Makivik Job Opportunity
ᑎᒍᔭᐅᕕᓐᓂ ᐱᓇᓱᒍᑎᓂᒃ ᑲᒪᔨ
Job Description:
ᐱᓇᓱᑦᑕᐅᔪᓂᒃ ᐊᐅᓚᑦᓯᔨ ᓯᕗᓂᖃᕐᐳᖅ ᐱᑕᖃᕐᑎᓯᒍᑎᖃᕐᓂᐊᓱᓂ ᐱᓇᓱᑦᑕᐅᔪᑦᓴᓂᒃᓗ ᑲᑎᒪᓂᐊᕈᓯᕐᓂᓗ ᐊᑐᑎᔭᐅᖃᑦᑕᓂᐊᕐᑐᓂᒃ ᐊᒥᓱᐃᓂ ᑖᒃᑯᓭᓐᓇᐅᖏᑦᑐᓂ ᑎᒍᔭᐅᒪᕕᓐᓂ
ᐊᖓᔪᕐᖄᖃᕐᓱᓂ: ᑎᒍᔭᐅᒪᕕᓐᓂ ᐱᑦᔪᔨᒍᑎᐅᔪᑦ ᐱᓇᓱᒍᑎᓂᒃ ᑲᒪᔨᒻᒪᕆᒃ ᐃᕐᖃᑐᐃᕕᓕᕆᓂᕐᓄᑦ ᐱᑦᔪᔨᕕᒻᒥ ᐊᖓᔪᕐᖄᒪᕆᐅᑉ ᐱᑦᔪᔨᕕᖓᓂ
Responsibilities:
- ᐱᑕᖃᕐᑎᓯᒍᑎᖃᖃᑦᑕᓗᓂ ᐃᓗᕐᖁᓯᑎᒍᑦ ᓈᒻᒪᓈᕐᑎᓯᒪᔪᓂᒃ ᐱᓇᓱᒍᑎᓂᒃ (ᓲᕐᓗ ᖁᓪᓕᖅ ᖃᓄᐃᖕᖏᓯᐊᕐᑐᒥᒃ ᐃᓅᖃᑎᖃᕐᓂᓴᓄᑦ ᐱᓇᓱᒍᑎᓂᒃ) ᓄᓇᕕᒻᒥᐅᓄᑦ ᑎᒍᔭᐅᒪᔪᓅᓕᖓᑦᓱᑎᒃ ᑯᐯᒃᓗ ᑲᓇᑕᐅᓪᓗ ᐸᕐᓇᓀᕐᓯᕕᖏᓐᓂ;
- ᐸᕐᓇᕈᑎᖃᖃᑦᑕᓗᓂ ᐱᔭᐅᑎᑦᓯᖃᑦᑕᓗᓂᓗ ᐱᐅᓯᑐᖃᕐᒨᓕᖓᔪᓂᒃ ᑲᑎᒪᓂᐊᕈᓯᕐᓂᒃ ᐱᓇᓱᒍᑎᒋᓗᒋᑦ ᓄᓇᕕᒻᒥᐅᓂᒃ ᑎᒍᔭᐅᒪᕕᒻᒦᑐᓂᒃ (ᐱᐅᓯᑐᖃᕐᑎᒍᑦ ᖃᓄᐃᓘᕈᑎᓂᒃ, ᒥᕐᓱᓂᕐᓂᒃ, ᓴᓇᖕᖑᐊᓂᕐᓂᒃ, ᐊᓯᖏᓐᓂᓗ);
- ᐱᓇᓱᖃᑎᒋᓗᒋᑦ ᐃᕐᖃᑐᐃᕕᓕᕆᓂᕐᓄᑦ ᑲᑎᖕᖓᔨᓂᒃ ᐊᑕᐅᑦᓯᑯᕐᑎᓯᔩᑦ, ᐊᑐᐃᓐᓇᕈᕐᑎᕆᖃᑦᐊᑕᓗᓂ ᐊᑑᑎᔭᐅᑎᑦᓯᖃᑦᑕᓗᓂᓗ ᐱᐅᓯᑐᖃᕐᓅᓕᖓᔪᓂᒃ ᑲᑎᒪᓂᐊᕈᓯᕐᓂᒃ ᐱᓇᓱᒍᑎᒋᓗᒋᑦ ᓄᓇᕕᒻᒥᐅᓂᒃ ᓄᓇᕕᐅᑉ ᓄᓇᓕᖏᓐᓂ;
- ᑲᔪᓯᓂᖃᑦᓯᐊᑎᑦᓯᓗᓂ ᐃᓱᐊᕐᑐᑯᑦ ᐃᓅᖃᑎᒌᒍᑎᓂᒃ ᐃᓅᖃᑎᖃᕈᑎᒥᓐᓂᒃ ᑎᒍᔭᐅᒪᕖᑦ ᐱᓇᓱᑦᑎᖏᓐᓂᒃ ᖃᐅᔨᒪᔭᐅᑎᑦᓯᓇᓱᑦᑎᐅᓗᓂᓗ ᐱᓇᓱᒍᑎᓂᒃ ᐃᓄᑐᐃᓐᓇᓄᑦ ᒪᓂᒪᑎᑕᐅᔪᓂᒃ;
- ᐊᐅᓪᓚᑲᑦᑕᕈᓐᓇᓗᓂ ᐊᐅᓪᓚᖁᔭᐅᓕᕈᓂ;
- ᐊᓯᖏᓐᓂᑦ ᐱᓇᓱᖃᑦᑕᓗᓂ ᐱᓇᓱᒐᕐᒥᓄᓕᖓᔪᓂᑦ ᐅᕝᕙᓗᓐᓃᑦ ᐱᓇᓱᖁᔭᐅᓕᕈᓂ ᐊᖓᔪᕐᖄᒥᓄᑦ.
Qualifications:
- ᐳᕐᑐᓂᕐᓴᒥᒃ ᐃᓕᓐᓂᐊᕕᒻᒥ ᐃᓕᓐᓂᐊᕇᕈᑎᑖᕐᓯᒪᓗᓂ;
- ᑐᑭᓯᒪᖃᑎᖃᕈᓐᓇᓯᐊᕐᓗᓂ ᒪᕐᕈᔪᐊᓐᓂᒃ (2) ᐅᖃᐅᓰᓐᓂᒃ ᐅᖃᐅᓰᑦ ᐱᖓᓱᐃᖑᑎᓪᓗᒋᑦ (3): ᐃᓄᒃᑎᑐᑦ, ᖃᓪᓗᓈᑎᑐᑦ ᐊᒻᒪᓗ/ᐅᕝᕙᓗᓐᓃᑦ ᒍᐃᒍᐃᑎᑐᑦ;
- ᖃᕆᑕᐅᔭᒥᒃ ᐊᑐᕈᓐᓇᓯᐊᕐᓗᓂ: Microsoft Suite (Excel, Word, PowerPoint, ᐊᓯᖏᓪᓗ.);
- ᐃᓄᑐᐃᓐᓇᓂᓪᓗ ᐃᓗᕐᖁᓯᖏᓐᓂᓗ ᖃᐅᔨᒪᒋᐊᓕᒃ ᑐᑭᓯᒪᓗᓂᓗ, ᑖᒃᑯᐊ ᐱᑕᖃᓪᓚᕆᒋᐊᓖᒃ;
- ᓴᐳᒻᒥᓂᖃᑦᓯᐊᕈᒪᒋᐊᓕᒃ ᐃᑲᔪᕐᓯᒪᑦᓯᐊᕈᒪᓗᓂᓗ ᐃᓄᑐᐃᓐᓇᐅᖃᑎᒥᓂᒃ ᐱᕕᖃᑦᓯᐊᖁᓗᒋᑦ ᐃᓗᕐᖁᓯᕐᒥᓄᑦ ᓈᒻᒪᓂᖃᑦᓯᐊᑐᓂᒃ ᐱᓇᓱᒍᑎᓂᒃᓗ ᓴᐳᑦᔭᐅᒪᒍᑎᓂᒃᓗ;
- ᐱᓇᓱᒐᖃᓚᐅᕐᓯᒪᓗᓂ ᐱᓇᓱᒍᑎᓂᒃ ᐱᔭᐅᑎᑦᓯᓂᕐᒥᓗ ᐅᕝᕙᓘᓐᓃᑦ ᐃᓕᓐᓂᐊᑎᑦᓯᒍᑎᖃᕐᓂᓂᒃ;
- ᖃᐅᔨᒪᔭᖃᕈᓂ ᐃᓅᑦᔪᓯᓂᒃ, ᐃᕐᖃᑐᐃᕕᓕᕆᒍᓯᕐᓂᒃ ᐅᕝᕙᓘᓐᓃᑦ ᑎᒍᔭᐅᒪᕕᓕᕆᒍᓯᕐᓂᒃ, ᐱᓇᓱᒐᕐᑖᕋᓱᓐᓂᖓ ᐃᑲᔪᕐᓯᔭᐅᒐᔭᕐᒥᔪᖅ;
- ᐊᑑᑎᓕᓂᐅᒋᐊᓕᒃ ᑲᒪᒋᔭᖃᕆᐊᕐᓂᒥᒃ ᐅᕕᒃᑲᓂᒃ ᐅᕝᕙᓘᓐᓃᑦ ᐃᓄᒻᒪᕆᓐᓂᒃ;
- ᑕᑯᑦᓴᐅᓗᓂ ᐃᓂᓪᓚᖓᒍᓯᕐᓂᒃ ᐱᒍᓐᓇᓂᖃᑦᓯᐊᕆᐊᖓ ᕿᑲᑐᐃᓐᓇᓱᖑᖕᖏᒋᐊᖓᓗ;
- ᑕᑯᑦᓴᐅᓗᓂ ᓱᓕᓂᖃᑦᓯᐊᓱᖑᒋᐊᒥᒃ, ᓱᖏᕐᑐᑎᐅᒍᓐᓇᕆᐊᒥᒃ ᐃᓄᑑᓗᓂᓗ ᐱᓇᓱᒍᓐᓇᓂᖃᕆᐊᒥᒃ;
- ᐱᓂᕐᓗᑐᕕᓂᐅᓂᕐᒧᑦ ᐃᕐᖃᑐᐃᕕᑎᒍᕐᓯᒪᖕᖏᓗᓂ.
Benefits:
ᐱᕙᓪᓕᖁᑎᓕᒫᓂᒃ ᐊᑐᐃᓐᓇᐅᑎᑕᐅᔪᓂᒃ ᒪᑭᕝᕕᐅᑉ ᐱᓇᓱᑦᑎᖏᓐᓄᑦ ᓇᓗᓀᕐᑕᐅᒪᔪᓂᒃ ᒪᑭᕝᕕᑯᑦ ᐱᓇᓱᑦᑎᓄᑦ ᒪᓕᒐᓕᐊᕆᓯᒪᔭᖏᑦ:
| § ᐱᔭᕆᐊᑭᓪᓕᑎᕐᓯᒪᔪᑦ ᐃᓄᑐᖃᐅᓂᕐᒧᑦ ᕿᑲᕐᓂᐅᑏᑦ ᐱᓇᓱᕝᕕᐅᑉ ᐃᑲᔪᕐᓯᒍᑎᖏᑦ 7% | § ᓂᖀᑦ ᖃᖓᑦᑕᔫᒃᑰᕈᑎᖏᑦ: ᐅᓄᕐᓂᐹᖃᕐᓱᑎᑦ $6,500 |
| § ᐊᒥᓱᐃᓄᑦ ᐃᒻᒪᖃᐅᑎᑦ | § ᐅᕐᓱᐊᓗᒻᒥᒃ ᐃᑲᔪᕐᓯᒍᑏᑦ: ᐅᓄᕐᓂᐹᖃᕐᓱᑎᑦ $3,500 |
| § ᕿᑲᕐᓀᑦ: ᐱᒋᐊᕐᓱᓂ 20ᓂᑦ ᐅᓪᓗᓂᑦ | § ᐊᐅᓪᓚᓂᕐᓄᑦ ᐱᕙᓪᓕᖁᑏᑦ: ᐅᓄᕐᓂᐹᖃᕐᓱᑎᑦ $25,000 |
| § ᖃᓂᒪᓂᕐᒧᑦ: 15 ᐅᓪᓗᐃᑦ | § ᐃᓪᓗᒥᒃ ᐃᑲᔪᕐᓯᒍᑏᑦ: ᐅᓄᕐᓂᐹᖃᕐᓱᑎᑦ $12,000 |
| § ᐅᖓᓯᑦᑐᒥᐅᖑᓂᕐᒧᑦ ᐃᑲᔪᕐᓯᒍᑏᑦ: ᐅᓄᕐᓂᐹᖃᕐᓱᑎᑦ $20,800ᓂᑦ |
ᒪᑭᕝᕕᑯᑦ ᑐᕌᒐᖃᕐᐳᑦ ᑕᑯᓐᓈᓂᕐᓴᐅᕕᖃᕐᓂᐊᕆᐊᒥᒃ ᑫᓪᓗᑐᐃᓂᕐᓴᐅᓗᑎᓪᓗ ᐃᓄᓂᒃ ᐃᓚᐅᔪᓂᒃ ᔦᒥᔅᐯᑉ ᐊᖏᖃᑎᒌᓐᓂᖓᓄᑦ ᐱᓇᓱᒐᑦᓴᓯᐅᕐᑐᖃᓕᕐᐸᑦ.
ᓇᑯᕐᒦᐳᒍᑦ ᑖᑦᓱᒥᖓ ᐱᓇᓱᒐᕐᒥᒃ ᐱᔪᑦᓴᐅᔮᑐᓕᒫᓂᒃ.
ᐊᐱᕆᒐᑦᓴᐅᔪᕆᔭᕗᓐᓂᒃ ᑭᓯᐊᓂ ᐅᖄᓚᕕᖃᕐᓂᐊᐳᒍᑦ.
Are you interested in this position?
You can apply by filling in the form below.
You can apply by visiting our website at www.makivik.org/jobs