Makivik Job Opportunity
ᐊᖓᔪᕐᖄᖅ ᐊᓪᓚᕕᒻᒥ
Job Description:
ᐊᖓᔪᕐᖄᖃᕐᓱᓂ: ᑯᐊᐳᕆᓴᐅᑉ ᐊᓪᓚᑎᖓᓂᒃ
Responsibilities:
- ᑲᒪᒋᔭᖃᕐᓗᓂ ᐋᕐᕿᓱᕐᑕᐅᓂᖏᓐᓂᒃ ᑲᑎᖕᖓᓂᓕᒫᑦ ᐃᓚᐅᑎᓪᓗᒋᑦ ᐳᕐᑐᓂᕐᓭᑦ, ᑲᑎᖕᖓᔩᑦ, ᐊᕐᕌᒍᑕᒫᕐᓯᐅᑎᒥᒃ ᑲᑎᖕᖓᓂᕐᔪᐊᑦ, ᐊᒻᒪᓗ ᐱᓇᓱᑦᑎᓂᒃ ᓱᖃᑦᓯᒍᑎᓂᒃ (ᖃᓪᓗᓈᑦ ᓄᓇᖓᓂ);
- ᑲᒪᒋᔭᖃᕐᓗᓂ ᐊᑐᐃᓐᓇᕈᕐᑎᑕᐅᓂᖏᓐᓂᒃ ᑲᑎᖕᖓᓂᓕᒫᓂ ᐊᓪᓚᖁᑎᖏᓐᓂᒃ, ᐱᑕᖃᕆᐊᓕᓐᓂᒃ ᐳᕐᑐᓂᕐᓴᓄᑦ, ᑲᑎᖕᖓᔩᑦ ᑲᑎᖕᖓᓂᖏᓐᓄᑦ, ᐊᒻᒪᓗ ᐊᕐᕌᒍᑕᒫᕐᓯᐅᑎᓄᑦ;
- ᑯᐊᐳᕆᓴᓐᒥ ᐊᓪᓚᖁᑎᖏᑦ ᐃᓚᐅᑎᓪᓗᒋᑦ ᑐᑭᑖᕈᑏᑦ ᐊᒻᒪᓗ ᑲᑎᖕᖓᒍᑎᕕᓃᑦ ᐊᓪᓚᑕᐅᒪᒍᑎᖏᑦ ᐱᐅᓕᐊᕐᑕᐅᑎᓗᒋᑦ ᕆᐊᖃᕐᓂᖏᓐᓄᑦ;
- ᑲᒪᒋᔭᖃᕐᓗᓂ ᐊᓪᓚᖁᑏᑦ ᐱᐅᓕᐊᕐᑕᐅᕕᖓᓂ ᐊᒻᒪᓗ ᑐᑭᓯᒪᔭᐅᒋᐊᓕᓐᓂᒃ ᐊᐅᓚᑦᓯᓂᕐᒧᑦ ᐊᓪᓚᕕᖓᓂ;
- ᐊᐅᓚᑦᓯᓗᓂ ᓄᓇᕕᒻᒥ ᐃᓄᐃᑦ ᑮᓇᐅᔭᖁᑎᖏᑦ 2, ᐳᕐᑐᓂᕐᓴᒋᐊᓪᓚᓂᒃ ᐃᓕᓐᓂᐊᑎᓄᑦ ᐃᑲᔪᕐᓯᒍᑎᓂᒃ;
- ᑲᒪᒋᔭᖃᕐᓗᓂ ᐱᓇᓱᑦᑕᐅᔪᓂᒃ ᑯᐊᐳᕆᓴᐅᑉ ᐊᓪᓚᕕᒻᒥ ᐱᓇᓱᑦᑎᖓᓄᑦ, ᐃᓄᒃᑎᑐᓕᕐᑎᕆᔨᓄᑦ, ᐊᒻᒪᓗ ᑲᑎᖕᖓᒍᑎᓂᒃ ᐊᓪᓚᑎᖓᓄᑦ;
- ᖃᖓᐅᓂᑦᓴᓕᐊᕕᓂᕐᓂᒃ ᒪᓕᑦᑕᐅᑎᑦᓯᓯᐊᕐᓗᓂ ᐅᖃᐅᓯᐅᑉ ᐁᑉᐹᓄᕐᑕᐅᔪᓂᒃ, ᑲᑎᖕᖓᒍᑎᕕᓃᑦ ᐊᓪᓚᑕᐅᒍᑎᖏᓐᓂᒃ ᐊᒻᒪᓗ ᖃᓄᐃᓘᕈᑎᑦᓴᓕᐊᕕᓂᕐᓂᒃ ᑐᑭᒧᐊᒍᑎᒦᑦᑐᓂᒃ;
- ᐃᑲᔪᕐᓯᓗᓂ ᐊᐅᓚᑕᐅᓂᖏᓐᓂᒃ ᐊᑦᑕᑐᕈᑏᑦ ᐊᓪᓚᕕᓂᒃ (ᖃᓪᓗᓈᑦ ᓄᓇᖓᓂ);
- ᐃᑲᔪᕐᓯᓗᓂ ᐱᒍᑦᔨᕕᐅᑉ ᐊᕐᕌᒍᑕᒫᕐᓯᐅᑎᒥᒃ ᑮᓇᐅᔭᕐᑑᑎᑦᓴᓕᐅᕐᓂᖏᓐᓂᒃ;
- ᐱᓇᓱᖃᑎᖃᕐᓗᓂ ᐃᓚᐅᔪᓕᒫᓂᒃ;
- ᐊᐅᓪᓚᑲᑦᑕᕈᓐᓇᓗᓂ, ᕆᐊᖃᓕᕈᓂ;
- ᐊᓯᖏᓐᓂᑦ ᐱᓇᓱᖃᑦᑕᓗᓂ ᐱᓇᓱᒐᕐᒥᓄᓕᖓᔪᓂᑦ ᐅᕝᕙᓗᓐᓃᑦ ᐱᓇᓱᖁᔭᐅᓕᕈᓂ ᐊᖓᔪᕐᖄᒥᓄᑦ.
Qualifications:
- ᐱᔭᕆᕈᑎᖃᕐᓗᓂ ᐊᒻᒪᓗ/ᐅᕝᕙᓗᓐᓃᑦ ᐃᓕᓐᓂᐊᓯᒪᓗᓂ ᒪᑭᑕᒐᓱᐊᕈᑎᒥᒃ ᐊᐅᓚᑦᓯᔨᐅᓂᕐᒥᒃ ᐅᕝᕙᓗᓐᓃᑦ ᐊᑦᔨᐸᓱᖓᓂᒃ ᐱᓇᓱᒐᕐᒥᒃ, ᐅᕝᕙᓗᓐᓃᑦ 4ᓂᒃ ᐊᕐᕌᒍᕐᓂᒃ ᐱᓇᓱᑦᑎᐅᓯᒪᑦᓴᓚᐅᕈᓂ ᐊᑦᔨᐸᓱᖓᓂᒃ ᐱᓇᓱᒐᕐᒥᒃ;
- ᓯᑕᒪᓂᒃ (4)ᓂᒃ ᐱᖓᓲᔪᕐᑐᓄᑦ (6) ᐊᕐᕌᒍᕐᓂ ᐱᓇᓱᑦᑎᐅᓯᒪᓗᓂ ᐊᑦᔨᐸᓱᖓᓂᒃ ᐱᓇᓱᒐᕐᒥᒃ;
- ᐱᐅᓯᑐᖃᖏᓐᓂᒃ ᐃᓄᐃᑦ ᖃᐅᔨᒪᒍᓂ ᐱᐅᔫᒐᔭᕐᑐᖅ;
- ᐃᓂᓪᓚᑎᕆᒍᓐᓇᓯᐊᕐᓗᓂ ᐱᓇᓱᑦᑕᐅᒋᐊᓕᓐᓂᒃ ᓯᕗᓪᓕᐅᔭᐅᖁᔭᐅᔪᓂᒃ, ᐊᒥᓱᓂᒃ ᐱᓇᓱᒐᑦᓴᓂᒃ, ᑲᔪᓯᑎᑦᓯᒍᓐᓇᓯᐊᕐᓗᓂ ᖃᖓᐅᓂᑦᓴᓕᐊᕕᓂᕐᓂᒃ, ᐊᒻᒪᓗ ᖃᖓᐅᓂᑦᓴᓕᐊᕕᓂᕐᓂᒃ ᒪᓕᓐᓂᒧᑦ ᐊᐅᓚᑦᓯᒍᓯᖃᕐᓗᓂ;
- ᐱᓇᓱᑦᑎᒪᕆᐅᓗᓂ/ᓯᓚᑐᔫᓂᕐᒥᒃ ᐱᐅᓯᖃᕐᓗᓂ ᐅᖁᒣᑦᑐᑎᒍᕐᓂᓂ;
- ᐊᓯᑦᔨᒋᐊᕈᓐᓇᓂᖃᑦᓯᐊᓗᓂ, ᐊᓯᒥᓂᒃ ᐃᓅᖃᑎᖃᕈᓐᓇᓯᐊᓪᓚᕆᓪᓗᓂ ᑲᔪᓯᐅᒐᑦᓯᐊᓂᐊᕋᒥ ᐊᑦᔨᒌᖕᖏᑐᓂᒃ ᐱᓇᓱᕝᕕᒥ ᖃᓄᐃᓕᖓᓂᐅᔪᓂᒃ;
- ᑲᒪᒋᔭᖃᑦᓯᐊᕈᓐᓇᓗᓂ ᐃᓄᓐᓂᒃ, ᐃᑉᐱᒋᔭᖃᑦᓯᐊᓗᓂ, ᐃᓅᖃᑎᖃᕈᓐᓇᓯᐊᕐᓗᓂ, ᐊᒻᒪᓗ ᐱᓇᓱᑦᑎᒪᕆᐅᓂᕐᒥᒃ ᓄᐃᑕᑎᑦᓯᖏᓐᓇᓕᒫᕐᓗᓂ;
- ᓯᕗᓕᕈᓐᓇᓯᐊᕐᓗᓂ ᐊᒻᒪᓗ ᐊᓯᒥᓂᒃ ᐃᓅᖃᑎᖃᕈᓐᓇᓯᐊᕐᓗᓂ;
- ᓄᓇᒃᑰᔪᕈᓐᓇᐅᑎᖃᕐᓗᓂ ᐊᑐᕈᓐᓇᓯᐊᕐᑐᒥᒃ;
- ᐊᑐᕈᓐᓇᓯᐊᕐᓗᓂ: Microsoft Suite (Excel, Word, PowerPoint, ᐊᓯᖏᓐᓂᓗ.) ᐊᒻᒪᓗDiliTrust;
- ᐱᖁᔭᒥᒃ ᓯᖁᒥᑦᓯᓯᒪᖕᖏᑑᓂᖓ ᓱᕐᖁᐃᓯᒪᒍᑎᖃᕆᐊᓕᒃ.
Benefits:
ᐱᕙᓪᓕᖁᑎᓕᒫᑦ ᐊᑐᐃᓐᓇᐅᑎᑕᐅᔪᑦ ᒪᑭᕝᕕᑯᑦ ᐱᓇᓱᑦᑎᖏᓐᓄᑦ ᐊᕐᕌᒍᓕᒫᒧᓕᖓᔪᑦ ᐊᓪᓚᑕᐅᒪᔪᑦ ᒪᑭᕝᕕᑯᑦ ᐱᓇᓱᑦᑎᓕᕆᕕᒻᒥ ᐱᖁᔭᖏᓐᓂ ᐅᑦᑑᑎᒋᓗᒋᑦ ᐅᑯᐊ:
| § ᐱᔭᕆᐊᑭᓪᓕᑎᕐᓯᒪᔪᑦ ᐃᓄᑐᖃᐅᓂᕐᒧᑦ ᕿᑲᕐᓂᐅᑏᑦ | § ᓂᖀᑦ ᖃᖓᑦᑕᔫᒃᑰᕈᑎᖏᑦ (ᓄᓇᕕᒃ): ᐅᓄᕐᓂᐹᖃᕐᓱᑎᑦ $6,500 |
| § ᐊᒥᓱᐃᓄᑦ ᐃᒻᒪᖃᐅᑎᑦ | § ᐅᕐᓱᐊᓗᒻᒥᒃ ᐃᑲᔪᕐᓯᒍᑏᑦ (ᓄᓇᕕᒃ): ᐅᓄᕐᓂᐹᖃᕐᓱᑎᑦ $3,500 |
| § ᕿᑲᕐᓀᑦ: ᐱᒋᐊᕐᓱᓂ 20ᓂᑦ ᐅᓪᓗᓂᑦ | § ᐊᐅᓪᓚᓂᕐᓄᑦ ᐱᕙᓪᓕᖁᑏᑦ: ᐅᓄᕐᓂᐹᖃᕐᓱᑎᑦ $25,000 |
| § ᖃᓂᒪᓂᕐᒧᑦ: 15 ᐅᓪᓗᐃᑦ | § ᓯᕿᓂᕐᒦᑐᓄᑦ ᐃᓪᓗᒥᒃ ᐃᑲᔪᕐᓯᒍᑏᑦ: ᐅᓄᕐᓂᐹᖃᕐᓱᑎᑦ $12,000 |
| § ᐅᖓᓯᑦᑐᒥᐅᖑᓂᕐᒧᑦ ᐃᑲᔪᕐᓯᒍᑏᑦ (ᓄᓇᕕᒃ): ᐅᓄᕐᓂᐹᖃᕐᓱᑎᑦ $20,800ᓂᑦ |
ᒪᑭᕝᕕᑯᑦ ᑐᕌᒐᖃᕐᐳᑦ ᑕᑯᓐᓈᓂᕐᓴᐅᕕᖃᕐᓂᐊᕆᐊᒥᒃ ᑫᓪᓗᑐᐃᓂᕐᓴᐅᓗᑎᓪᓗ ᐃᓄᓂᒃ ᐃᓚᐅᔪᓂᒃ ᔦᒥᔅᐯᑉ ᐊᖏᖃᑎᒌᓐᓂᖓᓄᑦ ᐱᓇᓱᒐᑦᓴᓯᐅᕐᑐᖃᓕᕐᐸᑦ.
ᓇᑯᕐᒦᐳᒍᑦ ᑖᑦᓱᒥᖓ ᐱᓇᓱᒐᕐᒥᒃ ᐱᔪᑦᓴᐅᔮᑐᓕᒫᓂᒃ.
ᐊᐱᕆᒐᑦᓴᐅᔪᕆᔭᕗᓐᓂᒃ ᑭᓯᐊᓂ ᐅᖄᓚᕕᖃᕐᓂᐊᐳᒍᑦ.
Are you interested in this position?
You can apply by filling in the form below.
You can apply by visiting our website at www.makivik.org/jobs