Job Description:

ᐊᖓᔪᕐᖄᖃᕐᓱᓂ: ᓯᓚᑦᑐᓭᒍᑎᓅᓕᖓᔪᓄᑦ ᐱᒍᑦᔨᐅᑎᓂᒃ ᐱᓇᓱᐊᕐᑎᓯᒍᑎᓂᒃ ᑲᒪᔨ ᐱᖁᔭᖃᕐᓂᒨᓕᖓᔪᓄᑦ ᐱᓇᓱᕝᕕᒥ

Responsibilities:

ᑲᓇᑕᐅᑉ ᑎᒍᔭᐅᒪᕕᖏᓐᓃᑐᓂᒃ ᐊᓂᑎᑕᐅᑲᐱᒍᑎᑦᓴᓄᑦ ᐱᕕᑦᓴᖃᕈᑎᖏᓐᓂᒃ ᐆᒃᑐᕋᐅᑎᒋᓗᒍ ᐊᓪᓚᓯᓚᔪᑦ ᐊᕕᑦᑐᓯᒪᓂᖏᑦ 84-ᒥ ᐊᒻᒪᓗ ᐊᓂᑎᑕᐅᑲᐱᓐᓂᒨᓕᖓᔪᓄᑦ ᑐᑭᓯᒪᒍᑎᑦᓴᖃᕐᑎᓯᓗᓂ;
 ᓇᓗᓀᕐᓗᒋᑦ ᐃᑲᔪᕐᑎᓭᑦ ᓄᓇᓕᒻᒥᓗ ᖃᐅᔨᒋᐊᕐᕕᓭᑦ ᐊᑐᕐᑕᐅᒍᓐᓇᕋᔭᕐᑐᐃᑦ ᑲᓇᑕᐅᑉ ᑎᒍᔭᐅᒪᕕᖏᓐᓃᑐᑦ ᐊᓂᑲᐱᑦᑎᑕᐅᒍᑎᑦᓴᖏᑦᑕ ᐸᕐᓀᑕᐅᒍᑎᖏᓐᓂᒃ ᓄᐃᑦᓯᓂᕐᒧᑦ;
 ᐊᓪᓚᓯᒪᔪᓕᐅᕐᓗᓂ ᐊᓂᑎᑕᐅᓂᑦᓴᖏᓐᓄᑦ ᐸᕐᓀᒍᑎᓂᒃ ᐃᑲᔪᕐᑎᖃᕐᓗᑎᒃ ᓯᓚᑦᑐᓭᓂᕐᒨᓕᖓᔪᓂᒃ ᐱᒍᑦᔨᐅᑎᓂᒃ ᐱᓇᓱᑦᑎᓂᒃ;
 ᐃᓗᕐᕈᓯᕐᒨᓕᖓᔪᓂᒃ ᑐᑭᓯᒪᒍᑎᑦᓴᑕᖃᕐᑎᓯᓗᓂ ᓄᓇᓕᒻᒥᓗ ᐃᑲᔪᕐᑎᓴᓂᒃ ᖃᐅᔨᒪᔭᐅᑎᑦᓯᓗᓂ ᓯᓚᑦᑐᓭᒍᑎᓅᓕᖓᔪᓂᒃ ᐱᓇᓱᑦᑎᓄᑦ ᐃᑲᔪᕐᓯᒍᑎᐅᑎᓪᓗᒋᑦ ᑎᒍᔭᐅᒪᕕᒻᒥᑦ ᐊᓂᕕᑦᓴᖓᑕ ᐸᕐᓀᑕᐅᓂᖓᓂᒃ;
 ᐃᓚᐅᖃᑦᑕᓗᓂ ᑲᑎᖕᖓᒍᑎᐅᓕᕐᐸᑕ ᐃᓄᑑᓈᕐᑎᑐᑦ ᐊᓂᑎᑕᐅᓂᑦᓴᖏᑦᑕ ᐸᕐᓀᑕᐅᓂᖏᓐᓂᑦ;
 ᐱᓇᓱᐊᕐᑕᐅᔪᒥᒃ ᑲᒪᒋᔭᖃᕐᓂᖅ;
 ᓄᓇᓕᒻᒥ ᐱᖁᔭᖃᕐᓂᒨᓕᖓᔪᓄᑦ ᑲᑎᖕᖓᔨᓂᒃ (ᐃᕐᖃᑐᐃᔨᐊᐱᓐᓂᒃ) ᐱᓇᓱᐊᖃᑎᖃᕐᓗᓂ ᐊᕕᑦᑐᓯᒪᓂᕐᒥ 84-ᒥ ᐱᓇᓱᐊᕐᑕᐅᓂᖏᓐᓄᑦ ᐃᓕᖓᔪᓂᑦ;
 ᓴᐳᑦᔨᓯᒪᒍᑎᓂᒃ ᐊᑐᐃᓐᓇᐅᑎᑦᓯᕙᓪᓗᓂ ᐱᓂᕐᓗᓯᒪᔪᓄᑦ ᐊᓂᑲᐱᑦᑎᑕᐅᒐᓱᐊᕈᑎᖏᓐᓄᑦ ᓈᓚᓐᓂᖃᕐᑎᓗᒋᑦ;
 ᐃᓘᓐᓇᖏᓐᓄᐊᖓᔪᓂᒃ ᓴᐳᑦᔨᓯᒪᐅᑎᖃᕐᑎᓯᓗᓂ ᐱᖁᔭᒥᒃ ᐱᓂᕐᓗᓯᒪᔪᓂᑦ ᑌᒣᒋᐊᖃᑐᐊᕈᓂ;
 ᐃᑲᔪᕐᓯᒪᖃᑦᑕᓗᓂ ᐋᕐᕿᓱᕐᑕᐅᓂᖏᓐᓂᑦ ᐱᖁᔭᖃᕐᓂᒨᓕᖓᔪᑦ ᑲᑎᖕᖓᔩᑦ ᐳᓛᕆᐊᕐᓂᓴᖏᓐᓂᒃ ᐊᓯᖏᑦᑕᓘᓐᓃᑦ ᐃᑲᔪᕐᓯᒪᓲᑦ ᐱᓇᓱᑦᑏᑦ ᑲᓇᑕᐅᑉ ᑎᒍᔭᐅᒪᕕᖏᓐᓅᓗᑎᒃ ᓄᓇᕕᒻᒥᐅᓄᑦ ᑎᒍᔭᐅᒪᕕᐅᓲᓄᑦ;
 ᐊᐅᓪᓚᑲᑦᑕᕈᓐᓇᓗᓂ ᐊᐅᓪᓚᖁᔭᐅᓕᕈᓂ;
 ᐊᓯᖏᓐᓂᑦ ᐱᓇᓱᖃᑦᑕᓗᓂ ᐱᓇᓱᒐᕐᒥᓄᓕᖓᔪᓂᑦ ᐅᕝᕙᓗᓐᓃᑦ ᐱᓇᓱᖁᔭᐅᓕᕈᓂ ᐊᖓᔪᕐᖄᒥᓄᑦ.

Qualifications:

ᐃᓄᓐᓂᒃ ᐃᓗᕐᕈᓯᖏᓐᓅᓕᖓᔪᓂᓪᓗ ᖃᐅᔨᒪᒋᐊᓕᒃ;
 ᐱᒍᒪᓪᓚᕆᒋᐊᓕᒃ ᓴᐳᑦᔨᓂᕐᒥᒃ ᐃᑲᔪᕐᓯᒪᓂᕐᒥᓗ ᐃᓅᖃᑎᒥᓂᒃ ᐊᕐᖁᑎᑦᓴᖃᕈᑎᖏᓐᓄᑦ ᐃᓗᕐᕈᓯᑎᒍᑦ ᓈᒻᒪᓈᕐᓯᒪᔪᓄᑦ ᐱᓇᓱᐊᕐᑎᓯᒍᑎᖏᓐᓄᑦ ᓴᐳᑦᔭᐅᒍᑎᖏᓐᓄᓗ;
 ᐱᓇᓱᐊᓚᐅᕐᓯᒪᓗᓂ ᐃᓄᒻᒪᕆᓂᒃ ᖃᓄᐃᓕᒋᐊᕈᑎᓂᒃ;
 ᐱᓇᓱᐊᓚᐅᕐᓯᒪᓗᓂ ᐱᓇᓱᑦᑕᐅᔪᒥᒃ ᑲᒪᒋᔭᖃᕐᓂᒥᒃ;
 ᐅᖃᐅᓯᖏᑦ: ᐃᓄᒃᑎᑐᑦ ᐊᒻᒪᓗ ᖃᓪᓗᓈᑎᑐᑦ;
 ᑐᓴᐅᒪᖃᑎᒌᒍᑎᓂᒃ ᐱᒍᓐᓇᓯᐊᕆᐊᓕᒃ: ᐅᖄᓂᒃᑯᑦ ᐊᓪᓚᓂᒃᑯᓗ, ᐱᒍᓐᓇᕆᐊᓕᒃ;
 ᖃᕆᑕᐅᔭᒥᒃ ᐱᒍᓐᓇᕆᐊᓕᒃ ᐱᓇᓱᒍᑎᓂᒃ; word, ᐱᑐᑦᓯᒪᖃᑎᒌᕝᕕᒥᒃ, excel, ᐊᓯᖏᓪᓗ;
 ᐱᓇᓱᐊᓚᐅᕐᓯᒪᓗᓂ ᐃᒻᒥᓂᕿᓗᓂ ᐱᓇᓱᐊᕆᐊᖃᕐᓗᓂ ᐱᓇᓱᖃᑎᒌᑦᑐᓂᓗ ᐃᓚᒋᔭᐅᓗᓂ;
 ᐊᕐᕕᑕᕈᓐᓇᕆᐊᓕᒃ ᓄᓇᒃᑰᔫᒃᑯᑦ (ᐊᖁᒍᓐᓇᐅᑎᖃᕐᓗᓂ ᐱᐅᔪᖁᑎᒋᔭᖅ) ᐅᕝᕙᓘᓐᓃᑦ ᓇᐅᓕᒫᑦ ᐃᓂᕐᕋᐅᑎᖏᑎᒍᑦ, ᐁᖃᑦᑕᓗᓂ ᑎᒍᔭᐅᒪᕕᓐᓄᑦ ᑯᐯᒃᒦᑦᑐᓄᑦ ᐊᑦᔨᒌᖕᖏᑐᓄᑦ.
 ᐊᑦᑕᓇᕐᑌᓕᒪᓂᕐᒧᐊᖓᔪᓂᒃ ᖃᐅᔨᓴᕐᑕᐅᓯᒪᒋᐊᓕᒃ.
 *ᐱᓇᓱᑦᑎᓄᑦ ᓯᕗᓂᐊᒍᑦ ᐱᖁᔭᖃᕐᓂᒨᓕᖓᔪᓂᑦ ᐱᓇᓱᐊᕐᕕᓂᑦ ᐱᓇᓱᓚᐅᕐᓯᒪᖕᖏᑐᓄᑦ ᐱᒋᐅᕐᓴᑎᑦᓯᒍᑎᓪᓚᕇᑦ ᓴᐳᑦᔨᓯᒣᓐᓇᕈᑏᓪᓗ ᐱᑕᖃᕐᑎᑕᐅᓂᐊᕐᑐᑦ.

Benefits:

ᐱᕙᓪᓕᖁᑎᖏᑦ: ᐱᕙᓪᓕᖁᑏᑦ ᐊᑐᐃᓐᓇᐅᑎᑕᐅᔪᑦ ᒪᑭᕝᕕᑯᑦ ᐱᓇᓱᑦᑎᖏᓐᓄᑦ ᐊᓪᓚᑕᐅᒪᔪᐃᑦ ᒪᑭᕝᕕᑯᑦ ᐱᓇᓱᑦᑎᓕᕆᕕᒻᒥ ᐱᖁᔭᖓᓂᒃ ᐆᑦᑐᑎᒋᓗᒋᑦ:

 ᐱᔭᕆᐊᑭᓪᓕᑎᕐᓯᒪᔪᑦ ᐃᓄᑐᖃᐅᓂᕐᒧᑦ ᕿᑲᕐᓂᐅᑏᑦ ᐱᓇᓱᕝᕕᐅᑉ ᐃᑲᔪᕐᓯᒍᑎᖏᑦ 7%
 ᓂᖀᑦ ᖃᖓᑦᑕᔫᒃᑰᕈᑎᖏᑦ: ᐅᓄᕐᓂᐹᖃᕐᓱᑎᑦ $6,500
 ᐊᒥᓱᐃᓄᑦ ᐃᒻᒪᖃᐅᑎᑦ
 ᐅᕐᓱᐊᓗᒻᒥᒃ ᐃᑲᔪᕐᓯᒍᑏᑦ: ᐅᓄᕐᓂᐹᖃᕐᓱᑎᑦ $3,500
 ᕿᑲᕐᓀᑦ: ᐱᒋᐊᕐᓱᓂ 20ᓂᑦ ᐅᓪᓗᓂᑦ
 ᐊᐅᓪᓚᓂᕐᓄᑦ ᐱᕙᓪᓕᖁᑏᑦ: ᐅᓄᕐᓂᐹᖃᕐᓱᑎᑦ $25,000
 ᖃᓂᒪᓂᕐᒧᑦ: 15 ᐅᓪᓗᐃᑦ
 ᐃᓪᓗᒥᒃ ᐃᑲᔪᕐᓯᒍᑏᑦ: ᐅᓄᕐᓂᐹᖃᕐᓱᑎᑦ $12,000
 ᐅᖓᓯᑦᑐᒥᐅᖑᓂᕐᒧᑦ ᐃᑲᔪᕐᓯᒍᑏᑦ: ᐅᓄᕐᓂᐹᖃᕐᓱᑎᑦ $20,800ᓂᑦ