Job Description:

ᐊᖓᔪᕐᖄᖃᕐᓱᓂ:                           ᐊᖓᔪᕐᖄᑉ ᑐᖓᓕᖓ ᑮᓇᐅᔭᑎᒍᑦ ᒪᑭᑉᐸᓕᐊᒐᓱᓐᓂᓕᕆᕕᒻᒥ.

Responsibilities:

• ᑲᒪᒋᔭᖃᕐᓗᓂ ᐱᓇᓱᑦᑎᓂᑦ ᐊᐅᓚᑦᓯᓗᓂ ᐊᓪᓚᖁᑎᓂᑦ ᐃᓅᖃᑎᒌᓄᓕᖓᔪᓂᑦ ᑮᓇᐅᔭᓕᐅᕋᓱᓐᓂᓄᑦ ᐱᓇᓱᑦᑕᐅᔪᓂᑦ, ᐃᓗᕐᕈᓯᒧᓕᖓᔪᓂᑦ ᐱᒋᐊᕐᑎᑕᐅᔪᓂᑦ, ᓄᓇᓕᒻᒥᓗ ᐱᓇᓱᑦᑕᐅᔪᓂᑦ ᓄᓇᕕᒻᒥ;
• ᑲᒪᒋᔭᖃᕐᓗᓂ ᐱᓴᓱᑦᑎᓂᑦ ᓄᓇᕕᒻᒥ ᒥᕐᖁᓕᕆᕕᒻᒥᒃ ᐃᑉᐱᒋᔭᖃᕐᒥᓗᓂᓗ ᕿᑐᒻᒪᓭᕕᐅᑉ ᐃᓂᕐᕋᑎᑕᐅᓂᖓᓂᒃ ᐳᕐᑐᓂᕐᓴᐅᓗᓂ;
• ᑲᑐᑦᔨᖃᑎᖃᕐᓗᓂ ᑐᑭᒧᐊᑦᑎᓯᔨᖓᓂᒃ ᑮᓇᐅᔭᓕᐅᕋᓱᓐᓂᒧᑦ ᐱᕙᓪᓕᐊᑎᑦᓯᓂᕐᒥᒃ ᐱᓇᓱᑦᑎᖏᓐᓂᓗ;
• ᑐᑭᒧᐊᑦᑎᓯᓗᓂ ᐱᒍᑦᔨᕕᐅᑉ ᐊᔪᐃᓐᓇᕈᑎᖏᓐᓂᑦ ᑮᓇᐅᔭᓕᐅᕋᓱᓐᓂᓄᑦ ᐅᕝᕙᓗᓐᓃᑦ ᐅᓐᓂᑑᑎᓕᐊᖑᔪᓂᑦ ᐊᒻᒪᓗ ᑮᓇᐅᔭᕐᓯᐅᕈᑎᓂᑦ ᐊᓪᓚᓗᓂ ᓄᑖᓂᑦ ᐱᒋᐊᕐᑎᓯᒍᑎᐅᔪᓂᑦ;
• ᓯᕗᓕᕐᓗᓂ ᐱᓇᓱᑦᑎᓴᕐᓯᐅᓂᕐᓂ ᐃᓕᓐᓂᐊᑎᑦᓯᓂᕐᒥᓗ ᐊᔪᐃᓐᓇᕈᑎᐅᔪᓂᑦ ᐱᒍᑦᔨᕕᒻᒥ, ᑎᓕᔨᓗᓂ ᐱᓇᓱᑦᑕᐅᒋᐊᓕᓐᓂᑦ ᐱᓇᓱᑦᑎᒥᓄ ᕆᐊᖃᓕᕈᓂ;
• ᐊᑐᐃᓐᓇᕈᕐᑎᕆᓗᓂ ᐊᕐᕌᒍᑕᒫᕐᓯᐅᑎᒥᒃ ᑮᓇᐅᔭᕐᑑᑎᑦᓴᓂᑦ ᐃᑉᐱᒋᔭᖃᕐᓗᓂᓗ ᑮᓇᐅᔭᕐᑐᕈᑎᐅᔪᓂᑦ, ᑐᓴᕐᑎᓯᖏᓐᓇᓕᒫᕐᓗᓂ ᐱᕙᓪᓕᐊᓂᐅᔪᓕᒫᓂᑦ;
• ᐅᖄᖃᑎᖃᕐᐸᓗᓂ ᓯᓚᑖᓂ ᐱᓯᒪᔪᓂᑦ ᑎᒥᐅᔪᓂᑦ, ᐊᑕᐅᑦᓯᑯᓕᕐᑎᓯᓗᓂ ᐃᓚᐅᓗᓂᓗᓐᓃᑦ ᓱᖃᑦᓯᓂᐅᔪᓂᑦ ᑐᓴᐅᒪᔭᐅᑎᑦᓯᒍᑎᓂᑦ ᐱᓇᓱᐊᖃᑎᒌᒍᑎᐅᔪᓂᑦ;
• ᑲᑎᖕᖓᔨᕕᐅᕕᓄᑦ ᐊᑦᔨᒋᖕᖏᑐᓄᑦ ᑲᑎᖕᖓᔨᐅᓗᓂ, ᐱᒍᑦᔨᕕᒻᒥᓴᕐᐸᑦ ᓯᓚᑖᓂᓗᓐᓃᑦ ᒪᑭᕝᕕᑯᑦ;
• ᓯᕗᓕᕐᓗᓂ ᒪᑭᕝᕕᑯᑦ ᐊᔪᐃᓐᓇᕈᑎᖏᓐᓂᑦ ᐸᕐᓀᓂᕐᒥᒃ, ᑮᓇᐅᔭᖃᕐᑎᓯᓂᕐᒧᑦ, ᐱᒋᐊᕐᑎᓯᓂᕐᒧᓗ ᐃᓗᕐᕈᓯᒥᒃ ᓄᐃᑕᑎᑦᓯᓂᕐᓄᑦ ᐊᒻᒪᓗ ᐊᑦᔨᐸᓱᖏᓐᓂᑦ ᓱᖃᑦᓯᓂᐅᔪᓂᑦ;
• ᓄᐃᑦᓯᓗᓂ, ᓄᑕᐅᓯᓕᕆᕙᓪᓗᓂ, ᐅᓐᓂᑑᑎᓕᐅᕐᐸᓗᓂ ᑲᔪᓯᓕᕐᑎᓯᓗᓂᓗ ᐃᓂᕐᕋᑎᑦᓯᓂᕐᒧᑦ ᐱᖁᔭᖏᓐᓂᑦ, ᖃᓄᐃᓗᕈᓯᕐᓂᑦ ᐊᒻᒪᓗ ᐱᓇᓱᑦᑕᐅᔪᑦᓴᒥᒃ ᖃᓄᐃᓕᖓᓂᑎᓴᓂᑦ ᐱᐅᔪᓂᑦ ᐊᑭᑐᔫᖕᖏᑐᓂᑦ ᐱᕙᓪᓕᐊᑎᑦᓯᓂᕐᒧᑦ ᐱᓇᓱᑦᑕᐅᔪᓂᑦ ᑯᐊᐳᕆᓴᓐᒧᑦ;
• ᐃᑲᔪᕐᓯᒍᓐᓇᑐᖅ ᓄᑖᓂᑦ ᑮᓇᐅᔭᑎᒍᑦ ᒪᑭᑕᕋᓱᐊᕈᑎᓂᑦ ᐱᕕᑦᓴᓯᐊᖑᒐᔭᕐᑐᓂᑦ ᐊᒻᒪᓗ ᐅᕝᕙᓗᓐᓃᑦ ᒪᑭᑕᒐᓱᐊᕈᑎᐅᒋᕐᑐᓂᑦ ᐱᓇᓱᖃᑎᖃᕆᐊᕐᓗᓂ;
• ᐊᔪᐃᓐᓇᕈᑎᐅᔪᓂᑦ ᓇᕝᕚᑐᐃᓐᓇᕆᐊᓕᒃ ᑐᓴᕐᑎᓯᒍᑎᓂᑦ, ᖃᐅᔨᓴᕈᑎᕕᓂᕐᓂᑦ, ᑐᑭᓯᒪᔭᐅᒋᐊᓕᓐᓂᑦ ᐱᓇᓱᑦᑕᐅᔪᓂᓗᓐᓃᑦ ᐊᑐᕈᓐᓇᑐᓂᑦ ᓄᓇᕕᒻᒥ ᐃᓅᖃᑎᒌᑎᒍᑦ-ᑮᓇᐅᔭᑎᒍᑦ ᐃᓕᖓᔪᓂᑦ ᐊᒻᒪᓗ ᓄᓇᓕᒻᒥ ᖃᓄᐃᓕᖓᓂᖏᓐᓂᑦ;
• ᕆᐊᖃᓕᕈᓂ ᐅᖄᖃᑎᖃᖃᑦᑕᓗᓂ ᒪᑭᕝᕕᑯᑦ ᓇᒻᒥᓂᖁᑎᖏᓐᓂᑦ ᐱᒍᑦᔨᕕᖏᓐᓂᓗᓐᓃᑦ, ᑲᕙᒪᓄᑦ ᑎᒥᐅᔪᓂᑦ, ᓇᒻᒥᓂᕆᔭᐅᔪᓂᑦ ᒪᑭᑕᒐᓱᐊᕈᑎᓂᑦ, ᓄᓇᓕᓐᓂ ᑎᒥᐅᔪᓂᑦ, ᓄᓇᓕᓐᓂ ᐱᒍᑦᔨᕕᐅᔪᓂᑦ, ᓇᐅᓕᒫᓂᓗ ᐃᓄᓐᓂᑦ;
• ᐊᐅᓪᓚᕈᓐᓇᓗᓂ, ᐊᐅᓪᓚᖁᔭᐅᓕᕈᓂ;
• ᐊᓯᖏᓐᓂᑦ ᐱᓇᓱᑦᑕᐅᒋᐊᓕᓐᓂᑦ ᐱᓇᓱᒐᕐᒥᓄᓕᖓᔪᓂᑦ ᐱᓇᓱᒍᓐᓇᓗᓂ ᐅᕝᕙᓗᓐᓃᑦ ᑲᒪᒋᔭᖃᖁᔭᐅᓕᕈᓂ.

Qualifications:

• ᐳᕐᑐᓂᕐᓴᓂ ᐃᓕᓐᓂᐊᕕᕐᔪᐊᐊᒥ ᐊᐅᓚᑦᓯᔨᐅᓂᕐᒧᑦ ᐱᔭᕆᕈᑎᖃᕐᓗᓂ, ᐊᓪᓚᕕᓕᕆᓂᖅ ᐅᕝᕙᓗᓐᓃᑦ ᐊᑦᔨᐸᓱᖓᓂᒃ ᐱᓇᓱᒐᕐᒥᒃ;
• ᖁᓕᓂᑦ (10) ᐊᕐᕌᒍᕐᓂᑦ ᐊᐅᓚᑦᓯᔨᐅᓂᕐᒥᒃ ᐊᑦᔨᐸᓱᖓᓂᓗᓐᓃᑦ ᐱᓇᓱᑦᑎᐅᓯᒪᓗᓂ;
• ᑐᓴᐅᒪᖃᑎᒌᓐᓂᖃᕈᓐᓇᓯᐊᕐᓗᓂ ᒪᕐᕈᔪᐊᓐᓂᒃ (2) ᐱᖓᓲᑎᓪᓗᒋᑦ (3) ᐅᖃᐅᓰᑦ: ᐃᓄᒃᑎᑐᑦ, ᖃᓪᓗᓈᑎᑐᑦ ᐊᒻᒪᓗ/ᐅᕝᕙᓗᓐᓃᑦ ᒍᐃᒍᐃᑎᑐᑦ;
• ᖃᕆᑕᐅᔭᒥᒃ ᐊᑐᕈᓐᓇᓯᐊᕐᓗᓂ: Microsoft Suite (Excel, Word, PowerPoint, ᐊᓯᖏᓪᓗ);

• ᖃᐅᔨᒪᑦᓯᐊᓗᓂ ᐱᐅᓯᑐᖃᕐᓂᑦ, ᐃᓗᕐᖁᓯᒥᒃ ᐊᒻᒪᓗ ᐃᓅᖃᑎᒌᑎᒍᑦ-ᐊᑑᑎᔭᐅᓯᒪᔪᓂᑦ ᐃᓄᓐᓄᑦ ᓄᓇᕕᒻᒥ;
• ᓵᕝᕕᐅᒍᓐᓇᓯᐊᕐᓗᓂ, ᑭᖑᕃᑦᑕᖏᓗᓂ ᐱᒋᐊᕐᑎᓯᒍᓐᓇᓗᓂᓗ ᐱᓇᓱᑦᑕᐅᒋᐊᓕᓐᓂᑦ;
• ᖃᐅᔨᒪᓗᓂ ᓯᕗᓕᕐᓂᒥᒃ ᐊᐅᓚᑦᓯᓂᕐᒥᓗ ᑐᖕᖓᕕᐅᔪᓂᑦ;
• ᐱᓇᓱᑦᑎᐅᓯᒪᓗᓂ ᐱᓇᓱᑦᑕᐅᔪᓂᑦ ᐊᐅᓚᑦᓯᔨᐅᓂᕐᒥᒃ;
• ᖃᐅᔨᒪᓗᓂ ᐅᓪᓗᒥ ᓄᓇᕕᒻᒧᑦ ᓯᕗᓪᓕᐅᔭᐅᖁᔭᐅᔪᓂᑦ ᑮᓇᐅᔭᑎᒍᑦ ᒪᑭᑕᒐᓱᐊᕐᓂᒥᒃ ᐊᒻᒪᓗ ᐃᓅᖃᑎᒌᓂᑦ ᐱᕙᓪᓕᐊᑎᑦᓯᓂᕐᒥᒃ;
• ᓱᓕᑦᓯᐊᓗᓂ, ᐅᖃᔭᑦᑎᐅᖏᓪᓗᓂ, ᓵᕝᕕᐅᒍᓐᓇᓯᐊᕐᓗᓂ;
• ᐱᓇᓱᒍᓐᓇᓯᐊᕐᓗᓂ ᐊᒻᒪᓗ ᐱᐅᔪᒥᒃ ᐱᓇᓱᑦᑎᒥᓂᑦ ᓯᕗᓕᕈᓐᓇᓗᓂ.

Benefits:

ᐱᕙᓪᓕᖁᑎᓕᒫᑦ ᐊᑐᐃᓐᓇᐅᔪᑦ ᒪᑭᕝᕕᑯᑦ ᐱᓇᓱᑦᑎᖏᓐᓄᑦ ᐊᕐᕌᒍᓕᒫᕐᒧᓕᖓᔪᑦ ᐊᓪᓚᑕᐅᒪᔪᑦ ᐱᓇᓱᑦᑎᓕᕆᕕᒻᒥ ᐱᖁᔭᖏᓐᓂᑦ ᐅᑦᑑᑎᒋᓗᒋᑦ ᐅᑯᐊ:

ᐱᔭᕆᐊᑭᓪᓕᑎᕐᓯᒪᔪᑦ ᐃᓄᑐᖃᐅᓂᕐᒧᑦ ᕿᑲᕈᑎᑖᕐᑕᕈᑏᑦ

ᕿᑲᕐᓀᑦ:  ᐱᒋᐊᕐᑐᑦ 20ᓂᑦ ᐅᓪᓗᓂᑦ

ᐅᓪᓗᐃᑦ ᖃᓂᒪᓐᓀᑦ: 15 ᐅᓪᓗᐃᑦ

ᐅᖓᓯᑦᑐᒥᐅᖑᓂᕐᒧᑦ ᐃᑲᔪᕐᓯᒍᑏᑦ: ᐅᓄᕐᓂᐹᖑᒍᓐᓇᑐᑦ $20,800

ᓂᕿᓂᑦ ᖃᖓᑦᑕᔫᒃᑰᑎᑦᓯᒍᑏᑦ: ᐅᓄᕐᓂᐹᖑᒍᓐᓇᑐᑦ $6,500

ᐊᒥᓱᐃᓄᑦ ᐃᒻᒪᖃᐅᑏᑦ

ᐅᕐᓱᐊᓗᓐᓄᑦ ᐃᑲᔪᕐᓯᒍᑏᑦ:    ᐅᓄᕐᓂᐹᖃᕐᓱᑎᑦ $3,500

ᐊᐅᓪᓚᕈᑎᓄᑦ ᐱᕙᓪᓕᖁᑎᖏᑦ: ᐅᓄᕐᓂᐹᖑᒍᓐᓇᑐᑦ $25,000

ᐃᓪᓗᖃᕐᑎᓯᓂᕐᒧᑦ: ᐅᓄᕐᓂᐹᖑᒍᓐᓇᑐᑦ $12,000