Makivik Job Opportunity
ᑐᑭᒧᐊᑦᑎᓯᔨ ᑐᓴᐅᒪᖃᑎᒌᓐᓂᓕᕆᓂᕐᒥ
Job Description:
ᐊᖓᔪᕐᖄᖃᕐᓱᓂ: ᐊᓪᓚᑎᒻᒪᕆ
Responsibilities:
ᑐᓴᐅᒪᖃᑎᒌᓐᓂᓕᕆᓂᕐᒥ ᑐᑭᒧᐊᑦᑎᓯᔨᐅᑉ ᐱᓇᓱᒐᖓ ᐱᓇᓱᑦᑎᒪᕆᐅᑉ ᑲᒪᔨᐅᑉ ᐃᓂᒋᕙᐅᒃ ᑲᒪᒋᔭᖃᕆᐊᖃᕐᓱᓂ ᐃᑉᐱᒍᓱᑦᑎᐅᓗᓂ ᐸᕐᓀᒍᑎᓕᐊᓂᒃ, ᐊᐅᓚᑕᖏᑦᑕ ᐊᑕᐅᑦᓯᑰᕐᑎᑕᐅᓂᖏᓐᓂᒃ, ᐊᒻᒪᓗ ᒪᑭᕝᕕᑯᑦ ᐱᓇᓱᕝᕕᒥ ᐱᓇᓱᕝᕕᐅᓗ ᓯᓚᑖᓂ ᑐᓴᐅᒪᖃᑎᒌᓐᓂᒧᑦ ᖃᓄᐃᓘᕈᑎᖏᑦᑕ ᑲᔪᓯᑎᑕᐅᒍᑎᖏᓐᓂᒃ. ᑐᑭᒧᐊᑦᑎᓯᔨ ᑐᓴᐅᒪᖃᑎᒌᓐᓂᓕᕆᓂᕐᒥ ᐱᓇᓱᖃᑎᒌᑦᑐᓂᒃ ᓯᕗᓕᓲᖅ ᖃᐅᔨᒪᔭᐅᑎᑦᓯᒍᑎᓕᕆᓂᕐᒥ ᑎᒥᐅᔫᑉ ᑐᕌᒐᖓᓂᒃ, ᐱᓇᓱᐊᕐᑕᖏᓐᓂᒃ, ᐃᓚᐅᔪᓄᓪᓗ ᓯᕗᓪᓕᐅᔭᐅᒋᐊᓕᓐᓂᒃ, ᐱᓇᓱᖃᑎᒌᑦᑐᓄᑦ, ᑐᓴᕋᑦᓴᓂᐊᕐᑎᓄᑦ, ᓇᐅᓕᒫᓄᐊᖓᔪᓄᓪᓗ. ᐱᓇᓱᐊᕆᐊᓕᖏᑦ ᐃᓚᖃᕐᒥᔪᑦ ᑐᓴᕋᑦᓴᓂᐊᕐᑎᓂᒃ ᐱᓇᓱᐊᖃᑎᖃᕈᑎᓂᒃ ᑲᒪᒋᔭᖃᕐᓂᒥᒃ, ᑎᒥᐅᔫᑉ ᑐᓴᐅᒪᑎᑦᓯᒍᑎᓕᐊᖏᓐᓂᒃ, ᓇᐅᓕᒫᓄᐊᖓᔪᓄᑦ ᐱᓇᓱᐊᕐᑕᐅᔪᓂᒃ, ᐊᒻᒪᓗ ᐃᓕᑕᕆᔭᐅᒍᑎᖓᑕ ᑕᕐᓴᖓᑕ ᓲᓱᒋᔭᐅᑦᓯᐊᕈᑎᖏᓐᓂᒃ, ᐱᓇᓱᒍᓯᖏᑦ ᑖᒃᑯᐊᓭᓐᓇᐅᑎᑦᓯᐊᕙᓪᓗᒋᑦ, ᐃᓗᕐᕈᓯᒧᐊᖓᓂᖃᕐᑎᕙᓪᓗᒋᑦ, ᐊᒻᒪᓗ ᒪᑭᕝᕕᐅᑉ ᐱᐅᓯᖏᑦ ᑐᖕᖓᕕᒋᓗᒋᑦ ᒪᓕᑦᑕᐅᑎᕙᓪᓗᒋᑦ. ᑐᑭᒧᐊᑦᑎᓯᔨ ᐱᒻᒪᕆᒥᒃ ᖃᓄᐃᓘᕐᑎᐅᕕᖃᕐᒥᔪᖅ ᖃᓄᐃᓘᕈᑎᓄᑦ ᐱᓇᓱᐊᕐᑕᐅᔪᓂᒃ, ᐱᓂᐊᕐᓂᖃᕐᑎᓯᒍᑎᓂᒃ, ᐊᒻᒪᓗ ᑎᒥᐅᔪᒥ ᑕᒡᒐᓂ ᑐᓴᐅᒪᖃᑎᒌᒍᑎᖏᓐᓂᒃ ᓴᐳᑦᔨᓯᒪᓂᕐᒥᒃ.
- ᐅᓪᓗᑕᒫᕐᓯᐅᑎᓕᕆᔩᑦ ᐃᑲᔪᕐᓗᒋᑦ ᑐᓴᕋᑦᓴᓂᐊᕐᓂᓕᕆᓂᕐᒧᐊᖓᔪᓕᒫᑎᒍᑦ ᐆᒃᑐᕋᐅᑎᒋᓗᒋᑦ ᐊᐱᕐᓱᑕᐅᓃᑦ, ᓇᐅᓕᒫᓅᓕᖓᔪᓂᒃ ᑐᓴᕐᑕᐅᑎᑦᓯᒍᑏᑦ, ᑐᓴᕋᕐᓭᑦ, ᐊᓯᖏᓪᓗ;
- ᐊᑦᔨᒌᖕᖏᑐᓂᑦ ᐱᒻᒪᕆᓂᑦ ᐱᓇᓱᐊᕐᑕᐅᔪᓂᑦ ᐃᓘᓐᓈᒍᑦ ᐊᒻᒪᓗ ᑎᒥᐅᔫᑉ ᖃᓄᐃᓘᕈᑎᓕᐊᖏᓐᓂᑦ ᐃᓚᐅᕕᖃᕐᐸᓗᓂ;
- ᐊᓪᓚᓯᒪᔪᓕᐅᕆᐊᖕᖓᓗᒋᑦ ᑭᖑᓪᓕᐹᖓᓂᓗ ᐋᕐᕿᓱᐃᓗᓂ ᑎᒥᐅᔫᑉ ᑐᓴᐅᒪᖃᑎᒌᓐᓂᒧᑦ ᖃᓄᐃᓘᕈᑎᓕᐊᖏᓐᓂᒃ ᑐᓴᐅᒪᖃᑎᒌᓐᓂᓕᕆᓂᕐᒥ ᑲᒪᔨ, ᑎᒥᐅᔫᑉ ᐊᓪᓚᓯᒪᔪᓂᒃ ᐋᕐᕿᓱᐃᔨᖓ ᐊᓯᖏᓪᓗ ᓂᕈᐊᕐᑕᐅᓯᒪᔪᑦ ᐱᓇᓱᑦᑏᓗ ᐃᓚᐅᔪᑦ ᐃᑲᔪᕐᑎᒋᓗᒋᑦ;
- ᐃᓕᓐᓂᐊᑎᑕᐅᒍᑎᑦᓴᓂᒃ ᐃᑲᔪᕐᑕᐅᒍᑎᑦᓴᓂᓪᓗ ᐱᑕᖃᕐᑎᓯᓗᓂ ᑐᓴᐅᒪᖃᑎᒌᓐᓂᓕᕆᓂᕐᒥ ᐱᓇᓱᑦᑎᓄᑦ;
- ᐃᑲᔪᕐᓗᓂ ᑎᒥᐅᔪᒧᑦ ᓄᐃᑕᐅᔪᑦ ᑐᓴᕋᑦᓭᑦ ᐊᑐᐃᓐᓇᕈᕐᑕᐅᓂᖏᓐᓂᑦ ᐋᕐᕿᓱᒋᐊᑦᓯᐊᑕᐅᓂᖏᓐᓂᓗ;
- ᑎᒥᐅᔫᑉ ᖃᕆᑕᐅᔦᑦ ᐱᑐᖃᑎᒌᕝᕕᖓᓂ ᑕᑯᑦᓴᐅᔪᑦᓭᑦ ᐋᕐᕿᓱᕐᑕᐅᓂᖏᓐᓂᑦ ᐃᑲᔪᕐᓗᓂ;
- ᐱᓂᐊᕐᓂᐅᓚᖓᔪᑦ ᑲᔪᓯᑎᑕᐅᒍᑎᖏᑎᒍᑦ ᐃᑲᔪᕐᓗᓂ, ᐃᑲᔪᕆᐊᖃᓕᑐᐊᕈᓂ;
- ᑎᒥᐅᔫᑉ ᐱᓇᓱᐊᖃᑎᖃᕐᓂᖏᓐᓂᑦ ᐊᓯᖏᓐᓂᒃ ᑲᓇᑕᒥᐅᓂᒃ ᑲᓇᑕᐅᑉ ᓯᓚᑖᓂᒥᐅᓂᓪᓗ ᐃᓄᑐᐃᓐᓇᓂᒃ ᐱᓇᓱᐊᖃᑎᖃᕈᑎᓂᒃ ᓴᐳᑦᔨᓯᒪᓗᓂ ᑲᔪᓯᑎᑕᐅᒍᑎᖏᓐᓂᓗ ᐱᓇᓱᐊᕐᓗᓂ;
- ᖃᐅᔨᒐᓱᑉᐸᓗᒋᑦ ᑐᑭᒧᐊᑦᑎᐸᓪᓗᒋᓗ ᑎᒥᐅᔪᒥᒃ ᑐᓴᕋᑦᓴᓂᐊᕐᑏᑦ ᑐᓴᕋᑦᓴᓂᐊᕈᒪᓂᖏᑦ;
- ᑎᒥᐅᔫᑉ ᖃᕆᑕᐅᔦᑦ ᐱᑐᖃᑎᒌᕝᕕᖓᓂ ᓄᐃᑕᑎᑦᓯᒍᑎᓄᑦ ᑲᒪᒋᔭᐅᒍᑎᖏᓐᓄᓗ ᐃᑲᔪᕐᓯᒪᓗᒋᑦ;
- ᑎᒥᐅᔫᑉ ᐱᓂᐊᕐᓂᖏᓐᓂᒃ ᑲᑎᒪᓂᖏᓐᓂᓗ ᐊᓪᓚᓯᒪᔪᓕᐅᕆᐊᖃᓕᕈᓂ ᐊᑦᔨᓕᐅᕆᒋᐊᖃᓕᕈᓂᓗ ᑕᒪᒃᑯᐊ ᐱᓇᓱᐊᕐᐸᓗᒋᑦ;
- ᓄᐃᑎᕆᕙᓪᓗᓂ ᖃᕆᑕᐅᔦᑦ ᐱᑐᖃᑎᒌᕝᕕᖓᓅᕐᑐᓴᓂᒃ, ᑎᒥᐅᔫᓪᓗ ᓄᐃᑕᑎᑦᓯᕕᖏᑦ ᖃᕆᑕᐅᔦᑦ ᐱᑐᖃᑎᒌᕝᕕᖏᓐᓂ ᑲᒪᒋᓗᒋᑦ;
- ᐊᐅᓪᓚᕈᓐᓇᓗᓂ, ᐊᐅᓪᓚᖁᔭᐅᑐᐊᕈᓂ;
- ᐊᓯᖏᓐᓂᒃ ᐱᓇᓱᒍᓐᓇᓗᓂ ᐱᓇᓱᑦᑕᐅᖁᔭᓂᑦ ᐊᖓᔪᕐᖄᒥᓄᑦ.
Qualifications:
- ᑐᓴᐅᒪᖃᑎᒌᓐᓂᓕᕆᓂᕐᒥ, ᓇᐅᓕᒫᓄᐊᖓᔪᓂᒃ ᐱᓇᓱᖃᑎᒌᒍᑎᓂᒃ, ᑐᓴᕋᑦᓴᓂᐊᕐᑎᐅᓂᕐᒥᒃ, ᖃᓪᓗᓈᑎᑐᑦ ᐊᓯᐊᓄᓘᓐᓃᑦ ᐃᓕᖓᔪᒥᒃ ᐱᓇᓱᐊᒐᕐᒥᒃ ᐃᓕᓐᓂᐊᕕᕐᔪᐊᒥ ᐱᔭᕇᕈᑎᑖᕐᓯᒪᓗᓂ;
- ᐊᕐᕌᒍᓂᒃ ᑕᓪᓕᒪᓂᒃ (5) ᓯᑕᒪᐅᔪᕐᑐᓄᑦ ᑎᑭᓪᓗᒍ (8) ᐃᑭᓐᓂᓴᐅᖕᖏᑐᓂᒃ ᐱᓇᓱᐊᓕᓂᐅᓗᓂ ᑐᓴᐅᒪᖃᑎᒌᓐᓂᓕᕆᓂᕐᒥ ᐊᒻᒪᓗ/ᐅᕝᕙᓘᓐᓃᑦ ᓇᐅᓕᒫᓄᐊᖓᔪᓄᑦ ᑭᒡᒐᓕᕋᕐᓂᒥ ᐱᓇᓱᐊᓚᐅᕐᓯᒪᒋᐊᓕᒃ;
- ᓄᓇᕕᒻᒥ ᖃᐅᔨᒪᔭᖃᕆᐊᓕᒃ ᓄᓇᕕᒻᒥᓗ ᐱᓇᓱᐊᓚᐅᕐᓯᒪᒋᐊᖃᕐᓱᓂ;
- ᖃᐅᔨᒪᔭᖃᑦᓯᐊᓗᓂ ᐱᓇᓱᓐᓂᒥ ᑐᓴᐅᒪᖃᑎᒌᓐᓂᓕᕆᓂᕐᒥ ᑐᖕᖓᕕᐅᓲᓂᒃ ᐱᓇᓱᒍᓯᐅᓲᓂᓪᓗ;
- ᑐᓴᐅᒪᖃᑎᒌᓐᓂᓕᕆᒍᓐᓇᓯᐊᕐᓗᓂ: ᐃᓄᒃᑎᑐᑦ, ᖃᓪᓗᓈᑎᑐᑦ ᐊᒻᒪᓗ ᒍᐃᒍᐃᑎᑐᑦ, ᐱᐅᔪᖁᑎᒋᔭᖅ;
- ᖃᕆᑕᐅᔭᓕᕆᓂᕐᒥᒃ ᐱᓯᑎᓪᓚᕆᐅᒋᐊᓕᒃ: Microsoft ᒪᓕᑦᑎᖏᓐᓂᓗ (Excel, Word, PowerPoint, ᐊᓯᖏᓪᓗ);
- ᐃᒻᒥᓂᕿᓗᓂ ᐱᓇᓱᒍᓐᓇᓯᐊᕐᓗᓂ ᐱᓇᓱᑦᑕᐅᒋᐊᓕᓐᓂᓗ ᐱᒋᐊᕐᑎᓯᒍᓐᓇᓯᐊᕐᓗᓂ;
- ᐊᔭᐅᕐᑐᑕᐅᓐᓇᑐᒃᑯᑦ ᐊᕐᓱᕈᕐᓇᑐᒃᑯᑦ ᐱᓇᓱᐊᕈᓐᓇᓯᐊᕐᓗᓂ ᐅᓪᓗᓂᒃ ᖄᖏᔨᐊᕆᑦᑌᓕᒋᐊᓕᓐᓂᒃ ᑐᕌᕐᓂᖃᑦᓯᐊᓗᓂ;
- ᐱᓇᓱᖃᑎᒌᓐᓂᑎᒍᑦ ᐃᑲᔪᕐᑎᒌᒍᑎᓂᒃ ᓯᕗᓕᕈᓐᓇᓯᐊᕐᓗᓂ;
- ᐱᓇᓱᖃᑎᒌᑦᑐᓂᒃ ᑲᒪᒋᔭᖃᕈᓐᓇᓯᐊᕐᓗᓂ;
- ᐊᑦᑕᓀᑦᑐᓯᐊᖑᓗᑎᒃ ᐋᕐᕿᓱᐃᓂᕐᒥ ᐊᒻᒪᓗ ᐱᕕᑦᓴᐅᑎᑕᐅᔪᓂᒃ ᑲᒪᒍᓐᓇᓯᐊᕐᓗᓂ;
- ᐱᔭᕆᐊᑭᑦᑐᖑᐊᓂᒃ ᑮᓇᐅᔭᓕᕆᒍᓯᓂᒃ ᐊᒻᒪᓗ ᑮᓇᐅᔦᑦ ᑐᕌᒐᓕᐅᕐᑕᐅᒍᓯᖏᓐᓂᒃ ᐱᒍᓐᓇᓗᓂ;
- ᐱᓇᓱᓐᓂᒥ ᐱᐅᓯᑦᓯᐊᖑᒋᐊᓕᓐᓂᒃ ᓲᓱᒋᔭᖃᕐᓗᓂ;
- ᓇᖕᒥᓂᖅ-ᑲᑦᓱᙰᑦᑑᓗᓂ ᐊᒻᒪᓗ ᐃᓗᕐᕈᓯᖃᖃᑎᒌᖕᖏᑐᓂ ᐱᓇᓱᒍᓐᓇᓯᐊᕐᓗᓂ;
- ᑐᑭᓯᒪᑦᓯᐊᓗᓂ ᐊᓪᓚᓯᒪᔪᓂᒃ ᐋᕐᕿᒋᐊᕆᒍᑎᓂᒃ ᐱᓇᓱᒍᓯᓂᒃ ᐊᒻᒪᓗ ᕿᒥᕐᕈᐊᒥᒃ ᐊᐅᓚᑦᓯᒍᓯᓂᒃ;
- ᐱᓇᓱᒍᑎᖃᕈᓐᓇᕈᓂ ᖃᕆᑕᐅᔭᒥ Adobe Creative Suite ᐱᓇᓱᒍᑎᒥᒃ ᐱᐅᔪᖁᑎᒋᔭᐅᒐᔭᕐᑐᖅ.
Benefits:
ᐱᕙᓪᓕᖁᑏᑦ ᐊᑐᐃᓐᓇᐅᑎᑕᐅᔪᑦ ᒪᑭᕝᕕᑯᑦ ᐱᓇᓱᑦᑎᖏᓐᓄᑦ ᐊᓪᓚᑕᐅᒪᔪᐃᑦ ᒪᑭᕝᕕᑯᑦ ᐱᓇᓱᑦᑎᓕᕆᕕᒻᒥ ᐱᖁᔭᖓᓂᒃ ᐆᑦᑐᑎᒋᓗᒋᑦ:
| § ᐱᔭᕆᐊᑭᓪᓕᑎᕐᓯᒪᔪᑦ ᐃᓄᑐᖃᐅᓂᕐᒧᑦ ᕿᑲᕐᓂᐅᑏᑦ | § ᓂᖀᑦ ᖃᖓᑦᑕᔫᒃᑰᕈᑎᖏᑦ: ᐅᓄᕐᓂᐹᖃᕐᓱᑎᑦ $6,500 |
| § ᐊᒥᓱᐃᓄᑦ ᐃᒻᒪᖃᐅᑎᑦ | § ᐅᕐᓱᐊᓗᒻᒥᒃ ᐃᑲᔪᕐᓯᒍᑏᑦ: ᐅᓄᕐᓂᐹᖃᕐᓱᑎᑦ $3,500 |
| § ᕿᑲᕐᓀᑦ: ᐱᒋᐊᕐᓱᓂ 20ᓂᑦ ᐅᓪᓗᓂᑦ | § ᐊᐅᓪᓚᓂᕐᓄᑦ ᐱᕙᓪᓕᖁᑏᑦ: ᐅᓄᕐᓂᐹᖃᕐᓱᑎᑦ $25,000 |
| § ᖃᓂᒪᓂᕐᒧᑦ: 15 ᐅᓪᓗᐃᑦ | § ᐃᓪᓗᒥᒃ ᐃᑲᔪᕐᓯᒍᑏᑦ: ᐅᓄᕐᓂᐹᖃᕐᓱᑎᑦ $12,000 |
| § ᐅᖓᓯᑦᑐᒥᐅᖑᓂᕐᒧᑦ ᐃᑲᔪᕐᓯᒍᑏᑦ: ᐅᓄᕐᓂᐹᖃᕐᓱᑎᑦ $20,800ᓂᑦ |
ᐱᓇᓱᒐᖃᕐᕕᒃ ᑐᕌᒐᖃᕐᖁᑦ ᐱᓇᓱᒐᕐᑖᑎᑦᓯᒍᒪᑦᓱᓂ ᐃᓄᑐᐃᓐᓇᓂᒃ ᐃᓚᐅᔪᓂᑦ ᔦᒥᓯ ᐯ ᑯᐯᒃᓗ ᑕᕐᕋᖓᑕ ᐊᖏᖃᑎᒌᒍᑎᖏᓐᓄᑦ.
ᓇᑯᕐᒦᖁᒍᑦ ᐱᓇᓱᒐᕐᑖᕋᓱᑦᑐᓕᒫᓂᒃ ᑖᑦᓱᒥᖓ ᐱᓇᓱᒐᕐᒥᒃ.
ᐊᐱᕐᓱᑲᑦᑕᑕᐅᒐᔭᕐᑐᐃᑦ ᑭᓯᐊᓂ ᐊᓪᓚᕕᐅᓛᕐᑐᑦ.
Are you interested in this position?
You can apply by filling in the form below.
You can apply by visiting our website at www.makivik.org/jobs