Makivik Job Opportunity
ᐱᓇᓱᑦᑕᐅᔪᒥᒃ ᑲᒪᔨ – ᓴᓇᓂᕐᒥ ᐱᓇᓱᕝᕕᒥ
Job Description:
ᐊᖓᔪᕐᖄᖓ : ᐊᖓᔪᕐᖄᑉ ᐱᒍᑦᔨᕕᖓᓂ ᓴᓇᓂᕐᒥ ᐱᓇᓱᕝᕕᒥ ᑐᑭᒧᐊᑦᑎᓯᔨ
Responsibilities:
- ᐱᓇᓱᖃᑎᖃᕐᓗᓂ ᒪᑭᕝᕕᑯᑦ ᐃᓪᓗᓕᐅᕐᑎᖏᓐᓂᑦ – ᖄᖏᕐᓂᑯᓕᐅᖕᖏᓂᕐᒧᑦ ᑎᒥᐅᔪᖅ ᑲᒪᒋᔭᑦᓴᔭᓕᒃ ᑲᔪᓯᓕᕐᑎᑕᐅᓂᖏᓐᓂᑦ ᐃᓄᓐᓄᑦ ᐃᓪᓗᓕᐅᕐᓂᓂᑦ ᐱᓇᓱᑦᑕᐅᔪᒥ ᓄᓇᕕᒻᒥ. ᑐᕌᒐᒋᕙᓪᓗᑕᖓ ᐃᓪᓗᓕᐅᕐᓗᑎᑦ ᐱᐅᔪᓂᑦ ᐃᓪᓗᓂᑦ ᐱᕕᓕᒫᖓᒍᓗ ᐱᓇᓱᑦᑎᑖᕐᓗᑎᑦ ᓄᓇᕕᒻᒥᐅᓂᑦ ᐃᓄᓐᓂᑦ, ᐃᓕᓐᓂᐊᑎᑦᓯᓂᒃᑯᑦ ᓄᓇᕕᒻᒥᓕ ᓄᓇᓕᖏᓐᓂᑦ ᑮᓇᐅᔭᑎᒍᑦ ᐃᑲᔪᕐᓯᒐᓱᓐᓂᑎᒍᑦ ᐱᕕᓕᒫᖓᒍᑦ;
- ᐸᕐᓀᓗᓂ ᐊᐅᓚᑦᓯᓗᓂᓗ ᑲᔪᓯᑎᑕᐅᓂᖏᓐᓂᑦ ᐃᓄᐃᑦ ᐃᓪᓗᓴᖏᓐᓂᑦ ᐃᓪᓗᓕᐅᕐᓂᓂᑦ ᐱᓇᓱᑦᑕᐅᔪᓂᑦ ᓄᓇᕕᒻᒥ (ᑕᕐᕋᖓᓂ 55 ᐃᑰᑕᖓᑕ); ᑲᑐᑦᔨᖃᑎᖃᕐᓗᓂ ᐃᓪᓗᓕᐅᕐᑏᑦ ᐊᖓᔪᕐᖄᖓᓂᒃ, ᐱᓇᓱᑦᑎᒋᔭᐅᓚᐅᕐᑐᑐᓂᑦ, ᐱᓇᓱᑦᑕᐅᔪᕕᓂᕐᓂᑦ ᕿᒥᕐᕈᔨᓂᑦ, ᓂᐅᕕᕐᕕᐅᔪᓂᑦ, ᖃᐅᔨᒪᔪᒻᒪᕆᓂᑦ ᐃᒫᙰᕐᑎᓂᑦ, ᒪᓕᒐᓕᓐᓂᑦ ᑎᒥᐅᔪᓂᑦ ᐊᒻᒪᓗ ᑭᒡᒐᑐᕐᑎᖏᓐᓂᑦ ᓄᓇᓕᓐᓂᑦ;
- ᐊᐅᓚᑦᓯᓂᓕᕆᓂᕐᒥᒃ ᑮᓇᐅᔭᓕᕆᓂᕐᒥᓗ ᐊᐅᓚᑦᓯᖃᑎᐅᓗᓂ ᐱᓇᓱᑦᑕᐅᔪᓄᓕᖓᔪᓂᑦ ᐱᓇᓱᖃᑎᖃᕐᓗᓂ ᐃᑲᔪᕐᑎᖏᓐᓂᑦ ᐱᒍᑦᔨᕕᒻᒥ;
- ᐃᑲᔪᕐᓯᓗᓂ ᐱᓇᓱᑦᑎᒥᒃ ᐊᖓᔪᕐᖄᒥᒃ ᑲᔪᓯᑎᑦᓯᓗᓂ ᐅᑯᓂᖓ ᐱᓇᓱᑦᑕᐅᒋᐊᓕᓐᓂᑦ:
- ᑲᑐᑦᔨᖃᑎᖃᕐᓗᓂ ᐱᓇᓱᑦᑎᓕᕆᓂᕐᒥᒃ ᐱᒍᑦᔨᕕᖓᓂᒃ, ᐱᓇᓱᑦᑎᓴᕐᓯᐅᓗᓂ ᕆᐊᖃᕈᓂ (ᕿᔪᓕᕆᔩᑦ, ᐊᐅᓚᐅᑎᓕᕆᔩᑦ, ᐃᒐᔩᑦ ᐊᒻᒪᓗ ᐃᑲᔪᕐᑎᖏᑦ);
- ᐊᐅᓚᑦᓯᓗᓂ ᓄᓇᓕᒻᒥ ᐃᓪᓗᓕᐅᕐᕕᐅᔪᐃᑦ ᐱᓇᓱᑦᑎᖏᓐᓂᑦ;
- ᓯᕗᓪᓕᐅᔨᓗᓂ ᐱᓇᓱᑦᑎᑖᕋᓱᓐᓂᓂ ᓄᓇᓕᒻᒥᐅᓂᑦ ᐱᓇᓱᑦᑎᓂᑦ ᐃᑲᔪᕐᑎᓴᓂᓗ;
- ᐱᓪᓗᑯᒋᐊᓕᑎᒍᕐᑐᓂᑦ ᑐᑭᓯᒪᔭᐅᒍᑎᑦᓴᓂᑦ ᑐᑭᓕᐊᖑᔪᓂᑦ ᐸᕐᓀᕈᑎᐅᔪᓂᑦ, ᐱᓪᓗᑯᒋᐊᓕᑎᒍᕐᑐᓂᑦ ᐃᓗᓕᖏᓐᓂᑦ ᐊᒻᒪᓗ ᓱᓇᐅᓂᖏᓐᓂᑦ;
- ᐃᓪᓗᓕᐅᕐᕕᐅᔪᓄᑦ ᑕᑯᓂᐊᓕᐅᒥᔮᕐᑕᓗᓂ;
- ᓇᓗᓀᕐᓯᓗᓂ ᐱᓀᓗᑕᓂᑦ ᐊᒻᒪᓗ, ᒪᓕᑦᓱᓂ ᐊᑐᐃᓐᓇᐅᔪᓂᑦ ᐊᑑᑎᔭᐅᒍᓐᓇᑐᓂᑦ ᐃᑲᔪᕐᓯᒍᑎᑦᓴᓂᓗ, ᑲᔪᓯᓕᕐᑎᓯᓗᓂ ᖃᓄᕐᑑᕈᑎᑦᓴᓂᑦ;
- ᓴᐳᑦᔨᓗᓂ ᓴᓇᓂᕐᒥ ᐱᓇᓱᑦᑏᑦ ᐱᒍᑦᔨᕕᖓᑕ ᐱᓇᓱᑦᑎᖏᓐᓂᒃ ᑲᔪᓯᐅᒐᑦᓯᐊᑐᒥᒃ ᓈᒻᒪᓈᑦᓯᐊᑐᒥᓗ ᐱᕙᓪᓕᐊᓂᐊᕐᒪᑕ ᑲᔪᓯᓕᕐᑎᑕᐅᑦᓯᐊᓗᓂᓗ ᐱᓇᓱᑦᑕᐅᔪᒥ ᑲᒪᔨᐅᓂᕐᒥ ᐱᓇᓱᑦᑕᐅᒋᐊᓖᑦ
- ᐋᕐᕿᓱᐃᓗᓂ ᐱᐅᒃᑯᑏᑦ ᑭᓯᑕᐅᒪᒍᑎᖏᓐᓂᒃ, ᐱᓇᓱᖃᑎᒋᓗᒋᑦ ᐱᓇᓱᑦᑕᐅᔪᒥᒃ ᐊᖓᔪᕐᖄᖅ ᐊᒻᒪᓗ ᑎᑭᓭᕕᒻᒥ ᐱᓇᓱᑦᑏᑦ, ᑲᒪᒋᓗᒋᓗ ᐱᐅᒃᑯᑎᓂᒃ, ᓴᓇᕐᕈᑎᓂᒃ ᓴᓇᒐᑦᓴᓂᓪᓗ ᑎᑭᓭᒍᑏᑦ, ᐊᐅᓪᓚᑎᑕᐅᒍᑎᖏᑦ ᓴᓂᕐᕙᑕᐅᓯᒪᓂᖏᓪᓗ;
- ᐊᐅᓪᓚᑲᑦᑕᕈᓐᓇᓗᓂ, ᐊᐅᓪᓚᕈᔭᐅᓕᕈᓂ;
- ᐱᓇᓱᓪᓗᓂ ᐊᓯᖏᓐᓂᑦ ᐱᓇᓱᒐᕐᒥᓄᓕᖓᔪᓂᑦ ᐅᕝᕙᓗᓐᓃᑦ ᐱᓇᓱᖁᔭᐅᒍᓂ ᐊᖓᔪᕐᖄᒥᓄᑦ.
Qualifications:
- ᐱᔪᓐᓇᐅᑎᑖᕈᑎᐅᑉ ᐊᓪᓕᖓᓂᒃ ᓴᓇᓂᕐᒥ ᐊᓪᓚᖑᐊᕐᓯᒪᔪᓕᐅᕐᓂᒥ, ᓴᓇᓂᒻᒪᕆᒻᒥᓘᓐᓃᑦ. ᓇᓪᓕᖁᐊᖏᓐᓂᒃ ᐱᓇᓱᓚᐅᕐᓯᒪᒍᓂ ᐃᓱᒪᒋᔭᐅᒍᓐᓇᑐᖅ;
- ᐃᑭᓐᓂᐸᐅᑎᓪᓗᒋᑦ ᑕᓪᓕᒪᓂᒃ (5) ᐊᕐᕌᒍᓂᒃ ᐱᓇᓱᑦᑎᐅᓯᒪᓗᓂ ᐱᓇᓱᑦᑕᐅᔪᒥᒃ ᑲᒪᔨᐅᓂᕐᒥᒃ;
- ᑐᑭᓯᒪᖃᑎᖃᕈᓐᓇᓯᐊᕐᓗᓂ ᒪᕐᕈᔪᐊᓐᓂᒃ (2) ᐱᖓᓱᐃᖑᑎᓪᓗᒋᑦ (3) ᐅᖃᐅᓰᑦ: ᐃᓄᒃᑎᑐᑦ, ᖃᓪᓗᓈᑎᑐᑦ ᐊᒻᒪᓗ/ᐅᕝᕙᓗᓐᓃᑦ ᒍᐃᒍᐃᑎᑐᑦ;
- ᐱᓇᓱᑦᑎᐅᓕᓂᐅᓗᓂ ᐅᖓᓯᑦᑐᓂᑦ ᓄᓇᓂ ᐱᐅᔪᒐᔭᕐᑐᖅ;
- ᐃᓄᐃᑦ ᐱᐅᓯᑐᖃᖏᓐᓂᑦ ᐃᓗᕐᕈᓯᖓᓂᓗ ᖃᐅᔨᒪᓗᓂ ᑐᑭᓯᒪᓗᓂᓗ, ᐱᐅᔪᒐᔭᕐᑐᖅ;
- ᐱᒍᒪᓂᖃᕐᓗᓂ ᐊᓯᑦᔩᒍᑎᓕᐅᕐᓂᒥᒃ.
Benefits:
ᐊᓯᓕᒫᖏᑦ ᐱᕙᓪᓕᖁᑎᑖᖏᑦ ᒪᑭᕝᕕᒧᑦ ᐱᓇᓱᑦᑎᓄᑦ ᐊᑐᐃᓐᓇᑎᑌᑦ ᑌᒫᒃ ᓇᓗᓀᕐᑕᐅᓯᒪᒻᒪᑕ ᒪᑭᕝᕕᒃ ᐱᓇᓱᑦᑎᓄᐊᖓᔪᓄᑦ ᒪᓕᒐᖓᑕ ᐱᓇᓱᑦᑕᐅᒍᓯᒋᒋᐊᓕᖏᓐᓂᑦ ᓲᕐᓗ ᐅᑯᐊ:
| ᐱᔭᕆᐊᑭᓐᓂᓭᑦ ᓄᕐᖃᒪᕆᓐᓂᒧᑦ ᓄᐊᑦᓯᒍᑑᑏᑦ:
ᐱᓇᓱᑦᑎᓕᐅᑉ ᐊᑭᓕᕆᐊᓕᖏᑦ 7% |
ᑲᑐᑦᔮᕆᑦᓱᒋᑦ ᐃᒻᒪᖃᐅᑎᖃᕈᑎᖏᑦ:
ᐃᓅᓯᕐᒧᑦ, ᐱᖃᔦᕈᑎᖃᕐᓂᒧᑦ, ᐃᓗᓯᓕᕆᓂᕐᒧᑦ, & ᑭᒍᑎᓕᕆᔭᐅᓂᕐᒧᑦ |
| ᓄᕐᖃᖓᒍᓐᓇᕕᖏᑦ: ᐱᒋᐊᕐᕕᓖᑦ 20 ᐅᓪᓗᓂᒃ | ᐅᕐᓱᐊᓗᒻᒧᑦ ᐊᑭᓕᕐᑕᐅᒍᑏᑦ: $3,500-ᒧᑦ ᑎᑭᑦᑐᑦ |
| ᖃᓂᒪᓂᕐᒧᑦ ᐅᓪᓗᖏᑦ: 15 ᐅᓪᓗᐃᑦ | ᐊᐅᓪᓚᕈᓐᓇᐅᑎ ᐱᕙᓪᓕᖁᑎᑖᖓ: $25,000-ᒧᑦ ᑎᑭᑦᑐᑦ |
| ᐅᐸᒋᐊᑐᔪᕐᒥᐅᖑᓂᕐᒧᑦ ᐊᑭᓕᕐᑕᐅᒍᑎᖓ: $20,800-ᒧᑦ ᑎᑭᑦᑐᑦ | ᐃᓪᓗᒨᓕᖓᔪᑦ ᐊᑭᓕᕐᑕᐅᒍᑏᑦ: $12,000-ᒧᑦ ᑎᑭᑦᑐᑦ |
| ᐅᑦᓯᔭᐅᒍᑎᓄᑦ ᐊᑭᓕᐅᕐᑕᐅᒍᑎᖓ: $6,500-ᒧᑦ ᑎᑭᑦᑐᑦ |
ᒪᑭᕝᕕᑯᑦ ᑐᕌᒐᖃᕐᐳᑦ ᑕᑯᓐᓈᓂᕐᓴᐅᕕᖃᕐᓂᐊᕆᐊᒥᒃ ᑫᓪᓗᑐᐃᓂᕐᓴᐅᓗᑎᓪᓗ ᐃᓄᓂᒃ ᐃᓚᐅᔪᓂᒃ ᔦᒥᔅᐯᑉ ᐊᖏᖃᑎᒌᓐᓂᖓᓄᑦ ᐱᓇᓱᒐᑦᓴᓯᐅᕐᑐᖃᓕᕐᐸᑦ.
ᓇᑯᕐᒦᐳᒍᑦ ᑖᑦᓱᒥᖓ ᐱᓇᓱᒐᕐᒥᒃ ᐱᔪᑦᓴᐅᔮᑐᓕᒫᓂᒃ.
ᐊᐱᕆᒐᑦᓴᐅᔪᕆᔭᕗᓐᓂᒃ ᑭᓯᐊᓂ ᐅᖄᓚᕕᖃᕐᓂᐊᐳᒍᑦ.
Are you interested in this position?
You can apply by filling in the form below.
You can apply by visiting our website at www.makivik.org/jobs