Makivik Job Opportunity
ᑮᓇᐅᔭᓕᕆᔨᑐᐃᓐᓇᖅ
Job Description:
ᐊᖓᔪᕐᖄᓕᒃ: ᐃᑲᔪᕐᑎᖓᓂᒃ ᑐᑭᒧᐊᑦᑎᓯᔨᐅᑉ ᑮᓇᐅᔭᓕᕆᕕᖓᓂ ᐃᓪᓗᓕᐅᕐᑎᑯᓂ
ᐃᓪᓗᓕᐅᕐᑏᑦ ᒪᑭᕝᕕᑯᓂ ᑎᒥᐅᔪᖅ ᖄᖏᕐᓂᑯᓕᐅᕐᑎᐅᒐᓂ ᑲᒪᒋᔭᑦᓴᔭᓕᒃ ᑲᔪᓯᓕᕐᑎᑕᐅᓂᖏᓐᓂᒃ ᐃᓄᓐᓄᑦ ᐃᓪᓗᓕᐅᕐᓂᓂ ᓄᓇᕕᒻᒥ. ᑐᕌᒐᒋᕙᓪᓗᑕᖓ ᐃᓪᓗᓕᐅᕐᓗᑎᒃ ᐱᐅᔪᓂᒃ ᐃᓪᓗᓂᒃ ᐱᒍᓐᓇᕕᓕᒫᖓᒍᑦ ᐱᓇᓱᕝᕕᓴᓕᐅᕐᓗᑎᒃ ᐃᓄᓐᓄᑦ, ᐃᓕᓐᓂᐊᑎᑦᓯᓱᑎᑦ ᐊᒻᒪᓗ ᓄᓇᓕᒻᒥᒃ ᑮᓇᐅᔭᓕᐅᕈᓐᓇᓯᑎᑦᓯᓗᑎᒃ ᐱᒍᓐᓇᕕᓕᒫᖓᒍᑦ.
Responsibilities:
- ᐊᐅᓚᑦᓯᓗᓂ ᐅᓄᕐᑐᓂᒃ ᐱᔭᕆᐊᑐᔪᓂᓗ ᐊᑭᓕᕐᑕ ᐅᒋᐊᓕᓐᓂᒃ ᐱᓇᓱᑦᑕᐅᔪᓂᒃ, ᐃᓚᐅᑎᓪᓗᒋᑦ ᐊᑐᕈᑎᓂᒃ ᐱᓪᓗᑯᒋᐊᓕᑎᒍᕐᑐᓂᒃ ᐊᑭᓕᕐᑕᐅᒋᐊᓕᓐᓂᒃ.
- ᓈᒻᒪᓈᑦᓯᐊᑎᓗᒋᑦ ᓂᐅᕕᕐᕕᕕᓂᕐᓂ ᐊᑭᓕᕐᑕᐅᒍᒪᒍᑎᖏᑦ ᑎᑭᓴᕐᑕᕕᓂᕐᓂ (Pos) ᐱᓇᓱᑦᑎᖃᓚᐅᕐᑐᓂᕐᓄᓗᓐᓃᑦ, ᖃᐅᔨᒋᐊᕐᓗᓂ ᓈᒻᒪᓈᑦᓯᐊᒪᖔᑕ ᓇᓗᓀᒃᑯᑌᑦ ᑭᓯᑦᓯᒍᑎᖏᑦ, ᐊᒻᒪᓗ ᐊᖏᕐᑕᐅᒍᑎᐅᒋᐊᓕᓐᓂᒃ ᐱᓗᓂ ᐱᒍᑦᔨᕕᓐᓂ.
- ᓄᑕᐅᓯᓕᕐᑎᓯᒪᖃᑦᑕᓗᒋᑦ ᐊᓪᓚᓯᒪᔪᓂᒃ ᐱᓇᓱᑦᑎᒋᔭᐅᓚᐅᕐᑐᑐᓂᒃ ᐊᒻᒪᓗ ᐱᒍᑦᔨᔪᓂᒃ ᑐᑦᑕᕕᐅᓗᓂ ᐱᓇᓱᑦᑎᒋᔭᐅᓚᐅᕐᑐᑐᓄᑦ ᓂᐅᕕᕐᕕᐅᔪᓄᑦ ᐊᑭᓕᕐᑕᐅᒋᐊᓕᓐᓄᓕᖓᔪᓂᒃ, ᐊᑭᓕᕐᑕᐅᒍᑎᓂᒃ ᐊᓯᐅᒪᔪᓂᒃ, ᐊᒻᒪᓗ ᑕᒻᒪᓯᒪᔪᓂᒃ ᑲᒪᒋᔭᖃᕐᐸᓗᓂ.
- ᑲᒪᒋᔭᖃᕐᓗᓂ ᐊᑦᑕᓀᑦᑐᓯᐊᒥᒃ ᐁᑦᑑᑎᐅᖃᑦᑕᓗᑎᑦ ᐊᒻᒪᓗ ᑲᒪᒋᔭᖃᕐᓗᓂ ᑮᓇᐅᔭᓕᕆᓂᕐᒧᑦ ᐊᓪᓚᖁᑎᓂᒃ, ᐃᓚᐅᑎᓪᓗᒋᑦ ᐊᓪᓚᓂᒃ, ᑮᓇᐅᔭᑦᓴᔭᓂᒃ ᑮᓇᐅᔭᒃᑯᕕᒻᒧᑕᐅᔪᓂᒃ, ᐊᐅᓪᓚᑎᑕᐅᒍᑎᖏᓐᓂᓗ (ᐅᑦᑑᑎᒋᓗᒋᑦ ᓱᓗᒃᐸᒃᑎᒍᑦ/ᖃᖓᑦᑕᔪᒃᑯᑦ ᐊᐅᓪᓚᑎᑕᐅᒍᑎᓂᒃ ᐊᓪᓚᖁᑎᖏᓐᓂᒃ).
- ᓱᓕᑦᓯᐊᑐᓂᒃ ᐊᓪᓚᕕᑦᓴᓂᒃ ᖃᕆᑕᐅᔭᒥᑦᑐᓂᓗ ᐱᐅᓕᐊᕐᑕᐅᕕᒻᒦᑎᑦᓯᓗᓂ ᑕᒻᒪᓯᒪᔪᕐᓂᐊᑕᐅᒋᐊᖃᓕᕐᐸᑕ ᐊᑐᐃᓐᓇᐅᑎᓗᒋᑦ ᒪᓕᑦᓯᐊᑎᓗᒋᓗ ᒪᓕᑦᑕᐅᒋᐊᓕᓐᓂᒃ.
- ᐱᐅᓕᐊᕐᓗᓂ ᒫᓐᓇᓂᑕᕐᓂᒃ ᐊᑦᑕᑐᕈᑎᓂᒃ ᐃᓪᓗᓂᒃ, ᐱᓇᓱᑦᑎᖃᓚᐅᕐᑐᕈᑎᓂᒃ, ᐊᒻᒪᓗ ᐱᓇᓱᑦᑎᖃᓚᐅᕐᑐᒍᑎᒋᐊᓪᓚᓂᒃ ᐊᕐᖁᑎᖃᕐᓱᑎᒃ ᐊᓯᒥᓂᒃ ᐊᖏᖃᑎᒌᒍᑎᓂᒃ ᒪᓕᑦᓱᑎᑦ ᐊᕕᑦᑐᑕᐅᓯᒪᒍᓯᖏᓐᓂᒃ.
- ᑲᒪᓗᓂ ᓂᐅᕕᕐᕕᐅᔪᐃᑦ ᐊᓪᓚᓯᒪᔭᖏᓐᓂᒃ ᑕᒻᒪᓯᒪᒻᒪᖔᑕ ᐊᒻᒪᓗ ᐊᓪᓚᖁᑎᖏᓐᓂᒃ ᑮᓇᐅᔭᖁᑎᒋᔭᐅᔪᓂᒃ ᓱᓕᑦᓯᐊᒪᖔᑕ ᐊᒻᒪᓗ ᐊᓪᓚᑕᐅᒪᒍᑎᖏᑦ ᓱᓕᑦᓯᐊᒪᖔᑕ.
- ᐃᑲᔪᕐᓯᓗᓂ ᐊᑐᐃᓐᓇᕈᕐᑎᑕᐅᓂᖏᓐᓂᒃ ᐊᑦᔨᒋᖕᖏᑐᓂᒃ ᐃᑲᔪᕐᓯᒍᑎᑦᓴᓂᒃ ᐊᒻᒪᓗ ᐃᑲᔪᕐᓯᒍᑎᖏᓐᓂᒃ ᐊᓪᓚᖁᑎᓂᒃ ᐱᒍᑦᔨᕕᒻᒥ ᐊᒻᒪᓗ ᓯᓚᑖᓂ ᐱᓯᒪᔪᓂᒃ ᑕᒻᒪᓯᒪᔪᕐᓂᐊᑎᓂᒃ.
- ᐱᒍᓐᓇᓯᑦᓯᐊᕈᓂ ᐊᑭᓕᕐᑕᐅᒍᑎᓕᕆᓂᕐᒥᒃ ᐱᓇᓱᑦᑕᐅᒋᐊᓕᓐᓂᒃ, ᑎᓕᔭᐅᒪᓗᓂ ᐃᓇᖐᒪᖃᑦᑕᓂᐊᕐᓗᓂ ᑮᓇᐅᑦᔭᓵᓕᕆᕕᒻᒥ ᐱᓇᓱᑦᑎᖏᓐᓂᒃ.
- ᓇᓗᓀᕐᓯᓗᓂ ᓈᒻᒪᓈᖕᖏᑐᓂᒃ ᐊᑭᓕᕐᑕᐅᒋᐊᓕᓐᓂᒃ ᐱᓇᓱᐊᕐᑕᐅᒍᓯᖏᓐᓂᒃ ᐅᓐᓂᑑᑎᓕᐅᕐᓗᓂᓗ ᐱᐅᓯᐅᒥᑎᑦᓯᒋᐊᕈᑎᑦᓴᓂᒃ.
- ᐊᐅᓪᓚᑲᑦᑕᕈᓐᓇᓗᓂ, ᕆᐊᖃᓕᕈᓂ.
- ᐱᓇᓱᓪᓗᓂ ᐊᓯᖏᓐᓂᒃ ᐱᓇᓱᒐᕐᒥᓄᓕᖓᔪᓂᒃ ᐅᕝᕙᓗᓐᓃᑦ ᑎᓕᔭᐅᒍᓂ ᐊᖓᔪᕐᖄᒥᓄᑦ.
Qualifications:
- ᐱᔭᕆᕈᑎᒃ/ᐱᔭᕆᕐᓯᒪᓗᓂ ᑮᓇᐅᔭᓕᕆᓂᕐᒥᒃ ᐅᕝᕙᓗᓐᓃᑦ ᑮᓇᐅᔭᓕᕆᔨᐅᓂᕐᒥᒃ.
- ᐃᑭᓐᓂᐹᖃᕐᓗᓂ ᐱᖓᓱᓂᒃ (3) ᐊᕐᕌᒍᕐᓂᒃ ᐱᓇᓱᑦᓯᒪᓗᓂ ᑮᓇᐅᔭᓕᕆᓂᕐᒥᒃ ᐱᓇᓱᑦᑕᐅᒋᐊᓕᓕᒫᓂᒃ.
- ᓄᐃᑕᑎᑦᓯᓗᓂ ᐃᒻᒥᓂᒃ ᐱᓇᓱᒍᓐᓇᓂᕐᒥᓂᒃ ᐊᐅᓚᑦᓯᓗᓂ ᐱᔭᕆᐊᑐᔪᓂᒃ ᐊᒥᓱᓂᓗ ᐱᓇᓱᑦᑕᐅᒋᐊᓕᓐᓂᒃ.
- ᐊᑐᕈᓐᓇᓯᐊᕐᓗᓂ MAESTRO-ᒥᒃ ᐊᑦᔨᐸᓱᖓᓂᓗᓐᓃᑦ ERP system-ᒥᒃ, ᖃᐅᔨᒪᑦᓯᐊᓗᓂᓗ Excel-ᒥᒃ (ᐃᓚᐅᑎᓪᓗᒍ VLOOKUPs ᐊᒻᒪᓗ Pivot Tables-ᒥᒃ).
- ᐃᑉᐱᒋᔭᖃᑦᓯᐊᓗᓂ ᐃᓗᓕᖏᓐᓂᒃ, ᐃᓂᓪᓚᑎᕈᓐᓇᓯᒪᑦᓯᐊᓗᓂ, ᐃᓱᓕᕝᕕᓕᐊᕆᔭᐅᒪᔪᓂᒃ ᒪᓕᒍᓐᓇᓯᐊᕐᓗᓂ.
- ᑐᑭᓯᒪᖃᑎᒌᓐᓂᖃᕈᓐᓇᓯᐊᕐᓗᓂ ᒪᕐᕈᔪᐊᓐᓂᒃ (2) ᐅᑯᓂᖓ ᐱᖓᓱᓂᒃ (3) ᐅᖃᐅᓯᕐᓂᒃ: ᐃᓄᒃᑎᑐᑦ, ᖃᓪᓗᓈᑎᑐᑦ ᐊᒻᒪᓗ/ᐅᕝᕙᓗᓐᓃᑦ ᒍᐃᒍᐃᑎᑐᑦ.
- ᐱᖁᔭᓂᒃ ᓱᒃᑯᐃᓚᐅᕐᓯᒪᖕᖏᑑᒋᐊᓕᒃ.
Benefits:
ᐱᕙᓪᓕᖁᑎᓕᒫᓂᒃ ᐊᑐᐃᓐᓇᐅᑎᑕᐅᔪᓂᒃ ᒪᑭᕝᕕᐅᑉ ᐱᓇᓱᑦᑎᖏᓐᓄᑦ ᓇᓗᓀᕐᑕᐅᒪᔪᓂᒃ ᒪᑭᕝᕕᑯᑦ ᐱᓇᓱᑦᑎᓄᑦ ᒪᓕᒐᓕᐊᕆᓯᒪᔭᖏᑦ:
| ᐱᔭᕆᐊᑭᓪᓕᑎᕐᓯᒪᔪᑦ ᐃᓄᑐᖃᐅᓂᕐᒧᑦ ᕿᑲᕈᑎᑖᕐᑕᕈᑏᑦ:
ᐱᓇᓱᕝᕕᐅᑉ ᐃᑲᔪᕐᓯᒍᑎᖏᑦ 7% |
ᐊᒥᓱᐃᑦ ᐃᒻᒪᖃᐅᑎᖏᑦ:
ᐃᓅᓯᕐᒥ, LTD, ᐃᓗᓯᓕᕆᔭᐅᒍᑎᖏᑦ, ᑭᒍᑎᓕᕆᔭᐅᒍᑎᖏᓪᓗ |
| ᕿᑲᕐᓀᑦ: ᐱᒋᐊᕐᑐᖅ 20 ᐅᓪᓗᐃᑦ | ᐅᕐᓱᐊᓗᒻᒧᑦ ᐃᑲᔪᕐᓯᒍᑏᑦ: ᐅᓄᕐᓂᐹᖃᕐᓱᑎᑦ $3,500 |
| ᖃᓂᒪᓂᕐᒧᑦ ᐅᓪᓗᐃᑦ: 15 ᐅᓪᓗᐃᑦ | ᐊᐅᓪᓚᓂᕐᒧᑦ ᐃᑲᔪᕐᓯᒍᑏᑦ: ᐅᓄᕐᓂᐹᖃᕐᓱᑎᑦ $25,000 |
| ᐅᖓᓯᑦᑐᒥᐅᖑᓂᕐᒧᑦ ᐃᑲᔪᕐᓯᒍᑏᑦ: ᐅᓄᕐᓂᐹᖃᕐᓱᑎᑦ $20,800 | ᐃᓪᓘᑉ ᐊᑭᖓᓂᒃ ᐃᑲᔪᕐᓯᒍᑏᑦ: ᐅᓄᕐᓂᐹᖃᕐᓱᑎᑦ $12,000 |
| ᐃᑦᓯᕕᓂᒃ ᖃᖓᑦᑕᔫᒃᑰᑎᑦᓯᒍᑏᑦ: ᐅᓄᕐᓂᐹᖃᕐᓱᑎᑦ $6,500 |
ᒪᑭᕝᕕᑯᑦ ᑐᕌᒐᖃᕐᐳᑦ ᑕᑯᓐᓈᓂᕐᓴᐅᕕᖃᕐᓂᐊᕆᐊᒥᒃ ᑫᓪᓗᑐᐃᓂᕐᓴᐅᓗᑎᓪᓗ ᐃᓄᓂᒃ ᐃᓚᐅᔪᓂᒃ ᔦᒥᔅᐯᑉ ᐊᖏᖃᑎᒌᓐᓂᖓᓄᑦ ᐱᓇᓱᒐᑦᓴᓯᐅᕐᑐᖃᓕᕐᐸᑦ.
ᓇᑯᕐᒦᐳᒍᑦ ᑖᑦᓱᒥᖓ ᐱᓇᓱᒐᕐᒥᒃ ᐱᔪᑦᓴᐅᔮᑐᓕᒫᓂᒃ.
ᐊᐱᕆᒐᑦᓴᐅᔪᕆᔭᕗᓐᓂᒃ ᑭᓯᐊᓂ ᐅᖄᓚᕕᖃᕐᓂᐊᐳᒍᑦ.
Are you interested in this position?
You can apply by filling in the form below.
You can apply by visiting our website at www.makivik.org/jobs