Makivik Job Opportunity
ᒪᑭᑕᒐᓱᐊᕐᓂᒥ ᐱᕙᓪᓕᐊᓂᕐᒥ ᑲᔪᓯᒃᑫᔨ
Job Description:
ᐊᖓᔪᕐᖄᖃᕐᓱᓂ: ᑲᒪᔨᒥᒃ ᓇᒻᒥᓂᖅ ᑮᓇᐅᔭᓕᐅᕋᓱᐊᕐᓂᓄᑦ ᐱᕙᓪᓕᐊᑎᑦᓯᓂᕐᒥ ᒪᑭᑕᒐᓱᐊᕐᒥᓂ ᐱᕙᓪᓕᐊᓂᕐᒥ ᐱᓇᓱᕝᕕᖓᓂ
Responsibilities:
- ᐊᐅᓚᑦᓯᓗᓂ ᑲᑎᕐᓱᓯᒪᔪᓂᒃ ᐊᓪᓚᖁᑎᓂᒃ ᐱᓪᓗᒍ ᒪᑭᑕᒐᓱᐊᕐᓂᒧᑦ ᐱᕙᓪᓕᐊᑎᑦᓯᓂᕐᒥ ᓵᖕᖓᓯᔪᒥᒃ ᐱᐅᓯᑎᑦᓯᒋᐊᕋᓱᐊᕐᓂᓄᑦ ᒪᑭᑕᒐᓱᐊᕐᓂᒧᑦ ᖃᓄᐃᖕᖏᓯᐊᕐᓂᖓᓂ ᐊᒻᒪᓗ ᐃᓅᓯᖃᑦᓯᖃᕋᓱᐊᕐᓂᒥ ᓄᓇᕕᒻᒥ;
- ᕿᒥᕐᕈᓗᓂ ᐊᒻᒪᓗ ᑐᑭᒧᐊᕐᑎᓯᓗᓂ ᐱᖁᑎᓕᕆᓂᕐᒥ ᐱᕙᓪᓕᐊᑎᑦᓯᓂᕐᒥ ᓄᓇᕕᒻᒥ ᓵᖕᖓᔭᖃᕐᓗᓂ ᐱᓇᓱᒐᕐᓂᒃ ᓄᐃᑦᓯᐸᓪᓕᐊᓂᕐᒥ ᐊᒻᒪᓗ ᐱᓇᓱᖃᑕᐅᓗᓂ ᒪᑭᑕᒐᓱᐊᕐᓂᒧᑦ ᐱᓂᐊᕐᓂᐅᔪᓂᒃ (ᐆᑦᑑᑎᒋᓗᒍ ᒥᕐᖁᓕᕆᓂᖅ, ᓄᓇᓕᐅᖃᑎᒌᑎᒍᑦ ᑕᐅᕐᓰᑲᑦᑕᐅᑎᓂᕐᒥᒃ, ᐊᖁᐃᒪᔪᓕᕆᓂᕐᒥᒃ, ᐊᒻᒪᓗ ᐊᓯᒋᐊᓪᓚᖏᑦ).
- ᐱᓇᓱᖃᑎᖃᕐᓗᓂ ᐱᓇᓱᐊᕐᑕᐅᔪᐃᑦ ᑲᒪᔨᖏᓐᓂᒃ, ᐱᕙᓪᓕᐊᑎᑦᓯᓗᓂ ᖃᓄᐃᓕᐊᕈᑎᑦᓴᐅᒍᓐᓇᑐᓂᒃ ᐸᕐᓇᓂᕐᒥ, ᐱᓇᓱᖃᑎᖃᕐᓗᓂ ᑲᑎᕕᒃ ᐃᓕᓴᕐᓂᓕᕆᓂᕐᒥ/ᑲᑎᕕᒃ ᓄᓇᓕᓕᒫᑦ ᑲᕙᒪᖓᓂᒃ ᐃᑲᔪᖃᑕᐅᖃᑦᑕᓗᓂ ᐱᔭᕆᐅᕐᓭᓂᕐᓂᒃ, ᐊᒻᒪᓗ ᐊᑑᑎᔭᐅᒍᓐᓇᒪᖔᑕ ᐊᒻᒪᓗ ᐅᓇᒻᒥᒋᔭᐅᒻᒪᖔᑕ ᖃᐅᔨᓴᖃᑦᑕᓗᓂ.
- ᐱᓇᓱᖃᑎᖃᖃᑦᑕᓗᓂ ᓄᓇᓕᓐᓂᒃ ᐊᒻᒪᓗᓐᓃᑦ ᑎᒥᖁᑎᒋᔭᐅᔪᓂᒃ ᐱᕙᓪᓕᐊᑎᑦᓯᓂᕐᒥ ᐅᕝᕙᓘᓐᓃᑦ ᐊᖏᓕᒋᐊᕐᑎᓯᓂᕐᒥ ᐅᓇᒻᒥᒋᔭᐅᒍᓇᕐᓂᒃ ᓄᓇᕐᖃᑎᒌᑎᒍᑦ ᐊᒻᒪᓗ ᓯᓚᑖᒍᑦ ᒋᐊᖃᓕᑐᐊᕈᑎᒃ (ᐆᑦᑑᑎᒋᓗᒍ ᓯᓈᓂᒥᐅᔭᕐᓂᒃ ᐱᑦᓴᖑᕈᓐᓇᑐᓂᒃ ᐱᕙᓪᓕᐊᑎᑦᓯᓂᕐᒥ, ᒥᕐᖁᓕᕆᓂᕐᒥ ᐱᕙᓪᓕᐊᑎᑦᓯᓂᕐᒥ, ᑏᓂᒃ, ᐊᓯᖏᓐᓂᓗ).
- ᐱᐅᓯᑎᒋᐊᕐᓗᒍ ᐊᑐᐃᓐᓇᖃᕐᓂᖅ ᒪᑭᑕᒐᒧᐊᕐᓂᒧᑦ ᐊᒻᒪᓗ ᓇᒻᒥᓂᖅ ᐱᓇᓱᕝᕕᖃᕐᓂᒧᑦ ᑐᑭᓯᒪᔭᐅᒋᐊᓖᑦ ᐱᑦᔪᔭᐅᒍᑎᒋᒋᐊᓕᖏᓐᓂᒃ ᓄᓇᕕᐅᑉ ᐃᓗᐊᓂ ᓯᓚᑖᓂᓪᓗ.
- ᐱᓇᓱᐊᖃᑎᖃᕐᓗᓂ ᒥᑭᔪᓂᒃ ᓄᓇᕕᒻᒥ ᑎᒥᐅᔪᓂᒃ ᓴᑑᑎᓕᐅᕐᓂᒧᑦ ᐱᕕᑦᓴᐅᒍᓐᓇᑐᓂᒃ ᐱᕙᓪᓕᐊᑎᑦᓯᒐᓱᐊᕐᓂᖏᓐᓂ ᐊᐅᓚᒍᑎᑦᓴᒥᓂᒃ.
- ᐊᑐᐃᓐᓇᐅᓗᓂ ᐊᐅᓪᓚᑲᑦᑕᓂᕐᒥᒃ, ᖁᔭᐅᓕᑐᐊᕈᓂ.
- ᐱᓇᓱᑉᐸᓗᓂ ᓱᓇᑐᐃᓐᓇᓂᒃ ᐊᓯᒋᐊᓪᓚᖏᓐᓂ ᐱᓇᓱᐊᕆᐊᓕᖏᓐᓅᓕᖓᔪᓂᒃ ᖁᔭᐅᓕᑐᐊᕈᓂ ᐊᖓᔪᕐᖄᒥᓄᑦ.
- ᐊᐅᓪᓚᑲᑦᑕᕈᓐᓇᓗᓂ ᐊᐅᓪᓚᖁᔭᐅᓕᕈᓂ;
- ᐊᓯᖏᓐᓂᑦ ᐱᓇᓱᖃᑦᑕᓗᓂ ᐱᓇᓱᒐᕐᒥᓄᓕᖓᔪᓂᑦ ᐅᕝᕙᓗᓐᓃᑦ ᐱᓇᓱᖁᔭᐅᓕᕈᓂ ᐊᖓᔪᕐᖄᒥᓄᑦ.
Qualifications:
- ᖄᖏᕐᓂᑯᓕᐅᕋᓱᐊᕐᓂᒧᑦ ᐃᓕᓐᓂᐊᕕᕐᔪᐊᒥ ᐱᔭᕇᕐᓂᐅᑎᖃᕐᓗᓂ ᓇᓪᓕᖁᐊᖓᓂᓪᓘᓃᑦ ᐱᓇᓱᑦᓯᒪᓗᓂ ᐃᓱᒪᒋᔭᐅᒍᓐᓇᑐᖅ.
- ᑐᑭᓯᒪᖃᑎᖃᕈᓐᓇᓯᐊᕐᓗᓂ ᒪᕐᕈᔪᐊᓐᓂᒃ (2) ᐅᖃᐅᓰᓐᓂᒃ ᐅᖃᐅᓰᑦ ᐱᖓᓱᐃᖑᑎᓪᓗᒋᑦ (3): ᐃᓄᒃᑎᑐᑦ, ᖃᓪᓗᓈᑎᑐᑦ ᐊᒻᒪᓗ/ᐅᕝᕙᓗᓐᓃᑦ ᒍᐃᒍᐃᑎᑐᑦ;
- ᖃᕆᑕᐅᔭᒥᒃ ᐊᑐᕈᓐᓇᓯᐊᕐᓗᓂ: Microsoft Suite (Excel, Word, PowerPoint, ᐊᓯᖏᓪᓗ.);
- ᓄᐃᑕᑎᑦᓯᓗᓂ ᑐᑭᓯᒪᓂᕐᒥᓂᒃ ᓄᓇᕕᐅᑉ ᐃᓅᖃᑎᒌᑎᒍᑦ ᐊᒻᒪᓗ ᒪᑭᑕᒐᓱᐊᕐᓂᑯᑦ ᐱᐅᓯᓪᓗᑐᖏᓐᓂᒃ, ᐊᑑᑎᖃᑦᓯᐊᒥᔪᖅ.
- ᖃᐅᔨᒪᑦᓯᐊᓗᓂ ᐱᓇᓱᐊᕐᑕᐅᔪᐃᑦ ᓇᐅᑦᓯᑐᕐᑕᐅᒍᓯᖏᓐᓂᒃ, ᖃᐅᔨᓴᕐᓂᒥ ᐊᒻᒪᓗ ᑐᓴᕐᑎᓯᒍᑎᓕᐅᕐᓂᒥ.
- ᖃᐅᔨᒪᑦᓯᐊᓗᓂ ᐱᓇᓱᐊᕐᓂᒥ ᑲᒪᔨᐅᓂᕐᒥᒃ, ᐱᓇᓱᐊᕐᑕᐅᔪᒥ ᒪᓂᔨᒍᑎᓕᐅᕐᓂᒥ ᐊᒻᒪᓗ ᑮᓇᐅᔭᕐᓯᐅᒐᓱᐊᕐᓂᒥ.
- ᓄᐃᑕᑎᑦᓯᓗᓂ ᐃᓄᑑᓗᓂ ᐱᓇᓱᒍᓐᓇᓂᕐᒥᓂᒃ ᐊᒻᒪᓗ ᐱᓇᓱᐊᖃᑎᖃᕈᓐᓇᓯᐊᕐᓗᓂ.
- ᐱᓂᕐᓗᑐᕕᓂᐅᓂᕐᒧᑦ ᐃᕐᖃᑐᐃᕕᑎᒍᕐᓯᒪᖕᖏᓗᓂ.
Benefits:
ᐱᕙᓪᓕᖁᑏᑦ ᐊᑐᐃᓐᓇᐅᑎᑕᐅᔪᑦ ᒪᑭᕝᕕᑯᑦ ᐱᓇᓱᑦᑎᖏᓐᓄᑦ ᐊᓪᓚᑕᐅᒪᔪᐃᑦ ᒪᑭᕝᕕᑯᑦ ᐱᓇᓱᑦᑎᓕᕆᕕᒻᒥ ᐱᖁᔭᖓᓂᒃ ᐆᑦᑐᑎᒋᓗᒋᑦ:
| § ᐱᔭᕆᐊᑭᓪᓕᑎᕐᓯᒪᔪᑦ ᐃᓄᑐᖃᐅᓂᕐᒧᑦ ᕿᑲᕐᓂᐅᑏᑦ ᐱᓇᓱᕝᕕᐅᑉ ᑐᓂᕐᕈᓯᐊᖏᑦ 7% | § ᓂᖀᑦ ᖃᖓᑦᑕᔫᒃᑰᕈᑎᖏᑦ: ᐅᓄᕐᓂᐹᖃᕐᓱᑎᑦ $6,500 |
| § ᐊᒥᓱᐃᓄᑦ ᐃᒻᒪᖃᐅᑎᑦ | § ᐅᕐᓱᐊᓗᒻᒥᒃ ᐃᑲᔪᕐᓯᒍᑏᑦ: ᐅᓄᕐᓂᐹᖃᕐᓱᑎᑦ $3,500 |
| § ᕿᑲᕐᓀᑦ: ᐱᒋᐊᕐᓱᓂ 20ᓂᑦ ᐅᓪᓗᓂᑦ | § ᐊᐅᓪᓚᓂᕐᓄᑦ ᐱᕙᓪᓕᖁᑏᑦ: ᐅᓄᕐᓂᐹᖃᕐᓱᑎᑦ $25,000 |
| § ᖃᓂᒪᓂᕐᒧᑦ: 15 ᐅᓪᓗᐃᑦ | § ᐃᓪᓗᒥᒃ ᐃᑲᔪᕐᓯᒍᑏᑦ: ᐅᓄᕐᓂᐹᖃᕐᓱᑎᑦ $12,000 |
| § ᐅᖓᓯᑦᑐᒥᐅᖑᓂᕐᒧᑦ ᐃᑲᔪᕐᓯᒍᑏᑦ: ᐅᓄᕐᓂᐹᖃᕐᓱᑎᑦ $20,800ᓂᑦ |
ᒪᑭᕝᕕᑯᑦ ᑐᕌᒐᖃᕐᐳᑦ ᑕᑯᓐᓈᓂᕐᓴᐅᕕᖃᕐᓂᐊᕆᐊᒥᒃ ᑫᓪᓗᑐᐃᓂᕐᓴᐅᓗᑎᓪᓗ ᐃᓄᓂᒃ ᐃᓚᐅᔪᓂᒃ ᔦᒥᔅᐯᑉ ᐊᖏᖃᑎᒌᓐᓂᖓᓄᑦ ᐱᓇᓱᒐᑦᓴᓯᐅᕐᑐᖃᓕᕐᐸᑦ.
ᓇᑯᕐᒦᐳᒍᑦ ᑖᑦᓱᒥᖓ ᐱᓇᓱᒐᕐᒥᒃ ᐱᔪᑦᓴᐅᔮᑐᓕᒫᓂᒃ.
ᐊᐱᕆᒐᑦᓴᐅᔪᕆᔭᕗᓐᓂᒃ ᑭᓯᐊᓂ ᐅᖄᓚᕕᖃᕐᓂᐊᐳᒍᑦ.
Are you interested in this position?
You can apply by filling in the form below.
You can apply by visiting our website at www.makivik.org/jobs