Makivik Job Opportunity
ᑲᒪᒋᔭᐅᔪᓂᒃ ᐊᒻᒪᓗ ᐃᑎᕐᕕᒥᒃ ᑲᒪᔨᒻᒪᕆᒃ
Job Description:
ᒪᑭᕝᕕᒃ ᒪᑭᑕᑦᓯᕗᖅ ᐱᕙᓪᓕᐊᑎᑦᓯᒍᑎᓂᒃ ᓄᑖᒥᒃ ᐋᓪᓂᐊᒋᔭᓕᓐᓂᒃ-ᖃᐅᔨᒪᔪᒥᒃ, ᐃᓗᕐᖁᓯᕐᒧᑦ ᐊᑦᑕᓇᖕᖏᑐᒥᒃ, ᐃᓄᓐᓅᓕᖓᑐᐃᓐᓇᑐᒥᒃ ᐃᑎᑦᕕᓴᒥᒃ ᐊᕐᓇᓄᑦ ᐱᐊᕋᕐᓄᓗ ᕿᒫᔪᓄᑦ ᐊᓂᕐᕋᒥ ᐊᓐᓂᑎᕆᔪᒥᒃ. ᐃᓂᖃᕐᓱᓂ ᒪᓐᑐᔨᐊᓪ ᕿᑎᖓᓂ, ᐃᑎᕐᕕᒃ ᑐᕌᕐᑐᖅ ᑲᒪᒋᐊᓚᖓᑦᓱᓂ ᐃᑉᐱᓇᓪᓚᕆᑦᑐᓂᒃ ᓱᖕᖏᓗᐊᕈᑎᓂᒃ ᐃᓄᐃᑦ ᐊᑕᐅᓯᐅᓈᕐᑎᑐᑦ ᖃᐅᔨᓲᖏᓐᓂᒃ ᐱᒐᓱᐊᓕᕋᒥᒃ ᐊᑦᑕᓇᖕᖏᑐᓂᒃ ᐊᒻᒪᓗ ᐊᓯᑦᔨᑕᖕᖏᑐᓂᒃ ᐃᓪᓗᓂᒃ ᑲᑉᐱᐊᓇᕐᑐᑰᓕᕋᒥᒃ.
ᑖᓐᓇ ᐃᑎᕐᕕᒃ ᓄᐃᑕᑦᓯᓚᖓᔪᖅ ᓱᓇᒥᑦᑐᓂᒃ ᐱᒍᑦᔨᒍᑎᓂᒃ ᓵᖕᖓᓚᕆᓪᓗᓂ ᐊᑦᑕᓇᖕᖏᓂᕐᒥᒃ, ᒪᒥᑉᐸᓕᐊᓂᕐᒥᒃ, ᐊᒻᒪᓗ ᐱᑐᒋᐊᑦᓯᐊᓂᕐᒥᒃ ᐃᓗᕐᖁᓯᕐᒧᑦ ᐊᒻᒪᓗ ᓄᓇᕐᖃᑎᓄᑦ.
ᑕᒪᑐᒧᖓ ᐱᒋᐊᕈᑎᒧᑦ ᐃᓚᐅᑎᓪᓗᒍ, ᓄᑖᖅ ᖄᖏᕐᓂᑯᓕᐅᕐᑎᐅᖏᑦᑐᖅ ᑎᒥᒃ ᒪᑭᑕᐅᑐᐃᓐᓇᕆᐊᖃᓚᖓᔪᖅ ᑲᒪᔨᐅᓂᐊᕐᓗᓂ ᐃᑎᕐᕕᒥᒃ ᐊᒻᒪᓗ ᓯᕗᓂᕐᒥ ᐃᓪᓗᒐᓴᓕᓐᓂ ᐱᒍᑦᔨᒍᑎᑦᓴᓂᒃ. ᐃᑉᐱᒍᓱᒋᑦᓯ ᐃᑎᕐᕕᐅᑉ ᐱᓇᓱᑦᑎᖏᑦ ᐃᓚᐅᓯᑐᐃᓐᓇᕆᐊᖃᕐᒪᑕ ᑖᑦᓱᒧᖓ ᓄᑖᒧᑦ ᑎᒥᖕᖑᑕᐅᔪᒧᑦ ᒪᑭᕝᕕᐅᑉ ᐊᑖᓂ.
ᐊᖓᔪᕐᖄᖃᕐᓱᓂ: ᐃᑎᕐᕕᒥᒃ ᑐᑭᒧᐊᑦᑎᓯᔨᒥᒃ
Responsibilities:
- ᑲᒪᔨᐅᓂᖅ ᐃᑎᕐᑎᓯᓂᐅᑉ ᐱᓇᓱᑦᑕᐅᓂᖓᓂᒃ, ᐃᓚᖃᕐᑎᓗᒍ ᐃᓕᒪᓇᕐᑐᓯᐅᕐᓂᒥᒃ ᐊᒻᒪᓗ ᐊᑦᑕᓇᕇᒃᑯᑎᓂᒃ ᐸᕐᓇᓂᕐᒥᒃ;
- ᐱᑎᑦᓯᓂᖅ ᐱᓇᓱᒐᒃᑯᑦ ᐊᖓᔪᕐᖄᖃᕐᓂᒥᒃ ᐊᒻᒪᓗ ᑕᓯᐅᕐᑎᖃᕐᓂᒥᒃ ᑲᒪᕐᖄᓂᕐᐹᓄᑦ ᐱᓇᓱᑦᑎᓄᑦ;
- ᓯᕗᓕᕐᓂᖅ ᑲᒪᒋᔭᐅᔪᑦ ᑲᑎᒪᒍᑕᐅᓂᖏᓐᓂᒃ ᐱᔭᕆᐊᑐᔪᑦ ᐊᒻᒪᓗ ᐊᑦᑕᓇᕐᓯᓂᐅᔭᓪᓚᕆᑦᑐᑦ ᖃᓄᐃᓕᖓᐅᑎᖏᑦ ᐱᑦᔪᑎᒋᓗᒋᑦ;
- ᓱᕐᖁᐃᓂᖅ ᐃᓄᒻᒥᒃ ᓴᐳᑦᔨᒍᑎᓂᒃ ᐸᕐᓇᕈᑏᑦ (ISPs) ᓱᓇᒥᑦᓯᐊᓂᖓᓂᒃ, ᐃᓗᕐᖁᓯᕐᒥᓗ ᐃᑉᐱᒍᓱᓐᓂᖓᓂᒃ, ᐊᒻᒪᓗ ᕿᒥᕐᕈᔭᐅᕙᓐᓂᖏᓐᓂᒃ;
- ᓴᐳᑦᔨᒪᓂᖅ ᐱᐊᕋᕐᒥᒃ-ᑕᑯᓐᓇᑐᓂᒃ ᑲᖕᖑᓇᕿᒍᑎᓂᒃ ᐊᒻᒪᓗ ᓴᖑᐊᑦᓯᓂᖅ ᐃᓅᓱᑦᑐᓂᒃ ᓴᐳᒻᒥᔩᑦ ᐱᒍᑦᔨᔨᖏᑎᒍᑦ ᑌᒣᒋᐊᖃᕐᓂᖓ ᒪᓕᓪᓗᒍ;
- ᐱᓇᓱᓐᓂᖅ ᑐᖓᓕᐅᓗᓂ ᐃᑎᕐᕕᒥᒃ ᑐᑭᒧᐊᑦᑎᓯᔨᒧᑦ ᐊᒻᒪᓗ ᑎᒍᓯᖃᑦᑕᓗᓂ ᐊᖓᔪᕐᖄᑉ ᑲᒪᔨᐅᒍᑎᖏᓐᓂᒃ ᓄᐃᑕᒍᓐᓀᐸᑦ;
- ᓴᐳᑦᔨᒪᓂᖅ ᐱᓇᓱᑦᑏᑦ ᐅᓪᓗᓯᐅᑎᖏᓐᓂᒃ ᐊᒻᒪᓗ ᐅᓪᓗᑕᒫᑦ ᐱᓇᓱᑦᑐᓂᒃ ᓴᖑᐊᑦᓯᓂᖅ ᐊᕙᑎᒥ ᑌᒪᖕᖓᓕᒫᖅ 24/7 ᐃᖏᕐᕋᔪᒥ
- ᐅᖃᖃᑎᖃᖃᑦᑕᓂᖅ ᓯᓚᑎᓂ ᐱᓇᓱᖃᑎᓂᒃ, ᐃᓚᖃᕐᑎᓗᒋᑦ ᐋᓐᓂᐊᕕᓐᓂᒃ, ᐃᓅᓱᑦᑐᐃᑦ ᓴᐳᒻᒥᔨᖏᓐᓂᒃ, ᐳᓖᓯᓂᒃ, ᐃᕐᖃᑐᐃᕕᓐᓂᒃ, ᐊᒻᒪᓗ ᓄᓇᕐᖃᑎᒌᑦ ᑎᒥᖁᑎᖏᓐᓂᒃ;
- ᓴᐳᑦᔨᒪᓂᖅ ᐃᓚᒋᓕᐅᑎᒋᐊᓪᓚᓂᕐᒥᒃ ᐊᒻᒪᓗ ᓱᖑᕙᓪᓕᐊᓂᕐᒥᒃ ᐸᕐᓇᕈᑎᓂᒃ ᐊᕐᓇᓄᑦ ᐊᒻᒪᓗ ᐱᐊᕋᕐᓄᑦ;
- ᐱᓇᓱᖃᑎᖃᑦᓯᐊᓂᖅ ᐃᓗᕐᖁᓯᒃᑯᑦ ᐅᖃᖃᑕᐅᓂᕐᒥᒃ ᐱᓇᓱᑦᑎᓂᒃ ᑐᑭᖃᑦᓯᐊᑎᑦᓯᓚᖓᓗᓂ ᐃᓄᒻᒥᒃ ᓱᓇᓕᕆᖓᑎᒍᑦ ᐃᓗᕐᖁᓯᓕᕆᓂᒃᑯᓗ ᐃᑲᔪᕐᓯᒪᐅᑎᓂᒃ;
- ᑲᒪᔨᐅᓂᖅ ᐃᓄᐃᑦ ᑲᒪᒍᑕᐅᔪᑦ ᐊᓪᓚᖁᑎᖏᓐᓂᒃ ᐊᒻᒪᓗ ᖃᐅᔨᒪᒍᑎᓂᒃ ᓄᐊᑦᓯᓂᐅᑉ ᐱᓇᓱᑦᑕᐅᓂᖓᓂᒃ;
- ᐃᑲᔪᕐᓯᖃᑕᐅᓂᖅ ᑐᓴᕐᑎᓯᒍᑕᐅᒋᐊᓕᑎᒍᑦ, ᐃᓚᖃᑎᓗᒋᑦ ᑮᓇᐅᔭᕐᑖᕕᓐᓂᒃ ᑐᓴᕐᑎᓯᒍᑎᓂᒃ ᐊᒻᒪᓗ ᑭᖑᓂᖓᓂ ᓄᐃᑕᐅᔪᑦ ᐃᑉᐱᔭᐅᓂᖏᓐᓂᒃ;
- ᓇᓗᓀᕐᓯᓂᖅ ᐱᒍᑦᔨᒍᑎᓂ ᐃᓚᑯᓂᒃ ᐊᒻᒪᓗ ᓴᐳᑦᔨᒪᓂᖅ ᑌᒪᖕᖓᓕᒫᖅ ᐱᐅᓂᐅᑉ ᐱᕙᓪᓕᕆᐊᕐᑕᐅᓂᖓᓂᒃ ᐱᒋᐊᕈᑎᓂᒃ;
- ᐃᑲᔪᕐᓂᖅ ᑲᔪᓯᑎᑦᓯᓂᕐᒥᒃ ᑎᒥᒥ ᓯᕗᓂᓕᐅᕐᓯᒪᔪᓂᒃ ᓯᕗᓪᓕᐅᑎᒐᑦᓴᓂᒃ
- ᐊᐅᓪᓚᑲᑦᑕᕈᓐᓇᓗᓂ ᐊᐅᓪᓚᖁᔭᐅᓕᕈᓂ;
- ᐊᓯᖏᓐᓂᑦ ᐱᓇᓱᖃᑦᑕᓗᓂ ᐱᓇᓱᒐᕐᒥᓄᓕᖓᔪᓂᑦ ᐅᕝᕙᓗᓐᓃᑦ ᐱᓇᓱᖁᔭᐅᓕᕈᓂ ᐊᖓᔪᕐᖄᒥᓄᑦ.
Qualifications:
- ᐃᒻᒥᓂᕐᓱᑎᐅᑉ ᐅᕝᕙᓘᓐᓃᑦ ᐃᓕᑦᓯᒪᔪᒻᒪᕆᐅᑉ ᐃᓕᑦᓯᒪᐅᑎᖓ ᐃᓄᓕᕆᓂᒃᑯᑦ ᐱᓇᓱᓐᓂᒥᒃ (ᐅᕝᕙᓘᓐᓃᑦ ᐊᑭᑦᓯᔪᖅ ᐅᐊᕈᑎᒌᓪᓗᓂ ᒥᑦᓯᓕᒻᒥᒃ ᐃᓕᓐᓂᐊᓯᒪᓂᖓ, ᐱᒋᐅᕐᓴᓯᒪᓂᖓ ᐊᒻᒪᓗ ᐱᓇᓱᓕᓂᐅᓂᖓ)
- 4–6 ᐊᕐᕌᒍᓂᒃ ᐱᓇᓱᑦᑎᒪᕆᐅᓗᓂ ᐱᓇᓱᑦᓯᒪᓂᖅ ᐃᓄᓕᕆᔩᑦ ᐱᒍᑦᔨᐅᑎᖏᓐᓂ ᐅᕝᕙᓘᓐᓃᑦ ᐊᑦᑐᐊᒥᔪᒥ ᐱᓇᓱᐊᒐᕐᒥ
- ᓂᑲᓇᕋᓂ ᓱᓇᓕᕆᓂᕐᒥᒃ ᑲᖕᖑᓇᕿᓂᒃᑯᑦ ᐊᒻᒪᓗ ᑲᑉᐱᐊᓇᕐᑐᑰᕐᑐᓂᒃ ᑲᒪᓂᒃᑯᑦ ᑲᒪᓯᑎᐅᓂᖅ
- ᐱᓇᓱᓚᐅᕐᓯᒪᓂᖅ ᐃᑲᔪᕐᓯᓂᕐᒥᒃ ᐊᑕᐅᓯᐅᓈᕐᑎᑐᓂᒃ ᐃᓄᓐᓂᒃ ᓱᕐᕋᑕᐅᓯᒪᔪᓂᒃ ᐊᕐᓇᐅᓂᕐᒧᑦ-ᑐᖕᖓᔪᒧᑦ ᐋᓐᓂᑎᕐᑕᐅᓂᕐᒧᑦ (GBV), ᐋᓐᓂᐊᒋᔭᓕᓐᓂᒃ-ᖃᐅᔨᒪᔪᒥᒃ ᐱᐅᓯᖃᕐᓗᓂ
- ᐱᓇᓱᑦᑎᐅᓯᒪᓂᖅ ᓯᕗᓂᖓᓂ ᐊᕐᓀᑦ ᐃᑎᕐᕕᖏᓐᓂ, ᑲᑉᐱᐊᓇᕐᑐᑰᕐᑐᑦ ᑲᒪᒋᔭᐅᕕᖏᓐᓂ, ᐱᐊᕋᕐᓂᒃ ᓴᐳᒻᒥᔨᓂ, ᐅᕝᕙᓘᓐᓃᑦ GBV-ᑲᒪᒋᑦᓱᒍ ᐱᒍᑦᔨᔨᓂ
- ᑕᑯᑦᓴᕈᐃᓯᒪᓂᖅ ᓯᕗᓕᖃᑦᑕᓯᒪᓂᕐᒥᒃ, ᐃᓚᖃᕐᑎᓗᒍ ᐱᓇᓱᖃᑎᒌᓂᒃ ᐊᐅᓚᑦᓯᔨᐅᓂᕐᒥᒃ, ᐅᓪᓗᓯᐅᑎᓕᐅᕐᓂᒥᒃ, ᐊᒻᒪᓗ ᐱᓇᓱᓐᓂᖓᓂᒃ ᓴᖑᐊᑦᓯᓂᒥᒃ
- ᓱᕐᖁᐃᑐᒥᒃ ᐊᐅᓚᑦᓯᒍᓐᓇᓂᖅ ᐱᔭᕆᐊᑐᔪᓂᒃ ᑲᒪᒍᑎᓂᒃ ᐊᑦᑐᐊᔪᓂᒃ ᐊᕐᓇᓄᑦ ᐊᒻᒪᓗ ᐱᐊᕋᕐᓄᑦ
- ᐱᒃᑲᑐᖕᖏᓂᖅ ᐃᓕᒪᓇᕐᑐᓂᒃ ᑲᖕᖑᓇᕿᓂᕐᒥᒃ ᐊᒻᒪᓗ ᐊᑦᑕᓇᕇᒃᑯᑎᓂᒃ ᐸᕐᓇᓂᕐᒥᒃ, ᐱᓗᐊᕐᑐᖅ ᐱᑦᔪᑎᖃᕐᑎᓗᒍ ᐊᑦᑕᓇᕐᓯᓂᐅᔭᓪᓚᕆᑦᑐᓂ ᐊᓂᕐᕋᒥ ᐋᓐᓂᑎᕆᓂᐅᑉ ᑐᑭᐊᒍᑦ
- ᓱᖏᐅᓐᓂᐅᓂᖅ ᐃᓅᓱᑦᑐᓂᒃ ᓴᐳᒻᒥᐅᑏᑦ ᐱᕐᕈᓯᖏᓐᓄᑦ, ᐃᓚᒌᑦ ᐃᕐᖃᑐᕐᑕᐅᕕᖏᓐᓄᑦ, ᐊᒻᒪᓗ ᐱᖁᔭᓂᒃ ᓯᖁᑦᑎᕆᔪᑦ ᐃᕐᖃᑐᐃᔨᖏᓐᓄᑦ
- ᖃᐅᔨᒪᓂᖅ ᓄᓇᖃᕐᖄᓯᒪᔪᑦ ᐃᓗᕐᖁᓯᖓᑎᒍᑦ ᐊᑦᑕᓇᖕᖏᓂᐅᑉ ᑐᑭᖏᓐᓂᒃ: ᐱᓇᓱᓕᓂᐅᒍᓂ ᐃᓄᐃᑦ ᓄᓇᓕᖏᓐᓂ ᐱᐅᒋᔭᐅᓂᕐᓴᒪᕆᐊᓗᒃ
- ᖄᑐᐃᓐᓇᖓᓂᒃ ᖃᐅᔨᒪᓂᖅ ᑎᑭᓪᓗᒍ ᖃᐅᔨᒪᒐᓚᓐᓂᒧᑦ ᐱᐅᓯᑐᖃᕐᓂᒃ ᐃᓄᐃᑦ ᖃᐅᔨᒪᐅᓯᖏᓐᓂᒃ
- ᓂᑲᓇᕋᓂ ᐊᓪᓚᓯᒪᔪᓕᐅᕈᓐᓇᓂᖅ, ᑐᓴᕐᑎᓯᒍᑎᓕᐅᕈᓐᓇᓂᖅ ᐊᒻᒪᓗ ᑲᒪᒋᔭᐅᔪᓂᒃ ᐊᐅᓚᑦᓯᒍᓐᓇᓂᖅ
- ᓱᕙᓪᓕᓇᕐᓗᓂ ᐱᓇᓱᒍᓐᓇᓂᖅ ᑌᒪᖕᖓᓕᒫᖅ 24/7 ᐱᓇᓱᑦᑐᑦ ᐊᕙᑎᖓᓂ ᐊᒻᒪᓗ ᐊᐅᓚᑦᔭᕈᑎᖃᕈᓐᓇᓗᓂ ᑲᑉᐱᐊᓇᕐᓯᔪᓂᒃ ᑌᒣᒋᐊᖃᕐᓂᖓ ᒪᓕᓪᓗᒍ
- ᑲᑦᓱᙰᒍᑎᖃᕐᓂᖅ ᐃᓗᕐᖁᓯᕐᒧᑦ ᑐᖕᖓᔪᓂᒃ ᐱᐅᓯᖃᕐᑎᓯᓂᕐᒥᒃ ᐊᒻᒪᓗ ᐱᓇᓱᖃᑎᖃᑦᓯᐊᓂᖅ ᐃᓗᕐᖁᓯᕐᒧᑦ ᐅᖃᖃᑕᐅᓂᕐᒥᒃ ᐱᓇᓱᑦᑎᓂᒃ ᐊᒻᒪᓗ ᐃᓄᑐᖃᕐᓂᒃ
- ᐱᔪᓐᓇᓯᐊᕐᓂᖅ ᐃᓄᒃᑎᑐᑦ ᐅᖃᐅᓯᕐᒥᒃ ᐱᔪᓇᕈᑎᓪᓚᕆᐅᕗᖅ
- ᐱᓂᕐᓗᑐᕕᓂᐅᓂᕐᒧᑦ ᐃᕐᖃᑐᐃᕕᑎᒍᕐᓯᒪᖕᖏᓗᓂ.
Benefits:
ᒪᑭᕝᕕᑯᑦ ᑐᕌᒐᖃᕐᐳᑦ ᑕᑯᓐᓈᓂᕐᓴᐅᕕᖃᕐᓂᐊᕆᐊᒥᒃ ᑫᓪᓗᑐᐃᓂᕐᓴᐅᓗᑎᓪᓗ ᐃᓄᓂᒃ ᐃᓚᐅᔪᓂᒃ ᔦᒥᔅᐯᑉ ᐊᖏᖃᑎᒌᓐᓂᖓᓄᑦ ᐱᓇᓱᒐᑦᓴᓯᐅᕐᑐᖃᓕᕐᐸᑦ.
ᓇᑯᕐᒦᐳᒍᑦ ᑖᑦᓱᒥᖓ ᐱᓇᓱᒐᕐᒥᒃ ᐱᔪᑦᓴᐅᔮᑐᓕᒫᓂᒃ.
ᐊᐱᕆᒐᑦᓴᐅᔪᕆᔭᕗᓐᓂᒃ ᑭᓯᐊᓂ ᐅᖄᓚᕕᖃᕐᓂᐊᐳᒍᑦ.
Are you interested in this position?
You can apply by filling in the form below.
You can apply by visiting our website at www.makivik.org/jobs