪᓗ.);
▪
ᖃᐅᔨᒪᒍᒪᓪᓚᕆᓪᓗᓂ ᓱᑯᐃᔦᓂᕐᒥᒃ ᐊᒻᒪᓗ ᖃᐅᔨᓴᕐᓂᒥᒃ;
▪
ᑕᑎᒋᒍᓐᓇᓇᑦᓯᐊᓗᓂ, ᐃᒻᒥᓂᕐᓱᒍᓐᓇᓯᐊᕐᓗᓂ ᐊᒻᒪᓗ ᑲᑦᓱᙰᑦᑐᓚᕆᐅᓗᓂ
▪
ᐱᓂᕐᓗᑐᕕᓂᐅᓂᕐᒧᑦ ᐃᕐᖃᑐᐃᕕᑎᒍᕐᓯᒪᖕᖏᓗᓂ.
Benefits:
ᒪᑭᕝᕕᑯᑦ ᑐᕌᒐᖃᕐᐳᑦ ᑕᑯᓐᓈᓂᕐᓴᐅᕕᖃᕐᓂᐊᕆᐊᒥᒃ ᑫᓪᓗᑐᐃᓂᕐᓴᐅᓗᑎᓪᓗ ᐃᓄᓂᒃ ᐃᓚᐅᔪᓂᒃ ᔦᒥᔅᐯᑉ ᐊᖏᖃᑎᒌᓐᓂᖓᓄᑦ ᐱᓇᓱᒐᑦᓴᓯᐅᕐᑐᖃᓕᕐᐸᑦ.
ᓇᑯᕐᒦᐳᒍᑦ ᑖᑦᓱᒥᖓ ᐱᓇᓱᒐᕐᒥᒃ ᐱᔪᑦᓴᐅᔮᑐᓕᒫᓂᒃ.
ᐊᐱᕆᒐᑦᓴᐅᔪᕆᔭᕗᓐᓂᒃ ᑭᓯᐊᓂ ᐅᖄᓚᕕᖃᕐᓂᐊᐳᒍᑦ.
Are you interested in this position?
You can apply by filling in the form below.
You can apply by visiting our website at www.makivik.org/jobs